رواية النور والكابوس للكاتبة سلسبيل كوبك الفصل الثامن عشر

رواية النور والكابوس للكاتبة سلسبيل كوبك الفصل الثامن عشر

نبدأ فصلنا...
باسل و وجد خلصوا جلسة التصوير.
باسل(بهمس): وزعهم.
سليم: طيب.
باسل مسك ايد وجد اللي كانت بتتكلم مع خديجة و شدها وراه.
وجد: آه براحة بتشد حمارة.
باسل: يلا يا وجد.
باسل فتح باب عربيته و ركب وجد و ركب جمبها...
باسل: اطلع.
وجد: طب هما مش هيجوا؟!
باسل: يجوا فين يا وجد؟! خلاص اليوم خلص.
وجد(بتعب): عايزة انام اوي.
وجد حطت رأسها علي كتف باسل و باسل حط ايده علي خدها بحب و باس رأسها.

بعد فترة وصلوا ل فيلا باسل.
باسل نزل فتح الباب ل وجد و وجد نزلت و دخلوا الفيلا.
وجد دخلت بخجل مع باسل و وقفوا في نص الفيلا.
وجد(بتوتر): هو مش كان في ناس بتشتغل هنا هما فين يا باسل؟!
باسل(بحب): وزعتهم علشان اعرف استفرد بيكي.
وجد(بتوتر): ليه بس كدة؟!
باسل: هو ايه اللي ليه يا وجدي؟!
باسل بدأ يقرب من وجد و هي ترجع لورا لغاية ما لزقت في الحيطة و باسل حط ايديه جمب رأسها و مال عليها بوشه.

باسل: انا كنت محترم لاخر لحظة.
وجد: خليك محترم علطول.
وجد باست باسل علي خده و نزلت من تحت ايده و بعدت عنه...
باسل: طب تعالي غيري هدومك...
وجد: شاورلي بس علي الاوضة و انا هطلع ا.
وجد شهقت لما لقت باسل شالها بين ايديه و طلع للدور التاني,وجد حاوطت رقبته بايديها و فضلوا باصين لبعض.
باسل قرب من وجد و (لخيالكوا)...
باسل: بحبك.
باسل طلع لاوضته و حط وجد علي السرير,وجد رجعت لورا شوية و هي بتبص ل باسل.

باسل: وجد خشي غيري هدومك يلا.
باسل: هغير في الاوضة اللي جمبك.
وجد: طيب.
باسل دخل الاوضة التانية و بدأ يغير هدومه باسل لبس شورت باللون الاسود و تي شيرت باللون الرمادي بنص كم.
باسل راح ناحية اوضته و خبط علي الباب و دخل.
باسل(برفعة حاجب): مغيرتيش ليه؟!
وجد مسكت فستانها و قامت وقفت علي السرير.
وجد: بص يا عم ارجع في البيعة انا برفض.
باسل(برفعة حاجب): بترفضي ايه؟!
باسل سند علي الحيطة و هو مربع ايده.

وجد: بص يا عم انا خلاص كدة، الغي رحلتي.
باسل قرب من وجد و وجد نزلت جري من علي السرير و اللي بيفصل بينها و بين باسل السرير.
باسل: وجد تعالي بالذوق نتكلم و نتفاهم.
وجد: لا يا عم خليك عندك.
باسل: استغفر الله العظيم وجد احنا لسة في بداية اليوم و غير اننا صاحين من بدري و بنجهز في حاجات و الفرح و تعب و رقص و كلام. متهديش حيلي يا بنتي.
وجد: برضو لا.
باسل: طب تعالي و مش هعملك حاجة.

وجد: انت قولت هتعاقبني علي الفستان؟!
باسل: يا ستي في داهية الفستان خلاص يوم و عدي تعالي بقي قربي.
وجد: تؤ تؤ. انت هتنام علي الكنبة دي لاما علي الكنبة اللي بره و انا بفضل الكنبة اللي بره.
باسل: و الله؟! طب تعالي بقي.
باسل عدي من علي السرير و كان هيروح لوجد بس وجد جريت بعيد عنه و كانت شايلة فستانها بايديها علشان تعرف تجري.
باسل: يا بنتي هو لعب عيال و خلاص في ايه يا وجد اهدي و اعقلي كدة.
وجد: نلعب؟!

باسل: اممم يا تري هنلعب ايه جنابك؟!
وجد: انا جايبة بنك الحظ و كوتشينه و شطرنج و لعبة الثعبان. بص انا معايا كل ما تتخيله اخيرا هلعبهم مع جوزي.
باسل: هلعبك لعبة احلي تعالي انتي بس يا روحي.
وجد: تؤ برضو. خليك عندك كدة انا قولتلك الغي رحلتي.
باسل: طيب يا وجدي و انا مش هضغط عليكي بس اهدي كدة و بلاش تخافي مني.
وجد: انا مش خايفة حد قالك اني خايفة انا مش بخاف مش خايفة مين دي اللي خايفة...

باسل: يا بنتي تعالي ربنا يهديكي.
وجد: لا مش واثقة فيك...
باسل: وجد كلمة واحدة تعالي هنا.
وجد: لا.
باسل جري ناحية وجد و وجد جريت ناحية الباب حاولت تفتحه معرفتش.
وجد لقت باسل حضنها من ضهرها و ضمها ليه و باس كتفها...
باسل: حبيبتي خايفة مني ليه؟!
وجد(بخجل): مش خايفة.
باسل باس وجد علي خدها و لفها ليه وجد كانت حاطة رأسها في الارض باسل رفع دقنها ليه.
باسل: تحرميني من اني ابص في عيونك الحلوة دي ليه؟!

وجد(بخجل): انا عايزة اروح.
باسل ضحك علي وجد و تصرفاتها و باس رأسها.
باسل: حبيبتي متخافيش مني خالص.
باسل(بضحك): مش بعض يعني...
باسل: يلا روحي غيري هدومك.
وجد: لا خليني بيه شوية انا مبسوطة بيه.
باسل: كل فترة هخليكي تلبسيه وعد مني ممكن بقي تخشي تغيري.
وجد: باسل.
باسل: يا عيون باسل.
وجد(بخجل): انا مكسوفة اوي و عايزة اروح.
وجد خبت وشها في صدر باسل اللي ضحك عليه و باس رأسها و بدأ يملس علي شعرها و ضهرها.

وجد(بتوتر): باسل ضهري.
باسل(بحب): حبيبتي.
وجد(بتوتر): نعم!
باسل(بحب): طول ما انا معاكي مش عايزك تخافي، و يلا لفي علشان افتحلك الفستان.
وجد لفت ببطء ل باسل و باسل و بدأ يفتح ليها سوستة الفستان و بدأ ينزل الفستان من علي اكتافها و وجد غمضت عينيها بخوف.
باسل وطي و شال وجد و راح ناحية السرير.
باسل: وجدي.
وجد فتحت عينيها ببطء و بصت ل باسل,باسل قرب من عيونها و باسها و...

-في الصباح الباكر...
في القصر...
يوسف: مالك يا ماجدة بتفكري في ايه؟!
ماجدة: المفروض اكلمهم و اطمن عليهم و لا استني شوية و لا ايه انا مش عارفة.
يوسف: سيبيهم دلوقتي يا ماجدة زمانهم نايمين اتصلي علي اخر النهار كدة.
ماجدة: ابقي اتكلم مع اخوك يخلي مراته تبعد عني هي و بنته، في الراحة و الجاية تقولي ده كان عريس بنتي.
ماجدة: في مرة همسك اي حاجة و اضربها بيها.

يوسف: برضو ان باسل الانصاري يتجوز بنتنا حاجة صعبة يا ماجدة علي اي حد و ما بالك ب نهلة و ثريا.
ماجدة: شوفت البت انتحرت ازاي؟!
يوسف: هبلة، يلا هنزل انا علشان الشركة.
ماجدة: طيب لما اكلمهم ابقي اكلمك.
يوسف: طيب.
يوسف خد حاجته و خرج بره اوضته و راح للشركة بتاعته...
عند منصف و نهلة.
منصف: مالك يا حبيبتي؟!
نهلة(بضيق): هو في ايه غير ان بنت الحرباية اتجوزت باسل.
منصف حاوط وش نهلة بين ايديه و باس رأسها.

منصف: نهلة متنسيش انه مهما كان الرابح اللي هيعود هيعود علينا كلنا علي عائلة الصياد.
نهلة(بغيظ): بس لا برضو يا منصف انت مش شا...
منصف قرب من نهلة و (لخيالكوا).
منصف: حبيبتي ايه رأيك نسافر اي حتة بره البلد نغير جو؟!
نهلة: يا منصف.
منصف: انا هخلي احمد يحجز التذاكر و هنسافر في اقرب فرصة.
منصف باس خد نهلة و سابها و نزل لتحت لقي ياسين و قصي قاعدين علي السفرة.
منصف: مالكوا في ايه؟!
قصي: وجد مشيت و وحشتنا اوي.

منصف: كل بنت مصيرها تتجوز.
منصف: عطيات فين الفطار؟!
عطيات: هنحطه اهو يا باشا.
عطيات و رانيا بدأوا يحطوا الاكل علي السفرة و التلاتة بدأوا يأكلوا...
احمد كان نازل من اوضته لقاهم قاعدين ساكتين.
احمد: في ايه يا جدعان؟!
ياسين: وجد.
احمد: مالها؟!
قصي: وحشتنا...
احمد: لا حول و لا قوة الا بالله. في ايه سيبوها تنبسط مع جوزها...
احمد قعد و بدأ يأكل لقي تليفونه بيرن. الخط اتفتح.
كارما: الحقني.

احمد: خير مصيبة ايه المرة دي؟!
كارما: العربية عطلت في نص الطريق.
احمد: حد قالك اني ميكانيكي؟! اتصلي بميكانيكي.
كارما: مش بيرد. و انا واقفة خايفة حد يضايقني.
احمد: اللهم طولك يا روح.
احمد قام و خرج بره القصر و هو بيتكلم مع كارما.
احمد: انتي فين بالظبط؟!
كارما: في.
احمد: كان مالي انا؟!
كارما: صاحبتك انا و لا مش صاحبتك؟! ده احنا راجعين في نفس العربية من الاسكندرية.
احمد: كانت سفرية سودة اقفلي يا بت.

احمد قفل في وش كارما و ركب عربيته و راح ليها.

-في مكان تاني.
في فيلا المهدي.
سليم: مالك؟!
مريم: بفكر.
سليم: في ايه؟!
مريم: يا تري حياتهم هتبقي عاملة ازاي؟!
سليم: اكيد مشاكل شوية يعني الحياة مش كلها وردي.
مريم: يا رب تكون مجرد شوية مشاكل يا سليم.
سليم: اهدي يا امي في ايه بس؟!
مريم: ما تسيب اللاب شوية يا سليم قاعد عليه بقالك كتير...
سليم: شغل يا ماما شغل.
مريم: هي نرمين مش جاية؟!
سليم: لا هروح ليها الشركة.
مريم: طيب يا حبيبي، قوم يلا.

سليم: هخلص اخر حاجة و قايم اهو.
سليم خلص اللي كان بيعمله علي اللاب توب و باس رأس مريم و طلع لاوضته خد دوش و غير هدومه و نزل لتحت.
سليم: يلا يا حبيبتي هروح انا لنرمين.
مريم: طيب يا حبيبي.
سليم مشي و مريم قامت دخلت اوضتها اتوضأت و صلت و كانت بتدعي ل ربنا كتير.

-في مكان تاني...
في شقة ما...
الباب خبط في بنت راحت فتحت الباب.
فيكتوريا(بالروسية): روك.
فيكتوريا حضنت روك جامد و روك باس رأسها.
ديف(بضيق,بالروسية): هنخش امتي؟! و لا الحضن هيطول.
روك(بحدة): اخرس علشان مقطعش لسانك، فيكتوريا تعتبر اختي.
روك و ديف دخلوا لشقة فيكتوريا و قعدوا.
روك(بالروسية): اخبارك يا حبيبتي؟!
فيكتوريا(بالروسية): بخير.
ديف(بضيق,بالروسية): فيكتوريا.
فيكتوريا(بالروسية): نعم.

ديف(بضيق,بالروسية): مفيش حاجة عندك اسمها كرم الضيف و لا انك مثلا تلبسي محترم لما حد يجي عندك.
فيكتوريا قامت وقفت و لفت بجسمها قدام روك و ديف.
فيكتوريا(بالروسية): ماله لبسي؟! فيه حاجة يا روك؟!
فيكتوريا كانت لابسة شورت جينز قصير و ضيق و فوقه تي شيرت بحمالة رفيعة علي الكتف و قصير واصل لخصرها بالظبط و سيبت شعرها علي ضهرها.
روك(بضحك,بالروسية): معلش يا فيكتوريا هنا غير روسيا، ديف عنده حق.

روك(بهمس): لو معجب بيها قولي.
ديف(بضيق,بهمس): يا عم اخرس.
ديف: خدي دي بطاقتك.
فيكتوريا بصت ل روك و لديف بعدم فهم.
ديف(بالروسية): دي بطاقتك الجديدة و مبقاش اسمك فيكتوريا بقي اسمك تالا.
فيكتوريا: تتا.
ديف(بالروسية): كرري معايا.
ديف: تالا تالا تالا.
فيكتوريا: تالا.
ديف: طيب مش بطال.
روك(بالروسية): فيكتوريا هبقي اكلمك تاني.
فيكتوريا(بالروسية): انا اسمي بقي تالا و لا فيكتوريا؟!
ديف قرب من تالا و مسك كتفها.

ديف: تالا بس.
روك: يلا يا ديف...
ديف بص ل تالا من تحت لفوق و سابها و مشي مع روك.
روك: فيكتوريا مش زي ما انت فاكر.
ديف(بضيق): اسمها تالا يا روك. و كمان دماغك متروحش بعيد.
روك: بقولك بس، و علفكرة.
ديف: ايه؟!
روك: تالا مسلمة.
روك سابه و مشي و ديف بص علي شقة تالا بصدمة و جري ورا روك مسكه.
ديف: احلف تالا مسلمة.
روك: ايوه.
ديف باس خد روك و جري بفرحة قدامه.
روك: المجنون.
ديف كان مبسوط و ركب العربية و روك ركب جمبه...

روك: ايه يا ابني مالك؟!
ديف: ها لا مفيش مفيش، يلا علشان نقابل نرمين و سليم...

-في مكان تاني...
عند كارما و احمد.
كارما: ها يا اسطا طمني؟!
احمد(برفعة حاجب): كارما.
كارما: حاولت الطف الجو يعني.
احمد(بحدة): اخرسي.
احمد كان خلص تصليح العربية و في شحم علي قميصه الابيض و ايديه.
احمد: تعالي اغسل ايدي.
كارما بدأت تصب لاحمد ماية علي ايده و هو بيزيل الشحم اللي في ايده و بص ل كارما لقاها بصاله و لسة بتصب ماية بس علي الارض.
احمد شد كارما من دراعها و سندها علي العربية و كارما شهقت.

احمد: خضيتك انا صح؟!
احمد مال بوشه علي وش كارما و كارما كانت بتتنفس بصعوبة...
احمد(برفعة حاجب): قلبك بيدق كدة ليه؟!
كارما: اسأله.
احمد: هو مين؟!
كارما: اللي كان السبب.
احمد ابتسم و بدأت ابتسامته تزداد و كارما بصاله هو.
احمد(بابتسامة): خلاص عرفته.
كارما(بلهفة): بجد؟! هو مين؟!
احمد(بابتسامة): الحشرة اللي علي كتفك.
كارما نطت من مكانها اول ما سمعت كلمة حشرة,احمد قعد يضحك عليها.

كارما(بفزع): شيلها شيلها ابعدها عني.
احمد: هشششش اهدي اهدي.
احمد شال الحشرة اللي كانت علي كتف كارما و رماها...
احمد: اركبي عربيتك و متتصليش بيا تاني.
كارما: و انت متلبسش القميص الابيض ده تاني.
كارما لبست نضارتها و ركبت العربية و مشيت.
احمد ابتسم و ركب عربيته هو كمان و مشي...

-في مكان تاني...
عند باسل و وجد.
وجد كانت نايمة بعمق علي بطنها علي السرير بتاع باسل و بدأت تتحرك علي السرير بتعب.
وجد شالت شعرها من علي عينيها ببطء و كانت هتكمل نوم و حطت ايديها جمبها ملقتش حد...
وجد اتعدلت في نومتها علطول و فتحت عينيها رغم انها كانت تعبانة و بصت حواليها في الاوضة ملقتش باسل.
وجد سحبت تي شيرت باسل من علي الارض و لبسته و قامت من مكانها و سمعت صوت في الحمام.
وجد: اوف وقع قلبي.

وجد لفت علشان تمشي بس باسل كان خرج من الحمام و لقاها.
باسل(بابتسامة): صباح الخير.
وجد: صباح النور، وسع عايزة ادخل الحمام.
باسل شد وجد من خصرها ناحيته و وجد لزقت فيه.
وجد: هتبلني ماية يا باسل.
باسل: مش مهم كدة كدة هندخل نستحمي.
وجد: هندخل نستحمي! ليه هو انت شايفني اني كتيرة اوي كدة.
باسل: تؤ يا لمضة انا و انتي.
وجد: ابقي اتغطي كويس و انت نايم و ابعد عني بقي علشان عايزة ادخل الحمام.

باسل قرب من وجد و (لخيالكوا).
باسل: وحشتيني.
وجد: انت قومت من جمبي امتي!؟
باسل: لسة قايم من نص ساعة.
وجد: يبقي انا ملحقتش اوحشك يا بيبي. وسع كدة عايزة ادخل الحمام.
باسل: طب هاتي التي شيرت بتاعي بقي.
وجد: تؤ هبقي اوديه ليك لما اغير هدومي.
باسل: انا عايزهُ دلوقتي مليش فيه.
وجد(بخجل): يا باسل عيب يا باسل.
باسل(بضحك): هتفضلي كدة كتير.

وجد(بخجل): باسل وسع بقي هخش اخد دوش و اغير هدومي و اقعد معاك بس سيبني دلوقتي.
باسل بدأ يرجع ب وجد ناحية السرير و وجد بصتله و بعدها بعدت عنه و جريت ناحية باب الاوضة و حاولت تفتحه.
باسل: الباب متفتحش من امبارح اصلا يا روحي.
وجد: احم باسل خليك عاقل و سيبني بقي.
باسل قرب من وجد و وجد بترجع لورا اكتر و كانت هتقع بس باسل لحقها و وقعوا هما الاتنين في الارض.
باسل(بابتسامة): جيتي لقدرك.
باسل قرب من وجد و...

بعد فترة...
وجد(بضيق): باسل.
باسل: نعم يا حبيبتي...
وجد: زهقت يا باسل عايزة نعمل حاجة جديدة.
باسل(بضحك): و هو انا و انتي كنا اتجوزنا قبل كدة مية مرة؟!
وجد(بضيق): يا رخم.
باسل شد وجد لحضنه تاني و باس رأسها.
باسل: حبيبتي شوية كدة و شوية كدة عادي يعني...
باسل: قومي يلا ادخلي خدي دوش.
وجد: انا جعانة و تعبانة.
باسل: لا اختاري واحدة لاما تعبانة لاما جعانة.
وجد: جعانة.

باسل: احسن فطار يتعملك، قومي انتي بس غيري هدومك.
وجد: طب قوم انت الاول.
باسل: يا بنتي انا جوزك قومي الله.
وجد(بضيق): شخص رخم منعدم الاحساس و الذوق.
وجد قامت جريت علي الحمام و باسل قام غير هدومه و نزل ل تحت.
وجد خدت دوش و خرجت تغير هدومها.

وجد لبست شورت ابيض قصير و ضيق و فوقه تي شيرت بنص كم بس الاكمام مايلة من علي الاكتاف و قصير لغاية الخصر مبين بطنها باللون الازرق الهادئ,رفعت شعرها علي شكل كحكة و حطت البرفيوم بتاعها.
وجد خرجت بدأت تلم هدوم باسل اللي مرمية في الارض و مسكت فستانها و حطته علي شماعه و حطته في اوضة الملابس و هدوم باسل حطتها في سلة للهدوم اللي مش نضيفة...
وجد ظبطت السرير بتاعها هي و باسل و نزلت لتحت.
وجد: باسل يا باسل.

وجد بدأت تتجول في الفيلا لغاية ما دخلت المطبخ ملقتش باسل...
وجد(بضيق): اوف بتختفي فين بقي؟!
وجد شهقت لما لقت باسل شالها من خصرها و لف بيها كتير في المطبخ و قعدها علي رخامة في المطبخ...
باسل: ايه يا بت الحلاوة دي كلها؟!
وجد(بابتسامة): شكرا.
باسل باس وجد علي رقبتها و بدأ يحط اخر كام حاجة علي سفرة المطبخ.
باسل: يلا يا وجدي نأكل.
باسل شال وجد و قعدها علي رجله و بدأ يأكل و وجد رافعة حاجبها و مربعة ايديها.

باسل: ايه يا حبيبتي مش بتأكلي ليه؟!
وجد: اكل ازاي و جنابك مقعدني كدة؟!
باسل: اتعودي يا روحي.
وجد: باسل.
باسل: قلب باسل. كُلي يلا انتي تعبانة و محتاجة تتغذي شوية. هو انتي هتبقي عروسة كدة ببلاش.
وجد ضربت باسل علي كتفه و هو ضحك ليها و بدأوا يأكلوا هما الاتنين و هما مبسوطين.
وجد و باسل شالوا الاطباق و وجد غسلتهم و نضفوا المطبخ و بعدها خرجوا من المطبخ.
باسل: انتي حلوة كدة ليه؟!
وجد: يا ربي يا ابني بطل كدة.

باسل جري ورا وجد و وجد صرخت و بدأت تجري هي كمان,وجد خرجت للجنينة و باسل طلع وراها...
باسل(بحدة): وجد تعالي هنا في جيران حوالينا.
وجد: حاضر بس ابعد عني.
باسل خد وجد و دخلوا الفيلا و وجد اترمت علي الكنبة بتعب...
وجد: لا بقولك ايه الغي رحلتي. صدقني بس.
باسل(بضحك): احنا لسة عملنا حاجة...
وجد مثلت انه اغمي عليها و باسل قعد يضحك.
وجد(بضيق): يا رخم.
باسل قعد جمب وجد و خدها في حضنه و باس رأسها...

باسل: حبيبتي انتي روحي و قلبي و عقلي و خليكي عارفة اني مش هأذيكي ابدا.
وجد: يا خوفي يا بدران.
باسل غمض عينيه و نام علي رجل وجد و وجد بدأت تملس علي شعره و باست رأسه...

-في مكان تاني...
عند ثريا...
ثريا كانت قاعدة بصمت و الباب اتفتح علطول.
نهلة: جنابك هتفضلي قاعدة كدة لحد امتي؟!
ثريا: لا رد.
نهلة: مش بكلمك؟!
ثريا(بضيق): انا تعبانة مش قادرة اتكلم.
نهلة: و جنابك عملتي كدة ليه؟!
ثريا: معملتش حاجة.
نهلة: سديتي نفسي يا شيخة منك لله.
نهلة سابت ثريا و نزلت لتحت,بعد فترة ثريا لقت اللي بيخبط و بعدها دخل.
ياسين: ممكن ادخل؟!
ثريا(بخفوت): اه.

ياسين راح قعد قدام ثريا علي السرير و مسك ايديها.
ياسين: مالك يا حبيبتي؟! فيكي ايه؟!
ثريا لا رد.
ياسين: اميرتي حبيبة قلبي انا ممكن تقوليلي مالك. قوليلي مين مزعلك و انا اجبلك حقك تالت و متلت.
ثريا لا رد.
ياسين: ريحي قلبي يا حبيبتي.
ثريا بدأت تعيط بصمت شديد و هي باصة للفراغ.
ياسين: للدرجة دي الموضوع صعب يا حبيبتي. فهميني حد عملك حاجة؟!
ثريا لا رد.

ياسين قرب منها و خدها في حضنه و هي ما صدقت و فضلت حضناه و قعدت تعيط بصوت عالي و صوت شهقاتها بيعلي كل شوية.
ياسين: يا حبيبتي احكي.
ياسين: كلميني زي ما بكلمك احكيلي و اوعدك اول واحد هيقف جمبك.
ثريا(بعياط): احكي ايه احكي ايه و انا لوحدي سبتوني لوحدي لحد لحد ما.
ياسين: احكي يا حبيبتي لحد ما ايه؟!
ثريا(بعياط): انا انا مش انا.
ياسين: امسحي دموعك دي و احكي.

ثريا بعدت عن ياسين و هي بتعيط جامد و بصت لياسين و بعدها بصت للارض و هي بتعيط بحرقة...
ثريا(بعياط): انا مش بنت.