رواية النور والكابوس للكاتبة سلسبيل كوبك الفصل السابع والثلاثون
نكمل فصلنا ب...
علي: يلا يا ثريا.
ثريا: حاضر حاضر.
علي: هو ليه التأخير ده كله؟!
ثريا خرجت من اوضتها و علي اتصدم.
علي: نعم يا اختي؟! انتي لسة ملبستيش؟!
ثريا(بضيق): ما انا مش عارفة البس ايه.
علي قرب من ثريا بهدوء و دخل اوضتها فتح الدولاب و بدأ يختار هدوم ل ثريا.
علي: البسي ده و قدامك بس عشر دقايق يا ثريا، بكره التأخير.
علي باس ثريا علي خدها و سابها و خرج,ثريا ابتسمت و بدأت تغير هدومها.
ثريا لبسة فستان باللون الابيض ب ¾ كم و نازل لغاية بعد الركبة و فوقه جاكت ب كم باللون البيبي بلو طويل و لبست صندل بكعب اسود و رفعت شعرها علي شكل كحكة لفوق و حطت مكياج خفيف جدا.
ثريا خرجت ل علي اللي كان بيبص في ساعته و رفع عينيه لقي ثريا قدامه.
علي(بتنهيدة): يلا بينا.
ثريا(بحزن): مش عاجبك.
علي: لا حلو يلا معايا.
ثريا: انت مبقتش تحبني و زهقت مني صح عايز تطلقني...
علي شتم ثريا في سره علي تفكيرها و قرب منها.
علي: انا لو مش بحبك صدقيني هكرهك في اليوم اللي اتولدتي فيه.
علي: و كمان الطقم حلو اوي عليكي لدرجة اني مش عايزك تخرجي بيه و لا اي حد يشوفك غيري. خلاص كدة؟!
ثريا وطت رأسها في الارض و علي مسك ايديها و خرجوا بره البيت الاتنين ركبوا العربية و راحوا ناحية قصر باسل...
علي: انزلي.
ثريا: حاضر.
ثريا نزلت و علي نزل و راح ناحية ثريا و دخلوا القصر الحراس عارفة علي.
في القصر...
وجد و باسل كانوا قاعدين في الجنينة كالعادة باسل هو اللي بيتكلم و وجد بتسمع ليه في هدوء تام.
ثريا(بفرحة): وجد.
وجد لفت ناحية الصوت و لقت ثريا قامت و جريت ناحيتها و حضنتها جامد.
وجد: وحشتيني وحشتيني اوي.
ثريا(بدموع): و انتي كمان وحشتيني. كان نفسي اشوفك و اتكلم معاكي بقالي كتير.
وجد: اسفة يا حبيبتي حصلت شوية ظروف.
باسل و علي سلموا علي بعض و بصوا علي وجد و ثريا.
باسل: طب تعالوا ندخل جوا يلا.
الاربعة دخلوا القصر و علي سلم علي عصمت و نعمة...
باسل(بهمس): مالك؟!
وجد(بضيق و همس): التلاتة دول مش طايقني.
وجد لمحت شريهان و هي نازلة من علي السلالم و بتبص ل وجد بقرف و وجد اتنهدت.
وجد(بضيق و همس): الاربعة...
باسل(بهمس): لا يا حبيبتي انا هبقي افهمك فوق.
وجد(بطرف عينيها): انت مش هتنام معايا ده اللي انت قولته و وعدتني بيه.
باسل: ده انتي مش بتنسي ابدا يخرب بيت كدة.
وجد: هترجع في كلامك و لا ايه؟!
باسل: و الله نفسي بس لو ده هيريحك ماشي يا وجد لما نشوف اخرتها معاكي محدش يعرف ايه اللي جوا الدماغ السم دي.
باسل: بس عندي طلب.
وجد: ا.
علي: يا عم الحبيب في ايه احنا ضيوف برضو.
باسل: ملكش دعوة يا ارخم خلق الله. كنت هطلب من البت حاجة.
علي: طب ايه هي ها ها؟!
وجد: تعالي يا ثريا نطلع في اوضتي فوق...
عفاف: ليه يا حبيبتي ما تخشوا اوضة الضيوف.
وجد(باحراج): عادي يا طنط.
عفاف: لا خشوا الاوضة مش باسل وراكي القصر ادخلي اوضة الضيوف و انا هخلي امل تعملك عصير.
وجد: شكرا يا طنط.
باسل: يلا يا وجد روحي انتي و ثريا علشان هتكلم انا و علي في حاجة، يلا يا علي.
باسل و علي دخلوا اوضة المكتب,وجد و ثريا دخلوا اوضة الضيوف...
وجد: احكيلي مالك؟!
ثريا: تايهة يا وجد.
وجد: خير مش انتي كلمتيني قبل كدة و قولتيلي انك اتغيرتي و هتحاولي تبدأي صفحة جديدة مع علي.
ثريا: حاولت يا وجد بس كل ما اقرب منه خطوة مقدرش. هو اعترفلي بحبه بس انا خايفة في يوم يعايرني بغلطتي زمان.
وجد: علي طيب و طالما بيحبك يبقي عمره ما هيعايرك و كمان يا ثريا مش معني انك غلطتي مرة يبقي الدنيا وقفت. ربنا بيقبل التوبة بس المهم تكوني فعلا اتغيرتي من جواكي يا ثريا.
ثريا(بدموع): مش قادرة يا وجد ممكن يسبني في اي لحظة.
وجد: و انا روحت فين انا هبقي موجودة دايما علشانك متخافيش.
وجد مسكت ايد ثريا و ابتسمت ليها و ثريا حضنت وجد جامد و هي مبسوطة ان عندها اخت زي وجد.
وجد: خلاص هفطس.
ثريا: انتي هتعملي ايه مع باسل؟!
وجد(بتنهيدة): مش عارفة مش عارفة يا ثريا محتارة مش قادرة اسامحه بس مش قادرة اكرهه.
وجد(بتنهيدة): بتمني الارض تنشق و تبلعني مش عايزة حاجة غير اني ابعد او مبقاش حاسة باي حاجة...
ثريا: وديله فرصة يا وجد.
وجد: ما انا مش عارفة يا ثريا انا عايزة بس مش قادرة صدقيني لو اعرف كنت عملت كدة بس مش قادرة مش عارفة اسامحه علي حاجة. مش قادرة هبقي في نظر نفسي رخيصة اوي.
وجد: عايزة اوديله فرصة بس مش عارفة. فهماني؟!
وجد: و كل اللي في البيت ده مش بيحبني. انا محتارة حاسة ان دماغي هتفرقع من كتر التفكير حقيقي مش عارفة اعمل ايه مبقتش عارفة الصح من الغلط.
ثريا: ربنا هيرشدك للطريق الصحيح بس يا حبيبتي انتي حاولي توديله فرصة سيبيه يقرب منك و متقفلهاش في وشه خليه يقعد معاكي و تتكلموا. داوي جرحه يا وجد اكيد معملش كدة من فراغ.
الباب خبط.
وجد: ادخل.
خادمة: باسل بيه عايز حضرتك يا هانم.
وجد: فين؟!
خادمة: في الصالة يا هانم.
وجد: طيب. يلا يا ثريا نخرج.
الاتنين خرجوا بره اوضة الضيوف و راحوا ل باسل و علي.
علي: خرجتك اهو و جبتك ل وجد نروح بقي.
ثريا(بابتسامة): طيب.
علي: بركاتك يا ست وجد.
وجد ضحكت و باسل ابتسم و كان مبسوط.
علي: يلا نمشي احنا يا باسل.
باسل: طيب متنساش بكرة بقي.
علي: تمام يا كبير.
علي: عن اذنك يا عصمت هانم.
عصمت بصت ل علي بهدوء و علي خد ثريا و خرجوا بره القصر,باسل قرب من وجد.
باسل: تعالي يلا.
وجد: فين؟!
باسل: نسيتي اننا هنشتغل.
وجد: اه يلا بينا.
باسل و وجد دخلوا اوضة المكتب و وجد لقت ترابيزة كبيرة عليها ورق و اقلام و حاجات كتير.
وجد: ايه ده؟!
باسل: ما هو انا عايز احط خطة علشان المهمة.
وجد: انت جاي تأخد رأيي في ده؟!
باسل: اه.
وجد: مليش في الشغل ده.
باسل: حاولي فكري معايا.
وجد(بتنهيدة): طيب.
وجد: اه انت كنت عايز تطلب طلب بس علي اتكلم. كنت عايز ايه؟!
باسل قرب من وجد و حاوط وشها بين ايديه.
باسل: ما انتي نفذتيه.
وجد(باستغراب): ازاي؟!
باسل: لما ضحكتي بره. لاني كنت بقالي كتير مشوفتش الابتسامة علي وشك و لا سمعت صوت ضحكتك كنت عايزك تضحكي و تفرحيني.
وجد حطت عينيها في الارض بخجل و باسل ابتسم و رفع وشها في وشه و قرب منها باسها جمب شفايفها.
وجد(بسرعة): انا شايفة كدة اننا بنخرج عن الموضوع الرئيسي قولتلي بقي عايز ايه؟!
وجد بعدت عن باسل و ودته ضهرها...
باسل: اه عايزين نحط خطة احم و كدة يعني.
وجد: طيب يلا.
الاتنين قعدوا جمب و باسل بدأ يفهم وجد الشغل و بدأوا هما الاتنين يفكروا في خطة...
-في مكان تاني...
عند جودي.
جودي: يا عمر انت مش بتزهق حرام عليك بقي.
عمر: ما قولتلك خلينا صحاب.
جودي(بغضب): لا انا و انت مجرد زمايل في الدفعة غير كدة لا و سيبني اخر سنة دي في حالي. ده انت رغاي و زنان يا شيخ جتك القرف في شكلك.
عمر(بضيق): انا جبت اخري منك.
جودي: يا ريت برضو علشان نخلص.
عمر شد جودي معاه و جودي كانت بتبصله بغضب.
عمر ركب جودي العربية بتاعته غصب عنها و لف ركب و بدأ يسوق هو.
جودي(بصريخ): الحقوني.
عمر طلع مسدسه من درج العربية و حطه في وش جودي.
عمر: كلمة كمان و هقتلك.
عمر: زهقت بقالي تلت سنين و انتي زي العبيطة. كنا هنخلص الموضوع في كام ساعة، بس شكلك بتحبي العنف بقي.
جودي(بدموع): انا عملتلك ايه حرام عليك؟! انا مش عايزة احب انا بحب حد اصلا.
عمر(بسخرية): ابقي خليه بقي يتستر عليكي بعد اللي هعمله فيكي.
في الجامعة.
اول ما عمر خد جودي و مشي بعربيته عربية تانية جت وقفت قدام الجامعة و شخص نزل منها و دخل الجامعة.
طارق: لو سمحت تعرفي حد باسم جودي الانصاري.
بنت: لا.
طارق بدأ يمشي في الجامعة و طلع تليفونه اتصل ب جودي كذا مرة بس تليفونها مغلق...
طارق(بضيق): طيب يا جودي.
شاب: انت بتسأل علي جودي الانصاري؟!
طارق: ايوه.
شاب: راحت مع عمر في العربية بتاعته.
طارق(بغضب): مين عمر ده؟!
شاب: دنجوان الجامعة، احسنلك تروح تنقذها عمر مش هيسبها.
طارق(بغضب): تعرف بيته فين؟!
شاب: ايوه في قريب من هنا الحقها قبل ما يحصلها حاجة.
طارق طلع جري للعربية بتاعته و ركبها و بدأ يسوق بسرعة كبيرة ناحية ما الشاب وصفله.
طارق وقف قدام العمارة اللي الشاب وصفها ليه و نزل بسرعة من عربيته.
طارق: لو سمحت حد هنا اسمه عمر؟!
البواب: ايوه الاستاذ عمر لسة طالع من شوية مع بنت كدة.
طارق: في الدور الكام انطق؟!
البواب: الدور التالت شقة رقم 3...
طارق طلع جري ناحية الدور التالت و راح ناحية الشقة و بدأ يخبط عليها بعنف شديد.
بعد دقيقة عمر فتح ل طارق.
عمر(بغضب): في حد يخبط علي حد كدة؟!
طارق(بغضب): يا روح امك.
طارق ضرب عمر بوكس في وشه و زقه برجله ف وقع في الارض,طارق دخل جوا الشقة و قفل الباب وراه.
طارق(بصوت عالي): جودي جودي.
جودي سمعت صوت طارق و علت صوتها.
جودي(بصريخ): طارق الحقني.
عمر ده قام و ضرب طارق بوكس في وشه و الاتنين بدأوا يضربوا بعض.
عمر زق طارق و فتح باب العربية و نزل جري بره الشقة,طارق دخل بسرعة يدور علي جودي في كل اوضة.
طارق وصل لاوضة حاول يفتحها لقاها مقفولة بدأ يزق الباب برجله كذا مرة بغضب لغاية ما الباب اتكسر.
طارق اول ما دخل لقي جودي مرمية علي السرير و مربوطة و في جزء بسيط من هدومها مقطوع,طارق حس بان نفسه مكتوم بسبب منظر جودي.
طارق قرب منها و بدأ يفك الحبل بهدوء هو ذات نفسه استغربه,جودي قامت وقفت قدام طارق و هي بتعيط و بتشهق و مكنتش قادرة تأخد نفسها.
طارق حاوطها بايديها و هي مسكت فيه جامد و قعدت تعيط في حضنه.
طارق(بهمس): هششش اهدي انتي بخير اهو اهدي انا معاكي. اهدي يا جودي انا جمبك.
جودي(بعياط): كنت خايفة.
طارق(بهمس): اهدي خلاص حصل خير.
طارق وطي جاب شنطة جودي اللي مرمية في الارض و وطي شال جودي بين ايديه و جودي كانت بتستخبي فيه.
طارق خرج من الشقة و نزلت علي السلالم و عدي من جمب البواب اللي بص ليهم.
طارق حط جودي في العربية و قفل الباب و لف ركب مكان السواق و بدأ يسوق و كانوا في صمت رهيب.
جودي(بعياط): ا.
طارق: مش عايز اتكلم دلوقتي...
طارق وقف العربية قدام مول و دخل المول و بعد فترة بسيطة خرج و ركب العربية.
طارق: البسي الجاكت ده علشان قطعة التي شيرت.
جودي(بدموع): شكرا.
جودي مسكت الجاكت و بدأت تلبسه و بعد فترة طارق وقف قدام القصر.
طارق: انزلي و متحكيش لحد عن اللي حصل، اللي حصل ده بيني و بينك. فاهمة؟!
جودي(بخفوت): مش هتنزل؟!
طارق(بضيق): لا انزلي يلا.
جودي فتحت الباب و نزلت دخلت القصر و طارق ساق العربية و مشي من قدام القصر.
جودي دخلت القصر بخفوت و قابلت نعمة في وشها.
نعمة: مالك؟!
جودي: مفيش تعبانة شوية.
نعمة(بحدة): جودي مخبية ايه؟!
جودي عيطت جامد و نعمة بصتلها بحدة و كانت وجد خارجة من اوضة المكتب لما شافت جودي بتعيط راحت ناحيتها...
وجد: حصل ايه؟!
نعمة(بحدة): انتي مالك انا بكلمها.
وجد: انا عارفة حضرتك بس انتي مش شيفاها منهارة ازاي؟!
وجد قربت من جودي و حاوطتها بايديها و جودي حضنت وجد و قعدت تعيط في حضنها.
وجد: ده مش اسلوب حضرتك.
نعمة(بغضب): هو انتي اللي هتعلميني ازاي اتعامل يا بت؟!
عصمت(بحدة): في ايه هنا؟!
وجد: البنت منهارة حضرتك و هي نازلة فيها استجواب و ده مش اسلوب.
عصمت(بحدة): كنتي تعرفيها؟! متعمليش فيها اللي خايفة علي بنات البيت ده.
وجد(بانفعال): انتوا مش شايفين البنت منهارة ازاي؟! لازم ترتاح و انتوا لو عملتوا كدة هي ممكن تتكلم معاكوا اصلا هتدور علي اي كدبة علشان تسكتكوا بيها.
نعمة شدت جودي من وجد و بصت ليها بغضب.
نعمة: امشي يا بنت القاتل من هنا.
وجد انهارت داخليا من جملة نعمة بس مبينتش و كلهم سمعوا صوت حاجة وقعت في الارض.
جودي كانت فقدت طاقتها فاغمي عليها و وقعت في الارض.
وجد(بصوت عالي): باسل.
وجد نزلت ل مستوي جودي و شافت النبض.
وجد(بصوت عالي): باسل.
باسل كان في اوضة المكتب اتخض لما سمع صوت وجد العالي و خرج جري بره الاوضة.
باسل(بقلق): وجد!
باسل: جودي.
باسل جري ناحية وجد و جودي و نعمة كانت بتحاول تفوق جودي مع وجد.
نعمة: امل هاتي كوباية ماية.
وجد: باسل شيلها نطلعها اوضتها.
باسل: طيب.
باسل شال جودي بين ايديه و طلعوا لاوضتها باسل حطها ببطء علي السرير.
عفاف(بقلق): مالها بنتي؟!
وجد: متقلقيش يا طنط مجرد ارهاق.
وجد رشت ماية علي وش جودي و هي رمشت بعينيها كذا مرة و فتحتها.
وجد: حمدلله علي السلامة.
جودي(بخفوت): شكرا.
عفاف: مالك يا بنتي مالك طمنيني عليكي يا حبيبتي.
وجد: متقلقيش حضرتك.
نعمة(بحدة): هي بتسأل بنتها انتي مالك؟!
وجد لا رد، بصت ل باسل و سابتهم و خرجت بره الاوضة.
باسل: في ايه يا عمتي ليه قولتي ليها كدة؟! وجد كانت بتطمن مرات عمي.
نعمة(بحدة): مش قادرة اتقبلها يا باسل بنت القاتل دي.
باسل(بحذر): اياكي تكوني قولتي ليها كدة؟!
نعمة: ايوه قولت.
عصمت كانت قاعدة علي كرسي و بتبص علي تصرفات و انفعال باسل.
باسل: حرام عليكي يا عمتي هي ايه ذنبها؟!
عصمت: في ايه يا باسل؟! هتحاسب عمتك خلاص كلمة و قالتلها و مراتك طلعت جبلة و محستش بحاجة.
عفاف: طب ممكن تتناقشوا بره، جودي نامت.
كلهم خرجوا بره اوضة جودي بعد ما عفاف باست رأسها...
عصمت: ا.
وجد(بانفعال): بصي يا بتاعة انتي متخلنيش اتجنن عليكي انا مجنونة و ربي بس عاملة نفسي كيوت. ف خليني كدة محترمة معاكي احسن و ربي وشك اللي فرحانة بيه ده اعملك عليه خريطة العالم.
وجد شدت شريهان من التي شيرت بتاعها و كان الكل واقف مصدوم من تصرف وجد.
وجد(بحدة): مش هجبر باسل انه يفضل معايا و لو عايزك يأخدك انا مبقاش يهمني حاجة خالص.
وجد(بحدة): سابني مرة فبقي عندي مناعة عادي.
وجد(بحدة): اعملي اللي انتي عايزاه لكن لحد عندي خط احمر.
وجد زقت شريهان و بصت للباقي و دخلت اوضتها و رزعت وراها بغضب.
نعمة(بسخرية): هي دي اللي مش زي اي حد.
باسل(بابتسامة): لا مش زي اي حد و انا فخور بيها زي ما هي...
عصمت بصت ليهم و سابتهم و دخلت اوضتها,نعمة بصت ل شريهان و بصت ل باسل و سابتهم هي كمان و مشيت.
عفاف قربت من باسل حطت ايديها علي كتف باسل.
عفاف: اتمسك بيها يا ابني مش هتتعوض.
باسل مسك ايد عفاف و باسها.
باسل: ربنا يخليكي ليا.
عفاف: ربنا يجبر بخاطرك.
عفاف مشيت و اتبقي شريهان و باسل,باسل قرب من شريهان و مسكها من شعرها و سندها علي الحيطة.
باسل: لما تفكري تقربي من وجد ابقي افتكريني يا حيلتها لاني و ربي ممكن اقتلك في ايدي ساعتها.
شربهان(بوجع): شعري.
باسل: في داهية تأخدك.
باسل دخل لاوضة وجد ملقهاش في الاوضة دخل البلكونة لقاها واقفة و ساندة بايديها علي السور و مغمضة عينيها و مستمتعة بنسمات الهواء.
باسل حاوط خصر وجد و باس خدها.
باسل(بهمس): بحبك يا اغلي ما عندي...
وجد لا رد.
باسل: وجدي.
وجد: نعم.
باسل: بتأكد انك سمعاني.
وجد رفعت ايديها حطتها علي خد باسل و بصت قدامها.
باسل: اسف علي قطع هذه اللحظة. بس هو دي اشارة؟!
وجد ابتسمت غصب عنها باسل ضحك.
باسل: يا صلاة النبي.
باسل خد وجد في حضنه جامد و باس رأسها و وجد لفت ايديها حوالين خصر باسل و رفعت رأسها ل باسل.
وجد: بحبك بس مش مسمحاك يا باسل.
باسل: هتسامحيني اوعدك.
-في مكان تاني...
في القسم.
منصف(بحدة): قولتلك معرفش اومال انا عملت محضر و بلغت عن اختفائها ليه؟!
الظابط: ازاي يعني و هي كانت معاك و كنتوا رايحين المطار؟!
منصف: قولتلك معرفش احنا كنا مع بعض في العربية فجاة ناس طلعوا علينا ملثمين و خدوها و مشيوا.
الظابط: يعني هما خدوها هي و انت لا؟!
منصف: اه.
الظابط: اشمعنا؟!
منصف(بحدة): انت ليه بتسألني انا الله؟!
الظابط: طب مش انت مرخص مسدسك متعاملتش ليه؟! مش هي مراتك برضو؟!
منصف: اضرب نار علي العدد الكبير اللي كان موجود علشان اموت.
الظابط(بتنهيدة): الصبر يا رب.
الظابط: اتفضل انت و هنبقي نكلمك لو في جديد، خليه يمضي يا ابني.
ظابط2: انت شايف ايه؟!
الظابط: شايفةك ان هو اللي عمل كدة مش عارف ليه بس دي مش حالة راجل مراته اتخطفت.
ظابط2: بس ده منصف الصياد.
الظابط: و فيها ايه حتى لو مين مش هسيب حق حد.
ظابط2: لا كنت بقولك بس.
الظابط: انا عايزك تخلي حد يراقبه من بعيد ل بعيد و خدلي اذن بجهاز تصنت علي تليفونه من النيابة بس كل ده بشكل سري، اللي زي دول بيبقي عندهم ناس بتعرف كل حاجة...
ظابط2: طيب يا أمير.
أمير: مالك يا عم مش طايقني ليه الله؟!
ظابط2: خايف عليك الناس اللي زي دي ملهاش و لا عزيز و لا غالي.
امير: سيبها علي ربنا، همشي انا دلوقتي متنساش تنفذ اللي قولت يلا باي.
امير خرج بره القسم بتاعه و ركب العربية و رجع البيت بتاعه.
-في الصباح الباكر.
عند وجد و باسل.
وجد كانت نايمة بعمق علي السرير بس كانت متضايقة من ايد باسل اللي علي وشها.
وجد(بضيق): خليك محترم و سيبني انام و قوم روح اوضتك.
باسل(بضحك): طب قومي يا كسولية.
وجد(بضيق): باسل روح اوضتك و سيبني انام.
باسل: هتقومي و لا اقومك بطريقتي؟!
وجد لا رد.
باسل شال وجد بين ايديه و وجد حاوطت رقبته بايديها و كانت مغمضة عينيها,باسل دخل ب وجد الحمام و قعدها علي الرخامة اللي جمب الحوض و شغل الماية و غسل وش وجد اللي شهقت.
وجد: انا فين؟!
باسل: في الحمام يلا خدي دوش عقبال ما اطلعلك هدومك.
وجد(بضيق): انت برضو جيت اوضتي مش امبارح طردتك.
باسل: الله يا وجد ميبقاش قلبك قاسي مش كفاية قعدت في الاوضة التانية اكتر من خمس ساعات.
وجد(بضيق): و جيت من الساعة 6 عايز تنام في حضني.
باسل: اعملك ايه انتي اللي عملالي سحر بقي.
وجد: طب اخرج بقي هنرش ماية.
وجد شغلت الماية و رشت في وش باسل و باسل بصلها بطرف عينيه و في لحظة كان باسل شالها بين ايديه و راح ناحية البانيو...
وجد: يا مجنون ابعد عني انت عايز تعمل ايه يا باسل باسل رد عليا لا مبحبش يجيلي برد، يا مجنون بقي.
باسل: حرمتي يعني؟!
وجد: اه. نزلني بقي يا باسل.
باسل باس رأس وجد و نزلها و ابتسم ليها و خرج طلع ليها هدوم و خرج بره الاوضة.
وجد خلصت و طلعت رأسها من الحمام ملقتش باسل اتنهدت و خرجت جري تغير هدومها.
وجد لبست فستان باللون الزيتي ب ¾ كم و نازل في مستوي واحد لغاية الكاحل و فوقه جاكت جلد باللون الاسود و لبست صندل بكعب باللون الاسود و حطت روچ باللون الاحمر غامق و كحل حدد عينيها.
وجد خرجت بره اوضتها لقت باسل في وشها.
وجد: عايز ايه؟!
باسل: الله حتى ده هتحرميني منه.
وجد: اللي هو؟!
باسل قرب من وجد و باس خدها اليمين و بعدها الشمال و دفن رأسه في رقبتها.
وجد(بتوتر): باسل ابعد مينفعش كدة.
باسل: اعملك ايه بحسك بتسكرِيني.
حازم: بخ...
وجد اتخضت و بعدت باسل عنها و باسل بص ل حازم بطرف عينه و لف ليه و بدأ يقرب من حازم ببطء.
حازم: لا لا كله الا الشرف يا باشا. هتوديني باكو و اجي معاك في اي حتة.
باسل(بملل): ياااه حتى و انت بتموت بتستظرف؟!
رضوان جه من ورا حازم و حط دراعه علي كتف حازم.
رضوان: مضايقك في حاجة؟!
باسل(بملل): لا متخافش شوية خدوش في وشه كدة ممكن تخليه يتعظ.
حازم(بقلق مصطنع): ايه ده مالها وجد يا باسل؟!
باسل لف بسرعة لقي وجد بتضحك عليهم و حازم زق رضوان و نزل جري ل تحت.
باسل: يا ابن ال.
رضوان: ننزل نعلقه متشلش هم انت يا باشا. اه اسيبك مع المزة بقي.
رضوان(بابتسامة): مرات اخونا منورة الدنيا كلها.
رضوان ساب باسل و وجد و باسل راح ناحية وجد تاني.
وجد: عايزة اروح ل جودي.
باسل: وجد بقولك ايه ما تيجي ننسي الشغل علي العائلة علي اي حاجة و اي حد و اخطفك كدة يومين في اي حتة.
وجد حاوطت رقبة باسل بايديها و قربت منه...
وجد: و الله هي فكرة مش بطالة بس لا. و ركز في الشغل و ملكش دعوة بعلاقتنا سيب الدنيا زي ما هي كدة.
وجد: عن اذنك هروح ل جودي.
وجد سابت باسل و راحت لاوضة جودي,باسل سند ضهره علي الحيطة و بص ناحية وجد.
باسل(بتنهيدة): رضاكِ بقي صعب يا وجدي.
باسل نزل ل تحت و قعد يجري هو و رضوان ورا حازم.
عند جودي.
اسيل: ما تتكلمي يا بت.
وجد خبطت الباب و دخلت بابتسامة بسيطة.
وجد: حمدلله علي السلامة، انتي احسن دلوقتي؟!
جودي قامت حضنت وجد و ابتسمت ليها.
جودي: اه شكرا...
اسيل: من امتي يا بت؟!
جودي: ملكيش فيه. شكرا يا وجد.
وجد: عادي يا روحي احنا يعتبر اخوات.
اسيل: طبعا. بس انتي ايه الشياكة دي!؟
وجد(بابتسامة): شكرا.
جودي: مش هخلص من اسئلة ماما و اسئلة عمتو.
وجد: طب ما تحكيلنا ممكن نساعدك...
جودي: لا مفيش حاجة انا كنت تعبانة و مضغوطة شوية.
وجد: ربنا يقويكي، يلا ننزل علشان انا مصدعة و عايزة افطر...
التلاتة خرجوا بره اوضة جودي و قابلوا سمر و شريهان في طريقهم.
وجد(بملل): يلا بينا.
سمر: استني يا حلوة انا جيالك.
وجد(بملل): اتفضلي.
سمر: انتي بقي اللي باسل اتجوزها؟!
وجد: ما انتي عارفة انه انا انجزي قولي الكلمتين اللي عندك.
وجد: مبحبش كترة الكلام اخلصي.
سمر(بانفعال): طب اسمعي بقي يا حلوة اصلا عصمت هانم مش طيقاكي و لا نعمة هانم و كمان انتي بتأخدي باسل من بين ايدين مراته.
اسيل(بسرعة): سمر ملكيش دعوة بيها. مالك مش طيقاها ليه؟!
شريهان: و هي لما تأخد باسل مني ده يبقي ايه!؟
وجد: يعني انتي مرات باسل؟!
شريهان: ايوه يا حلوة. انا و لولا انك ظهرتي في حياتنا كان زمانا ما بعض دلوقتي.
وجد(بثقة): ضحكتيني بجد. طب ما انا مالي المهم هو بيحب مين.
وجد سابت شريهان و سمر و نزلت علي السلالم و اسيل و جودي وراها و شريهان و سمر نزلوا بغيظ ناحيتها.
وجد وقفت بسرعة لما سمعت حوار عصمت مع باسل.
عصمت: و انا مش عايزاها في بيتي يا باسل.
نعمة: دي بنت قاتل من امتي و انت بتدخل قاتل قصر الانصاري.
نعمة: واضح ان دم ابوك مش غالي عليك...
عصمت: اسمع يا باسل طلقها و كمل مع شريهان البنت عايزاك و بتحبك.
نعمة: دي مش نازلة ليا من زور كفاية انها بنت ماجدة و يوسف.
شريهان(بخبث و همس): يا بنت القاتل.
سمر(بخبث): ايه ده هو انتي بنت ماجدة الصياد طبعا زي امك...
جودي(بغضب): سمر من امتي و انتي زبالة كدة؟!
اسيل(بحدة): شكلك عايزة باسل يجي يعلمك الادب.
شريهان: احنا قولنا حاجة قولنا اللي الكبار بيقولوه...
وجد لفت بهدوء مصطنع ل شريهان و ضربتها قلم علي وشها.
وجد سابتهم و راحت ناحية باسل اللي كان متضايق من كلام عصمت و نعمة و لما شافها قلق لتكون سمعت.
شريهان(بغضب): انتي بتضربيني انا؟!
وجد: ايوه انتي.
عصمت(بحدة): ازاي تمدي ايدك علي بنت اختي انتي مجنونة.
وجد: و الله هي اللي مش متربية مليش فيه.
سمر: شوفتي يا ماما قلة الادب.
اسيل: هما اللي قلوا ادبهم الاول. وجد كانت محترمة لاخر لحظة.
جودي: ايوه يا ابيه.
وجد: باسل فين مكاني عايزة اكل.
باسل: هنا.
باسل و وجد قعدوا جمب بعض و وجد بدأت تأكل ببرود قدام عصمت و نعمة...
وجد كانت بتهز رجليها بعصبية تحت الترابيزة و باسل قام وقف و لبس جاكت البدلة و مسك ايد وجد و شدها وراه.
عصمت(بحدة): باسل.
باسل(ببرود): هفطر انا و مراتي بره.
اسيل: عمتو من امتي و انتي بتحكمي علي الناس كدة و انتي يا طنط عصمت.
رضوان: انا شايف البنت مش محتاجة كل المعاملة دي، اهلها هما اللي عملوا كدة مش هي.
جودي: حرام اللي بتقوله ده. من امتي و انتوا بتعايروا الناس؟!
عفاف: البنت تتحب و الله معاملتها بسيطة.
شريهان(بغضب): واضح واضح انتوا بتضحكوا علي نفسكم.
حازم: كلنا بنحبها الا انتي و سمر يبقي العيب فيكوا. عن اذنكم نفسي اتسدت.
رضوان: يلا يا جودي علي الجامعة.
جودي(بتوتر): لا انا تعبانة شوية هفضل هنا.
رضوان: الف سلامة عليكي يا حبيبتي.
رضوان قام و باس رأس جودي و باس رأس اسيل.
جودي: مشوفتش طارق؟!
رضوان: سافر هيخلص حاجة و جاي.
جودي(بصدمة): ايه؟! طيب ماشي.
جودي: عن اذنكم كلت.
عند باسل و وجد.
باسل ركب وجد العربية و ساق ناحية مكان فاضي و هادئ.
باسل: وجد انا.
وجد: باسل سؤال واحد هو انت عائلتك كلها معندهاش دم كدة. هو انا عملت ايه و كمان ممكن اتفهم غضب مامتك مني لكن الباقي انا ذنبي ايه، و كمان طلعت متجوز يا باسل و بتقولي بحبك و مكنتش بنام.
وجد: ايه اتجوزتها علشان تتخيلني و انت معاها.
وجد: بكره ضعفي اللي بيتكرر في كل لحظة بشوفك فيها يا باسل.
باسل: وجد متكرهنيش ما صدقت علاقتنا تبقي حلوة...
وجد: انا مش هخيرك بيني و بين عائلتك لاني مش ضامنة اني هكمل معاك. بس في كلتا الحالات خليهم يلموا نفسهم.
وجد: مش ذنبي اني بنت قاتل.
وجد: عايزين تحاسبوه تسجنوه معنديش مانع.
وجد: اطلع علي الشركة.
باسل ساق ناحية شركة سيف النجار و وقف قدامها.
باسل: ا.
وجد سابت باسل و نزلت بسرعة و دخلت الشركة,باسل كان في قمة غضبه من تصرفات عائلته.
-في مكان تاني...
عند أمير.
أمير نزل من بيته و كان لسة هيركب عربيته لقي في ضرب نار وطي رأسه بسرعة.
كان في بنت بتصرخ جامد بسبب ضرب النار,أمير قام وقف و راح ناحية البنت شدها معاه و دخل العمارة تاني.
امير: انتي كويسة يا انسة؟!
البنت هزت رأسها بمعني اه ببطء.
امير: انتي مش من هنا؟!
بنت: اه كنت جاية زيارة لواحدة صاحبتي.
امير: تعالي اوصلك.
بنت: لا شكرا.
امير(بتحذير): يلا.
بنت: لا مش هاجي معاك.
البنت فتحت باب العمارة و اول ما خرجت حصل ضرب نار دخلت جوا بسرعة و امير بصلها ببرود.
امير: خير يا انسة مالك؟!
بنت: كنت هتمشيني ازاي؟!
امير(برفعة حاجب): و انا مالي الله اتصرفي بقي براحتك.
بنت: بعد اذنك...
امير(بضيق): اسمك ايه؟!
بنت(بتنهيدة): سهر.
امير: تعالي معايا.
امير و سهر مشيوا من الباب الخلفي للعمارة و خرجوا...
امير: تقدري تمشي من هنا.
امير شاور ل سهر ازاي تمشي و سابها و مشي,سهر اول ما مشيت حصل ضرب نار عليها.
سهر حطت ايديها علي ودانها و نزلت في الارض بخوف,امير رجع تاني و عرف ان ضرب النار المقصود بيه مش هو...
امير راح ناحية سهر و بدأ يضرب نار متبادل لغاية ما وقع جمب سهر قميصه الابيض فيه دم.
سهر(بفزع): دم!؟