رواية النور والكابوس للكاتبة سلسبيل كوبك الفصل الرابع
وجد مشيت و فجأة حصل ضرب نار,الكل بدأ يصرخ و وجد وطت مكانها و حطت ايديها علي رأسها.
الناس بدأت تجري من الجنينة وتستخبي,باسل لمح وجد و هي قاعدة في الارض و حاطة ايديها علي ودانها مسك سلاحه و راح ناحيتها...
باسل: قومي معايا.
وجد شدت باسل علي الارض معاها.
وجد: هششش اعمل نفسك مستسلم.
باسل(بحدة): ده وقت هزار!؟
وجد: انا اللي بهزر انت مش سامع ضرب النار في كل حتة ازاي.
باسل(بحدة): لا و نعمة التفكير و اختيار المكان. انتي في نص الجنينة يعني معرضة اي اصابة تيجي ليكي. قومي.
وجد: علي ضمانتك؟!
باسل: لسة هنرغي.
باسل قام و وقف وجد معاه ورا ضهره.
باسل: بصي انا هغطيكي و انتي اجري علي هناك.
وجد: بس الحتة ضلمة.
باسل(بزعيق): محدش هيشوفك ما تنجزي.
باسل بدأ يضرب نار و وجد مشيت لورا القصر و باسل كان بيتحرك مع تحركاتها علشان يغطي عليها.
باسل راح لوجد و كان بينهج.
وجد: شكرا.
باسل سند بضهره علي الحيطة و وجد حست انه فيه حاجة.
وجد: في ايه؟!
وجد حطت ايديها علي كتف باسل و شالت ايديها بفزع.
وجد(بصدمة): انت بتنزف؟!
وجد(بصدمة): هروح انادي.
وجد كانت هتمشي تنادي اي حد يساعدهم باسل شدها ناحيته.
باسل: استني هنا انتي مجنونة.
وجد: انت مش شايف بتنزل دم ازاي؟!
باسل: رصاصة طايشة.
وجد(بصدمة): انت ازاي بتتكلم عادي كدة؟!
فجأة صوت ضرب النار هدئ و كل الناس خرجت من القصر و كان في بعض الحراس مرمين علي الارض متصابين.
ياسين(بقلق): وجد وجد فين؟!
قصي(بصوت عالي و خوف): وجد.
سليم(بقلق): باسل يا نيرمين.
نيرمين(بقلق): هيكون اختفي راح فين؟!
يوسف: ازاي يعني مختفين؟!
ماجدة: وجد يا يوسف.
منصف: اهدوا...
عند وجد و باسل.
وجد: يلا نخرج.
باسل سند علي وجد اللي بصتله بغضب...
باسل: ايه انا متصاب؟!
وجد(بحدة): مش تحط دراعك علي كتفي كدة.
باسل: و انا متصاب علشانك علفكرة.
وجد(بحدة): محدش قالك تعمل فيها بطل و تنقذني.
باسل: تصدقي انك ناكرة للجميل.
وجد(بحدة): اي واحد في مكانك عنده نخوة كان هيعمل اللي انت عملته.
وجد(بحدة): يلا نروح للباقي بدل ما اسيبك كدة.
وجد سندت باسل و طلعوا للجنينة.
نيرمين(بقلق): باسل انت كويس؟!
سليم: كويس يا باسل رد.
وجد: مجرد اصابة في كتفه.
وجد راحت ل ياسين حضنته جامد هو و قصي.
قصي: قلقتيني عليكي.
وجد: متقلقش انا بخير.
ثريا: ايه الدم إلى علي ايدك ده؟!
وجد: ده دم.
وجز بصت ل باسل اللي وقع بين ايدين سليم و نيرمين.
نيرمين(بصريخ): باسل!
سليم(بزعيق): اتصلوا بالاسعاف فورا.
احمد: لحظة.
احمد طلع تليفونه و اتصل بالاسعاف...
نهلة: منك لله عملتيله ايه؟!
وجد(بتوتر): انا معلمتش حاجة علفكرة هو اللي قالي خليكي ورايا وبدأ يضرب نار. كنت بفكر حتى اقدم فيه بلاغ.
قصي قرص وجد في جمبها خلاها تسكت.
قصي(بهمس): هتودينا في داهية اخرسي.
-بعد فترة الاسعاف جت و نقلوا باسل عربية الاسعاف و الكل ركب عربيته و طلع ورا عربية الاسعاف.
وجد: هو انا غلطانة يا جدو؟!
ياسين: لا يا حبيبتي.
قصي: مصيره كدة يا وجد.
وجد: و مين اللي ضربوا نار دول كمان؟!
احمد(بعصبية): ممكن تسكتي دلوقتي بسببك ممكن نخسر صفقة مهمة و مممكن نخسر باسل الانصاري نهائي و لو ده حصل هقتلك يا وجد.
ياسين(بحدة): اتعدل و احترم نفسك يا احمد جدها لسة حسه في الدنيا...
بعد فترة وصلوا للمستشفي و نقلوا باسل اوضة الطوارئ يكشفوا عليه و يفحصوه.
الدكتور: كل العدد ده يطلع بره يلا...
كلهم طلعوا بره في اللي وقف و في اللي قعد.
ثريا(بعصبية): انتي السبب انطقي حصل ايه؟!
وجد: ايه ده في ايه؟! ما دقيقة و هيبقي كويسة و يتحرك زي الحصان...
سليم(بعصبية): ليكي عين تهزري؟! يا بجاحتك صدقيني لو باسل حصله حاجة روحك انتي و كل عائلتك مش هتلزمني.
نيرمين(بحدة): اهدي يا سليم مش وقته.
وجد بصت ليهم و سابتهم و خرجت بره المستشفي و جري وراها قصي.
قصي: اهدي بس.
وجد(بدموع): هو انا السبب يا قصي؟!
قصي: لا انتي مش السبب ده قدر و مكتوب. هما بس خايفين عليه.
وجد(بدموع): هو انا فعلا ممكن اكون انا اللي غلطانة؟!
قصي: وجد انتي بتخافي علي الناس اكتر ما بتخافي علي نفسك. وجد خليكي قوية في ايه هو انا هقولك كلامك يا استاذة و لا ابه.
قصي: هو انتي ما بتصدقي تعيطي. يلا يا بنتي نروح احنا كان مالنا احنا بالحفلة.
قصي: بس احب اقولك كنتي مزة.
وجد(بضحك): حسيت نفسي نحس لما اجي احضر الحفلة يحصل ضرب نار.
قصي(بضحك): لا نحس نحس يعني.
قصي و وجد ركبوا العربية و رجعوا القصر.
قصي: هطلع انام و انتي نامي متفكريش في حاجة.
رانيا: وجد هانم في بوليس بره.
وجد(بتعب): اوف لا مش قادرة...
قصي: اقابلهم انا.
وجد: نقابلهم انا و انت، دخليهم.
ضابط: انا المقدم حازم و جاي هنا اسألك كام سؤال.
وجد: اتفضل.
ظابط: انسة وجد حضرتك انتي اللي كنتي مع باسل بيه صح؟!
وجد: ايوه.
ظابط: طب ايه السبب اللي خلي باسل بيه يجي ينقذك انتي.
وجد: مدخلتش جواه علشان اعرف يعني. و كمان اكيد علشان ينقذني من ضرب النار و اي بنت في مكاني لما يحصل ضرب نار حركتها بتوقف و عقلها مش بيفكر و ممكن تعرض نفسها للخطر.
ظابط: طب شوفتي اللي ضرب باسل بيه بالنار؟!
وجد: لا كل اللي باسل قاله اجري لورا القصر و بدأ يضرب نار و جه ليا و بعدها اكتشفت انه متصاب و قالي انها رصاصة بسيطة.
ظابط: تمام يا انسة وجد لو في جديد او اي حاجة افتكرتيها بلغينا.
وجد: اكيد.
ظابط: عن اذنك.
رانيا: تؤمروا بحاجة؟!
قصي: روحي يا رانيا.
قصي: قومي يلا نامي.
قصي و وجد كل واحد طلع لاوضته,قصي دخل اوضته غير هدومه و نام.
وجد دخلت اوضتها بدأت تغير هدومها في شرود.
وجد لبست بنطلون اسود و فوقه تي شيرت ابيض في اسود بكم و سيبت شعرها علي ضهرها و لبست شراب باللون الابيض.
وجد عطست كذا مرة.
وجد: يا حلاوتك يا وجد جالك برد.
وجد راحت علي سريرها و بدأت تنام و كل شوية تتقلب في نومها.
وجد: اوف خلاص بكرة هروح اطمن عليه ده ايه ده.
وجد: هو من بقية اهلي يعني.
وجد: خلاص هروح بكرة ازوره.
وجد غمضت عينيها ببطء لغاية ما نامت.
في المستشفي.
سليم(بعصبية): ممكن افهم انتوا موجودين هنا بتعملوا ايه اصلا؟!
نيرمين(بحدة): سليم في ايه ما تهدي باسل لو فايق مكنش سمح ليك تقول كدة.
نيرمين: بعتذر ليكوا عن اللي حصل.
ياسين: انا اللي بعتذر عن اللي حصل في الحفلة. و مش هنمشي من هنا الا لما نطمن عليه مهما كان انقذ حفيدتي.
الدكتور: اطمنوا باسل بيه بخير. الاصابة سطحية.
سليم: نقدر ندخل نشوفه؟!
الدكتور: لا هيفوق بكرة الصبح. وجودكم ملهوش لازمة.
نيرمين: متأكد انه بخير؟!
الدكتور: و هخبي عليكم ليه؟!
احمد: الف سلامة و ان شاء الله نبقي نيجي نزوره بكرة.
سليم: يستحسن متجوش بكرة لما نرجعه البيت.
يوسف: سليم باسل يعتبر بمثابة ابني و اعتبرناه واحد من العائلة.
نيرمين: اكبد طبعا. وجودكم هنا تشكروا عليه تقدروا تروحوا حاليا و تبقوا تيجوا لما يفوق.
ثريا: ابقي طمنينا عليه.
نيرمين: اكيد.
ماجدة: ربنا يقومه بالسلامة.
نيرمين: يا رب.
عائلة الصياد بدأوا بتحركوا و مشيوا من المستشفي راحوا القصر.
نيرمين(بحدة): ايه اللي كنت بتعمله ده اتحكم في اعصابك شوبة.
سليم(بعصبية): انتي شوفتي ايه اللي حصل من تاني لقاء بس و قبلها عملنا حادثة و كمان مع نفس البنت. دي بتجيب المشاكل.
نيرمين(بحدة): و لو برضو اهدي كدة. خليك عاقل. ما باسل غالي عليا برضو علفكرة.
سليم: خلاص يا نيرمين خلاص.
في القصر.
ماجدة: مش قولتلك تخلي بالك.
يوسف: ايه اللي حصل هو انا المسئول عن الحراسة كمان.
ماجدة: ممكن نخسره و نخسر شغله للابد.
يوسف: اهدي لا شكله عاقل و مش هيعمل حاجة.
ماجدة: يا خوفي يا يوسف.
يوسف: لا متخافيش.
يوسف: نامي بقي علطول سبب ازعاج كدة.
ماجدة: انا برضو يا يوسف؟!
يوسف: نامي يا ماجدة نامي.
ماجدة و يوسف كل واحد نام علي السرير...
عند منصف و نهلة.
منصف: تفتكري هيحصل ايه؟! و مين السبب؟! و مين اللي كان مقصود؟!
نهلة: مش اخوك الكبير سيبه هو في المشاكل دي. هو اللي يدور علي اللي عمل كدة. انت ملكش دخل انت الصغير.
منصف(بحدة): بتصغريني وقت ما انتي عايزة و تكبريني وقت ما انتي عايزة.
نهلة: لا طبعا يا حبيبي انت راجل و سيد الرجالة. انا اقصد تخلي يوسف هو للمشاكل و انت تتصرف بعقلانية و حكمة عنه.
نهلة: دلوقتي ياسين بيه لما يجي يحاسب المفروض يحاسب مين الكبير اللي هو يوسف، انا مش عايزة اي ضرر يصيبك يا حبيبي.
نهلة: انا خايفة عليك انت.
منصف: خلاص يا نهلة.
نهلة: مش زعلان يا حبيبي؟!
منصف: لا.
نهلة: بجد؟!
منصف: قولت لا خلاص يا نهلة.
نهلة: طيب يا حبيبي.
نهلة: تصبح علي خير.
منصف: و انتي من اهله.
-في الصباح الباكر...
عند وجد...
وجد صحيت من نومها و مسكت تليفونها.
وجد: ايه عصر السرعة دي لحقتوا تنشروا الاخبار؟!
وجد: ظهور حفيدة آخري ل ياسين بيه الصياد و التي تُدعي بوجد.
وجد: محسسني نجمة من السماء ظهرت.
وجد: تصدقي يا بت يا وجد انتي قمر و احلي من النجوم كمان اصلا.
تليفون وجد رن، الخط اتفتح.
وجد: الو مين؟!
شاب: حضرتك مش طلبتي بوكيه ورد امبارح.
وجد: اه اه. هو جاهز؟!
شاب: ايوه، تستلميه امتي؟!
وجد: ساعة بالظبط و هكون عند حضرتك.
شاب: تمام.
وجد قامت و دخلت الحمام غسلت وشها كذا مرة و خرجت تغير هدومها.
وجد: بعيدا عن احداث امبارح بس و الله كنت قمر.
رانيا: وجد هانم.
وجد: هي اوضتي وكالة من غير بواب.
رانيا(باحراج): بعتذر بس.
وجد(بضحك): بهزر معاك يا رمضان مبتهزرش. عايزة ايه؟!
رانيا: حضرتك قولتي اجي اصحيكي بدري.
وجد: حد صحي؟!
رانيا: قصي بيه.
وجد: طيب جهزيلي فطار ليا انا و هو و انا هلبس و انزل.
رانيا: حاضر.
رانيا مشيت و وجد بدأت تطلع هتلبس ايه.
وجد لبست بنطلون اسود و فوقه تي شيرت ب ¾ كم لغاية الخصر و واسع و لبست فوقه جاكت جينز ب ¾ كم و واصل لغاية الخصر,لبست كوتشي ابيض عالي و سيبت شعرها علي ضهرها و حطت البرفيوم بتاعها.
وجد خدت شنطتها السوداء الضهر و نزلت ل تحت.
وجد: صباح الفل.
قصي: صباح النور، ايه النشاط ده؟!
وجد: هروح مشوارين قبل المكتب.
قصي: تحبي اجي معاكي؟!
وجد: لا خليك. يلا نفطر علشان الحق اهرب قبل ما اشوف وشهم...
قصي(بضحك): يلا.
وجد فطرت مع قصي بسرعة و خرجت ركبت عربيتها و راحت لمستشفي باسل...
عند باسل.
باسل فاق الصبح و الدكتور كان بيكشف عليه.
الدكتور: حضرتك حاسس بوجع؟!
باسل: حاليا لا.
الدكتور: تمام زوديله في المحلول 5 ملغ().
الممرضة: حاضر يا دكتور.
سليم: يقدر يخرج امتي؟!
الدكتور: يُفضل انه يقعد يومين.
باسل: هو النهاردة بليل همشي مش بستحمل اقعد في مستشفيات.
نيرمين: خلاص ماشي يا دكتور.
الدكتور: رعاية.
باسل: عارف ده كله اتفضل.
الدكتور و الممرضة مشيوا و التلاتة اتبقوا...
نيرمين: سليم مسح بكرامتهم الارض يرضيك يا باسل مش في عقل نستخدمه و لا ايه؟!
سليم: صاحبي و اخويا كان هيروح مني انتي بتقولي ايه؟!
نيرمين: لا و الله...
الباب خبط.
باسل: اهدوا. ادخل.
وجد فتحت الباب و دخلت كانت شايلة بوكيه فيه ورود.
وجد: صباح الخير.
سليم: انتي.
باسل: صباح النور.
وجد قربت من باسل و حطت بوكيه الورد جمبه.
وجد: حمدلله علي السلامة. بعتذر عن امبارح.
نيرمين: اتفضلي اقعدي.
وجد: لا لا هضطر امشي علشان ورايا شغل.
باسل: تمشي ازاي يعني انتي لحقتي تقعدي. روح جيب عصير يا سليم.
سليم: انا؟!
باسل: ايوه يلا.
باسل: روحي معاه يا نيرمين.
نيرمين و سليم بصوا باستغراب ل باسل بس خرجوا بره الاوضة.
وجد(برفعة حاجب): المفروض اعمل نفسي مش واخدة بالي انك وزعتهم.
باسل(بابتسامة): و الله لو بتفهمي مكنتيش اتكلمتي.
وجد(بحدة): افندم؟!
باسل(برفعة حاجب): بس في حد يجيب ورد وردي شيفاني بنت؟!
وجد: قد ايه سطحي انت لاحطت اني جبت ورد pink لكن ملاحظتش اني اصلا جايبة ورد علشان خاطر انت تعبان و تقديرا ليك. و علفكرة مش ورد pink بس في ازرق و ابيض...
باسل: احم احم.
وجد: اعترف انك غلطت مش عيب.
وجد: عموما الف سلامة عليك. عن اذنك متأخرة.
وجد مسكت شنطتها و رجعت شعرها ورا ودنها و بصت لباسل قبل ما تمشي.
باسل مسك ايديها قبل ما تمشي و قربها منه.
باسل: هنتقابل تاني؟!
وجد: لو مكتوب اننا نتقابل تاني هنتقابل.
وجد(بابتسامة): باي يا جميل.
وجد بعدت عن باسل و مشيت قدامه بكل ثقة و خرجت بره المستشفي ركبت عربيتها و راحت للمقابر.
-في مكان تاني...
في فيلا المهدي.
مريم: مكتوب يا كارما شايلة هم ليه؟! و كمان نيرمين كلمتنا و طمنتنا.
كارما(بقلق): يا ماما دي رصاصة و باسل مش صاحب اخويا لا ده اخويا يا ماما.
مريم: و انا عارفة كدة بس طالما نرمين طمنتنا يبقي ليه نقلق نفسنا علي الفاضي.
كارما(بقلق): طب ليه مش عايزني اروح ليهم؟!
مريم: لان برضو نيرمين قالت انه هيرجع بليل ايه لازمة المرواح و المجئ.
كارما: مش هطمن الا لما اشوفه.
مريم: يبقي افضلي اقلقي نفسك لحد بليل ده ايه ده.
كارما: بحبه يا ماما.
مريم: و اخوكي سليم و نيرمين طمنوننا عليه و لو كان في حاجة خطيرة كان هيرجع بالسرعة دي. ما تعقلي يا كارما في ايه؟!
كارما: ده اخويا يا ماما.
مريم: و ابني يا كارما.
كارما حضنت مريم و قعدت تعيط و مريم قعدت تهديها.
مريم: اهدي يا حبيبتي. باسل بخير.
كارما: بحبك يا ماما.
مريم: و انا بحبك يا نور عيني ربنا يهديكوا يا رب.
-بعد فترة.
كانوا رجعوا من المستشفي.
مريم: حبيبي حمدلله علي السلامة.
باسل: وحشتوني. الله يسلمك...
سليم: خلاص يا بت ابعدي.
كارما(بدموع): لا باسل اخويا.
باسل(بضحك): يا بنتي انا كويس.
كارما: برضو لا بحبك بحبك بحبك.
باسل: و مين مش بيحبني؟!
نيرمين: يا حنين طب اقعد يا اخويا.
قعدوا يهزروا و يضحكوا مع باسل و اتعشوا مع بعض.
-في مكان تاني...
في القصر.
ياسين: قصدكوا ايه يعني؟!
يوسف: انا اصلا مش بثق فيها.
قصي: جدو متسمحش ليهم يأثروا عليك وجد عمرها ما غلطت و قفلت تليفونها ممكن علشان تركز في الشغل.
ثريا(بسخرية): ما هي اكيد بتركز في الشغل بس شغل تاني.
قصي(بغضب): احترمي نفسك.
قصي قرب من ثريا و ضربها قلم بغضب علي وشها و احمد زق قصي و ضربه بوكس في وشه...
منصف(بحدة): ايه اللي انتوا بتعملوه ده؟!
نهلة: انت اتجننت بتمد ايدك علي اختك.
ماجدة: اهدوا بقي.
ياسين(بصوت عالي): اخرسوا مش عايز اسمع نفس مخلوق.
ياسين(بحدة): سعد يا سعد.
سعد(كبير الحراس): نعم يا ياسين بيه؟!
ياسين: عايزك تروح مكتب وجد تجيبها فورا لهنا.
سعد: حاضر. عن اذنك.
سعد خرج و خد معاه كام حارس و راح ناحية مكتب وجد.
قصي: صدقني يا جدو وجد مستحيل تعمل حاجة غلط.
احمد: اخرس هنشوف دلوقتي السنيورة بتاعتك فين.
عند وجد.
وجد كانت خلصت شغل بدري و كل الموظفين مشيوا.
بنت(بخوف): انتي وجد يوسف المحامية.
وجد: ايوه انا. لو عند حضرتك ميعاد ممكن نأجله لبكرة لان ا.
بنت(بخوف): مش هأخد من وقت دقيقتين علشان خاطري و النبي.
وجد: ادخلي.
وجد و البنت قعدوا بره المكتب.
وجد: اتفضلي.
بنت: انا عايزة اوديكي حاجة مهمة جدا و انا جيت ليكي مخصوص لانه معروف عنك انتي مش بتخافي و محامية كويسة.
بنت: انا عندي زميلتي في الشغل بتشتغل في مصنع تبع محمد عاصم رجل الاعمال لو تعرفيه.
وجد: سمعت الاسم ده قبل كدة ايوه برضو مفهمتش ايه اللي حصل؟!
بنت: اغتصبها و لما رفعت عليه قضية هددها و اشتري المحامي بتاعها بالفلوس و فضحها هي و عائلتها و خلي عيونهم مكسورة...
وجد: برضو مفهمتش.
بنت: خدي. دي فلاشة مهمة جدا عليها مصايب و اعمال محمد عاصم و عليها فيديوهات و متسجلة صوت و صورة ليه و هو بيتفق علي اغتصاب البنت دي و كمان و هو بيرشي المحامي.
بنت: تقدري تساعديني؟!
وجد(بانفعال): هو فاكر الدنيا سايبة. من بكرة جيبي صاحبتك و اعملي ليا توكيل و انا هتصرف و اوعدك هجيبلك حقك انتي و صاحبتك...
بنت: بجد يا هانم؟! اكلمها؟!
وجد: ايوه.
بنت: بس هو واصل اوي يا هانم...
وجد: متقلقيش، انتي اسمك ايه؟!
بنت: داليا.
وجد: طيب يا داليا كلمي صاحبتك و انا هتصرف.
داليا: ربنا يخليكي يا رب حاضر.
وجد بصت للفلاشة و بصت ل داليا اللي طلعت تليفونها و اتصلت بصحابتها...
الخط اتفتح.
داليا(بفرحة): نسرين الو ازيك.
نسرين: ايه يا داليا؟!
داليا: كلمت المحامية اللي قولتلك عليها و هي وافقت...
نسرين(بلهفة): بجد؟!
داليا: ايوه، المكان في ().
داليا: بكرة هعدي عليكي و نتقابل هنا ماشي؟!
نسرين(بلهفة): ماشي ماشي. حاضر.
داليا: باي.
نسرين: باي.
داليا: شكرا لحضرتك اوي.
وجد: علي ايه بس؟! و كمان في اي وقت تحتاجي اي حاجة انا موجودة.
وجد: تحبي اوصلك؟!
داليا: لا شكرا.
وجد: بجد و الله؟!
داليا: لا لا هروح انا.
وجد: طيب يلا روحي.
داليا مشيت و وجد افتكرت انها ناسية موبايلها بيشحن في المكتب فدخلت تجيبه.
عند داليا...
داليا كانت ماشية فجأة لقت عربية وقفت قدامها و عربية وقفت وراها.
داليا(بخوف): عايزين ايه؟!
حارس1: بقي حتة بت زيك تروح تفضح محمد بيه.
الحراس بدأت تضرب داليا و المكان كان مفهوش و لا شخص خالص و قعدوا يضربوها لغاية ما شوهوا وشها و كانت بتنزل دم من جسمها و وقعت مغمي عليها في الارض.
حارس: يلا بسرعة...
الحراس ركبوا العربية و راحوا لمكتب وجد.
عند وجد.
وجد حست بحركة في المكتب خدت موبايلها و شنطتها و خرجت بحذر.
حارس: اقفي عندك.
وجد وقفت مكانها مودياه ضهرها و لفت بسرعة ضربت وشه بشنطتها و خرجت من المكتب لقت حارس تاني وجد مسكت الكرسي و ضربته بيه و زقته و طلعت تجري بره المكتب.
وجد ركبت العربية...
وجد(بغضب): كانت ناقصة هي.
وجد نزلت من العربية و بصت ناحية الحراس و بدأت تجري بسرعة بين العربيات و بين الطرق و هما وراها.
وجد(و هي بتنهج): كدة كتير نفسي اتقطع منكوا لله...
حارس(و هو بينهج): استني اقفي و ودينا اللي البنت ودته ليكي و امشي.
وجد(و هي بتنهج): في الحلم.
وجد كملت جري رغم انها تعبت و نص العدد وقف مكنش قادر يكمل و الباقي جريوا ورا وجد.
وجد كانت بتجري و في عربية كانت جاية بسرعة وجد بعدت عن العربية.
وجد(بانفاس مقطوعة): اسفة.
وجد(بضيق): انتوا مش بتتعبوا...
وجد جريت علي الكورنيش و مكنش فيه غير اشخاص بسيطة جدا علي الكورنيش.
وجد: بما اننا كدة كدة ميتين يبقي اتوكلنا علي الله.
وجد لبست شنطتها علي الكتفين و نطت من علي السور في الماية.
الحراس(بصريخ): يا مجنونة!
وجد غمضت عينيها جامد و كانت في الهواء و بعدها حست نفسها في الماية.
وجد(لنفسها): الدنيا ضلمة اوي انا خايفة.
وجد(لنفسها): اشربي بقي. استحملي نتيجة اختيارك.
وجد(لنفسها بسخرية): هييييي مبروك الشجاعة و البطلة وجد.
وجد(لنفسها): يالهوي.
وجد حاولت تخرج من الماية بس عقلها مستوعبش اللي هي عملته و نفسها طلع قصير بقت كالمغيبة و غمضت عينيها و استسلمت للواقع او بمعني اصح اغمي عليها.