رواية الوقح والراقية جزء 1 للكاتبة ياسمين علاء الدين الفصل الثاني عشر
استيقظت من النوم بنشاط لترتب فرشها
لوزه: شذي. شذي. اصحي بقي
فتحت الاخري عينها: صباح الخير
لوزه: صباح النور. يلا قومي ساعديني عشان نفطر وتقوليلي هلبس ايه عشان اخرج مع سي عبده
شذي بعدم فهم: مين
لوزه: سي عبده. بندق يعني
شذي: سي عبده. يكي
تركتها واتجهت للحمام وهي تقلدها
ليصعدو بالفطار إلى الاعلي.
شذي بدلع وهي تقلد لوزه: سي فيصل. هو انت مش هتاكل
احمر الاخر من طريقتها. لوزه فهمت انها تضايقها
لوزه: يا رخمه.
ضحكت شذي وهي تخرج لسانها لها.
اما الاخر فصك ع اسنانه لا يجب ان تفعل هذا: ايه قله الادب دي. والمياعه والمياصه انتي بتتكلمي كده ليه
خافت هي من صوته وملامحه الغاضبه. لتترك الطعام وتقف بخوف: ءءانا كنت بهزر
ليرمي الصينيه على الارض بغضب (اوفر اوي)
صرخت شذي ولوزه ووقفو بجانب بعض. وهي ترتجف من الخوف وهذا ما زاد غضبه
فيصل: ما تتكلميش بالاسلوب ده تاني. ويلا على تحت.
ركضو الفتاتان سريعا من امامه بخوف. ليدلفو الشقه ويغلقو الباب خلفهم
جلست وهي تبكي. لوزه تضمها وترتجف هي ايضا.
اما الحاج جبل فكان للتو مستيقظ من النوم هو وتهاني
ليصلي صلاه الضحي ويتناول الافطار معاها وهم يضحكون.
فيصل بيكلم نفسه: غبي ومتخلف. انت كده بتخوفها اكتر منك. هي كانت بتضحك
بس برضو مفروض متقولش كده تاني. قالتها حلو اوي. وانا مش مفروض افكر فيها بالطريقه دي. مش هينفع.
خرج يلكم كيس الملاكمه الذي يضعه في ركن من السطح
حتي جرح يده. ليدخل إلى غرفته اخذ حمام وارتدي ملابسه
ونزل لاسفل ولكنه توقف عند الدور التي تقطن به
ليرن الجرس فهو يريد ان يراها قبل ان ينزل ويعتذر او لا
فتحت لوزه ونظرت له بصمت
فيصل: هتخرجي الساعه كام
لوزه بزعل: الساعه 6
فيصل: ساعتين وترجعي. ومش عايز قله ادب. هو اه كتب الكتاب بس لسه انتي مش مراته
لوزه: حاضر.
فيصل وهو ينظر بالداخل ولم يراها: اطلعي روقي الاوضه وخدي الهدوم المتعلقه اغسليها
لوزه: طيب
فيصل: وافردي وش اهلك ده على الصبح. (اصيل )
تركها ونزل لتغلق الباب: تنح اقسم بالله
دخلت لشذي: خلاص بقي يا شوشو. هو كده على طول
شذي: بس انا معملتش حاجه. انا كنت بهزر واضحك
لوزه ؛ معلش هنعمل ايه. ربنا يهديه
شذي: يارب.
صعدت لوزه وشذي بعد ان تناولو الافطار في الشقه
شذي: هيرجع تاني.
لوزه: لا. هو خلاص نزل ومش هيجي غير بليل
شذي دخلت غرفته لتجد مجموعه العطور الخاصه به واشياءه مترتبه. نظرت للغرفه
شذي: وقح برضو. لوزه هتعملي ايه.
لوزه: هاخد الهدوم اللي عايزه تتغسل و اغير فرش السرير
كانت تفتش في ملابس
شذي: انتي بتفتشي في هدومه ليه
لوزه: عشان لو في اوراق او فلوس مغسلهاش وتبوظ ويطلع عيني.
شذي: اهممم. طيب اساعدك في ايه.
لوزه: معلش افرشي السرير. وانا هنزل الهدوم دي اغسلها والم الاكل اللي بره ده اللي رماه
شذي: ماشي
خرجت لوزه ونظفت في الخارج وبعدها اخذت الملابس ونزلت لشقه لتغسلهم سريعا قبل ان تخرج مع بندق.
عاد من الخارج لانه نسي هاتفه، صعد ووجدها في الغرفه
كانت تفرش السرير. انتهت واخذت الفرش القديم وكانت ستخرج لتجده يقف ع الباب.
شهقت بخوف وترجعت للخلف وهي تشعر بدقات قلبها تسرع
فيصل: بتعملي ايه
شذي: ءءء
صك ع اسنانه لرؤيتها خائفه هكذا
فيصل: اتكلمي ومتخفيش مش هاكلك
لتبكي هي: مش هتاكلني بس بتزعقلي جامد وانت عارف اني مش بحب حد يزعقلي.
فيصل: محدش يقدر يزعقلك
شذي: انت زعقت
فيصل: محدش يقدر غيري انا بس اللي بزعق.
شذي بغيظ: ابعد كده انا اصلا مش بكلمك. وعايزه انزل ومش عايزه اشوف وشك. تاني
اغلق الباب ووقف امامها بتحدي: عيدي كده قولتي ايه.
شذي: لو سمحت. افتح الباب. مينفعش خالص اللي بتعمله.
فيصل: بعمل ايه. انا واقف بعيد عنك
شذي: بس قفلت الباب
فيصل: بس ملمستكيش
لم تتحدث. فيصل: افهم انك زعلانه مني
شذي: ومش هكلمك. لسه قايله كده
فيصل: لا مش هيحصل. عشان انتي طيبه.
شذي: لا انا شريره ومش هكلمك.
ابتسم: متزعليش مني.
نظرت له. فيصل: مش هزعق تاني
شذي: انا مش فاهمه. اصلا انت زعقتلي ليه. انا كنت بهزر.
واه صح شتمتني على فكره
شهق هو بانكار: اناا. محصلش.
شذي: حصل. قولتلي قله ادب ومايعه ومايصه.
فيصل: لا محصلش.
شذي: حصل. انا سمعتك
فيصل: احم. مش هقول كده تاني. انا اتعصبت شوبه
شذي بتريقه: شويه
فيصل: اتعصبت وخلاص.
شذي: ليه. بقي احنا كنا بنضحك
فيصل: خلاص يا شذي متضيقنيش.
شذي: نعم انت اللي هتضايق. انت يا استاذ اللي زعقتلي وشتمت. وانا زعلانه اوي اوي
فيصل: اصالحك ازاي.
شذي: ابعد كده. انا عايزه انزل مش انا قليله الادب، خلاص متتكلمش معايا
فيصل: انتي متربيه انا قليل الادب.
نظرت له: لا. ابعد عايزه انزل
فيصل: مش هتنزلي غير اما نتصالح....
شذي: متحولش..
فيصل: طيب على فكره بقي. انا لاقيتلك الشغل اللي انتي عايزاه
شذي: بجد فين.
فيصل: هقولك. بس لسه زعلانه
شذي: مش مهم.
فيصل: لا مهم. مش عايزك تزعلي مني. خلاص بقي
شذي: ماشي بس لو عملت كده تاني مش هكلمك
فيصل: وانتي متتدلعيش تاني. عشان لو حد شافك هيقول حاجه وحشه. وانا مش هسمح بكده
شذي: حاضر مش هقول كده تاني. قولي بقي هشتغل فين
فيصل: هخليكي تمسكي حساب المحل وتكوني المحاسب بتاعي و هقبضك كل اسبوع
شذي بفرحه: بجد.
فيصل: اه بجد
شذي: شكرا اوي يا فيصل. ربنا يخليك
فيصل: شدي حيلك انتي وركزي.
شذي ؛ متخفش هركز والله بس انت ليه هتقبضني كل اسبوع. مش مفروض اقبض كل شهر.
فيصل: لا انا بقبض كل اسبوع.
شذي: ماشي. هنبتدي من امتي بقي
فيصل: بليل هجبلك الفواتير وانتي احسبيهم. تمام يا باشا.
شذي: تمام يا اسطي
ضحك: مهما حاولتي مش هتعرفي تكوني زينا
شذي: ليه بقي.
فيصل: عشان انتي بسكوته رقيقه.
شذي: بكره تشوف. هشتغل معلمه واتكلم زيك واحسن منك كمان.
فيصل بحب: اما نشوف يا معلمه
شذي: هتشوف. هتندم على كل ده يا اسطي.
ضحك: اسمها يا سطي. شدي على سين.
شذي: يا سسسسطي
فيصل: في امل ضئيل.
اخرجت لسانها له: بس في امل.
شذي: انا هخرج ومتنساش بليل تجبلي الحسابات يا سطي
فيصل: حاضر يا معلم شذي.
ابتعد لتفتح الباب وتخرج ولكنها توقفت ونظرت له: انت فطرت
فيصل: لا
شذي: طيب اجبلك فطار
فيصل: لا متتعبيش نفسك. انا هنزل افطر اي حاجه.
شذي: هتفطر ايه يعني
فيصل: اممم. ممكن كشري
لمعت الفكره في عينها: انا نفسي اكل كشري في محل
فيصل: لا. هجبلك علبه.
شذي: عشان خطري يا فيصل. نفسي اكل في محل
فكر هكذا ستخرج ويراها الناس ليكشر ؛ لا.
زعلت: كده. ده انا بقولك عشان خطري. ربنا يسامحك
نفخ: برضو لا.
لتنزل وهي تبرطم وتشتمه لرفضه.
شذي: البارد التنح. كل حاجه لا.
لوززه وهي تنشر الغسيل: في اي تاني
شذي: قبلت اخوكي ورفض اروح اكل كشري في المحل
لوزه: الله. انتم مش متخانقين وقالتي مش هكلمه تاني
شذي: احنا اتصالحنا واتخنقنا تاني عشان الكشري.
ضحكت لوزه: والله انتم مجانين. بتتخنقو وبتصالحو في اليوم ميت مره
شذي: هو المجنون والله. خلصتي
لوزه: اه
شذي: طيب يلا عشان نشوف هتلبسي ايه وتظبطي
اختارت له طاقم خروح. وجهزتها ووضعت لها ميكاب
شذي: كده خلصنا. قمر
لوزه وهي تنظر لنفسها: تسلم ايدك. انتي القمر.
رن الهاتف لتجده بندق
لوزه: حاضر. هنزل. سلام
ارتدت الحجاب ونزلت سريعا بعد ان قبلت شذي.
كان جبل يقف معه ويتحدث
بندق: الله اكبر.
ضحكت هي
جبل: ولا. خلي بالك منها ومتتاخرش
بندق: في عيني يابا.
قبلت يد والدها وصعدت بالسياره بجانب بندق
الذي انطلق سريعا بها
بندق: انتي كل يوم بتحلوي عن اليوم اللي قبله كده
لوزه: شكرا
قبل يدها وطول الطريق كان ممسك بيدها ليذهبو إلى المطعم يتناولون به الطعام.
جبل خرج ليذهب إلى المحل.
تهاني صعدت لتجلس مع شذي.
في المحل
فيصل وجد والده داخل عليه
فيصل: الله. انت لحقت تزهق يا حاج وله تعبت
ليضحك جبل: وله. ام نفسك انا صحتي احسن منك يا حيوان
فيصل: ونزلت ليه
جبل: قولت اشوف شغلي. وبالمره اخر الاسبوع نروح نغير جو كلنا. نطلع يومين كده اسكندريه
فيصل: ها. لا. روح انت ومراتك وسيب البنات معايا
جبل: وليه يعني ملهمش نفس يغيرو جو
فيصل: انتم عايزهم يخرج والناس يشوفوهم
لينظر إلى ابنه: انت ياض بتتكلم على شذي مش اختك.
بس هي كمان من حقها تخرج انت هتحبسها في البيت
فيصل: يابا
جبل: متبقاش قفل. خليك دبلوماسي كده زي. الست محتاج اللي يخاف عليها ويحميها بس بذكاء متخنقهاش وتحبسها. عشان متزهقش منك ومن سجنك. خرجها وانت معها راجل هتحميها. مفيش واحد يستجري يبصلها وهي معاك واللي يعملها ادبه ويبق ليك حق
فيصل: انت معلم واحنا منك نتعلم
جبل: شوف الولد ابن. بفهمك وانت حمار.
ضحك فيصل.
في البيت
كانت تهاني تعد الغداء وشذي تقف بجانبها
شذي: داده. عايزك اسالك على حاجه
تهاني: اسالي
شذي: انا حاسه اني متلغبطه. مش فاهمه ليه
تهاني: اممم. يمكن تكوني بتحبي
شذي: ها. لا. بحب مين يعني. مفيش حد احبه
تهاني: وفيصل
شذي: ده وقح
ضحكت تهاني: بس حنين وراجل ومش ممكن يتخلي عنك. لو تعبتي هتلقيه في ضهرك.
شذي: بس في فرق كبير بينا.
تهاني: طيب هقولك على ابسط حاجه. اما حصلت المشكله وتعبتي مين اول واحد جري عليكي وشالك وفضل سهران جنبك
شذي: فيصل
تهاني: اما باباكي ومامتك ماتو. باهر ومامته كاميليا عملو ايه. مع ان دول اكتر ناس باباكي ومامتك كانو بيسعدوهم. وياما وقفو جنبهم. مفروض كان عمل اي في الظروف اللي انتي فيها
شذي نظرت لها بحزن وجواها كثير من المشاعر المتناقضه
لتتركها وتدخل إلى الغرفه.
مع لوزه وبندق
كانت في مدينه الملاهي مع بندق في احد الالعاب وهي تضحك
انتهو من اللعبه.
لتجلس بتعب: انا بقالي كتير اوي مجتش هنا. اخر مره كان عندي 10 سنين
بندق وهي يضع يده على كتفها ليضمها اليه: اي حاجه نفسك فيها قوليلي بس وانا اعملهالك
لوزه: يعني مش هتتغير اما نتجوز
بندق: مش هيحصل. عشان لوزتي بتعرف تخليني دايما مشغول بيها
ابتسمت له بحب.
لوزه: امم. هنعمل ايه تاني.
بندق: نفسك في ايه
لوزه: اكل ايس كريم.
بندق: ناكول. ايس كريم.
عاد فيصل وجبل من الخارج
لتستقبلهم تهاني
فيصل: فين البنات
تهاني؛ شذي نايمه. ولوزه لسه مرجعتش
خلعت العبأئه عن جبل. لتعلقها بالداخل.
جبل: تسلمي
تهاني: الاكل جاهز احطلكم
جبل: اه.
فيصل: هي شذي تعبانه وله ايه يا خالتي
تهاني: انا صحيتها. بس هي قالتلي اسبها عشلن عايزه تنام
جبل: في ايه ما تسبيها
فيصل: اصلها مش بتنام في الوقت ده
جبل: يا راجل وايش عرفك
فيصل: عارف وخلاص. اكيد تعبانه.
جبل: ملكش دعوه. سبيها وشويه لوزه هتيجي وهتصحيها غصب عنها
فيصل: الزفته التاني قولتلها متتاخرش
جبل: مع جوزها مش واحد غريب
فيصل ؛ لسه يابا. اما تكون في بيته
اتصل فيصل على بندق ليكنسل كان يقف اسفل البيت مع لوزه
بندق: اطلعي
لوزه: حاضر
بندق قبل يدها: بحبك
لوزه: وانا كمان
لتصعد بخجل وهي تضحك وتحمل ورد وحقيبه بها انواع من الشوكولاته والحلويات
لوزه: سلام عليكم
الكل: وعليكم السلام
قبلت والدها. لوزه: توتي فين شذي.
جبل: مبن توتي
لوزه: زوجتك يا ابي العزيز
فيصل: نايمه والهانم اتاخرت ليه
لوزه: عشان كنت بتفسح روحت الملاهي ولعبت كتير انا وبندق. وكان يوم حلو اوي
فبصل: ماشي يا ختي. متتاخريش تاني
لوزه: حاضر.
تهاني: اقعدي كلي
لوزه: لا مش قادره كلت كتير. هطلع اغير وانام تعبت من اللعب
فيصل: تافهه انتي والتاني
لوزه ؛ وايه التافهه في الموضوع. بندق بيشوف الحاجه اللي بحبها وبيعملها.
تهاني: ربنا يسعدكم.
صعدت لوزه. جبل: شفت. هو ده الراجل يكون صارم بس حنين
فيصل: مليش انا في السهوكه
جبل: ياض انت مخك مقفل ليه. خليك ناصح
فيصل: ماشي يا حاج. انا طالع. تصبحو على خير.
تهاني: وانت من اهله.