رواية الوقح والراقية جزء 1 للكاتبة ياسمين علاء الدين الفصل الخامس والثلاثون
بعد المشكله الاخيره قررت شذي ان تترك هذه المنطقه
فيصل: مش هنمشي. ريحي نفسك
شذي بغيظ: هنمشي يا فيصل. مش هستني اما حد من ولادي يحصله حاجه. ولا يقتل حد ويدخل السجن
فيصل: متكبريش المواضيع.
شذي: المواضيع اصلا كبيره. المنطقه هنا بقت وحشه. اللي بيشرب واللي بيبلطج على التاني وانا مش هقعد هنا
فيصل: وانا مش همشي من هنا
شذي: ليه. الناس كلها بتتقدم وبترتقي بعيشتها وانت عاجبك المكان هنا.
فيصل بسخريه: بترتقي. اقعدي بس وانتي عامله فيها مذيعه من القناه الاولي. يا ام ترتقي انتي
شعرت بان ضغط دمها اصبح عالي: انت هتشلني. انا هاخد ولادي وهمشي من هنا يا فيصل
فيصل: وانا وولادي مش هنمشي من هنا. عايزه تمشي. امشي انتي
رفعت عينها إلى عينه بصدمه
فيصل: اللي عنده قولته. عايزه تمشي امشي من غير الولاد. والباب يفوت جمل.
تركها وخرج. لتجلس هي على الفراش تبكي هي خائفه على اولادها وهو لا يهمه الامر.
اما الولاد فكانو يسمعون من الخارج صوت فيصل كان عالي ووصل إلى مسامعهم
كانت تبكي بحرقه وهي تفكر في الامر. هي تخاف على اطفالها فقط لا يهمها شئ اخر. وكيف سترحل وتتركهم
انفتح الباب ودخل صخر وجبل ومريم التي كانت تبكي
مسحت دموعها لتضم مريم بحنان وهي تنظر إلى الفتيان بحزن على ما فعلوه
صخر: ماما.
شذي: متقولش ماما. انت مش بتسمع كلامي.
جبل: انتي فاهمه غلط.
شذي: وايه هو الصح. استني لحد اما تقتلو حد وله حد منكم يحصله حاجه. تفتكر هفرح وانتم فيكم حاجه.
صخر: عايزانا مش رجاله ونسكت على حقنا
جبل: احنا لو معملناش كده في المنطقه الناس هتاكلنا
شذي: هنمشي من هنا. مش هقعد انا واشوفكم وانتم بضيعو من ايدي، انا تعبت في تربيتكم. وانتم بكل سهوله عايزين تدمرو كل تعبي
انا هموت لو حد فيكم حصله حاجه
(بكت بحرقه اكثر وهي تقول هذا الكلام. اقترب الاثنان وقبلو يدها وجبينها).
صخر لمريم: ابعدي كده يا زفته
لتقف بعيدا وهي تهمس: رخم
جلس الاثنان وهي ضمتهم ببكاء
صخر: متعيطيش بقي.
جبل: احنا اسفين.
صخر: بس يرضيكي الواد يخوف حياه مش هي اختنا برضو.
شذي: لا ميرضنيش. وانا مش بتلكم على حياه. انا خايفه عليكم. افهمو بقي
جبل: فاهمين يا حبيبتي. بس متعيطيش
صخر: هنعملك كل اللي انتي عايزاه
شذي: هنمشي من هنا
صخر: بابا مش موافق.
جبل: احنا هنحاول نقنعه اقتنع هنمشي. مش اقتنع. هنقعد هنا بس مش هنعمل مشاكل
قبلها الاخر من وجنتها: يا ختي عسل.
ضحكت هي.
جبل: ليه حق فيصل يغير عليك يا قمر
شذي بخجل: بس يا ولد انت وهو
مريم ضحكت واقتربت قبلتها ايضا: حبيبتي يا مامي
ضمتهم الثلاثه بحب: ربنا يخليكم ليا واشوفكم احسن الناس يارب.
الثلاثه: يارب يخليكي لينا
تنهدت شذي: اوعدني انت وهو انكم هتتغيرو وتبطلو مشاكل. واي مشكله تحصل تفكرو بعقلكم قبل ايدكم.
جبل: اوعدك
صخر: اوعدك
شذي: ربنا يهديكم ويبعد عنكم كل شر
مريم: يارب يا مامي.
صخر: واشمعانه الزفته دي. متتغيرش كمان
شذي: دي هي اللي فيكم. بتسمعي كلامي. والواد عمير
صخر: عمير ده عنده سنتين يا ماما. هيعمل مشاكل ايه
شذي قفزت: فين اخوكم
نظرو الثلاثه إلى بعض
ليركضو في الشقه يبحثون عن الصغير وهي تنادي عليه باسمه
واخيرا بعد ساعه وجدوه في خزانه الملابس ينام بها
صخر: اخنقه وله ارميه من الشباك.
جبل: انا رائي نعلقه ع باب البيت
شذي وهي تضمه بدموع: هتشلوني حرام عليكم.
مريم: معلش يا مامي. اكيد خاف من صوت بابي واستخبي في الدولاب
شذي وهي تضم الصغير بقوه وخوف: الحمد لله انكم بخير.
جلست بتعب: كفايه انهارده كده. وكل واحد يدخل اوضته ومش عايزه اشوف حد فيكم بره
ضحكو عليها
جبل: انا جعان
صخر: وانا
شذي بجديه وغيظ: عندك جبنه في التلاجه.
صخر بغناء: رد رسمي لاي حاجه.
جبل بغناء: عندك جبنه في التلاجه هي حاجه وهما حاجه.
مريم بتشارك: طيب افرض اما تفرض اي جبنه في سندوتش
صخر: جبنه تفرق جبنه تفرق جوه العيش ما فرفتتش
صرخت بهم شذي: على اوضكم.
ليركض إلى غرفهم وهم يضحكون
(وده كان اعلان لجبنه عبور لاند ) قالها صخر الذي فتح الباب
ليجد الشبشب الطائر ملتصق في وجهه
شذي: شويه جزم.
دخلت غرفتها ووضعت عمير الصغير بجانبها بعد ان اطعمته ونام
دخل فيصل ليجد عمير بجانبها: من امتي وانتي بتنيمي حد بينا
شذي: من انهارده.
فيصل: ده عقاب يعني. فاكره بكده هتأثر
شذي لم ترد
فيصل: اما اكلمك تردي يا شذي. وله عايزاني اخليكي تردي باسلوب تاني
شذي بزعل وعتاب: لو مضايق ممكن انزل انام تحت عند عمو جبل. علشان الباب يفوت جمل زي ما قولت
ضحك لتشعر بفوران دم باااارد.
فيصل: بطلي هبل. دخلي الولد في سريره واتعدلي يا شذي
شذي: والله انا معدوله. وله انت مش واخد بالك. وله يمكن تكون زهقت مني وعايز تغير.
رفع حاجبه
شذي: قول. متخبيش في قلبك.
ابدل ملابسه و توجه إلى السرير وحمل الصغير ليضعه في سريره. ثم تمدد بجانبها
كانت ستخرج من الفراش ليمسك يدها ويجذبها إلى الفراش بقوه لتتالم: اااه
لف شعرها على يده: رايحه فين
شذي: هنام في مكان تاني
فيصل: وده من امتي.
شذي: من وقت اما طردتني من الشقه
فيصل: الشقه دي شقتك لو زعلانه امشي انا.
نظرت له بعتاب ليكمل: امشي
شذي: لا مش شقتي. دي شقتك. وانت طردتني منها. وقولتلي كمان امشي واسيب الولاد. انا مش مهمه عندك
فيصل: هبل قولته وانا متعصب. وانتي عارفاني ومستحمله كل السنين دي. هتيجي دلوقتي وتستهبلي
جذبها لاحضانه وقبل راسها
فيصل: خلاص بقي يا بسكوته متزعليش.
ابتسمت رغما عنها.
رفع وجهها وقبلها.
مع مرور الايام
نجح الفتيان في الثانويه بمجموع كبيرر
اختار صخر كليه الهندسه قسم ميكانيكا
جبل اختار قسم المعماري
اصبحت مريم في المرحله الاعداديه
حياه في الصف الثالث الثانويه
حازم في الصف الثاني الثانوي
حاتم في الابتدائيه.
صوت فيصل الغاضب خرق سمعها. لتمتفض من مكانها
شذي بخوف: مريم خلي بالك من عمير
ارتدت الاسدال سريعا وفتحت الباب لتنزل وتري ما يحدث
لتجد فيصل بيده الحزام ويضرب في صخر
لتشهق وتقف امامه: انت بتعمل ايه
فيصل بغضب: ابعدي عني
صرخت عندما لمس جسدها الحزام.
ليضمها صخر هو.
جبل اقترب منهم وضمهم هو الاخري لينهال عليه بالضرب
لم يخلصهم من يده سوي. جبل الجد
جبل: نزل البتاع ده. كفايه كده.
كانت تبكي وهي تضم اولادها الذين يتالمون.
فيصل بقوه: على فوق
صعدو الثلاثه.
شذي ببكاء: عملت ايه يا زفت منك ليه
لم يتحدثو وتوجهه إلى غرفتهم ليخلع صخر التيشرت
وجبل ايضا ويقفون امام المرآه
دخلت شذي لتشهق بخوف: حد يتكلم ويقول هببتم ايه.
فيصل: الحيوان بيشرب سجاير
الجد: شاب وبيجرب. تضربه وله تتكلم معاه بالعقل
فيصل: عقل ايه يابا. هما خلو فيا عقل. كل يوم مصيبه شكل.
الجد: يا بني صاحبه احسن. الشباب بتبوظ بعض. فهمو ايه الصح من الغلط. متسبهوش لدماغه.
مسح فيصل على وجهه بغضب: فهمتهم واتكلمت معاهم وصاحبتهم. اما جسمهم يتكسر ويوجعهم هيخافو يعملو الغلط
الجد: هيحافو قدامك بس من وراك هيعملو.
وقف فيصل: يعملوها تاني وانا مش هخلي في جسمهم مكان سليم.
الجد: يا بني دول رجاله دلوقتي بلاش تستخدم العنف.
فيصل: ماشي يابا. هسمع كلامكم وربنا يهديهم.
في الاعلي
كانت شذي تبكي وهي تضع على جروح اولادها المرهم
صخر: اااه. ايدك
شذي بدموع: معلش يا حبيبي
جبل: ااه يا ماما براحه
شذي: والله براحه. استني بس في مكان هنا
مريم كانت تبكي ايضا ليقترب عمير ويضع يده على ظهر صخر الذي صرخ: اااه يا ابن
دخل فيصل بغضب: يا ابن ايه. كمل
انتفض الجميع
لتنظر له شذي بحزن ودموعها لم تتوقف
لم يعيرها انتباه ونظر اللي الاثنان وجسدهم الذي انتشر به الجروح والعلامات الزرقا.
تضايق ووجع قلبه على منظرهم.
فيصل: احسن تستاهلو وتاني مره اشوفك يا حيوان بتمسك سجاير تاني هقطع ايدك اللي مسكتها بيها، اما انت ياجبل فتستاهل علشان تشوف اخوك يعمل الغلط وتداري عليه
اخفض الاثنان راسهم.
خرج وتركهم ليدخل غرفته ويجلس بضيق.
: استغفر الله العظيم. شكلي اتغبيت اوي عليهم.
نظر إلى الحزام الذي في يده ليجده ممزق. ليرميه في الارض
مر اليوم وشذي لم تخرج من غرفه اولادها.
ضمو السريران على بعض. لتنام في المتتصف والاثنان في احضانها
شذي: هو ده وعدك ليا يا صخر. مش قولتلي هتتغير
صخر بمزاح: ما انا اتغيرت. مكنتش بشرب سجاير وشربتها
شذي بدموع: انا زعلانه منك.
جبل: خلاص يا ماما. بلاش تعيطي كده. بضايق
شذي: يعني كويس اللي حصلكم ده. تشرب سجاير وتدمر صحتك.
صخر: هي مره وقولت اجربها مش هعمل كده تاني.
شذي: ربنا وقعك في شر اعمالك وباباك عرف.
جبل: اه. ده ايده تقيله اوي.
قبلت راسه: معلش يا حبيبي.
فتح الباب لينظر لهم بشر: مش عيب عليك يا شحط منك له تنام جنب امك
شذي: لا مش عيب اولادي. ومتعورين.
فيصل: يستاهلو. علشان قبل ما يعملو الغلط يفتكرو الوجع ده
لم يتحدث الاثنان
فيصل: قومي على اوضتك.
نظرت له بضيق ليصرخ بها. انتفضت من ع الفراش
ووقفت. ليخرج: ورايا
شذي لاولادها: فاكر اما يزعق هخاف منه.
فيصل من الخارج: شذذذذذي
لتركض سريعا: جاااايه اهو
ضحك الولدان عليها.
دخلت الغرفه وهي تنظر له بغضب ليشد على يدها
فيصل: ازاي تنامي وسطهم
شذي وهي تحاول تجذب يدها: ولادي
فيصل: ولادك. كل واحد فيهم بقي طول الباب. لو اتكررت هكسر عضمك.
شذي: اووف. انت كل حاجه عندك عنف كده. مفيش حاجه اسمها تفاهم
فيصل: لا مفيش.
شذي: انا اصلا زعلانه منك علشان انت ضربتهم جامد. وكمان ضربتني.
انزلت طرف البيجامه على كتفها لتريه العلامه الزرقا
: شوفت وهما يا عيني جسمهم مقطع.
فيصل: احسن علشان تتعلمي متتدخليش تاني بيني وبينهم.
شذي: اسبيهم يعني تضربهم.
فيصل: كان لازم يتعاقب.
شذي: عاقبه باي حاجه. غير الضرب يا فيصل. الولد بقي راجل.
فيصل: اللي حصل بقي. متتكلميش كتير علشان اصلا مضايق اما شوفت جسمهم
شذي: صلحهم بقي
فيصل: لا طبعا. هما اللي يجو يتاسفو
لم يكمل كلمته ليسمع صوت الباب
فيصل: ادخل
دخل الاثنان وعينهم لاسفل: اسف يا بابا
هذا ما قاله صخر ليكمل: مش هكررها تاني
جبل: احنا اسفين.
ابتسمت شذي: تعالو
اقتربو منها كانت ستقبلهم ليمسكها من مؤخره راسها ويبعدها
فيصل: المره دي بس اللي هسامح. بعد كده هعلقك انت وهو فوق السطوح وهنزل ضرب فيكم لحد اما كل عضمه من جسدكم تتكسر
حرك. الاثنان راسهم
فيصل: يلا روحو نامو
اقترب الاثنان وقبلو يده. ليبتسم لهم: ربنا يهديكم. ياض انت وهو عايزكم رجاله. لو جرالي حاجه مين هيحمي امكم واختكم واخوكم الصغير ده
شذي: طول العمر ليك يارب
صخر وجبل: بعد الشر عنك...
صخر: انا اسف لحضرتك مش هتكرر تاني.
فيصل: انا هثق فيك
قبلو يده وخرجو ال ي غرفهم.