رواية النور والكابوس للكاتبة سلسبيل كوبك الفصل السادس والثلاثون

رواية النور والكابوس للكاتبة سلسبيل كوبك الفصل السادس والثلاثون

في قصر الانصاري.
شريهان(بصوت عالي): حرام عليكي ليه علقتيني بيه ها ليه؟! ليه و هو بيحب واحدة تانية؟!
شريهان(بصوت عالي): مقربش مني و لا حتى اتكلم معايا نص كلمة، ابنك بيكرهني ليه ربطتيني بيه.
شريهان(بصوت عالي و غل): يومين بس هما يومين اللي البنت دي جت فيهم و في اليومين دول باسل الانصاري اللي هو الكابوس بقي خدام تحت رجليها.
شريهان(بغل): ردي هفضل كدة لحد امتي؟!
عصمت ضربت شريهان بغضب علي وشها.

عصمت(بغضب): ابني مش خدام عند حد ابني راجل و سيد الرجالة. و مش ذنبي ان انتي مقدرتيش تخليه يحبك انتي.
عصمت(بغضب): و كلمة كمان هخليكي ترجعي علي بيت اهلك مع ورقة طلاقك و باسل ما هيصدق انه يخلص منك.
عصمت(بغضب): انا لو منك مسبش جوزي لاي واحدة كدة و خلاص، انتي اللي استسلمتي بدري.
عفاف: حصل خير اهدي يا عصمت و انتي كمان يا شريهان مينفعش تعلي صوتك علي الكبار كدة.
نعمة(بحدة): شكل امها مربتهاش كويس.

جودي(بملل): يا ربي مش هنخلص من الحوار ده بقي عايزة اكل.
طارق بص ل جودي بقرف و سابها و مشي و جودي راحت ل رضوان و مسكت في ايده.
رضوان: مالك يا حبيبتي؟!
جودي: ممكن توصلني معاك النهاردة للجامعة.
رضوان: حاضر يا حبيبتي حاضر. نأكل بس و المجزرة دي تخلص.
جودي و رضوان ضحكوا ل بعض و اسيل راحت ناحيتهم.
اسيل: ده وقته تضحكوا يا اللي معندكمش دم.
جودي: اوف يا اسيل كبري.
اسيل: يا بنتي اتعلمي اللغة.

جودي: ملكيش فيه. ده انتي بت عايزة الحرق بصحيح؟!
سمر(بضيق): في ايه بيحصل ايه هنا؟!
حازم: و الله يا اختاه محدش عارف حاجة.
سمر(بضيق): هو فعلا باسل طلع متجوز البت اللي اسمها وجد دي...
سهر: يووووه ده انتي مش عايشة في الدنيا.
سمر(بضيق): ازاي و ليه؟!
حازم: مالك يا بنتي حاسك هتقتلينا ليه؟!
سمر: مفيش حاجة مفيش.
معتز(بضيق): طب ممكن ناكل انا عندي شغل و مش عايز اتاخر يا عصمت هانم.
عصمت: يلا علي الفطار.

عصمت(بضيق): فين باسل؟!
شريهان(بسخرية): هيكون فين مع ست الحسن طبعا.
نعمة(بحدة): شريهان اتكلمي عدل معانا في ايه.
شريهان(بضيق): في ان جوزي مع واحدة تانية في اوضة واحدة.
طارق: هو جايبها من الشارع ما هي مراته و مراته قبلك كمان...
عصمت(بجمود): كله يأكل مش عايزة نفس.
عند باسل و وجد.
باسل كان بيفوق من نومه و هو بيبتسم و بيتمطع بص جمبه لقي وجد قاعدة علي السرير و باصة للفراغ.
باسل(بابتسامة): حبيبتي.

وجد(بهدوء): طلقني.
باسل قام اتعدل في قعدته و حط ايده علي كتف وجد بس وجد قامت من علي السرير بضيق.
باسل: حصل ايه يا بنتي ما كنا كويسين؟!
وجد: في اني ضعفت و انا مش رخيصة علشان اسامحك بالسهولة دي. و روح ابني مش رخيصة علشان اقبل اني ارجعلك بالسهولة دي.
باسل قام من علي السرير و قرب من وجد و شدها من دراعها ناحيته...
باسل(بحدة): و مين قال انك رخيصة قطع لسانه. انتي مراتي و قولتلك هعوضك سيبيلي فرصة بس.

وجد(بسخرية): هتعوضني عن ايه و لا ايه؟!
باسل(بحدة): انتي مصدقة نفسك؟!
وجد: طلقني بقي ريحني من عذابي معاك.
باسل: بتتعذبي و انتي موجودة جمبي؟!
وجد: اه...
باسل: بتتمني اني اموت؟!
وجد: بتمني اني ابعد عنك و مشوفكش تاني.
باسل ساب وجد و راح ناحية السرير و فتح درج الكمودينو اللي جمب السرير و طلع منه مسدسه و راح ناحية وجد و حطه في ايديها.

باسل: يبقي اقتليني يا وجد. عندي اموت اهون من انك تبقي بعيدة عني او انك تكرهي وجودك معايا...
وجد: لو ضربت عليك نار هتسبني؟!
باسل: اه...
وجد رفعت ايديها و حطت المسدس في وش باسل و غمضت عينيها و بعدها فتحتهم.
الاتنين فضلوا في صمت رهيب و علي نفس الوضع لفترة,وجد رمت المسدس في الارض و دبت برجليها في الارض و قعدت تعيط.
باسل قرب من وجد و خدها في حضنه...

وجد(بعياط): انا مش عايزاك حقيقي مش هقدر اكمل و مش قادرة مش قادرة بجد قربك مني بيخنقني. انا ندمانة علي اللي حصل امبارح.
وجد(بعياط): انا انا حقيقي مش.
باسل(بحدة): خلاص يا وجد كلام في الموضوع ده منتهي. و بالنسبة لموضوع اني المسك و لا لا.
باسل(بحدة): فمن هنا و رايح مش هلمسك يا وجد. بس انك تسيبي البيت و تمشي لا يعني لا يا وجد...
وجد(بدموع): و متنامش معايا.
وجد: لو عايزني افضل هنا نام في اي اوضة تانية.

باسل: متأكدة من قرارك!؟
وجد: اه.
باسل(بضيق): طيب يا وجد. بس يا ويلك لو فكرتي تهربي او تمشي من هنا.
وجد هزت رأسها بمعني اه,باسل ساب وجد و دخل الحمام و وجد قعدت علي السرير تفكر في اللي هي عملته و كانت حاسة بحرب جواها.
وجد: يا رب بقي نورلي طريقي.
وجد سمعت صوت تكسير في الحمام جريت ناحية الحمام فتحت الباب لقت باسل قاعد علي طرف البانيو و المراية مكسورة في الارض مية حتة و ايده بتنزل دم اختلطت مع ماية الدش.

وجد(بصدمة): باسل!
وجد جريت ناحية باسل بسرعة و مسكت ايده بس هو شد ايده منها بعنف.
باسل: عايزة ايه؟! ها ردي عايزة ايه؟!
باسل(بانفعال): طبعا بعد ما ضعفت قدامك امبارح و عيطت و حكتلك الماضي بتاعي قولتي لما العب بيه و انتقم منه و ابعده عني لاني عارفة انه بيحبني.
باسل(بانفعال): مش كدة!؟ للدرجة دي بتكرهيني مفيش و لا حتى ذكري واحدة تشفعلي.
باسل(بانفعال): حرام عليكي يا شيخة، ملعون ابو الحب علي اللي عايز يحب.

باسل(بانفعال): عارف اني جرحتك و عارف اني انتقمت غلطت بس كل مرة كنتي انتي بتتأذي كنت بتعذب اضعاف اضعاف، كنت بموت و انتي مش جمبي دورت عليكي كتير و سألت عليكي الكل حالي اتغير مليون درجة. مبقتش اكل مبقتش انام مبقتش اشتغل كويس مبقتش بعمل اي حاجة غير اني بفكر فيكي.
باسل(بانفعال): ليه عايزة تستغلي ضعفي اللي مظهرتوش قدام اي حد غيرك بعد ابويا؟! ليه عايزة تذليني و تنتقمي مني كدة؟! ليه عايزة تحرميني منك؟!

باسل(بانفعال): ده كله علشان حبيتك. لو الحب كدة فمش عايزه بس للاسف مش قادر اشيلك من قلبي و لو شيلتك من قلبي مش هقدر اشيلك من مخي و تفكيري و لا تخيلاتي. ليه بتقتليني بالبطئ كدة ليه؟!
وجد قامت من علي طرف للبانيو و قربت من باسل ببطء و حاوطت رقبته بايديها.

وجد: مسألتش و لا مرة نفسك قد ايه انت اذيت روحي؟! قد ايه كنت محتجاك جمبي و انت بعدت عني؟! قد ايه كنت بتمني مقابلتك و اسالك ليه عملت كدة ليه؟! كان نفسي اقولك قد ايه منتظرة مجيتك و انت بتقولي سامحيني يا حبيبتي.
وجد: بس انت يا باسل بعدت و بعدت اوي و ده علمني الجفاء، انت ظهرت بعد ما انا ساعدت نفسي بنفسي.

وجد: متستغربش اني مبقاش عندي مشاعر انت السبب قتلتها. فمتجيش تطلب مني حاجة هي عندك اصلا. متجيش تطلب مني حب و انت خدته و شيلته من قلبي.
وجد: اللي بيحب الورد يتحمل شوكه و لو انت بتحبني اتحمل يا باسل ممكن يجي يوم و اقدر اسامحك فيه علي كل حاجة.
وجد: الشئ الوحيد اللي مخليني هنا و لسة معاك هنا في اوضتك و جمبك و في حضنك اني بحبك يا باسل.
وجد: بس لو كان الحب كفاية مكنش حد غلب.
وجد: بحبك بس مش مسمحاك.

وجد بعدت عن باسل بخطوتين و كان في تواصل بصري ما بينهم.
امل: باسل بيه.
باسل(بغضب): في ايه؟! و ازاي تدخلي كدة؟!
امل(بخوف): خبطت كتير يا بيه بس محدش سمعني. الفطار تحت بقاله كتير و عصمت هانم متعصبة.
باسل: جهزي ليا انا و وجد هانم هنفطر في الجنينة.
امل: حاضر يا بيه. عن اذنك يا هانم.
امل مشيت و وجد كانت هتخرج بس باسل مسك ايديها و شدها ناحيته بهدوء.
وجد(بوجع): ايدي.
باسل: جرحك بسيط يا وجد. هداويه بس ساعديني.

وجد(بدموع): لو اقدر هساعد.
باسل: يبقي تثقي فيا تاني و دي اول خطوة لازم نشتغل عليها، انك تثقي فيا.
وجد(بدموع): صعب.
باسل: بس مش مستحيل.
باسل شال كف ايده من كف ايد وجد و لقي الازاز غرس في ايديها هي.
وجد: انت مجروح مش هتعرف تعالجني.
باسل: و انتي جرحك اخف هتقدري تعالجينا احنا الاتنين يا وجد، حاولي علشان خاطري.
وجد حضنت باسل جامد و باسل قربها منه بايده السليمة و باس رقبتها.

باسل: يلا نلحق نغير هدومنا علشان ننزل تحت نتهزأ شوية. يلا بينا.
وجد شالت الازاز اللي في ايديدها و طهرت الجرح و الجرح بتاعها كان صغير,و بدأت تلف ايد باسل كلها بشاش بعد ما شالت الازاز و طهرتله الجرح.
كل واحد بدأ يغير هدومه.

وجد لبست بنطلون اسود و فوقه تي شيرت باللون الاسود صوف بكم و لبست كوتشي ابيض عالي نوعا ما و حطت روچ احمر غامق و سيبت شعرها علي ضهرها و شدت شعرها ل ورا ما عدا كام خصله علي وشها و حطت البرفيوم بتاعها.
باسل: هاتي ايدك.
باسل و وجد مسكوا في ايد بعض و نزلوا ل تحت لقوا المعظم قاعد علي السفرة...
عصمت(بحدة): ما لسة بدري. ايه يا باسل نسيت قوانين البيت ده و لا ايه؟!
باسل: اسف يا امي.
نعمة: تعالي كل يا باسل.

باسل: هاكل انا و وجد في الجنينة.
شريهان(بانفعال): انت ايه يا اخي معندكش دم؟!
باسل قرب ببطء من شريهان و شدها من دراعها ناحيته.
باسل(بهمس و غضب): اسبقيني علي اوضة المكتب جايلك.
شريهان(بانفعال): ايه مش عايز تقول للسنيورة انا مين؟!
باسل(بهمس و غضب): شريهان انتي عارفة جنوني متخلنيش اطلعه عليكي، غوري من قدامي يلا.
شريهان شدت دراعها من باسل و مشيت بغضب ناحية اوضة المكتب قبل ما تمشي خبطت في كتف وجد...

وجد(بحدة و وجع): يا غبية في حد يعمل كدة؟!
جودي: معلش يا مزة هي كدة عايزة الحرق.
جودي(بتوتر من عصمت): اقصد يعني معلش.
باسل: اعرفك علي العائلة يا وجد.
باسل: امي. و دي عمتي نعمة. و دي مرات عمي عفاف.
عفاف قامت و حضنت وجد و باستها و وجد ابتسمت ليها بابتسامة بسيطة.
عفاف: حبيبتي.
وجد: تسلمي يا طنط.
باسل: و دي سمر.
وجد(بضيق): اتعرفنا قبل كدة.
باسل: سهر اختها التؤام. و دي جودي و دي اسيل.

حازم: طب بالنسبة لحازم و لرضوان و لطارق ايه هواء؟!
باسل: و انا اعرف مراتي علي شباب ليه؟!
باسل: خليكي هنا يا وجد هروح اعمل حاجة و نطلع نفطر في الجنينة.
وجد هزت رأسها بمعني ماشي و عفاف و جودي قاموا قعدوا وجد علي الكرسي.
جودي: احكيلنا انتي خريجة ايه؟! كلمينا عن نفسك!؟
وجد: انا محامية و عندي 25 سنة و ابقي مرات باسل و لسة حياتنا مش مستقرة بس...

اسيل: طب استأذن انا ورايا مشوار مهم، عن اذنك يا وجد اكيد هنقعد كتير مع بعض.
وجد: تمام...
جودي: يلا يا رضوان نروح الجامعة.
رضوان: طيب تشرفت بمعرفتك يا مدام وجد. عن اذنكم يلا يا جودي.
طاوق: خدوني معاكم يلا.
التلاتة خرجوا بره القصر و اتبقي سهر و سمر و حازم.
حازم: طيب اخلع انا علي شغلي، باي.
سهر: يلا يا سمر نتمشي في الجنينة.
سمر: روحي انتي.
سهر: طيب.
وجد كانت متوترة من نظرات عصمت و نعمة و سمر ليها...

عند باسل و شريهان.
باسل: بصي يا بنت الناس هوديكي 10 مليون جنيه و هنتطلق لكن قدام الباقي كاننا متجوزين.
شريهان: باسل ما تديني فرصة انا بحبك.
باسل: و انا مش بحبك اعملك ايه يعني؟!
شريهان: يا باسل هي ممكن تغدر بيك متنساش اللي انت عملته فيها. سيبيلي نفسك خالص يا باسل.
شريهان قربت من باسل و مسكت قميصه بايديها و كانت هتقرب منه,باسل بعدها عنه و ضربها قلم
علي وشها...
باسل: حسي علي دمك انا بحب وجد.

شريهان(بغضب): ماشي يا باسل و الايام جاية كتير.
شريهان سابت باسل و خرجت بره اوضة المكتب و باسل خرج وراها راح ناحية وجد باس رأسها.
باسل: تعالي نفطر بره، عن اذنكم.
باسل: امل حطيتي الفطار؟!
امل: اه يا بيه.
باسل مسك ايد وجد و خرجوا بره القصر و قعدوا في الجنينة الاتنين بدأوا يأكلوا و باسل بيتكلم و وجد في صمت رهيب قلق باسل.
باسل: اه وجد.
وجد: ها؟!
باسل قرب من وجد و مسك ايديها.
باسل: كنت عايز استشيرك في حاجة.

وجد: ايه هي؟!
باسل: ليها علاقة في الشغل. هنتكلم انا و انتي فيه في اوضة المكتب هنتناقش. بس علي بعد العصر كدة.
باسل: تمام!؟
وجد: تمام. بس انا هعمل ايه طول الفترة دي؟!
باسل باس وجد علي كتفها و وجد بصتله بضيق.
باسل: هفرجك علي القصر علشان تبطلي تقولي عليه متاهة.
باسل: يلا قومي.
باسل خد وجد و بدأ يلففها كل القصر و يعرفها كل حاجة فيه...

-في مكان تاني...
عند نرمين.
نرمين كانت نايمة بعمق و صحيت علي صوت دوشة في الاوضة بتاعتها فتحت عينيها ببطء.
نرمين اتصدمت لما لقت سليم واقف ببنطلونه بس و بيتكلم في التليفون و ماسك ملف في ايده.
نرمين(بخضة): سليم! ايه اللي جابك هنا؟!
سليم بص علي نرمين بصة سريعة و كمل كلام في التليفون.
سليم: لا المناقصة لينا احنا. المرة اللي فاتت احنا سبناها بمزاجنا لكن اياكم تحاولوا تقفوا قدامنا.
سليم(بحدة): متعصبونيش.

سليم(بحدة): انا هحاول اتغاضي عن اللي انت قولته لكن صدقني المرة الجاية هتكونوا بتلعبوا في عداد عمركوا.
سليم(بحدة): متنساش انت بتتكلم مع مين سليم المهدي.
نرمين(بغضب): بتعمل ايه في اوضتي بالشكل ده يا سليم؟!
سليم: هقفل دلوقتي نتكلم بعدين.
سليم رمي التليفون علي الكنبة و قرب من نرمين اللي شدت الغطاء عليها و حط ايده علي رأسها.
سليم: حرارتك عادية يعني. جنابك انتي في اوضتي علفكرة.

نرمين بصت حواليها و استغربت و بعدها افتكرت كل حاجة حصلت و افتكرت ان كارما خلتها تنام في اوضة سليم غصب عنها.
نرمين(بحدة): و هو برضو حد بيدخل علي حد كدة و بالشكل ده و كمان متنساش انن.
سليم(بحدة): انا في اوضتي اعمل اللي انا عايزه و البس اللي انا عايزة حتى لو مش هلبس حاجة خالص ملكيش دعوة.
نرمين: انت سافل علفكرة.
سليم(برفعة حاجب): انتي لسة عارفة؟!
نرمين: لا بس احنا بنتعامل في حدود اخ و اخته.

سليم شد نرمين من معصمها و نرمين قعدت علي ركبها علي السرير و سليم كان واقف قدامها.
سليم: انسي انتي حاليا مراتي لما نتطلق ابقي اتعاملي زي ما انتي عايزة...
نرمين: انسي اني ابقي مراتك او نتعامل عادي. انا لغاية دلوقتي مش طيقاك فاهم.
سليم قرب من نرمين و نرمين رجعت ل ورا بتوتر لغاية ما وقعت علي السرير و سليم فوقها.
سليم: نرمين انا لسة جاي و مش ناقص صداع سيبيني انام.

سليم اتعدل في نومته و اتغطي بعد ما حط رأسها علي المخدة و غمض عيونه بتعب شديد.
نرمين: سليم سليم.
سليم(بنوم): نعم يا نرمين؟!
نرمين: انت حاسس بايه؟!
سليم شد نرمين لحضنه و حاوطها بدراعه و جسمه.
سليم(شبه نايم): حاسس اني سقعان و متقوليش البس التي شيرت انا مرتاح كدة. خليكي في حضني شوية.
نرمين(بخجل): بس مينفعش كدة ان.
نرمين بصت علي سليم لقته بيتنفس بانتظام باين علي وشه التعب و نايم بعمق في حضنها...

نرمين استنت شوية و حاولت تقوم من جمب سليم معرفتش او بمعني اصح حبت قربه منها فضلت في حضنه لغاية ما غصب عنها نامت...

-في مكان تاني...
عند قصي.
ليلي كانت نايمة في حضن قصي و قصي بيتفرج علي التلفزيون اللي قدامه.
ليلي: قصي.
قصي: امممم.
ليلي: عايزاك ترسمني.
قصي: و المقابل؟!
ليلي: يا قصي ده انا اول مرة اطلب طلب عايزاك ترسمني.
قصي: ما انا موافق ارسمك ايه بقي المقابل؟!
ليلي: مينفعش ترسمني مثلا علشان انا مراتك و غلبانة.
قصي: تؤ.
ليلي: طب انت عايز ايه؟!
قصي: دي نفكر فيها بعدين بقي. المهم عايزاني ارسمك ليه؟!

ليلي: كدة حبيت فكرك انك ترسمني.
قصي: بليل هنبدأ في الرسمة دي. تمام؟!
ليلي: ربما يخليك ليا.
قصي: و يخليكي ليا.
قصي باس رأس ليلي و تليفونه رن، الخط اتفتح.
قصي: الو.
قصي: متأكد يا دكتور؟!
قصي(بلهفة): يعني هو فاق؟!
قصي: طيب طيب انا جاي. شكرا يا دكتور.
ليلي: ايه يا حبيبي؟!
قصي: جدو فاق يا ليلي قومي بسرعة البسي ننزل نروحله.
ليلي: طيب.

ليلي و قصي الاتنين قاموا غيروا هدومهم و نزلوا ل تحت ركبوا عربية قصي و راحوا ناحية المستشفي.
قصي لقي يوسف و ماجدة و احمد واقفين قدام اوضة ياسين.
قصي: احمد بجد جدو فاق؟!
احمد: اه.
قصي: طب واقفين بره ليه؟!
احمد: الدكتور بيتطمن عليه.
قصي: طيب.
ماجدة: مين دي يا قصي؟!
قصي: ليلي مراتي.
ماجدة(بصدمة): مين!
قصي: مراتي.
يوسف: ازاي يعني تتجوز من غير ما تقولنا ايه ملكش اهل؟!

قصي: دي مراتي و دي حياتي و اختياراتي و قرارتي انا و انا اختارت ليلي تبقي مراتي محدش يقدر يجبرني علي حاجة غير اللي انا عايزهاا انا راجل.
ليلي: اهدي يا قصي.
احمد: اعتقد انه نبقي نتكلم بعدين مفيش داعي ل ده.
الدكتور: الف مبروك ياسين بيه بقي احسن دلوقتي. و فاق من غيبوبته.
قصي: شكرا يا دكتور.
الدكتور: تقدروا تدخلوا ليه بس من غير اي انفعال.
احمد: شكرا.

كلهم دخلوا لاوضة ياسين لقوه قاعد علي السرير و بص ناحيتهم,قصي جري ناحية ياسين باس ايده و حضنه و باس رأسه...
قصي(بدموع): وحشتني يا جدو.
ياسين: و انت يا حبيبي.
يوسف: حمدلله علي السلامة يا بابا.
ياسين: الله يسلمك.
ماجدة: حمدلله علي السلامة يا عمي.
ياسين: شكرا يا ماجدة.
احمد: كويس ان حضرتك فوقت.
ياسين: شكرا. مين دي؟!
قصي مسك ايد ليلي و قرب من ياسين.
قصي: ليلي مراتي و هحكيلك كل التفاصيل لما تفوق.

ياسين: انا بقالي قد ايه و انا هنا؟!
احمد: في حدود تلت شهور و نص...
ياسين: وجد وجد لقيتوها؟!
قصي: حصلت حاجات كتير يا جدو هنبقي نحكيلك عليها انا و احمد و متقلقش هي بخير و في احسن حال.
يوسف: طيب يا بابا هنمشي انا و ماجدة ورانا شغل.
ياسين: طيب.
يوسف و ماجدة خرجوا بره المستشفي و الباقي قعد.
ياسين(بلهفة): احكولي حصل ايه و وجد كويسة و لا ايه و عاملة ايه؟!
قصي: هنحكيلك.
قصي و احمد حكوا كل حاجة حصلت ل ياسين.

ياسين(بدموع): وجد اتعذبت اوي.
ياسين(بدموع): مقدرتش احميها.
احمد: متقلقش هي بخير دلوقتي. و باسل طلع بيحبها بجد.
ياسين(بدموع): عايز اشوفها.
قصي: هتواصل معاها و هخليها تكلمك يا جدو.
ياسين(بدموع): عايز اعتذر منها. في اسرع وقت يا قصي خلي وجد تيجي ليا.
قصي: حاضر.
ياسين(بابتسامة و دموع): نورتي عائلة الصياد يا بنتي.
ليلي: تسلم يا جدو.
قصي: لا عندي ليكوا مفاجاة. ليلي تبقي حامل.
احمد(بفرحة): يعني هبقي عم.

احمد حضن قصي جامد و قصي كان مبسوط من تغير احمد الملحوظ اوي.
ياسين: مبروك يا بنتي مبروك يا قصي، خلي بالك منها يا حبيبي.
قصي: دي في عيني يا جدي. متقلقش.
قصي حضن ليلي و باس رأسها و هي خبت رأسها في رقبته و قصي ضحك عليها.
ياسين: متأكدين ان وجد حاليا بخير؟!
احمد: متقلقش يا جدي.
ياسين: ربنا يحفظها و يحميها يا رب.
الكل: يا رب آمين.
الكل قعد يتكلم في مواضيع متنوعة و مختلفة...