رواية النور والكابوس للكاتبة سلسبيل كوبك الفصل السادس
باسل ركب عربيته و مشي و فجأة و هو ماشي عربية نقل كبيرة خبطت فيه و عربية باسل اتقلبت كذا مرة و عمل حادثة...
باسل كان في وعيه خرج من العربية و كان بيزحف بعيد عن العربية و اطلع تليفونه اللي كان في جيبه اتكسر بس كان شغال اتصل ب سليم.
الخط اتفتح.
باسل(بتعب): سليم.
سليم(بنوم): ايه يا باسل مكلمني دلوقتي ليه؟!
باسل(بتعب): سليم عملت حادثة تعالي ليا.
سليم(بخضة): حادثة!
سليم(بقلق): فين يا باسل؟!
باسل(بتعب): علي طريق.
سليم(بقلق): جايلك حاضر.
سليم قام بسرعة غير هدومه و نزل ركب عربيته و راح مكان ما باسل ما قال.
سليم وقف عربيته بسرعة و نزل جري ناحية عربية باسل اللي لقاها مقلوبة.
سليم(بقلق): باسل!
باسل(بخفوت): سليم.
سليم سمع صوت باسل راح ناحية شجرة لقي باسل ساند عليها.
باسل(بتعب): خدني من هنا.
سليم(بقلق): انت كويس؟! مين اللي عمل كدة؟!
باسل(بوجع): رجعني البيت يا سليم مش وقته.
سليم سند علي باسل و ركبه عربيته.
سليم: طب حاسس بوجع؟!
باسل(بوجع): شوية روحني يا سليم.
سليم: طيب.
سليم ساق بعربيته ناحية بيت باسل و بعد ما وصل نزل سند باسل و دخلوا الفيلا...
سليم: عامر يا عامر.
عامر(بقلق): باسل بيه؟! حضرتك كويس؟!
باسل(بتعب): ايوه.
سليم: كنا نوديك المستشفي.
باسل: مش عايز يا سليم.
سليم: طيب براحتك، طلعه معاايا يا عامر.
عامر: حاضر.
سليم و عامر سندوا باسل و طلعوه اوضته و نيموه علي سريره.
سليم: تسمحلي بقي اتصل بالدكتور و لا ده ممنوع؟!
باسل(بضحكة خفيفة): طيب.
سليم اتصل بالدكتور و بعد فترة كان موجود بيكشف علي باسل.
الدكتور: الجرح اللي في جمبه مش عميق اه بس المهم ميتعرضش لاي تلوث لانه لو اتفتح او اتلوث هيبقي كبير و الجسم كله هيتعرض لميكروب و.
سليم: خلاص يا دكتور خلاص خلاص هيبقي كويس يعني؟!
الدكتور: اه.
سليم: طيب معاه يا عامر.
عامر: حاضر.
سليم: ها يا بطل ايه اخبارك؟!
باسل: بخير.
سليم: متدبرة؟!
باسل(بابتسامة باهتة): مش كل مرة يا صاحبي، كانت حادثة، اتصرف في موضوع الراجل اللي مات ده.
سليم: كلمتله الاسعاف.
باسل: طيب اخرج يلا بره عايز انام.
سليم: تصدق ياض انت ناكر للجميل دي آخرة اللي يعبرك.
باسل: محدش قالك تيجي ملهوف عليا.
سليم: واطي.
باسل: ايه الجديد؟! يلا غور بره.
سليم: ربنا علي المفتري.
سليم خرج بره اوضة باسل و نام في اوضة تانية,باسل نام نوم عميق.
-في الصباح الباكر.
عند وجد.
وجد صحيت من نومها بكسل و كانت قاعدة علي السرير لقت الباب بيخبط.
وجد(بنوم): ادخل.
عطيات: وجد هانم اتفضلي موبايل حضرتك وصل من الصيانة.
وجد(بنوم): ميرسي يا عطيات اتفضلي انتي.
عطيات: حاضر. بس حضرتك هتنزلي للفطار الكل بدأ يصحي و بنجهز الفطار.
وجد: اه هنزل يلا انزلي انتي.
وجد مسكت تليفونها و بصت ليه و بعدها رمته علي السرير و قامت دخلت الحمام و خرجت تغير هدومها...
وجد لبست بنطلون كحلي و فوقه تي شيرت بكم باللون الابيض و فوقه جاكت باللون الكحلي صوف طويل لغاية الركبة و لبست كوتشي اسود عالي، سيبت شعرها علي ضهرها و اختارت شنطة ضهر باللون الاسود.
وجد نزلت لتحت و هي ماسكة الجاكت و الشنطة في ايديها و باست خد ياسين.
وجد: صباح الخير.
قصي و ياسين: صباح النور.
وجد: السلام عليكم.
الكل لا رد. قصي و و ياسين بصوا ليها باستغراب.
وجد: لا بتأكد انكم كلكم مجتمعين علي كُرهي بس.
وجد(بضحك): عائلة دي و لا بلاستيك؟!
وجد قعدت و بدأت تأكل بصمت و هي بتبص لموبايلها.
وجد: كنت عايزة تليفون استاذ باسل.
ماجدة(بلهفة): ليه يا حبيبتي؟!
وجد(بحزن): حبيبتك؟!
وجد: عايزة رقمه اشكره علي التليفون و كمان علشان اوديه الفلوس.
ماجدة: انا معايا يا حبيبتي خديه يلا.
ماجدة بدأت تملي علي وجد نمرة باسل بسعادة و وجد باصة ليها باستغراب و حزن.
يوسف: لما تكلميه ابقي قوليلي عملتي ايه.
ثريا و نهلة بيبصوا بغيظ لوجد و ماجدة,وجد بصت بخبث ل نهلة و قامت وقفت.
وجد: انا همشي يا جدو عن اذنك ورايا شغل.
وجد مشيت قدامهم و اول ما ودتهم ضهرها دموعها نزلت بصمت بس هي مسحتهم بسرعة.
وجد(بتنهيدة): من امتي و انتي ضعيفة يا بنت الصياد؟!
وجد(بتنهيدة): انتي مش رخيصة علشان يعرضوكي عليه.
وجد: اهدي بقي.
وجد مسحت دموعها بايديها و ركبت عربيتها بعد ما حطت شنطتها و الجاكت بتاعها جمبها.
وجد طلعت تليفونها و اتصلت بباسل.
عند باسل.
باسل كان نايم بعمق و صحي بازعاج علي تليفونه كان هيرميه و يكسره بس مسكه تاني.
باسل(بنوم): اوف بقي.
باسل فتح الخط و مردش.
وجد: الو مستر باسل. بعتذر اني كلمت حضرتك من غير ميعاد او كدة و الاكيد انك مش معاك نمرتي.
باسل(بنوم): انجزي انتي مين يعني؟!
وجد(باحراج): انا وجد يوسف.
وجد: الصياد.
باسل قام من نومه بسرعة و فتح عيونه.
باسل: اه اه معاكي اتفضلي.
وجد: كنت عايزة اشكر حضرتك علي الموبايل و كنت عايزة اسأل علي التمن علشان ادف.
باسل(بحدة): حد قالك اني بأخد فلوس من الستات؟!
وجد(برفعة حاجب): و هو انا مراتك و لا حبيبتك علشان متأخدش مني فلوس، و كمان انت صلحت تليفوني فأكيد لازم اشكرك و ادفعلك فلوس التصليح.
باسل: شكرك وصل لغاية كدة تمام...
وجد(بتنهيدة): شكلك عنيد عموما ممكن نتقابل طيب.
باسل: و ممكن اعرف السبب؟!
وجد: طالما مش عايز تأخد الفلوس تسمحلي اعزمك علي حاجة نشربها او نأكلها و نبقي بكدة متساويين و يا ريت مترفضش.
باسل: طيب طالما هشوفك.
وجد: افندم؟!
باسل: ابقي ابعتيلي العنوان و المكان في ماسدج يلا باي.
وجد: باي.
باسل رجع نام تاني و حط الغطاء علي وشه.
عند وجد.
وجد: ده انت رخم ما كنت تأخد الفلوس و خلاص انا ناقصة...
وجد ساقت ناحية المكتب بتاعها لقت الموظفين في مكانهم و في ظباط علي المكتب.
نهال: وجد هانم حمدلله بالسلامة...
وجد: الظباط واقفين هنا ليه؟!
نهال: اصلهم بيحرسوا المكتب و حضرتك بسبب اللي حصل و الرجالة اللي لقوهم هنا و الناس اللي كانت بتطاردك.
وجد: اوف طيب.
بنت(بعياط): حضرتك انسة وجد؟!
وجد: ايوه. مين؟!
نهال(بقرف): واحدة عمالة تقول انها لازم تقابلك و انك مهمة بالنسبة ليها. و قرفتنا بيها و قاعدة عمالة تقول انها واخدة ميعاد.
بنت(بعياط): انا صاحبة داليا الله يرحمها.
وجد(بصدمة): هي داليا ماتت؟!
بنت(بعياط): قتلوها.
وجد: تعالي معايا.
وجد: نهال ابعتي عصير ليمون و اخرجي و محدش يدخل عليا.
وجد: نسرين مش كدة؟!
نسرين: ايوه.
وجد: تعالي معايا خلاص اهدي متعيطيش.
وجد: كل واحد يبص في القضية اللي قدامه.
وجد خدت نسرين و دخلت مكتبها و قعدتها علي الكنبة و قعدت جمبها.
وجد(بتحدي لنفسها): اهدي بطلي تعيطي كدة و اوعدك حقك و حق صاحبتك هيجي وعد مني. و لو مكنتش قدام وعدي ليكي اوعدك هشطب اسمي من نقابة المحامين...
نسرين بصتلها و هي بتعيط.
وجد: دلوقتي لازم نتكلم في كذا حاجة.
-في مكان تاني...
عند كارما...
كارما كانت بتجري و فجأة خبطت في شخص...
شخص(بزعيق): ما تبصي قدامك يا عامية في ايه؟! هو انا كنت ناقصك.
كارما(بزعيق): و هو يعني انا قاصدة و كمان ما انت كنت متضايق عايز تطلع ضيقتك عليا انا.
شاب: ايه يا مزة في ايه؟!
كارما: كدة يا حبيبي تتأخر عليا.
شاب2(بسخرية): و. هو ده حبيبك اللي قاعدة عمالة تقولي عليه.
كارما(بهمس): الدنيا صفقة حلوة صدقني هوديك فلوس بس جاريني.
شخص: بصي علي قدك يا روح امك.
الشخص سابها و كان هيركب عربيته بس سمع صريخ كارما.
كارما(بصريخ): لو قربتوا مني و الله ل ل ل.
الشاب1: ايه يا حلوة فاكرانا خايفين و لا حاجة؟!
الشاب التاني مسك دراع كارما و شدها ناحيته و هي صرخت.
كارما(بعصبية): ايدك يا روح امك وسع كدة.
شخص(بحدة): مش قالتلك وسع منك ليه و لا هو انتوا عايزيني اقل منكوا.
الشخص ده مسك دراع الشاب اللي ماسك دراع كارما و ضربه في رأسه برأسه,و مسك الشاب التاني و ضرب رأسه في ركبته.
شخص: و انتي بعد كدة ابقي خلي حد كبير معاكي و انتي عاملة زي الكتكوت المبلول كدة...
كارما: شكرا.
شخص: طيب.
كارما(بحدة): علفكرة بشكرك قول عفوا ايه ده في ايه؟!
كارما: راحت فين الرجولة و النخوة؟!
شخص(بعصبية): عايزة تجنينيني ما انا لسة ضاربلك اتنين اهو عايزة ايه تاني انقذتك من ورطة انتي عارفة دول لو كانوا خدوكي معاهم كانوا ممكن يعملوا فيكي ايه؟!
كارما(بمرح): لا قولي انا منحرفة و عايزة اعرف.
الشخص ضرب كارما قلم علي وشها بغضب.
شخص(بعصبية): العيب علي اللي ربي.
كارما حطت ايديها علي خدها بصدمة و دموعها نزلت.
الشخص كان هيركب عربيته...
بنت: احمد يا احمد.
احمد(بحدة): اتاخرتي ليه؟!
بنت: اهو جيت يلا بينا.
احمد(بقرف): خلاص استغنيت عن خدمتك.
احمد بص علي كارما و بعدها ركب عربيته و ساقها بسرعة و مشي.
كارما بصت حواليها و مسحت دموعها بسرعة و وقفت تاكسي و وصلت لبيتها.
كارما: حاسبه.
الحارس حاسب السواق و كارما جريت علي اوضتها قعدت تعيط بسبب القلم اللي هي خدته.
-في مكان تاني...
عند نرمين.
نيرمين كانت قاعدة في زاوية في اوضتها بتعيط بحرقة بسبب عائلتها.
نيرمين(بعياط): ليه هما ليه؟!
نيرمين(بعياط): ليه هما اللي عائلتي؟! دول مش عائلة.
نيرمين(بعياط): دول دمار.
نيرمين(بعياط): يا رب خدني او خدهم حرام كدة.
نرمين(بعياط): كرهتهم و كرهوني في كل اللي حواليا...
نرمين(بعياط): اتحرمت من حاجات كتير.
نرمين كانت بتعيط بحرقة لدرجة ان عيونها حرقتها و بقت حمراء.
جرس الباب رن.
نيرمين مرضيتش تقوم لغاية ما تليفونها رن و جرس الباب بيرن.
نيرمين قامت غسلت وشها كتير و راحت مسكت تليفونها.
الخط اتفتح.
نيرمين(بخفوت): الو يا سليم.
سليم: ايه يا هانم ساعة موقفاني علي الباب يلا افتحي.
نيرمين(بخفوت): امشي يا سليم.
سليم(بقلق): مالك يا نرمين؟!
نيرمين(بدموع): امشي بقي.
سليم(بحدة): افتحي الباب يا نيرمين و الا و ربي لاكسر الباب.
نيرمين راحت فتحت الباب و كانت هتزعق بس اول ما شافت سليم و سليم شافها حضنته جامد و قعدت تعيط.
سليم(بقلق): اهدي علشان خاطري.
نيرمين(بعياط): ليه سابوني ليه ليه؟! ليه هو انا وحشة؟!
سليم وطي و شال نيرمين و دخل بيها الفيلا و قفل الباب برجله,سليم حط نيرمين علي الكنبة و قعد جمبها.
نيرمين(بعياط): انا وحشة يا سليم؟!
سليم(بقلق): انتي ست البنات كلهم بس قوليلي و النبي مين مزعلك؟!
نيرمين(بعياط): الدنيا الكل يا سليم.
سليم(بقلق): فليذهب الكل للجحيم يا نيرمين المهم انتي انتي يا نرمين، انتي طول عمرك قوية.
سليم(بقلق): نيرمين متعمليش كدة في نفسك قلبي بيتقطع انتي اختي و صاحبتي ارجوكي.
نيرمين(بعياط): ليه مصرين يخلوني انا اللي وحشة يا سليم؟!
سليم(بقلق): لانهم هما اللي وحشين من انتي، انتي ست البنات كلهم.
سليم باس رأس نيرمين و خدها في حضنه.
سليم: و انا مستحيل اسيبك يا روح سليم. انتي اختي يا نرمين.
سليم باس رأس نرمين و نرمين حضنته اوي.
سليم(بمرح): حلوة فليذهب الكل للجحيم لا خدي بالك ده انا شاعر قديم و بتكلم لغة عربية فصحي حلوة اوي.
نيرمين ابتسمت بين دموعها.
سليم: يا حلوة انتي يا جميلة...
نيرمين: بحبك يا احلي اخ و صاحب.
سليم: و انا كمان.
سليم: يلا بقي انا جعان اوي يلا نقوم نتغدي بره في اي مكان يلا قومي يا نكدية.
نرمين: طيب.
نرمين قامت غيرت هدومها و نزلت هي و سليم راحوا لاي مطعم.
-في مكان تاني.
عند وجد.
وجد كانت قاعدة في مطعم و حاطة رجل علي رجل و متعصبة و كانت بتبص في ساعتها.
وجد(بعصبية): ليكون فاكرني فاضية ليه انا.
وجد قامت وقفت و مسكت الجاكت بتاعها و شنطتها و كانت ماشية لقت اللي بيمسك دراعها.
وجد(بحدة): ان.
باسل: اولا بعتذر جدا جدا و عارف انه مكنش لازم اتاخر و لو اتاخرت كنت اعتذر ليكي بس تليفوني برضو اتكسر و ودته يتصلح و اتمني الورد ده يغفر عن غلطتي دي...
وجد بصت للورد اللي في ايده و بصت ليه في عيونه.
باسل: ممكن و لا مش ممكن؟! و انتي حلوة و جميلة كدة بعيونك.
وجد(بابتسامة خفيفة): ممكن بس مش كل مرة بتظبط ساعات في تأخير بيضيع حياة الواحد و تقول يا ريتني كنت جيت بدري.
وجد(بابتسامة): و عموما مقبولة منك.
وجد مسكت بوكية الورد من باسل و قعدت و باسل قعد قدامها.
وجد: دلوقتي حضرتك لازم تأخد...
باسل(بضيق): تاني موضوع الفلوس؟!
وجد: ما هو حق حضرتك و.
باسل: و انا متنازل عنه.
وجد: طب تحب تتغدي ايه و لا تشرب ايه براحتك؟!
نرمين: مش ده باسل؟! ايه اللي قعده معاها؟!
سليم: نروح نعرف.
باسل لمح سليم و نرمين بص ليهم بمعني ميقربوش...
سليم و نرمين قعدوا في ترابيزة تانية بعيدة عنهم نسبيا.
وجد(برفعة حاجب): المفروض يعني اتغاضي عن حركتك دي. هما صحابك و علي ما اعتقد صحابك المقربين مش يصح يقعدوا علي ترابيزة و احنا في ترابيزة. خليهم يجوا.
باسل: انتي سريعة الملاحظة علفكرة.
وجد: دي حاجة بسيطة.
وجد رفعت ايديها و شاورت لسليم و نرمين.
وجد: ناديهم يلا...
باسل: سليم نرمين.
سليم: بيناديني يلا نفهم.
سليم: ايه الصدفة الغربية دي؟!
وجد: متحورش.
سليم: ايه ده في ايه؟!
وجد: حبيت اشكر مستر باسل علي التليفون و اللي عمله معايا...
نرمين: و هو عمل ايه؟!
باسل: هبقي احكيلكم بعدين اقعدوا.
وجد: اتفضلوا بما اني عازمة مستر باسل فانتوا من طرف مستر باسل يلا معزومين كل واحد يطلب يأكد ايه.
كل واحد طلب يأكل ايه و الجرسون جه خد الطلبات و بعد فترة بسيطة كانوا هما الاربعة بيأكلوا و بيتكلموا و يضحكوا.
تليفون وجد رن، الخط اتفتح.
وجد: لحظة.
قصي: هو انتي نسيتيني و لا ايه؟!
وجد: مقدرش انت اللي في القلب دايما. قولي عايز ايه؟!
قصي: مش عايز يا وجد مش عايز افضلي اضحكي عليا كتير.
وجد: قصي متقولش كدة انت اخويا فاهم يعني ايه اخويا و مستحيل اضحك عليك و فعلا انا بحبك.
قصي: باي يا وجد.
وجد: طب استني يا قصي قولي انت فين و انا جاية ليك.
قصي: مش عايز حد جمبي. باي.
وجد لقت قصي قفل معاها و هي حطت رأسها بين ايديها.
نرمين: انتي كويسة؟!
باسل: وجد.
وجد(بابتسامة): ايوه انا كويسة.
وجد: بعتذر بس هضطر امشي.
وجد: جرسون.
الجرسون: اتفضلي يا فندم.
وجد: لو سمحت نزل ليهم المشروبات و اتفضل الcriedt card خد الحساب.
الجرسون: حاضر.
نرمين: لو في حاجة ممكن نساعدك.
وجد: لا مفيش عن اذنكم.
باسل: الورد.
وجد: تمام.
وجد لبست الجاكت بتاعها و مسكت بوكيه الورد و الشنطة و خدت البطاقة بتاعتها من الجرسون و مشيت خرجت بره المطعم.
سليم: ايه ده في ايه؟! ايه قلة الذوق دي؟!
نرمين: حصل ظرف في ايه راعي يا اخي.
باسل: هبقي اكلمها بس دلوقتي...
نرمين: ايه؟!
باسل: في حاجة مهمة عايز اقول عليها.
سليم: سامعك...
نرمين: بطل تأكل بقي يا اخي.
سليم: اوف اهو اهو.
باسل(بحدة): سليم ركز مش بهزر هقول كلام مهم.
سليم: اتفضل.
نرمين: قول.
-في مكان تاني...
في القصر...
ثريا: يا حرام السنيورة مش مهتمة بيك ما هي لقت اللي احسن منك.
قصي(بعصبية): ابعدي عني يا ثريا.
ثريا(بضحك): لا و النبي.
ثريا(بسخرية): ابعدي عني يا ثريا.
ثريا: ما تفوق شوف انت فين يا بابا انت ملكش لازمة انت مجرد واحد وجد بتحركك علي مزاجها.
قصي(بصوت عالي): لا انا مش كدة.
يوسف(بحدة): بتعلي صوتك ليه انا لسة جاي و مش عايز اسمع صوت.
ثريا: اطلع ريح انت يا عمي.
ثريا(بخبث): انت ضعيف يا قصي مش عارف قيمتك.
قصي(بغضب): ابعدي بقي عني يا شيخة في ايه.
ثريا: بقول الحقيقة في ايه.
نهلة: في ايه منك ليه؟!
ماجدة: صوتكم عالي ليه؟!
ياسين(بحدة): انتوا اتجننتوا؟! بتعلو صوتكم ليه؟!
الكل اتجمع علي صوت قصي و ثريا و كانت وجد لسة جاية من بره...
ثريا: اهي جت السنيورة ايه جاية تعطفي عليه؟!
ثريا: سيبي اخويا في حاله يا ساحرة.
وجد: و من امتي و انتي كنتي اخت ليه؟!
احمد(بحدة): في ايه ما تلمي نفسك؟!
وجد: كنت لسة اتكلمت هو انا كدة بعترت نفسي علشان المها...
ياسين: في ايه يا وجد اهدي انتي جاية من شوارع.
ماجدة(بغضب): ما هي عايزة حد يعلمها ازاي تتعامل ما هي واحدة محو امية.
قصي(بصوت عالي): بس بقي بس.
قصي(بصوت عالي): انتوا مش بتحسوا بحد.
قصي(بصوت عالي): كل واحد بيبص لنفسه.
وجد: اهدي يا قصي اهدي.
ثريا: يا عيني خايفة عليه اوي.
قصي(بصوت عالي): ايوه خايفة عليا انتي مالك.
ثريا(بصوت عالي): فوق من الوهم اللي انت فيه. فوق بقي.
قصي بعد عن ثريا و بعد عن الكل و كان قريب من وجد شوية و بعدها حط ايده علي رأسه.
قصي(بخنقة): انا مش كويس. انا مش بخير.
وجد الوحيدة اللي قربت من قصي و حاوطت وشه بين ايديها.
وجد: هشششش اهدي انت بخير هدئ نفسك انت بخير.
قصي نزل دم من انفه و وقع بين ايدين وجد.
وجد(بصريخ): قصي!
وجد(بصريخ): عجبك كدة منك لله.
وجد(بعياط): قصي متسبنيش انت وعدتني هتفضل قوي زي ما انت.
وجد(بعياط): ارجوك.
وجد(بعياط): اتصلوا بالدكتور بسرعة.
ياسين(بقلق): قصي قصي يا ابني رد عليا.
منصف: قصي.
وجد(بصوت عالي): دلوقتي افتكرت انه ليك ابن.
وجد(بصوت عالي): كلكم منافقين كلكم.
وجد(بصوت عالي): سامعني؟!
كلهم كانوا حوالين قصي و وجد حاضنة رأس وجد.
وجد: فوق علشان خاطري.
الدكتور جه و فحص قصي و وقف نزيف انفه.
الدكتور: الواضح من كدة انه بيواجه مشكلة في.
وجد(بسرعة): يا دكتور ده انهيار صح مش كدة.
وجد بصت للدكتور و الدكتور فهمها.
الدكتور: ايوه لازم راحة و عناية و ميتعرضش للانفعال.
وجد: اتفضل هوصلك.
وجد وصلت الدكتور لباب القصر.
وجد: انا عارفة انه عنده القلب بس محدش يعرف ارجوك متقولش لحد هو بس مش عايز يعمل العملية و انا لسة بقنعه.
الدكتور: يا ريت في اسرع وقت.
وجد: حاضر.
وجد طلعت لاوضة قصي لقت نهلة حاضناه.
وجد(بسخرية): احضني كويس ممكن تخسريه للابد بافعالك انتي و جوزك و ولادك...
يوسف شد وجد ناحيته و ضربها قلم علي وشها بغضب.
وجد بصت ليهم و سابتهم و دخلت اوضتها قفلت الباب بغضب.
ياسين: وجد افتحي الباب يا وجد.
وجد: جدو انا كويسة و هنام بكرة نبقي نتكلم.
وجد دخلت غيرت هدومها و منزلتش و لا دمعة خالص و كانت متماسكة لاخر لحظة.
وجد لبست بنطلون ابيض و فوقه تي شيرت بكم صوف باللون الكشميري قصير لغاية الخصر و سيبت شعرها علي ضهرها و لبست شراب اسود.
وجد قعدت علي السرير و بدأت تأخد شهيق و زفير لغاية ما تليفونها رن.
وجد مسكت التليفون و اتنهدت. الخط اتفتح.
وجد: الو.
باسل: انسة وجد. ازيك؟!
وجد: بخير.
باسل: اصلك مشيتي بسرعة مرضتش اسألك ساعتها دلوقتي ممكن اسالك ايه اللي حصل و هل فعلا انتي كويسة و لا لا.
وجد لا رد.
باسل سمع صوت انفاس وجد السريعة و سمع صوت شهقاتها اللي حاولت تكتمها.
باسل: وجد ممكن تهدئ و نعرف نتكلم.
باسل: طب استني خليكي عيطي و طلعي كل اللي جواكي و انا اهو معاكي علي التليفون.
وجد لا رد.
باسل: طب مفيش رد طيب براحتك.
باسل: انا جايلك و انتي حرة.
باسل قفل مع وجد اللي ضمت رجليها ليها و قعدت تعيط بصمت.
-بعد فترة.
وجد تليفونها رن تاني مسحت دموعها و خدت نفس عميق.
وجد: اقفلي معاه و خلاص يا وجد بس.
الخط اتفتح...
وجد: مستر باسل ا.
باسل: انا تحت في جنينة القصر.
وجد(بصدمة): انت فين؟!
باسل: انتي اوضة رقم كام؟!
وجد(بصدمة): انت اتجننت يالهوي.
وجد(بصدمة): انت بتتكلم بجد؟!
باسل: انا علطول جدّي علفكرة.
وجد قامت بسرعة من علي السرير و نزلت جري من اوضتها و خرجت بره القصر...
وجد: فين المجنون ده؟!
باسل: احم احم.
وجد لفت بسرعة لقت باسل قربت منه و ربعت ايديها.
وجد: ايوه ممكن افهم ايه الجنان ده؟!
وجد: و كمان انت مين انت عشان تجيلي في الوقت ده و تهتم بزعلي و.
باسل: بس بس بس، الكل نايم و انتي حزينة و لوحدك قولت ما هو مش معقول برضو اسيبك لوحدك كدة.
باسل قرب من وجد و حط ايده علي كتفها.
باسل: كمان يعتبر اصحاب و كمان لازم تطلعي همك و تشكي همك و تعيطي، و اعتبريني يا ستي عابر او كتف اسندي عليه و عيطي براحتك و بعدها انسيني و انسي اللي حصل.
وجد: عمري ما عيطت قدام حد.
باسل: انا مش حد علفكرة.
باسل: اخر حاجة وقفنا عندها كنتي بتعيطي و.
وجد بصت ل باسل و غمضت عينيها و فتحتهم,وجد بدأت تعيط غصب عنها و مقدرتش توقف دموعها.
باسل قرب من وجد و حط ايده علي خدها.