قصص و روايات - قصص رومانسية :

رواية النور والكابوس للكاتبة سلسبيل كوبك الفصل السابع عشر

رواية النور والكابوس للكاتبة سلسبيل كوبك الفصل السابع عشر

رواية النور والكابوس للكاتبة سلسبيل كوبك الفصل السابع عشر

وجد بصت ل باسل و غمضت عينيها و فتحتهم,وجد بدأت تعيط غصب عنها و مقدرتش توقف دموعها.
باسل قرب من وجد و حط ايده علي خدها.
سعد: انتوا بتعملوا ايه؟!
وجد لفت بصدمة لما سمعت صوت سعد ومسحت دموعها بسرعة.
وجد: مستر باسل نسي حاجة مهمة و جه يأخدها.
سعد: و انا ازاي معرفتش و هو انا مش كبير الحرس هنا.
وجد: انا دخلته عادي يعني في ايه.
سعد: طيب و انا هقول لياسين بيه هو يتصرف مع حضرتك يا هانم...

باسل(بحدة): قالتلك نسيت حاجة و جيت اخدها و خلاص همشي انت لازم تعيد و تزيد في الموضوع.
وجد: خلاص يا مستر باسل اتفضل امشي.
باسل بص لوجد و بعدها خرج من القصر ركب عربيته و رجع لبيته...
سعد: اتفضلي.
وجد: انت مش حد من العائلة متفتكرش انك تقدر تفرض نفسك يعني.
وجد سابت سعد و طلعت علي اوضتها قعدت علي السرير و كانت مستغربة من اللي حصل.
وجد: اوف ايه بس اللي جابه ده؟!
وجد قعدت تهز رجليها بتوتر و كانت قلقانة من سعد.

في الصباح الباكر...
وجد كانت نامت ساعتين بس قامت بكسل شديد و دخلت الحمام...
وجد(بنوم): ده انتوا حتى مش سايبيني اتهني و انا نايمة يا رب.
وجد كانت بدأت تفوق و دخلت غيرت هدومها.
وجد لبست بنطلون كحلي و فوقه تي شيرت بكم نازل من علي الكتف باللون الكافيه دخلته جوا البنطلون و لبست كوتشي اسود جلد عالي. رفعت شعرها علي شكل كحكة عاليه و نزلت كام خصلة من شعرها.

وجد مسكت شنطتها و خرجت بره اوضتها راحت لاوضة قصي خبطت الباب و دخلت.
وجد: صباح الخير.
قصي لا رد.
وجد: قصي حبيب دودي.
وجد: شبشب انور في منورنا و شبشبنا في شبشب انور.
قصي ضحك غصب عنه علي وجد و بعدها بص ليها بدون اي تعبير علي وشه.
قصي: لو سمحت اخرجي عايز اغير.
وجد: علفكرة بقي دي عنصرية و قلة ذوق يا عديم الذوق.
قصي: متشكر.
وجد: طب انا عملت مصيبة و خايفة هه.
قصي: خير اشجيني؟! مش بتفتكريني غير في المصايب بس.

وجد: يا حبيبي يا امين.
وجد: بص يا باشا. كنت.
ثريا: بتعملي ايه عندك؟!
وجد(بصوت واطي): اهي الشعوذة جت.
وجد: يلا باي يا قصي ابقي اكلمك بعدين.
وجد باست قصي علي خده و بصت لثريا من تحت لفوق و سابتها و مشيت.
ثريا: انت برضو متعلمتش؟! انت ايه يا اخ في ايه ما تبص للي حواليك.
قصي: طيب شكرا علي المعلومة.
قصي خد هدومه و دخل الحمام و ثريا كانت متعصبة منه هو و وجد.
ثريا: سيطرتي عليه يا وجد اهنيكي بس اوعدك اكرهه فيكي.

ثريا خرجت بره اوضة قصي,قصي خرج بعد ما غير هدومه و نزل لتحت...
احمد: وجد.
وجد: اعتذر اعتذر يلا.
احمد: اعتذر لكل الناس الا انتي.
وجد: تعرف يا احمد ايه الحاجة الوحيدة مصبراني عليك و علي قرفك.
وجد طلعت سلمتين لاحمد و قربت منه.
وجد: كنت في يوم من الايام انسان بس قدروا يشدوك ناحيتهم.
وجد: بس انا شايفة انه لسة في حاجة هنا.
وجد شاورت علي قلب احمد و رفعت عيونها ليه.
وجد: فوق قبل فوات الاوآن يا احمد.

وجد سابت احمد و نزلت علي السلالم.
رانيا: وجد هانم ياسين بيه عايز حضرتك في مكتبه. و خمس دقايق و الفطار يبقي جاهز.
وجد: طيب.
وجد خبطت علي اوضة المكتب و دخلت.
ياسين: قربي يا وجد قربي.
وجد قربت من ياسين باست ايده و باست رأسه...
ياسين: اقعدي.
ياسين: القضية الجديدة بتاعتك.
وجد: مالها؟!
ياسين: محمد عاصم.
وجد: كلمك؟!
ياسين: اه. و لازم تبعدي عن القضية دي يا وجد.

وجد: و انا ميرضنيش ان اسمي يتشطب من النقابة يا جدو، وعدت البنتين و لو اخر نفس في حياتي مش هستسلم.
ياسين(بحدة): انا خايف عليكي.
وجد: اذا كنت انا مش خايفة علي نفسي انا عارفة ان شغلة المحامين صعبة علشان كدة دخلتها...
وجد: و قولتها مرة ليك يا جدو و قولتها لكل اللي موجود بره لو حد جه اشتكي علي ابني في يوم و معاه حق هجيبله حقه.
وجد: انا اقسمت و مش هخالف بقسمي علشان مجرد ناس مش بتعتبرني اصلا بنتهم.

وجد: تقدر تقولي مين بيخاف عليا؟! انت قصي؟! بس حياتي انا متوقفة علي اتنين يا جدو.
ياسين: مُصرة صح؟!
وجد: ايوه.
ياسين(بحدة): براحتك يا وجد.
وجد خرجت بغضب من مكتب جدها و خرجت بره القصر...
رانيا: وجد هانم وجد هانم مش هتفطري؟!
وجد ركبت عربيتها و ساقت بسرعة كبيرة ناحية شركة محمد عاصم...
وجد دخلت الشركة و طلعت لمكتبه.
وجد: لو سمحت عايزة ادخل لمحمد عاصم.
السكرتيرة: في ميعاد؟!
وجد: قوليله وجد يوسف المحامية.

السكرتيرة: لحظة.
السكرتيرة دخلت و خرجت لوجد.
السكرتيرة: اتفضلي.
وجد: شكرا.
وجد دخلت المكتب و قعدت و حطت رجل علي رجل من غير و لا كلمة تحت تعجب التاني.
محمد: ده انتي داخلة بقلب جامد.
وجد: و اللي معاه الحق ميخافش. اه نسيت انت متعرفش ايه هو الحق اصلا و تعرف الباطل بس.

وجد: عموما مجتش علشان اتكلم كتير. اي تهديد خليك راجل كدة و ابعته ليا لكن هتعمل شغل الستات ده و تلف و تدور مبحبش كدة، اللعب علي المكشوف احسن و لا بتحب حكايات الستات دي.
وجد: رسالتي وصلت و انا مش هتنازل عن حق البنتين دول، اعلي ما في خيلك اركبه.
وجد مسكت شنطتها و خرجت بره المكتب و نزلت ركبت عربيتها و راحت للمكتب.

-في مكان تاني...
في فيلا المهدي...
سليم: مالك يا ماما؟!
مريم: اختك.
سليم: مالها؟!
مريم: من ساعة ما كانت بره البيت و رجعت و هي في الاوضة قافلة علي نفسها.
سليم: هو مود باهي علي الكل. كل الستات دلوقتي متضايقة.
مريم: و هو الباشا مش شايفني ست و لا حاجة؟!
سليم: ست و ست الستات يا قمراية. بس انتي واحدة عاقلة مش بنات الجيل ده.
سليم: لو البنت ضافرها اتكسر تعمل معازي. ربنا يشفي.

سليم: انا طالع اشوف كارما مالها...
سليم طلع لاوضة كارما و خبط علي الباب.
كارما: مش عايزة اكل.
سليم: هتوفري برضو بس مش عايزك للاكل.
سليم: ممكن تفتحي الباب.
سليم: و الا هشك بقي و ما ادراكي سليم المهدي يشك.
كارما فتحت الباب و بصت ل سليم.
كارما: خير اتفضل؟!
سليم: بالنسبة للشغل ايه جنابك نسيتيه؟!
كارما: تعبانة و مش قادرة اروح.
سليم: كام مرة هقولك حياتك الشخصية ملهاش علاقة بحياتك العملية.

كارما: تعبانة شوية يا سليم عادي، مكبر الموضوع ليه؟!
سليم: لانك اختي.
كارما: حبيبي روح انت الشغل و انا جاية وراك.
سليم: كارما انا ابوكي قبل ما اكون اخوكي انا عائلتك كلها يا كارما انتي حتة مني.
سليم: ارجوكي لو في حاجة تعالي قوليلي و لو مش عايزة تقوليلي قولي لنرمين او لباسل او لماما بس ارجوكي متكتميش في نفسك يا حبيبتي.
سليم حضن كارما و باس رأسها...
سليم: يا حبيبة القلب انتي.
كارما: ربنا يخليك ليا.

سليم: روحي...
سليم: يلا قومي البسي هستناكي تحت نروح مع بعض يلا يا قمر.
كارما: حاضر.
كارما: سليم هو انا وحشة؟!
سليم: مين الحيوان اللي قال كدة انتي قمر في السماء.
كارما: و طباعي؟!
سليم: انتي قمر يا كارما و القمر ساعات بيبقي هلال و ساعات بيبقي بدر مش بارادته و كذلك انتي او اي انسان بيغلط و بيتعلم و بيعمل الصح و بينجح محدش كامل يا قمري. و كمان في كل الحالات القمر اسمه قمر لو كان هلال او بدر...

سليم: يلا يا قمري بسرعة ورانا اجتماع.
سليم نزل ل تحت و كارما دخلت اوضتها و غسلت وشها و بدأت تغير هدومها.
كارما لبست جيبة قصيرة لغاية الركبة واسعة باللون الاسود و فوقها قميص باللون الاحمر تنت الاكمام بتاعته و دخلته جوا الجيبة. سيبت شعرها علي ضهرها و حطت مكياج خفيف و لبست صندل بكعب اسود.
كارما نزلت لتحت و باست خد مريم.
كارما: حبيبتي.
مريم: هو محدش بيقدر عليكي غير باسل و سليم يعني؟!

كارما(بابتسامة): معلش يا روحي، احبك.
كارما: و كمان الواحد ساعات بيحب ينعزل يلا عموما هروح الشغل مع سليم يلا باي.
سليم: باي يا ماما يلا يا قمري.
سليم مسك ايد كارما و خرجوا بره الفيلا و ركبوا العربية و راحوا لشركة باسل.
سليم: هنحضر اجتماع في شركة الباسل الاول يا حبيبتي ماشي.
كارما: طيب.
كارما و سليم نزلوا من عربية و كانوا داخلين الشركة.
احمد: سليم بيه.
سليم: مستر احمد اهلا و سهلا بيك، وصلتوا؟!

احمد: ايوه هما طلعوا و انا طالع اهو.
سليم: طيب يلا بينا.
كارما بصت لاحمد بصدمة و بعدها بصتله بغضب و حدة,احمد اتصدم من وجودها.
سليم: احم دي دي.
كارما(بحدة): انا ابقي موظفة في شركة باسل بيه و سليم بيه. و اعتقد مفيش داعي للتعارف انا مليش دعوة بالصفقة دي ده من تخصص نرمين.
كارما: عن اذنك يا سليم بيه.

كارما مشيت قدام سليم و احمد بثقة و حدة و داست علي زرار الاسانسير و لفت بصت لاحمد و ركبت الاسانسير و اختفت من قدامهم.
سليم: احم مش يلا بينا.
سليم و احمد ركبوا الاسانسير و طلعوا لاوضة الاجتماعات.
سليم: السلام عليكم بعتذر عن التأخير.
باسل: استاذ سليم بعد كدة مفيش تأخير...
سليم: اكيد.
يوسف: ادخل يا احمد.
نرمين: نبدأ استاذ باسل؟!
باسل: ابدأي يا نرمين.
سليم: اومال فين ياسين بيه؟
منصف: معرفش يجي تعب شوية.

سليم: الف سلامة، يلا نكمل.
نرمين بصت لسليم بحدة و غيظ و سليم ضحك عليها...
نرمين: نبدأ؟!
باسل: هنتكلم في الشغل بقي و الجد، يلا يا نرمين.
نرمين: تمام...

-في مكان تاني...
في القصر...
نهلة: ثريا يا حبيبتي.
ثريا: نعم يا مامي.
نهلة: اطلعي ودي طبق الفاكهة ده لقصي.
ثريا: حاضر.
ياسين نزل الجريدة اللي كان بيقرأ فيها شوية و بص ليهم باستغراب.
ياسين(باستغراب لنفسه): عجايب. بتحصل.
ثريا طلعت لقصي في اوضته و خبطت الباب.
قصي: ادخل.
ثريا: خد طبق الفاكهة ده ليك.
قصي: شكرا هي وجد جت؟!
ثريا(بقرف): لا.
قصي: طيب شكرا.

ثريا نزلت لتحت و قعدت جمب نهلة بضيق,ماجدة كانت ماسكة التابلت بتاعها و بتدور علي حاجة علي النت.
وجد دخلت من باب القصر و قعدت علي الكرسي اللي قدامهم بتعب.
ياسين بصلها و متكلمش.
ثريا: مالها قاعدة البيت بدل التعب و المرمطة دي.
ماجدة: عندك حق عندها كل حاجة و برضو بتتبتر.
وجد: و هو النعيم ده هيدوم؟! جت علينا ايام صعبة و هتيجي لان الدنيا مش بتخلص من الايام الصعبة دي.

وجد: ممكن تضطري تنزلي تشتغلي و تدوري علي الفلوس علشان تقدري تعيشي.
وجد: اللي بيحط رجل علي رجل و بيكون مستني الحاجة تيجي لغاية عنده هتزول من قدامه.
نهلة(بضيق): بطلي فلسفتك دي. كرهتيني في العيشة يا شيخة.
نهلة(بضيق): يخربيت اللي دخلك حقوق...
وجد(بلامبالاة): ابنك اللي راح قدملي في حقوق برجله.
نهلة(بعصبية): طبعا ما الكل هنا خدامين عندك.
وجد(بلامبالاة): لو شايفة نفسك كدة فليكي حرية الاختيار بقي.

ياسين(بغضب): وجد احترمي نفسك انا بسكتلك كتير بس دي مهما كانت اكبر منك.
ياسين(بغضب): احترمي نفسك.
وجد مسكت شنطتها و طلعت جري علي اوضة قصي.
قصي: افتكرتيني دلوقتي؟!
وجد: هما ليه زرعوا الكره جواك ليا اوي كدة في ايه يا قصي من امتي و احنا كدة؟!
وجد: كان كل واحد بينشغل في حياته و برضو بنرجع بنكون زي ما احنا.
وجد: ايه يا قصي فوق مش انت ده مش انت.

قصي(بدموع): انا معرفش بقيت مالي حاسس اني بلا اي فايدة حاسس اني مجرد انسان عايش معاكوا بس. انا الحقيقة المخفية انا اي حاجة مخفية. انا انا فين انا مين انا مش عارف يا وجد مش عارف نفسي حتى.
قصي(بدموع): انا فقدت القدرة علي حب نفسي زي ما انا.
وجد قربت من قصي حضنته و باست رأسه...
وجد: انت هتفضل قصي اللي حبيته بمرحه بضحكه بحزنه بدموعه بضعفه بقوته انت قصي اخويا اللي انا حبيته يا قصي انت هو.

قصي شد وجد لحضنه اكتر و دفن وشه في رقبتها.
وجد(باحراج): قصي! ممكن تبعد شوية؟!
قصي(بدموع): اسف.
قصي بعد عن وجد و وجد مسحت دموعه اللي نزلت علي خده و باست رأسه.
وجد: هتفضل انت الضهر و السند اللي بميل عليهم و اللي بشكيلهم همومي و اسراري يا قصي.
وجد(بغمزة): و كمان يلا يا عم ظبط نفسك بكرة هأخدك في احلي عشاء بص هدلعك بكرة.
قصي: من امتي الكلام ده انا بس اللي بدلع؟!
وجد: يلا يا باشا بص هروق عليك.
قصي: منتظر. يلا.

وجد: باي. خليك جاهز من 6 الصبح اليوم كله ليك.
قصي: 6 الصبح ليه رايحين نبيع لبن حرام عليكي؟!
وجد: مفاجاة اصبر عليا بس.
وجد باست قصي علي خده و خرجت من اوضته كانت هتدخل اوضتها لقت احمد طالع علي السلم.
وجد: مالك؟!
احمد لا رد.
وجد حطت دراعها علي كتف احمد و نطت و احمد بصلها.
وجد: احم لحظة يا عم بحاول اوصلك الله انت طويل كدة ليه؟! ما انا طويلة انا كمان بس انت اطول لا بقي ده مش عدل.

وجد: عموما بص يا ابني كل حاجة في الدنيا بتحصل و هتحصل لسبب اللي المفروض علي العبد لله زيك كدة تدور علي السبب و تعرفه.
وجد: و اه ارقص للدنيا و هشتكها و فرفشها كدة بص لو رقصت بذمة هتضحكلك صدقني اسمع مني بس.
وجد ضربت كتف احمد بكتفها و ضحكت ليه و سابته و دخلت اوضتها.
احمد(لنفسه): جيتي لعالم اناني يا وجد انتي و قصي.
احمد دخل اوضته و قفل الباب.
Flash back.
احمد استأذن علشان يدخل الحمام و خبط في كارما.

كارما(بحدة): ايه عميت يا استاذ في ايه؟!
احمد: اسف.
كارما(بحدة): اعتذارك مش مقبول.
احمد(بملل): ايوه المفروض اعمل ايه يعني؟!
كارما(بحدة): كل واحد يأخد حقه.
احمد: مش فاهم.
كارما ضربت احمد قلم علي وشه بغضب.
كارما(بحدة): بعد كدة ما تتكلمش علي تربية حد و انت متعرفش حاجة.
احمد بص بغضب لكارما و كان لسة هيتكلم بس لمح في عيون كارما دموع.
كارما(بحدة): و اتعلم ازاي تطيب خاطر حد او تتعامل حلو ازاي؟!

كارما بصت لاحمد و سابته و مشيت.
احمد حط ايده علي خده و افتكر كلام مامته.

نهلة: اياك توطي لحد. اياك خليك دايما رأسك فوق في السماء اياك تسمح لمخلوق يهينك او يضايقك.
نهلة: اللي يزعلك زعله اضعاف و اللي يحاول يمسْك بسوء امحيه علي وش الدنيا.
نهلة: و اللي يوديك قلم اديه عشرة يا احمد.
نهلة: انت مش ضعيف انت من عائلة الصياد.

احمد بص علي كارما و هي ماشية و كان هيروح وراها بس تماسك و حط ايده في جيبه.
احمد(بتنهيدة): طيب يا. حتى معرفش اسمك.
احمد راح للاجتماع و كملوا كلام و هو بيفكر...
Back.
احمد دخل الحمام خد دوش و خرج غير هدومه و نام علي السرير...
عند وجد.
وجد دخلت غيرت هدومها و خرجت البلكونة بتاعتها لقت ماسدج من رقم فيها رسالة تهديد ضحكت و قفلت التليفون.

وجد دخلت اوضتها و قعدت علي السرير و بدأت تستعد للنوم و اول ما قفلت النور لقت ماسدج لموبايلها مسكته.
باسل: - ممكن نتقابل بكرة؟! .
وجد: - بعتذر لا هخرج من ابن عمي.
بايل: - و لا يهمك تتعوض، تصبحي علي خير.
وجد: - و انت من اهله.
وجد قفلت مع باسل و نامت نوم عميق.
في الصباح الباكر.
وجد لقت المنبه بيرن الساعة 5: 30.
وجد(بنوم): اوف بقي. ادي اخرة اللي يظبط يوم خروج.

وجد قامت من علي السرير و قفلت المنبه دخلت الحمام غسلت وشها كذا مرة علشان تفوق و خرجت تغير هدومها...
وجد لبست بنطلون بيتي باللون الرمادي و فوقه تي شيرت ب ¾ كم مايل من علي الكتف اليمين باللون الابيض قصير لغاية الخصر و واسع,وجد لبست كوتشي ابيض و عملت شعرها علي شكل ديل حصان.
وجد خرجت من اوضتها راحت لاوضة قصي و بدأت تصحيه.
وجد: يلا يا باشا.
قصي(بنوم): وجد سيبيني.
وجد: ياض قوم يلاااااااا.

قصي: اوف يا وجد في ايه بقي حرام عليكي.
وجد: خلاص مفيش خروجة خالص.
قصي: لا خلاص تعالي.
قصي: ايه ده في ايه؟!
وجد: ايه؟!
قصي: هو انتي هتخرجي كدة؟
وجد: لا يا باشا هنجري و بعدها نلعب ملاكمة مع بعض و بعدها نبقي نطلع نغير هدومنا، يلا مستنياك في الجنينة.
قصي: طب لما تيجي انتي و انا من هناك ابقي صحيني اروح معاكوا.
وجد: هتجري يلا قوم.
قصي: حرام عليكي في ايه بتعذبيني ليه؟
وجد: و هنلعب ملاكمة.
قصي: و تخرشمي وشي.

وجد: و هو ده ضرب قوم يا كسولي.
وجد: هستناك في الجنينة.
وجد نزلت للجنينة,قصي قام غير هدومه لترنج رياضي و نزل لتحت.
قصي: هي باينة من اولها انتي نمتي يا بيضة.
وجد(بنوم): انا لا يلا بينا.
قصي: قومي يا اختي قومي.
وجد و هي خارجة من القصر لمحت سعد اللي بصلها و هي بدأت تجري هي و قصي.
بعد فترة طويلة من الجري لوجد و لقصي.
قصي(و هو بينهج): تحبي نجري في المحيط الهندي و نعديه و لا ايه النظام معاكي؟!

وجد(و هي بتنهج): اجري و انسي اي حاجة. و متخلنيش اتشتت في التفكير.
قصي(و هو بينهج): خير حضرتك بتفكري في ايه؟!
وجد(و هي بتنهج): قضية مهمة جدا و متعلقة باسمي.
قصي(و هو بينهج): لا انا بموت.
قصي وقع في الارض و قعد و وجد وقفت و حطت ايديها علي ركبتها و كانت هي كمان بتنهج.
قصي: حرام عليكي في ايه يا شيخة حرام؟!
وجد: تعبت؟!
قصي: لا يا شيخة بعد ده كله لسة بتسألي.
وجد: يلا بينا قوم نرجع.

وجد و قصي قاموا و بدأوا يمشوا لغاية ما رجعوا القصر و دخلوا اوضة الرياضة...
وجد: خد البس القفازات.
قصي: استر يا رب.
وجد و قصي طلعوا الحلبة و بدأوا يضربوا بعض و يلعبوا ملاكمة.
وجد: قصي بص وراك الحق.
وجد: قولتلك القاعدة الاول في اللعب ما توديش ضهرك لعدوك.
وجد ضربت قصي في رأسه و بدأوا يلعبوا مع بعض.
وجد: تعبت يلا نفطر و بعدها نكمل خروج يلا بسرعة قبل ما نشوف وشهم.
وجد و قصي خرجوا بسرعة بره القصر...

عطيات: الفطار جاهز ليكوا يا هانم.
وجد: شكرا يا قمري. هنطلع نغير.
وجد: جيب معاك بدلة و البس دلوقتي اي تي شيرت.
وجد طلعت اوضتها غيرت هدومها و لبست طقم عادي عبارة عن بنطلون واسع اسود و فوقه تي شيرت ابيض بنص كم و فوقه سويت شيرت اصفر مفتوح و سيبت شعرها علي ضهرها.
وجد نزلت لقت قصي بيأكل قعدت كلت معاه...
وجد: عطيات زي ما قولتلك قوليلهم خرجوا و مش عايزين ازعاع و هنقفل التليفون.
عطيات: حاضر يا هانم...

وجد: يلا يا باشا.
وجد ركبت العربية و معاها قصي و راحت لملجأ.
قصي: مكاني المفضل يا وجد.
وجد: يا باشا طبعا.
الاتنين قعدوا يضحكوا و يهزروا و يلعبوا مع الاطفال و قضوا النهار كله معاهم...
وجد: خش غير يا باشا.
قصي دخل اوضة و بدأ يغير هدومه.
قصي لبس بدلة باللون الاسود و قميص ابيض و جذمة باللون الاسود.
وجد برضو هي كمان دخلت اوضة و بدأت تغير هدومها.

وجد لبست فستان باللون الاسود ب ¾ كم من القماش الدانتيل لغاية الخصر و بعدها نازل بوسع لغاية الركبة بكذا طبقة من الشيفون و لبست صندل بكعب رصاصي,سيبت شعرها علي ضهرها و حطت روچ احمر غامق.
قصي اول ما شاف وجد صفر و حضنها.
قصي: حاسس نفسي حبيبك لحظة.
وجد(بضحك): طب يلا.
وجد و قصي خرجوا و راحوا مطعم شيك و بدأوا يتكلموا و يضحكوا و يأكلوا...

-في مكان تاني...
في القصر.
ماجدة(بغضب): هي دايما كدة مش بيهمها حد.
يوسف(بحدة): هي برضو لسة مرجعتش. الساعة 9.
ياسين: طالما هي بلغت عطيات خلاص.
ياسين(لنفسه): بتحبي تجيبي المشاكل لنفسك يا وجد.
ثريا(بغضب): ما تغور في داهية لوحدها دي واخدة معاها اخويا.
نهلة(بحدة): لما تيجي لازم تعلموها الادب ان شاء الله تحبسوها تعذبوها...
منصف(بحدة): دي عيارها فلت علي الاخر من امتي ده.
يوسف(بغضب): اللي جايبالي الكلام.

احمد(بحدة): خلاص لما تيجي ابقوا اتصرفوا.
رانيا: ياسين بيه ياسين بيه في جماعة بره و في واحد منهم بيقول انه اسمه باسل الانصاري...
ثريا(بلهفة): باسل!
ثريا طلعت بسرعة علي فوق و بدأت تظبط المكياج بتاعها و نزلت جري.
الكل كان مستغرب حضور باسل دلوقتي.
ياسين: دخليه.
باسل دخل و كان معاه نيرمين و سليم و مريم.
باسل: بعتذر علي وجودي بدون ميعاد او اذن.
يوسف: لا و لا يهمك اتفضل.
نهلة: اقعدوا اقعدوا.

ماجدة: عطيات اعملي قهوة.
عطيات: حاضر.
نهلة(بهمس): روحي انتي اللي قدميها يلا بسرعة.
ثريا: حاضر يا ماما.
ياسين: بس الفضول قاتلني ايه سبب الزيارة دي.
باسل: نسيت اعرفكم دي مدام مريم المهدي تعتبر امي و دي نرمين صاحبتي و اختي هي و سليم.
باسل: بما اننا اتعرفنا.
باسل: و اكيد انا غني عن التعريف هنا.
وجد(بضحك): اهو عشيتك ببلاش يا عم مش عايزة اسمع صوتك من هنا للسنة الجاية.

قصي: الله يرحم ما انا بأكلك كتير و مش بأخد فلوس.
وجد(بضحك): خلاص يا عم هنفضح بعض و لا ايه.
قصي: انتي اللي بدأتي.
وجد و قصي كانوا وصلوا للقصر و استغربوا من الزيارة.
ماجدة كانت مبسوطة ان وجد لابسة فستان و شيك,يوسف كان بيبص ليها بغضب.
سليم: احم.
باسل: اه احم انا جيت النهاردة و جاي اطلب من حضرتك ايد الانسة وجد.
الكل سكت مفيش غير صوت الكوبايات و هي بتتكسر من ايدين ثريا.

الفصل التالي
جميع الفصول
روايات الكاتب
روايات مشابهة