رواية الوقح والراقية جزء 1 للكاتبة ياسمين علاء الدين الفصل الثالث عشر
يوم جديد بدا.
ليجمعهم جبل معا في شقته ليتناولون الافطار معا
نظر فيصل إلى شذي التي تبدو هدئه ولا تتحدث مع لوزه او تهاني.
تناولو الافطار ودخل جبل ومعه تهاني لتساعده ان يرتدي ملابسه
شذي ولوزه خرجو من الشقه
ليخرج خلفهم فيصل. وهو ينادي على شذي: شذي
نظرت له: نعم
فيصل: مسالتيش على الحسابات. مش اتفقنا انك هتمسكي الحسابات وترجعي الفواتير
شذي: اه. اسفه نسيت
فيصل: طيب يلا تعالي معايا فوق وخدي الحاجه.
لوزه كانت ستصعد معاهم
فيصل: لوزه اعمليلي قهوه
لوزه: حاضر. هعمل القهوه واطلع وراكم
فيصل: ماشي
صعد هو وشذي لينظر له: مالك
شذي: مفيش
فيصل: لا في. يعني انا مش عارفك. مضايقه ليه.
لا رد
فيصل: شذي انتي لسه زعلانه مني.
لتحرك راسها: لا.
فيصل: طيب مالك بس. زعلانه كده ليه.
شذي: انا مش زعلانه
فيصل: طيب مضايقه ليه
رفع خصله شعرها خلف اذنها: قولي بقي. هفضل اتحايل عليكي كتير.
شذي: مش هتفهني
فيصل: جربي واحكي وبعدين احكمي
شذي: فيصل انا حاسه اني متلخبطه. فجاه كده الحياه كلها باظت والكل اتخلي عني وبعدين لاقيت نفسي في مكان تاني مع ناس تانيه. هناك كنت بتعامل زيهم. وهنا كل حاجه متغيره.
فيصل: بس كل ده شيئ طبيعي. احساس انك متلخبطه ده عادي جدا. وبعدين احنا مش من عالم تاني.
شذي برقه: انتم احسن وانضف من اي حد
ابتسم لها: بت انتي انشفي شويه وبطلي الطريقه دي
ابتسمت: طريقه ايه
فيصل: الرقه. وبتتكلمي كده
لتنظر له بغيظ: هتقولها تاني
فيصل ضحك: مقولتش حاجه. متفكريش في حاجه وسيبي كل حاجه تمشي زي ما ربنا عايز. ارضي باللي كاتبه وهتلاقي الخير ان شاء الله
شذي: ان شاء الله.
فيصل: يلا بقي يا معلم شذي. وريني شاطرتك في الحسابات
شذي: حاضر يااسطي
فيصل: يا ايه
شذي بتذكر وهي تبتسم وتتخن صوتها: حاضر ياسسطي
فيصل: ايوه كده
دخل الغرفه وهي كانت تجلس بالخارج. ليجلس بجانبها واعطاها الملف الذي به الحسابات
فيصل: رجعي على الحاسبات وظبطي كل حاجه
شذي: انت بتشتغل بالورقه والقلم. ليه مش بتشتغل على اللاب
فيصل: كده احسن. انا برتاح كده اكتر
شذي: حاضر.
ليسمع صوت والده ينادي عليه. نظر لها: همشي انا. خلي بالك من نفسك
شذي: وانت كمان يا سطي
ضحك وهو ينزل ليمشي مع والده على العمل
اما لوزه فقد صعدت بالقهوه: هو مشي
شذي: انتي لسه فاكره
لوزه: اصل بندق كان بيكلمني
شذي: ماشي
لوزه: بتعملي ايه
شذي: انا هشتغل مع فيصل. هراجع الحسابات
لوزه: ربنا معاكي. هنزل انا لخالتي اشوف هنعمل غدا ايه
شذي: ماشي.
توجهت شذي إلى الشقه لتعمل على الحسابات.
انهتم لتنقله إلى اللاب توب كنسخه احتياطيه
مر اليوم بدون اي احداث جديده. فقط شذي تعمل على الحسابات. ولوزه وتهاني يجلسون معا
في المساء. وصل فيصل وجبل
لتتجمع الاسره ويجلسون يتناولون الطعام
بعد الطعام. صعدت شذي واحضرت الاشياء واللاب توب
ونزلت لهم
فيصل: ايه الاخبار
شذي: انا خلصت كل الحسابات.
فيصل: طيب وريني
جبل: شاطره يا شذي. خلصتيهم في يوم واحد
شذي وهي تجلس بجانبه وتفتح اللاب توب
لينظر لها فيصل: ابعدي شويه كده.
ضحك والده ووضع يده على كتفها: بس ياض. قولي يا بنتي ده مجنون
شذي: بص بقي يا عمو انا نقلت كل الحسابات هنا في برنامج مخصص. ممكن بقي انت وفيصل في كل محل ليكم تعملو كمبيوتر وتدخلو على البرنامج الايراد اليومي
وهيكون سهل نجمعه
جبل: لا انا مليش في البتاع ده
فيصل بغيظ من قربها من والده: وانتي ياختي انا نعمل كده. هتشتغلي ايه. مش لازم تتعبي.
شذي: اوكي انا مقولتش حاجه. بس بقول الاحسن ليكم انتم. كل يوم هاتلي الفواتير وانا اسجلها
فيصل وهو يراجع الاوراق: مظبوط الحساب. قشطه عليكي
شذي: تشكر يا سطي
ضحك جبل عليهم. شذي: عندي فكره كمان حلوه
جبل: قولي يا قمر
ليصك الاخر ع اسنانه.
شذي: ايه رايكم اما نعمل اعلانات ودعايا لمحللات الاقماشه. يعني انتم عندكم. قماش وبضاعه حلوه اوي. وفس ناس بتحب تفصل ملابسها. فلو عملنا دعايه هتكتر المبيعات وكمان نعمل تخفيضات.
جبل: بس برضو انا مليش في الحكايه دي. ولينا زبون عارفنا وبيجي مخصوص لينا
شذي: وفيها ايه يعني يا عمو. توتي كانت على طول بتقولي.
وضعت يدها على زقنها لتتذكر المثل: هو معناه ان في خير
ليضحك جبل: زياده الخير خيرين
شذي: ايوه هي دي
جبل: لو هتعملي انتي حكايه الدعايه دي. يكون كويس. وكل اللي هيجي من الدعايه بتاعتك. هيكون ليكي نسبه فيها
شذي بحماس: اتفقنا
وضع يده في يدها ليصافحها: اتفقنا.
ليهمس لها بشئ جعلها تضحك والاخر ينظر لهم بشر
جبل: قومي بقي يا شوشو. اقولهم يعمو شاي
شذي: حاضر يا عمو. وانت يا فيصل
فيصل: مش عايز حاجه. كفايه عليكي عمك ياختي
نظرت له بعدم فهم. ليضحك جبل ويغمز لها ان تخرج
اغلقت الباب خلفها
جبل: يا ابن ال. بتغير عليها مني
فيصل: مش بغير
جبل: عليا انا ياض.
قضم شفتيه: كنت بتقولها ايه وضحكت
جبل: مش هقولك. واقعد كل في نفسك
ليقف: ماشي يابا. بس متهزرش معاها قدامي وله تهزر معاها اصلا.
ضحك جبل بصخب ليصعد الاخر إلى اعلي
دخلت شذي وبيدها الشاي: هو فين فيصل
جبل: طلع اوضته
شذي: طيب مخدتش ليه الدفتر
جبل: سيبك منه
شذي: انا هطلع اديهوله
اخذت الاشياء وصعدت خلفه ليبتسم جبل عليها.
طرقت الباب: فيصل. فيصل
فتح بغضب: عايزه ايه
نظرت له بحزن: نسيت الدفتر عشان ميضعش
فيصل: هاتي
اخذه ورماه على الفراش. لينظر لها بغيظ
شذي: انت زعلان ليه
فيصل: تاني مره متهزريش مع ابويا. ولا تقعدي جنبه.
شذي: ليه. ده باباك وكمان عمو كويس وبحبه
ليصك ع اسنانه ويقضم شفتيه بقوه: نعم يا ختي
شذي وهي تتراجع للخلف: في ايه. انت هتكولني وله ايه
فيصل: عيب يا ابله تقولي على راجل بتحبيه. ها.
شذي: براحه وبطل تزعق كده.
كانت ستتركه وتركض بعيدا ولكنه امسك يدها لتقف
شذي: في ايه
فيصل: سمعتي قولت ايه
شذي: اه سمعت. مش ههزر مع حد وله هقول لحد بحبه
فيصل: ايوه كده.
شذي: طيب ممكن اسال ليه
فيصل: عشان كده
شذي: كده ايه بقي.
فيصل: انتي هتفتحي تحقيق.
شذي: لا.
فيصل بتحذير: يلا على تحت في شقتك مش شقه ابويا
ابتعدت من امامه لتبرتطم
شذي: حاضر. اووف يا ساتر عليك
فيصل: ها. بتقولي ايه
شذي يزهق: مش قولت حاجه ببرطم بس
ليبتسم من كلامها: مجنونه.
مر اسبوعان
وشذي نشرت عنوان المحل وعملت له دعايا وبدا المحل في العمل اكثر
شذي تعلقت بالجميع كثيرا. خصوصا فيصل الذي كان دائما يهتم بها ويعرفها من نظره عين
اليوم اخذت راتب اسبوع. ومعاها الان راتب اسبوعان
نظرت للنقود وهي سعيده فهي تخطط لشئ
خرجت من خلفه كان فرحانه اول مره منذ شهر تخرج
فيصل وصل إلى البيت مبكرا
لتشهق تهاني ولوزه بخوف لو علم انها خرجت بدون ان تخبره سيخرب الدنيا
فيصل: في ايه. مالكم.
تهاني ولوزه: ممفيش
نظر لهم بشك: فين شذي
نظر إلى بعض تهاني: نامت
لوزه: . في الحمام
فيصل وهو ينظر لهم بتلك النظره المرعبه: فين شذي
امسك لوزه من ملابسها لتبكي: معملتش حاجه
فيصل: فين البت
لوزه: نزلت تشتري حاجه وقالت جايه بسرعه
ليدفعها وتقع على الاريكه: ليله اهلها سوده. انا مش قولت ميت مره محدش يخرج من غيري.
تهاني: اصبر بس يا فيصل. هي راحت تشتري حاجه
فيصل: اه ما الهانم اما صدقت مسكت فلوس. هتتطنط بيهم. وهتسرمح.
تهاني: لا يا بني. متقولش على شذي كده. طول عمرها محترمها
نظر لهم وخرج من البيت
لوزه: يا لهووي لو شافها هييهدلها
تهاني امسكت الهاتف واتصلت بجبل لتحكي له ما حدث ولعله يحل الامر قيل ان يسؤ.
وقف بالاسفل ولا يعلم اين يذهب ويبحث عنها
ليتصل بها.
شهقت عندما رأت اسمه كانت في التاكسي في طريق العوده إلى البيت
اتصل مرات كثيره. لترد وهي تحاول ان تخفي توترها
شذي: االو
فيصل بصوت قوي: انتي فين
شذي: ففي الحمام.
فيصل: كدابه. انتي فين
شذي ببكاء: في التاكسي وارجعه البيت
اغلق الهاتف في وجهها ووقف في مقدمه الطريق
شذي للسائق: بس هنا.
دفعت الحساب ونزلت من السياره وهي ترتجف وتري عينه التي تشع غضب.
ليقبض على يدها.
شذي بتالم: فيصل سيب ايدي
لم يتحدث لياخذها ويصعد بها إلى اعلي وهي تبكي
دخل غرفته واقفل الباب بالمفتاح عليهم
فيصل بغضب: ؛ كنتي فين.
شذي ببكاء: طيب اهدا عشان اعرف اكلمك
ضرب يده في المرايا لتنكسر وتصرخ هي بخوف
فيصل: اتكلمي. خرجتي من ورايا ليه
ابتلعت ريقها: كنت بشتري حاجه
فيصل ؛ من امتي وانتي بتخرجي
شذي: والله اول مره.
فيصل: اه عشان معاكي فلوس. بقيتي حره نفسك.
شذي فتحت الحقيبه واخرجت منها علبه: كنت بشتري دي
اخذها ورماها لتبكي اكثر
فيصل: خرجتي من ورايا ورحتي فين
ضرب الحائط بيده التي تنزف لتصرخ
شذي ببكاء: والله كنت بشتري الهديه ليك. عشان عرفت ان عيد ميلادك انهارده. كنت بحوش فلوس من الاسبوع اللي فات. وجبتلك الساعه هديه. والله
نظر لها وهدا وهو يتذكر ان اليوم عيد ميلاده
فيصل: عرفتي منين
شذي وهي تمسح دموعها التي لا تتوقف: من البطاقه.
لينفخ: برضو مش مسامحك عشان خرجتي من ورايا. افرضي حد اتعرضلك.
شذي بدموع: انا ركبت تاكسي ووقفت قدام المحل ورجعت تاني في تاكسي من قدام المحل.
جلس ع الفراش. لتنظر إلى يده.
شذي: ايدك يتنزف
فيصل: احسن
لتبكي اكثر. فيصل: بطلي عياط. وانزلي ومتتكلميش معايا تاني. اخر مره يا شذي تعمليها
شذي: حاضر
وققت وهي تمسح دموعها وتنظر اليها لتقترب رغم خوفها وتمسك يده وتخرج الزجاج وهي تبكي
نظر لها
وصل جبل وسال عليهم.
تهاني: فوق. وخبطنا عليه مرديش يفتح
جبل صعد: اهدو انتم وانزلو
ترك على الباب: افتح يا فيصل
فيصل: افتحيله.
حركت راسها بنعم لتفتح الباب نظر لوجهها ليجدها تبكي
ليدخل وجد الزجاج في الارض ويده تنزف
ليقترب منه بخوف وهو يمسك يده: قوم معايا
فيصل: مفيش حاجه
جبل: قولت كلمه. قوم معايا
وقف رغم عنه. لتنظر له بدموع وتخفض عينها في الارض
خرج مع والده وهي وقفت تنظر إلى الساعه والي الزجاج. لتقوم بتنضيف الغرفه وجمع الزجاج
صعدت لوزه وتهاني بخوف
ليجدو اثر دماء في الارض
لوزه: هو ضربك
شذي: لا. اتعور
تهاني شهقت: اتعور فين.
شذي: في الازاز. ضرب ايده فيه
تهاني: قولتلك بلاش يا شذي تخرجي
لوزه: اصلا هو ماله تخرج وله لا. ملهوش حكم عليها
لتنظر تهاني إلى شذي التي لم تعيرها انتباه
رتبت غرفته ووضعت الساعه التي بالعلبه على المنضده بجانبه وبدخلها ورقه مكتوب بها: اسفه.