رواية النور والكابوس للكاتبة سلسبيل كوبك الفصل الحادي عشر
وجد حطت ايديها في جيب الجاكت و بصت لباسل بابتسامة.
فجأة حصل ضرب نار علي عربيتهم.
وجد(بصريخ): باسل!
باسل راح لوجد شدها لحضنه و وقعوا علي الارض.
باسل: مترفعيش رأسك.
وجد(بخوف): مين دول؟!
-دقيقة و كان ضرب النار انتهي و سمعوا صوت حد ركب العربية و مشي.
وجد: ايه؟!
باسل: مشيوا. متخافيش.
باسل قام وقف و مد ايده لوجد و وجد مسكت في ايده و قامت.
وجد: مين دول؟!
باسل: زي ما ليكي اعداء انا ليا اعداء بس اعدائي بيحبوا الاول يحذروني بطريقتهم.
وجد: و ليه كدة؟!
باسل: حبيبتي متشغليش بالك.
باسل باس رأس وجد و بص علي العربية و طلع تليفونه اتصل بحد.
وجد: ايه؟!
باسل: طلبت اوبر لينا، هاتي ايدك.
وجد: هننزل ازاي؟!
باسل: متخافيش يلا هاتي ايدك.
باسل مسك ايد وجد و نزلوا من علي التل و وجد كانت هتتزحلق باسل شالها من خصرها و نزلها الارض.
باسل: انا منتظر يوم كتب الكتاب بفارغ الصبر.
وجد(بخجل): و انا كمان.
باسل(بابتسامة): مهونة عليا حاجات كتير يا وجدي.
وجد: حاسة ان ربنا بيعوضني بيك عن كل حاجة في حياتي.
بعد فترة جت اوبر و باسل و وجد ركبوا العربية.
وجد: هنزل انا ابقي اكلمك بكرة.
باسل: طيب قبل ما انام هكلمك اطمن عليكي.
وجد: مفيش داعي انا هنام علطول.
باسل حضن وجد و باس خدها و وجد نزلت.
باسل: اطلع علي().
عند وجد...
وجد. طلعت اوضتها بتعب و قلعت الجاكت بتاعها و قعدت علي الكنبة بتعب و رجعت رأسها بتعب.
وجد بعد فترة قامت دخلت الحمام خدت دوش دافئ خرجت تغير هدومها...
وجد لبست بيجامة بيتي عبارة عن قطعة واحدة علي شكل دب باللون الاسود في ابيض و رفعت شعرها علي شكل كحكة و حطت مكياچ خفيف.
وجد طلعت علي السرير و مسكت اللاب توب و بدأت تتفحص كذا حاجة عليه.
عند باسل...
باسل وصل لبيت سليم و نزل لقي مريم قاعدة علي الكنبة اللي في الجنينة.
باسل: لسة صاحية؟!
مريم: شايفني نمت؟!
باسل نام علي رجل مريم و غمض عينه,مريم بدأت تملس علي شعره بهدوء.
مريم: اللي واجع قلبك.
باسل(بتنهيدة): انتي عارفة.
مريم: انسي...
باسل(بتنهيدة): تعبان اوي. حاسس ان ورايا حاجات كتير لازم اعملها و لازم امثل اني كويس و بخير.
مريم: علفكرة نرمين كلمتني و حكتلي اللي حصل مش محتاج تخبيه عني...
مريم: و لما تتجوز و وجد و تعيش معاها هتنسي كل حاجة هتنسي تعبك هنبقي احنا بندور عليك من كتر ما انت مش معانا و معاها هي.
باسل: مش للدرجة دي غلاوتها من غلاوتكم.
مريم: انا مبسوطة انك خلاص بتحب و بتتحب. و لما شوفتها حسيت فيها روح حلوة جميلة ربنا يجمعكم في بيت واحد...
مريم باست رأس باسل و باسل بص ليها بصة هي فهمتها و بصتله بتحذير.
مريم: اطلع نام و ارتاح. تصبح علي خير.
باسل: طيب و انتي من اهله.
باسل طلع لاوضته و طلع تليفونه اتصل بحد.
باسل: ايه الاخبار عندكوا؟!
حارس: كله تحت السيطرة يا باسل بيه، نرمين هانم مع سليم بيه في المستشفي و الحراس حوالين الاوضة و حوالين المستشفي محدش هيقدر يقرب ليهم.
باسل: طيب.
باسل قفل مع الحارس و قلع الكوتشي بتاعه و نام من كتر التعب اللي في جسمه...
-في الصباح الباكر...
عند كارما.
كارما كانت صاحية من نومها و متغاظة من احمد و عايزة موبايلها و اشترت تليفون مؤقت.
كارما(بغيظ): اشوف فيك يوم.
تليفونها رن...
كارما: انا مودتش حد الرقم ايه ده مين؟!
الخط اتفتح.
كارما: الو.
احمد: قولت لازم ابارك علي التليفون الجديد.
كارما(بصدمة): انت ازاي عرفت؟!
احمد: عرفت من مكان ما عرفت بقي انتي مالك.
كارما(بغيظ): ايوه يعني عايز ايه؟!
احمد: رخامة.
كارما(بغيظ): تصدق انك حيوان.
احمد: بس طلعتي بتعرفي تتصوري.
كارما(بصدمة): انت اتفرجت علي الصور؟! فتحت التليفون؟!
احمد: هو مسموحلك انتي بس يعني.
كارما(بدموع): بس انا بنت.
احمد: و هو المبدأ بيتجزأ؟!
كارما(بدموع): اه.
كارما(بدموع): اقفل.
احمد: استني استني متخافيش مفتحتش تليفونك. كنت بهزر.
كارما(بدموع): بجد!
احمد: اه.
كارما: جبت رقمي منين؟!
احمد: مش مهم بطريقتي الخاصة بقي.
كارما: طب ايه رأيك نقابل بعض و ننسي خلافتنا و تبقي قعدة صلح و محدش يكلم التاني بعد كدة.
احمد(بلامبالاة): بعيدا عن اني مش عايز اقابلك بس برضو عايز اخلص من زنك و قصة الاطفال اللي دخلتيني فيها دي...
الباب خبط و باسل دخل.
كارما(بخضة): باسل!
باسل: في ايه يا حبيبتي؟! مخضوضة كدة ليه؟!
كارما(بتوتر): ها لا ده يعني علشان بقالي كتير مشوفتكش، وحشتني.
كارما قامت حضنت باسل و باسل باس رأسها.
باسل: كنتي بتكلمي مين؟!
كارما(بتوتر): ده ده.
باسل: غيرتي تليفونك امتي و ليه؟! ردي يا بنتي متوترة كدة ليه؟!
كارما: موبايلي اتكسر فغيرته و كنت بكلم واحدة صاحبتي و غيرته امبارح.
كارما: هو سليم تحت؟!
باسل: لا مش تحت في مشوار مهم هو و نرمين و هيرجعوا يوم كتب الكتاب.
كارما: طيب، قولي هي العروسة حلوة؟!
باسل: احلي منك.
كارما(بغيظ): يا سلام و هو في احلي مني اصلا؟!
باسل: ايوه في هي.
كارما(بغيظ): كدة يا باسل طيب اتفضل اطلع بره.
كارما(بتوتر): احم اقصد يعني اطلع بره علشان اغير انت رفعت حاجبك كدة ليه متخوفنيش يا عم.
باسل: انتي هتشوفيها و هتحكمي بنفسك.
كارما: طيب يا اخويا لما نشوف، و برضو انا احلي.
باسل: طبعا طبعا انتي بتقولي ايه؟! طيب يلا انزلي علشان هنروح للصايغ.
كارما: هتشتروا الشبكة؟!
باسل: ايوه.
كارما: هأجي هأجي طبعا.
باسل: طب يلا اجهزي.
باسل خرج من اوضة كارما و سابها تلبس و اتصل ب وجد...
الخط اتفتح.
وجد(بنوم): الو.
باسل: حبيبتي انتي لسة نايمة قومي يلا.
وجد(بنوم): هي الساعة كام؟!
باسل: الساعة 10.
وجد(بنوم): لسة فاضل ساعتين علي المكتب، انت بقي عايز ايه؟!
باسل: انتي ناوية تروحي المكتب؟!
وجد(بنوم): اه يا باسل.
باسل: وجد انا كلمت مامتك و جدك و هأخدك و نشتري الشبكة.
وجد: انا بثق في رأيك.
وجد كانت بدأت تقوم من علي السرير و بتتمطع...
باسل: و الله؟! وجد مش ناقصة هي اجهزي هعدي عليكي انا و ماما مريم و بالمرة اعرفك علي كارما.
وجد: يا باسل انا.
باسل: هعدي عليكي الساعة واحدة يا وجد الاقيكي جاهزة.
وجد(بضيق): حاضر.
باسل قفل مع وجد و وجد قعدت تدبدب في الارض.
وجد: مصحيني من النوم علشان الشبكة.
وجد لقت الباب اتفتح فجأة وجد اتخضت و اتزحلقت و وقعت علي الارض.
وجد(بوجع): منك لله ياللي كنت السبب.
ماجدة: حبيبتي انتي كويسة؟!
وجد: طبعا طبعا. ايه بقي؟!
ماجدة: باسل كلمني علشان الشبكة بصي بقي يا حبيبتي. عايزاكي تنقي حاجة فخمة كدة تليق بوجد الصياد و خطيبة باسل الانصاري.
وجد: هو فيها ايه يعني اني وجد الصياد ما انا بنت و عروسة عادي يعني. و فيها ايه اني خطيبة باسل ما هو شاب زي اي شاب.
ماجدة: اسمعي كلامي و انتي ساكتة...
وجد(بضيق): حاضر.
ماجدة: هروح البس.
وجد: لا هأخد ولاد عمي روحي انتي شوفي الحفلة.
ماجدة: لا هأجي.
وجد: يا امي يا حبيبتي هنروح نختار الشبكة و نرجع علطول مش محتاجة هي فرح و ليلة. و كمان انا ورايا شغل فاطلعوا من دماغي.
وجد قامت من الارض و دخلت الحمام خدت دوش لمدة طويلة و خرجت و في فوطة حوالين جسمها و لفت شعرها بفوطة تانية.
وجد كانت لسة بتفكر هتلبس ايه و مسكت تليفونها و اتصلت بحد...
الخط اتفتح.
احمد: هو انا اتجوزتك و نسيتك افهمي يا وجد مش بطيقك.
وجد(ببرود مصطنع): مش مهم المهم دلوقتي منظر عائلة الصياد قدام عائلة جوزي.
وجد(ببرود): تعالي هنروح تجيب الشبكة انت و قصي و ثريا هتبقوا معايا.
وجد(ببرود): لو عايزين الصفقة بتاعتكوا تكمل.
احمد: ده تهديد يا بنت الصياد؟!
وجد: اعتبره زي ما انت عايز.
وجد قفلت مع احمد و رمت موبايلها بعصبية علي الترابيزة.
وجد: كلكم مرضي.
وجد اختارت فستان ليها و بدأت تلبسه.
وجد لبست الفستان ده و رفعت شعرها علي شكل كحكة عالية و نزلت كام خصلة من شعرها علي وشها و حطت روچ احمر غامق و كحل حدد عينيها و حطت البرفيوم بتاعها و اختارت شنطة باللون الاسود في احمر.
وجد خرجت بره اوضتها و راحت لاوضة ثريا و خبطت الباب.
ثريا فتحت و كانت عرقانة و متعصبة.
وجد: خير مالك؟!
ثريا: ملكيش فيه، انجزي شوفي عايزة ايه؟!
وجد: البسي هدومك و انزلي هروح اجيب شبكتي.
ثريا(بعصبية): قاصدة تعصبيني صح؟! ردي.
وجد(بهدوء): ثريا انتي بنت عمي و حتى لو مفيش قبول ما بينا كدة حاولي تتقبليه حتى علشان منظر العائلة قدامه. و منظر ابوكي و امك و طبعا انتي يهمك اسم العائلة و و. قومي يا شطورة البسي هدومك و هستناكي تحت.
وجد سابت ثريا و نزلت لتحت لقت قصي بيأكل.
وجد(بتعب): قصي.
قصي: مالك؟!
وجد(بتعب): حقيقي تعبت من اخواتك دول.
قصي: ده الطبيعي يا وجد.
وجد: اوف طيب.
وجد: قوم البس هروح اجيب الشبكة.
قصي: مش المفروض امك.
وجد: يا ابني دي عايزاه يشتريلي كل المحل يا ابني، قوم البس علشان نروح...
قصي: طيب يا حبيتي اهدي انتي.
نهلة: ايه يا عروسة ايه اخبارك مع عريسك؟!
وجد: حلوة اوي يا مرات عمي عقبال ثريا.
نهلة: بصي يا بنت ماجدة تحترمي نفسك و تبعدي عن بنتي خالص.
وجد: كدة كدة هبعد لما نتجوز انا و باسل.
نهلة: هتريحيني من قرفك.
وجد: شكرا.
ثريا(بضيق): انا جاهزة.
وجد: قمر يا اخواتي.
تليفون وجد رن...
وجد: ماما فين جدو؟!
ماجدة: راح مع يوسف و عمك منصف الشغل.
وجد: طيب يلا يا قصي. يلا يا ثريا.
قصي: انا جيت يا قمر انتي.
التلاتة خرجوا بره القصر وجد لقت باسل واقف مستنيها قدام العربية.
باسل اول ما شاف وجد قلع النظارة بتاعته و فضل باصص ليها لغاية ما وقفت علي بُعد بسيط منه.
باسل(بحب): هو في كدة؟!
باسل مسك ايد وجد و باس باطن كفها.
في العربية...
كارما: شكلهم حلو اوي يا ماما.
مريم: فعلا يا حبيبتي ربنا يهديهم و يخليهم لبعض.
باسل: اهلا يا قصي اهلا يا انسة ثريا.
قصي: اهلا بيك يا باشا.
باسل: تسمحي تركبي معايا يا وجد.
وجد: طيب.
قصي: بعتينا من اول قلم.
وجد(بضحك): قصي.
قصي: يلا يا ثريا.
قصي خد ثريا و ركبوا عربية تانية و باسل فتح باب العربية لوجد و وجد ركبت العربية.
وجد: مساء الخير...
مريم: مساء النور يا حبيبتي.
كارما(بحماس): انتي وجد صح صح؟!
وجد(بضحكة بسيطة): ايوه انا.
كارما: طلع عندك حق يا باسل دي طلعت جامدة و احلي مني.
وجد بصت لباسل بصدمة.
باسل(باحراج): بذمتك يا كارما انا قولت جامدة.
كارما: الصراحة دي تزويدة من عندي. اصل الصراحة انتي جامدة.
وجد ضحكت هي و كارما و مريم كانت طول الطريق باصة لوجد.
باسل: امي.
مريم: نعم يا حبيبي.
باسل: متكلمتيش انتي و وجد.
مريم: هي البت كارما مودياني فرصة.
كارما: قصدك ايه ها قصدك ايه؟! قصدك اني رغاية.
باسل: بت هضربك.
تليفون وجد رن، الخط اتفتح.
وجد: الو انت فين؟!
احمد: متزفت نازل ابعتيلي الموقع.
وجد: طيب اقفل.
وجد: لو سمحت يا باسل ابعتلي العنوان اللي احنا رايحينه.
باسل: اشمعنا؟!
وجد: علشان ابعته لاحمد ابن عمي و يجي.
باسل: طيب.
باسل بعت العنوان لوجد و وجد بعتته لاحمد.
-بعد فترة...
باسل وقف قدام محل مجوهرات كبير و مشهور و الكل نزل من العربية و قصي و ثريا.
باسل: ادخلوا ادخلوا.
وجد كانت داخلة بس لقت باسل بيشدها لحضنه و مشي معاها...
وجد(برفعة حاجب): باسل انت واعي للي بتعمله الناس هتتكلم.
باسل: و انتي عاملة حساب للناس ليه سيبي اللي يتكلم يتكلم مهما بتعملي الناس بتتكلم فمتشغليش بالك بالناس.
باسل: و كمان حد يبقي مع باسل و يهمه اي حد تاني.
الاتنين دخلوا و صاحب المحل رحب بيهم جدا و قعدهم...
باسل: جون عايزك تعرض اغلي و احسن حاجة عندك زي ما اتفقنا.
جون: اكيد من عينيا.
وجد و قصي بصوا لبعض و ضحكوا جامد.
وجد(و هي بتضحك): بعتذر بعتذر.
باسل(بحدة و همس): ممكن افهم كنتي بتضحكي علي ايه؟!
وجد(بضحك و همس): كلامه مكسر اوي و طريقته مضحكة.
باسل(بحدة و همس): طب اهدي.
ثريا: احمد.
كلهم بصوا مكان ما ثريا بتبص لقوا احمد داخل.
كارما(لنفسها): انا عايزة ارجع، انا قولت اه عايزة اقابله بس لا مش بالسرعة دي.
وجد قامت حضنت احمد و اتكلمت بهمس.
وجد(بهمس): احنا مش في البيت اتعامل حلو.
احمد(بهمس): محدش قالك اني عيل صغير.
وجد(بهمس): ولاد الحلال كتير و قالولي.
قصي: عامل ايه؟!
احمد: كويس.
احمد قعد معاهم و بص لقي كارما موجودة غمز ليها من غير ما حد يأخد باله.
جون: بصي حضرتك دي افضل نوعية لسة جاية ليا من سويسرا.
وجد: ممكن الدهب؟!
كارما: اختاري يا وجد خاتم الماظ حلو كلهم شيك اوي ممكن اساعدك.
وجد: لا انا عايزة دهب اساسا الشبكة معروف انها دهب و كمان انا عايزة البس دبلة دهب زي بقية البنات و لا ايه يا باسل؟!
باسل: براحتك يا حبيبتي. جبلها اللي هي عايزاه يا جون.
جون: امرك يا باسل بيه.
مريم: و نعمة التربية.
وجد: تعالي يا باسل.
وجد: ايه رأيك في الخاتم الشيك ده.
باسل: براحتك اللي انتي عايزاه اشتريه.
وجد: طيب هختار ده. تعالي شوف يا قصي.
قصي: انا متأكد من ذوقك.
قصي: لا شياكة بس انا رأيي ده.
وجد: اممم السادة حلو.
وجد لبست الخاتم في ايديها و بدأت تشوف شكلهم و اختارت السادة.
وجد اختارت محبس لباسل و باسل باس خدها قدامهم كلهم.
وجد(بخجل): بس بقي.
مريم: هما دول بس يا وجد؟!
وجد: ايوه يا طنط.
مريم: لا يا حبيبتي مينفعش. اشتري انسيال او سلسلة.
وجد: بس انا عندي كتير مش محتاجة الحمدلله.
باسل: هديتي انا غير الكل يا وجد.
وجد: طيب.
وجد: ممكن اشوف السلاسل الفضة اللي عندك.
ثريا: فضة!
كارما: ليه يا بنتي فضة؟!
احمد: هي بتحب الفضة هنمنعها يعني.
كارما: براحتك يا وجد يا حبيبتي.
وجد اختارت سلسلة فضة شيك عبارة عن سلسلتين في بعض واحدة طويلة و التانية قصيرة علي شكل فراشة.
وجد: كدة تمام.
باسل: جون حسابهم.
باسل: حبيبتي لو عايزة حاجة تاني قولي.
وجد: لا كدة حلو.
باسل اشتري اللي وجد اختارته و خرجوا من المحل.
احمد: همشي.
باسل: استنوا هنتغدي في مكان.
مريم: لا يا حبيبي اخرج انت مع وجد لوحدكم.
وجد: لا يا ريت لو تكونوا معانا.
كارما: يلا يا ماما يلا...
باسل: انا هروح بايه يا لمضة انتي؟!
كارما: اوف بقي.
قصي: ممكن احمد يوصلهم بعربيته لو معندكش مانع.
وجد: ايوه فكرة ها يا احمد؟!
احمد: طيب معنديش مانع.
مريم: يا ابني بلاش علشان منتعبكش.
احمد: لا عادي اتفضلوا...
كارما و مريم ركبوا مع احمد و كارما و احمد بيبصوا لبعض كل شوية...
وجد: قصي خد ده معاك. طلعه اوضتي.
قصي: تمام يا حبيبتي يلا باي.
ثريا(بضيق): Enjoy.
قصي و ثريا ركبوا عربية قصي و رجعوا القصر.
وجد(بشهقة): ايه يا ابني؟!
وجد: في ايه يا باسل؟!
باسل: يقول حبيبتي بتاع ايه و لما هو يقولك حبيبتي انا اقولك ايه!؟
وجد: انا و قصي متعودين علي بعض و علي كدة من زمان فعادي.
باسل: و النبي؟! المحه بس قريب منك يا وجد هقتلك.
وجد: اهون عليك؟!
باسل: شغل دلع الستات ده بقي. طب اتدلعي لما تكوني مراتي طب.
باسل قرب من وجد و مال علي وشها وجد كانت هتضربه بس اتفاجأت لما قرب من ودانها و همس.
باسل: لو لفيتي العالم ده كده مش هتلاقي حد يخاف عليكي قدي، انتي هتبقي مراتي يا وجد لازم احافظ عليكي.
باسل باس رأس وجد و ركبها العربية و لف ركب و بدأ يسوق...
-في مكان تاني...
عند نرمين و سليم...
نرمين: صباح الخير.
سليم: صباح النور.
نرمين: انت كويس؟!
سليم: ايوه متقلقيش.
نرمين: طب تعالي نتمشي شوية في جنينة المستشفي.
سليم: تعالي.
نرمين سندت سليم و خرجت هي و هو يتمشوا في الجنينة.
نرمين: رغم اللي في وشك ده و جسمك بتمشي بوقار.
سليم: لاني مش اي حد انا سليم المهدي.
نرمين: اشهر من نار علي علم.
سليم: حبيبي يا ابو صلاح...
نرمين: سليم.
سليم: نعم.
نرمين: عمرك حبيت؟! انا كتير شوفت ليك علاقات زي باسل كدة بس خلاص باسل هيتجوز و انت؟!
سليم(بضحك): سليم المهدي يتجوز مين سعيدة الحظ دي.
سليم: متخافيش يا اختي انا اموت عازب بدل ما اموت كافر لو اتجوزت.
نرمين: لا و الله؟! قصدك ان الستات وحشة؟!
سليم: مش القصد انا اقصد الستات المصرية.
نرمين: تصدق انك حيوان و انا غلطانة اني ماشية معاك.
نرمين كانت هتمشي سليم مسك ايديها و قعدوا علي كرسي في الجنينة.
سليم: اديني فرصة طب.
نرمين: ها اخلص؟!
سليم: مفيش احلي و لا اجدع من الست المصرية بس نكدين نكد.
نرمين: اولا بقي لو الستات المصرية نكدية فكل الستات نكديين.
سليم: ما انتي مروحتيش باريس او روسيا و شوفتي المزز اللي هناك.
نرمين: هما دول ستات. ده انت عينك زايغة مش عارفة مصحباك علي ايه؟!
سليم: فاكرة؟!
نرمين: فاكرة ايه؟!
سليم: اتعرفنا ازاي علي بعض.
نرمين(بابتسامة): ايوه.
نرمين: كنت انت و باسل بتلعبوا علي العجلة بتاعتكوا و انا كنت قاعدة بعيد بعيط سيبتوا العجلة و جيتوا قعدتوا جمبي و قعدتوا تتكلموا معايا و تضحكوني و اشتريتوا ليا شيكولاتة. عمري ما كان ليا صحاب بس من ساعتها و انت كنتوا اغلي حاجة في حياتي و مش هرتاح الا و انا شايفاكوا عرسان...
سليم: و ان مش هرتاح الا لما اشوفك جموسة كبيرة في الكوشة. اقصد عروسة طبعا.
نرمين: يا رخم المشكلة مش عارفة اضربك فين ده انت متكسر...
سليم: بس صحتي حديد.
نرمين: شايف نفسك اوي.
سليم: طبعا.
سليم حط دراعه علي كتف نرمين و باس خدها و قعدوا يتكلموا كتير مع بعض...
-في مكان تاني.
عند احمد.
كانوا راكبين العربية و مفيش حد بيتكلم كانوا هاديين جدا.
مريم: بتشتغل ايه يا احمد؟!
احمد: رجل اعمال.
مريم: بسم الله ما شاء الله. ربنا يحفظك.
احمد: شكرا.
كارما كانت قاعدة علي موبايلها و مش عايزة تبص لاحمد تاني.
فجأة احمد فرمل العربية مرة واحد و كارما اتخبطت.
مريم(بخضة): في ايه؟!
كلهم بصوا قدامهم و فتحوا عينيهم من الصدمة.