رواية النور والكابوس للكاتبة سلسبيل كوبك الفصل الرابع والعشرون
كان باسل واقف قدام عصمت و مريم قامت قربت منهم.
مريم: عملت ايه؟!
باسل(بهدوء): طلقتها.
مريم رفعت ايديها و ضربت باسل بغضب علي وشه,الكل اتصدم و كانوا باصين ل عصمت و باسل و ردة فعلهم.
مريم: يا خسارة تربيتي فيك يا باسل يا خسارة.
مريم: و انتي؟! انتي كدة ارتاحتي؟! خدتي حقك؟!
مريم: ربنا هيسبكوا لما أذيتوا واحدة برئية زيها...
مريم: و انت مش عايزة اشوفك تاني.
مريم: يلا يا سليم جيب نرمين و كارما.
مريم بصت ل باسل باستحقار و سابته و مشيت و سليم بص ل باسل بغضب و خد نرمين و كارما.
كارما(بهمس): في ايه يا نرمين؟!
نرمين: بعدين يا كارما بعدين.
الاربعة ركبوا العربية و سليم ساق بسرعة كبيرة...
مريم(بحدة): كنت عارف يا سليم؟! و انتي يا نرمين؟!
نرمين(بتوتر): يا طنط انتي عارفة ان مهما قولنا ل باسل مكنش هيسمع كلامنا ده باسل يا طنط.
سليم(بعصبية): مكنتش متوقع انه سريع كدة و كمان انا حاولت اتكلم معاه و قولتله عايز تأذيهم أذيهم هما مش في بنت ملهاش ذنب.
كارما: هو حصل ايه يا ماما؟!
مريم: مصيرك تعرفي متسبقيش الاحداث...
في القصر...
الكل حاول يتجاهل اللي حصل.
حازم: ايه يا بطل رجعت اخيرا؟!
باسل: ايوه.
عصمت: هطلع اوضتي.
باسل: ماشي يا امي.
جودي: ابيه باسل.
باسل: عايزة كام؟!
جودي: 20.
باسل: خديهم من عصمت هانم...
جودي: استني بس يا ابيه ما انت عارف عصمت هانم مش بترضي تودي حد فلوس.
باسل(ببرود): طيب يا جودي ابعدي عني دلوقتي و خديهم مني قبل ما اروح الشركة...
جودي: ربنا يخليك يا ناصر الغلابة.
حازم: يا بت ده اسمه الكابوس كفاية بس اسمه ناصر غلابة ايه بس.
اسيل: ملكوش دعوة بحبيبي في كلتا الحالات بحبه.
عفاف: هو ليه مريم عملت كدة يا باسل؟!
باسل(ببرود): ابقي اساليها يا مرات عمي.
باسل سابهم و طلع اوضته فتح الباب و دخل قفله وراه قرب من علي السرير و قعد عليه.
باسل بدأ يقلع الجذمة اللي هو لابساها.
وجد: مش لايقة يا باسل.
وجد: بص ممكن تلبس الكوتشي الابيض ده هيليق اكتر.
باسل: انا بحبه كدة يا وجد.
وجد(بضيق): ما انت جوزي و لازم اختارلك اللي تلبسه.
باسل: مرة تانية. يلا يا وجد متأخر علي الشركة سلام.
وجد قرت من باسل باسته علي خده و حضنته.
وجد: هستناك.
باسل رمي الجذمة بعنف قدامه و رجع ضهره ل ورا و نام علي السرير و هو بينهج و كل ما يغمض عينه صورة وجد في باله...
باسل(ببرود): كنتي فترة و خلاص...
باسل نام عدل علي السرير و حط رأسه علي المخدة و بدأ يغمض عينه و ينام...
بعد فترة باسل قام مفزوع من نومه و كان عرقان و حاسس بوجع في قلبه.
وجد(بصريخ): ربنا يحرق قلبك و يطير النوم من عيونك.
وجد(بصريخ): مش هسامحك.
باسل قام من مكانه و دخل الحمام خد دوش و هو حاسس بصداع في دماغه خرج من الحمام و بدأ يطلع ليه هدوم.
باسل لبس بدلة باللون الكحلي و قميص ابيض و لبس جذمة سوداء و حط البرفيوم بتاعه
باسل نزل لتحت و كان نازل علي السلالم لقي اللي جاية عليه جري.
شريهان(بفرحة): صح هتتجوزني زي ما عصمت هانم قالت.
باسل(بضيق): مين قال كدة؟!
شريهان(بفرحة): عصمت هانم يا باسل.
باسل ساب شريهان و نزل ل تحت لقي كل العائلة قاعدة قرب من عصمت و باس ايديها.
عصمت: نمت كويس يا حبيبي؟!
باسل: ايوه يا امي.
مامت شريهان: مبروك يا باسل مامتك وافقت علي جوازك من شريهان.
باسل(ببرود): و انا مثلا كنت هموت و اتجوزها.
حازم(بهمس): يالهوي يا اما هتقوم حرب بين الجبروت و الكابوس.
عفاف(بهمس): اخرس ل تسمعك و نروح في داهية.
حازم: باسل بقولك كنت عايزك في موضوع.
عصمت(بحدة): اخرس انت.
عصمت(بحدة): قصدك ايه بكلامك يا باسل؟!
باسل(بهدوء): اقصد يا امي اني مش عايز اتجوز.
عصمت(بحدة): كتب الكتاب الاسبوع الجاي يا باسل و انتهي الموضوع. روح شغلك.
باسل اتعصب جدا و سابهم و مشي.
باسل(بغضب): جودي.
جودي(بخوف): نعم يا ابيه.
باسل(بغضب): خدي اللي انتي طلبتيه و طلعيها فوق.
باسل ودي جودي ال criedt card و سابها و مشي...
باسل خرج بره القصر و هو متضايق و ركب عربيته و ساق و مشي بره القصر...
عند الباقي.
حازم: باسل اتضايق يا عصمت هانم.
عصمت بصت ل حازم بنظرة مخيفة قام وقف علطول.
حازم: تصبحوا علي خير هنام.
حازم جري علي اوضته و لقي وراه اسيل.
اسيل(بضحك): كان شكلك مضحك...
حازم: يا بنتي دي جبروت و الله ساعات بحسها مش من عالمنا بام الاسود في اسود و حجابها الاسود يالهوي دي بتخوف.
اسيل: ده انت مسخرة عموما هروح انام شوية يلا باي.
اسيل: بقولك يا حازم انت عارف ايه سبب اللي حصل النهاردة؟!
حازم(بتوتر): و انا اعرف منين؟! هو حد يقدر يعرف حاجة من عصمت هانم دي. يلا اطلعي بره عايز انام.
حازم قفل الباب في وش اسيل و غير هدومه و بعدها راح نام.
تحت...
راجل: مساء الخير...
عفاف: مساء النور يا معتز...
شريهان: شوفت يا اونكل انا و باسل هنكتب الكتاب اخر الاسبوع.
معتز: مبروك. تعالي يا عفاف.
معتز و عفاف طلعوا اوضتهم و قعدوا يتكلموا.
عصمت: قومي يا سارة خدي بنتك و اطلعوا اوضتكم.
سارة(مامت شريهان): تمام يا حبيبتي يلا اشوفك بعدين.
سارة و شريهان طلعوا كل واحد خد اوضته.
عصمت(ببرود): قاعدة هنا بتعملي ايه؟!
جودي(بتوتر): مفيش يا مرات عمو هطلع انا.
جودي سابت عصمت و طلعت جري علي اوضتها بخوف منها.
عصمت قامت بوقار و اي خادمة تلاقيها تحط عينيها في الارض و عصمت دخلت اوضتها...
-في مكان تاني...
عند علي و ثريا.
ثريا كانت قاعدة بتتفرج علي التلفزيون و علي مش موجود.
علي دخل البيت و سمع صوت التلفزيون و لقي ثريا و هي مندمجة مع المسلسل بتعيط علي عياط البطلة...
علي حط المفاتيح علي السفرة فعملت صوت ثريا لفت بسرعة لانها اتخضت.
علي(ببرود): ممكن افهم ايه النكد ده؟!
ثريا(بدموع): خانها...
علي(ببرود): هو مين؟!
ثريا(بدموع): البطل. هيسيبوا بعض.
علي قرب من ثريا جدا ل درجة ان ثريا رجعت لورا بجسمها بس علي مال علي وشها و لف علي ايده خصلة من شعرها...
علي(ببرود): شايف انك نسيتي انك بيعتي شرفك و ليكي نفس تتفرجي علي المسلسلات.
ثريا دموعها نزلت تاني بس بسبب كلام علي ليها و بصت في الارض.
ثريا(بعياط): عندك حق انا اسفة...
ثريا بعدت عن علي و سابته و دخلت الاوضة بتاعتها و قعدت تعيط علي السرير بتاعها.
علي(بضيق): هي ناقصة نكد، جتك القرف.
الباب خبط.
علي راح فتح الباب لقي باسل استغرب من وجوده.
علي: ايه؟!
باسل: جاي اخد منك امانة سبتها عندك.
علي(بعدم فهم): امانة ايه؟!
باسل: ثريا...
علي(بصدمة): هنتطلق دلوقتي؟! انا انا يعني معداش اكتر من شهر يعني فالناس هتتكلم و سمعة عائلة مراتك هتبقي وحشة...
باسل(ببرود): انا طلقت وجد و خلاص مبقاش في حاجة في حياتي اسمها وجد، و انا جاي هنا علشان اكسر ثريا و تحصل بنت عمها.
علي(بتوتر): هتكسرها ازاي؟!
باسل: خش جيبها.
باسل دخل و علي نادي ثريا و هو مش فاهم حاجة.
ثريا(بحزن): نعم.
باسل(ببرود): تعالي.
ثريا(بفرحة): وجد جت؟!
باسل(ببرود): لا هتحصليها...
ثريا(بحزن): هي ليه مجتش؟!
علي: في ايه يا باسل انا لغاية دلوقتي مش فاهم حاجة؟!
باسل قام و قرب من ثريا و ضربها قلم علي وشها,ثريا فتحت عينيها علي اخرهم و علي برضو اتصدم...
باسل(ببرود): هاخدها معايا مكان يا علي.
باسل شد ثريا من دراعها و مشي و علي كان مصدوم و خرج جري وراه و مسك ثريا.
علي: واخدها علي فين؟!
باسل: مكاني المفضل.
علي شد ثريا من باسل و خلاها ورا ضهره و هي كانت خايفة.
علي: و هي ليه تروح هناك يا باسل انت مجنون.
باسل: لا انت اللي مجنون من امتي و انت بترفض حاجة انا بطلبها...
باسل: و كمان دي واحدة.
ثريا عيطت و حطت عينيها في الارض علي بص عليها و علي باسل.
علي: بس هي حاليا مراتي. و انا مش علشان اخلي مراتي تيجي معاك المكان اللي انت عايزه او حتى اخليك تلمسها.
علي: اسف يا صاحبي انت اخويا و صاحبي و هي مراتي.
علي: انت طلقت مراتك انت حر و انا حر برضو...
ثريا اتصدمت لما عرفت ان وجد اتطلقت من باسل و اتصدمت من كلام علي...
باسل(ببرود): و الله يا علي؟!
علي: قولتلك اسف يا صاحبي.
باسل بص ل علي و بعدها بص ل ثريا و سابهم و مشي,علي لف ل ثريا لقاها بتعيط جامد و وشها احمر قرب منها و حط ايده علي خدها لقي حرارتها عالية جدا...
علي: انتي كويسة حاسة بوجع؟!
ثريا(بعياط): هو فعلا طلق وجد؟!
علي: مش مهم ده نصيب و قدر.
ثريا(بعياط): تسمحلي اروح اشوفها؟!
علي: لا.
علي وطي و شال ثريا بين ايديه و طلع علي اوضته حطها علي السرير.
ثريا(بعياط,توتر): انت جبتني ليه هنا دي مش اوضتي.
علي(بهدوء): نامي هنا و من غير كلام كتير انا مصدع.
علي نزل ل تحت و طلع تاني لقي ثريا زي ما هي...
علي: خدي دي.
ثريا: ايه؟!
علي: مخفض للحرارة.
ثريا: شكرا.
ثريا خدت البرشامة و شربت ماية و كانت هتقوم لقت علي وقف قدامها.
علي: قولت اقعدي هنا...
ثريا: ا.
علي: مش عايز اسمع نفس...
علي راح و نام علي طرف السرير و حط دراعه علي عينه و كان بيفكر.
علي(بهدوء): اطفي النور و نامي متفكريش في حاجة.
ثريا طفت النور و طلعت علي السرير بتوتر و نامت علي طرف السرير من غير غطاء.
الاتنين كانوا صاحين بس محدش بيتكلم كل واحد سارح.
ثريا شهقت لما لقت علي قريب منها و يعتبر هي في حضنه و كان بيغطيها...
علي: رغم اللي حصل بس انا جوزك علي سُنة الله و رسولهُ متستغربيش.
علي بِعد عن ثريا بمسافة بسيطة و غمض عيونه نام و ثريا بعد فترة نامت هي كمان بعمق.
بعد اسبوع...
كانت الاحوال شبه مستقرة,عائلة وجد لاحظوا غيابها,باسل عايش في القصر مع مامته,النهاردة كتب كتابه,احمد و كارما بيتكلموا دايما مع بعض,قصي مراحش ل ليلي و لا مرة,ليلي قاعدة لوحدها خايفة,علي سافر و ساب حراسة علي البيت و ثريا لوحدها مبتقدرش تخرج,مريم قاطعت فعلا باسل,سليم بيتكلم معاه ببرود,نرمين عادي بالنسبة ليها,اما وجد فمحدش يعرف عنها حاجة خالص.
ياسين: لا الامر زاد وجد عمرها ما تنسانا كدة. و حتى باسل تليفونه مغلق.
ماجدة: هتلاقي هي و باسل قضوا شهر العسل او.
قصي: ها عرفتوا حاجة عن وجد؟!
ياسين: لا.
نهلة: ما تروح مطرح ما تروح احنا مالنا هنشيل همها كمان و هي متجوزة ده ايه ده...
ماجدة: متنسيش هي متجوزة مين يا نهلة هانم.
منصف: خلاص اهدوا.
ياسين: انا بعت سعد البيت بتاعهم مفهوش حد خالص كأنه مهجور.
يوسف: و تليفونهم هما الاتنين مغلق.
قصي: لا انا بدأت اقلق خلاص انا هروح ل باسل شركته ممكن الاقي سليم ده او الاقيه اكيد في حاجة.
ياسين: استني خدني معاك.
ياسين و قصي خرجوا و ركبوا العربية و سعد كان معاهم و راحوا ل شركة باسل.
السكرتيرة: لحظة ابلغ باسل بيه.
ياسين(باستغراب): يعني هو موجود؟!
السكرتيرة: ايوه يا فندم.
السكرتيرة دخلت ل باسل و قصي بص ل ياسين.
باسل(بحدة): خير؟!
السكرتيرة: ياسين الصياد و قصي الصياد في انتظار حضرتك بره يا باسل بيه.
باسل(ببرود): دخليهم بعد نص ساعة.
السكرتيرة: حاضر يا بيه.
السكرتيرة خرجت بلغت قصي بكدة و سابته و مشيت...
قصي: هو بيعمل كدة ليه؟!
ياسين: ممكن يكون عنده اجتماع يا قصي اهدي.
قصي: ليكون في حاجة انا خايف اوي علي وجد.
بعد فترة طويلة كان قصي و سعد جابوا اخرهم.
سعد(بعصبية): ده انسان معندهوش ذوق.
ياسين(بضيق): زاد فيها فعلا.
السكرتيرة: تقدروا تتفضلوا.
التلاتة دخلوا مكتب باسل و باسل كان رافع رجله علي المكتب و بيشرب من سيجارته ببرود.
باسل(ببرود): اهلا خير جايين ليه؟!
قصي(بضيق): هو ايه اللي جايين ليه و كمان ايه اللي انت عامله ده!؟
باسل(برفعة حاجب): و انت مال اهلك حياتي، جايين ليه علشان ارجعها؟!
سعد(بعصبية): احترم نفسك. و انت قصدك ايه؟!
ياسين(بهدوء): اسكت منك ليه.
ياسين: ايه يا باسل مش عيب كدة؟! و كمان يا عم احنا جايين علشان وجد.
باسل(بضحك مستفز): ايه جايين ترجعوها ليا.
ياسين(بعدم فهم): قصدك ايه؟!
قصي(بحدة): استني يا جدو شكل البعيد مش بيفهم.
قصي(بحدة): وجد فين يا باسل؟! اخر مرة كلمت جدو من اسبوع كان الساعة 9 الصبح كدة. و من ساعتها تليفونك و تليفونها مغلق.
باسل نزل رجله بسرعة من علي المكتب و اتعدل في قعدته.
باسل(باستفهام): هي وجد مش عندكوا؟!
ياسين: اومال احنا جايين ليه يا ابني قلقنا عليها.
باسل بص ليهم و هو كان بيفكر هي ازاي مراحتش عندهم.
باسل(ببرود): طلقتها و رميتها في الشارع، و لحظة لو ممشيتوش هرميكم انتوا كمان في الشارع.
قصي و ياسين و سعد اتصدموا كلهم و بصوا ل باسل و فجأة سعد راح ل باسل و بدأ يضربه بس باسل مسك دراعه و تناه ورا ضهره و ضغط عليه جامد لدرجة انهم سمعوا صوت الكسر...
سعد صرخ جامد و قصي جري عليه و هو بيبص ل باسل بغضب...
قصي(بغضب): صدقني هتندم لو وجد حصلها حاجة...
قصي خد سعد و مشاه معاه و خرجوا بره الشركة...
ياسين: اسبقوني انتوا.
ياسين مسك عكازه و قرب من باسل.
ياسين: ليه؟!
باسل(ببرود): علشان مش بحبها.
ياسين: مش انت اللي جيت لحد عندنا.
باسل(بجمود): علشان انتقم منكوا فيها.
ياسين: عملت فيها ايه؟!
باسل(بشماتة): ذليتها و كسرتها مخلتش حتة فيها سليمة و اقولك حاجة كمان.
باسل قرب من ياسين و مال عليه.
باسل(بابتسامة شماتة): خليتها تتعاطي مخدرات، حفيدتك بقت مدمنة.
باسل طلع تليفونه و جاب صور وجد و حطها قدام عيون ياسين اللي حس بدوخة شديدة.
ياسين: بتنتقم مني ليه؟!
باسل: لسة لسة مش دلوقتي. اهم حاجة اشوف نظرة الانكسار و الذل في عيون كل ولاد عائلة الصياد...
باسل: روح دور علي حفيدتك بعيد عني انا طلقتها.
ياسين(بدموع): كنت تأخد روحي قبل ما تعمل فيها كدة...
باسل(بسخرية): مضحي اوي انت. بره.
باسل اتصل بالامن و كان ياسين في حالة صدمة و ضعف و فاق لما الحراس مسكوه و خرجوه بره الشركة...
ياسين وقف تاكسي و هو تايه و ضايع و كان ماشي بلا هدف...
السواق: علي فين؟!
ياسين(بدموع و ضعف): .
السواق: طيب.
بعد فترة السواق وقف قدام المقابر,ياسين نزل منها بضعف و مشي بس رجليه مستحملتهوش و دماغه تقلت حس بوجع في رأسه شديد و صور وجد قدام عيونه فجأة وقع في الارض مغمي عليه...
-في مكان تاني.
عند وجد.
وجد كانت نايمة علي سرير و ضامة رجليها ليها و قاعدة عمالة ترتعش و ملامحها بقت باهتة و بقت ضعيفة.
جه شخص و قعد قدامها و حط ايده علي خدها...
شخص: متستسلميش يا وجد انتي اقوي من ده كله.
شخص: هفضل معاكي لحد ما تقفي علي رجليك من تاني و تواجهي. متخافيش يا حبيبيتي انا معاكي.
وجد ابتسمت بضعف للشخص اللي قدامها و الشخص ده قام و باس رأسها...
شخص: هروح اكلم الدكتور و اجي.
الشخص ده ساب وجد و مشي و راح لاوضة الدكتور اللي مشرف علي حالتها...
شخص(بالفرنسية): ممكن ادخل؟!
الدكتور(بالفرنسية): سيف بيه اتفضل.
سيف(بالفرنسية): ايه اخر التطورات في حالة وجد؟!
الدكتور(بالفرنسية): هي عندها ارادة انها تتخلص من ده، هيبقي صعب شوية لان النوع اللي هي كانت بتأخده كان قوي جدا.
سيف(بالفرنسية): طب و هي ممكن تأخد قد ايه و ترجع طبيعية زي الاول...
الدكتور(بالفرنسية): حسب ارادتها هي و متخافش ان شاء الله هتروق و تبقي كويسة.
سيف(بالفرنسية): شكرا يا دكتور. عن اذنك.
الدكتور(بالفرنسية): اتفضل.
سيف راح لاوضة وجد بس لقاها بتصرخ و جسمها بيتشنج.
سيف(بقلق,بالفرنسية): في ايه؟!
الممرضة(بالفرنسية): جسمها محتاج جرعة.
سيف قرب من وجد و حط ايده علي رأسها.
سيف: حبيبة خالك يلا قومي و عافري يا حبيبتي.
سيف: لازم تواجهي انتي مش ضعيفة. خلي عقل وجد يتصرف بحكمة و متسبيش جسمك و احتياجك الزفت ده يأثر عليكي، انتي اقوي من كدة.
وجد(بصريخ و دموع): انا مش قادرة حاسة ان روحي بتطلع...
سيف: اهدي يا حبيبتي اهدي...
سيف: اهدي.
سيف: انا معاكي اهو.
وجد مسكت ايد سيف بضعف و هي بتعيط.
وجد(بعياط): متسبنيش يا خالو انا محتجاك.
سيف: حبيبة خالك مش هسيبك انتي روحي.
سيف باس رأس وجد و الممرضة ودت وجد حقنة و خرجت و وجد بدأت تهدئ و حاسة بأنها مش قادرة تتحرك...
وجد(بخفوت): روح انت شركتك يا خالو انا كويسة هنام شوية.
سيف: طيب يا حبيبتي هرجعلك تاني بليل.
سيف قام وقف و باس رأس وجد و حضنها و سابها و خرج.
وجد غمضت عينيها و دموعها بدأت تنزل بصمت و هي بتفتكر كل اللي حصل...
Flash Back...
بعد ما حراس باسل رموا وجد في الارض هي قعدت تعيط لفترة و كان جسمها ضعيف جدا حضنت نفسها لانها كانت بترتعش و قامت وقفت بضعف شديد وقفت تاكسي.
السواق: علي فين يا بنتي؟!
وجد(بضعف): .
وجد كانت منكمشة علي نفسها و بترتعش و كل شوية تحرك انفها بايديها لدرجة ان السواق شك فيها...
و بعد فترة السواق وقف مكان ما وجد عايزة.
وجد(بضعف): لحظة اخلي صاحبتي تدفع.
وجد نزلت و هي بتقفل التي شيرت بتاعها بايديها و كانت ماشية بضعف ل درجة انها وقعت علي الارض و بعدها بدأت تقوم و الكل كان بيبص عليها و يبص علي آثار الضرب اللي علي جسمها و وجد راحت ناحية بيت و قعدت تخبط عليه.
بنت: حاضر جاية.
الباب اتفتح.
خديجة(بشهقة): يالهوي.
وجد وقعت مغمي عليها بين ايدين خديجة.
خديجة(بصريخ): هاني يا هاني.
هاني(بفزع): ايه يا خديجة في ايه؟!
هاني(بخضة): مالها وجد؟!
السواق: احم لو سمحت انا اللي وصلتها هنا و.
هاني: انطق حصلها ايه؟!
السواق: معرفش انا لقيتها وقفتني في الشارع و قالتلي اجي هنا و بعدها قالتلي هنزل اجيب الفلوس.
خديجة: دخلها الاوضة جوا يا هاني عقبال ما ادفعله الفلوس.
خديجة حاسبت الراجل و هاني شال وجد بين ايديه و حطها علي السرير...
هاني: هاتي برفان.
خديجة: خد.
هاني بدأ يرش برفيوم علي ايده و قرب من وجد و بدأ يشممه ليها و وجد حركت رأسها بضعف و عينيها كانت بترمش.
وجد فتحت عينيها بضعف و قعدت تعيط و خديجة خدتها في حضنها.
هاني: هروح اجيب ادوية خليكي معاها.
هاني سابهم و خرج و خديجة شدت من حضن وجد و وجد كانت بتعيط.
خديجة: حرام عليكي يا وجد محدش يستاهل تعيطي ده كله و كمان عينك يا حبيبتي عينك كدة هتلتهب و توجعك، ارجوكي بطلي عياط و قوليلي عايزة ايه؟!
وجد(بضعف و عياط): كنت بتعاطي مخدرات.
خديجة(بصدمة): ايه؟!
وجد(بضعف و عياط): انا و الله مكنتش اعرف و الله.
خديجة: اومال يا وجد انا عارفة انك متعمليش كدة ابدا يا حبيبتي احكيلي.
وجد(بضعف و عياط): باسل كان بيخليني اخد مخدرات من غير ما اعرف معرفش ليه كان بيعمل كدة معرفش ليه ذلني و طلقني و رماني و ضربني.
وجد(بعياط): و الله معملتش حاجة انا برئية يا خديجة.
هاني كان جه و سمع كلام وجد اتصدم.
هاني: هو مش ده اللي انتي كنتي بتحبيه.
وجد(بضعف): و كنت فاكراه بيحبني...
خديجة: حسبي الله و نعمة الوكيل. ربنا ينتقم منه مكان ما هو...
هاني: احنا لازم نقول لاهلك.
وجد(بضعف): لا لا استني يا هاني ارجوك لا انا مش عايزة ارجع ل عائلتي.
وجد(بضعف): هو عايز يكسر اهلي بيا و انا مستحيل اسمح بده يحصل...
هاني: اومال هتعملي ايه؟!
وجد(بضعف): هكلم خالو في فرنسا.
خديجة: طب و انتي حافظة رقمه.
وجد(بضعف): ايوه.
هاني: خدي.
وجد مسكت تليفون هاني و بدأت تكتب رقم خالها.
هاني: خليكي انا هكلمه...
هاني مسك التليفون و كلم خال وجد اللي هو سيف و بدأ يحكيله اللي حصل و اللي وجد فيه.
سيف(بصدمة): هي طيب تقدر تكلمني؟!
هاني: لا.
سيف: طيب هبقي اكلمك تاني، باي.
سيف قفل مع هاني و هاني راح ل وجد.
هاني: قال هيكملني تاني...
خديجة: متزعليش يا وجد ده الخير ربنا بيبعدك عن الناس الوحشة.
وجد كانت في دنيا تانية و بدأت تتشنج و حرارتها تعلي و هاني لانه دكتور فهم حالتها و بدأ يثبتها و وداها حقنة مهدئة.
هاني: لازم اطهر ليها جروحها و انتي لازم تساعديني.
هاني و خديجة بدأوا يعالجوا جروح وجد...
هاني: هطلع انا غيري ليها هدومها.
خديجة: طيب.
خديجة بدأت تغير هدوم وجد وجد لبست عباية بيتي طويلة ب ¾ كم باللون الاحمر.
خديجة(بدموع): ربنا يقويكي يا وجد.
خديجة خرجت بره لقت هاني مستنيها هي اول ما شافته حضنته جامد و قعدت تعيط...
هاني: خلاص يا حبيبتي.
خديجة(بعياط): صعبانة عليا اوي.
هاني: معلش يا حبيبتي ده نصيبها و ربنا حاططها في اختبار و انا متاكد انها هتعدي منه...
خديجة(بعياط): انتي تحبني؟!
هاني: اكيد.
خديجة(بعياط): هتسبني زي ما هو سابها.
هاني ضرب خديجة علي رأسها بخفة و زاد من حضنها.
هاني: انتي هبلة انتي حياتي.
خديجة: ربنا يخليك ليا.
هاني: حبيبتي.
دخلوا ناموا في اوضتهم و كانوا بيتكلموا شوية و بعدها ناموا.
في منتصف الليل...
صحيوا مفزوعين علي خبط علي الباب.
هاني: خليكي هنا.
هاني قام بسرعة و فتح الباب لقي حراس كتيرة و قدامهم راجل باين عليه انه رجل اعمال كبير.
سيف: انا سيف النجار خال وجد.
هاني: اه اه اتفضل ادخل.
سيف: ممكن اشوفها؟!
هاني: اه لحظة.
هاني دخل و قال ل خديجة اللي سلمت عليه و سيف دخل ل وجد.
سيف قرب من وجد لقي في كدمات في وشها و باين من ايديها و رجليها و بتتعرق و التتفس عندها صعب.
سيف حد ايده علي رأسها و باسها.
سيف(بدموع): هجبلك حقك اوعدك.
سيف: شكرا ليكوا.
سيف شاور لحد من الحراس اللي حطوا شنطة من الفلوس علي الترابيزة.
هاني: شيل فلوسك يا بيه عيب كدة...
خديجة: وجد مش صاحبتي و بس دي اختي.
سيف: شكرا ليكوا بس ده علشان جدعنتكم و علي اصلكم، شكرا.
سيف وطي و شال وجد بين ايديه و مشي بيها.
هاني: ممكن سؤال هو هتعمل فيها ايه؟!
سيف: هرجعها فرنسا معايا و لما تفوق نبقي نتكلم، و انتوا معاكوا نمرتي و هخلي وجد تبقي تكلمكوا لما تبقي كويسة. شكرا للمرة التانية.
سيف خرج ب وجد و ركبها العربية و راحوا علي المطار و ركبوا الطيارة الخاصة ب سيف و مسحوا من السجلات انه جه مصر.
سيف بعد فترة وصل باريس نزل و كان مجهز كل حاجة و جهز المستشفي و دخل حط وجد علي السرير.
سيف(بالفرنسية): دي امانة و اياكم تغلطوا...
سيف(بالفرنسية): ابداوا من الليلة.
سيف النجار: -خال وجد و يبقي اخ ماجدة بس العلاقة بينهم مش قوية بسبب طباع ماجدة. عنده 39 سنة و عازب مش متجوز محافظ علي رشاقته و علي قوته و رجل اعمال كبير مش بيخاف من حد و وجد هي الوحيدة اللي هو بيحبها و عارف ان قلبها ابيض من جوا. هو وسيم و عنده دقن بسيطة و شعره باللون الاسود و بشرته بيضاء و عيونه باللون البني الغامق و طويل.
-في الصباح الباكر.
وجد بدأت تفتح عينيها و لقت سيف نايم علي الكنبة و بدأت تبص حواليها اكتشفت انها في مستشفي و عرفت انها في باريس من طريقة تنظيم الاوضة و الكلام اللي مكتوب...
سيف: صحيتي يا حبيبتي؟!
وجد بدأت تعيط و تشهق و سيف قرب منها و خدها في حضنه.
سيف: حبيبتي اهدي بس و احكيلي.
وجد(بعياط): حاسة بخنجر في قلبي يا خالو حاسة ان روحي اتسحبت مني. حاسة بالغدر و الذل حاسة بحاجات كتير يا خالو.
سيف(بحب): لا يا روحي مفيش حاجة من دي. دي زي تجربة بتعلمك تبقي اقوي من الاول.
سيف(بحب): مش انتي دايما بتقولي لازم الواحد ميسمحش لاي حد انه يكسره و.
وجد(بعياط): بس ده مكنش حد ده كان كل حياتي.
سيف: يا بكاشة اومال انا ابقي ايه؟!
وجد لا رد.
سيف فهم انها هتأخد وقت كبير علشان ترجع زي الاول مرضيش يضغط عليها.
سيف: اقل من شهر و هتكوني معافية تماما و هترجعي احسن من الاول.
وجد(بعياط): خالو ممكن اطلب طلب.
سيف: قولي يا روحي.
وجد(بعياط): مش عايزة حد يعرف اني معاك مش عايزة حتى جدو او قصي، ارجوك يا خالو.
سيف: حاضر يا حبيبتي.
وجد(بعياط): ممكن تسبني لوحدي.
سيف: هقولك حاجة قبل ما امشي يا حبيبتي.
سيف: اللي حصل حصل و مش هتغيريه. اللي باع تبيعيه. حقك ربنا هيجيبه ليكي، اياكي تيأسي يا وجد انا معاكي و هكون معاكي دايما.
وجد(بعياط): هو في كره ممكن يوصل ان حد يقتل ابنه؟!
سيف بص ل وجد و استغرب كلامها و بعدها فهم...
سيف: احكي.
وجد بدأت تحكي كل اللي حصل بعد ما خلصت سيف مسح دموعها و باس رأسها.
سيف: هنتكلم اول ما تتعافي من اللي انتي فيه يا حبيبتي.
سيف: بحبك.
سيف مشي و وجد قعدت تفتكر كل اللي حصل في الفترة اللي فاتت كلها.
فضلت طول الاسبوع بتتعالج و بتقعد مع سيف...
Back...
وجد فاقت علي خبط الباب.
وجد(بالفرنسية): اتفضل.
دخل شاب و ماسك بوكيه ورد و حطه جمبها.
شاب(بالفرنسية): حمدلله علي السلامة.
وجد(بالفرنسية): مين؟!
شاب(بالفرنسية): انا لؤي.
وجد(بالفرنسية): برضو مين؟!
لؤي: بصي يا ستي انا ابقي لؤي و مدير اعمال سيف بيه النجار اللي هو يبقي خال سيادتك الراجل العظمة اللي الكل بيخاف منه ده انا بترعب منه، من اصل تركي و مصري و بتكلم عربي و تركي و امي كانت مصرية و ابويا كان تركي و توفوا و جيت فرنسا قابلت خالك اتعرفنا اشتغلنا مع بعض. و انا عندي 27 سنة و بحب البنات الحلوين اللي زيك. و لو قبلتي نبقي اصدقاء هغرقك شيكولاتات و هدايا بصي بقي مقولكيش، انا رغاي شوية بس عادي تتعودي.
وجد بصت ل لؤي بصدمة لانه كان سريع و اتكلم و قال ده كله.
وجد: ايوه انت مين برضو؟!
لؤي: ايه يا بت دماغك قفل ليه كدة؟!
وجد: بت؟! بت لما تبتك؟!
لؤي: هو ده الكلام. ما انتي طلعتي بتعرفي تشوحي اهو...
لؤي: خالك وداني صورة تانية غير دي قال وجد دي رقيقة و جميلة و حبوبة و كيوت كدة و عسل.
وجد: بره.
لؤي: مقولتيش رأيك في الورد؟!
وجد(بعصبية): بره.
لؤي قام وقف و راح ناحية الباب.
لؤي: ايه يا بت هتتحولي و لا ايه؟!
وجد مسكت بوكيه الورد و ضربت بيه لؤي و لؤي خرج بره الاوضة و هو بيضحك.
لؤي: يخرب بيت الجمال يا شيخة.
-في مكان تاني...
في مصر في المستشفي.
كانت كل عائلة الصياد موجودة قدام اوضة العناية المركزة اللي ياسين موجود فيها...
ماجدة(بغضب): يعني ايه كل اللي حصل ده مش فاهمة...
قصي(بحدة): مش انتوا كنتوا شايفينه واحد مناسب اشربوا بقي. ضيعتوا بنتكم.
ماجدة: اكيد هي اللي ضايقته او خانته او عملت حاجة...
يوسف: باسل مبيغلطش.
قصي(بغضب): بس غلط و ضيع وجد.
احمد(بضيق): هروح مشوار مهم و اجي.
احمد سابهم و خرج ركب عربيته و طلع تليفونه اتصل بكارما...
الخط اتفتح.
احمد(بحدة): عايزك في حالا.
احمد قفل مع كارما و كارما استغربت و لبست و خرجت. راحت المكان اللي احمد قال عليه.
كارما نزلت من عربيتها لقت احمد واقف و ساند علي عربيته...
كارما: احمد.
كارما(بوجع): آه يا احمد.
احمد مسك كارما من دقنها و سندها علي العربية...
احمد(بغضب): الزفت باسل عمل كدة ليه في وجد؟!
كارما(بوجع و دموع): و الله ما اعرف حصل ايه يا احمد و الله. انا معرفش حاجة صدقني.
احمد(بغضب): ازاي متعرفيش يعني اومال اسأل مين؟! عمل ليه كدة في وجد؟!
احمد(بغضب): اروح اسأل مين ها اروح اسأل مين؟!
كارما بدأت تعيط جامد و احمد بِعد عنها بمسافة بسيطة.
احمد: بطلي.
كارما(بعياط): انا و الله لسة عارفة انه طلقها من فترة بسيطة.
احمد(بغيظ): يعني هو طلقها كدة فجأة. و كمان هي ممكن تكون عملت ايه علشان يعمل كدة.
كارما(بعياط): انا ماشية لما تعرف انه مليش ذنب ابقي كلمني.
كارما كانت بتفتح باب عربيتها لقت احمد قفله و بص ليها.
احمد: كارما اهدي و قولي انا هديت علشان متعصبش.
كارما(بانفعال): ما انت متعصب.
احمد حاوط كارما بين ايديه و بص ليها.
احمد: انتي مشوفتيش عصبيتي الحقيقية. و صدقيني يا كارما وقت عصبيتي معرفش انا مين.
كارما(بضيق): انت شوفت عملت ايه؟!
احمد: انتي مش عارفة ان جدي دخل العناية...
كارما(بحزن): بجد؟!
احمد: اه.
كارما(بحزن): انا اسفة يا احمد و الله.
احمد: هششش انتي مش السبب خلاص يا حبيبتي.
احمد باس رأس كارما و مسك ايديها و سندوا علي عربية احمد و بدأوا يتكلموا...
-في مكان تاني...
في فيلا المهدي.
كانت مريم و نرمين و سليم قاعدين.
الباب خبط.
مريم كانت هتقوم تفتح الباب.
نرمين: خليكي يا طنط.
نرمين قامت و فتحت الباب لقت باسل,باسل حضن نرمين و باس رأسها.
نرمين: ادخل.
باسل: مساء الخير.
مريم قامت و كانت هتطلع اوضتها بس باسل راح ناحيتها و مسك دراعها...
باسل: ماما مريم.
مريم(بضيق): افندم؟!
باسل: انا عارف ان الطريقة كانت غلط بس مفيش غيرها و انتي عارفة اللي فيها.
مريم(بضيق): و اللي انت عملته فيها ده شفي غليلك.
مريم(بضيق): قتلت روح واحدة برئية.
باسل(بغضب): بس اهلها مش كدة. لازم يتكسروا.
سليم جاله تليفون قام و رد في اوضته.
نرمين: احنا عارفين يا باسل بس يا حبيبي وجد ملهاش ذنب.
باسل(بغضب): و اللي حصل حصل و خلاص.
مريم: طيب يا باسل عايز ايه دلوقتي!؟
باسل: متفضليش واخدة مني جمب كدة...
مريم: ماشي يا باسل انا هكلمك عادي و لا كأن حاجة حصلت بس هسيب ضميرك هو اللي يفوقك، هسيب الذكريات تخلصك من الغيبوبة اللي انت فيها.
سليم: باسل.
باسل: ايه؟!
سليم: كمال بيه عايزنا.
باسل: تمام يلا بينا.
باسل و سليم خرجوا بره الفيلا و ركبوا عربيتهم و راحوا للمكان اللي هما عايزينه.
نرمين: انتي زعلانة ليه؟!
مريم: مشوفناش حاجة وحشة منها...
نرمين: طب نعمل ايه؟!
مريم: لو ضاعت من ايديه.
نرمين: لو؟! هي ضاعت اصلا يا طنط.
مريم(بتنهيدة): عندك حق ربنا يهدي.
عند باسل.
باسل و سليم نزلوا من العربية و دخلوا المبني اللي قدامهم.
شخص: باسل بيه اللواء كمال في انتظار حضرتك في اوضة الاجتماعات.
باسل: طيب، يلا يا سليم.
باسل وسليم راحوا اوضة الاجتماعات و دخلوا.
باسل و سليم: تمام يا فندم احنا جاهزين.