قصص و روايات - قصص رومانسية :

رواية النور والكابوس للكاتبة سلسبيل كوبك الفصل السادس عشر

رواية النور والكابوس للكاتبة سلسبيل كوبك الفصل السادس عشر

رواية النور والكابوس للكاتبة سلسبيل كوبك الفصل السادس عشر

وجد دخلت لجوا و هي بتجري لقت عطيات في وشها.
وجد(بقلق): ايه اللي حصل؟!
عطيات: في مصيبة.
وجد(بقلق): في ايه؟!
عطيات: الست ثريا حاولت تنتحر.
وجد طلعت بسرعة علي اوضة ثريا و لقت الكل حواليها و رابطين ايديها بقماش.
وجد: انتوا لسة هتستنوا الدكتور يلا ننقلها المستشفي.
سعد: الدكتور جه.
الدكتور راح ناحية ثريا و قدر ينقذ الموقف و كان معاه محلول و علقه ليها.

الدكتور: لما الانسان بيوصل للمرحلة دي لازم مراقبة كتيرة، لانها قدرت تعمل ده مرة و ممكن تعمل كذا مرة.
احمد: شكرا يا دكتور تقدر تتفضل.
احمد: قصي روح معاه.
نهلة(بدموع): ليه كدة يا حبيبتي؟!
نهلة كانت حاضنة ثريا و الكل واقف بيبص علي ثريا...
منصف: ليه يا حبيبتي عملتي كدة؟!
ثريا لا رد، ثريا كانت باصة في الفراغ و وجد مركزة معاها...
ماجدة: خلاص بقت كويسة يلا يا وجد علشان خاطر فرحك. ناس بتحب الخراب.

وجد: روحي انتي يا امي و انا جاية.
ياسين: خلاص حصل خير، لما تفوقي يا ثريا ليا قعدة معاكي، روحي يا وجد علشان فرحك يا بنتي.
احمد(بحدة): يلا كله بره انتوا بتتفرجوا علي ايه؟!
يوسف(بحدة): اهدي يا احمد. يلا يا جماعة.
الكل بدأ يخرج من اوضة ثريا الا نهلة و احمد و وجد.
احمد: اخرجي يا امي.
نهلة(بدموع): منك لله يا شيخة منك لله.
احمد: امي اطلعي بره ثريا بخير.
نهلة زقت وجد و خرجت بره اوضة ثريا.

وجد قربت من ثريا و قعدت جمبها و مسكت ايديها.
وجد(بحزن): لو انا السبب في اللي انتي فيه فانا اسفة، و لو انتي عملتي كدة بسبب اني هتجوز باسل برضو انا اسفة و مستعدة الغي الفرح و انسي باسل مهما كان انتي بنت عمي و اختي.
وجد(بحزن): علشان خاطري قوليلي انتي عملتي كدة بسببي؟!
احمد(بحدة): تلغي فرح ايه يا وجد انتي اتجننتي.
وجد(بانفعال): اومال هي ليه عملت كدة؟!

وجد(بانفعال): انا مش هأجي عليها علشان خاطر سعادتي. انا مش انانية يا احمد علشان اتبسط علي حساب غيري.
ثريا(بخفوت و تنهيدة): لا يا وجد.
احمد: اديكي سمعتي يا وجد قومي يلا.
وجد: لا اخرج و انا هفضل معاها لغاية ما تلبس.
احمد: انتي ناسية انك العروسة.
وجد(برفعة حاجب): فيها ايه يعني؟! يلا اطلع بره.
احمد بص ل ثريا و وجد و سابهم و خرج,ثريا بصت باستغراب لوجد.
وجد: قررتي هتلبسي ايه و لا اساعدك؟!

ثريا(بخفوت): هقوم اشوف.
وجد: لا خليكي مرتاحة استني.
وجد قامت و راحت ناحية هدوم ثريا و بدأت تدور علي فستان شيك تلبسه لغاية ما اختارت فستان ليها.
وجد: الفستان جاهز و الصندل كمان. كدة فاضل ان بس المحلول يخلص و تقومي تلبسي...
وجد قعدت مع ثريا لغاية ما المحلول خلص و ساعدتها تقوم و بدأت تلبسها و تحط ليها ميكب خفيف خلاها جميلة جدا...

ثريا لبست فستان باللون النبيتي ب ¾ كم و الاكمام نازلة من علي الكتف و طويل لغاية بعد الركبة بشوية و كان محدد جسمها و لبست صندل بكعب نبيتي و حطت روچ احمر غامق و كحل حدد عينيها و رفعت شعرها علي شكل ديل حصان.
وجد(بغمزة): قمر.
ماجدة(بنفاذ صبر): انتي هتجننيني؟! قدامي يا بت فاضل ساعة.
وجد: يا امي حاضر اهو جاية.
وجد: يلا تعالي.

وجد مسكت في ايد ثريا و دخلت اوضتها و قعدتها علي سريرها و ثريا كانت صامتة و مش بتبدئ اي ردة فعل...
وجد: خديجة.
وجد حضنت خديجة جامد و خديجة حضنتها...
خديجة: مبروك يا احلي عروسة في الدنيا.
وجد(بابتسامة): الله يبارك فيكي يا روحي.
ماجدة: يلا يا حبيبتي علشان تجهزي.
ماجدة: خديجة يلا ساعديها تأخد شاور و بعدها الميكب ارتست هتطلعلك.
وجد: طيب.
ماجدة بصت ل ثريا بسخرية و سابتها و نزلت.

وجد خدت دوش و خرجت كانت الميكب ارتست منتظراها...
بنت: يلا البسي الفستان يلا يا عروسة.
وجد(بابتسامة): تمام. تعالي يا ثريا تعالي يا خديجة ساعديني.
خديجة دخلت مع وجد بحماس و ثريا قامت بصمت راحت معاهم.
بدأوا يلبسوا وجد الفستان و خديجة و وجد كانوا متحمسين اوي.
وجد(بفرحة): الفستان حلو اوي انا فرحانة بيه.
خديجة: هو انتي ذوقك اي كلام و لا ايه؟! قوليلي العريس شافه.
وجد(بحماس): لا هيتفاجئ في الفرح.

خديجة: هتطلعي ملاك.
وجد: انا مبسوطة اوي يا خديجة.
خديجة: ربنا يبسطك كمان و كمان، ما تقولي امين يا بت.
ثريا(بتعب): امين.
خديجة: يلا يلا بسرعة يا عروسة.
خرجوا وجد بره و قعدوها قدام التسريحة و الميكب ارتست بدأت تشوف شغلها...
وجد: خديجة خدي موبايلي و اتصلي بقصي و ودهولي.
خديجة: طيب.
خديجة اتصلت بقصي، الخط اتفتح.
قصي: ايه يا حبيبتي في حاجة ناقصة؟!

وجد: لا بس هبعتلك موقع تروح ليه في بنت هناك اسمها ليلي تجيبها الفرح.
قصي: و انا مالي.
وجد(بغيظ): قصي متعصبنيش و متخلنيش اتجنن و اجيلك دلوقتي اضربك بوكس في وشك.
قصي(بضحك): طب اهدي يا عروسة ريلاكس.
وجد: يلا باي مش فاضيالك.
قصي: مش كنتي تسيبك من باسل و تشوفيني ده انا حتى شبه تامر حسني.
وجد(بتريقة): مبحبهوش.
قصي(بضحك): بكرة تندم يا جميل.

وجد قفلت مع قصي و هي بتبص علي نفسها في المراية و بعدها غمضت عينيها منتظرة النتيجة النهائية...

-في مكان تاني...
عند باسل...
سليم: البدلة هتأكل منك حتة...
علي: اخيرا هتدخل القفص؟!
باسل: اكد علي حجز القاعة يا سليم.
سليم: يا ابني ركز انت بس في البدلة.
باسل: متعصبنيش يا سليم، عايز كل حاجة تطلع مظبوطة.
علي: عايز اشوف العروسة اللي خطفت قلبك.
باسل: شكلي حلو؟!
سليم: عريس.
باسل(بابتسامة): طيب.

باسل كان لابس بدلة باللون الاسود و قميص ابيض و لبس بليزر اسود صغير بزارير و فوقه جاكت البدلة باللون الاسود و فتح اول زرارين القميص و سرح شعره و لبس ساعته و لبس جذمته السوداء و حط البرفيوم بتاعه...
الباب خبط.
علي: ادخل...
مريم: الف مبروك يا حبيبي.
مريم قربت من باسل و باست رأسه و هو حضنها.
مريم: اخيرا هشوفك عريس.
سليم: طب مفيش عقبالك يا سليم طب؟!
علي: انت مش مهم.
سليم: اخرس ياض...

باسل: ربنا يخليكي يا حبيبتي.
باسل باس رأس مريم و شدد عليها و هي في حضنه.
مريم: اخواتك البنات منتظرين يشوفوك تحت.
باسل: هنزل ليهم اهو.
باسل: علي بوكيه الورد اللي قولتلك عليه؟!
علي: متخافش.
باسل: طيب يلا.
باسل نزل لتحت مع مريم و سليم و علي.
- علي: -صديق باسل و باسل بيلجأ ليه في بعض الامور,عنده 29 سنة و بيحب الستات و مرح و بيحب يضحك كتير مع باسل و يعرف عنه حاجات بسيطة...
نرمين: حبيبي.
باسل حضن نرمين و باسها.

نرمين: مبروك.
كارما: وسعي كدة احضن اخويا.
كارما حضنت باسل جامد و باسل باس رأسها.
باسل: حبيبتي.
علي: يلا هنتأخر علي العروسة اللي هي اكيد قمر.
باسل: احترم نفسك. يلا بينا.
باسل: يلا يا عامر يلا.
نرمين كانت لابسة فستان باللون الاسود بحمالة رفيعة علي الكتف و ضيق لغاية الخصر و بعد الخصر واسع بسيط لغاية قبل الركبة و لبست صندل بكعب باللون الفضي و سييت شعرها علي ضهرها و حطت روچ احمر غامق و كحل حدد عينيها.

كارما كانت لابسة فستان باللون الفضي الهادئ بكم واحد اللي هو اليمين و واصل لغاية الركبة و محدد جسمها و لبست صندل بكعب باللون الاسود و سيبت شعرها علي ضهرها و حطت روچ باللون الاحمر و كحل حدد عينيها.
باسل خرج و وراه الكل و بدأوا يركبوا العربيات و وراهم حراس كتير و راحوا لقصر الصياد.
ياسين: مبروك يا يوسف.
يوسف: الله يبارك فيك يا بابا.
ياسين: عقبال ثريا و احمد و قصي...

منصف: يا رب يا بابا هو حد يطول يجوز ولاده.
يوسف: ان شاء الله متخافش.
نهلة(بضيق): بس متنسوش ان العريس ده كان لبنتي.
ماجدة: ليه هو احنا كنا ضربناه علي ايده...
احمد(بحدة): ما تسكتوا ايه كلام الستات التافه ده. الناس جت اخرسوا بقي.
احمد: و انت رايح فين؟!
قصي: وجد طلبت مني اجيب حد هجيبه و اروح علي القاعة...
ياسين: روح يا ابني.
قصي خد مفتاح عربيته و مشي ناحية بيت ليلي...
كانت عائلة باسل وصلت و نزلوا.
علي: خد.

باسل مسك بوكيه الورد من علي بوكيه الورد كان ورد باللون الاحمر و مغلف باللون الاسود و رائحتة نفاذة و حلوة.
يوسف: اهلا و سهلا نورتونا...
باسل: بنورك يا عمي. هي فين؟!
ياسين(بضحك): مستعجل اوي؟!
باسل(باحراج): احم هي فين برضو يعني هي برضو مراتي. مش تنادوها بقي.
الكل ضحك علي احراج باسل و كارما زقته بكتفها.
كارما(بهمس): اوبا ده انت طلعت مش قادر تستحمل.
باسل(بهمس و ضيق): بت هضربك اخرسي.
احمد: زمانهم نازلين.

عند وجد.
وجد كانت واقفة قدام المراية باصة لنفسها بانبهار و هي فرحانة اوي و مبسوطة,وجد لفت كذا مرة قدام المراية و هي بتضحك اوي.
خديجة(بضحك): هتتجنني يا بت. لا عايزين الراجل يأخد بت في كامل قواها العقلية.
وجد(بفرحة): انا مبسوطة اوي يا خديجة، مكنتش متخيلة انه هيجي يوم و البس فيه الابيض و لشخص بحبه.
ثريا(بخفوت): مبروك.
وجد: الله يبارك فيكي.
الميكب ارتست: بجد انتي انسانة جميلة اوي و ملامحك جميلة اوي.

الميكب ارتست: مبسوطة اني اتعاملت معاكي.
وجد: شكرا ليكي.
رانيا: وجد هانم العريس وصل.
رانيا(بانبهار): يخرب بيت جمالك.
وجد(بابتسامة): شكرا يا رانيا.
وجد كانت لابسة فستان ابيض من اختيارها.

وجد كانت لابسة فستان ابيض و فيه علامة سبعة من قدام و من ورا و واسع اوي و وطويل,لمت شعرها علي شكل كحكة لورا و لبست طرحة قصيرة و فوقها تاج,لبست جذمة باللون الابيض كعب,حطت روچ احمر غامق و كحل حدد عينيها و بعض الميكب البسيط,اكتفت بدبلة باسل في ايديها الشمال,حطت البرفيوم بتاعها...

وجد مسكت الفستان بتاعها في ايديها و خرجت بره اوضتها بتوتر و نزلت علي السلالم ببطء و وراها ثريا و خديجة و الميكب ارتست و رانيا.
الخدامين اول ما شافوا وجد سابوا كل اللي في ايديهم و بصوا ليها بانبهار شديد.
ياسين: قالولي انك طلبتي اني انا اللي اوصلك لعريسك.
وجد(بابتسامة): لانك اقرب ليا منه.
ياسين باس رأس وجد و خدها في حضنه.
ياسين: ربنا يبسطك و يبعد عنك كل العيون الوحشة. جدتك لو كانت هنا كانت فرحتك بيكي.

وجد(بابتسامة): هي اكيد مبسوطة متخافش.
ياسين: طب يلا اسلمك لعريسك يا اجمل عروسة شوفتها.
وجد مسكت في دراع ياسين و مسكت فستان بالايد التاني و خرجوا بره القصر كان الكل واقف في الجنينة...
الكل صقف اول ما وجد ظهرت و وجد حطت رأسها في الارض باحراج و قربت من باسل,باسل كان باصص ليها هي و بس و مبسوط.
سعد كان واقف بعيد عن الكل و بيبص ل وجد.
ياسين: باسل.

باسل: هي في قلبي و عقلي و عيوني هي نفسي و روحي يا عمي. هي كل حياتي و الواحد من غير حياته ميقدرش يعيش.
باسل: اوعدك هحافظ عليها لاخر يوم في حياتي، هبقي معاها في الضراء قبل السراء.
وجد عيونها دمعت و رفعت رأسها ل باسل و باسل مسك ايديها بحنية و باسها.
باسل: بحبك.
باسل حضن وجد و وجد شدت عليه و كانت مبسوطة و بتحاول متعيطش.
باسل: يلا يا جميلتي.
وجد(بابتسامة و مرح): يلا يا جميل.

باسل ضحك هو و وجد و وداها بوكيه الورد.
باسل: احمر زي خدودك دي.
وجد(بخجل): شكرا.
باسل باس رأس وجد و مسك ايديها و راحوا ناحية العربيات و باسل خلي وجد تدخل العربية و ركب جمبها و قدام في سليم و نرمين.
و الكل بدأ يركب عربيته و باسل كان مبسوط هو وجد.
باسل(بهمس): بحبك اوي.
وجد(بهمس,خجل): باسل بطل علشان خاطري.
باسل(بهمس): طب و تعرفي منين اني بحبك؟!
وجد(بخجل): طيب يا باسل.
باسل باس رقبة وجد اللي بعدت عنه بسرعة...

-في مكان تاني...
عند قصي...
قصي وصل للعنوان اللي وجد قالتله عليه و راح خبط علي الباب و بعد شوية و بدأ يتمشي لغاية ما الباب اتفتح.
قصي لف علطول و لقي ليلي بتخرج من الباب.
ليلي: انت!
قصي(بهمس): حبيبتي يا وجد.
قصي: احم انا ابقي ابن عم وجد يعتبر اخوها. و جيت اخدك علشان الفرح...
ليلي: اه طيب.
ليلي: طيب لحظة.

ليلي دخلت البيت تاني و جابت شنطتها و خرجت بره البيت و قصي بلع ريقه من منظرها رغم انه كان غريب و مش مناسب لفرح.
ليلي كانت لابسة بنطلون اسود ضيق و فوقه تي شيرت صوف بكم باللون الاحمر و فوقه جاكت اسود طويل لغاية الركبة و لبس بوط باللون الاسود و سيبت شعرها علي ضهرها و حطت مكياج خفيف جدا...
ليلي: مش يلا و لا ايه النظام؟!
قصي: احم ايوه يلا بينا.

ليلي و قصي ركبوا العربية و قصي بدأ يركب و غصب عنه مشي في طريق ضلمة...
قصي(بصدمة): ايه اللي عملتيه ده؟!
ليلي كانت حاطة مطوة في جمب قصي لما لقته ماشي في مكان ضلمة.
ليلي: جايبنا فين ياض؟!
قصي: في ايه يا بنتي رايحين القاعة.
ليلي: اومال ممشينا في مكان ضلمة ليه؟!
قصي: الطريق اللي موجود.
ليلي: طب اطلع كدة.
قصي: طب شيلي ام المطوة دي. راعي اني راجل.
ليلي(بخسرية): ما علشان كدة حطاها في جمبك انجز.

قصي بص ل ليلي بصدمة و وصل للقاعة في اسرع وقت.
قصي(بضيق): انزلي.
قصي و ليلي نزلوا كان باسل و وجد برضو لسة واصلين...
-كانت القاعة كبيرة جدا و فيها كل المعارف و الشخصيات المهمة اللي هما عارفينها.
وجد و باسل اول ما دخلوا الكل قام وقف و بدأوا يصقفوا.
وجد(بهمس): كان طول عمري اعرف هما بيقولوا ايه في الفرح؟!
باسل(بضحك): بيقولوا كل خير.

باسل ضم وجد ليه اكتر و بدأوا يروحوا ناحية مكان العريس و العروسة و قعدوا عليه.
الكل بدأ يقعد و بدأت تشتغل اغاني الفرح و الكل مبسوط...
و بعد فترة بدأوا الناس يباركوا لوجد و باسل رجال اعمال معروفين و ناس مشهورة.
ياسين: مبروك يا حبيبتي.
وجد: الله يبارك فيك يا جدو.
ماجدة: حبيبتي مبروك. خلي بالك منها يا عريس.
باسل: اكيد دي في عيني.
يوسف: مبروك.
وجد و باسل: الله يبارك فيك.
ثريا(بخفوت): مبروك.

وجد: الله يبارك فيكي يا روحي.
احمد: مبروك.
وجد: زهقت من كلمة مبروك دي الله يبارك فيك.
باسل(بضحك): كل اللي جاي هيفضل يقول كدة اتعودي.
قصي: حبيبة قلبي اللي منورة الدنيا كلها.
قصي الوحيد اللي حضن وجد و باسها علي خدها.
علي(بهمس): مراتك قمر يا ابني. ليك حق تحبها.
باسل: ما تخف شوية يا عم علي.
علي(بهمس): ربنا يبارك ليكوا و يعمر بيتكم.
باسل: يا رب.
نرمين: مبروك يا عرايس.
باسل: الله يبارك فيكي...

وجد(بهمس): جبت ليلي؟!
قصي: ايوه متقلقيش، بس البت غريبة اوي رفعت عليا مطوة.
وجد قعدت تضحك علي قصي و هي بتبص عليه هو و ليلي...
وجد(بضحك): الصراحة مستغربش دي ليلي.
قصي: اخرسي مش طايقك و لا انتي و لا هي.
ليلي: مبروك يا استاذة وجد.
وجد: استاذة ايه بقي بعد ما رفعتي المطوة علي اخويا...
ليلي(باحراج): احم بقول امشي.
وجد(بضحك): خليكي خليكي. بهزر معاكي خلاص حصل خير.
كارما: احلي ناس في الدنيا.
وجد(بابتسامة): حبيبتي.

باسل: ازيك.
كارما: بخير.
وجد بصت لكارما و باسل و ضحكت.
مريم: مبروك يا حبايب قلبي.
وجد(بابتسامة): الله يبارك فيكي يا طنط.
باسل: الله يبارك فيكي يا حبيبتي.
باسل باس ايد مريم و غمض عينه حس بدوخة و بعدها فتح عينه.
مريم اتكلمت مع باسل في ودنه...
موظف: باسل بيه ممكن تتفضلوا معانا للرقص.
باسل: هاتي ايدك يا حبيبتي.

باسل مسك ايد وجد و وقفوا في نص القاعة و المنصة بدأت تعلي تلقائي و باسل شد وجد ناحيته و حط ايده علي خصرها و الايد التانية مسك ايديها و قرب منها و وجد حطت ايديها علي كتفه و بصتله.
باسل: اسعد يوم في حياتي...
وجد: مبسوطة اني لبست فستاني الابيض لواحد بحبه...
باسل باس رأس وجد و نزل ليها بوشه و باس خدها.
وجد(بخجل): باسل اهدي.
باسل(بابتسامة): مش قولتلك الورد الاحمر شبه خدودك.
وجد(بابتسامة): بحبك.

باسل: اخبار جرحك ايه؟!
وجد(بابتسامة): متقلقش بخير. لو كان ظاهر اوي مكنتش هعرف البس الفستان ده.
باسل: اممم نسيت اقولك اني هعاقبك عليه.
وجد: باسل مجرد فستان و كمان اسمها ليلة العمر...
باسل لف وجد و قربها منه تاني و كملوا رقص...
المنصة نزلت تاني و بعدها كل ثنائي بدأوا يرقصوا.
كارما: مش ممانعة.
احمد(برفعة حاجب): و هو انا كنت عرضت عليكي اصلا؟!
كارما(بضيق): بحب الرقص و كمان ملقتش حد ارقص معاه.

احمد مسك ايد كارما و راح للباقين و كارما اتعلقت في رقبة احمد.
كارما: ليه شلت دقنك و هي خفيفة كانت احلي.
احمد: مزاجي.
كارما: انت ليه مش طايقني؟!
احمد: برضو مزاجي.
كارما: يا رخم...
احمد: هسيبك و امشي.
كارما: انت هتذلني؟!
احمد: انتي اللي طلبتي مليش فيه.
كارما: رخم اوي اوي اوي، انت ازاي بارد كدة؟!
احمد: زي السكر في الشاي.
كارما: ما انت طلعت علي نفس الخط اهو يا معلم.
احمد: ركزي في الرقص و اخرسي.
عند قصي و ليلي...

قصي: تقبلي؟!
ليلي بصتله من تحت لفوق و هو بصلها بدهشة من تصرفاتها.
ليلي: روح العب بعيد.
قصي: افندم؟! انتي بترفضي ترقصي معايا؟!
ليلي: كنت اعرفك انا علشان ارقص معاك و كمان جو المحن ده مليش فيه.
قصي(برفعة حاجب): تصدقي يا بت انا غلطان اني عبرتك خليكي كدة. جتك مصيبة.
قصي زق ليلي في كتفها و سابها و مشي و في بنت جتله و بدأت ترقص معاه...
ليلي بصت ل قصي بضيق من منظره...
عند سليم و نرمين.

نرمين: كنت عايز تروح ترقص معاها صح؟!
سليم: متنسيش اني مش بكلمك اصلا و برقص معاكي غصب.
نرمين: و حياة امك.
سليم بص ل نرمين بغضب و نرمين بلعت ريقها بتوتر...
سليم: احترمي نفسك.
نرمين: الموضوع اكتر من اسبوعين انسي يا اخي انسي...
سليم لا رد.
نرمين: عنك ما اتكلمت. هروح ارقص مع حد تاني ارقص مع الغندروة.
نرمين سابت سليم وكانت هتمشي بس سليم شدها ناحيته...
سليم(بضيق): ارقصي و انتي ساكتة.
نرمين(برفعة حاجب): افندم؟!

سليم: اهدي بقي و ارقصي ده انتي متعبة.
سليم: لو مرقصتيش بهدوء يا نرمين هشيلك وسط الناس دي.
عند وجد و باسل...
كانوا بيتكلموا و مبسوطين و فجأة جت بنت عليهم.
شريهان: باسل.
شريهان بعدت وجد و حضنت باسل جامد و باسته علي خده,وجد رفعت حاجبها ل باسل.
باسل: لا لا استني بس هفهمك يا وجد.
باسل: علي تعالي خد دي من هنا، شريهان الله يخرب بيتك ابعدي عني.
شريهان(بهمس): نسيت اللي حصل بينا.

باسل: الله يخرب بيتك كان بارادتك و كمان ده ماضي. سيبيني.
علي شد شريهان معاه بره القاعة.
باسل قرب علي وجد قبل ما تمشي و شدها ناحيته.
باسل: حبيبتي دي قريبتي بس من بعيد اوي يعني احم متزعليش علشان خاطري.
وجد: هعديها النهاردة بس.
باسل: حبيبتي العاقلة.
باسل باس رأس وجد و دفن رأسه في رقبتها و كان المعظم مبسوط بيهم.
و فجأة وجد صرخت لما لقت باسل شالها و لف بيها كتير و هي مسكت فيه جامد و كانت خايفة و غمضت عينيها.

باسل وقفها علي الارض و بص ليها و هو بيضحك و هي كانت دايخة و كانت هتقع بس باسل لحقها.
باسل: انشفي كدة.
باسل ابتسم ل وجد و وجد ضربته في كتفه و بعدها رجعوا قعدوا مكانهم و الكل وقف الرقص.
علي: لما اروح اتعرف علي مزة كدة.
علي لقي بنت واقفة لوحدها بعيد و مربعة ايديها و بتبص للكل بشرود. ,علي قرب منها و وقف وراها...
علي: حد قالك انك زي القمر؟!
ثريا(بخضة): انت مجنون؟!

علي: اسف جدا جدا ده انا ظلمتك لما شبهتك بالقمر ده انتي طلعتي احلي اوي من قريب.
ثريا: متنخدعش.
ثريا بصت ل علي و سابته و مشيت و علي بص ليها باستغراب.
علي: مين المجنونة دي؟!
عند ليلي...
ليلي كانت خلاص ملت لانها متعرفش حد هنا و راحت ناحية وجد تسلم عليها قبل ما تمشي.
ليلي: هتعوزي حاجة؟!
وجد: لا شكرا يا روحي اصبري اقول ل قصي يوصلك.
ليلي: لا شكرا مش لازم، بس نسيت اقولك طلعتي جامدة.

وجد: يا بت حسني الفاظك خليكي بت شوية.
ليلي: اكتر من كدة انوثة؟!
وجد ضحكت علي ليلي و بعدها شاورت لقصي اللي جه ليها.
وجد: وصلها يا قصي و مفيش مطوات المرة دي...
وجد و ليلي ضحكوا علي قصي اللي اتضايق.
وجد(بغمزة): يلا روحوا.
قصي: يلا يا عبده موته.
قصي مشي قدام ليلي و ليلي بصتله بغضب.
وجد: بت اهدي الواد لسة في بداية حياته يلا باي.
وجد حضنت ليلي و ليلي باستها و سابتها و خرجت ورا قصي و ركبت معاه في عربيته.

قصي شغل اغنية هادية رومانسية و راح ناحية بيت ليلي و ليلي كانت هتنزل.
قصي: احم.
ليلي: خير؟!
قصي: خلاص مفيش ادخلي ده انتي تسدي النفس.
ليلي: متشكرة.
ليلي سابت قصي و دخلت بيتها و قصي رجع القاعة.
و الكل كان مبسوط في الفرح و بيضحكوا و بيهزروا مع بعض.
نهال: استاذة وجد...
وجد: حبيبتي جيتي.
وجد سلمت علي نهال و كل اللي بيشتغلوا معاها في المكتب كانوا موجودين و سلموا علي وجد و باسل.

باسل: قومي نقطع التورتة و نمشي علطول.
كانت التورتة عبارة عن سبع ادوار و باسل مسك ايد وجد و مسكوا السكينة و بدأوا يقطعوا التورتة.
العامل اللي في القاعة حط شوكة واحدة بينهم و كل واحد بيحاول يأكلها بس العامل شالها مرة واحد و باسل لمس وجد و الكل صقف و وجد بعدت عن باسل بسرعة.
وجد(بخجل): عايزة امشي.
باسل ملس علي رأس وجد و باس رأسها.
و بدأت الناس تنسحب بهدوء,باسل قام مع وجد و راحوا لجنينة القاعة...

باسل و وجد بدأوا يتصوروا صور كتير.
باسل: نعم يا اختي؟!
وجد(برفعة حاجب): ده فرحي.
باسل: مش هعمل كدة؟!
وجد: باسل.
باسل كان لسة هيتكلم لقي وجد شدته من الجاكت من ورا و المصور لقط الصورة دي.
باسل: تصدقي يا بت انك عايزة الحرق تعالي هنا.
وجد: باسل باسل اهدي احنا بين الناس.
ياسين(بضحك): اهدوا بقي متفرجوش الناس...

باسل حضن وجد جامد و المصور قعد يلقط ليهم صور كتير باوضاع كتيرة و اوضاع غريبة مختلفة جميلة رومانسية...
باسل و وجد كانوا اكتر اتنين مبسوطين في اليوم ده...

-في مكان تاني...
مكان ما.
كان في شخص قاعد علي كرسي هزاز و بيهز بيه لورا و لقدام و كانت جمبه ترابيزة...
بعد كام دقيقة التليفون عمل كذا صوت دلالة ان في ماسدجات اتبعتت ليه.
الشخص ده فتح الموبايل و لقي صور ل وجد و باسل في الفرح.
شخص: قربت اوي.

الفصل التالي
جميع الفصول
روايات الكاتب
روايات مشابهة