قصص و روايات - قصص رومانسية :

رواية النور والكابوس للكاتبة سلسبيل كوبك الفصل السادس والعشرون

رواية النور والكابوس للكاتبة سلسبيل كوبك الفصل السادس والعشرون

رواية النور والكابوس للكاتبة سلسبيل كوبك الفصل السادس والعشرون

فجأة وجد لقت اللي بيكتم نفسها بأيده وجد قعدت ترفص برجليها و بتحاول تصرخ,الحارس التاني ضربها علي رأسها و وجد اغمي عليها...
ركبوها في عربية سودة و قفلوا الباب و لفوا بدأوا يسوقوا لغاية ما وصلوا ل مخزن مليان كراتين فاضية و باين عليه قديم شوية.
رموا وجد في اوضة من اوض المخزن و سابوها و خرجوا...
عند سيف...
لؤي: مالك؟!
سيف طلع تليفون و اتصل بمدير المستشفي...
سيف: وجد مكانها مش في المستشفي.

لؤي: ازاي انا لسة جاي من عندها.
سيف: ال Gbs مش بيقول كدة.
الخط اتفتح.
سيف(بالفرنسية): روح اتطمن علي وجد.
مدير(بالفرنسية): تمام يا فندم.
سيف(بالفرنسية): بسرعة.
المدير دخل اوضة وجد ملقهاش قعد يخبط علي الحمام و فتحه برضو مش موجودة...
المدير(بتوتر,بالفرنسية): سيف بيه هي مش موجودة هنا.
سيف(بغضب,بالفرنسية): لو كنت قدامي كنت قتلتك.
لؤي: اهدي دلوقتي الجهاز بيقول هي فين؟!
سيف: في...

لؤي: المنطقة دي خطرة و مين من الممكن انه يعمل كدة و عارف انها تبقي قريبتك.
سيف: حد متابعني علطول حد عارف خطواتي.
لؤي: توكلني انا بالمهمة دي و اوعدك هجيبها.
سيف: و انا واثق فيك، لؤي وجد حياتها غالية جدا.
لؤي: تمام يا فندم.
لؤي خرج و مسك مسدسه حطه ورا ضهره و اختار مجموعة حراس و بدأوا يركبوا عربياتهم و يروحوا مكان ما سيف قال.
عند وجد...

وجد فتحت عينيها بضعف لقت نفسها مرمية علي الارض حاولت تقوم بس حست بتكسير في كل جسمها.
سمعت صوت حد جاي علي اوضتها عملت نفسها مغمي عليها.
حارس1(بالفرنسية): هي دي.
راجل(بالفرنسية,بابتسامة): كدة هقدر اخد الصفقة من سيف بكل بساطة.
راجل وطي و شال شعر وجد من علي وشها و بصلها.
راجل(بالفرنسية): مش هستغرب انها بالجمال ده ما هي تقرب ل سيف النجار.

في اقل من لحظة الراجل ده كان مرمي في الارض لان وجد ضربته في رجله و وقعته في الارض و ضربت الراجل اللي واقف برجليها في بطنه.
وجد(بالفرنسية): مش واخدة الجمال بس واخدة الشجاعة كمان.
وجد ضربت الراجل اللي مرمي في الارض برجليها في وشه و طلعت تجري بره الاوضة اللي هي كانت فيها.

وجد حست بصداع شديد و ضعف و بدأت تجري في ممر كبير لغاية ما لقت حارس كان هيضربها بوكس بس هي تفادت الضربة و مسكت دراعه تنته ورا ضهره جه واحد من وراها هي ضربته برجليها و زقت اللي هي ماسكاه.
وجد طلعت تجري بره المخزن و ملقتش حد تاني بس سمعت اصوات حراس داخلة من باب المخزن استخبت بسرعة في الضلمة...
وجد(لنفسها): اهدي دي مجرد ضلمة متخافيش.

الحراس كانوا دخلوا ناحية الاوضة اللي وجد كانت فيها و وجد خرجت بره المخزن قعدت تجري كتير و هي حاسة بوجع في كل جسمها.
وجد: اهدي اهدي استحملي قربنا.
وجد لقت عربية جاية ناحيتها بسرعة كبيرة حطت ايديها علي عينيها العربية كانت هتدوس وجد بس وقفت في اللحظة الاخيرة.
وجد كانت خلصت طاقتها و وقعت مغمي عليها,لؤي نزل من العربية بصدمة.
لؤي(بقلق): وجد.

لؤي راح ناحية وجد و حاول يفوقها بس هي مفاقتش شالها بين ايديه و ركبها العربية و لف ركب العربية و رجع علي فيلا سيف.
لؤي طلع تليفونه و اتصل ب سيف. الخط اتفتح.
سيف: ها؟!
لؤي: لقيتها و هأجي علي الفيلا.
سيف: طيب هسبقك علي هناك.
لؤي وقف عربيته قدام فيلا سيف و كان سيف واقف بره و اول ما شاف عربية لؤي راح ل وجد فتح العربية و شالها و دخل بيها للفيلا و نيمها علي السرير.
لؤي: متخافش جرح بسيط.
سيف: غالية عليا يا لؤي.

لؤي: اكيد رغم انها هنا بقالها فترة بسيطة و رغم انها مش بنتكلم كتير بس اتعلقت بيها.
لؤي كان جاب علبة الاسعافات و بدأ يطهر جرح وجد اللي في رأسها,غطوا وجد و خرجوا هما الاتنين.
سيف: وجد هتكمل علاجها هنا في البيت.
لؤي: تمام هتكلم مع الدكتورة.
سيف: شكرا يا لؤي شكرا ليك.
لؤي: انت زي والدي.
سيف: زي ايه؟! الفرق بينا 8 سنين يا حمار.
لؤي: برضو اكبر مني.

لؤي ساب سيف و جري علي تحت و سيف ابتسم عليه و دخل لاوضة وجد باس رأسها.

-في مكان تاني...
عند باسل.
باسل كان نايم و عرقان و كان بيتقلب كتير في نومه...
شريهان(بضيق): ماشي يا باسل و الله لاوريك. بس حققت انجاز بأنك بقيت جوزي انا مش جوز الحرباية التانية...
فجأة شريهان اتفزعت و صرخت لما باسل قام مفزوع من نومه و كان بينهج و مش قادر يأخد نفسه...
شريهان: انت كويس؟!
باسل مسح وشه بايده بتعب و قام من علي السرير و خرج بره الاوضة من غير و لا كلمة.
حازم: اوبا ايه يا معلم السرعة دي؟!

حازم: اللي بيتجوز ده مش بيخرج بره اوضته اصلا.
باسل(بجمود): ابعد من وشي.
باسل دخل اوضته خد دوش و هو بيفكر في الكوابيس اللي بقت ملازماه.
باسل: اهدي اهدي يا باسل هتعدي اهدي، مجرد فترة و هتنسي.
باسل خرج من الحمام و غير هدومه...
باسل لبس بنطلون اسود و تي شيرت اسود بكم و لبس كوتشي جملي و سرح شعره و لبس ساعته و حط البرفيوم بتاعه.
باسل خرج بره اوضته و كان نازل علي السلم...
عفاف: انت كويس يا باسل؟!

باسل: اه متقلقيش يا مرات عمي.
عفاف: عمتك و بناتها جايين الاسبوع الجاي.
باسل(بضيق): طيب.
عفاف: باسل متحاولش تعاند مع عمتك.
باسل(ببرود): مدام عفاف متنسيش انتي بتتكلمي مع مين، انا محدش يعاندني و محدش يكسر كلامي.
عفاف(بتوتر): انا اسفة.
عفاف سابت باسل و جريت من قدامه.
سارة: عملت ايه يا بطل؟!
باسل ساب سارة و مشي من غير ما يعبرها,باسل خرج للجنينه لقي أسيل بتسقي الزرع.
أسيل: ايه اللي محيرك؟!

باسل: انتي عرفتي منين اني واقف وراكي؟!
أسيل: متنساش احنا اخوات يا باسل...
أسيل سابت الماية بتاعت الزرع و لفت ل باسل قربت منه و خدته في حضنه.
أسيل: حبيبي انا حاسة بيك و حاسة بالنار اللي جواك بس الحل مش عندي الحل عندك...
أسيل: امشي ورا قلبك,القلب أبصر من العين...
أسيل: و تأكد دايما كل اللي حواليك مش ملائكة زي ما انت فاكر.
أسيل: و متسمعش لحد مهما كان مين، اعمل اللي ده عايزه.

اسيل شاورت علي قلب باسل و باسل بص ليها و سرح.
اسيل: عارفة اني حلوة.
باسل: حبيبتي.
باسل باس رأس اسيل و خدها في حضنه.
باسل: همشي انا دلوقتي علشان الشغل. باي.
اسيل: طيب يا حبيبي ربنا معاك.
باسل: و معاكي.
باسل ساب اسيل و ركب عربيته و راح ل شغله.
باسل(ببرود): موجود؟!
ظابط: اه يا فندم.
باسل مشي ممر كامل و نزل علي سلالم وصل ل مكان زي قبو و دخله كان في ضوء خفيف.
باسل: ليك وحشة يا حسن.

باسل قرب من حسن اللي مربوط في كرسي و محطوط حاجة علي عينه...
حسن(بفزع): مين؟!
باسل(ببرود): كابوسك.
حسن(بفزع): انت لا لا ابعدوه عني لا لا...
كان في شخصين قاعدين ورا الازاز اللي موجود في الاوضة اللي باسل فيها...
شخص1: هو اصلا كان لسة بدأ.
شخص2: متنساش ان الكابوس سمعته سبقاه، يا ويله اللي يقع تحت ايده.
شخص1: عندك حق بيبقي عامل زي الكابوس فعلا.

شخص2: يا عم ده الكابوس ميجيش حاجة جمب باسل، ده بيضرب و بيعذب بطريقة فظيعة جدا.
باسل(ببرود): تحبوا تجربوا؟!
الااتنين اتفزعوا من مكانهم و بصوا علي الاوضة لقوا اللي اسمه حسن مرمي علي الارض و دمه حواليه و باسل واقف ببرود و ساند علي الباب...
شخص2(بفزع): احنا اسفين يا بيه سامحنا اول مرة...
شخص1(بفزع): فعلا اول مرة.
باسل(ببرود): و اخر مرة يا خفيف، احسن ما تبقي مكانه.

باسل(ببرود): عموما ركزوا علي شغلكم و شوفوا في مين تاني...
شخص2(بخوف): حاضر.
باسل سابهم و مشي و نفض هدومه ببرود و خرج بره المبني و راح للشركة بتاعته...
باسل طلع ل مكتبه و قعد عليه بتعب فاق علي ايد سليم اللي علي كتفه...
سليم: ايه اخبارك؟!
باسل(بتنهيدة): معرفش، ا.
الباب خبط.
باسل: ادخل.
نرمين: متجمعين يعني من غيري؟!
سليم: انتي مين اصلا؟!
نرمين: يا خفيف.
سليم: اتكلم يا باسل، و يعني لما اقوم اضربك دلوقتي؟!

نرمين: متقدرش.
سليم: تعالي بقي انا ساكتلك من الصبح.
سليم جري ورا نرمين في مكتب باسل و باسل ضحك عليهم,نرمين جريت علي اوضة الاجتماعات.
سليم: مفيش اي حد هنا.
نرمين(بتوتر): اه ما انا خدت بالي.
نرمين وقفت بسبب الحيطة اللي ورا ضهرها و كانت هتجري بس سليم شدها من خصرها علي الحيطة و حاوطها بين ايديه.
سليم(بمكر): ايه سكتي فجأة؟! راح فين دور الشجاعة من شوية.

نرمين(بتوتر): سليم سبني انا اختك يا عم في حد يعمل كدة في اخته...
سليم(بمكر): انا، حظك وقع في ايد اخ مستبد زيي.
نرمين: يا ظالم...
سليم: قولتي ايه مسمعتش؟!
نرمين: بحبك...
نرمين قربت من سليم و باسته علي خده و بصت في عيونه و زقته و طلعت تجري علي بره...
سليم: لا و النبي.
نرمين: باسل باسل خليه يبعد عني بقي.
باسل(بمكر): سليم اهدي احنا في الشغل,و هي كدة كدة هتبات معاك تحت سقف بيت واحد.

سليم(بمكر): عندك حق يا باسل.
نرمين(بضيق و غيظ): ده انتوا رخمين.
نرمين سابتهم و خرجت تكمل شغلها و باسل و سليم ضحكوا عليها...

-في مكان تاني...
عند قصي و ليلي...
ليلي كانت نايمة في حضن قصي نوم عميق و قصي صحي قبلها و بص ليها و باس رأسها و قام من جمبها دخل الحمام خد دوش و خرج و ليلي كانت لسة صاحية.
قصي(بغمزة): صباح الخير...
ليلي(بخجل): صباح النور.
قصي: قومي يلا خدي دوش عقبال ما اغير هدومي و هستناكي تحت.
ليلي: حاضر.
قصي دخل غير هدومه و نزل ل تحت,ليلي خدت دوش و خرجت غيرت هدومها و نزلت ل قصي تحت...
قصي: تعالي.

ليلي راحت قعدت جمب قصي و قصي خدها في حضنه و باس رأسها...
قصي: ان شاء الله لما جدو يفوق من الغيبوبة و وجد نلاقيها هجيبك تعيشي في القصر سلكتي كدة مع امي خير و بركة معرفتيش هتبقي الشقة دي ليكي و بتاعتك، تمام يا قمري؟
ليلي: تمام، انا ميهمنيش اي حاجة غير اني معاك.
قصي: يا سلام علي الحب الله يرحم ايام المطوة.
ليلي ابتسمت بخجل و بعدها رفعت عينيها ل قصي.

ليلي: كنت بدافع عن نفسي يا قصي,كنت لما برجع بليل من المستشفي للبيت بتاعي الاقي شباب بتشرب مخدرات و يقربوا عليا و و.
ليلي: اكيد انت فهمت. غير ان اخويا كان دايما مراقبني و يوقفني علشان يأخد فلوس.
ليلي: اللي زينا اللي ملهوش ضهر يترمي جمب الزبالة.
قصي: ممكن اصدق كلامك ده بس ده كان زمان دلوقتي انا ضهرك و سندك في الدنيا دي، فاهمة؟
ليلي هزت رأسها بمعني اه و حضنت قصي جامد.
قصي: ربنا يخليكي ليا.

ليلي: و يخليك ليا.
قصي: طيب. هعدي عليكي بليل اخدك نتعشي تمام.
ليلي: تمام.
قصي قام باس رأس ليلي و قاموا هما الاتنين راحوا ناحية الباب.
قصي: متفتحيش لحد. و كُلي عقبال ما اجي، لو في اي حاجة اتصلي.
ليلي: حاضر.
قصي و ليلي حضنوا بعض جامد و قصي فتح باب الشقة و نزل و ليلي بصت حواليها لقت الشقة متربة شوية بدأت تنضفها و تروقها...

-في مكان تاني...
عند ثريا و علي...
علي: ثريا.
ثريا: نعم؟!
علي: بتعملي ده كله ايه في المطبخ؟!
ثريا: بحاول اعمل اكل تأخده و انت رايح الشغل لاني اكتشفت انك بتقضي نص يومك كله في الشغل و اكيد بتشتري اكل من بره فقولت اساعد يعني و اعملك اكل.
ثريا(باحراج): يعني لفترة مؤقتة لغاية ما نطلق...
علي: امممم طب و عملتي ايه؟!
ثريا: خد انت بقي و ابقي شوف هناك.
علي: يا خوفي.

ثريا(بخجل): ابقي خد دؤاء احتياطي معاكي علشان لو تعبت...
ثريا سابت علي و دخلت جري علي اوضتها و علي ابتسم علي تصرفها و خد علبة الاكل و حطها في الشنطة بتاعته و لبسها علي الضهر و راح ناحية اوضة ثريا و خبط الباب.
ثريا: نعم.
علي: مش هتودعيني؟!
ثريا فتحت الباب و حطت رأسها في الارض رفعت رأسها لما علي شدها لحضنه.
ثريا(بتوتر): ايه ده؟!
علي(بهمس): يعني لفترة مؤقتة لحد ما نتطلق.

علي باس ثريا علي رقبتها و بِعد عنها باسها بسرعة علي رأسها و خد شنطته و مشي...
ثريا ابتسمت بخجل و راحت قعدت علي الكنبة قدام التلفزيون...
تليفون ثريا رن...
ثريا(باستغراب): ايه الرقم ده؟!
الخط اتفتح.
ثريا(بحذر): الو مين؟!
وجد: نسيتيني بالسهولة دي؟!
ثريا(بلهفة): وجد! عاملة ايه اخبارك؟! انتي فين؟! روحتي فين؟! و ايه اللي حصل!؟ و مختفية ليه؟! طمنيني عليكي؟!
وجد: متقلقيش يا روحي انا بخير. طمنيني عليكي انتي.

ثريا(بدموع): وحشتيني اوي يا وجد عارفة ان علاقتنا كانت متوترة بس و الله اثبتيلي من كام يوم و كام موقف انك جدعة و.
وجد: يعني انا بتصل بيكي تقومي معيطة يا بت اهدي كدة.
ثريا: انتي فين؟! مش موجودة ليه؟! نشروا اعلان انك مفقودة؟! و قصي سألني...
ثريا: وجد انتي فين و النبي طمنيني عليكي.

وجد: انا بخير يا ثريا، هكلمك علطول متخافيش بس اهم حاجة متقوليش لاي مخلوق اني بكلمك. كل مرة هقفل معاكي هكسر الخط و ارميه يا ثريا.
وجد: اياكي تغلطي علشان خاطري و تقولي انك تعرفي حاجة انا كلمتك لاني واثقة انك اتغيرتي.
ثريا: حاضر و الله، بس طمنيني عليكي.
وجد: يا بت زي القمر اهو مالي يعني.
ثريا: انتي المفروض كنتي تطلعي ترفعي قضية عليه بسبب اللي عمله فيكي.
وجد: عرفتي منين؟!

ثريا: من يومين جه صاحب علي و قعدوا يتكلموا و انا سمعت صدفة.
وجد: ثريا هقفل دلوقتي يا حبيبتي.
وجد: هبقي اكلمك انا و متقوليش ل علي اني بكلمك متقوليش لاي حد حتى قصي و جدو.
ثريا: طيب.
وجد: يلا يا روحي باي، بحبك.
وجد قفلت مع ثريا و قعدت علي الكنبة بتعب لقت اللي بيدلك ليها رقبتها و رأسها.
وجد: شكرا يا خالو انك متخلتش عني.
سيف: تعرفي يا به لولا اني مينفعش اتجوزك كان زماني اتجوزتك هو حد يسيب الجشطة دي كلها.

وجد(بضحك): لسة زي ما انت يا خالو و لا اي بلد مستحيل تغيرك.
سيف: يا بنتي مصر ام الدنيا معششة جوا قلبي.
وجد: انا عايزة ابدأ حياتي من جديد.
سيف: ده انا خلاص بقي يا بت دودي عملت ايه بقي قوليلي عملت ايه.
وجد: عملت ايه يا روح قلب دودي؟!
سيف: الشركة بتاعتي فيها محامين بس طبعا مش بجودة و كفاءة وجد الصياد.
وجد: انت عايز تعمل معايا deal بقي.
سيف: هو حد اصلا يطول يتعامل معاكي...

وجد: طبعا يا ابني هو انا اي حد و لا ايه؟!
وجد و سيف قعدوا يضحكوا و يتكلموا بس طول القعدة وجد حاسة بوجع في كل جسمها مش قادرة تتحمل.
وجد(بتعب): هي الدكتورة دي جاية امتي؟!
سيف: قربت يا حبيبتي، انتي قوية استحملي.
وجد بصت ل سيف بتعب و سابته و طلعت اوضتها بدأت تصرخ من الوجع بس بتكتم صريخها بالمخدة.

-في مكان تاني.
عند احمد و كارما...
الاتنين كانوا داخلين فرح صاحبة كارما مع بعض و هما ماسكين ايدين بعض.
احمد(بهمس): هي ربع ساعة فاهمة؟!
كارما: خلاص خلاص يا عم.
كارما و احمد راحوا سلموا علي العريس و العروسة و قعدوا نص ساعة و بعدها احمد قام خد كارما و خرجوا مع بعض في مطعم شيك...
احمد: متضايقة علشان خليتك تمشي من فرح صاحبتك؟!
كارما: لا طبعا انت بتقول ايه انت اهم طبعا.

احمد مسك ايد كارما و باسها و بصلها في عيونها.
احمد: ربنا يخليكي ليا و مفيش حاجة تبعدنا عن بعض...
كارما: يا رب.
احمد: يلا شوفي عايزة اطلبلك ايه.
كارما: تعالي نرقص الاغنية رومانسية و انا بحبها.
احمد: تعالي.
احمد مسك ايد و كارما و بدأوا يرقصوا مع بعض و هما مبسوطين و ناسين اللي حواليهم...
كارما: بحبك. توعدني انه عمرك ما هتسبني؟!
احمد: عمري. و لو بينا بلاد هتفضلي في قلبي.

احمد باس رأس كارما و وقفوا رقص و في ناس من اللي في المطعم صقفوا ليهم.
احمد و كارما ابتسموا و رجعوا قعدوا مكانهم و بدأوا يأكلوا و هما مبسوطين...
احمد: يلا اوصلك.
احمد و كارما قاموا و ركبوا عربية احمد و بدأ يسوق ناحية بيت كارما.
كارما: وقف يا احمد وقف، باسل شكله عندنا اقف هنا هنزل انا.
احمد: طيب يا حبيبتي خلي بالك من نفسك و طمنيني عليكي.

كارما سابت احمد و راحت ل بيتها و احمد شد علي الدريكسيون بغضب و ساق ناحية المستشفي...
في البيت...
باسل و سليم كانوا واقفين منتظرين كارما و مريم و نرمين قاعدين علي الكنبة.
كارما: مساء الخير...
باسل(بحدة): كنتي فين؟!
كارما(بتوتر): كنت في فرح صاحبتي.
نرمين: احنا عارفين يا حبيبتي اهدي. في ايه و انتوا الاتنين فهمونا.
سليم رمي ظرف فيه صور علي الترابيزة.
سليم: و طالما هو فرح صاحبتك واخدة ده معاكي ليه؟!

باسل(بحدة): و انتي غبية لغاية دلوقتي معرفتيش مين اللي ممكن يخدعك.
كارما(بدموع): احمد مستحيل يعملها.
باسل(بعصبية): مين قالك؟! ايه بتشمي علي ضهر ايدك.
كارما(بدموع): احمد بيحبني و مستحيل يغدر بيا.
باسل(بعصبية): و لما ينتقم مني فيكي.
كارما(بانفعال و عياط): احمد مش زيك مش بيوعد و بيخلف احمد بيحبني و هيتجوزني و مأخدنيش بذنبك احمد راجل مش هيسبني.

سليم ضربها قلم علي وشها بغضب و كارما بصتلهم و طلعت علي اوضتها اترمت علي السرير منهارة في العياط...
مريم: باسل هي.
سليم: باسل انت عارف كارما صغيرة و.
باسل(بابتسامة): مفيش حاجة عن اذنكم اتأخرت.
باسل سابهم و خرج بره الفيلا و سليم قعد و حط وشه بين ايديه...
مريم: بكرة هتكلم معاها.
سليم: ملهاش خروج بره البيت يا امي. و دي مسئوليتك انتي.
سليم سابهم و طلع اوضته قفل الباب عليه.
عند باسل...

باسل خرج و هو حاطط ايده علي قلبه حس بوجع شديد ركب عربيته و بدأ يسوق بسرعة كبيرة.
و آخر ذكري بينه و بين وجد مرت قدامه و وجع قلبه زاد.
باسل وقف العربية فجأة و مسك موبايله اتصل بحد. الخط اتفتح.
باسل: عملت ايه؟!
: لسة موصلتش ل حاجة.
باسل(بانفعال): ازاي يعني؟! بقالك اسبوع بتدور.
: انا ذنبي ايه طيب؟
باسل قفل في وش الشخص ده و رمي تليفونه، فتح باب عربيته و نزل منها وقف قدام الكورنيش.

باسل غصب عنه دموعه نزلت و مسحها...
باسل(بضعف): ليه ليه كدة؟! ليه الوجع ده؟! ليه مش قادر انسي؟!
باسل(بضعف): ليه يا ربي كدة؟!
باسل مشي و ركب عربيته و رجع القصر بتاعه و لقي الدنيا كلها ضلمة كان طالع لاوضته.
عصمت(بجمود): باسل.
باسل: نعم.
عصمت(بجمود): شريهان حكتلي علي اللي حصل.
باسل(بغيظ): اللي هو؟!
عصمت(بجمود): انا و انت عارفينه كويس. البنت ليها حقوق عليك.
عصمت(بجمود): و انا عايزة حفيد.

باسل(ببرود): و انا مش بطيقها و كوني اتجوزتها ده علشان خاطرك اكتر من كدة لا. فهماني يا امي انا مش بحبها و لا بطيقها.
باسل(ببرود): عن اذنك تعبان و عايز انام.
عصمت(بجمود): هي السبب؟!
باسل: هي مين؟!
عصمت(بجمود): طليقتك.
باسل: مش خدنا منها اللي احنا عايزينه خلاص منجبش سيرتها تاني.
باسل ساب عصمت و طلع علي اوضته لقي شريهان قادة مستنياه علي السرير.
باسل قرب منها و مسكها من دراعها بغضب...

باسل: الاوضة دي متعتبهاش تاني احسن و ربي يا شريهان لاطلقك و ساعتها هتبقي سمعتك انتي و امك في النازل.
شريهان شدت دراعها من باسل بانفعال و بصتله.
شريهان: و سمعة امك متنساش.
باسل(بغضب مكتوم): غوري من قدامي.
شريهان: هتلف و هترجعلي يا باسل.

شريهان سابت باسل و باسل دخل الحمام خد دوش و اتوضئ و خرج وقف و بدأ يصلي بضعف و اول ما سجد بدأ يعيط زي الطفل الصغير اللي تاه من امه و قعد يعيط لغاية ما خلص صلاة و فضل مكانه و غصب عنه نام.
وجد(بابتسامة): باسل.
باسل(بلهفة): وجد.
باسل بص ل وجد كانت لابسة فستان ابيض ب ¾ كم و طويل لغاية بعد الركبة بشوية و واسع و كان جمالها شديد.

باسل قرب من وجد كانت بتضحك من كل قلبها. باسل مسك ايديها و باسها و بصلها في عينيها.
باسل(بحب): وحشتيني.
وجد: تؤ انا زعلانة منك...
باسل: انا آسف سامحيني.
وجد: تؤ تؤ انت زعلتني جامد.
باسل: خلاص سامحيني انتي قلبك ابيض. بحبك.
باسل حضن وجد جامد و باس رأسها و وجد بعدت عنه بمسافة.
باسل: افضلي اضحكي يا وجد علشان خاطري.
وجد(بابتسامة): ما انا بضحك اهو.
باسل: و متزعليش مني و سامحيني.
وجد: ا.

فجأة حد لابس اسود جه من ورا وجد و ضربها بسكينة في رقبتها و وجد وقعت في الارض فستانها بقي عليه دم...
باسل رفع رأسه بصدمة لقي عصمت واقفة و بتبتسم.
باسل(بصريخ): وجد!
باسل قام من نومه مفزوع مش قادر يأخد نفسه لقي آذان الفجر بيأذن,باب اوضته اتفتح و أسيل دخلت اوضة باسل.
أسيل: انت كويس!؟
باسل(بفزع): وجد! وجد يا أسيل.
أسيل: هششششش اهدي اهدي خلاص حصل خير يا حبيبي اهدي. هي كويسة اهدي.

باسل(بدموع): انا ظلمتها يا أسيل خنتها.
أسيل: هتسامحك متخافش هتسامحك.
أسيل: بس انت ايه اللي خلاك تصرخ كدة؟!
باسل حكي ل أسيل كل اللي حصل في الحلم.
أسيل(بابتسامة): متخافش يا حبيبي ده مجرد حلم هي بس علشان انت بتفكر فيها كتير...
باسل: طب ليه شوفت أمي؟!
أسيل(بابتسامة): علشان اكيد قابلتها و انت جاي و كلمتك علي موضوع شريهان صح.
باسل: صح. فعلا كلمتها قبل ما اطلع.

أسيل: اهدي بقي يا حبيبي يلا قوم صلي الفجر و نام يلا...
أسيل باست رأس باسل وسابته و خرجت,باسل قام صلي و بعدها راح علي السرير بدأ ينام...

-في مكان تاني...
عند وجد...
وجد كانت نايمة بعمق في سريرها و فجأة قامت مفزوعة من نومها...
تتلاقي الارواح رغم بُعد المسافات ??.
وجد شافت خيال حد في بلكونتها و اتصدمت...

الفصل التالي
جميع الفصول
روايات الكاتب
روايات مشابهة