رواية النور والكابوس للكاتبة سلسبيل كوبك الفصل الخامس
وجد حاولت تخرج من الماية بس عقلها مستوعبش اللي هي عملته و نفسها طلع قصير بقت كالمغيبة و غمضت عينيها و استسلمت للواقع او بمعني اصح اغمي عليها.
في القصر.
سعد: زي ما بقول لحضرتك يا ياسين بيه.
ياسين(بغضب): تقلب الدنيا عليها انت اتجننت و لا ايه؟!
يوسف: اهدي يا بابا.
سعد: نقلنا اللي لقيناهم في المكتب علي المستشفي و منتظرين انهم يفوقوا.
قصي(بقلق): يعني ايه؟! هنفضل كدة منتظرين خبر عن وجد. انا مش هصبر.
احمد(بعصبية): مش عايز اسمع نفسك فاهم.
ثريا: دي ممكن تخلي اسم العائلة في الارض.
ماجدة(بعصبية): انا عايزة وجد فاهمين.
منصف: من امتي الحب ده؟!
ماجدة: في الاول و الاخر هي بنتي، يوسف اتصرف.
نهلة: ممكن يكون ليه علاقه باللي ضربوا نار.
ياسين قعد علي الكرسي بتاعه بتعب و حط وشه بين ايديه.
ياسين(لنفسه): يا رب رجعها ليا سليمة.
ياسين: اتصلوا بالبوليس و بلغوهم عايز كل المدينة تتفتش عايز الكل بيدور علي وجد. عايزها هنا قبل ما يعدي يوم كمان علي اختفائها.
ياسين(بحدة): فاهمين.
الكل: فاهمين.
و الكل بدأ يشوف شغله و بيدور علي وجد و اتصلوا بالبوليس,و محدش نام للصبح.
-في الصباح الباكر.
عند وجد.
وجد بدأت تفتح عينيها ببطء و بصت يمين و شمال و رفعت ايديها قدام عينيها.
وجد(بخفوت): انا عايشة.
وجد لقت نفسها نايمة علي سرير في اوضة غريبة عليها,وجد قامت مفزوعة.
وجد: دخلت جهنم و لا ايه؟!
وجد شالت الغطاء من عليها و قامت وقفت و هي بتبص حواليها.
وجد بصت علي نفسها لقت نفسها بهدوم تانية.
وجد كانت لابسة قميص رجالي باللون الاسود مايل علي الكتف و واصل لركبتها و شعرها علي ضهرها.
وجد: لا ده انا اموت احسن. هدومي شنطتي؟!
وجد ضربت رأسها بايديها و قعدت علي السرير بتهز رجليها بعصبية.
وجد: افتكر بس ايه اللي حصلي بعد ما وقعت.
وجد بصت حواليها لقت اوضة غريبة عنها قامت و راحت ناحية الباب فتحت الباب ببطء و خرجت رأسها الاول.
وجد: امان.
وجد خرجت من الاوضة و بدأت تمشي و تبص يمين و شمال وجد نزلت من الدور اللي كانت فيه,لقت نفسها في فيلا شيك و ذوقها حلو.
وجد: هو ده وقته؟!
وجد: فين شنطتي و فين هدومي؟!
وجد كانت ماشية و بعدها رجعت لما لقت شخص قاعد قدام لاب توب و جمبه شنطة وجد.
وجد(بصريخ): عندك.
وجد جريت علي الشخص ده و شدت منه الفلاشة.
وجد(بغضب): انت مجنون؟!
وجد(بصدمة): انت!
وجد لقت باسل قام وقف و حط ايده في جيبه ببرود.
باسل(ببرود): ايوه انا.
وجد: ازاي؟! انت جبتني فين؟! و ايه اللي حصل؟!
باسل(ببرود): مش المفروض انا اسألك ايه خلاكي تنطي في الماية زي الحمار اللي معندهوش عقل؟!
وجد(بحدة): مسمحلكش انا مش حمارة...
باسل(ببرود): و هو انا قولت انك حمارة انتي اللي اعترفتي علي نفسك مش انا.
وجد(بحدة): ملكش دعوة. ممكن تقولي انت ازاي جبتني هنا و فين؟!
باسل(ببرود): مش قبل ما تقولي ليه رميتي نفسك.
وجد(بحدة): يبقي مش عايزة اعرف حاجة.
وجد مسكت شنطتها و حطتها علي كتفها و خرجت ناحية باب الفيلا.
باسل(ببرود): بالقميص؟!
وجد لفت ليه و بعدها بصت علي نفسها و رفعت عينيها ليه و استخبت ورا الستارة اللي لقتها جمب الباب.
وجد(لنفسها): ربنا يأخدني.
وجد(لنفسها): يا ربي عايزة اعيط من كتر الاحراج. ملقتش غير ده اللي اتحرج قدامه.
وجد لقت اللي بيمسك ايديها و بيخرجها من ورا الستارة.
وجد وقفت و حطت رأسها في الارض و باسل بص ليها.
باسل: امل يا امل.
امل(خدامة): اؤمر يا باسل بيه.
باسل: خدي الهانم و وديها هدومها لو كانت نشفت خليها تلبسها و بعدها نزليها تأكل.
امل: حاضر يا باسل بيه...
امل: اتفضلي معايا يا هانم.
وجد رفعت عينيها ببطء لباسل,باسل بص ليها و بعدها سابها و مشي.
امل: يا هانم.
وجد: ها؟!
امل: اتفضلي معايا علشان تلبسي هدومك.
وجد: اه طيب.
وجد طلعت مع امل بسرعة تغير هدومها.
وجد: هو انا جيت هنا ازاي؟!
امل: باسل بيه جاب حضرتك لهنا.
وجد: ازاي برضو؟!
امل: محدش يعرف.
وجد(باحراج): طب طب مين غيرلي هدومي؟!
امل: انا يا هانم.
وجد(بفرحة): بجد؟!
امل: ايوه.
وجد: طيب.
امل: اتفضلي معايا...
امل ودت وجد ل باسل.
امل: اتفضلي اقعدي افطري.
وجد: شكرا.
وجد قعدت علي كرسي علي السفرة و كانت بتبص ل باسل باحراج.
وجد: ممكن اعرف جبتني ازاي؟!
باسل: لو قولتي رميتي نفسك ليه الاول؟!
وجد: وعد لو قولت انت الاول هقول انا.
باسل: و هو انا بلعب معاكي مثلا.
وجد: انت جدّي اوي كدة ليه؟!
باسل: اسلوبي كدة.
وجد: اوف طيب. انا نطيت لاني كنت بهرب من كذا شخص عايزين يخبوا حقيقة و يأخدوا الفلاشة اللي كانت معايا.
باسل: و ايه اللي كان في الفلاشة؟!
وجد: عايز تفهمني انك متفرجتش علي اللي جواها؟!
باسل: لو كنت اتفرجت عليها كنت برضو انا اللي هغيرلك هدومك.
وجد(باحراج): ايه دخل ده في ده؟! عموما احكيلي لقتني ازاي؟!
باسل: طيب.
Flash back.
كان باسل قاعد مع الباقي بيهزروا و يضحكوا و بعدها نيرمين روحت بيتها و باسل بات مع سليم و الكل نام.
باسل قام في نص نومه و غير هدومه و نزل ركب عربيته و راح ناحية الكورنيش كان حاسس بخنقة بسيطة.
باسل كان واقف لغاية ما حس في حركة غريبة و لمح وجد و هي بتجري و وقفت قدام السور.
باسل اتصدم لما لقاها نطت في البحر و بص عليها لما وقعت.
باسل لقي باقي الحراس هما كمان مصدومين و مشيوا.
باسل لقي في مراكب في الماية و منورة,باسل ركب واحدة منهم.
باسل: في حد لسة مرمي هنا شغل كشافات.
راجل(بتردد): متأكد يا بيه؟!
باسل: ايوه.
شغلوا كشافات و الراجل كان بيمشي بالمركب ببطء و باسل لمح جسم وجد.
باسل: بنت المجانين.
باسل نط في البحر تحت صدمة الناس اللي في المركب و مسك وجد.
باسل: وجد وجد.
باسل راح ناحية المركب بوجد و الناس ساعدوه و طلع المركب بدأ يفوقها...
باسل بدأ يعملها تنفس صناعي و يعمل انعاش يدوي للقلب.
فجأة وجد شهقت و قعدت تكح و فتحت عينيها و بعدها غمضت تاني.
باسل رجع ب وجد و شالها بين ايديه ركبها العربية و راح ل?يلته.
باسل نزل شال وجد بين ايديه و دخل الفيلا.
عامر: باسل بيه حضرتك كويس؟!
باسل: ايوه، نادي امل.
باسل طلع لاوضة تانية غير اوضته و نيم وجد علي السرير.
امل: نعم يا باسل بيه.
باسل: غيري ليها هدومها.
امل: اجبلها حاجة من عندي.
باسل: لا.
باسل جاب قميص من عنده و وداه لامل تحت استغراب امل و عامر.
امل غيرت هدوم وجد و نشفت شعرها و غطتها و خرجت بره الاوضة.
امل: حاجة تاني يا بيه؟!
باسل: لا روحوا انتوا.
باسل: لما نشوف حكايتك يا وجد.
باسل دخل اوضته خد دوش و غير هدومه و نام.
Back.
وجد: ايوه ايه بقي سر انك طلعتني من الماية. و يااااه علي الصدفة اللي خلتك تبقي علي الكورنيش في نفس الوقت اللي نطيت فيه.
وجد: قصة دي و لا ايه؟! ايه الصدفة الجميلة دي؟!
باسل: انت قولتي لو مكتوب اننا نتقابل تاني هنتقابل، و شكله فعلا مكتوب اننا نتقابل.
وجد: طيب متشكرة علي اللي عملته.
وجد قامت وقفت و كانت هتمشي باسل مسك ايديها.
باسل: اعتقد انه من الذوق انك تستأذني و تحترمي صاحب البيت.
وجد(برفعة حاجب): انا عملت ايه دلوقتي؟!
باسل: كُلي الاول يلا.
وجد: مش قادرة.
باسل(بحدة): كُلي.
وجد قعدت و هي متعصبة و كلت و باسل شغل التلفزيون.
وجد(بشهقة): هما لحقوا؟!
باسل: انتي مستغربة ليه؟!
وجد(بتذكر): فين تليفوني؟!
باسل: بعته للصيانة.
وجد: طيب انا عايزة اروح. و شكرا للي عملته.
وجد قامت وقفت و بصت ل باسل اللي قام وقف.
باسل: اصبري هوصلك.
وجد: ماشي شكرا بس ممكن بسرعة قبل ما الموضوع يزداد.
باسل مسك الجاكت بتاعه و خد حاجته.
باسل: عامر.
عامر: نعم يا باسل بيه.
باسل: جهز العربية.
عامر: حاضر.
باسل: اتفضلي.
وجد: شكرا.
وجد خرجت هي و باسل بره الفيلا.
باسل: معرفتش رأيك في الفيلا؟!
وجد: مركزتش.
باسل(بضيق): طيب.
باسل ركب العربية و وجد ركبت جمبه,باسل ساق ناحية القصر.
باسل: عندك كام سنة؟!
وجد(برفعة حاجب): ليه بتسأل؟!
باسل: عادي.
وجد: مش بتصاحب وفر الكلام ده لاي بنت تانية.
باسل لا رد.
وجد فتحت الشباك و غمضت عينيها,باسل بصلها و بعدها ركز علي الطريق.
وجد: وقفت ليه؟!
باسل: احنا قدام بيتك.
حارس: مين؟!
سعد: وجد هانم حضرتك كويسة؟!
وجد: اه يا سعد افتح البوابة.
فتحوا بوابة القصر و باسل دخل و وقف العربية,وجد و باسل نزلوا من القصر.
قصي(بلهفة): وجد؟!
قصي جري علي وجد و حضنها وجد بادلته الحضن.
وجد: انا كويسة متقلقش.
قصي: كنتي فين ده كله؟! قلقتينا عليكي. و جدو تعب و دورنا عليكي و.
وجد: بس بس انا كويسة اهو قدامك.
باسل(بضيق): ندخل بقي جوا نفهمهم اللي حصل.
وجد: يلا.
قصي(بهمس): ايه اللي حصل و ايه اللي جابه معاكي ده؟!
وجد(بهمس): اللي انقذني.
قصي: طب خشي.
التلاتة دخلوا القصر و الكل قام من مكانه.
احمد(بغضب): ايه السنيورة كانت فين؟!
يوسف(بحدة): ردي كنتي فين؟!
ثريا(بسخرية): دفع كتير و لا ايه؟!
باسل ظهر من ورا وجد الكل اتصدم.
ماجدة: احم باسل بيه ازيك.
ياسين(بلهفة): وجد؟!
وجد: جدو.
وجد حضنت ياسين و ياسين باس رأسها.
ياسين: اخبارك ايه يا حبيبتي كنتي فين؟! طمنيني عليكي.
وجد: انا بخير متقلقش.
منصف: كنتي فين يا وجد؟!
احمد: باسل بيه انت ازاي هنا؟!
ياسين: ايه اللي حصل؟!
نهلة: حد يفهمنا؟!
وجد: ا.
باسل: انسة وجد كان في ناس بيطاردوها و هي قضت الليلة دي في بيتي.
وجد لفت بصت لباسل بصدمة.
وجد(بارتباك): لا لا مش كدة. هو يقصد انه في ناس اه كانت بتطاردني و انا اغمي عليا و هو وداني بيته صحيت تاني يوم الصبح هو حكالي اللي عمله و بعدها جيت لهنا تاني...
احمد: في كلتا الحالات قضيتي الليلة في بيته.
وجد: بس انا مكنتش اعرف. يعني هو.
قصي: مش مهم يا وجد المهم انك كويسة و بخير.
وجد: تسلم.
يوسف: اتفضل يا باسل بيه اتفضل اقعد معانا.
باسل: لا همشي انا حاليا عن اذنكم.
باسل سابهم و مشي و يوسف قرب من وجد.
يوسف(بحدة): عملتي مصيبة ايه تاني؟!
وجد: معملتش مصايب. انا معرفش مين كان بيجري ورايا حتى.
يوسف(بحدة): انتي بتكدبي كمان؟!
ياسين: في ايه يا يوسف ما تهدي كدة. المهم ان وجد رجعت لينا و بخير اهي.
ثريا: و يا عالم عملت ايه في الليلة اللي قضتها عند باسل بيه.
وجد(بغضب): اخرسي هو انا زيك و لا ايه؟!
منصف(بحدة): قصدك ايه ما تحترمي نفسك؟!
احمد(بغضب): اختي اشرف منك يا روح امك.
ماجدة(بحدة): انت اتجننت احترم نفسك...
يوسف(بعصبية): انتوا مجانين؟!
نهلة(بعصبية): مش شايف بنتك بتقول ايه؟!
وجد(بحدة): لما بنتك تحترم نفسك الاول.
قصي: اهدي يا ماما، اهدي يا وجد خلاص حصل خير وجد كانت مختفية و الحمدلله رجعت بالف سلامة ممكن نقفل علي الموضوع بقي.
ياسين بص للكل و كلهم سكتوا.
ياسين(بحدة): كل واحد علي شغله مش عايز اشوف حد مع التاني النهاردة خالص. و انتي يا وجد علي اوضتك ترتاحي و بعدها انزلي عايزك.
ياسين(بحدة): يلا.
الكل مشي من قدام ياسين ما عدا وجد و قصي.
وجد: عن اذنك يا جدو.
قصي: عن اذنك...
وجد و قصي كل واحد طلع اوضته,وجد كانت لسة بتقلع الجاكت بتاعها لقت حد داخل الاوضة بعصبية.
ثريا(بعصبية): انتي يا بتاعة انتي ازاي تتجرأي و تقربي من باسل.
وجد(بسخرية): افندم؟!
ثريا(بعصبية): انتي عملتي ايه انتي و هو؟!
وجد(بخبث): تخيلي انا و هو في مكان لوحدنا ممكن نعمل ايه مثلا؟!
ثريا(بغضب): يا، ما انتي مش متربية.
وجد(بخبث): هو يهمك في حاجة؟!
ثريا(بغضب): هقتلك يا وجد...
وجد(بخبث): ده كله علشانه و لا.
وجد(بسخرية): علشان فلوسه؟!
ثريا(بغضب): لا يا وجد عارفة ليه علشان اخده منك لان امك و ابوكي عايزينك تقربي منه بس انا بقي بكرهك و هأخده منك...
وجد(بخبث): تصدقي فكرة بحب اوي التحدي...
ثريا(بحدة): قصدك ايه؟!
وجد رمت نفسها علي السرير و حطت رجل علي رجل.
وجد: ايه رأيك نعمل تحدي نشوف مين هتوقعه قبل التانية؟!
ثريا(بغضب): انتي بتقارني نفسك بيا؟! بس عموما ماشي و انا موافقة.
وجد(بضحك): ده انتي مسخرة، خديه يا بنتي في داهية انتي و هو.
وجد: يلا بره علشان اغير هدومي.
ثريا(بعصبية): جيت افكرك يا وجد باسل ليا مش لحد تاني.
وجد: تصحيح فلوس باسل ليكي مش لحد تاني.
وجد: العبي علي المكشوف.
ثريا بصت ل وجد بغيظ و سابتها و خرجت و وجد ضحكت عليها.
وجد غيرت هدومها وجد لبست عباية بيتي قصيرة بحمالة رفيعة علي الكتف و قصير لغاية الركبة باللون الابيض و رفعت شعرها علي شكل ديل حصان.
وجد اترمت علي السرير و حضنت المخدة.
وجد: ننام بقي.
-في مكان تاني.
في مكان مختلف.
شخص1: الشفرة وصلت.
شخص2: ابعته في ماسدج.
شخص1: اكيد.
شخص2: عايزاكم تراقبوا الموقف من بعيد.
شخص1: تمام.
شخص2: هنغير الشفرة بعد ما دي توصل.
شخص1: هنأخد الامر الاول.
شخص2: ماشي يا معلم. هي بقت كدة؟!
شخص1: باللي الاعلي مقاما يا معلم و لا ايه؟!
شخص2: طيب نفذ.
-في مكان تاني...
في فيلا المهدي.
سليم: مساء الخير.
كارما و مريم: مساء النور.
كارما: مجتش الشركة ليه؟!
سليم: كنت في مشوار تاني.
كارما: مشوار ايه ده؟!
سليم: انتي مالك يا لمضة؟!
مريم: خلاص يا كارما سيبي اخوكي في حاله.
كارما: طيب عموما مقابلتنا مع اللي اسمه ياسر بكرة الساعة 9 الصبح في كافيه.
سليم: تمام. باسل مشي امتي؟!
مريم: شكله كدة الصبح.
سليم: هو مقالش رايح فين؟!
كارما: مشوفنهوش اصلا و هو ماشي.
سليم: طيب هطلع اكلمه.
سليم: نيرمين اتصلت؟!
مريم: لا. اهلها جم.
سليم: طيب.
سليم طلع اوضته غير هدومه و قعد علي الكنبة و طلع تليفونه اتصل ب باسل...
الخط اتفتح.
سليم: ايه يا باشا فينك؟!
باسل: روحت مشوار كدة ها ايه الاخبار طمني عملت ايه؟!
سليم: كل حاجة تمام.
سليم: طمني انت ناويت علي ايه؟!
باسل: لسة معرفش هكلم روسيل.
باسل: و انت اتصل بروك شوفلي ايه الاخبار هناك.
باسل: مش مطمن لاندروا ده.
سليم: و هو ده حد يطمن ليه كفاية الحلقان اللي في كل حتة في وشه.
باسل: هو حد قالك انه راجل.
باسل: عموما زي ما اتفقت معاك.
سليم: طب قررت تعمل ايه بعد اللي عرفته؟!
باسل: لما اقابلك هبقي اقولك. بليل نبقي نتقابل انا و انت و نيرمين.
سليم: طيب بس نيرمين اهلها رجعوا.
باسل: طيب خليها بكرة.
سليم: ماشي...
باسل: لو في جديد قولي.
سليم: ماشي باي.
-في مكان تاني.
عند نيرمين.
نيرمين: خير يا بابي رجعت ليه؟!
والد نيرمين: عيب يا نيرمين في ايه بابي يجي وقت ما هو عاوز.
نيرمين: بابي انا حافظاكوا انت و مامي قولوا جايين ليه انتوا عمركوا عرفتوني اصلا الا للمصلحة و انتوا بالاسم بس بابي و مامي.
والدة نيرمين: نيرمين جايلك عريس.
نيرمين(بسخرية): ما تقولوا كدة من الصبح.
نيرمين: عريس no. و انتوا عارفين رأيي كويس في الموضوع ده...
والدة نيرمين: انتي عارفة انتي سنك كام انتي داخلة علي ال27 سنة انتي مجنونة.
نيرمين: لا مش داخلة علي ال27 انا اصلا في ال27 سنة.
نيرمين: حتى سني مش عارفة تقوليه صح.
والد نيرمين: عاجبك حالك؟!
نيرمين: عاجبني اوي يا بابي. حاسة اني حرة و مبسوطة لكن اول ما انتوا ما بتيجوا بتكرهوني في الدنيا كلها...
والدة نيرمين: احترمي نفسك يا نيرمين احنا اهلك.
نرمين: مفيش حاجة تثبت انكم اهلي غير شهادة الميلاد اللي ممكن بكام الف اطلع شهادة ميلاد تانية باسم اب و ام تانية ثتبت انهم اهلي.
نيرمين: مفيش اي حاجة ممكن تثبت انكم اهلي فعلا غير شهادة الميلاد حتى اني فكرت كتير انكم ممكن تكونوا مزورينها او متبنيني او جايبيني بطريقة حرام.
نيرمين: ده حتى فكرت نعمل DNA.
والدة نيرمين: شكل مريم دلعتك.
نيرمين: طنط مريم هي اللي ربتني و ربتني صح اوي.
نيرمين: انتوا كل اللي عملتوه خلفتوني حتى اني شاكة انكم جبتوني غلطة.
والد نيرمين: ده انتي مستقوية القلب اوي يا نيرمين.
نيرمين: ما هي الدنيا كدة يا سعيد بيه، صفقة خد و هات.
سعيد: شايفة يا سميرة اخرة تربيتك.
نيرمين: انت بتلومها علي ايه؟! ما كل واحد يلوم نفسه الاول و كمان هو انتوا كنتوا فاضين حتى علشان تربوني.
نيرمين: يا ريت ترجعوا بكرة الصبح مكان ما كنتم. لاني مش هطيق اعيش معاكم يوم كمان و للعريس اللي كنتوا جايبينه قولوله يغور في ستين داهية تأخده...
نيرمين: ده انتوا مش اهل ابدا.
نيرمين سابتهم و طلعت علي اوضتها و قفلت الباب و قعدت في الارض تعيط.
نيرمين(بعياط): ليه يا رب كدة؟! ليه؟!
تحت.
سميرة: شكل عيارها فلت يا سعيد.
سعيد: بس بقي اهي رفضته اهي. شوفي بقي ايه اللي هيحصل هتعنس جمبك.
سميرة: و هو ده ذنبي يعني هي اللي عنيدة و رافضة و متنساش مين باسل و سليم اللي واقفين وراها.
سعيد: اوف ده انتوا تقرفوا...
سميرة: انا كمان يا سعيد، دي اخرتها...
سعيد: جهزي نفسك هنسافر بكرة.
سميرة: طيب.
هما الاتنين طلعوا اوضتهم و ناموا فيها للصبح...
-في مكان تاني...
عند باسل...
باسل كان بيشتغل و مركز و بعدها ساب القلم و الورق اللي قدامه و رجع رأسه لورا.
وجد(بابتسامة): باي يا جميل.
باسل: و بعدين بقي فيكي يا وجد؟!
باسل اتعدل في قعدته و بص قدامه,باب مكتبه اتفتح.
باسل(بحدة): ازاي تدخلي كدة؟!
شريهان(بعصبية): مين البنت اللي قضت يوم كامل في بيتك يا باسل؟!
باسل(بحدة): و مين اللي بيوصلك اخبار بيتي يوم بيومه ده؟!
شريهان: ملكش دعوة انت بتاعي انا و بس.
باسل: انا مش بتاع حد و لمي لسانك علشان مقطعوهش ليكي.
شريهان(بعصبية): انت ليه مش مقتنع اني بحبك؟!
باسل: زي ما انتي مش مقتنعة اني مش بحبك.
شريهان(بعصبية): انت بتكرهني كدة ليه؟!
باسل: بره يا شريهان بره...
شريهان: انت ليه مش بتحس؟!
باسل: كدة معلش بقي اخرجي بره يلا.
شريهان: انت.
باسل: بره.
شريهان بصت ل باسل و سابته و مشي,باسل خلص شغله و خرج من الشركة.
باسل ركب عربيته و مشي و فجأة و هو ماشي عربية نقل كبيرة خبطت فيه و عربية باسل اتقلبت كذا مرة و عمل حادثة...