رواية النور والكابوس للكاتبة سلسبيل كوبك الفصل الثامن والثلاثون
نبدأ فصلنا ب...
وجد: هاي لؤي.
لؤي: اخيرا افتكرتي انه ليكي شركة.
وجد: دي شركة خالو و كمان يعتبر كنت واخدة اجازة...
لؤي: الا قوليلي ايه اخبار باسل معاكي يا تري هيخونك تاني امتي؟!
وجد حطت ايديها علي رقبتها بضيق من كلام لؤي.
وجد: متخافش اول واحد هقوله هيبقي انت.
وجد: خالو سافر مش كدة؟!
لؤي: ايوه احتمال يصفي الشركات هناك محدش عارف لسة ايه اللي في دماغه.
وجد: طيب هبقي اكلمه انا.
لؤي: وجد.
وجد: نعم.
لؤي قام وقف من مكانه و قرب من وجد حط ايده علي دراعها و بصلها.
لؤي: انا لسة بحبك.
لؤي: متسمحلهوش يخليكي لعبة بين ايديه. هيغدر بيكي يا وجد.
وجد(بهدوء): لو سمحت يا لؤي انا مش فايقة للكلام ده انا مش عارفة الاقيها منين و لا منين اقتل نفسي علشان الكل يرتاح طيب.
لؤي: بعد الشر عليكي ان شاء الله انا و انتي لا.
وجد: عن اذنك يا لؤي.
وجد سابت لؤي و راحت ل مكتبها و قعدت علي الكرسي بتعب.
وجد: يا رب.
وجد بدأت تشتغل بتركيز عالي و بعد فترة سمعت صوت تليفون بيرن.
وجد لمحت تليفونها مسكته و فتحت الخط.
وجد: قصي اخبارك؟!
قصي: لو مكنتش اتصلت طبعا مكنتيش سألتي.
وجد: اسفة يا قصي غصب عني بجد. انا بمر بفترة صعبة محدش حاسس بيا انا.
وجد بدأت تعيط كتير و قصي مرضيش يتكلم و سابها تعيط براحتها لغاية ما خلصت عياط و مسحت دموعها.
وجد: شكرا.
قصي: دي اقل حاجة اقدمها ليكي يا وجد. و تأكدي دايما اني موجود جمبك و معاكي.
وجد: كنت عايز ايه؟!
قصي: جدو.
وجد(بلهفة): ماله؟!
قصي: جدو فاق و عايز يشوفك.
وجد(بلهفة): بجد طب طب...
وجد: بص انا هروحله دلوقتي.
قصي: براحة يا حبيبتي اهدي، و روحيله هو عايز يتكلم معاكي.
وجد: و انا اوي.
وجد قامت من مكانها و بدأت تلم حاجتها.
وجد: هنزل اهو و اروحله.
قصي: ابقي كلمي باسل عرفيه.
وجد: اشمعنا؟!
قصي: انا مجرد قولت نصيحة براحتك بقي.
وجد: قصي.
قصي: علشانه جوزك يا وجد و مينفعش تتحركي خطوة من غير اذنه و كمان علشانه عاشق لو اختفيتي هيموت من القلق عليكي. بلاش يا وجد حاولي تفتحي صفحة جديدة اتعلمي من الماضي لكن متخلهوش يقف عائق ليكي في المستقبل او في الحاضر.
وجد: هتديني محاضرة خلاص خلاص هتصل بيه.
وجد: اخبار ليلي ايه؟!
قصي: تمام، هي في المطبخ و انا في اوضة الرسم. متنسيش تباركي ليها هي حامل.
وجد(بفرحة): بجد الله هبقي عمة. ماشي يا باشا.
وجد: هبقي اكلمها، و اه انت كلم ثريا اتطمن عليها.
قصي: كنت بفكر اروح ليها.
وجد: يا ريت هتفرح اوي. و عرفها علي ليلي.
قصي: لا يا وجد.
وجد: صدقني ثريا اتغيرت وهتحب ليلي اوي.
قصي: هبقي اشوف، يلا انتي روحي.
وجد: طيب يلا باي.
وجد خرجت من مكتبها و كانت بتطلع رقم باسل من تليفونها فخبطت في شخص.
وجد كانت هتقع لولا الشخص ده لحقها و وجد مسكت في قميصه.
وجد فتحت عينيها و كانت ماسكة الموبايل و شهقت لما سمعت صوت باسل.
وجد اتعدلت بسرعة في وقفتها و حطت التليفون علي ودنها.
وجد(بتوتر): باسل.
باسل: نعم يا وجد.
وجد: كنت عايزة اروح ل جدو ازوره في المستشفي.
باسل(بخبث): من امتي الاحترام ده يعني.
وجد: قول ل قصي هو اللي خلاني اتصل بيك و كمان انا مش بكلمك، باي يا زوجي العزيز.
وجد قفلت مع باسل و لفت علشان تمشي لقت الشخص اللي هي خبطت فيه.
وجد: بعتذر لحضرتك، عن اذنك.
شخص: وجد الصياد خالك يبقي سيف النجار.
وجد: حضرتك تعرفني؟!
شخص: عز معرفة، انا عز الكيلاني.
وجد: تشرفت بحضرتك. عن اذنك.
عز: انا اكتر، تسمحيلي اعزمك علي قهوة.
وجد: لا ورايا مشوار. عن اذنك.
عز: استني طيب. اكيد هنتقابل تاني.
وجد: الله اعلم.
عز: طب تعالي نركب الاسانسير.
وجد: انا لسة بصحتي هنزل علي السلالم.
عز: هتنزلي 10 ادوار.
وجد: يبقي تنزل انت و تركبني الاسانسير.
عز: في ايه مش فاهم؟!
وجد: انا صريحة و الصراحة كدة نظرتك مش مطمناني فمش هركب معاك اسانسير و لو ركبت اسانسير و انت اسانسير هتبقي قلة ذوق مني.
عز: طب اركبي حضرتك.
وجد: تمام شكرا.
وجد ركبت الاسانسير هي و نزلت وقفت تاكسي و راحت للمستشفي.
عز دخل لاوضة مكتب لؤي و لقي لؤي واقف و موديه ضهره.
عز: قابلت.
لؤي: عارف.
عز: بقي دي تمتلك كل ثروة سيف النجار.
لؤي(بضحكة سخرية): شوفت الدنيا و انا اللي معاه من ساعة ما بدأ الشغل مليش غير مرتب كل اخر شهر...
عز: طب هو مش انت كنت هتتجوزها؟!
لؤي(بغضب): الزفت جوزها القديم طلع مطلقهاش و رجعها ليه.
عز: اهدي في ايه هنتصرف؟!
عز: مين جوزها؟!
لؤي(بغضب): باسل الانصاري.
عز(بسخرية): حتة البتاعة دي. هنخلص منه متخافش.
لؤي: حلال عليك اللي تطلبه لما نخلص من المهمة دي...
عز(بخبث): سعر عالي.
لؤي: ايه؟!
عز(بخبث): 10 مليار دولار و.
لؤي(باستغراب): و؟!
عز: ليلة مع وجد الصياد و يبقي ليا الشرف اني اكسرها هي و جوزها باسل الانصاري.
لؤي: حلال عليك، بس من امتي و انت اللي بتطلب كدة كل البنات بتيجي لحد عندك.
عز: لانها غير.
لؤي: اوعي يكون حب من اول نظرة و الشغل ده.
عز(بضحك): عيب عليك حب ايه بس؟! انا بتاع حب و الكلام ده.
لؤي: تمام هستني منك مكالمة.
-في مكان تاني...
عند نرمين و سليم.
سليم(بعصبية): ابعدي يا نرمين.
نرمين: لا مش هتخرج من هنا.
سليم(بعصبية): نرمين قسما بربي لو مبعدتيش من قدامي لاقتلك في ايدي.
نرمين: اقتلني.
سليم(بعصبية): هتحبسيني يا نرمين انتي اتجننتي.
نرمين: و انا مش هسيبك تروحله يا سليم. دي مجرد رسالة تافهة عادي.
سليم(بعصبية): ابعدي يا نرمين...
نرمين: لا اقعد معايا انا اصلا مبقتش اشوفك و كل حياتك شغل و مش عايزني انزل شغلي و مبتجيش الا علي النوم و بتمشي قبل ما انا اصحي.
سليم: هتمشي كلامك عليا مثلا؟!
نرمين: ليه لا؟!
سليم(بغضب): نرمين...
نرمين: و الله ما تنزل من هنا.
سليم شد نرمين بعنف من قدام الباب و نرمين وقعت في الارض و عملت نفسها مغمي عليها.
سليم(بقلق): نرمين.
سليم قرب من نرمين و حط رأسها علي رجله و بدأ يضربها بخفة علي خدها.
نرمين رمشت بعينيها كذا مرة و بصت ل سليم.
نرمين: سليم.
سليم: نعم.
نرمين: متسبنيش.
سليم(بضيق): نرمين بلاش الحوارات دي. و لو سكتنا و محطناش حد الزفت اياد هيتمادي اكتر.
سليم: وانا هطلع مهمة قريب ومش هكون متطمن عليكي و الزفت ده لسة عايش.
نرمين(بفزع): انت ناوي تقتله؟
سليم: ملكيش فيه.
سليم شال نرمين بين ايديه و حطها علي السرير و قعد جمبها...
سليم: نامي.
نرمين: لا انت هتمشي و تنفذ اللي في دماغك.
سليم(بخبث): لا متخافيش هفكرله في حاجة تانية.
نرمين(برفعة حاجب): مش متطمنة ليك.
سليم: قوليلي يا نرمين هي البيجامات دي مكنتش بشوفها ليه زمان.
نرمين شدت علي نفسها الغطاء و بصتله من تحت ل فوق.
نرمين(بتحذير): اياك تفكر في حاجة.
سليم: انا عملت حاجة. مجرد سؤال.
الباب خبط...
سليم: ادخل.
مريم: سليم يلا انزلوا علشان الغداء.
سليم: حاضر يا امي.
نرمين(بخجل): حاضر.
سليم: اومال لو متجوزين حقيقي كنتي هتعملي ايه؟! قومي يلا.
سليم و نرمين نزلوا ل تحت لقوا الاكل علي السفرة الاتنين قعدوا مع مريم.
سليم: فين كارما؟!
مريم: في الشغل.
سليم: و انتي مالك؟!
مريم: مفيش.
سليم: باين عليكي في حاجة...
مريم: عصمت و اللي بتعمله في وجد هي و نعمة.
سليم: بيعملوا ايه؟!
مريم: كل شوية يقولوا يا بنت القاتل و مستكترينها علي باسل.
نرمين: لازم باسل يتدخل.
مريم: اسيل بتقول انه بيعمل كدة دايما.
نرمين: مش عارفة الصراحة ايه اللي بوظ حياتهم كدة. لو كان باسل منتقمش منها و بعدها عنه لشهور كان زمانهم مع بعض دلوقتي و وجد بتساعده يأخد حقه...
سليم: الراجل لما بيحب بيتعذب و باسل بيأخد نصيبه من العذاب دلوقتي.
سليم: عن اذنكم ورايا شغل.
نرمين بصت ل سليم بتحذير و هو بصلها بلامبالاة.
-في مكان تاني...
عند باسل.
رضوان: انا شايف يا باسل اننا نسيب المناقصة دي ليهم نضلهم يعني.
باسل: انا فاهم بس تفتكر هيسيبوا المناقصة التانية لينا.
رضوان: هنعمل اتفاق.
باسل: ا.
تليفون باسل رن و باسل بص ل رضوان باستغراب.
رضوان: ايه في ايه؟!
باسل: سهر بتتصل.
رضوان مسك تليفونه لقاه مقفول.
رضوان: طب رد كدة.
الخط اتفتح.
باسل: الو يا سهر.
سهر(بعياط): باسل تعالي بسرعة.
باسل(بقلق): في ايه ردي؟!
سهر(بعياط): معرفش كنت راحة ازور واحدة صاحبتي فجأة حصل ضرب نار و في واحد ساعدني بس اتصاب و احنا في المستشفي اهو و هو في العمليات حاولت اتصل ب رضوان بس مش بيرد.
باسل: طب اهدي ابعتيلي عنوان المستشفي و انا هجيلك.
سهر(بعياط): طيب.
رضوان(بقلق): مالها يا باسل؟!
باسل: متخافش هنروح ليها اهو.
رضوان: طيب يلا بينا.
باسل و رضوان كل واحد خد حاجته و خرجوا بره الشركة و كل واحد ركب عربيته و رضوان كان ورا باسل.
تليفون باسل رن، الخط اتفتح.
باسل: ايه يا صابر حارس؟!
صابر: يا باشا كارما هانم في اتنين بيراقبوها حضرتك زودت المراقبة عليها.
باسل: لا مفيش غيرك انت اللي بتراقبها.
باسل: هي فين دلوقتي؟!
صابر: قاعدة في مطعم مع اللي اسمه احمد الصياد ده.
باسل: روح و خدها معاك يا صابر هتبقي في حمايتك، لو حصلها حاجة هعاقبك انت.
صابر: حاضر.
عند صابر.
صابر قفل مع باسل و راح ل ترابيزة كارما و احمد.
صابر: انسة كارما بعد اذنك تعالي معايا.
احمد(بحدة): افندم؟ انت مش شايفها قاعدة معايا و انت مين؟!
صابر: انا تبع باسل بيه اسمي صابر و باسل بيه كلفني ابقي ورا كارما هانم خطوة بخطوة...
صابر(بخفوت): و لو تلاحظ في اتنين مراقبين كارما هانم من الصبح.
كارما وشها بقي شاحب جدا و خافت,احمد مسك ايديها و بصلها باطمئنان.
احمد: امشي انا هجيبها معايا.
احمد: قومي يا كارما.
احمد قام وقف و حط الحساب علي الترابيزة و مسك ايد كارما و مشي بيها بره المطعم و وراهم صابر...
صابر: هيستغلوا فرصة اننا خرجنا لازم نتحرك فورا ل مكان امن و انا هتصل بدعم يجي.
احمد ركب كارما العربية بسرعة و لف ركب و بدأ يسوق و وراه صابر في العربية,و وراهم عربيتين مليانة حراس بس مش تبعهم.
كارما(بخوف): احمد.
احمد: مالك قلقانة كدة ليه متشيليش هم اهدي.
كارما(بخوف): هما عايزين يقتلوني ليه؟!
احمد(بمرح مصطنع): ايوه علشان جنابك سيدة اعمال كبيرة و الكل بيخاف منك بقي و عايز يخلص منك علشان يفضي الساحة ليه.
كارما(بخوف): لا اكيد.
احمد لقي كارما بدأت تعيط وقف العربية,صابر وقف عربيته و نزل منها و راح ناحيتهم و هو ماسكة سلاحه في ايده.
صابر: حصل ايه؟!
احمد: قصري اقرب هنروح علي هناك.
صابر: اهم حاجة الهانم تبقي في امان.
صابر مشي و راح لعربيته لسة هيركبها حصل ضرب نار علي كوتش العربية...
احمد(بصوت عالي): اجري اركب.
صابر جري علي عربية احمد و ركب العربية و كارما كانت بتعيط...
احمد: انزلي تحت يا كارما.
صابر: فاضل قد ايه؟!
احمد: عشر دقايق.
بعد العشر دقايق وصلوا لقصر الصياد و احمد دخل القصر و البوابة اتقفلت.
احمد: سعد.
احمد نزل و فتح باب عربية كارما و نزلها.
سعد: نعم يا احمد بيه.
احمد: زود حراسة علي بوابة القصر. و خلي صابر معاك.
احمد: تعالي يا كارما.
احمد مسك ايد كارما و دخل القصر لقي منصف قاعد.
احمد: مالك يا بابا؟!
منصف: والدتك مختفية من يومين كدة.
احمد(بصدمة): نعم؟! يعني ايه مختفية من يومين؟!
احمد: ازاي متقوليش؟!
احمد: رد.
منصف: و هو انت كنت موجود مش كل ساعة في حتة شكل.
احمد(بصوت عالي): و ده يمنعك انك تقولي. انت اتجننت؟! قاعد و لا علي بالك و بتقولي الخبر عادي.
كارما(بعياط): اهدي يا احمد.
احمد(بعصبية): اسكتي انتي.
منصف(ببرود): احمد انا قدمت بلاغ و هما بيحققوا اكتر من كدة كنت اعمل ايه و سواء انت او قصي كل واحد منكم في وادي و حياة.
احمد(بعصبية): لا بجد و نعمة التفكير.
كارما(بعياط): احم.
احمد(بعصبية): رانيا يا رانيا.
رانيا(بفزع): نعم يا بيه.
احمد(بحدة): طلعي كارما اوضة الضيوف...
رانيا: حاضر يا بيه.
رانيا: كارما هانم تعالي معايا.
كارما: احمد.
احمد(بضيق): اطلعي معاها يا كارما اطلعي.
كارما طلعت مع رانيا اللي طلعتها اوضة الضيوف و مشيت.
احمد: الموضوع ده من امتي؟!
منصف: من يومين كنا مسافرين نغير جو طلعوا علينا ناس خطفوها و مشيوا...
منصف: كنت لوحدي مش معايا حراس...
احمد: و البوليس قال ايه؟!
منصف: بيحقق.
احمد: و رجالتك؟!
منصف: بتدور.
احمد قعد حط رأسه بين ايديها و هو قلقان علي نهلة.
-في مكان تاني...
عند باسل.
باسل و رضوان وصلوا للمستشفي و دخلوا.
باسل طلع تليفونه و اتصل ب سهر، الخط اتفتح.
باسل: ايه يا سهر انتي فين؟!
سهر: قدام اوضة المريض.
باسل: رقم كام طيب و لا في الدور الكام...
سهر: رقم 306 الدور الرابع...
باسل و رضوان ركبوا الاسانسير و طلعوا للدور الرابع و راحوا ناحية سهر اللي جريت ناحية رضوان حضنته جامد...
رضوان: اهدي يا حبيبتي.
باسل: هو بقي عامل ايه دلوقتي الشخص ده؟!
سهر: لسة خارج من العمليات من نص ساعة و المفروض يفوق كمان شوية.
رضوان: طب اهدي يا حبيبتي.
سهر: ناويين يبلغوا البوليس.
باسل: اهدي انا هتصرف.
باسل: متشيليش هم، اهم حاجة الشاب ده يفوق.
رضوان: انتي ازاي متروحيش بحراسة.
سهر: مجاش في بالي انه هيحصلي حاجة.
باسل: رضوان تعالي لحظة.
رضوان: اقعد يا سهر.
رضوان: نعم يا باسل.
باسل: بص انا حاسس بحركة غريبة. كارما كان في ناس بيراقبوها و سهر ناس ضربوا عليها نار، في حاجة غلط.
رضوان: طب و هنعمل ايه؟!
باسل: ده م.
باسل(بصدمة): معناه ان باقي العائلة ممكن تكون في خطر...
باسل: اتصل بحازم خليه يروح القصر و يفضل هناك.
رضوان: طب و انت رايح فين؟!
باسل: وجد لازم اروح لوجد.
باسل طلع تليفونه و اتصل ب وجد بس تليفونها مغلق.
باسل(بغضب): لما اشوفك يا وجد.
باسل ساق بسرعة كبيرة ناحية المستشفي اللي ياسين فيها.
عند وجد.
وجد راحت لاوضة ياسين و خبطت و دخلت كان الدكتور بيخرج من عنده...
وجد(بفرحة): جدو.
وجد جريت علي ياسين و حضنته جامد و هو حضنها و باس رأسها و خدها و شدد عليها و هي في حضنه...
ياسين(بدموع): وحشتيني اوي.
وجد: و انت كمان متزعلش انا اسفه انا و الله غصب عني مكنتش عايزة اشوفك و انت مكسور بسببي، اسفة يا جدو.
ياسين: انا اللي اسف يا حبيبتي انا اللي اسف، احكيلي احكيلي حصلك ايه و عملتي ايه؟!
وجد شدت كرسي و قعدت جمب ياسين و بدأت تحكيله بالمختصر ايه اللي حصل و هي ماسكة ايده.
ياسين: وجد انا.
وجد: متتأسفش يا جدو، انت غصب عنك ثريا و بعدها انا انا اللي اسفة بسببنا انت دخلت غيبوبة.
ياسين: الحاجة الوحيدة اللي ندمان عليها يا وجد ولادي اللي خلفتهم الاتنين عاق يا بنتي.
وجد: جدو انا اسفة بس لو باسل عايز يسجنهم انا مش هقف قصاده، حكتلك علشان تعرف حقيقتهم.
ياسين: طب و ناوية تعملي ايه ما باسل؟!
وجد: مش عارفة مش عارفة بجد يا جدو انا انا تايهة حقيقي مش لاقية اللي يقولي اعملي كذا.
ياسين: قلبك بيقولك ايه؟!
وجد: جدو مشكلتي انا مش قادرة اسامح و مش هقدر انسي. و لو انا نسيت هو مش هينسي ان اهلي السبب في اللي حصل لاهله.
وجد: مامته و عمته كل ما يشوفوني يقولوا يا بنت القاتل انا عارفة ان بابا عمل كدة و مصدومة و زعلانة بس ليه كدة انا ذنبي ايه. مش ذنبي اني بنته.
ياسين: كملي يا وجد.
وجد(بدموع): جدو انا بجد محتارة مش عايزك اعلق باسل معايا و انا مش عارفة اذا كنت هتجاوز و لا لا. انا بجد دماغي في يوم هتنفجر من كتر التفكير لدرجة اني بقيت احلم بكل المشاكل دي.
الباب خبط و دخل دكتور...
الدكتور: مساء الخير.
الدكتور قرب من ياسين و بدأ يفحصه تحت استغراب وجد و ياسين...
وجد: في دكتور لسة خارج من عنده من شوية.
الدكتور: اه عارف الدكتور عماد ما هو في ميعاد حقنة دلوقتي.
وجد: الدكتور اللي لسة ماشي مكنش اسمه عماد كان اسمه.
وجد كانت بتحاول تفتكر قرأت ايه علي بالطو الدكتور.
وجد: اه دكتور ادهم.
وجد: حقنة ايه دي؟!
الدكتور طلع الحقنة و بدأ يغرزها في المحلول.
وجد(بغضب): انت مجنون؟! اطلع بره انت شكلك نصاب...
ياسين: ا.
ياسين حس بعيونه بتقفل لوحدهم و غصب عنه اتخدر و غمض عيونه.
وجد(بقلق): جدو جدو.
وجد قربت من الدكتور ده بس هو مسك ايديها الاتنين و قربها منه.
الدكتور: انتي بقي اللي هما عايزيني اقتلك.
وجد(بغضب): ابعد.
وجد ضربت الدكتور برجليها في بطنه و زقته و كانت هتخرج الدكتور مسك رجليها و خلاها تقع في الارض و شدها ناحيته...
وجد كانت هتصرخ بس الدكتور حط ايده علي بوقها و مسك حقنة الهواء اللي في ايده و كان هيغرزها في رقبة وجد بس وجد مسكت ايده و رفعتها ل فوقت.
وجد كانت بتقاومه و هو بيحاول يغرز الحقنة في رقبتها.
الباب اتفتح فجأة و دخل باسل اللي كان بينهج و اول ما شاف وجد بالمنظر ده قرب من الدكتور و مسكه من البالطو بتاعه و بدأ يضربه.
وجد قامت بسرعة من علي الارض و جريت نادت دكتور.
وجد: الزفت ده حطله حاجة في المحلول و فجأة اغمي عليه كدة.
الدكتور بدأ يفحص ياسين بسرعة و هو متوتر من اللي باسل بيعمله في الدكتور التاني.
باسل(بغضب): مين اللي باعتك؟! رد مين؟!
الدكتور(بتعب و تف دم من بوقه): هما انا مليش دعوة.
الدكتور2(بتوتر): لازم انادي الامن.
باسل(بغضب): خليك في حالك ملكش دعوة.
باسل(بغضب): و انت هتتكلم و لا اوريك التعب علي اصوله...
الدكتور(بتعب): قرصة ودن مليش دعوة.
الدكتور(بتعب): سيد ميشيل هو اللي امرنا...
باسل(بغضب): امركم بايه؟!
الدكتور(بتعب): نحاوط عائلتك كلها لانه حس بحركة غدر منك فكان بيأمن نفسه من بطش الboss الكبير.
باسل ضرب الدكتور ده بغضب تاني لغاية ما الدكتور اغمي عليه,باسل قام وقف و هو بينهج,وجد كانت بتبص علي ياسين بقلق...
الدكتور: متقلقيش مجرد حقنة مهدئة.
الدكتور: هنادي الامن ينقلوه للقسم.
باسل قرب من وجد و وجد لفت ليه قربت منه و عدلت ليه قميصه,و باسل حط رأسه علي كتفها.
باسل: كنت خايف عليكي.
وجد: متخافش، حصل خير انت هنا و انا كويسة و جدو كويس.
باسل باس رقبة وجد كذا مرة لغاية ما الامن جه و وجد بعدت عن باسل بسرعة.
الامن بدأوا يشيلوا الراجل اللي باسل ضربه,الممرضة جت مسحت الدم و ده كله و باسل واقف جمب وجد و محاوطها بايده.
باسل: شكيتي ليه؟!
وجد: قصدك ايه!؟
باسل: اقصد شكيتيله مني.
وجد: لا.
باسل: كويس.
وجد رفعت عينيها في عيون باسل اللي باسهم فوجد غمضت عينيها.
باسل: ارجوكي لما تزعلي مني تيجي تقوليلي. فكري فيا انا اول واحد.
باسل: ماشي؟!
وجد: جدو شكله مش هيفوق خلينا نمشي.
باسل: طيب.
وجد رجعت شعرها ل ورا و خرجوا بره المستشفي ركبوا عربية باسل,باسل ساق ناحية القصر بتاعه و دخل مع وجد.
اسيل: هو في ايه يا باسل؟! ليه حازم جالي و رجعني القصر و ليه ممنوع حد يخرج؟!
باسل: شوية اعداء متقلقيش يا اسيل.
اسيل: بس.
باسل حضن اسيل و باس رأسها و شاور ل جودي بمعني تيجي هي كمان و حضن الاتنين مع بعض,وجد قعدت علي الكرسي و بتبص علي باسل.
حازم: باسل.
باسل: نعم.
حازم: هرجع انا الشركة ل بابا.
باسل: طيب بس خلي بالك.
حازم: حاضر.
عفاف: هروح اشوف الغداء.
اسيل قعدت جمب وجد و الاتنين قعدوا يتكلموا مع بعض,باسل دخل اوضة المكتب و جودي طلعت اوضتها...
نعمة دخلت من الجنينة و قعدت علي اول كرسي لقته,شاورت ل وجد بايديها و وجد بصتلها برفعة حاجب.
نعمة: قومي جيبيلي ماية.
وجد: معرفش فين المطبخ. عن اذنك يا اسيل هطلع اغير هدومي.
وجد سابتهم و طلعت و نعمة بصتلها بغيظ.
وجد كانت ماشية في ممر الاوض و سمعت صوت حد بيتألم في اوضة من الاوض.
وجد فتحت باب الاوضة و دخلت لقت عصمت نايمة علي السرير و عرقانة و بتتلوي من الالم.
وجد: مدام عصمت.
وجد قربت من عصمت,عصمت بصت ليها بحدة...
عصمت(بتعب): انتي جاية هنا تعملي ايه؟!
وجد: سمعت صوتك و انا راحة اوضتي.
وجد: قوليلي حاسة بايه مش هقتلك يعني.
عصمت(بتعب و حدة): ليه ما عائلتك عملت كدة اشمعنا انتي مش هتعمليها؟!
وجد قربت من عصمت و بدأت تقلعها الحجاب اللي هي حتى مش بتقلعه و هي نايمة,وجد فتحت الدولاب و طلعت فوطة قربت من عصمت و بدأت تمسح العرق اللي علي وشها.
وجد: حاسة بوجع فين؟!
عصمت شاورت بعينيها علي بطنها,وجد قامت و نزلت ل تحت و راحت للمطبخ.
نعمة: ا.
نعمة(بسخرية): ما احنا طلعنا عارفين المطبخ اهو.
وجد: يا ريت تكوني عرفتي اني قاصدة اني مجبلكيش ماية يا عمة جوزي.
وجد: طنط عفاف لو سمحت في برشام مسكن هنا.
عفاف: اه بس مالك؟!
وجد: مفيش حاسة بوجع شوية ممكن دواء مسكن.
عفاف: طيب لحظة.
عفاف راحت ل ركن في المطبخ كان عبارة عن دولاب صغير في ادوية و اسعافات اولية,جابت برشام مسكن و ودته ل وجد.
وجد: شكرا.
وجد طلعت لاوضة عصمت تاني و ودتها البرشامة,عصمت بصتلها و كانت مترددة.
وجد(بتنهيدة): متخافيش ده دواء مسكن و لما تفوقي ابقي اسألي طنط عفاف و متخافيش مقولتش ليها انك تعبانة محدش عرف اصلا.
عصمت خدت الدواء من وجد و شربت ماية و رجعت رأسها ل ورا بتعب و وجع...
وجد قعدت قدامها و كانت بتمسح العرق اللي علي وشها لغاية ما لقت عصمت راحت في النوم.
وجد غطت عصمت و خرجت بره الاوضة راحت اوضتها دخلت الحمام غسلت وشها كذا مرة و خدت دوش بسيط و خرجت تغير هدومها.
وجد لبست بيجامة بيتي باللون الكحلي في ابيض, كانت عبارة عن بنطلون كحلي قطيفة و فوقه تي شيرت بكم باللون الابيض و عليه نقوش بسيطة باللون الكحلي و قصير لغاية الخصر,رفعت شعرها علي شكل ديل حصان.
وجد قعدت علي السرير و كانت هتنام الباب خبط.
وجد قامت و قعدت مربعة علي السرير و لقت باسل داخل الاوضة.
وجد: جاي ليه؟!
باسل: هأخد هدوم.
وجد: طيب.
باسل طلع هدوم و كان شارد شوية و دخل الحمام غير هدومه و طلع بره الاوضة من غير اي كلمة...
وجد: و ده ماله ده؟!
وجد قامت من علي السرير و خرجت بره الاوضة بتاعتها و دخلت الاوضة اللي جمبها اللي باسل بينام فيها لقته قاعد علي الكرسي الهزاز و مغمض عيونه.
باسل حس ب وجد لما حطت ايديها علي كتفها برقة و بدأت تدلك كتفه و رقبته.
باسل مسك ايد وجد و باسها و شدها ناحيته و قعدها علي رجله.
وجد: مالك فيك ايه؟!
وجد(بخجل): يا حبيبي.
باسل فتح عينه بسرعة و بص ل وجد و هو بيبلع ريقه بتوتر.
باسل: قولتي ايه؟! حبيبي!
وجد: انا هقوم.
باسل: لا ابوس ايدك ده انتي الحاجة الوحيدة اللي بتخليني مبسوط و مرتاح...
وجد حطت عينيها في الارض و باسل قرب منها باس رأسها,وجد حطت ايديها علي كتفه.
وجد: مالك بقي؟!
باسل: مفيش شغل بس.
وجد باست باسل علي خده جامد و بصتله...
وجد: متشيلش الهم ابدا.
باسل: طول ما انتي معايا و جمبي انا مش شايل الهم خالص. بس ارجوكي متبعديش عني تاني.
وجد(بحزن): اجبرتني علي بُعدك يا باسل.
باسل لا رد. بصلها بندم و حط عينيه في الارض بس لمح دبلة لؤي في ايديها اليمين.
باسل(بحدة): سؤال واحد يا وجد الدبلة دي بتاعت لؤي صح؟!
وجد بصت علي ايديها لقت دبلة لؤي هزت رأسها بمعني اه,باسل شد الدبلة بعنف من ايد وجد و رماها.
باسل: فين دبلتنا؟!
وجد(بالامبالاة): رميتها في باريس مكنتش حقيقة يعتبر جوازنا كان مزيف. و لو عايزنا نكمل مع بعض يا ريت بعد اذنك متفضلش تفكرني بالماضي.
وجد: عن اذنك اروح اوضتي عايزة انام.
وجد قامت و راحت لاوضتها نامت علي السرير و راحت في النوم بسرعة,باسل كان متعصب و متضايق من كل حاجة حواليه.
-في مكان تاني.
عند جودي.
جودي كانت بتتصل بحد بقالها فترة لغاية ما الخط اتفتح.
جودي(بلهفة): طارق.
طارق(بضيق): خير يا جودي عايزة ايه؟!
جودي(بدموع): انت نستني يا طارق؟! نسيت اللي حصل؟!
طارق(بضيق)لا منستش انتي بنت خالي برضو.
طارق(بضيق): ورايا شغل و تقدري تنزلي الجامعة اللي اسمه عمر ده اترفد من الجامعة.
جودي: سافرت ليه؟!
طارق(بحدة): هو تحقيق؟!
جودي: طارق انت مسافرتش صح؟!
طارق(بحدة): يهمك في ايه؟!
جودي: طارق عايزة اقابلك حالا.
طارق: مش خدام سيادتك انا و.
جودي: تمام يا طارق انا راحة دلوقتي البار اللي في وقفني لو قدرت.
جودي قلت مع طارق و قفلت تليفونها خالص,جودي قامت خدت دوش و خرجت تغير هدومها.
جودي لبست فستان باللون الاحمر كب و قصير لغاية الركبة و عملت شعرها ديل حصان و حطت مكياج خفيف يظهر وشها الجميل و لبست صندل بكعب باللون الاحمر و حطت البرفيوم بتاعها.
جودي نزلت بره اوضتها و نزلت لقت عفاف.
عفاف: راحة فين الله يخرب بيتك باللي انتي لابساه ده ابوكي لو شافك هيزعقلك.
جودي: هروح اسهر شوية يا ماما و متقلقيش ساعة و هتلاقيني هنا و انا واثقة من كدة...
عفاف: لا لا يا جودي.
جودي: ماما هرجع بسرعة صدقيني عن اذنك.
جودي خرجت بره القصر و ركبت العربية بسواق و وصلت للمكان اللي هي عايزاه.
جودي: خلاص امشي يا عم جواد.
جواد(السواق): معتز بيه لو عرف هيزعق يا هانم اني سيبتك هنا.
جودي: متخافش حد هيجي يأخدني دلوقتي.
جواد: طب ما تخليني هنا لغاية ما الشخص ده يجي.
جودي: يا عمو روح بقي يلا يلا.
جودي: ربنا يستر طيب لو عايزة تمشي اتصلي بيا اجيلك تاني.
جودي: تمام.
السواق مشي و جودي فضلت واقفة قدام البار شوية لغاية ما ملت و كانت هتدخل البار لقت اللي بيشدها جامد من دراعها ملحقتش تشوف حتى وشه بسبب خطواته السريعة.
جودي: هقع يا عم اهدي.
طارق زق جودي بغضب علي العربية و حاوطها بايده.
طارق(بصوت عالي): انتي ازاي تعملي كدة؟! اتجننتي؟! ردي ازاي تيجي مكان زبالة و قذر زي ده؟!
طارق(بصوت عالي): ايه الشجاعة عندك بتطلع في ال و بس.
جودي وشها شحب من كتر غضب طارق و خافت جدا.
طارق(بصوت عالي): تخيلي لو فعلا كنت مسافر تخيلي كان ممكن يحصل ايه جوا بسبب عنادك ده.
جودي(باتفعال بسيط): ما انت اللي اتخليت عني...
طارق(بغضب): كنت معشمك بالجواز مثلا؟!
جودي(بانفعال): لا مش معشمني بالجواز و لا بتحس و لا عندك دم. انا بحبك من زمان و انت زي الغبي بتبعد و بتقرف تكلمني و بتقرف تقعد معايا في ايه يا شيخ ده انت خلتني اكره نفسي و اكره قلبي اللي حبك من كتر الجفاء اللي عندك من ناحيتي و طول الوقت اسيل اسيل لدرجة اني فكرت اكرهها. في ايه يا اخي مش كدة مش بتحس بقالك اكتر من عشر سنين كنت بستني بس اني اشوفك لما تنزل كل فترة فين و فين...
جودي(بانفعال): الكل عارف اني بعشقك مش بحبك بس. بس انت اللي غبي و حمار...
جودي زقت طارق بايديها و سابته و مشيت بغضب ناحية الطريق,طارق ركب عربيته و ساقها ناحيتها و وقف العربية قدامها...
طارق(بهدوء): اركبي العربية يا جودي.
جودي بصتله بلامبالاة و سابته و مشيت طارق مشي وراها بالعربية لغاية ما زهق و وقف العربية و نزل منها.
جودي صرخت لما لقت طارق شالها علي كتفه و راح ناحية العربية و نزلها في الارض.
جودي: يا حيوان يا.
طارق(بغضب): جودي كلمة كمان و هقطعلك لسانك انتي فاهمة.
طارق ركب جودي العربية غصب عنها و لف ركب و بدأ يسوق ناحية القصر...
طارق نزل و فتح باب عربية جودي و شدها بعنف و دخل بيها القصر و طلع لاوضتها زقها علي السرير.
طارق: قسما بربي لو مرمتيش الفستان ده و لمحته عندك لاكون موريكي يوم اسود يا جودي.
طارق ساب جودي و راح لاوضته غير هدومه و قعد في البلكونة علي اللاب توب بتاعه.
جودي(بغيظ): و الله لاوريك يا زفت.
جودي: هروح لوجد اخد خبره منها هي اكيد هتفيدني.
جودي راحت لاوضة وجد و باسل و خبطت الباب.
جودي: هو الساعة كام؟!
جودي بصت علي الساعة اللي في الحيطة لقت الساعة 2.
جودي: يا غبية اكيد نايمة.
جودي دخلت اوضتها تاني و غيرت هدومها و نامت علي السرير قعدت تفكر في اللي حصل النهاردة لغاية ما دخلت في نوم عميق.
-في مكان تاني.
عند سهر و رضوان.
رضوان: روحي يا سهر الدكتور قال هيفوق بكرة.
سهر: يا رضوان.
رضوان: يا حبيبتي هتعمليله ايه و انتي اصلا متعرفهوش انا هشكره نيابة عنك و هعوضه.
سهر: بس هو اتصاب بدالي.
رضوان: يا حبيبتي نصيبه كدة و كمان حد قالك اني هسيبه ما انا هقف جمبه و هفضل معاه لغاية ما يخرج من المستشفي.
رضوان: و كمان لازم تروحي ترتاحي انتي تعبانة متنسيش.
سهر: طب هتروح معايا.
رضوان: ايوه و هرجع بكرة الصبح.
سهر: طيب يلا بينا.
رضوان خد سهر و خرجوا بره المستشفي و رجعوا القصر لقوا الوقت متأخر و الكل نايم.
رضوان: يلا يا حبيبتي اطلعي اوضتك.
سهر: تصبح علي خير...
رضوان: و انتي من اهله يا حبيبتي.
رضوان باس رأس سهر و طلع اوضته و هي طلعت اوضتها.
-في المكان تاني...
عند قصي و ليلي.
ليلي(بضحك): مش هتبطل.
قصي: الله ببوس ابني عندك مانع.
ليلي: لا و الله بس انا بغير.
قصي: هو انتي في مكان اصلا مش بتغيري منه.
ليلي(بضحك): عندك حق.
قصي طلع قعد جمب ليلي علي الكنبة و شدها لحضنه و هي حاوطته بايديها و حطت رأسها علي صدره.
ليلي: قصي.
قصي(بتنهيدة): هعملها يا ليلي هعملها.
ليلي(بفرحة): بجد؟! اخيرا يعني.
قصي: اه يا حبيبتي.
ليلي قعدت علي رجل قصي و قعدت تبوسه علي وشه و هو مبتسم علي فرحتها.
ليلي: ده احلي خبر قولته ليا بحبك اوي.
قصي: و انا اكتر، بس لو حصلي حاجة ا...
ليلي حطت ايديها علي بوق قصي و بصتله.
ليلي: اياك انت هتعيش علشاني و علشان ابني و ابنك و متخافش دكتور مصطفي دكتور شاطر و هتخف بسرعة صدقني.
قصي: بتمني يا ليلي.
ليلي: صدقني اسمع كلامي.
قصي: حاضر يا حبيبتي.
قصي باس رأس ليلي و خدها في حضنه و هي مسكت فيه اوي.
ليلي: بحبك اوي يا قصي.
قصي: الله يرحم المطوة.
ليلي ضربت قصي في كتفه بغيظ.
ليلي: ما خلاص يا رخم.
قصي(بضحك): حبيبي.
قصي شدد علي ليلي و هي في حضنه و ليلي دفنت وشها في رقبته.
-في مكان تاني...
عند علي و ثريا.
ثريا كان صوت ضحكها عالي جدا بسبب علي و هو شايلها و داخل بيها من باب البيت.
علي(بضيق): كان عاجبك يا هانم.
ثريا(بضحك): شكلك كان مضحك اوي و انت بتضرب الراجل.
علي(بضيق): تصدقي انك معندكيش دم.
ثريا(بضحك): كنت مسخرة.
علي(بضيق): بقي كدة طب و الله لارميكي.
ثريا مسكت في علي جامد و بصتله بخوف.
ثريا: خلاص بهزر معاك انت مبتهزرش.
علي(بسخرية): لا مش بهزر.
ثريا: اسفة خلاص نزلني...
علي(برفعة حاجب): و المقابل؟!
ثريا باست علي علي خده اليمين و خده الشمال.
ثريا: نزلني يا علي.
علي: هو بعد علي دي فيها نزلني.
علي طلع بيها لاوضته و ثريا بصتله بصدمة.
علي اول ما دخل الاوضة وقف مكانه و هو بيبص علي الصور اللي متعلقة علي الحيطة.
ثريا بصت علي الصور هي كمان و اتصدمت لما لقتها عبارة عن صورها هي و اللي اسمه جاسر في اوضاع مختلفة.
علي نزل ثريا ببطء من بين ايديه و ثريا بدأت دموعها تنزل علي خدها و هي بتبص للصور و ل علي.
علي قرب من الصور و بدأ يشيلهم من علي الحيطة و قطعهم و رماهم في الارض و بص ل ثريا.
ثريا(بعياط): علي.
علي ساب ثريا و نزل من الاوضة و ثريا جريت وراه و مسكت ايده و هي بتعيط.
ثريا: انا اسفة ده ماضي.
علي: ماضي قذر زيك.
علي: مش عايز اعرفك تاني يا ثريا. انا اتغاضيت عن الموضوع في الاول بس بعد ما شوفت الصور كرهت نفسي اني حسبتك عليا زوجة.
علي(بغضب): ابعدي عني.
ثريا(بعياط): علي مش انت قولت انك بتحبني خلاص تعالي ننسي.
علي(بغضب): و كرامتي و لما الزبالة اللي اسمه جاسر ده ينشر صورك في كل حتة ساعتها موقفي هيبقي ايه.
علي زق ثريا و ثريا وقعت في الارض و علي سابها و خرج بره البيت,ثريا قعدت في الارض بتعيط و تصرخ...
-في الصباح الباكر.
في القصر.
كان المعظم متجمع علي السفرة,عصمت نزلت من اوضتها و راحت قعدت مكانها بهدوء تام.
عصمت: فين الباقي؟!
نعمة: لسة هينزلوا.
عصمت: طيب.
جودي: هاي.
طارق بص ل جودي بغضب رضوان و اسيل لاحظوه.
معتز: انتي راحة حفلة و لا جامعة يا هانم؟!
جودي: لا خارجة مع صحابي.
طارق(بحدة): مفيش خروج.
عفاف: يا طارق.
طارق: قولت مفيش خروج و هي لابسة الفستان ده...
معتز: و انا مع طارق في الكلام ده اطلعي غيريه فورا.
جودي(بغيظ): حاضر.
طارق بص ل جودي من تحت ل فوق و كمل اكله,جودي طلعت لاوضتها و هي في قمة غضبها.
نعمة: عصمت.
عصمت: ايه؟!
نعمة(بخفوت): ايه رأيك نحجز تذكرتين ل باسل و شريهان نوديهم فرصة مع بعض؟!
عصمت: اعملي اللي انتي عايزاه يا نعمة مش فايقة حاليا.
عصمت: فين باسل؟!
اسيل: اكيد نازل هو و وجد.
عند وجد و باسل.
وجد(بضيق): هو كل يوم هيبقي كدة؟!
باسل: الله مش انتي اللي بتبعديني عنك و انا ما بصدق النهار يطلع يجي علشان اجي انام جمبك.
وجد: بتصحي بالبركة.
باسل: لا بظبط المنبه علي الشروق و بجيلك علطول.
وجد: يا سلام.
وجد اتضايقت من الشمس لما فتحت عينيها و خبت وشها في رقبة باسل و باسل شدها لحضنه.
باسل: يلا هنتأخر يلا بسرعة.
وجد: طب انزل انت و انا.
وجد(بشهقة): ايه ده؟!
وجد لقت باسل شالها بين ايديه و قام من علي السرير و مال عليها بوشه.
باسل(بابتسامة): شكلي كدة كل يوم انا اللي هصحيكي و هغسلك وشك و هطلعلك هدومك كمان.
وجد(برفعة حاجب): عندك مانع؟!
باسل: لا بس قولت اضيف للقائمة دي مثلا اني احميكي و البسك بقي بالمرة.
وجد(بسخرية): هتوقع ايه من واحد سافل زيك.
باسل ضحك بصوت عالي علي وجد و دخل الحمام قعدها علي الحوض و بدأ يغسل وشها.
وجد مسكت ايده و بصتله و مالت عليه بجسمها.
وجد: انت هتسافر؟!
باسل: عرفتي منين؟!
وجد: رد عليا.
باسل: ايوه بس لما تعدي حفلة بليل اللي ميشيل هيبقي فيها و ساعتها هروح علي روسيا الاول و بعدها هطلع علي فرنسا.
وجد: طب هتأخدني معاك طبعا.
باسل: لا يا روحي بتحلمي.
وجد: بسولة علشان خاطري.
باسل: اتعدلي يا بت ايه بسولة دي و كمان برضو لا مش جاية معايا.
باسل: و متحاوليش تأثري عليا. شغلك هيخلص من هنا لغاية ما ارجع انا.
باسل باس خد وجد و خرج و وجد نزلت و دبت برجليها في الارض و خدت دوش و خرجت لقت باسل طلع هدوم ليها.
وجد فتحت الدولاب و طلعت هدوم تانية.
وجد لبست بدلة باللون الاسود عبارة عن بنطلون اسود و جاكت بدلة مقفول لغاية الخصر و بكم باللون الاسود,عملت شعرها علي شكل ديل حصان و حطت مكياچ بسيط و لبست صندل بكعب باللون الابيض في اسود.
وجد خرجت من اوضتها لقت باسل لسة هيخرج من اوضته نزلت جري علي السلالم و باسل لمحها.
باسل: وجد.
وجد وقفت في نص السلم و كل العائلة لمحتها و باسل كان واقف علي اول السلم.
وجد لفت ل باسل و باسل كان نازل ليها و وجد نزلت السلالم بضهرها و جت في سلمة اتزحلقت.
وجد(بصريخ): باسل.
باسل نزل جري علشان يلحقها و مسك كف ايديها و شدها لحضنه و مسكها جامد.
باسل(بقلق): انتي كويسة؟!
وجد هزت رأسها بمعني اه و باسل باس رأسها.
باسل(بحدة): يعني انتي مكنتيش قادرة تستنيني انزل معاكي. و كمان مش واخدة بالك ليه؟!
باسل(بحدة): انطقي.
وجد: عادي يعني نزلت.
باسل(بحدة): بعد كدة مفيش نزول غير و انتي معايا.
باسل نزل و هو ماسك ايد وجد و وطي جاب ليها شنطتها و وداها ليها و راح ناحية السفرة شد ليها كرسي و هي قعدت عليه.
حازم: ايه يا عم الحبيب؟!
باسل: خليك في حالك يا حازم.
حازم: نفسي اعرف بتتعاملي معاه ازاي؟!
وجد: زي الناس.
طارق: لو سمحت يا معتز بيه عايز حضرتك انت و باسل و حازم في اوضة المكتب.
التلاتة بصوا ل بعض باستغراب و طارق قام دخل اوضة المكتب و التلاتة قاموا وراه.
باسل: بقي الحيوان ده يجبني وراه.
حازم: و الله ما اعرف في ايه؟! بس طالما اتكلم بجدية كدة يبقي في مصيبة...
معتز: اخرس يا حازم ربنا ما يجيب مصايب.
معتز: خير يا طارق جايبنا ليه؟!
طارق: بعتذر طبعا عن الطريقة يا عمي بس غصب عني.
باسل: خير في ايه يا طارق؟!
حازم: قلقتني يا طارق.
طارق: كدة و بدون مقدمات يا معتز بيه عايز اتجوز جودي...
التلاتة بصوا ل بعض و حازم ضحك علي طارق.
حازم: جودي ايه يا ابني جودي لسة في كلية.
طارق: عارف و كالعادة بتروح يوم و عشرة لا. بس انا عايز اتجوزها هو الجواز حرام.
باسل: لا مش حرام بس ليه جودي و فجأة كدة؟!
طارق: شايفها زوجة مناسبة حاجة تانية...
معتز: انت طبعا مش هضطر اسال عنك فانا بوديك الموافقة الابتدائية، هسأل صاحبة الشأن و هي تقول.
طارق: تمام يا عمي بس سيب ليها يومين تفكر.
باسل: طب و عمتو عارفة؟! و رضوان؟!
طارق: مش هيرفضوا.
طارق: عن اذنكم ورايا شغل.
طارق قام و سابهم و هم مصدمين من تغيره.
باسل: انا قايم ل مراتي يا عم.
معتز: و انا رايح الشغل.
حازم: طب و انا اروح لمين و لا اروح فين؟!
باسل: وجد.
باسل: فين وجد؟!
شريهان: مشيت من غير ما تاخد اذنك.
باسل طلع تليفونه و اتصل ب وجد. الخط اتفتح.
باسل: انتي فين؟!
وجد: راحة الشغل هكون فين يعني؟!
باسل: ماشي يا وجد لما ترجعي.
باسل خد حاجته و مشي من قدامهم بغضب...
توضيح: -بالنسبة ل سمر و سهر، سمر هي اللي بتحب باسل و لو غلطت في ذكر الاسم بيبقي غصب عني????.