رواية النور والكابوس للكاتبة سلسبيل كوبك الفصل التاسع عشر
ثريا(بعياط): انا مش بنت.
ياسين خد وقت علي ما يستوعب و بِعد عنها بسرعة و قام وقف.
ياسين(بصدمة): يعني ايه؟!
ثريا لا رد.
ياسين(بصوت عالي): ردي عليا يعني ايه؟!
ثريا زادت في عياطها و مردتش علي ياسين,ياسين شدها ناحيته و ضربها قلم علي وشها جامد.
ياسين(بصوت عالي): انتي عار فاهمة.
ياسين بدأ يضرب ثريا في وشها و جسمها و هي بتعيط و تصرخ.
نهلة و ماجدة جم مخضوضين.
نهلة(بانفعال): انت بتضربها ليه ابعد عنها؟!
ياسين نزل ضرب علي ثريا تاني و هو في قمة غضبه و نهلة و ماجدة بيحاولوا يمنعوه.
ياسين(بصوت عالي): سعد يا سعد. يا سعد.
ياسين(بغضب): اخرجوا بره.
رانيا راحت نادت ل سعد و سعد طلع لفوق.
سعد: نعم يا بيه.
ياسين(بغضب): عايز اتنين حراس قدام باب بنت ال و ال دي، و حراس تحت بلكونتها...
ياسين(بغضب): انت فاهم؟!
سعد: حاضر.
ماجدة: ليه كدة يا ياسين بيه؟!
ياسين(بغضب): اخرجوا بره.
ياسين زق ماجدة و نهلة بره الاوضة و ضرب ثريا برجليه.
ياسين(بغضب): هتبقي هنا زي الكلبة علشان تبقي تبيعي شرفك كويس يا بنت ال.
ياسين خرج و قفل باب اوضتها بالمفتاح وخد المفتاح.
ياسين(بغضب): يا ويله اللي هيخش ليها او يحاول، هتفضل كدة من غير و لا اكل و لا شرب فهمتوا.
ياسين سابهم و مشي و ماجدة و نهلة بصوا لبعض و راحوا لاوضة ثريا قعدوا يخبطوا عليها...
نهلة: يا بنتي قوليلي عملتي ايه؟! ردي عليا.
سعد: نهلة هانم لو سمحت توسعي.
سعد خلي في حراسين قدام باب اوضة ثريا و مشي,نهلة كلمت منصف و ماجدة برضو كلمت يوسف...
-في مكان تاني...
عند باسل و وجد.
وجد: باسل حبيبي يا باسل.
وجد لقت باسل نام و هو علي رجليها باست رأسه وكانت هتقوم بس باسل مسك ايديها.
باسل(بنوم): متسبنيش.
وجد(بابتسامة): هقوم اعمل غداء متخافش مش هسيبك...
وجد باس رأس باسل بس باسل فتح عيونه و حاوطها بدراعه.
باسل: تعالي نطلع ننام فوق.
وجد: هنطلع بس بليل احنا لسة نازلين من فوق.
الباب خبط.
وجد(برفعة حاجب): مين ده؟!
باسل: انا معرفش، يلا اطلعي انتي فوق مينفعش تظهري كدة.
وجد: طيب.
باسل قام و راح فتح الباب لقي شريهان بصلها بغيظ و غضب.
باسل: حد يجي في الوقت ده؟!
شريهان(ببرود): بنت خالتك.
باسل: شريهان امشي من قدامي علشان و ربي لو جبت اخري معاكي لاكون قاتلك.
شريهان(ببرود): مش هتدخلني يا ابن خالتي.
باسل بص ل شريهان بغضب و قرب منها ببطء و هي ترجع لورا.
باسل: مشوفش وشك يا شريهان احسنلك.
وجد: حبيبي مين جه؟!
باسل: مفيش يا حبيبتي. شريهان جت تقولنا مبروك و هتمشي اهو.
شريهان(ببرود): مبروك.
شريهان بصت ل وجد بقرف و سابتهم و مشيوا.
باسل: حبيبتي.
وجد: هما اهلك فين يا باسل؟!
وجد: مشوفتهمش.
باسل(ببرود): وجد شوفي هنأكل ايه.
وجد: اسفة لو بزعجك.
وجد طلعت اوضتها هي و باسل و قعدت علي السرير لقت باسل بيفتح الباب و راح قعد جمبها.
باسل: بابا و ماما و اخويا ماتوا.
وجد: ازاي؟!
باسل: ماما تعبت و للاسف توفت و بابا كان بيحبها مستحملش مات وراها و اخويا عمل حادثة.
وجد(بحزن): ربنا يرحمهم. انا موجودة و هعوضك متخافش.
وجد حطت ايديها علي كتف باسل و باست خده و نامت علي كتفه.
تليفون وجد رن...
باسل: مترديش علي حد.
وجد: هشوف مين بس.
وجد مسكت التليفون لقت جدها بصت ل باسل برجاء.
باسل(بتنهيدة): طيب.
الخط اتفتح.
وجد: جدو حبيبي.
ياسين(بخفوت): ازيك يا وجد...
وجد: انت كويس؟!
ياسين(بخفوت): اه.
وجد: جدو انا حفظاك يا جدو مالك فيك ايه؟!
باسل حضن وجد من ضهرها و حاوط خصرها و باس رقبتها و سند دقنه علي كتفها...
ياسين(بتعب): حبيت اقولك اني بحبك بس مش اكتر.
وجد: حبيبي يا ابو يوسف. متخافش يا عم هما يومين كدة و راجعة اقعد برضو بيتي و لا ايه.
ياسين: هيفضل بيتك يا حبيبتي. بس مش عايزك تزعلي مني.
وجد: يا عم بتقول ايه انت لسة شباب. طمني اخبار اللي عندك ايه طبعا كلهم مش مبسوطين لاني مش موجودة انا عارفة.
وجد: حبيبي.
ياسين: ربنا يخليكي يا روحي، طيب سلميلي علي باسل هبقي اكلمك تاني.
وجد: طيب يا حبيبي.
باسل: كان عايز ايه؟!
وجد: بيطمن عليا.
باسل: ده المفروض يطمن عليا انا مش انتي هو انتي رحماني.
وجد(بصدمة): يا كداب.
باسل(بضحك): حبيبتي.
وجد: طب ابعد عني كدة بقي.
باسل: حبيبتي.
وجد(بضيق): يا رخم.
باسل: طب تعالي بقي.
وجد: يا ابني اتهد شوية. انا عايزة اكل بقي.
باسل: طلبت اكل لينا بس متتعوديش.
وجد: حبيبي هو بس النهاردة لاني تعبانة.
باسل: هو احنا لحقنا يا بت.
وجد(بضحك): انت نسيت الفرح كان متعب ازاي و الفستان كان تقيل.
باسل: طيب.
باسل حضن وجد و باس رأسها و وجد حاوطت خصره بايديها...
-في مكان تاني...
في القصر.
منصف: في ايه يا نهلة جبتيني بسرعة كدة ليه؟!
نهلة: شوف ابوك حبس ثريا ازاي.
منصف: ازاي يعني؟!
يوسف(بضيق): ويعني انتوا مستنتوش لما نرجع. كان ورانا شغل.
نهلة(بعصبية): منصف شوف بنتنا...
احمد: ممكن افهم جبتوني ليه بسرعة كدة؟!
نهلة(بعصبية): افهموا بقي جدك يا احمد حبس ثريا و ضربها.
ياسين(بجمود): مالك يا نهلة متعصبة كدة ليه؟!
نهلة(بعصبية): هو ايه اللي متعصبة علي ايه؟! انت ضربت بنتي و حبستها.
ياسين(بغضب): و اكسر عضمها كمان و اقتلها...
احمد: هي عملت ايه ل ده كله؟!
ياسين(بجمود): تحب تعرف؟!
يوسف(بلامبالاة): بابا قول هي عملت ايه؟!
ياسين(بجمود): بنتك يا منصف حطت شرفنا في الارض.
نهلة شهقت و حطت ايديها علي بوقها و كانت هتقع ماجدة سندتها...
منصف بص ل ياسين بصدمة شديدة.
احمد قرب من ياسين وهو مش مستوعب.
احمد: اللي بتقوله صح؟!
ياسين(ببرود): و هكدب في حاجةزي دي...
احمد(بهدوء): هات المفتاح.
يوسف: هتعمل ايه؟!
احمد(بهدوء): جدي هات المفتاح.
ياسين طلع من جيبه المفتاح و وداه لاحمد اللي طلع جري لاوضة ثريا و فتح الباب و دخل.
ثريا كانت نايمة علي السرير بتعيط و وشها احمر و تعبانة و قامت بسرعة لما سمعت صوت الباب.
احمد دخل و قفل الباب ورا بالمفتاح.
احمد(بغيظ): شكلي دلعتك زيادة مش كدة.
احمد(بغيظ): او ممكن علشان كنت واثق فيكي.
ثريا(بخوف و عياط): انت بتعمل ايه؟!
احمد كان بيقلع الحزام بتاعه و بيلفه علي ايده و بدأ يضرب في ثريا و هي تعيط و تصرخ و الكل سامع صوتها.
احمد(بغضب): بقي تخوني ثقتي انا يا بنت ال، طبعا ما العيب مش عليكي.
احمد فضل نازل ضرب في ثريا لغاية ما اغمي عليها,احمد كان تعب من الضرب و حاسس بوجع في قلبه و خرج بره الاوضة...
نهلة(بدموع): عملت فيها ايه حرام عليكي؟!
احمد(بغضب): عملت اللي ممكن اعمله فيكي و هنسي انك امي. لان مفيش ام يا هانم تسيب بنتها لغاية ما تبيع شرفها ببلاش مع اي كلب.
احمد(بغضب): و من هنا و رايح محدش هيدخل لبنت ال دي من هنا الا بأذني.
احمد(بغضب): كلامي واضح.
الكل بصوا لاحمد و ياسين بص لاحمد بانسكار و سابهم و مشي.
احمد سابهم و خد حاجته و خرج بره القصر ركب عربيته و بدأ يلف في الشوارع...
في المطبخ...
عطيات: بتتصلي بمين؟!
رانيا: بتصل بست وجد هي اللي هتوقفهم.
عطيات: اقفلي يا بت عايزة تجيبيها يوم صباحيتها حرام عليكي.
رانيا: ما هو برضو اللي بيحصل لثريا ده حرام. دي ممكن تكون ماتت اصلا.
عطيات: يا بت امبارح كان فرحها عايزاها تيجي علي مصيبة اعقلي.
رانيا: الايام تتعوض لكن لما حد يموت مش هيتعوض. اينعم ثريا دي متستاهلش بس برضو بني آدمة.
عطيات: يا بت اهدي بس كدة و متتصليش بحد.
رانيا: انا خلاص اتصلت.
عند وجد.
باسل(بضيق): وجد اقفليه.
وجد: حاضر بس متتضايقش...
وجد مدت ايديها مسكت التليفون ولقت رانيا فاستغربت.
وجد: احم باسل.
باسل: ايه؟!
وجد: ممكن ارد علشان خاطري.
باسل: خير مين المهم؟!
وجد: دي البنت اللي بتشتغل في القصر اكيد حصلت حاجة علشان كدة اتصلت.
باسل: و نعكنن علي نفسنا ليه يا وجد؟! خلينا كدة انتي في حضني و خلاص.
وجد: علشان خاطري يا باسل.
وجد قربت من باسل باسته علي خده و هو شدها لحضنه و باس رأسها...
باسل: دقيقتين بس احسنلك.
وجد: حاضر.
الخط اتفتح.
وجد: الو.
رانيا(بتوتر): وجد هانم. انا اسفة اني كلمت حضرتك و خصوصا ان امبارح كان الفرح.
وجد: لا و لا يهمك يا رانيا، في حاجة؟!
رانيا(بتوتر): هيموتوها.
وجد(بقلق): هي مين دي؟!
رانيا(بتوتر): ست ثريا.
وجد: مالها ثريا و مين هيقتلها في ايه احكي؟!
رانيا(بتوتر): ياسين بيه نزل فيها ضرب و حبسها و بعدها استاذ احمد جه و كمل عليها و انا خايفة يكون حصلها حاجة.
وجد قامت بسرعة من حضن باسل و قامت وقفت.
وجد: الكلام ده من امتي؟!
رانيا: استاذ احمد لسة ماشي من شوية.
وجد: طب انتي تعرفي السبب؟!
رانيا(باحراج): بيقولوا انها ضيعت شرف العائلة.
وجد فتحت عينيها من الصدمة و باسل استغرب.
وجد: اقفلي انا جاية حالا حاولي متسمحيش لحد يدخلها تاني...
باسل(بغضب): رايحة فين يا وجد؟!
وجد: لازم اروح البيت يا باسل علشان خاطري.
باسل(بغضب): ممكن اعرف السبب؟!
وجد: نازلين ضرب في ثريا و شكل في موضوع كبير.
باسل(بعصبية): و انتي خدتي قرار انك تمشي بناءا علي ايه بقي؟!
وجد قربت من باسل و قعدت جمبه و مسكت ايده.
وجد: حبيبي الايام هتتعوض كتير يا باسل، و دي واحدة في مشكلة و كمان جدو و احمد ضربوها و ممكن يكون حصلها حاجة و انت طبعا عارف ضرب الرجالة.
وجد: ممكن تسمحلي اجي و تيجي معايا علشان خاطري.
باسل: قومي البسي يا وجد. بس يكون في علمك اول ما نرجع هأخد حقي تالت و متلت.
وجد: طيب.
باسل و وجد قاموا و كل واحد بدأ يغير هدومه.
باسل لبس بنطلون اسود و فوقه قميص ابيض و فوقه تي شيرت كحلي و القميص باين من اطرافه و لبس كوتشي ابيض و سرح شعره و حط البرفيوم بتاعه.
وجد لبست بنطلون جينز ضيق و فوقه تي شيرت بكم باللون الابيض قصير لغاية الخصر و لبست فوقه جاكت جلد باللون الجملي لغاية الخصر و لبست كوتشي ابيض و سيبت شعرها علي ضهرها و حطت البرفيوم بتاعها و اختارت شنطة ضهر.
باسل: مش موافق علي اللي بيحصل ده.
وجد: يلا يا حبيبي بقي معلش.
وجد باست خد باسل و شدته معاها لتحت.
باسل: انتي مش اتجوزتي مش المفروض تبقي مدام كدة و سيدة متزوجة دي انتي واحدة في جامعة...
وجد: ده استايل لبسي يا باسل. يلا بس بسرعة علشان خاطري.
باسل فتح الباب ل وجد و وجد ركبت و باسل لف ركب جمبها و بدأ يسوق ناحية قصر الصياد.
الاتنين نزلوا من العربية و دخلوا القصر و سعد شافهم و بصلهم بغضب,باسل شبك صوابعه في صوابع وجد و دخلوا القصر بعد ما رانيا فتحت.
ماجدة(بصدمة): يالهوي انتي ايه اللي جابك؟!
وجد: امي فين جدو؟!
يوسف(بحدة): انتي جيتي ليه؟! ازاي تيجي امبارح كان فرحك الناس تقول عليكي ايه.
باسل(برفعة حاجب): يوسف بيه لاحظ انك بتتكلم مع مراتي مرات باسل الانصاري...
يوسف لا رد.
ياسين: وجد! انتي جيتي ازاي و ليه؟!
وجد قربت من ياسين و حضنته و هو باس رأسها.
وجد: جدو هات المفتاح.
ياسين بعد وجد عنه و بصلها بجمود.
ياسين(ببرود): لا يا وجد، خدها يا باسل و عقلها.
وجد: و ده ظلم. هي عملت ايه؟!
وجد(بحدة): ما تردوا.
ياسين(بغضب): الهانم راحت باعت شرفها.
وجد: سمعتوا منها؟!
ياسين(بغضب): انتي بتقولي ايه؟!
وجد: جدو هات المفتاح.
ياسين: لا.
وجد سابتهم و طلعت لاوضة ثريا لقت الحارسين واقفين و حاطين عينيهم في الارض.
حارس1: يا هانم مينفعش.
وجد: ابعد عني.
وجد قعدت تخبط علي الباب و الحارس شدها بعيد عن الباب و كانت هتقع لولا باسل اللي لحقها.
باسل: انتي كويسة؟!
وجد: اه.
باسل قرب من الحارس و ضربه بوكس في وشه و زق الحارس التاني,باسل كسر الباب برجله.
وجد شهقت لما لقت ثريا مرمية في الارض و حواليها دم,وجد جريت عليها بسرعة و حطت رأسها علي رجليها.
وجد(بقلق): ثريا.
نهلة(بدموع): بنتي.
وجد(بصوت علي): اتحركوا اتصلوا بالدكتور او بالاسعاف.
منصف(ببرود): اخرك تنقذيها هنا و اللي قالك علي اللي حصل نهايته علي ايدي.
نهلة(بعياط): منصف اهون عليك و النبي بنتي.
وجد: رانيا جيبي شنطة الطب من هنا.
رانيا(بقلق): حاضر.
وجد: باسل شيلها معايا.
باسل كان باصص ل ثريا بقرف و سندها مع وجد و رماها علي السرير.
رانيا: اتفضلي يا هانم.
باسل: انتي اللي اتصلتي بينا؟!
رانيا(بخوف): ها؟!
وجد(بحدة): باسل.
ياسين(بجمود): مطرودة.
وجد: جدو.
ياسين و منصف و يوسف و باسل نزلوا ل تحت و رانيا بتعيط في حضن عطيات. نهلة قاعدة جمب ثريا و ماجدة واقفة مربعة ايديها ببرود.
وجد بدأت تمسح الدم من علي وش ثريا و بتطهر الجروح اللي في وشها و جسمها.
وجد: هاتي ماية يا رانيا و اعملي شوربة.
عطيات: هروح انا...
تحت.
منصف كان حاطط رأسه بين ايديه و مش مستوعب.
ياسين كان قاعد بيبص ليهم بجمود تام.
باسل: هنفضل قاعدين كدة؟!
ياسين(بجمود): هتسافر امريكا و لا كأننا نعرفها.
منصف(بغل): مش هتروح في حتة دي انا هقتلها.
يوسف: الدور و الباقي علي اللي معرفش يربي يا منصف.
منصف(بغل): عندك حق.
باسل(بهدوء): انا عندي حل.
ياسين: قول.
باسل(بهدوء): بس لما اعمل مشوار الاول. و الحل هيبقي بسيط و علي ضمانتي.
ياسين: ايه هو؟!
باسل: هروح مشوار بس الاول و اجي.
يوسف: انت متأكد؟!
باسل: انا يعتبر واحد من العائلة و لا ايه يا جدي؟!
ياسين: عندك حق يا ابني.
ياسين كان بيتكلم بنبرة انكسار و مش قادر يرفع عينه في عين باسل.
باسل: هروح اكلم وجد و همشي و بعدها هرجع ليكوا.
باسل طلع لاوضة ثريا و وجد لمحته قامت.
وجد: خليكي جمبها لحد ما اجي.
وجد خرجت ل باسل و خدته و دخلوا اوضتها.
وجد: ايه يا حبيبي؟!
باسل شد وجد ناحيته و حاوط خصرها بايده و مال عليها بوشه.
باسل: وحشتيني.
وجد(بتوتر): و انت كمان. بس احم يعني.
باسل: قولي اللي انتي عايزة تقوليه.
وجد: اسفة اني نزلتك النهاردة و اسفة اني دخلتك في المشكلة دي. و اكيد شكل العائلة وحش قدامك بس.
باسل: هشششش متتكلميش.
باسل: اي حاجة تخصك يبقي تخصني.
باسل: و كمان انا لقيت حل للمشكلة دي.
وجد: ايه؟!
باسل: بصي يا ستي في واحد صاحبي هخليه يتجوزها و بعدها بشهر و لا شهرين يتطلقوا.
وجد: لا يا باسل ممكن يرفض و كمان ليه نظلمه بيها.
باسل: حبيبتي متشليش هم مش هيرفض ميقدرش اصلا.
وجد(برفعة حاجب): هي عافية؟!
باسل: ايوه عافية.
باسل قرب من وجد و (لخيالكوا)...
باسل: متشليش هم يا حبيبتي.
وجد: مش هشيل الهم طول ما انت جمبي.
وجد حاوطت خصر باسل بايديها و حضنتها جامد و باسل باس رأسها...
باسل: يلا يا حبيبتي همشي انا.
وجد: طيب.
باسل قرب من وجد و باس رقبتها و خدها...
وجد: يا باسل يلا روح.
باسل: خليني شوية.
وجد: بعدين يلا بقي.
باسل باس رأس وجد و سابها و خرج بره القصر ركب عربيته و راح ل بيت صاحبه و خبط الباب.
الباب اتفتح...
باسل: دخلني.
علي بص وراه و بص علي باسل بصدمة.
علي: طلقتها! اتخانقتوا؟! انتوا لحقتوا تتجوزوا؟!
باسل ضرب علي في رأسه و دخل البيت بتاعه.
باسل: ا.
باسل سكت لما لقي بنت واقفة علي السلالم لابسة فستان قصير جدا و بتبص ليهم.
باسل(بغمزة): مش تقول انك عندك ضيوف؟!
علي(باحراج): احم في ايه؟!
باسل قعد علي الكنبة و علي جمبه.
باسل: وزعها و تعالي علشان عايزك في موضوع مهم.
علي: طيب.
علي طلع و ودي للبنت فلوس و هي مشيت.
علي: ايه اللي يخلي عريس يجي بعد فرحه بيوم ليا.
علي(بسخرية): محتاج خبرة.
باسل رفع عيونه ل علي و علي رجع خطوتين و قعد علي الكنبة و هو بيبلع ريقه.
علي: آسف ده احنا نتعلم منك يا باشا. متنساش انك دنجوان.
باسل(ببرود): اطلع غير هدومك و انزل.
علي: معلش بس في السؤال انا اسف يعني.
باسل(ببرود): اخلص.
علي: هنروح فين؟!
باسل(ببرود): هنكتب كتابك.
علي: اه ماشي.
علي كان طالع و بعدها رجع ل باسل و هو بيبصله بصدمة.
علي(و هو بيبلع ريقه): كتب كتاب مين؟!
باسل(ببرود): كتب كتابك.
علي: ليه يا ابني هو انا اذيتك في حاجة عايز تجوزني و تكتم حريتي.
باسل(ببرود): متخافش اللي هتتجوزها مش هتقولك بتعمل ايه، ممكن تجيب كمان بنات هنا في البيت.
علي: لا فهمني.
باسل(ببرود): واحدة و عايزين نستر عليها.
علي: و ملقتش غيري.
باسل(ببرود و رفعة حاجب): تقدر تقولي لا؟!
علي: لا يا كبير...
علي ضرب نفسه كذا قلم و بص ل باسل بغيظ و طلع يغير هدومه.
علي لبس بنطلون جينز و فوقه قميص ابيض تني الاكمام للكوع و لبس جذمة سودة و سرح شعره و لبس ساعته و حط البرفيوم بتاعه.
علي نزل ل باسل و باسل قام وقف و حط ايده في جيبه.
باسل(ببرود): اسمها ثريا محدش عارف غلطت مع مين و لا ايه اللي حصل. هتتجوزها لمدة بسيطة و بعدها هتطلقها و متخافش مش هتتحسب عليك جوازة. تعاملها بالطريقة اللي انت عايزها. هتبقي زيها زي الكرسي. و هتأخدها جثه يعتبر لان جدها و اخوها اتوصوا بيها اوي.
باسل: تمام؟!
علي: طيب.
باسل: كلم حد يجي ينضف البيت بتاعك و يلا علشان هنجيب المأذون في طريقنا...
باسل خد علي و جابوا المأذون و راحوا لقصر الصياد و دخلوا، عطيات بصت باستغراب ليهم.
ياسين: ايه ده؟!
باسل: علي صاحبي و هيتجوزها لمدة و بعدها هيطلقها.
يوسف: و هو وافق علي كدة؟!
علي(ببرود): عملت كدة علشان خاطر صاحبي.
باسل: نبدأ علشان المأذون عايز يمشي.
منصف(بجمود): موافق.
احمد دخل من باب القصر و لقاهم قاعدين.
احمد(ببرود): خير؟! صحيت اكتشفت ان مراتك مكنتش بنت.
باسل قام و ضرب احمد بوكس في وشه.
باسل: مراتي اشرف منك يا روح امك الدور و الباقي علي اختك...
وجد(بغضب): باسل.
وجد نزل لتحت و شدت احمد من ايد باسل.
وجد: في ايه انت و هو؟!
ياسين: اهدي يا احمد، باسل بيساعدنا.
احمد: مش عايزين مساعدة من حد. انا هتصرف.
احمد كان هيطلع لاوضة ثريا بس وجد شدته.
وجد: لو فاكر ان محدش هيقف قدامك تبقي غلطان اللي هيقرب من ثريا و ربي ليشوف مني وش تاني.
وجد: مش كفاية اللي عملتوه.
باسل(ببرود): العريس موجود يا وجد. جهزوا هدومها.
وجد: طيب.
وجد طلعت ل فوق,احمد و ياسين و منصف كانوا مكسورين و قعدوا و بدأوا يكتبوا الكتاب تحت جو متوتر.
فوق.
نهلة: ايه؟!
وجد: بيكتبوا الكتاب.
ماجدة(بسخرية): و هو مين اللي قبل ب ده؟!
وجد: صاحب باسل و محدش ليه دعوة.
ثريا بدأت تفتح عينيها و اول ما نهلة شافتها بدأت تضربها بايديها بس وجد شدتها منها.
وجد: بره انتي و هي، بره.
وجد خرجت نهلة و خرجت ماجدة و قفلت الباب و قربت من ثريا اللي كانت مكسورة اوي و مش قادرة تسند حالها.
وجد خلتها تقعد علي السرير و ملست علي شعرها بالرغم من انها كانت في قمة غضبها لما عرفت انها سلمت نفسها لحد بس و بالرغم من ده مرضيتش تقسي عليها زيهم...
ثريا(بعياط): انا.
وجد: متعيطيش اللي حصل حصل و اللي هيتحاسب انتي مش احنا.
وجد: عموما بيكتبوا كتابك تحت.
ثريا(بعياط و صدمة): ايه و لمين؟!
وجد: لحد قِبل انه يتجوزك لفترة مؤقتة. للاسف يا ثريا انتي اللي عملتي في نفسك كدة.
وجد: و انتي اللي المفروض ترجعي اللي حصل اينعم مش هيرجع زي الاول. بس الاحسن من الازاز المسكور الازاز المشروخ يا ثريا.
ثريا(بعياط): انا غبية و حيوانة انا انا استاهل. بس ارجوكي متتخليش عني ارجوكي.
ثريا(بعياط): هتغير و الله بس خليكي معايا متسبنيش زيهم...
ثريا(بعياط): ابوس ايدك.
وجد شدت ايديها من ايد ثريا و خدتها في حضنها.
الباب خبط.
وجد: ادخل.
باسل(ببرود): خلي الجثة دي تمضي.
رانيا كانت بتجهز هدوم ثريا و وجد بصت ل باسل بلوم و باسل بصلها برفعة حاجب.
وجد: خدي امضي.
ثريا مكنتش قادرة تمسك القلم كويس بس مضت.
وجد: نص ساعة و هتنزل.
تحت.
احمد(ببرود): ايا كان انت مين. ليك حق تعمل فيها اللي انت عايزه حتى لو وصلت لموتها محدش هيقولك بتعمل ايه.
ياسين سابهم و طلع اوضته كان حاسس بتعب كبير في القلب و اترمي علي السرير و هو مش قادر يأخد نفسه.
منصف(بجمود): من هنا و رايح معنديش بنت اسمها ثريا.
منصف برضو سابهم و مشي و راح الشركة.
ماجدة و نهلة كانوا قاعدين و نهلة مصدومة.
يوسف(ببرود): هروح الشغل مش فاضي.
يوسف برضو سابهم و باسل قاعد حاطط رجل علي رجل ببرود و جمبه علي مش طايق نفسه.
وجد: باسل.
وجد كانت نازلة ساندة ثريا اللي ملامح وشها اختفت بسبب اثار الضرب و نزلوا و وراهم رانيا بشنطة هدومها.
علي(ببرود): ورايا.
باسل مسك ايد وجد و ثريا بصتلها برجاء.
وجد(بهمس): خليه حنين معاها يا باسل.
باسل(بحدة,همس): وجد متخلنيش اتعصب عليكي بتحمي واحدة خاينة زي دي. احمدي ربك اني خلتها تتجوز صاحبي.
ثريا كانت هتقع بس علي مسك ايديها.
علي(ببرود): حتى مش قادرة تمشي.
علي وطي و شال ثريا بين ايديه و خرج بره القصر و مكنش طايق نفسه و هو شايلها و رماها في العربية.
ثريا(بوجع): آآآه.
علي(بسخرية): ايه يا اختي اجمدي كدة ده انتي عائلتك موصياني عليكي اوي.
الحراس حطوا شنط ثريا في العربية و علي لف ركب و بدأ يسوق ناحية بيته...
علي: انزلي.
ثريا و علي نزلوا و دخلوا الفيلا و ثريا كانت حاسة بوجع في كل جسمها و مش قادرة تمشي فقعدت علي اول كرسي لقته...
علي(ببرود): اوضتك اللي هناك دي. لو في موضوع مهم حياة او موت تكتبيلي ورقة و تعلقيها علي التلاجة اللي في المطبخ و تستني لما ارد عليكي. خروج بره البيت ممنوع علي الاقل احافظ علي شكلي و انتي علي ذمتي الله اعلم هتعملي ايه و انتي بره، اجيب ستات مجبش ملكيش فيه و ملكيش انك تتكلمي اصلا. و الاكل ابقي اعمليه نفسك.
علي(ببرود): اخفي من وشي مش طايق اشوفك.
علي ساب ثريا و طلع للاوضة بتاعته اللي فوق و غير هدومه و نام علي السرير بهدوء.
عند ثريا.
ثريا قعدت تعيط و هي تعبانة و كانت صعبانة عليها نفسها و مسكت شنطتها و دخلت الاوضة اللي علي شاور عليها حطت الشنط فيها و قفلت الباب عليها و قعدت علي السرير تعيط لغاية ما نامت من التعب و التفكير...
-في مكان تاني...
عند نرمين و سليم...
سليم: نرمين.
نرمين: ها؟!
سليم: تفتكري اللي بنعمله صح؟!
نرمين: معرفش يا سليم.
سليم: انا خايف.
نرمين قامت و قربت من سليم و قعدت علي ركبها و مسكت ايده.
نرمين: متقولش انا خايف دي ابدا. انا بقوي بيك يا سليم.
نرمين: انت اخويا انت السند اللي ورا ضهري.
نرمين: كل الامور هتتعدل و انا متأكدة انه الحزن مش هيدوم و هتتعدل متخافش.
سليم حضن نرمين جامد و باس رأسها.
سليم: بحبك.
نرمين: و انا كمان. و يلا بقي انت قولت هتعزمني النهاردة فين ده بقي يا كداب.
سليم: احلي مكان و احلي اكل علشان خاطر عيونك يلا.
سليم مسك ايد نرمين و كل واحد خد حاجته و خرجوا بره الشركة.
سليم(برفعة حاجب): مالها البت دي؟!
نرمين: معرفش.
سليم: كارما.
كارما(بخضة): ايه؟!
نرمين: مالك باين انك قلقانة.
كارما: لا مفيش انا بخير.
سليم: متأكدة؟!
كارما: ايوه.
سليم: طيب.
سليم شد نرمين و خرجوا ركبوا العربية و راحوا لمطعم.
كارما(بقلق): رد بقي يا احمد.
-عدي اسبوع و نص.
باسل و وجد في قمة انبساطهم و باسل منزلش شغل لسة,علي مشافش ثريا من يوم كتب الكتاب و هي مخرجتش من الاوضة من ساعتها الا للاكل,ياسين بانت عليه آثار التعب علي وشه,قصي محدش يعرف عنه حاجة و تليفونه مغلق,منصف مش بيقدر يرفع عينه في عين يوسف و كذلك نهلة,احمد بيرجع سكران كل يوم و محدش بيقدر يتكلم معاه و كارما مش عارفة تتواصل معاه,نرمين و سليم شايلين شغل الشركة بدل من باسل.
وجد كانت واقفة في المطبخ حاسة بصداع و كانت بتشرب عصير.
باسل: حبيبتي.
وجد(بخضة): ايه يا باسل حد يجي كدة؟!
باسل(باستغراب): هو انا عملت حاجة؟!
وجد: اسفة يا حبيبي.
وجد حضنت باسل و باست خده.
باسل: صاحية بدري ليه؟!
وجد: حاسة بصداع في دماغي.
باسل: طب اقعدي هعملك عصير.
وجد: لا شربت.
باسل: اشربي تاني. باسل عمل عصير ل وجد و شربه ل وجد...
باسل: حبيبتي همشي انا علشان في شغل متعطل. و الخدامين هيجيوا كمان شوية.
وجد: طيب و انا بكرة كدة او بعده هرجع المكتب.
باسل: تؤ تؤ انتي مش هتتحركي من البيت ده قبل شهر.
وجد: يا باسل انت مبتزهقش مني.
باسل: تحبي اثبتلك طيب و لا اعمل يا بنتي اتهدي و قولي انا هديت.
باسل باس رأس وجد و خرج بره الفيلا,وجد كانت قاعدة بزهق في البيت.
وجد كانت قاعدة لقت الخدامين بيدخلوا من باب الفيلا.
امل: مساء الخير يا هانم...
وجد: مساء النور...
عامر: السلام عليكم.
وجد: عليكم السلام.
و باقي الخدام دخلوا و كل واحد بدأ يشوف شغله و وجد طلعت اوضتها نامت بسبب الصداع...
-في مكان تاني...
عند احمد...
احمد كان قاعد بيشتغل لقي اللي بيدخل عليه فجأة.
كارما(بغضب): ابعدي.
احمد(بحدة): صفية اخرجي.
احمد بص ل كارما ببرود تام و كمل شغله...
كارما(بغضب): ايه يا باشا مهانش عليك ترد عليا و لو مرة.
احمد لا رد.
كارما(بغضب): ايه انا هواء مثلا.
كارما قربت من احمد و مسكت دراعه.
احمد(ببرود): و هو ايه اللي بيربطني بيكي؟!
كارما(بغضب): افندم؟! نسيت اننا قررنا نبقي صحاب.
احمد(ببرود): ايوه نسيت...
كارما بعدت عن احمد بمسافة بسيطة و بصتله و عيونها دمعت و كانت هتمشي بس شهقت لما احمد شدها و قعدها علي رجله...
كارما(بضيق): وسع كدة.
احمد قرب من كارما و (لخيالكوا).
كارما زقته و ضربته قلمين ورا بعض بغضب...
كارما(بغضب): بكرهك و مش عايزة اشوف خلقتك.
كارما سابت احمد و جريت علي بره الشركة.
احمد(لنفسه,بضيق): مش زيهم يا غبي.
احمد قام بسرعة و خد حاجته و خرج بره المكتب نزل علي السلالم و وقف قدام الاسانسير و كارما كانت خارجة.
كارما مشيت من قدام احمد و هي بتعيط و احمد خرج وراها.
احمد: ممكن تقفي؟!
كارما كملت مشي لغاية ما وقفت قدام عربيتها و لسة بتفتح الباب احمد قفله.
احمد: ممكن تسمعيني؟!
احمد: علشان خاطري.
كارما كانت واقفة بتعيط و باصة في الارض احمد رفع دقنها.
احمد: انا اسف اسف يا كارما...
احمد: معرفش عملت ازاي بس انا افتكرت. افتكرت انك.
احمد: انك زي اختي. انا اسف.
كارما(بعياط): و هو ايه دخل اختك في الموضوع؟!
احمد(بانكسار): اختي كسرتنا و خدعتني انا و اهلي.
كارما(بعياط): بس اللي انت عملته ده حرام و احنا بس صحاب.
احمد(بابتسامة بسيطة): يا بت.
احمد(بغمزة): يعني و علي اساس انا مش واخد بالي.
كارما(بخجل): ايه؟!
احمد(بغمزة): انك مثلا معجبة بيا.
كارما بعدت عن احمد و هي بتخبي وشها بين ايديها بخجل و احمد ضحك عليها و علي خجلها.
احمد: اتمني متزعليش مني انا اسف يا كارما، و.
كارما: و؟!
احمد(بأسف مصطنع): يعني بعد اللي حصل بينا يعني كدة انا اتدبست و لازم اتجوزك يا مصيبة انتي.
كارما ضربت احمد في كتفه و احمد ابتسم و كان هيحضنها بس كارما بعدت عنه بسرعة.
احمد(بخبث): اتقلي انتي براحتك كدة بس مترجعيش تلومي نفسك...
كارما: طب هو اهلك هيوافقوا؟!
احمد: طبعا بس هنأجل الموضوع ده معلش يا حبيبتي.
كارما: قولت ايه؟!
احمد: قولت تروحي يلا و متلبسيش الجيبة دي تاني. يلا من هنا هرش ماية.
كارما ضحكت و كانت هتركب احمد باس رأسها و هي ركبت بخجل و مشيت من قدامه بسرعة و هو ابتسم علي تصرفاتها...
احمد: يا رب اقدر اسعدك يا كارما.
احمد طلع لشركته تاني و هو حاسس بحاجة جديدة او بشعور مختلف حاسس بانه مبسوط و مرتاح.
-في مكان تاني...
في بيت علي.
ثريا كانت واقفة في المطبخ بتأكل حاجة بسيطة عملتها,علي نزل من اوضته و دخل المطبخ لقاها واقفة و مودياه ضهرها.
تليفون ثريا رن، الخط اتفتح.
ثريا(بغضب): خير عايز ايه؟!
(بسخرية): في ايه يا حلوة ما تهدي كدة. ده انا كنت بطمن عليكي.
ثريا(بغضب): قسما بربي لو شوفتك قدامي او اتصلت بيا هقتلك.
ثريا(بغضب): و متنساش اني متجوزة.
(بسخرية): فاكراني مش فاهم اتجوزتي ازاي و ليه علشان اتفضحتي يا بيضة ما انتي اللي غبية اوي. سلمتيلي نفسك و فلوسك و انا عايش ملك.
ثريا(بغضب): هقتلك و لو جوزي عرف برضو هيقتلك.
(بسخرية): لا ضحكتيني. ده لو يطول يقتلك هيقتلك و هو حد بيقبل انه اللي هيتجوزها هتبقي بال اللي انتي فيها.
ثريا(بغضب): بكرهك و بكره اليوم اللي شوفتك فيه. اشوف فيك يوم.
(بسخرية): كله كان بمزاجك يا حلوة مغصبتكيش علي حاجة. ده انتي وصلت بيكي البجاحة يا بت اني كنت ببات معاكي في اوضتك و في بيتك...
ثريا(بغضب): ا.
ثريا شهقت لما علي شد منها التليفون و شاور ليها بمعني تسكت.
علي(بهدوء): ايا كان انت مين اه اسف اختارت تعبير غلط ايا كنتي انتي مين يا بيضة متتصليش تاني.
علي(بهدوء): بدل ما اكتم حسك بايدي. و متختبرش صبري انا هادئ جدا بس زي ما بنسميه الهدوء اللي قبل العاصفة.
علي(بهدوء): تنسي انك كنت تعرف واحدة اسمها ثريا. فاهمني.
علي قفل في وش الشخص ده و رمي التليفون في وش ثريا اللي هي كانت خايفة منه.
علي قرب منها ببطء و هي رجعت لورا و كانت خايفة اوي من علي.
ثريا(بخوف): انا كنت بقوله ينساني و ميكلمنيش تاني.
ثريا كان وراها رخامة و معرفتش تتحرك و علي قرب منها و لزق فيها و حط ايده علي الرخامة اللي جمبها.
ثريا(بدموع): و الله انا عارفة اني غلطانة بس.
ثريا سكتت لما لقت علي جاب كوباية من فوق رأسها و مال بوشه عليها.
علي(ببرود): مش قولتلك حسك مسمعهوش طول ما انا موجود.
ثريا هزت رأسها بضعف و انسكار و هي بتعيط بصمت.
علي(ببرود): دموع الندم دي مش هترجع شرفك.
ثريا رفعت عينيها في عيون علي بضعف و علي كان لاول مرة يشوف ملامحها عن قرب و كمان بعد ما بعض الجروح راحت من وشها.
- ثريا كانت متوسطة الطول و شعرها قصير لبعد رقبتها باللون الاسود و بشرتها بيضاء و عيونها باللون العسلي,كانت رغم بساطتها جميلة بس استغلت جمالها بطريقة غلط.
علي قرب من ثريا و (لخيالكوا)...
ثريا اتصدمت و غمضت عينيها و علي برضو غمض عيونه و مكنش مستوعب اللي بيعمله و بعد عنها بسرعة.
علي(بسخرية): طلع معندكيش مانع لاي واحد.
علي ساب ثريا و طلع لاوضته و قفل الباب و هو مش مصدق اللي عمله.
ثريا عيطت و دخلت اوضتها و قفلت الباب و هي بتعيط لانها بقت في نظر الكل رخيصة...
-في مكان تاني...
في فيلا المهدي.
مريم: مالك يا بت ميتة من السعادة كدة ليه؟!
كارما(بفرحة و خجل): مفيش يا ماما.
باسل(بهدوء): خير يا ست كارما؟!
كارما(بفرحة): باسل.
كارما جريت علي باسل حضنته و هي مبسوطة انها شافته...
كارما: بقالي اسبوع و نص مشوفتكش. و مرضتش حد يجيلك.
باسل: ما انتي 24 ساعة في وشي. لكن مراتي لا...
كارما: هي فين بقي عايزة اشوفها وحشتني و عايزة ابقي صاحبتها ملحقناش نتكلم خالص.
باسل: مجتش هي في البيت.
كارما(بضيق): ليه كدة يا باسل؟!
باسل: المفروض اني اروح الشركة بس قولت اعدي علي ماما اشوفها.
كارما(بضيق): انا عايزة اشوفها بقي الله...
مريم: روحيلها يا كارما.
كارما(بفرحة): بجد؟! ماشي هروح ليها.
كارما كانت هتخرج تاني بس رجعت.
مريم: ايه؟!
كارما(بخجل): هغير الجيبة دي.
كارما طلعت جري علي اوضتها و غيرت هدومها.
كارما لبست بنطلون باللون الابيض و فوقه تي شيرت ب¾ كم باللون الPink. و لبست كوتشي ابيض عالي و سرحت شعرها علي شهرها.
كارما نزلت ل تحت و خرجت بره الفيلا و باسل و مريم قعدوا مع بعض بيتكلموا.
كارما ركبت عربيتها و راحت ل فيلا باسل. امل راحت فتحت الباب لقت كارما دخلتها.
كارما: فين وجد؟!
امل: وجد هانم في اوضتها بتأخد دوش يا هانم.
كارما: هستناها هنا.
امل: طيب.
فوق.
وجد خدت دوش و خرجت غيرت هدومها.
وجد لبست بنطلون اسود و فوقه تي شيرت بكم باللون ال pink و الرصاصي و رفعت شعرها علي شكل ديل حصان و لبست شبشب البيت باللون الابيض.
وجد خرجت بره الاوضة لقت امل.
وجد: ايه يا امل؟!
امل: كارما هانم منتظرة حضرتك تحت.
وجد(بفرحة): طيب.
وجد كانت مبسوطة لانها هتقابل حد لانه من ساعة ما رجعت البيت مشافتش حد و لا اتكلمت مع حد غير باسل.
وجد جريت ل تحت و كانت بتجري علي السلالم...
وجد(بصريخ): باسل!