قصص و روايات - قصص رومانسية :

رواية النور والكابوس للكاتبة سلسبيل كوبك الفصل التاسع والثلاثون

رواية النور والكابوس للكاتبة سلسبيل كوبك الفصل التاسع والثلاثون

رواية النور والكابوس للكاتبة سلسبيل كوبك الفصل التاسع والثلاثون

نبدأ فصلنا ب...
جودي(بذهول): نعم يا ماما!
عفاف: يا بنتي بقالي سنة بقولك طارق ابن عمتك عايز يتجوزك و طلب ايدك من ابوكي.
جودي(بذهول): يا ماما ازاي بس انتي متأكدة ان طارق هو هو طارق ابن عمتي.
عفاف: اسيل فهميها انا راحة المطبخ اشوف الغداء.
اسيل: مالك يا جودي مش كنتي بتحلمي دايما انك تتجوزيه.
جودي: ايوه بس اكيد مش هيتغير من يوم و ليلة يا اسيل.
اسيل: اعملي خطوبة و شوفوا في قبول و لا لا.

جودي: لا انا خلاص شيلته من تفكيري مش هتجوزه.
اسيل(بصدمة): انتي مجنونة مش انتي بتحبيه بقالك عشر سنين ايه اللي اتغير دلوقتي.
جودي(بدموع): بيعرف كل يوم بنت و بيكلم بنات و مش بيحبني. انا عارفة.
اسيل: اديله فرصة.
جودي(بدموع): لا قوليله مش موافقة.
اسيل: جودي اهدي.
جودي: عايزة اقعد لوحدي.
اسيل بصت ل جودي و قامت وقفت راحت ناحية الباب.
اسيل: اهدي و فكري بالعقل يا جودي.

اسيل سابت جودي و نزلت ل تحت,جودي قعدت تعيط و هي حاسة ان طارق بيشفق عليها لانها اعترفتله بحبها.
تحت.
نعمة: مش عارفة ايه اللي طارق عمله ده!؟
عصمت: طالما الولد عايز البنت خلاص يا نعمة مفيش حاجة تعيب طارق و لا تعيب جودي. نشوف رأي جودي الاول.
نعمة: و هي اكيد مش هترفض ده طارق ابني محدش يرفضه. بس انتي بتقولي طالما الولد عايز البنت خلاص معملتيش كدة ليه مع باسل و مراته اللي بيحبها.

عصمت لا رد، عصمت رفعت فنجان القهوة و شربته ببطء و بصت ل نعمة بهدوء.
عصمت: علشان مراته معيوبة بنت قاتل لغاية دلوقتي حر و انا جوزي و ابني ميتين و بنتي في غيبوبة بقالها سنين، تفتكري دي ممكن اقبل بيها.
سهر: اسفة علي تدخلي...
سهر: انتوا محاولتوش تتدوها فرصة علشان تتعرفوا عليها انتوا حكمتوا عليها بسبب ابوها لكن احب اقولكم ان مش شرط علشان ابويا وحش يبقي انا كمان اطلع وحش.

سهر: ودوها فرصة تثبت نفسها قدامكم. و كفاية يا عصمت هانم ان ابن حضرتك مرتاح معاها.
سهر: عن اذنكم.
سهر سابتهم و خرجت للجنينة لقت اسيل في المرسم بتاعها راحت ليها.
اسيل: مالك؟!
سهر: مفيش متضايقة من ماما و طنط عصمت.
اسيل: عصمت هانم و عمتو عمرهم ما هيتغيروا الا لو حصلت معجزة.
سهر: انا حاسة ان شريهان و سمر بيدبروا لحاجة.
اسيل: حاجة زي ايه؟!

سهر: مش عارفة يا اسيل بس سكوتهم مرة واحدة ده مش عاجبني و كمان كانوا النهاردة في قمة انبساطهم و لبسوا و خرجوا.
اسيل: ربنا يهديهم، متقلقيش خير يا حبيبتي.
سهر: طب هروح اكلم رضوان و هاجي.
اسيل: طيب.
سهر خرجت و طلعت تليفونها اتصلت ب رضوان، الخط اتفتح.
رضوان: ايه يا حبيبتي؟!
سهر: احم رضوان الشاب اللي انقذني امبارح.
رضوان: متخافيش انا داخله اهو.
رضوان: انتي بس متشيليش هم و لما تيجي تخرجي تخلي وراكي حراس.

سهر: طيب يا حبيبي، ابقي طمني.
رضوان: ماشي يا حبيبتي. يلا باي.
سهر: باي.
عند رضوان.
رضوان راح ناحية اوضة امير و خبط الباب.
امير: ادخل.
رضوان: حمدلله علي السلامة يا استاذ امير.
امير: الله يسلمك، بس مين حضرتك؟!
رضوان: انا ابقي رضوان اخو سهر اللي انت انقذتها.
امير: اه افتكرتها. اهلا و سهلا.
رضوان: كنت جاي اعتذر لحضرتك عن اللي حصل.
امير: حصل خير.

رضوان: بالنسبة لتكاليف المستشفي دفعتها كلها و لو حضرتك عايز تعمل محضر براحتك.
رضوان: بسبب ان عائلتنا ليها اعداء فحاولوا يقتلوا سهر و لولا ستر ربنا و حضرتك كنا ممكن نفقد سهر.
رضوان: شكرا ليك.
امير: انا معملتش حاجة غير واجبي، مش الشرطة برضو في خدمة الشعب و لا ايه؟!
رضوان(بابتسامة): تشرفت بحضرتك.
رضوان مد ايده لامير و امير سلم عليه و ابتسم.
رضوان: ارتحتلك.
امير: و انا.

رضوان: هات رقمك بقي، متفتكرش اني بعاكسك علشان انت واد قمر و حليوة لا.
امير(بضحك): لا متخافش.
الاتنين اتبادلوا ارقام بعض و رضوان قعد شوية مع امير.
رضوان: هجيلك بكرة علشان الدكتور قال هتخرج هبقي اجيلك، ماشي؟!
امير: بلاش تتعب نفسك.
رضوان: يا باشا لا عادي. لو احتاجت اي حاجة كلمني.
امير: شكرا يا رضوان.
رضوان: علي ايه بس يلا سلام.

رضوان خرج من عند امير و ركب عربيته و طلع علي شركة باسل طلع لقي الشركة كلها مقلوبة.
رضوان: هو في ايه؟!
موظف: باسل بيه متعصب جدا محدش عارف السبب و اي حاجة بتحصل مش عجباه.
رضوان دخل مكتب باسل لقاه بيرمي الملفات في وش السكرتيرة...
باسل(بغضب): اجري جيبيلي قهوة انجزي.
السكرتيرة(بخوف): حاضر يا فندم.
رضوان: في ايه يا ابني حصل ايه ل ده كله؟!
باسل(بغضب): مفيش ابعد عني يا رضوان مش فايق...

رضوان: ما هو المعروف عنك انك بتعرف تتحكم في اعصابك ايه بقي اللي حصل.
رضوان(بخبث): مفيش غير حاجة واحدة متخلكش عارف تتحكم في اعصابك. اول حرف منها واو.
باسل غمض عينيه و حاول يهدئ نفسه بس مقدرش.
باسل(بغضب): اطلع بره.
رضوان: همشي بس حاجة واحدة.
باسل(بغضب): اخلص.
رضوان: واو+جيم+دال يساوي ايه؟!
باسل غصب عنه ابتسم و بعدها رفع عيونه ل رضوان.
باسل: غور من قدامي.

رضوان: دي البت دي سحرالك و لا ايه يا ابني؟! يعني تعصبك و تهديك.
رضوان: بس قولي عملتلك ايه؟!
باسل: مفيش و ابعد عني.
رضوان: يخرببيت برودك و غموضك يا شيخ.
باسل: يلاااااااا.
رضوان: طيب طيب.
رضوان ساب باسل و خرج و باسل رجع رأسه ل ورا.
تليفون باسل رن، الخط اتفتح.
: الشحنة هتتسلم الليلة في الحفلة...
باسل: طيب، ميشيل هيوصل امتي؟!
: ميشيل في مصر.
باسل(بضيق): طيب.

باسل كان حاسس بوجع في رأسه حط رأسه علي المكتب و غمض عيونه و هو بيفكر في كذا حاجة و من ضمنهم وجد...

-في مكان تاني...
عند سليم.
سليم كان قاعد في مكتبه بيشتغل لقي اللي بيفتح الباب من غير ما يخبط.
سليم رفع رأسه ببطء لقي نرمين و هي في قمة غضبها.
نرمين قفلت الباب و قربت من سليم.
نرمين(بغضب): ايه لعبة القط و الفأر دي؟!
سليم لا رد.
نرمين(بغضب): نفسي اعرف ايه اللي بيحصل؟! مطبق هنا بقالك يومين ليه؟!
سليم: شغل.

نرمين(بغضب): ملعون ابو الشغل اللي بيبعدك بالشكل ده، و كمان مش هنضحك علي بعض انت بتهرب من مين مني و لا من نفسك.
سليم(بتعب): نرمين انا تعبان بلاش تضغطي عليا.
نرمين(بغضب): لا لازم نحط حد لكل حاجة لاني زهقت بجد زهقت.
سليم(بتعب): طب اعملك ايه يعني؟! روحي و لما ارجع تبقي نتكلم.
نرمين مسكت فنجان القهوة اللي كان قدام سليم و رمته في الارض اتكسر كذا قطعة,سليم بص ل نرمين ببرود و نرمين كانت في قمة غضبها.

نرمين قربت من سليم و مسكته من قميصه بغضب.
نرمين(بغضب): ايه يا اخي معندكش دم؟! مش بتحس.
سليم: نرمين احنا في الشركة.
نرمين كانت فقدت طاقتها و حست بانها عايزة تعيط و فعلا قعدت تعيط و سليم مستغربها.
سليم حاوطها بايده و نرمين مسكت فيه جامد.
نرمين(بعياط): انت مش بتحبني.
سليم: لا مين قال كدة؟!
نرمين(بعياط): تصرفاتك و كمان لو انت بتحبني فانت بتحبني كأني اختك صح؟!
سليم(بتوتر): نرمين.

نرمين(بعياط): انت خلصت من اياد و دلوقتي هتطلقني.
سليم(بتوتر): معرفش.
نرمين(بعياط): انا مش مهمة عندك.
سليم(بتوتر): لا مهمة.
نرمين رفعت عيونها في عيون سليم و سليم مسح دموعها بايده و بصلها بحب...
سليم: متعيطيش طول ما انا موجود، انا هنا علشان خاطر ابسطك و اسعدك مش علشان اكون سبب في زعلك. خلي الابتسامة دايما علي وشك.
سليم: لان.
نرمين(بدموع): لان؟!

سليم: لان ابتسامتك بتحييني مجرد فكرة انك مبسوطة انا ببقي مبسوط. انا بفرح ل فرحك و علشان كدة مبحبش اشوفك زعلانة لاني بزعل علي زعلك.
سليم: فاهمة؟!
نرمين: سليم.
سليم: نعم؟!
نرمين: بتحبني؟!
سليم: انتي؟!
نرمين(بثقة): انا بحبك.
سليم فضل باصص ل نرمين لمدة دقيقة و نرمين منتظرة اجابته,سليم قرب من نرمين و (لخيالكوا).
سليم: مقدرش اعيش من غيرك.
سليم حضن نرمين و نرمين عيطت.

سليم: هو انتوا يا بنات دايما كدة نكد سواء مبسوطين او زعلانين.
نرمين ضربت سليم في كتفه و هي بتضحك و بتعيط في نفس الوقت,سليم مسح دموعها.
سليم: وحشني اكل ماما يلا نروح نتغدي.
نرمين: يلا.
سليم خد جاكت البدلة و حاجته و مسك ايد نرمين و نزلوا من الشركة و ركبوا العربية و وصلوا ل بيت سليم.
سليم: ماما يا ماما.
مريم: هو محدش بيعرف يسيطر عليك غير نرمين يعني!؟
نرمين حطت رأسها في الارض بخجل.
نرمين: يلا علشان الاكل.

سليم: هي كارما مش ناوية تيجي من عند باسل بقي؟!
مريم و نرمين بصوا ل بعض بتوتر و بعدها بصوا ل سليم...
مريم: قالت احتمال ترجع النهاردة او بكرة الصبح.
سليم: طيب...
التلاتة بدأوا يأكلوا و سليم بيبتسم ل نرمين و نرمين مبسوطة و مريم لاحظت تغير في علاقتهم و فرحت بيه.

-في مكان تاني...
في قصر الصياد.
احمد(بغضب): يعني ايه لغاية دلوقتي ملهاش أثر انت مجنون؟!
سعد: احمد بيه احنا دورنا عليها في كل حتة.
احمد(بغضب): ما تتصرف كلم حد من ام الشغل الزفت اللي انت بتشتغل فيه.
منصف(ببرود): كلمت و محدش عارف حاجة برضو.
كارما: احمد ممكن تهدئ شوية هي اكيد حبت مثلا تغير جو.
احمد(بغضب): انتي هبلة يا كارما بقولك اتخطفت اتخطفت.
كارما(بحزن): آسفة.
ماجدة: تلاقيها هربت مع واحد.

يوسف: ماجدة عيب الكلام ده.
منصف(بسخرية): ليه بس يا اخويا ما ممكن تكون عملت فيلم فعلا.
احمد بص ل منصف من تحت ل فوق و مسك ايد كارما.
احمد: انا همشي دلوقتي بس قسما بربي يا منصف لو امي حصلها حاجة و انت السبب فيها هقتلك.
احمد: يلا يا كارما.
احمد شد كارما وراه و خرجوا بره القصر.
احمد: و انت يا سعد لو عرفت اي خبر بلغني انا اول واحد. يلا يا صابر.
احمد ركب العربية و جمبه كارما و ورا صابر.

كارما: ممكن تهدي نفسك يا احمد.
احمد: بقولك امي مختفية انتي بتفهمي منين؟!
كارما: و انت لما تتغير و تحرق اعصابك هترجعها.
احمد: ف البديل ابقي هادئ و بارد.
كارما: لا برضو.
احمد: انتي عايزة تجنيني.
كارما: انا غلطانة اني بتكلم معاك.
احمد وقف العربية و كان هيتكلم بس لقي صابر موجود فكمل سواقة لغاية ما وقف قدام بيت كارما.
احمد: انزلوا.

صابر نزل من العربية و كارما بصت ل احمد قبل ما تنزل و نزلت جريت علي البيت و هي زعلانة منه.
احمد كان متعصب و ساق من غير ما يعرف هو رايح فين...

- في مكان تاني.
عند وجد.
وجد كانت مركزة في الشغل، الباب خبط.
وجد: اتفضل.
عز: ممكن ادخل؟!
وجد: اتفضل ادخل.
عز قعد قدام وجد و حط رجل علي رجل و بص ليها و وجد رفعت حاجبها تلقائيا...
عز: شكلك حلو.
وجد(بهمس): ده انت جاي تستظرف.
وجد: بعتذر بس مين حضرتك؟!
عز: انتي لحقتي تنسي.
وجد: و الله مش بفتكر غير الاشخاص المميزة.
عز(بغيظ): عز الكيلاني يا ريت تفضلي فاكراني لانك هتشوفيني كتير الايام دي.

وجد: استاذ عز خلينا صراحين انت عايز ايه بالظبط؟!
عز: تعجبيني.
وجد(بضيق): انا مشغولة ممكن جنابك تقولي عايز ايه.
عز: انا ع.
تليفون وجد رن، الخط اتفتح.
وجد: لحظة.
وجد: الو يا قصي.
قصي: وجد تعالي بسرعة علي بيت ثريا.
وجد(بقلق): هي كويسة؟!
قصي: تعالي بس.
وجد قفلت مع قصي و قامت مسكت شنطتها و خرجت بره اوضة المكتب بسرعة,عز كان في قمة غضبه و راح ل لؤي.
لؤي: في ايه؟!
عز(بغضب): دي واحدة باردة و قليلة الذوق.

لؤي(ببرود): قولتلك وجد غير...
عز(بغضب): قسما بربي لاوريها.
عند وجد.
وجد وقفت تاكسي و ركبته.
وجد: اطلع علي في.
بعد فترة كان السواق واقف قدام بيت علي و ثريا.
وجد نزلت و حاسبت السواق و راحت للبيت خبطت.
وجد(باستغراب): ليلي.
وجد دخلت ملقتش حد لفت ل ليلي.
وجد: فين قصي و فين ثريا؟!
ليلي: في الاوضة دي.
وجد دخلت الاوضة اللي ليلي شاورت عليها لقت قصي قاعد جمب ثريا و بيملس علي شعرها.
وجد: في ايه؟!

قصي: جيت ليها و كانت منهارة في العياط و قعدت تصرخ باسم علي و في الاخر وقعت مغمي عليها جبتلها دكتور و قال انهيار عصبي...
وجد لقت ثريا مفتحة عينيها و باصة للسقف و دموعها نازلة علي خدها.
وجد قربت من ثريا و قعدت جمبها و مسكت ايديها.
وجد: ثريا فوقي اتكلمي و احكي في ايه علشان نلحق ننقذ الموقف، فين علي؟! و ايه اللي حصل؟!
ثريا(بعياط): انا و علي هننفصل.
وجد: ليه؟!

ثريا انهارت في العياط و قعدت تكح و مكنتش قادرة تأخد نفسها,ليلي جريت تجيب ماية و قصي كان قلقان و وجد قعدت تطبطب علي ضهرها.
ثريا(بعياط)فوق.
وجد و قصي طلعوا للدور التاني لقوا صور مرمية علي الارض كل واحد وطي و مسك جزء و عرفوا ايه اللي كان في الصور الاتنين بصوا ل بعض.
وجد: اهدي يا قصي متتهورش.
قصي(بدموع): مش هي السبب مش هي اللي عملت كدة في نفسها متضايقة ليه دلوقتي ها.

وجد: اهدي يا قصي ايوه ثريا غلطت و في نظر المجتمع مذنبة ايوه بس هي تابت و ندمت.
وجد: اهدي.
قصي: مش هقدر افضل هنا.
وجد: و لا انا، بس انت تقدر يا قصي انت اخوها.
وجد: اقف جمبها و اكيد علي مش هيرجع دلوقتي. هو معذور برضو.
الاتنين نزلوا ل تحت كانت ثريا نامت و ليلي قاعدة جمبها.
وجد: هضطر امشي انا. قصي خليك جمبها. و انتي يا ليلي معلش علشان خاطري.
وجد: و الف مبروك علي الحمل يا روحي.

وجد حضنت ليلي و باستها و ليلي ابتسمت ليها.
وجد: همشي انا هشوف باسل و نحاول نعرف فين علي و نعرف هيحصل ايه.
وجد: باي.
وجد حضنت قصي و سابته و خرجت بره البيت.
وجد وقفت تاكسي و رجعت القصر علشان تشوف باسل.
عند باسل.
باسل كان بيمضي علي ورق و بيتكلم في التليفون.
باسل: ماشي يا عدي.
باسل: ظبط كل حاجة.
باسل: ايوه الحفلة دي مهمة.
باسل: طيب علي ضمانتك يلا باي.

باسل رفع رأسه لما لقي حد دخل و كان لسة هيتكلم لقي شريهان و سمر.
باسل(بهمس): الصبر من عندك يا رب.
باسل: خير؟!
باسل: روحي انتي يا سمية...
باسل: ايه اللي جابكم؟!
شريهان: كنا في المول اللي جمب الشركة قولنا نعدي عليك يا حبيبي و نشوف الشركة.
باسل: ليه؟!
سمر: في ايه يا باسل ده احنا قرايبك يا عم.
باسل: خشوا.
باسل: مش انتوا جايين تشوفوا الشركة روحوا شوفوها انا كنت ماشي.

باسل قام وقف و لم حاجته علشان يمشي لقي شريهان راحت ناحيته و حطت ايديها علي صدره.
شريهان: مفيش مشكلة يا حبيبي نروح مع بعض...
باسل: شريهان للمرة المليون انا مش بحبك و مش هكمل معاكي. يا ريت تفهمي يا بنت خالتي.
باسل سابهم و مشي و الاتنين جريوا ورا باسل اللي اتنهد و ركب العربية و هما ركبوا معاه.
باسل بدأ يسوق ناحية القصر.
شريهان: ما تشغل حاجة رومانسية يا حبيبي.
سمر: ايوه ورينا ذوقك يا باسل.

باسل(بحدة): انتوا شكلكم وحشكم باسل القديم. قسما بربي لو سمعت نفس واحدة فيكوا لاوريه النحوم في عز الضهر، فاهمين؟!
الاتنين بصوا لبعض و التزموا بالصمت لغاية ما وصلوا للقصر...
عند وجد.
وجد كانت وصلت القصر و هي بتفكر في ثريا و دخلت الجنينة.
اسيل: وجد وجد.
وجد: ها؟!
اسيل و سهر راحوا ناحية وجد و سلموا عليها.
سهر: كنا عايزين نتعرف عليكي اكتر.
وجد: تمام مفيش مشكلة.
سهر: تعرفي ان اسمك غريب؟!
وجد: اشمعنا؟!

سهر: انا كسهر عمري ما شوفت حد اسمه وجد.
اسيل: باسل كان دايما بيقول ان وجد يعني العشق و الحب.
سهر: اه يا عم الرومانسي انت.
وجد(بابتسامة): يا ريته بيجيب فايدة.
اسيل: علفكرة باسل اتعصب لما عرف انك مشيتي من غير اذنه و مشيتي لوحدك.
وجد: ايوه يعني هفضل مربوطة هنا بيه. يعني مثلا هو في يوم مش هيروح الشغل و هياخد اجازة انا كمان اخد اجازة لا طبعا.
وجد: لازم كل واحد يستمر في شغله. هو مثلا سافر مش هروح شغلي.

وجد: و كمان مش كفاية انه.
سهر(بخبث): مش كفاية انك بتنيميه في اوضة و انتي في اوضة.
وجد(بخجل): انا عارفة اني مينفعش اعمل كدة، بس لا برضو لازم يتعلم الادب.
سمعوا صوت عربية لمحوا باسل و هو داخل.
اسيل: الحربايتين اهم.
سهر(بضيق): اسيل متنسيش ان سمر اختي.
اسيل: اسفة.
التلاتة نزلوا من العربية و وجد كانت باصة ل باسل برفعة حاجب و ضيق.
وجد(بغيظ): ايه اللي جايبه معاهم؟! و كمان م.
اسيل: جاي علينا.
سهر: باسل جاي اهو.

وجد لفت علشان تشوف باسل لقت باسل بيعدي من جمبها و كانوا قريبين من بعض اوي و وجد غصب عنها اتقطع نفسها.
باسل دخل القصر و وراه شريهان و سمر بعد ما خبطوا في وجد.
سهر: وجد انتي كويسة؟!
اسيل: يا بنتي مالك؟!
وجد: ده تجاهلني؟!
اسيل(بخبث): هو ده بس اللي خلاكي كدة، و لا لما مشي من جمبك و شميتي البرفيوم بتاعه.
وجد حطت ايديها علي رقبتها باحراج و سابتهم و جريت علي جوا,هما الاتنين ضحكوا عليها جامد.

وجد وقفت مربعة ايديها و هي بتشوف باسل بيسلم علي كل اللي موجود و باس ايد عصمت و عيونهم اتقابلت بس هو مكلمهاش,باسل سابهم و طلع علي السلالم...
وجد(بحدة): باسل.
باسل وقف مكانه و كل اللي كان قاعد بص ل وجد و ل باسل.
وجد: ايه جنابك هتفضل متجنبني كتير؟!
نعمة و عصمت اتصدموا من صراحة وجد.
باسل(بلامبالاة): عادي.
باسل طلع لاوضته و اسيل و سهر وقفوا جمب وجد.
اسيل(بهمس): معلش بس ب.
وجد(بغضب): ده نهار ابوه اسود.

وجد طلعت علي فوق بسرعة,اسيل و سهر ضحكوا.
نعمة(بحدة): في ايه منك ليها ليه بتضحكوا؟!
اسيل: اصل وجد متغاظة من باسل.
عفاف: ليه بس يا اسيل؟!
اسيل: اصله مش بيكلمها.
شريهان(بسخرية): تستاهل.
سهر: بس علفكرة ده حب يعني متفكريش في حاجة تانية...
سمر: ده جوزها يا سهر هي بتعمل حاجة غلط تفكر براحتها...
اسيل: يلا يا سهر نطلع ل جودي نقعد معاها.
سهر: يلا.
عند وجد.
وجد دخلت اوضة باسل و لقته كان هيدخل الحمام وقفت قدامه...

باسل: ابعدي.
وجد: ممكن افهم زعلان مني ليه؟!
باسل: و هو بيهمك؟!
وجد(برفعة حاجب): بجد؟!
باسل: اه. وسعي عايز ادخل اخد دوش.
وجد: مش عايز تعرف عملت ايه النهاردة؟!
باسل لا رد.
وجد: بسولة.
وجد قربت من باسل و حاوطت وشه بايديها و باسته علي خده و بصتله في عيونه و باست رأسه و قربت منه اوي.
وجد(بهمس): برضو مش ناوي تكلمني؟!
باسل قرب من وجد و (لخيالكوا).
وجد(بهمس): في ايه؟!

باسل شال وجد بين ايديه و حطها علي السرير و لف نام جمبها و شدها لحضنه.
باسل: مش قولتلك متتحركيش من غير اذني و غير معايا؟!
وجد(باعتراض): بس ا.
باسل: هششش. و كمان روحتي لبيت علي من غير اذني.
وجد(بدهشة): انت ممشي حد ورايا؟!
باسل: ملكيش دعوة. بس اياكي بعد كدة تروحي في حتة من غير ما اعرف.
وجد(بضيق): ما انت بتعرف اهو اقولك ليه بقي.
باسل(بملل): وجد متقلبيش الموضوع لصالحك انتي غلطتي.
وجد: ايوه و بعدين برضو؟!

باسل(بابتسامة): مقدرش انام و انا زعلان منك.
وجد ابتسمت و حطت المخدة علي وشها و باسل ضحك عليها و شد المخدة.
وجد: يا رخم.
باسل شد توكة الشعر بتاعتها و غرز صوابعه في شعر وجد و باس رأسها بابتسامة بسيطة و قعد يلعب في شعرها لفترة.
باسل: بحبك.
وجد لا رد.
باسل بص ل وجد لقاها نامت بين ايديه ابتسم عليها و قرب من رجليها قلعها الصندل و خدها في حضنه و نام.
بعد فترة.

باسل مكنش نام اوي فتح عينه و بص علي الساعة و بعدها بص علي وجد لقاها حاطة رجليها عليه و ماسكاه جامد بايديها و حاطة وشها في صدر باسل.
باسل ابتسم لما شافها كدة لانها نومتها المعتادة قبل ما ينفصلوا,باسل بدأ يرجع شعر وجد لورا.
باسل: وجد يلا يا حبيبتي اصحي.
وجد(بنوم): سيبني يا باسل.
باسل: لا قومي نسيتي الحفلة يلا قومي.
وجد(بنوم): شوية بس شوية.
باسل: وجد يلا قومي بلاش لعب عيال.
باسل: بقي كدة.

باسل: هأخد شريهان معايا الحفلة.
باسل كان هيقوم لقي وجد بتشده من قفاه و زقته تاني علي السرير و مسكت التي شيرت بتاعه.
وجد: تبقي قول علي نفسك يا رحمن يا رحيم.
وجد: جتك القرف و انت جميل كدة.
وجد باست باسل علي خده و قامت دخلت الحمام غسلت وشها كذا مرة و خرجت.
وجد: هروح الاوضة التانية ا.
باسل: انا جاي معاكي يلا.
وجد: تمام.

باسل و وجد راحوا اوضة باسل الاصلية و وجد بدأت تطلع ليها فستان تلبسه و باسل دخل الحمام خد دوش و لبس.
وجد لبست فستان باللون الاحمر واسع و بنص كم مايل من علي الاكتاف,لبست صندل بكعب فضي و حطت روچ احمر بنفس درجة الفستان و لبست اكسسورات هادئة باللون الفضية,سيبت شعرها علي ضهرها.

باسل(بغمزة): ايه الجمال ده؟!
وجد: بجد حلو؟!
وجد لفت بالفستان قدام باسل و باسل ابتسم عليها.
باسل: زي القمر. بس مفيش خروج النهاردة يلا.
باسل: هروح لما تخلص الحفلة و هرجعلك.
باسل كان هيخرج بس وجد جريت عليه بسرعة و هي مصدومة.
وجد: انت بتقول ايه؟!
باسل: ما هو يا حبيبتي انتي جميلة و كل حاجة و قمر بس انا مش هوريكي لحد هخبيكي هنا في الاوضة و في قلبي بس.

وجد: باسل بلاش هزارك ده علشان خاطري يا حبيبي خلينا نخرج يلا يلا.
باسل: ما هو بعد كلمة حبيبي دي شكلي و لا انا و لا انتي رايحين اصلا.
وجد(بغيظ): علفكرة احنا رايحين في مهمة.
باسل: ايوه اعمل ايه يعني؟!
وجد(بغيظ): باسل بطل رخامة.
باسل(بضيق): ما هو الزفت ميشيل ده هيجي.
وجد: هقف جمبك انت.
باسل(بضيق): ما هو مينفعش نظهر مع بعض خالص.
وجد: خلاص هقف في ترابيزة لوحدي.
باسل(بضيق): ما هو انتي لازم توقعي ميشيل...

وجد(بعصبية خفيفة): خلاص مش راحة خالص.
وجد سابت باسل و دخلت البلكونة و هي بتعيط,باسل راح ناحيتها و حضنها من ضهرها.
باسل: علشان خاطري متعيطيش.
وجد(بدموع): ما انت كل حاجة لا.
باسل: فين اللي كل حاجة دي يا وجد ده هو حاجة واحدة و اجباري اصلا هتيجي معايا.
وجد مسحت دموعها بسرعة و بصت ل باسل بابتسامة...
وجد: بجد؟!
باسل: اه.

باسل باس وجد علي خدها و مسك ايديها و خرجوا من اوضتهم و نزلوا علي السلالم كان الكل منبهر بجمالهم.
حازم: سمو البرنسيس سمو الامير.
باسل: دقيقة و تختفي من وشي.
اسيل(بغمزة): يا بختك يا عم.
سهر: رايحين فين ها رايحين فين؟!
عفاف: بسم الله ما شاء الله ربنا يحميكوا...
جودي: قمرات يالهوي.
باسل قرب من عصمت باس ايديها و هي كانت بتبصله بمعني هو فهمه كويس و اتضايق.
باسل: عن اذنكوا. يلا يا وجدي.

باسل مد ايده ل وجد و هي مسكت في ايده و بعتت بوسه علي الهواء ليهم و خرجت هي و باسل و هي مبسوطة.
في اوضة جودي.
جودي طلعت لاوضتها تجيب تليفونها لقت طارق قاعد علي الكنبة باريحية تامة.
جودي(بحدة): بتعمل ايه هنا؟!
طارق: قربي.
جودي بصت ل طارق بخوف لقته سكران و قعدت قدامه.
طارق: من غير كلام كتير. هتوافقي علي جوازنا.
جودي(بحدة): لا مش هوافق انت بتاع ستات و خمرة.

طارق قام وقف و شد جودي من ايديها و وقفها قدامه و بصلها بخمول و قرب منها حط رأسه علي كتفها.
طارق: هتوافقي بالذوق بالعافية هتوافقي يا جودي.
طارق: حياتك معايا انا انا يا جودي.
طارق سند جودي علي الدولاب و بصلها في عيونها و سرح فيهم و باس خدها.
طارق: بحبك.
طارق: و مستحيل تكوني لغيري انتي ليا انا و بس انا و بس يا جودي.
طارق: هتتجوزيني انا. هتحبيني انا مش هسمحلك تكرهيني.
طارق: ممنوع ترفضي فاهمة.

جودي اتصدمت من تصريح طارق ليها و تلقائي هزت رأسها بمعني اه ل طارق,طارق ابتسم ليها.
طارق قرب من جودي و خدها في حضنه و جاب شعرها علي كتف واحد.
طارق(بسُكر): جودي ل طارق و بس.
طارق كان قرب يغمي عليه و جودي حست ب ده.
جودي(بتوتر): لازم ترجع اوضتك بسرعة. تعالي هسندك.
جودي مسكت ايد طارق و سندته و خرجت بره اوضتها و راحت علي اوضته بسرعة و حطته علي السرير بتاعه...

جودي بصتله لقته اغمي عليه بسبب الكحول جريت بره اوضته و دخلت اوضتها و قفلت الباب.
جودي(بهمس و قلدت طارق): بحبك.
جودي نطت علي الارض بقوة.
جودي(بفرحة): قالي بحبك قالي بحبك هيييييه قالي بحبك، بحبك يا طارق بحبك.
جودي(بفرحة): قالي بحبك.
جودي: قالي بحبك يا ناس يا هو طارق طلع بيحبني.
جودي قعدت علي السرير بتوهان.
جودي: قالي انا بحبك طلع بيحبني انا، هو طارق بيحبني.
جودي خبت وشها في ايديها و كتمت صرختها.

جودي(بفرحة): طارق بيحبني يالهوي.
جودي رجعت علي السرير و بصت للسقف و هي بتضحك مش مصدقة ان طارق قالهاا بحبك.

-في مكان تاني...
عند احمد.
احمد كان بيسوق بلا هدف و مخنوق و عايز يعيط.
احمد وقف عربيته في مكان هادئ جدا و نزل وقف فيه يتنفس.
احمد(بدموع): امي روحتي فين؟!
احمد(بدموع): ليه سبتيني؟!
احمد لقي ماسدج اتبعتت ليه فتحها لقي فيديو ل منصف و هو بيضرب نار علي نهلة و سابها و مشي.
احمد ركب عربيته و راح مكان ما منصف موجود.
عند منصف.
منصف كان في الحفلة اللي باسل و وجد هيروحوا فيها و كذلك ماجدة و يوسف.

كل الاضواء اتسلطت علي مدخل الحفلة,كان باسل داخل و وراه حراس كتير و دخل الحفلة لوحده.
باسل: وجد سمعاني.
وجد(بغيظ): سمعاك. و الله ما انا مسمحاك يا باسل.
باسل: هاجي اخدك خلاص انا اصلا مش موافق و بتلكك.
وجد: لا لا خلاص اهدي اهدي.
بعد دقايق كان ميشيل و رجالته بيدخلوا الحفلة و ميشيل راح ناحية باسل و بيبتسم ببرود.
باسل(بالروسية): اهلا ميشيل.
ميشيل(بالروسية): اهلا باسل بتمني متكنش انزعجت من اللي حصل.

باسل(بالروسية): اعتقد مكنش في داعي يا ميشيل.
باسل(بالروسية): انت عارف كويس اني مش بهزر و كوني دخلت في المافيا مستحيل اخرج منها و انا عارف يعني ايه خروج من المافيا.
ميشيل(بالروسية): يعني قتل كل افراد عائلتك.
باسل(بالروسية): مش مستغني عن عائلتي كدة.
ميشيل(بالروسية): التسليم كمان ساعة و نص.
كل الانظار اتوجهت ناحية مدخل الحفلة كانت وجد واقفة بكل ثقة و انوثة,وجد مسكت الفستان في ايديها و دخلت بكل ثقة...

وجد وقفت علي ترابيزة ماجدة و يوسف و منصف و ابتسم ليهم باصطناع...
يوسف: وجد ا.
وجد(ببرود): يوسف بيه اعتقد مفيش داعي للكلام ده.
وجد(ببرود): انا هنا علشان مظهر العائلة غير كدة لا.
ميشيل كان مركز علي وجد و بيبصلها من تحت ل فوق.
باسل(بالروسية): ميشيل نكمل كلام.
ميشيل(بالروسية): مين دي اللي واقفة مع يوسف؟!
باسل(بالروسية,ببرود): بنته...
ميشيل(بالروسية): يبقي مفيش مانع لو قضيت معاها شوية وقت حلو.

باسل(بالروسية,بلامبالاة مصطنعة): لكلا منا آراء.
باسل كان في قمة غضبه من نظرات ميشيل و كان بيتحكم في غضبه بالعافية.
وجد(بصوت واطي): ايه يا ابني باين عليك هتتحول؟!
باسل ابتسم غصب عنه من جملة وجد,وجد لفت و بصت علي باسل و ابتسمت ليه ابتسامتها بالنسبة ل باسل كانت كفيلة انها تنسيه غضبه.
خادم: تشربي حاجة يا فندم؟!
وجد: لو سمحت عصير فراولة.
خادم: حاضر يا هانم.

ميشيل شاف الخادم جاب ليها عصير فراولة فاستغرب جدا من طلبها لان كل اللي في الحفلة بيشرب كحول...
ميشيل(بالروسية): البنت دي غريبة.
باسل(بالروسية): نتجه للشحنة و لا ايه؟!
ميشيل طنش باسل و قرب من وجد و مد ايده ليها.
ميشيل(بالروسية): ميشيل و انتي؟!
وجد(بهدوء): مش بتكلم روسي.
ميشيل(بالعربية): رغم اني بحب لغتي الرئيسية بس مش خسارة في جمالك اني اتكلم بلغتك. بس انتي عرفتي ازاي ان ده روسي؟!

وجد اتوترت و بصت ل باسل و بعدها بصت ل ميشيل.
باسل: مش بعرف اتكلم روسي و لكن اعرف بعض الكلمات.
وجد: مش بعرف اتكلم روسي و لكن اعرف بعض الكلمات.
ماجدة(بالروسية): ميشيل بيه تشرفت بحضورك...
ميشيل(بالروسية): مقولتيش انك عندك بنت جميلة كدة يا ماجدة.
ميشيل(بالروسية): فين نهلة؟!
منصف(بالروسية): تعبانة.
ميشيل: تسمحيلي؟!
وجد: بايه؟!
ميشيل: نقعد علي ترابيزة لوحدنا.
ماجدة: روحي يا وجد.

باسل(بغضب)لو اتحركتي خطوة واحدة هاجي اجيبك من شعرك.
وجد بصت ل ميشيل و ل باسل بابتسامة متوترة.
ميشيل: اتفضلي. و تأكدي انك بقيتي غالية كوني بتكلم معاكي بالعربي.
ميشيل مسك ايد وجد و راح ل ترابيزة جمب باسل.
ميشيل: اسمك؟!
وجد(برفعة حاجب): مع انك متعرفش اسمي بس بقيت غالية عندك.
ميشيل: متستغربيش. مش شرط اعرف اسمك فعيناكِ عنوان جمالكِ و كم اكون انانيا بمعرفة اكثر من ذلك فقد أخبرتني عيناكِ بكل شئ...

باسل(بغيظ مكتوم): يا حنين.
وجد كانت بتحاول تكتم ضحكها و ابتسمت ل ميشيل بهدوء رغم انها كانت عايزة تضحك...
حارس(بالروسية): ميشيل بيه.
ميشيل: لحظة.
وجد(بصوت واطي): اتمني نتعلم.
باسل: عيوني انتي تؤمري و ربي بس يخلص اليوم ده علي خير و مش هسيب حتة فيكي سليمة.
ميشيل: عن اذنك خليكي متمشيش.
ميشيل: قولتي اسمك ايه؟!
وجد: وجد...
ميشيل: كم انتِ غريبة!
ميشيل(بالروسية): باسل تعالي دلوقتي.

ميشيل مشي و وراه حراسه و باسل وراه بس قبل ما يمشي باس رقبة وجد و كمل مشي بعد ما غمز ل وجد,وجد بصتله بخجل.
وجد(باستغراب): احمد!
وجد لقت احمد داخل و ماسك في ايده مسدس و قرب من ترابيزة منصف.
احمد(بغل): هقتلك زي ما عملت في امي.
احمد وجه مسدسه ناحية منصف و ضرب نار.
ميشيل و باسل وقفوا مكانهم و ميشيل بص ل وجد.
- باسل و وجد كل واحد كان لابس سماعة في ودنه و بيتواصلوا بيها.

الفصل التالي
جميع الفصول
روايات الكاتب
روايات مشابهة