رواية النور والكابوس للكاتبة سلسبيل كوبك الفصل الأربعون
وجد لقت احمد داخل و ماسك في ايده مسدس و قرب من ترابيزة منصف.
احمد(بغل): هقتلك زي ما عملت في امي.
احمد وجه مسدسه ناحية منصف و ضرب نار.
ميشيل و باسل وقفوا مكانهم و ميشيل بص ل وجد.
احمد(بغضب): ابعدي من وشي يا وجد.
وجد: اهدي يا احمد انت مش شايف احنا فين الناس تقول ايه ميصحش كدة...
منصف(بوجع): الحقوني.
احمد كان مصوب ناحية رأس منصف بس وجد جريت و زقت ايده ف جت في كتفه و وقع في الارض.
احمد(بغل): لازم اقتله زي ما قتلها و سابها.
باسل(بالروسية): ميشيل يلا بينا نروح الشحنة.
ميشيل(بالروسية): طيب.
الاتنين راحوا ل مكان تسليم الشحنة...
وجد(بحدة): احمد تعالي معايا.
وجد مسكت ايد احمد و شدته وراها و خرجت بره الحفلة و حراس منصف اتصلوا بالاسعاف و الصحافة بدأت تتكلم...
وجد: اركب.
احمد(بغل): سيبيني اروح اكمل عليه.
وجد(بحدة): احمد انت مش فايق يلا اركب.
احمد و وجد ركبوا العربية و السواق بدأ يسوق...
وجد: في ايه يا احمد!؟
احمد(بغل): هو اللي قتلها هو.
وجد: مين هي؟!
احمد(بدموع): ماما.
وجد شهقت و حطت ايديها علي بوقها,احمد طلع تليفونه و خلي وجد تشوف المقطع اللي اتبعت ليه.
وجد: طب اهدي اهدي.
وجد قعدت تطبطب علي كتف احمد,العربية وقفت.
وجد: انزل.
احمد(بدموع): ايه ده؟!
وجد: انزل بس انت.
وجد نزلت هي و احمد و دخلوا البيت اللي كان موجود علي البحر و السواق انسحب و مشي.
احمد: احنا فين يا وجد؟!
وجد: بص بقي انا هحكيلك.
احمد: ايه؟!
وجد: باسل ظابط في امن الدولة و كمان احنا في مهمة و يوسف و ماجدة و منصف و مامتك نهلة بيشتغلوا في المافيا.
وجد: و باسل قالي بعد ما يروح علشان يستلم الشحنة لازم امشي من المكان و قالي السواق يوصلني ل هنا.
احمد كان مصدوم لما عرف ان مامته هي كمان بتشتغل في المافيا و دموعه نزلت,وجد قربت منه و مسحت دموعه.
وجد: علشان خاطري يا احمد بلاش.
وجد: نصيبنا ان اهالينا يبقوا كدة مش بمزاجنا غصب عننا، حاول تتقبل الحقيقة و زي ما منصف عمل في نهلة كدة هتترد ليه، لازم علي الاقل تختفي الفترة دي.
وجد: نعرف هيحصله ايه؟!
وجد: علشان خاطري يلا بينا.
وجد سندت احمد و قربت من البيت و لقت المفتاح جمب الباب فتحت الباب و دخلت هي و احمد.
وجد كانت محتارة تعمل ايه مع احمد فقعدته علي الكنبة.
وجد: هطلع اشوف لو في لبس فوق و هنزل.
وجد طلعت للدور التاني و دخلت اوضة لقت فيها هدوم بنات و شباب.
وجد غيرت هدومها و لبست بنطلون اسود و فوقه تي شيرت بكم صوف باللون الاحمر و لبست كوتشي ابيض عالي.
وجد نزلت و ودت لاحمد هدوم...
وجد: اطلع غير هدومك فوق و نام شوية. باسل هيجي.
احمد(بتعب): شكرا يا وجد انا مش عارف من غيرك كنت عملت ايه ان.
وجد: بس يا اهبل احنا اخوات يلا اطلع فوق.
احمد طلع غير هدومه و نام علي السرير و من كتر الصداع بسبب التفكير نام.
وجد كانت قاعدة علي الكنبة منتظرة باسل.
عند باسل.
باسل و ميشيل كانوا واقفين بيستلموا الشحنة.
فجأة لقوا ضرب نار و حواليهم ظباط و موجهين مسدساتهم عليهم.
سليم: كله يرفع ايده ل فوق.
سليم: نزلوا سلاحكم علي الارض.
ميشيل بص ل باسل بغضب و باسل عمل نفسه متفاجئ.
سليم: محدش يقاوم احسنله.
سليم: عدي جيبه.
سليم مسك باسل و حط في ايد الكلبشات و شده معاه و عدي حط الكلبشات في ايد ميشيل.
ميشيل(بغضب,بالروسية): انتوا متعرفوش انا مين ازاي تعملوا كدة.
كلهم ركبوا عربية البوليس و راحوا لامن الدولة علطول,و نزلوا دخلوا المبني.
سليم حط باسل في سجن و ميشيل في سجن بس قصاد بعض.
سليم: شكلكم هتشرفونا فترة هنا. او للابد منعرفش بقي.
سليم سابهم و خرج,باسل قعد ببرود و حط رجل علي رجل.
باسل(بالروسية): مش ناوي تعترف علي ال boss. ساعتها ممكن يخففوا مدة السجن.
ميشيل(بالروسية): هو باسل الانصاري بيستسلم و انا معرفش؟!
باسل(بالروسية): مجرد محاولة. ممكن بعد خروجنا من هنا في حالة لو اعترفت علي الboss تبقي انت مكانه.
ميشيل(بالروسية): لا.
ميشيل(بالروسية): اوعي تكون خايف؟!
باسل(ببرود,بالروسية): باسل الانصاري مش بيخاف.
عند الباقي.
سليم: يا فندم ليه حضرتك خليت باسل ينزل مع ميشيل؟!
كمال: علشان يحاول يستجوبه و ميشيل يكون متطمن ليه.
عدي: يا فندم انا مش مقتنع. باسل يقدر يستجوبه بطريقته متنساش انه الكابوس و محدش خرج من تحت ايده الا لو عرفنا المعلومات اللي احنا عايزينها لكن باسل و هو معاه تحت مش هيعرف يتصرف كويس و لا يضغط عليه.
كمال(بحدة): التزموا حدودكم. انا قولت كلمة.
عدي و سليم بصوا ل بعض و خرجوا بره مكتب كمال قابلوا مسعد.
سليم: مسعد.
مسعد: ايه؟!
عدي: انت طبعا عصفورة كمال بيه هتحكيلنا و لا.
سليم: و لا نعلقك يا حبيبي.
مسعد: كمال بيه هيعمل مني و منك و منه كفتة و هيشويها. و انا مش عايز اتشوي دلوقتي لما اتجوز.
سليم: تعالي هنا ياض. هتتكلم و لا ايه؟!
عدي: لا ده سيبهولي. خلينا ناخده اوضة ال.
مسعد: لا اصبر.
عدي: ها قول.
مسعد(بتوتر): الورق ضاع.
عدي: ورق ايه؟!
مسعد(بتوتر): الورق اللي يثبت ان كل عملية كان باسل بيعملها كانت بامر من كمال بيه و لزوم المهمة.
سليم(بصدمة): يا نهار اسود! ازاي ده يحصل؟!
عدي: انت عايز تفهمنا ان باسل مذنب زي الزفت اللي اسمه ميشيل ده؟!
مسعد: بالظبط، المشكلة ان النيابة مش هتقبل غير بمستندات و ورق غير كدة فباسل زيه زي ميشيل.
سليم(بصدمة): دي فيها مؤبد و رفض و حاجات كتير.
مسعد: كمال بيه بيحاول يعرف مين اللي سرق الورق.
عدي: و الحل؟!
مسعد: نلاقي الورق.
سليم: الكاميرات.
مسعد: حد لعب فيها...
سليم: مين هيعمل كدة؟!
عدي: نستشير باسل؟!
مسعد: ممنوع خروجه.
سليم: مين اللي ودي الامر دي؟!
مسعد: كمال بيه.
عدي: استني يبقي كدة في حد اكتشف ان باسل بيخدعهم.
عدي: يعني ميشيل ممكن يكون عارف كمان.
مسعد: معتقدش.
التلاتة وقفوا بصوا ل بعض و هما بيفكروا.
-في مكان تاني...
عند ثريا.
ثريا كانت قاعدة علي السرير ضامة رجليها ناحيتها و ليلي قاعدة جمبها,قصي قاعد علي الكنبة اللي في الصالة...
قصي سمع صوت الباب بيتفتح و دخل علي,ثريا قامت بلهفة وقفت علي باب اوضتها.
علي استغرب وجود قصي و بص ل ثريا لقاها بتعيط.
علي: مساء الخير.
قصي: مساء النور، متعرفناش قبل كدة انا ابقي قصي اخو ثريا.
قصي: بعتذر علي وجودي هنا من غير ما انت تعرف بس ثريا كانت تعبانة و قالت انك مسافر و مرضيتش تزعجك.
علي(بهدوء): تشرفت. و لا يهمك البيت بيتك.
قصي: بما انك جيت اقدر امشي انا و مراتي.
علي(بهدوء): اقعدوا شوية هطلب غداء و نأكل.
قصي: مرة تانية.
قصي: يلا يا ليلي اجهزي.
ليلي: حاضر.
ليلي دخلت جهزت نفسها و خرجت حضنت ثريا.
ليلي(بهمس): اهدئ و حاولي تتعاملي بهدوء.
ثريا هزت رأسها ببطء ل ليلي,قصي باس رأس ثريا و سلم علي علي و خد ليلي و مشيوا.
علي رمي حاجته علي ترابيزة السفرة و ساب ثريا و كان طالع علي اوضته بس سمع صوت ثريا و هي بتناديه وقف مكانه...
ثريا(بعياط): علشان خاطري.
ثريا(بعياط): غلطت ايوه غلطت بس ربنا بيقبل التوبة ليه انتوا كدة ليه البشر و المجتمع كدة. عارفة اني غلطت ليه مُصرين تفكروني ليه مش عايزني اتخطي و اعيش ليه كدة.
ثريا(بعياط): مش هنكر ان كل حاجة كانت بارادتي بس انا اتولدت ملقتش حد بيقولي اعملي كدة و متعمليش كدة ملقتش حد يقولي الصح و الغلط ملقتش حد بيراقبني و بيهتم بيا. ملقتش حد بيحبني لقيت الكل بيبحب اسم عائلتي و فلوسي.
ثريا(بعياط): ليه مش بتنسوا تفضلوا تفتكروا و تفضلوا تزيدوا في الجرح. حرام عليكوا مش من حقي اعيش طبيعي.
ثريا(بعياط): و لو انت ندمان انك اتجوزتني فانا بحررك مني.
ثريا مسحت دموعها بايديها و بصت ل علي اللي بيبص ليها و مفيش اي تعابير علي وشه.
ثريا: همشي و مش هتشوف وشي تاني. و يا ريت تطلقني اينعم مش هتجوز تاني بس علشان ترتاح من قرفي و اسمك ميبقاش متلوث باسم واحدة زي.
ثريا بصت ل علي و مشيت ناحية الباب و فتحته و خرجت منه,علي مقدرش يقف و قعد علي السلالم و دمعة من عيونه نزلت.
علي(بدموع): ليه ليه؟!
علي مسح دموعه و نزل جري خد حاجته و خرج بره البيت يلحق ثريا علي بدأ يبص حواليه كتير بس ملقهاش,علي ركب عربيته و بدأ يسوق مش عارف يروح فين بس كان بيبص حواليه ممكن يلاقيها.
علي وقف العربية لما لقي ناس كتير قدامه نزل من العربية و قرب من الناس يحاول يلمح ثريا.
علي لقي ان في حادثة و بص في الارض لقي في دم و جثة ثريا مرمية في الارض.
علي(بصريخ): ثريا!
علي جري علي ثريا و عدلها و خدها في حضنه و شال شعرها من علي وشها.
علي(بدموع): لا لا متسبنيش لا انا اسف علشان خاطري متبعديش عني.
علي(بصريخ و دموع): يا رب.
علي قعد يعيط و الناس بس واقفة بتتفرج.
علي(بعياط): علشان خاطري متسبنيش اسف و الله اسف مش هزعلك.
علي فاق من صدمته و مسح دموعه بسرعة و وطي شال ثريا بين ايديه و جري علي عربيته حطها فيها و ساق بسرعة ناحية اقرب مستشفي.
علي وقف العربية بسرعة اول ما وصل قدام المستشفي.
علي(بصوت عالي): معايا مريض عايز نقالة.
علي فتح باب ثريا و شالها بين ايديه و دخل علي باب المستشفي كان في ممرضين جايبين نقالة,علي حط ثريا علي النقالة و الممرضين دخلوا بيجروا و علي ماسك ايد ثريا و بيعيط.
ممرضة: هندخلها العمليات اتفضل حضرتك هنا.
علي(بعياط): هتبقي كويسة؟!
ممرضة: ان شاء الله.
بدأوا يجهزوا اوضة العمليات ل ثريا,علي قعد في الارض بيعيط علي ثريا.
-في الصباح الباكر...
عند وجد.
وجد كانت نامت علي الكنبة غصب عنها و مرة واحدة قامت مفزوعة...
وجد: باسل.
وجد بصت حواليها ملقتش حد مسكت تليفونها ملقتش حد اتصل بيها و لا بعت ماسدج.
وجد قامت وقفت و مكنتش عارفة تعمل ايه,بعد فترة لقت احمد نازل من فوق.
احمد(بخفوت): صباح الخير.
وجد: صباح النور.
احمد: مال وشك مخطوف كدة؟!
وجد: المفروض باسل كان يجي بليل او علي الاقل يبعت ماسدج او يتصل لكن ده محصلش، انا خايفة اوي.
احمد: عشنا و شفناكي خايفة علي حد للدرجة دي.
احمد: تعالي نروحله.
وجد: طيب.
احمد و وجد خرجوا بره البيت اللي كانوا فيه.
احمد: هو باسل جابنا الصحراء و لا ايه؟! نمشي ازاي بقي؟!
وجد: السواق كان جاي من الطريق ده.
احمد: تعالي نمشي.
احمد و وجد بدأوا يمشوا و وجد كانت خايفة علي باسل,احمد كان بيفكر في كارما...
بعد فترة كانوا وصلوا للطريق العام و كان في عربيات احمد وقف العربية و الاتنين ركبوا.
احمد: مالك متوترة كدة ليه؟!
وجد: باسل انا خايفة عليه و حاسة ان في حاجة.
احمد: اهدي هو كويس متخافيش.
السواق وقف قدام قصر الصياد,احمد نزل و خلي الحارس يدفع و وجد نزلت من العربية...
وجد: انا مش عايزة ادخل...
احمد: اهدي يلا نخش.
الاتنين دخلوا القصر لقوا ياسين موجود,وجد جريت علي ياسين باست ايده و حضنته.
وجد: وحشتني يا جدو.
ياسين: حبيبتي.
ياسين: و انتي كمان.
ياسين: ينفع اللي انت عملته ده يا احمد؟!
احمد: لولا وجد كان زماني قتلته.
ياسين: برضو لا يا احمد.
ماجدة: شوفتوا اللي حصل؟!
يوسف: باسل الانصاري اتقبض عليه.
وجد بصت ل ياسين بصدمة و قامت وقفت.
وجد: انتوا بتقولوا ايه؟!
ماجدة: بقول ان باسل الأنصاري اتقبض عليه. مالك مصدومة ليه المفروض تفرحي.
وجد حطت ايديها علي رأسها و حست بدوخة.
احمد: وجد!
احمد سند وجد و خلاها تقعد علي كرسي.
احمد: هاتي ماية يا عطيات.
عطيات جريت جابت مايه و ودتها ل احمد اللي بدأ يشرب وجد,وجد كانت مصدومة لان مش دي الخطة اللي باسل قالها عليها...
وجد: انا احسن عايزة امشي. عن اذنك يا جدو.
احمد: اجي معاكي؟!
وجد: لا روح كلم كارما.
وجد سابتهم و جريت بره القصر و هي بتتصل ب سليم,الخط اتفتح.
وجد: سليم باسل فين؟!
سليم(بتوتر): معرفش.
وجد: سليم اتقبض عليه ليه؟!
سليم: انتي عرفتي؟!
وجد: انا عايزة اشوفه.
سليم: مش هينفع.
وجد(بعصبية): يعني ايه مش هينفع؟!
عدي: سليم تعالي بسرعة ميشيل هرب.
سليم: و باسل؟!
عدي: لقيناه مغمي عليه.
وجد: انت فين؟!
سليم: بلاش.
وجد(بعصبية): قولي انت فين؟!
سليم: في هديلهم خبر.
وجد ركبت الموتسكل القديم بتاعها و راحت ناحية ما سليم قالها...
عند سليم.
سليم(بغضب): يعني ايه ده يحصل؟!
عدي: معرفش.
سليم: و جبتوا دكتور ل باسل؟
عدي: ايوه.
كلهم نزلوا للسجن اللي باسل فيه كان الدكتور بيفحصه.
كمال: ها يا دكتور؟!
الدكتور: واضح انه خد منوم في الاكل.
سليم: مين اللي جاب الاكل ل هنا؟!
مسعد: هروح اشوف.
سليم(بغضب): حد يشوفلي فين الزفت علي و قاسم.
عدي: اهدي انا كلمت قاسم و هو جاي في الطريق.
الدكتور: هو حاليا هيفوق، عن اذنكم.
سليم قرب من باسل اللي بدأ يحرك رأسه ببطء.
سليم: باسل باسل.
باسل فتح عيونه لقي سليم و كمال و عدي في وشه.
باسل: هو حصل ايه؟!
باسل بص علي الزنزانة اللي قدامه ملقاش ميشيل.
باسل: فين ميشيل؟! و ليه امبارح جبتوني هنا؟!
كمال: ميشيل هرب.
باسل قام بسرعة من مكانه و راح ناحية كمال.
باسل: ازاي ده يحصل؟! انا اخر حاجة فاكرها ان الاكل جه و انا بدات اكل و هو كان بيتكلم معايا و بعد كدة محستش بحاجة.
عدي: باسل.
باسل: خير؟!
عدي: انت مطلوب القبض عليك و هتتعرض علي النيابة كمان تلت ايام.
باسل(بصدمة): ليه؟!
كمال بص ل عدي بغضب و بعدها بص ل باسل.
كمال: علشان كل الاوراق اللي تثبت انك بتشتغل معانا و بتقوم بالتهريب لاجل المهمة كلها اتسرقت.
باسل(بصدمة): قصدك ايه؟! ازاي ده يحصل؟! انتوا بتقولوا ايه انتوا مجانين؟!
باسل: انا مستحيل اقعد هنا لحظة واحدة، انت عارف كويس انا بشتغل لصالح مين و عارف بلدي مهمة عندي ازاي و عارف انا بشتغل علي المهمة دي بقالي قد ايه، ما تتكلموا قولوا حاجة.
كمال: احنا عارفين ده كله و فيه بدل الشاهد الف بس النيابة مش هتاخد غير بالمستندات و الورق اللي يثبت كدة.
باسل قعد و حط رأسه بين ايديه,وجد كانت جت و قابلت مسعد و خلته يوديها مكان باسل.
وجد: باسل.
باسل رفع رأسه بسرعة اول ما سمع صوتها و قام بسرعة من مكانه هي جريت عليه و حضنته و هو رفعها من علي الارض و دفن وشه في رقبته.
وجد(بدموع): الكلام اللي بيقولوه صح؟!
باسل(بخفوت): مش عايز اتكلم يا وجد علشان خاطري.
كمال شاور ل سليم و عدي و مسعد يخرجوا.
مسعد: هو ايه اللي بيحصل جوا؟!
سليم: وجد تبقي مرات باسل بس كان في بينهم مشاكل و اتحلت.
عدي و مسعد بصوا ل بعض بصدمة,كمال كان بيفكر في اللي هيحصل في النيابة...
كمال: اهم حاجة لازم نوكل محامي علي الاقل يحاول يأجل و احنا نحاول ندور علي الورق ده باي طريقة.
كمال: تعالوا ورايا.
عند باسل و وجد.
باسل نزل وجد الارض و حاوط وشها بين ايديه و باس رأسها و غصب عنه دمعة من عيونه نزلت و وجد مسحتها.
وجد(بدموع): انت وعدتني انك هتيجي.
باسل: آسف كان غصب عني.
وجد(بدموع): هتسبني تاني؟!
وجد(بدموع): لو بتشوف غلاوتك عندي و اني عايزة اكمل معاك و لا لا، فانا و الله العظيم بحبك و مقدرش اعيش من غيرك.
وجد(بدموع): متسبنيش.
باسل مسك ايد وجد و باس باطن ايديها و دموعه نزلت علي وشه و باس رأسها.
باسل(بدموع): يعني كان لازم ده يحصل علشان تقوليها؟! و انا كمان بحبك.
وجد(بدموع): طب هو ايه اللي حصل؟!
باسل مسح دموعه و مسح دموع وجد.
باسل: لو عيطتي مش هقولك حاجة.
وجد: لا خلاص خلاص اهو مش بعيط.
باسل قعد و قعد وجد علي رجله و رجع شعرها ل ورا.
باسل: دلوقتي انا بالنسبة للنيابة كنت بهرب الشحنات سواء اسلحه او كوكايين.
باسل: لصالح نفسي انا مش لصالح الدولة يعني مش علشان خاطر المهمة، كنت بستغل سلطتي علشان اهرب الشحنات.
وجد: بس اكيد في شهود و ورق يثبت ده.
باسل: اتسرق.
وجد: مين هيسرقه يعني؟!
باسل: محدش لحد الان عارف، بس انا عايز اطلب منك طلب.
وجد: قول.
باسل: عايزك تبقي المحامية بتاعتي.
وجد(باعتراض): لا لا انا بقالي كتير مشتغلتش و نسيت كل حاجة و مش هجرب فيك لا لا مش هقدر صدقني يا باسل لا.
وجد قعدت تهز رأسها بمعني لا و باسل ثبت رأسها بايده.
باسل: اهدي اهدي يا وجدي. انا عايزك انتي اللي تترافعي عني و عايزك تجيبي الحكم في نفس اليوم و في اول مرافعة.
وجد: انسي انا مقدرش صدقني.
وجد: انا مش هقدر اشوفك تضيع و انا ابقي السبب.
باسل: ده طلبي يا وجد و هتنفذيه.
وجد(بدموع): باسل.
باسل: قلب باسل. انا واثق فيكي يا وجد و صدقيني مش هكون هاممني الحكم قد ما يكون هاممني اني اتفرج عليكي و انتي بتدافعي عني.
باسل قرب من وجد و باس عينيها,وجد دموعها نزلت علي خدها و غمضت عينيها و باسل فضل باصص ليها.
باسل: وجد.
وجد(بدموع): نعم.
باسل: بحبك. يلا قومي امشي.
وجد(بنفي,دموع): لا لا سبني معاك.
باسل: وجد يلا قومي.
باسل قام و وقف وجد معاه و مسح دموعها.
مسعد(بتوتر): احم باسل انت عارف.
باسل: عارف يا مسعد. يلا يا وجد يلا يا حبيبتي.
باسل: انا واثق فيكي.
باسل: مسعد وجد هتبقي المحامية بتاعتي.
مسعد: طيب براحتك.
باسل: يلا يا قمر.
وجد بصت ل باسل و خرجت جري بره الزنزانة و هي بتعيط و سندت علي الحيطة.
مسعد: ان شاء الله هنلاقي الورق و باسل هيطلع برئ.
وجد مسحت دموعها و بصت ل مسعد.
وجد: عايزة اشوف الكاميرات اللي هنا، و عايزاك تحاول تعرف فين ميشيل.
مسعد: احنا بنعمل علي كدة,المشكلة ان علي مفقود من امبارح.
وجد: سيب علي هو هيجي متخافش.
مسعد: طيب.
وجد: فين سليم و الباقي؟!
مسعد: تعالي معايا.
-في مكان تاني...
عند علي.
علي كان قاعد علي كرسي جمب سرير ثريا و ماسك ايديها و غصب عنه نام لانه سهران من امبارح...
ثريا كانت بدأت تفوق و تفتح عينيها ببطء و بصت حواليها و لفت جمبها لقت علي,ثريا حاولت تتحرك معرفتش.
ثريا(بوجع): آآه.
علي(بخضة): ثريا!
علي: انتي كويسة؟!
ثريا: انت هنا ليه؟!
علي: هو ايه اللي ليه؟! مش انتي مراتي و حبيبتي؟!
ثريا(بوجع): آه آه.
علي(بقلق): حاسة بايه؟!
ثريا(بوجع): رجلي و رأسي.
علي: هناديلك الدكتور.
علي باس رأس ثريا و خرج بسرعة نادي الدكتور المسؤول عن حالة ثريا.
الدكتور دخل و بدأ يفحص ثريا تحت نظر علي.
الدكتور: لا تمام الحمدلله مفيش اضرار، الاشعة طلعت و كله تمام.
ثريا: اومال ليه حاسة بوجع في رجلي اليمين.
الدكتور: للاسف حضرتك بعد كدة مش هتقدري تمشي بشكل سليم هتعرجي و احتمال تمسكي عكاز...
ثريا فتحت عينيها من الصدمة و بصت ل علي اللي ابتسم ليها بحب,علي قرب منها و مسك ايديها كان الدكتور خرج...
علي: حبيبتي انا مش عايزك تضايقي خالص، الدكتور قال ممكن نعمل عملية بسيطة و ان شاء الله هتتحسني بس بعد فترة.
ثريا(بدموع): طلقني.
علي: اياكي يا ثريا اياكي تطلبي مني كدة. انتي مراتي حبيبتي و انا مش هسيبك فاهمة.
علي: متزعليش يا حبيبتي.
علي: هنعدي مع بعض و حقك عليا انا اسف...
ثريا(بدموع): هتكمل مع واحدة هتعرج.
علي: انا بحبك و مش هبص للتفاهة اللي انتي بتقولها دي، انتي مراتي و مش هسيبك انا مش قليل الاصل.
علي: و انا خدت اجازة من شغلي و هقضي شهر كامل معاكي,و طلبت من الدكتور اني اخدك البيت مع ممرضة هتجيلك كل يوم المغرب كدة.
علي: يلا انا جبتلك لبس قومي يلا اساعدك.
ثريا(بانفعال): مش عايزة حد يساعدني...
علي: ماشي البسي لوحدك هستناكي بره.
علي ساب شنطة الهدوم علي السرير و بص ل ثريا و سابها و خرج وقف قدام باب اوضتها,ثريا قعدت تعيط طول ما هي بتلبس و مكنتش متخيلة اللي هي فيه.
ثريا بصت لنفسها و عاندت نفسها و تعبها و مشيت علي رجليها بغضب و خرجت بره الاوضة,علي شافها لسة هيسندها.
ثريا(بانفعال): مش عايزاك جمبي.
علي بص ل ثريا اللي بتحاول تمشي علي رجليها بس بتعيط من كتر الآلآم و راح ناحيتها شالها بين ايديه و خرج بره المستشفي.
ثريا(بعياط و انفعال): سبني سبني.
علي(بحدة): لا مش هسيبك انا بحبك و انتي بتحبيني ليه العناد بقي هنعيش و هننسي و هنكمل حياتنا، اهدي بقي.
علي ركب ثريا العربية و لف ركب و بدأ يسوق ناحية البيت,بعد فترة كان علي واقف قدام البيت.
علي: ثريا مش عايز اكون بجبرك علي حاجة.
علي: في كلتا الحالات هتخشي معايا جوا و مش هسيبك ده بيتك.
علي: ثريا انا بحبك صعب علي اي راجل انه يتقبل غلطك بس انا عايزك فهماني. انا عايز انسي انا مش حابب اني افضل افتكر كل شوية.
علي: بس اوعدك قريب جدا هكون خلصت من اللي اسمه جاسر ده. و اوعدك اني هعيش ليكي و علشانك و هنسي و انتي كمان هتنسي و هنعيش طبيعي.
علي: حياتنا هتبقي حلوة يا ثريا، ودي لعلاقتنا فرصة احنا نستحق الفرصة دي.
علي مسك ايد ثريا اللي عيطت و باسها و بصلها,علي فرح لما لقي ثريا بتحضنه جامد...
ثريا(بعياط): صدقني انا مش وحشة انا عايزة اتغير و بحبك.
علي باس رأس ثريا و نزل فتح الباب و شال ثريا و دخل البيت طلع لاوضته.
علي حط ثريا علي السرير و قلعها الكوتشي و دخل غير هدومه و خرج قعد جمبها و خدها في حضنه.
ثريا: مش هتسبني و تمشي؟!
علي: مش هسيبك، انتي مراتي و عائلتي كلها.
علي باس رأس ثريا و شدها لحضنه اكتر و شد البطانية عليها و بدأ يغطيها و دفن رأسه في رقبتها و غمض عيونه و نام بعمق و كذلك ثريا مكنتش قادرة تفكر.
-في مكان تاني.
عند كارما.
كارما كانت قاعدة في اوضتها سرحانة و متضايقة علشان احمد.
احمد: الجميل زعلان ليه؟!
كارما لفت بسرعة و شافت احمد واقف قدامها شهقت...
كارما: الله يخرب بيتك.
احمد: ايه موحشتكيش؟!
كارما(بغضب): لا موحشتنيش و اخرج من مكان ما جيت انا مش عايزة اتكلم معاك يلا بره.
احمد: لا لا كارما حبيبتي زعلانة مني و معقول انا مصالحهاش و اسيبها و امشي.
كارما: خليك عندك يا احمد و الا و ربنا اصرخ و اصوت.
احمد: ما الصريخ و الصويت واحد يا حبيبتي.
كارما(بضيق): ده انت جاي تستظرف. ابعد كدة ابعد و الا و الله هنادي ماما.
احمد: وحشتيني.
كارما(بضيق): جاي تفتكر دلوقتي؟!
احمد(بحزن): آسف انا و الله غصب عني عارفة يعني ايه امك تموت و ابوكي يكون السبب و الاتنين يكونوا بيتاجروا في المخدرات و الاسلحة.
كارما حزنت علي حزن احمد و دموعها نزلت علي خدها و قربت من احمد بصتله.
كارما(بدموع): انا آسفة اني سبتك لوحدك.
احمد: متعتذريش يا حبيبتي.
احمد: علشان خاطري متعيطيش.
كارما(بدموع و مرح): قولي بقي.
احمد: ايه؟!
كارما(بدموع و مرح): هتيجي تتجوزني امتي؟!
احمد ضحك علي كارما و باس رأسها.
احمد: مستعجلة اوي كد؟!
كارما(بخجل): لا بس انا بحبك.
احمد ابتسم علي كارما و بصلها بحب شديد و خدها في حضنه و كارما لفت ايديها حوالين خصره.
احمد: ربنا يباركلي فيكي.
كارما: انت جيت منين؟!
احمد: من البلكونة.
كارما: ازاي و في حراس حاولين كل البيت؟!
احمد: لا دي قدرات خاصة بقي.
كارما: بحبك.
احمد(بضحك): مدلوقة مدلوقة.
كارما(بضيق): يا رخم.
احمد(بحب): و هو انا اطول ان القمر ده كله يحبني.
كارما ابتسمت لاحمد و الباب خبط.
كارما(بتوتر): مين؟!
نرمين: انا يا كارما.
كارما(بسرعة): لا لا متخشيش انا بغير متخشيش انزلي تحت انا هغير و اجيلك.
نرمين(باستغراب): طيب.
كارما: انصرف انصرف يلا.
احمد: ما تخلينا شوية.
كارما: يا رخم يلا يلا.
احمد راح ناحية البلكونة و معاه كارما.
كارما(بشهقة): هتنط ده كله؟!
احمد: عرفتي بقي اني بحبك و بتعب علشانك.
احمد بعت ل كارما بوسة في الهواء و نط علي الارض.
كارما: باي.
احمد: هبقي اكلمك.
كارما: طيب.
احمد مشي,كارما غيرت هدومها و نزلت ل تحت ل نرمين.
-في مكان تاني...
في قصر الانصاري...
عصمت: اخيرا جيتي؟!
مريم: اعملك ايه يعني بعد زنك اكيد هاجي.
عمصت(بصدمة): انا زنانة!
مريم: و ابو كدة كمان.
عصمت بصت ل مريم بضيق و شدتها و طلعت اوضتها.
مريم: ها يا ستي عايزة ايه؟!
عصمت: مريم انا مش طايقة اللي اسمها وجد دي.
مريم: تاني يا عصمت؟!
عصمت: هي دي الحقيقة مش قادرة اتقبلها مش قادرة، حاولت علشان خاطر باسل لكن مقدرتش.
مريم: طول ما انتي حاطة في بالك انها بنت ماجدة مش هتحبيها، بص ليها علي اساس هي وجد وجد مرات ابنك باسل اللي بيحبها.
مريم: و كمان مش كفاية اللي باسل عمله فيها ده مشفاش غليلك حرام عليكي، البنت ذنبها ايه؟!
مريم: انتي و ابنك غلطتوا و ابنك فاق الدور و الباقي عليكي.
عصمت: و جوزي اللي اتقتل قدام عيني و لا بنتي اللي اغتصبوها و قتلوا حفيدي و قتلوا ابني الصغير و ضربوني.
مريم: عصمت غيري الموضوع غيريه محدش هيقدر يغيرك ابدا مهما حصل.
تحت.
رضوان: سهر مشوفتيش طارق؟!
سهر: خرج بدري جدا.
رضوان: ماله مش بيرد علي تليفوناتي ليه ده كمان؟!
عفاف: انا قلقانة علي باسل و وجد.
جودي(بغمزة): في ايه يا عفاف ما تسيبي العرسان يتبسطوا شوية.
عفاف: اوف يا بت انتي. لا بجد قلقانة عليهم حاسة في حاجة.
رضوان: مكشوف عنك الحجاب بقي.
عفاف: انتوا هتفضلوا تتريقوا كدة الله.
عفاف: انا داخلة المطبخ بيتي حبيبي.
عفاف سابتهم و دخلت المطبخ,الباقي قعدوا يضحكوا.
اسيل: وجد جت اهي. بس فين باسل؟!
وجد قربت منهم و ابتسمت ابتسامة خفيفة.
جودي(بصدمة): هو انتي اللي كنتي راكبة الموتوسكل؟!
وجد(بابتسامة): اه.
جودي: يا قادرة.
الكل ضحك علي جودي و بصوا ل وجد.
رضوان: فين باسل؟!
وجد: باسل طلع عنده شغل مفاجئ و قال هيسافر كدة في حدود اسبوع...
سهر: ربنا معاه.
وجد: يا رب.
وجد: هطلع ارتاح انا تعبانة شوية عن اذنكم.
وجد سابتهم و طلعت ل فوق بس لقت نعمة كانت هتقع لحقتها في اخر لحظة.
وجد: انتي كويسة؟!
نعمة: اه اه.
وجد(بابتسامة): خدي بالك بعد كدة.
وجد دخلت اوضتها و اترمت علي السرير بتعيط علي باسل,بعد فترة وجد قامت و مسحت دموعها و دخلت خدت دوش و خرجت غيرت هدومها.
وجد لبست بيجامة باللون الابيض عبارة عن بنطلون ابيض و فوقه تي شيرت بكم و قصير لغاية الخصر و رفعت شعرها علي شكل ديل حصان.
وجد كانت حاسة بتعب شديد و غصب عنها حطت رأسها علي المخدة نامت بعمق شديد و كانت بتفكر في قضية باسل.
بعد فترة.
وجد قامت مفزوعة من نومها بسبب خبط شديد علي باب اوضتها...
وجد: القيامة قامت و لا ايه حرام ده ايه ده؟!
وجد قامت بسرعة و فتحت الباب لقت العائلة قدامها.
وجد(بخضة): في ايه؟!
عصمت(بحدة): انتي ازاي متقولناش حاجة زي دي؟!
وجد(بقلق): ايه اللي حصل بس؟!
اسيل: يا عصمت هانم اكيد مرضيتش تقلقنا.
عصمت(بحدة): ابعدي انتي عن الموضوع ده يا اسيل احسنلك...
وجد: ممكن افهم في ايه؟!
نعمة(بحدة): تخبي علينا ان باسل في السجن.
وجد: اكيد مش قصدي اني اخبي عليكم. انا بس مرضيتش اقلقكم.
وجد: باسل ان شاء الله هيخرج و.
عصمت مسكت وجد من التي شيرت بتاعها و شدتها بعنف ناحيتها.
عصمت: باسل بالنسبة ليا حياتي كلها يعني كل تفصيلة صغيرة عنه تهمني انا...
عصمت: فاهمة؟!
عفاف: يا عصمت عيب كدة.
عصمت(بغضب): انتي هتعلميني العيب يا عفاف؟! انتوا شكلكم نسيتوا عصمت علشان بعدت بس يوم عن احوال البيت، اي حد نسي ممكن افكره فاهمين؟!
عصمت(بغضب): و انتي و لو مخلتش باسل يطلقك لما ربنا يفك كربه ان شاء الله مبقاش انا عصمت الانصاري...
عصمت سابتهم و مشيت و نعمة بصت ل وجد و مشيت هي كمان,عفاف و اسيل و جودي و سهر قربوا من وجد حضنوها و قعدوها علي السرير.
عفاف: خدي يا حبيبتي اشربي الماية.
وجد(بخفوت): شكرا.
سمر: تؤ تؤ ايه يا قطة مقدرتيش تتكلمي يعني ما مرات خالي.
اسيل: سمر بعد اذنك اخرجي.
سمر: في ايه يا اسيل مالك كدة؟! انا قولت حاجة؟!
سهر: عن اذنكم يا جماعة.
سهر راحت ناحية سمر و شدتها من دراعها و دخلت اوضتها و قفلت الباب.
سهر(بغضب): في ايه يا سمر مالك اتغيرتي من ساعة ما نزلتي ليه و من ساعة ما اتلميتي مع شريهان.
سهر(بغضب): مش انتي بتحبي خالد؟!
سمر(بحدة): متجبيش سيرته. واحدة خاين و بتاع ستات.
سهر(بغضب): حتى يا ست لو هو كدة باسل ماله ايه بتحاولي تقنعي نفسك انك بتحبيه و حتى لو بتحبيه تفتكري شريهان هتسيبك، شريهان شيفاكي مجرد سلم توصل بيه للي هي عايزاه. فوقي يا سمر انتي مكنتيش كدة.
سهر: و بالنسبة ل خالد لينا قعدة مع بعض، صدقيني خالد بيحبك اكيد حصل سوء تفاهم.
سهر: راجعي نفسك يا سمر متخليش حد يلعب في دماغك.
سهر سابت سمر و راحت لاوضتها و قعدت علي السرير و هي بتفكر في اللي حصل ل سمر.
عند وجد.
وجد: انا بخير شكرا يا جماعة ليكم.
عفاف: يا حبيبتي انا هنا امك فاهمة.
وجد: شكرا يا طنط.
عفاف: بقولها امك تقولي طنط يا بت هضربك.
وجد(بضحكة بسيطة): آسفة.
عفاف: يلا يا حبيبتي تصبحي علي خير.
وجد: و انتي من اهله.
اسيل: تحبي ننام معاكي؟!
جودي(بخبث): لا يا بت شكلها مبتحبش حد جمبها غير باسل.
اسيل: متأخديش علي كلام البت الهبلة دي دي واحدة منحرفة ملناش دعوة بيها.
وجد: معنديش مانع لو تناموا معايا.
جودي: مش بأخد اذنك اصلا.
وجد و اسيل بصوا ل بعض و ضحكوا علي جودي.
اسيل: همشي انا و يا رب تعرفي تنامي من الضفدع دي.
اسيل سابتهم و خرجت و وجد رجعت ضهرها للسرير.
جودي: علفكرة انا برئية جدا جدا جدا هما اللي ظالميني.
وجد(بضحك): واضح.
جودي(بخجل): وجد.
وجد: ايه؟!
جودي(بخجل): انتي اكبر مني و كدة فكنت عايزة اخد رأيك في حاجة.
وجد: اتفضلي.
جودي(بخجل): هو ان.
وجد(بابتسامة): بتحبي؟!
جودي هزت رأسها بمعني اه و بصت ل وجد بخجل,و وجد ابتسمت ليها بهدوء.
وجد: بصي يا ستي الحب مش غلط الغلط انك تستخدمي الحب ده غلط. هفهمك ازاي يعني انا اعرف واحدة كانت فاكرة انها بتحب حد و الشخص ده بيحبها و طاير بيها طير و لكن في الاخر عملوا حاجة مكنتش ينفع تحصل و في الاخر الشاب سابها و هي فضلت لوحدها الكل بدأ يكرهها و ينفر منها زي كانها عندها مرض معدي او هتنقل العدوي.
وجد: اللي بيحب بيحافظ علي الشخص اللي قدامه مبيقبلش انه يتأذي.
وجد: لما تيجي تحبي اختاري صح اختاري الشخص اللي هيكمل معاكي طول الطريق مش هيسيك في نصه.
وجد: لانك هترجعي تندمي.
جودي(باحراج): انتي حسيتي بايه لما ابيه باسل سابك؟!
وجد: في الاول مكنتش مصدقة لان لو اللسان كدب العيون لا، عيونه كانت بتقولي متمشيش انا آسف غصب عني بس انا فهمت ده متأخر.
وجد: بس انا عندي كرامة اينعم في ناس بتقولك مفيش كرامة في الحب هو اصلا لو في حب محدش هيدوس للتاني علي كرامته. فهماني؟!
وجد: باسل بالنسبة ليا حياتي بس مكنش ينفع اقوله. كنت لازم اتأكد انه اتعلم.
وجد: الواحد لما بيجرب احساس الفقد بيعمل كل اللي في وسعه علشان ميفقدش تاني، لان الاحساس بالفقد صعب اوي سواء ام او اب او حبيب او اخ اي شئ غالي علي قلبك.
وجد: لو بتحبي متجرحيش اللي معاكي يا جودي.
جودي حضنت وجد و وجد استغربت.
جودي: انتي انسانة جميلة و انا عرفت ليه ابيه باسل بيعشقك مش بيحبك بس...
وجد: حبيبتي يلا نامي...
جودي: طيب.
- عدي 3 ايام,كانت الامور زي ما هي بس وجد مزارتش باسل و لا مرة و تعاملها مع اللي في القصر محدود و بتتجاهل عصمت و نعمة و شريهان و سمر و بتحاول تلاقي دليل تخرج بيه باسل,كان باسل متضايق انه مشافش وجد خالص و كان قلقان ليكون حاجة حصلت ليها,ميشيل زي ما هو هربان,احمد و كارما و نرمين و سليم علاقتهم اتحسنت,ثريا و علي عايشين احلي ايام ليهم رغم حزن ثريا علي اللي حصلها.
وجد: جبت اللي قولتلك عليه؟!
عدي: ايوه بس مش مقتنع.
وجد: ملكش دعوة انا هعرف اتصرف. عايزة اوضة اغير فيها.
عدي: تعالي معايا.
عدي ودي وجد اوضة علشان تغير فيها هدومها.
وجد لبست بنطلون اسود و فوقه تي شيرت بنص كم مايل من علي الكتف و قصير مبين جزء من بطنها باللون الزيتي و فيه نقوش باللون الاسود و لبست كوتشي ابيض و سيبت شعرها علي ضهرها.
وجد خرجت لقت عدي و سليم قدامها.
وجد: في ايه؟!
عدي: باسل عايز يشوفك.
وجد: هأجي علي ميعاد النيابة...
سليم: انتي هتعملي ايه بالورقة اللي معاكي انتي ممكن تروحي في داهية.
وجد: متقلقش، عن اذنكم.
سليم: هحكي ل باسل و هو يتصرف معاكي.
وجد: سليم اياك فاهم اياك.
وجد خرجت ركبت عربيتها و راحت ناحية فندق و نزلت دخلته.
وجد: لو سمحت كان في نزيل هنا اسمها ميشيل.
موظفة: اه يا فندم و لحد الان الحساب متقفلش.
وجد: انا عايزة رقم الاوضة.
موظفة: بعتذر مش هينفع دي خصوصية.
وجد: انا ابقي مراته و اهو عقد جواز.
الموظفة بصت للعقد لقت صورة ميشيل و صورة وجد و فعلا كان عقد جواز...
الموظفة(بتردد): اتفضلي يا فندم.
وجد: شكرا ممكن المفتاح؟!
موظفة: اتفضلي.
وجد خدت المفتاح و طلعت للاوضة اللي ميشيل كان قاعد فيها فتحت الباب و دخلت.
وجد لقت الاوضة زي ما هي بدأت تدور في كل حتة في الاوضة ممكن تلاقي الورق او اي حاجة ليها علاقة بيهم.
وجد قعدت فترة طويلة بتدور علي الورق و كانت تعبت و قعدت علي السرير و هي بتنهج.
وجد: ينعل ابو كدة.
وجد لمحت جاكت بدلة مرمي في الارض راحت ناحيته و وطت و مسكت الجاكت و طلعت الملف اللي لقته و فتحته لقته ليه علاقة ب باسل.
(بسخرية): جيتي للموت برجليكي.