قصص و روايات - قصص رومانسية :

رواية النور والكابوس للكاتبة سلسبيل كوبك الفصل العاشر

رواية النور والكابوس للكاتبة سلسبيل كوبك الفصل العاشر

رواية النور والكابوس للكاتبة سلسبيل كوبك الفصل العاشر

سليم حاول يزحف ل نرمين بس مقدرش و كانت الحراس دخلت نرمين العربية و هي لسة بتصرخ باسم سليم.
سليم(بنفس متقطع): نن ني ر رم مي ين ن(نرمين)!
عند باسل...
باسل كان قاعد بيشتغل في شركته بتركيز تليفونه رن...
الخط اتفتح...
باسل(بالروسية): خير يا روسيل؟!
روسيل(بالروسية): الحق نرمين قبل ما يجبوها روسيا.
باسل(بالروسية): قصدك ايه؟!
روسيل(بالروسية): اندرو عايز يسيطر عليك من خلالها و كمان اذي صاحبك.

روسيل(بالروسية): هما دلوقتي متجهين للمطار الخاص بتاعه.
باسل(بغضب,بالروسية): اندرو.
روسيل(بالروسية): هقفل دلوقتي ضروري باي.
باسل قام من مكانه و خد الجاكت بتاعه و حاجته و كان هيخرج بره مكتبه.
شريهان: باسل.
باسل(بحدة): خير يا شريهان؟!
شريهان: وحشتني قولت اج...
باسل(بمقاطعة): مش فاضي ليكي غوري.
باسل خرج بره الشركة و ركب عربيته و هو بيتصل بسليم بس مش بيرد عليه...
باسل اتصل بحد تاني. الخط اتفتح.

باسل(بغضب): مش كان تحت نظركم؟!
باسل(بغضب): قدامك اقل من ساعة تقولي فين سليم و الا و ربي يا علي اقتلك.
علي(بقلق): طب اهدي طب استناني.
علي(بقلق): نص ساعة و اعرفلك مكانه انت اصبر و هدئ اعصابك.
باسل(بغضب): و ربي لو حصله حاجة هحاسبك انت و هما.
باسل(بغضب): و عايزك تعرفلي الزفت اندرو مكانه فين و نرمين معاه و لا لا انجز.
علي(بقلق): حاضر.
علي: باي.
علي: كان مال اهلي انا اشتغل ليه تحت ايد باسل الانصاري...

-في مكان تاني...
في القصر...
وجد: مالك يا جدو؟!
ياسين: اقعدي يا وجد...
وجد: ايه؟!
ياسين: انتي داخلة علي حاجة مش سهلة خالص ممكن تبقي الحياة وردي في الاول بس اول ما تدخلي في الجد هتتعبي شوية و صدقيني تعبك ده هتفرحي بسببه بعدين.

ياسين: عايزك يا وجد تقعدي في بيتك معززة مكرمة تعاملي كل اللي يخصوا باسل بكل احترام. لما تيجي تزعلي منه متبينش قدام الناس متخليش حد يشمت فيكي عاتبيه بس بينك و بينه. متسمحيش لحد انه يبقي عنده فرصة يوقع بينك و بين جوزك ايا كان مين.
ياسين: ممكن الكلام ده مش المفروض تسمعيه مني بس كان لازم اقوله ليكي...
ياسين: خلي حوالينك انتي و جوزك و بيتك حصن منيع مش اي حد يقدر يعدي منه.

ياسين(بابتسامة): اخيرا يا حبيبتي هتبقي عروسة...
وجد(بابتسامة): حبيبي بحبك.
ياسين: ده انا هخليه يشوف صورك و انتي صغيرة و يفضل يضحك عليكي.
وجد(بضحك): لا كله اللي ده، انا زي بنتك يا عم.
ياسين: عم!
ياسين: يلا يا حبيبتي شوفي وراكي ايه.
ياسين(بغمزة): ابقي كلميه اطمني عليه كدة. متبينيش ليه انه مدلوق اوي.
وجد(بضحك): حبيبي.
وجد: يلا عن اذنك.
وجد باست خد ياسين و خرجت بره اوضته و خبطت في ثريا.
ثريا: مش تفتحي؟

وجد: هو احنا في الشارع هنا خلاص حصل خير.
ثريا: لا و النبي. تصدقي اني مش طايقاكي تعالي.
ثريا مسكت شعر وجد و وجد ضربتها في بطنها.
وجد(بزعيق): في ايه ما تحترمي نفسك.
وجد(بزعيق): احنا ولاد عم يا ثريا احترمي نفسك...
وجد بصت لثريا بغضب و سابتها و مشيت دخلت اوضتها قعدت في البلكونة...
وجد اتصلت ب باسل بس مردش اتصلت كذا مرة.
الخط اتفتح...
باسل: ايه يا وجد؟!
وجد: ايه اخبارك؟!
باسل: وجد انا مش فاضي نتكلم بعدين.

وجد: انت كويس؟!
باسل: ايوه ايوه باي.
وجد: ماله ده؟!
وجد اتصلت بأحمد، الخط اتفتح.
وجد: الو.
احمد: خير؟!
وجد: افندم؟! بنت عمك.
احمد: ايوه اعمل ايه يعني؟!
وجد: بطمن عليك.
احمد: من امتي؟!
وجد: حبيتك فجأة يا اخي، عندك مانع؟!
احمد: اقفلي يا وجد.
وجد: طب انت فين بقالي يومين مش شيفاك.
احمد: في مشوار كدة و هاجي علي خطوبتك...
وجد: حمودي.
احمد: بت في ايه اتعدلي؟!
وجد: اوف اقفل اقفل...
وجد: هو يوم اجازة ملل.

جد حطت ايديها في جيبها و نزلت لتحت لقت ماجدة بتكلم حد في التليفون.
ماجدة: متنساش بقي لازم في الليلة الكبيرة تبقي موجود...
ماجدة: هي كمان بتسلم عليك يا حبيبي.
وجد: خالو؟!
ماجدة: طيب يا حبيبي باي.
وجد: خالو صح؟!
ماجدة: ايوه هو.
وجد(بغيظ): هو بيكلم الكل و مش بيكلمني انا ايه؟!
ماجدة: محضرلك مفاجاة اصبري.
وجد(بحماس): ايه ايه؟!
ماجدة: مقاليش، يلا بقي نختار الفستان.
وجد: اوف طيب.

نهلة و ثريا كانوا متغاظين من وجد و ماجدة اوي...

-في مكان تاني...
عند كارما...
كارما كانت في الشركة و بتتشغل و بعدها مسكت التليفون و شافت صور احمد و قعت تضحك و تبص عليهم.
كارما نزلت من مكتبها و راحت لجنينة المستشفي.
كارما طلعت تليفونها واتصلت ب احمد، الخط اتفتح.
احمد: خير؟!
كارما: حبيت ارخم.
احمد: بت انتي معصباني.
كارما(بضحك): اعيش و اعصبك.
احمد: انتي مصيبة اتحدفت من اني داهية يا شيخة ربنا يريحني منك.
كارما: ده انا برئية.

احمد: بالستر، انتي عايزة ايه علشان نخلص الموضوع ده؟!
كارما: و الله يا ابني مش عارفة.
احمد: طب لما تعرفي ابقي اتكلمي.
كارما: اممممم اك.
كارما فتحت عينيها لما سمعت ان مصدر الصوت وراها لفت بسرعة لقت احمد.
في اقل من لحظة احمد مسك ايد كارما و شدها ناحيته و سندها علي الحيطة.
احمد(بحدة): متخقلش اللي يهدد احمد الصياد.
احمد شد التليفون من كارما و فتحه ببصمتها و لقي صورهُ مسحهم كلهم و رمي التليفون في الارض...

احمد: بصي بقي يا شطورة حصل بينا كذا موقف و خلاص الحمدلله علي كدة. مش عايز اشوف وشك تاني.
احمد(بزعيق): فاهمة؟!
كارما ارتعشت و احمد بص ليها و ضغط علي ايده جامد بايديه.
كارما: فاهمة.
احمد بص لكارما و قرب منها و غمض عيونه و فاق علي قلم من كارما علي وشه.
كارما بصت لاحمد بغضب و زقته و سابته و جريت علي اوضة مكتبها,احمد بص بخبث مكان ما هي مشيت.

احمد وطي و مسك موبايل كارما اللي هي مأخدتهوش و حطه في جيبه و مشي ركب عربيته.
احمد: اللعب معاكي حلو يا كارما المهدي.

-في مكان تاني...
عند نرمين.
نرمين كانت في اوضة فندق مرمية علي السرير و مغمي عليها...
و في شخص قاعد قدامها بدأ يضربها علي وشها كذا مرة علشان تفوق.
نرمين بدأت تحرك رأسها يمين و شمال و فتحت عينيها ببطء شديد.
نرمين(بتعب): انا فين؟! سليم باسل؟!
اندرو(بالروسية): اهلا بيكي يا حلوة.
نرمين قامت مفزوعة من مكانها و بصت لاندرو.
نرمين(بخوف): انت عايز ايه؟!
اندرو(بالروسية): مش فاهمك.

نرمين(بالانجليزية): بتتكلم انجليزي؟!
اندرو(بالانجليزية): اه، مكنتش متخيل ان صاحبة باسل و سليم بالحلاوة دي.
اندرو(بالانجليزية): متخافيش هتشرفيني هنا لفترة بسيطة و لو باسل موافقش علي عرضي هتسافري روسيا معايا.
نرمين(بالانجليزية,بحدة): انا مش هروح في حتة انا هفضل هنا و انا واثقة في باسل هيرجعني و مش هيعمل اللي انت عايزه.
اندرو(بالانجليزية): بعد اللي عملته في صاحبكم و اللي ممكن اعمله فيكي معتقدش...

نرمين(بالانجليزية): يبقي متعرفش مين هو باسل الانصاري...
عند باسل...
باسل وصل لمكان سليم عن طريق صديقه علي.
باسل نزل من عربيته و قرب من سليم اللي مرمي في الارض جثة يعتبر.
باسل نزل لمستوي باسل و دموعه نزلت.
باسل(بدموع): متسبنيش.
باسل شاف نبض سليم لقي في نبض قام وقف و معاه سليم و ركبه العربية و لف ركب العربية و راح للمستشفي.
باسل: عايز نقالة بسرعة معايا مريض.

نقلوا سليم اوضة الطؤاري علي النقالة و بدأت الدكاترة تتجمع حواليه و يفحصوه...
تليفون باسل رن. الخط اتفتح.
علي: عرفنا مكانهم و اتصلت بالبوليس.
باسل: طيب كويس، سيبوا اندرو يهرب.
علي: بس.
باسل: سمعتني؟ سيبوا اندرو يهرب.
علي: طيب براحتك.
عند نرمين.
فجأة باب الاوضة اتفتح و دخلت قوات و بدأوا يوجهوا سلاحهم علي اللي موجود في الاوضة.
اندرو(بالانجليزية): اللي هيقرب مني هقتلها.

اندرو شد نرمين ناحيته و حط سكينة علي رقبتها.
ظابط: احنا مش جايين ليك احنا جايين للانسة نرمين المهندس.
ظابط: مش مطلوب القبض عليك.
اندرو(بالانجليزية): ترجمي.
نرمين(بخوف,بالانجليزية): بيقولوا مش مطلوب القبض عليك انت، هما عايزيني انا.
اندرو(لنفسه): عايز نلعب يا باسل هنلعب، و نشوف مين هيفوز و هيأخد ايه.
اندرو زق نرمين علي الظباط و جري للبلكونة نط في اقل من ثانية للاوضة اللي تحته.

ظابط: نرمين هانم حضرتك كويسة؟!
نرمين: ايوه فين باسل فين سليم؟
ظابط: اتفضلي معانا.
وصلوا نرمين للمستشفي و نرمين اول ما لمحت باسل جريت عليه و كانت بتعيط.
باسل حضن نرمين جامد و باس رأسها.
باسل: انتي بخير؟!
نرمين(بخوف): اه.
باسل: حد عملك حاجة؟!
نرمين: لا.
نرمين(بقلق): سليم؟!
باسل: متقلقيش هو في اوضته و مرتاح دلوقتي.
نرمين(بدموع): ناوي تعمل ايه؟!
باسل: متخافيش يا روحي انا هتولي انا المهمة دي.

نرمين: ازاي يعني؟! لا طبعا اح.
باسل: نرمين خليكي مع سليم.
نرمين: طب.
باسل: اهدي في ايه يا نرمين من امتي و نرمين المهندس بتخاف كدة.
نرمين(بدموع): انت مشوفتش عملوا ايه في سليم. ازاي ضربوه و هانوه...
باسل: حبيبتي اللي حصل خلاص حصل. الحمدلله جت سليمة و الحمدلله انتي و سليم كويسين.
باسل: يلا روحي اقعدي مع سليم.

باسل باس رأس نرمين و سابها و مشي,نرمين دخلت لاوضة سليم لقته نايم علي السرير و جسمه مليان خدوش,نرمين قربت من سليم و هي بتعيط و باست رأسه.

-في مكان تاني...
في القصر...
قصي: مساء الخير.
وجد: كنت فين من الصبح؟
قصي: هبقي اقولك بس اخد دوش.
وجد: طيب يلا.
قصي طلع لاوضته و بدأ يغير هدومه و يأخد دوش.
تحت...
منصف: يا بابا انا شايف انها صفقة مناسبة لينا.
يوسف: معتقدش انها هتناسبنا...
منصف: انا درست الصفقة دي و شايف اننا هنكسب بنسبة 70%.
ياسين: يعني هما هيكسبوا 30%، بذمتك انت مقتنع انا لو مكانهم هرفض الشراكة طبعا.
يوسف: ايوه.

ياسين: الصفقة هتطلعوا منها خسرانين.
ياسين: سيبك منها.
يوسف: عايزين نتم صفقتنا مع باسل بعد يوم كتب الكتاب علشان نبقي ضمنا كل حاجة.
ياسين: طيب.
نهلة: حبيبي ممكن لحظة.
يوسف بص لنهلة و منصف بصله بحدة و قام شد نهلة وراه...
منصف: عن اذنك يا بابا.
منصف شد نهلة لغاية ما طلعوا اوضتهم.
منصف(بحدة): مش قولتلك متلبسيش الطقم الضيق ده تاني.
نهلة: اسفة يا حبيبي...

منصف(بحدة): و لما يوسف اخويا يبصلك انا اعمل ايه فيكي دلوقتي.
نهلة: و لا اي حاجة نقعد مع بعض و نسهر بقالنا كتير معملناش كدة...
منصف: مليش مزاج.
نهلة: يا منصف بقي قولتلك مكنش قصدي هتفضل تغير عليا لحد امتي.
منصف: طول ما انتي علي ذمتي و مراتي.
نهلة: طب خلاص بقي يا حبيبي بلاش نزعج نفسنا الليلة دي خالص.
تحت...
ماجدة(بنوم): تصبحوا علي خير.
الكل: و انتي من اهله.
قصي: وجد لسة صاحية؟!

وجد: ايوه. تعالي بينا نتمشي في الجنينة.
وجد و قصي قاموا و بدأوا يتمشوا في الجنينة و يتكلموا و يضحكوا.
تليفون وجد رن، الخط اتفتح...
وجد: لحظة يا قصي.
وجد: الو.
باسل: وجد فاضية؟!
وجد: اه.
باسل: هعدي عليكي و اخدك و نتمشي شوية.
وجد: اا...
باسل: مش هنتأخر بس ارجوكي محتاجك.
وجد: طيب هستناك.
قصي: ماله؟!
وجد: معرفش شكله تعبان.
قصي: خلي بالك من نفسك. و يا ريت يكون هو فعلا اللي يستحقك.

وجد: حبيبي متأخدش في بالك انا كويسة. هطلع اغير علشان زمانه جاي.
وجد باست قصي علي خده و سابته و مشيت.
قصي قعد علي المرجيجة اللي في الجنينة و شرد.
Flash back.
قصي كان رايح مطعم و وقف عربيته قبل ما يدخل المطعم شد انتباهه حاجة.
بنت: ليه يا بابا لتكون فاكرها سهلة كدة لا فوق.
قصي نزل نضارته و بص للبنت من تحت لفوق.
بنت: امشي جتك القرف في شكلك شخص مقرف.
بنت: اوعي.
البنت مشيت من قدام قصي و قصي حس ان نفسه اتخطف.

قصي: لو سمحت.
بنت: افندم؟! اخلص قول ما تتكلم بقي و تنجزني في ان الليلة السوداء دي.
قصي: حاضر في ايه اهدي شوية عيب بنتك زيك تتعامل كدة.
بنت: عاجبني ليك عند اهلي حاجة.
قصي(باندهاش): ايه ده في ايه؟! انتي متأكدة انك بنت و لا هو جسم بس.
بنت: ملكش دعوة.
قصي: امشي امشي.
حارس: في حاجة يا قصي بيه.
قصي: لا روح انت.
بنت بصت لقصي من تحت لفوق و قصي رفع حاجبه ليها.
بنت: جتك القرف.
قصي: متشكر لكرم اخلاقك.

بنت: غور غورة تأخدك.
البنت سابت قصي و مشيت و قصي كان مصدوم من اسلوبها...
قصي(بتنهيدة): ربنا يهدي.
قصي دخل المطعم و بدأ يشغل علي اللاب توب بتاعه...
Back...
عند وجد.
وجد كانت واقفة قدام هدومها محتارة تلبس ايه.
وجد: اوف بقي الواد زمانه جاي يالهوي هلبس ايه.
وجد: اوف من امتي و انا بهتم هلبس ايه قدام مين؟!
وجد: اتعدلي يا بت.
وجد شدت طقم و بدأت تلبسه.

وجد لبست بنطلون ابيض و فوقه جاكت باللون البنفسجي الهادئ لغاية الركبة ربطته و قفلت الزراير بتاعته,لبست كوتشي اسود عالي و سيبت شعرها علي ضهرها و حطت مكياج خفيف جدا و حطت البرفيوم بتاعها.
وجد حطت موبايلها في جيبها و نزلت لتحت...
يوسف: راحة فين يا وجد؟!
وجد: باسل عايز يكلمني في موضوع هتكلم معاه.
ياسين: متتأخريش يا وجد و خلي بالك من نفسك...
وجد: حاضر عن اذنك.
وجد خرجت الجنينة باست قصي علي خده.

وجد: مين اللي شاغلك يا باشا؟!
قصي(بضحك): يا ستي اتلهي...
وجد: هتقع تحت ايدي في يوم و مش هسيبك الا لما تعترف.
تليفون وجد رن سلمت علي قصي و خرجت بره القصر كان سعد واقف...
سعد: ياسين بيه عارف؟!
وجد: اه و ملكش دعوة متدخلش في حاجة متخصكش بقيت حشري اوي.
وجد فتحت باب العربية و ركبت باسل ساق علطول من غير و لا كلمة.
باسل: ضايقك؟!
وجد: لا.
باسل: انا اسف اني.

وجد: هشششش كدة كدة كلها يومين و هبقي مراتك و لو انا مش هشيل همك مين هيشيل همك.
باسل مسك ايد وجد و باسها و وجد خجلت من تصرفه.

-في مكان تاني.
في المستشفي.
سليم بدأ يفتح عينه ببطء و قام.
سليم(بخفوت): عطشان ماية.
نرمين(بقلق): سليم انت صحيت؟!
سليم(بخوف): نرمين انتي كويسة؟!
نرمين قربت من سليم و حضنته و سليم حضنها و باس رأسها.
سليم(بدموع): انا اسف انا السبب انا معرفتش احميكي.
نرمين(بدموع): لا انت حاولت و هما اصلا كانوا كتير.
سليم: حد عملك حاجة؟!
نرمين: لا...
سليم: متأكدة انك كويسة يا حبيبتي؟!
نرمين: ايوه متقلقش الف سلامة عليك.

سليم: فين باسل؟! و ايه اللي حصل؟!
نرمين: باسل راح مشوار. البوليس جه بس باسل خلاهم يسيبوا اندرو.
سليم: دماغه دي بتفكر ازاي ما كانوا يقبضوا عليه؟! و كمان اندرو مش هينزل علشان حاجة تافهة زي دي بس، اكيد بيخطط لحاجة.
نرمين: هنفهم من باسل لما نشوفه.
سليم حضن نرمين تاني و باسها و نرمين شدت علي حضنه.
سليم(بوجع): آه.
نرمين(بدموع): اسفة اسفة و الله.
سليم: خلاص يا حبيبتي متعيطيش انا كويس يا حبيبتي اهدي...

نرمين(بدموع): حاضر...
سليم باس خد نرمين و خدها في حضنه.
سليم: ربنا يخليكي ليا يا احلي اخت و صاحبة في الدنيا...
نرمين: و انت كمان، يلا ريح.
سليم: شوفتي كنت عطشان شوفتك نسيت.
نرمين: يا سلام.
نرمين: هروح اجيب ماية لحظة.
نرمين راحت جابت ماية و رجعت و بدأت تشرب سليم.
نرمين: ريح يلا نام.
سليم: هتنامي فين؟: نرمين: علي الكنبة...
سليم: لا تعالي جمبي علي السرير.
نرمين: ليه انت حبيبتي؟!
سليم(برفعة حاجب): افندم!

نرمين(باحراج): احم مش اقصد يعني. تصبح علي خير بقي.
نرمين جريت علي الكنبة و نامت عليها...
سليم: مرتاحة متأكدة؟!
نرمين: ايوه متخافش.
نرمين بعتت بوسة لسليم في الهواء و سليم ابتسم و غمض عيونه و بدأ ينام تاني و برضو نرمين نامت.

-في مكامن تاني...
عند باسل و وجد.
باسل وقف علي تل و مكان مقطوع و وجد خافت.
باسل: خايفة؟!
وجد(بتوتر): مظنش و انا معاك.
باسل نزل و فتح باب وجد نزلها معاه و راح علي حافة التل وجد لقت انوار كتير و المدن و العربيات بس من علي بُعد كبير...
وجد: ممكن تحكيلي مالك؟!
باسل: شوية مشاكل في الشغل.
وجد لفت علشان يبقي وشها في وش باسل بس رجليها فلتت و كانت هتقع باسل مسك دراعها و شدها ناحيته...

وجد(و هي بتنهج): اوف احساس صعب.
باسل: انتي بخير؟!
وجد: ايوه.
باسل: وجدي.
وجد(بخجل): متنادنيش كدة.
باسل(بابتسامة): انتي اللي مهونة عليا عيشتي، من ساعة ما ظهرتي و انتي تملكتي كل شئ فيا.
وجد(بخجل): فينا من كدة؟!
باسل مسك ايد وجد و باس باطن كفها و وجد سحبت ايديها بسرعة.
وجد(بخجل): حرام عليك هتفضل تحرجني كدة لامتي؟!
باسل: انتي حبيبتي ليه مقولهاش كلام حلو.
وجد: طب اصبر لبعد الجواز.

باسل: بحاول مش قادر و كمان و انتي قمر و زي العسل كدة.
وجد: انا ماشية.
وجد راحت ناحية العربية و باسل شدها ناحيته.
وجد: يا باسل!؟
باسل: عيون باسل و قلب و عقل و روح باسل.
وجد: انت بتحبني للدرجة دي؟!
باسل: بحبك فوق ما تتخيلي.
باسل حضن وجد و وجد حطت رأسهأ علي كتفه.
باسل: تعالي نقعد.
وجد: هنقعد علي ايه انا لابسة ابيض هيتوسخ.
باسل: اممم طب انا اقعد و اخدك علي رجلي...

وجد ضربت باسل في كتفه و راحت وقفت علي حافة التل.
وجد: احكيلي بقي كان مالك؟!
باسل: قولتلك شوية مشاكل و حليتها.
وجد: هتخبي كدة اومال لما نتجوز؟!
باسل: لا يا روحي مش بخبي و فعلا لو في حاجة مهمة و تستاهل كنت قولتلك.
باسل: سقعانة؟!
وجد: لا.
وجد حطت ايديها في جيب الجاكت و بصت لباسل بابتسامة.
فجأة حصل ضرب نار علي عربيتهم.
وجد(بصريخ): باسل!

الفصل التالي
جميع الفصول
روايات الكاتب
روايات مشابهة