رواية النور والكابوس للكاتبة سلسبيل كوبك الفصل الخامس والعشرون
باسل و سليم نزلوا من العربية و دخلوا المبني اللي قدامهم.
شخص: باسل بيه اللواء كمال في انتظار حضرتك في اوضة الاجتماعات.
باسل: طيب، يلا يا سليم.
باسل و سليم راحوا اوضة الاجتماعات و دخلوا.
باسل و سليم: تمام يا فندم احنا جاهزين.
كمال: اقعدوا...
علي اتحرك بالكرسي بتاعه ناحية سليم و باسل...
علي(بهمس): هنبدأ الشغل علي تقيل مش مطمن للراجل ده.
كمال(بحدة): علي.
علي: نعم يا كبيرنا.
كمال: انتوا عارفين اننا مش هنتكلم هنا لما نروح المقر بتاعنا.
كمال: بس انا شايف ان كل واحد منكم انتوا التلاتة شايل ايده من الموضوع خالص.
علي: انا يا رئيس انا! ده انا ماشي جمب الحيط.
سليم: و انا يا باشا انا معملتش حاجة انا بشتغل في الشركة علشان ال انت عارف بقي.
باسل(بهدوء): انا مش مضطر ابرر انا عارف بعمل ايه.
كمال(بسخرية): اوي يا باسل بيه.
كمال(بحدة): و انت يا زفت مستغل شغلتك و بتدورله علي اللي هو عايزه.
علي(و هو بيبلع ريقه بتوتر): حاسبه هو مش انا.
كمال(بحدة): و انت يا زفت بتدور علي واحد اسمه اياد عبد السميع خير؟!
سليم(بتوتر): في ايه يا كمال بيه انا زي ابنك و لسة مدخلتش دنيا.
علي(بتوتر): هو احنا هنتعاقب؟!
علي: نسيت تبارك ل باسل شوفت يا حاج نسيت تباركله.
كمال(بسخرية): و ده اباركله علي ايه انه مبقاش عنده ضمير مثلا.
سليم(بتوتر): لا النهاردة كتب كتابه علي بنت خالته شريهان.
كمال: الصبر يا ربي. و دي متجوزها ليه هي كمان؟!
سليم: الحاجة بقي و عائلة في بعض.
باسل(ببرود): فين باقي الفريق؟!
كمال(ببرود): باقي الفريق ماشين زي الالف انا جمعتكم انتوا التلاتة لان شكل في حد لعب في السيستم عندكوا.
باسل: احنا مش لعب او انسان آلي علشان نتفصل.
كمال: لا بس واحد عميل في الانتربول و اتنين من امن الدولة.
علي: يا عم مالك بتقول عميل في الانتربول كدة من غير نفس.
كمال: مش عارف انا قولتلهم استنضفوا اللي انتوا هتجيبوه بس شكلهم نسيوا.
علي: متشكرين يا رجولة.
سليم: احنا هنبدأ الشغل علي تقيل امتي؟!
كمال(بسخرية): مش لما قائد الفريق يتكرم و يعبرنا و يختار ميعاد.
باسل: انت عارف سكوتي ده مش معناه اني شايل ايدي انا شغلي رقم واحد عندي و كمان اندرو مختبئ عن الانظار و ميشيل لحد الان مقربش من اللي اكبر منه. و مينفعش نعمل اي خطوة دلوقتي علشان خاطر مننجذبش انتباه ميشيل و انت عارفه مش سهل.
باسل: ادم روك بيراقب تحركاته.
كمال: طب ما انا عارف، و عصام بيه هيتجوز هو كمان جايين كلكم تتجوزوا و انتوا في المهمة دي و يا ريتها مهمة بسيطة كدة.
سليم: يا عم بتخوفنا ليه طب.
كمال: بره منك ليه.
باسل قام ببرود و حط ايده في جيبه و خرج بره الاوضة و سليم و علي ورا و كانوا ماشين.
عصام(بضحك): اتهزأتوا كويس و لا لا؟!
باسل مسك دقن عصام و رفعها ل فوق.
باسل: امممم شكلك مستغني عن لسانك يا عصام بيه...
عصام(بتوتر): في ايه عم بهزر الله؟!
باسل(ببرود): الوقت. اختار الوقت.
عصام(و هو بيبلع ريقه بتوتر): انا يا عم رايح ل كمال بيه اشاركه اخر الاخبار...
علي: حاجة مهمة؟!
عصام: لا.
سليم: يلا يا باسل مش هتقدر تهرب من عصمت هانم و هتكتب كتابك علي شريهان...
علي(ببرود): و يا ويلها اللي تتجوز باسل الانصاري مش كدة يا سليم.
سليم: عندك حق يا علي.
سليم: نسيت اقولك يا باسل.
باسل(ببرود): خير؟!
سليم: انت قولت طلقت وجد ايه دليلك؟!
باسل(ببرود): مش كفاية اني قولت كدة.
سليم: لا طبعا مش كفاية. لازم تروح المحكمة و تطلقها رسمي علشان بعد تلت شهور من يوم طلاقكم تقدر تتجوز اي حد هي عايزاه.
سليم(ببرود): و انا معتقدش انها هتسيب فرصة زي دي من ايديها و الصراحة حقها هي الف من يتمناها مال و جمال يا ابني دي ا.
في اقل من لحظة سليم كان مرمي علي الارض بعد ما باسل ضربه بوكس في وشه و في بطنه و زقه علي الارض...
باسل(بعصبية): انت كنت بتبص ليها و هي مراتي؟!
سليم(ببرود): و فيها ايه؟! دي واحدة يعني مش مهمة.
باسل ساب سليم و علي و علي سند سليم.
علي: ده جبروت زي امه.
سليم: هروح علشان كتب الكتاب. مش جاي؟!
علي: لا هروح البيت؟!
سليم(برفعة حاجب): ليه؟!
علي: عادي تعبان شوية.
سليم: طيب يا بيبي تحب اجي ادلعك.
علي: غور يا عم عيل رخم.
علي خرج ركب عربيته و رجع علي بيته و سليم ركب عربيته و مشي ورا عربية باسل...
عند علي...
علي مسك شنطة الضهر بتاعته و دخل بيته,ثريا كانت قاعدة خايفة و اول ما سمعت صوت الباب قامت وقفت بلهفة.
علي(بهدوء): في ايه؟!
ثريا(بدموع): كنت خايفة علشان قاعدة لوحدي لمدة اسبوع.
علي قرب من ثريا و حط شنطته في الارض.
علي(بهدوء): و حاسة بأيه دلوقتي؟!
ثريا(بدموع): حاسة ان في امان و هنام و انا مش خايفة...
علي حاوط وش ثريا بين ايديه و هي رفعت عيونها من علي الارض.
علي(بضيق): و بتعيطي ليه دلوقتي؟!
ثريا(بدموع): علشان محدش بيسأل عليا و علشان مبقاش حد بيحبني.
علي(بضيق): و هو مش انتي اللي عملتي كدة في نفسك؟!
ثريا(بدموع): عارفة اني غلطت و غلطة كبيرة و عارفة ان مفيش مبرر بس و الله العظيم ندمانة و الله العظيم شايفة نفسي حاجة صغيرة اوي، حاجة ملهاش قيمة مش قادرة خلاص تعبت تعبت من نظراتك تعبت من كلامك تعبت من كتر اشتياقي لاهلي...
علي بهدوء تام خد ثريا في حضنه و بدأ يملس علي شعرها و ثريا لفت ايديها حوالين خصره.
علي(بهدوء): انتي صاحية امتي؟!
ثريا(بدموع): منمتش من امبارح.
علي بص في ساعته و وطي شال ثريا بين ايديه و طلع علي اوضته حطها علي السرير و دخل غير هدومه و خرح لقاها زي كأنها طفل تايه...
علي(بهدوء): نامي و انا كمان منمتش من امبارح يلا ننام.
ثريا(بدموع): ان...
علي: هشششش مش عايز كلام نامي و خلاص.
علي لف و ودي ضهرهه ل ثريا و ثريا مسحت دموعها و قربت من علي و حضنته من ضهره علي اتصدم منها غمض عيونه حاول ينام.
ثريا(بهمس و دموع): شكرا.
ثريا نامت و هي حاضنة علي بعد فترة علي اتقلب و خدها في حضنه و باس رأسها...
علي(بتنهيدة): و بعدين؟!
-في مكان تاني...
عند ليلي.
ليلي كانت قاعدة علي السرير و ضامة رجليها ليها بقالها اكتر من اسبوع بتفكر مش بتنام الا قليل مش بتاكل الا قليل مش مهتمية بأي حاجة.
ليلي سمعت صوت الباب و قصي دخل بدأ يدور عليها لغاية ما طلع اوضته لقاها قاعدة علي السرير.
قصي قرب منها و قلع الجذمة و طلع علي الناحية التانية من السرير.
قصي: ايه الاخبار!؟
ليلي(بدموع): اخبار ايه؟! هو في حاجة بعملها غير قعدتي دي. اخبار ايه بقي. هو انت حتى معبرني.
ليلي: اتجوزتني و خلاص و كأني جارية عندك مليش رأي دفعت لاخويا مقابل انه يتجوزني.
قصي(بهدوء): كملي.
ليلي(بدموع): اقول ايه و لا ايه حد عمره حس بيا او حس باحتياجاتي. حد كان غرضه انه يفرحني...
ليلي(بدموع): حتى انت. يوم ما فتحت قلبي ليك اتجوزتني و وديت اخويا فلوس زي ما تكون اشترتني...
قصي(بهدوء): ده كان مهرك مقدم.
ليلي(بدموع): مش عايزاه مكنتش عايزاه، كنت عايزة تيجي انت و اهلك مش انت و اتنين صحابك مجرد شهود.
قصي(بهدوء): كان اخويا...
ليلي(بدموع): لا تصدق انا اسفة طلع اخوك و صاحبك.
قصي قرب من ليلي و حاوط خصرها بايده.
قصي(بهدوء و خبث): انتي قولتي فتحتي قلبك ليا مش كدة.
ليلي اتوترت و بِعدت عن قصي شوية و قصي قرب منها تاني.
ليلي(بتوتر): اللي انت بتعمله ده غلط.
قصي مسح دموع ليلي و باس رأسها و خدها في حضنه.
قصي: بصي يا ستي بقي انا سيبتك تتكلمي، جه دوري من اول يوم خبطتي فيا في الشارع و انتي اخدتي قلبي و اتملكتيه او بمعني اصح بقيت مسحور بيكي و بفكر فيكي ل فترة لغاية ما شوفتك تاني عند وجد في مكتبها ساعتها حسيت بفرحة من غير سبب...
قصي: و اتكررت مقابلتنا اللي مكنتش مترتبة بس حقيقي احب اقولك اني اتجوزتك علشان بحبك يا ليلي. و كوني دفعت فلوس لاخوكي فده علشان ميضايقكيش و علشان اخليه يوافق.
قصي: مش ذنبك ان اخوكي كدة يا حبيبتي فمتزعليش نفسك...
ليلي ابتسمت بخفوت و قصي بص ليها.
قصي: بس نسيت اقولك؟!
ليلي: ايه؟!
قصي: شكلك زي القمر و انتي بتضحكي.
ليلي ابتسمت غصب عنها و قصي قرب منها و (لخيالكوا)و...
-في مكان تاني...
في قصر باسل...
عصمت: نورت اخيرا...
باسل قرب من عصمت و باس ايديها و قعد جمبها...
باسل: نعم يا امي.
عصمت: المأذون جاي في الطريق...
باسل: امي انا موافق اكتب كتابي النهاردة بس مش هعمل فرح انا مش عايز اعمل فرح مزاجي كدة.
شريهان(بلهفة): و انا موافقة يا خالتو معنديش مانع.
باسل بص ليها ببرود و بص ل عصمت.
جودي: حصل اهو زي ما انتي عايزة يا مرات عمي.
حازم: مبروك يا عريس.
عصمت(بهدوء): كنت قولت موافقة.
حازم قعد جمب باسل علطول و بص في الارض.
سارة(مامت شريهان): وافقي بقي يا عصمت.
عصمت(بهدوء): طيب يا باسل طالما العروسة موافقة.
باسل: و عندي حاجة تانية...
اسيل: ايه يا ابيه؟!
باسل: هي هتكون في اوضتها لما احتاجها بقي اروح ليها، لكن اوضتي هتفضل ليا لوحدي...
عصمت: طيب...
عصمت(لنفسها): الصبر يا باسل عاند براحتك...
سليم: نقول مبروك بقي يا مدام عصمت.
عصمت: طيب.
حازم(بهمس): نفسي اعرف عمو كان بيتقبلها ازاي؟!
عفاف(بهمس): اخرس لتسمعك يا واد اخرس...
بعد فترة بسيطة جه المأذون و بدأوا يكتبوا الكتاب و سليم و حازم كانوا الشهود.
المأذون: بارك الله لكما و بارك عليكما و جمع بينكما في خير...
المأذون مشي و شريهان جريت علي باسل حضنته...
شريهان(بفرحة): بحبك بحبك بحبك بحبك اوي يا باسل.
سارة(بضحك): البت ما صدقت عملت فيها ايه بس.
باسل(ببرود): معملتش حاجة...
سليم(بهمس): مبروك.
باسل(بهمس و غيظ): انت عارف اني مش طايقها متقوليش مبروك...
حازم(بهمس): بحبك بحبك بحبك اوي يا باسل.
اسيل(بضحك و همس): يا مسخرة...
جودي(بهمس): دي عيلة عايزة الحرق اوي.
حازم(بهمس): مش عارف باسل هسيتحمل ازاي ده انا مش بطيقها ساعتين علي بعض هي و امها الحرباية و الجبروت دي...
عصمت: جوزك مجاش ليه يا عفاف؟!
عفاف: في شغله.
عصمت: طيب، باسل خد شريهان و اطلعوا اوضتكم.
باسل: قدامي يا شريهان.
باسل(لنفسه): لو مطلعتش عينك.
باسل و شريهان دخلوا اوضة شريهان و شريهان قربت من باسل و حاوطت رقبته بايديها.
شريهان: تعرف يا حبيبي انت اللي انا كنت بتمناه كنت بحبك من زمان اوي يا باسل بحبك حب كبير اوي.
شريهان قربت من باسل اوي و هي بتبص في عيونه و باسل واقف ببرود حاطط ايده في جيبه.
وجد(بتوتر): الغي رحلتي يا عم هنهزر و لا ايه؟!
باسل: وجد انتي صغيرة علي الكلام ده انزلي.
وجد: تؤ انا خايفة.
باسل: بجد انتي خايفة؟!
وجد: مين دي اللي خايفة؟! انا ابدا هخاف ليه و مين اصلا يقدر يخوفني انا مش خايفة خالص.
باسل: طب انزلي يا وجد.
وجد: يا عم الغي رحلتي ارجع في البيعة مش عايزة اتجوز يالهوي.
وجد: انا مكسوفة.
باسل: متخافيش تعالي بقي يا بنتي متتعبيش قلبي.
باسل قام بسرعة من علي السرير و زق شريهان من جمبه.
باسل(بحدة): بصي بقي يا روح امك مفيش حاجة هتحصل بينا طول ما احنا متجوزين، عايزة اي حاجة غير اللي في دماغك ماشي غير كدة مشوفش وشك...
باسل(بحدة): و لو حد اتكلم قوليله ان احنا عادي جدا، و متفضليش تتلزقي فيا قدامهم.
باسل(بحدة): اتمني الكلام يكون دخل مخك ده. و قومي من علي السرير عايز انام لحد بليل علشان محدش يقول حاجة...
شريهان: يا حبيبي طب ما تستني بس نحاول نتفاهم و نتكلم...
باسل زق شريهان و و طلع علي السرير نام بكل برود,شريهان كانت بتبصله بغيظ و نامت جمبه بس باسل معلقش.
شريهان قربت من باسل اكتر باسل زقها بعيد عنه و وقعت في الارض.
باسل(ببرود): هتنامي نامي باحترام يا حلوة.
باسل كمل نوم و بدأ يحلم بكوابيس و شريهان كانت نايمة جمبه.
-في مكان تاني...
في المستشفي.
احمد: ايه الاخبار؟!
نهلة: زي ما هو في غيبوبة...
منصف: عرفتوا هي فين؟!
احمد: لا.
احمد: شايفك واقفة ببرود و لا هامك اي حاجة؟!
ماجدة: انا متأكدة انها زعلته...
احمد: يا جبروتك يالهوي...
يوسف: ما تتكلم عدل دي مراتي.
احمد: دي ليها حق مترجعش ليكوا.
احمد بِعد عنهم بمسافة و تليفونه رن، الخط اتفتح.
احمد: ايه؟!
كارما: ده بدل ما تقولي وحشتيني يا حبيبتي.
احمد: يالهوي بت يا كارما و الله ما فايق.
كارما: جدو عامل ايه!؟
احمد: معجبتنيش الداخلة.
كارما: عايزاك تيجي معايا فرح واحدة صاحبتي...
احمد: تصدقي يا بت انتي معندكيش دم...
كارما: احمد انا مش بشوفك خالص و ما صدقت لقيت مناسبة اشوفك فيها.
احمد: الفرح امتي؟!
كارما: بكرة.
احمد: اممم طيب هشوف و اقولك.
كارما: انت هتيجي صح يا ابو حميد.
وجد: عندك يا ابو حميد.
وجد: مالك يا ابني مش طايقني ليه ده انا حتى حلوة و كل البنات بيحبوني...
وجد: ابو حميد راح ابو حميد جه اوبا. اتهزأت يا بيضة لا اسفة يا ابو حميد.
كارما: احمد.
احمد: معاكي يا حبيبتي. خلاص هأجي الفرح.
كارما: بعيش احمد يعيش...
احمد: اقفلي يا بت مش ناقصاكي هي.
كارما: بحبك.
احمد ابتسم و قفل مع كارما و راح يسأل عن حالة ياسين و بعدها راح اطمن علي سعد.
-في مكان تاني...
عند وجد...
وجد كانت نايمة علي السرير بتعب بسبب المخدرات و حاولت تنام بس مش عارفة.
الباب خبط.
وجد(بالفرنسية): اتفضل.
لؤي: هو انا هشوفك كل يوم كدة و انتي بتحلوي.
وجد: مش عارفة انت نزلت عليا من اي داهية.
لؤي(بغمزة): ما انتي ممكن تحبيني.
وجد(ببرود): استاذ لؤي كلمة كمان و هشتمك بكل الالفاظ اللي مش هتتخيلها و بكل اللغات.
لؤي: يا وحش يا جامد. قوليلي انتي بتتكلمي كام لغة؟!
وجد لا رد.
لؤي: ها ها ها ها ها ها ها ها ها!
وجد(بعصبية): ايه عايز ايه؟!
لؤي: بتتكلمي كام لغة؟!
وجد: بتكلم 6 لغات.
لؤي: ايه؟!
وجد: عربي انجليزي الماني فرنساوي اسباني و كوري.
لؤي: يا وحش.
وجد: اومال فين خالو؟!
لؤي: جاي بس المشكلة انه عنده صفقة مهمة جدا شغال عليها.
وجد: ربنا معاه.
لؤي: ايه؟!
وجد: في ايه؟!
لؤي: ايه الدنيا؟!
وجد: في ايه بالظبط؟!
لؤي: سنجل و لا مرتبطة و لا.
وجد(بضيق): مطلقة.
لؤي: ده معندهوش نظر...
لؤي: خالك قال انك محامية.
وجد: ايوه.
لؤي: بحبهم اوي.
وجد: هما مين؟!
لؤي: البنات اللي عينهم زيك.
وجد: اعتبر دي معاكسة بقي.
لؤي: هو حد يكون شايفك قدامه و يقدر يمسك نفسه.
وجد: طب نلم نفسنا بقي.
لؤي: انتي حاسة بأيه دلوقتي؟!
وجد بصت في الارض و مسكت ايديها و بعدها بصت ل لؤي.
وجد: تايهه.
وجد(بتنهيدة): عارف لما بتأخد ضربه قوية بخنجر بتفضل تتوجع منها لغاية ما بيغمي عليك و بتكون فقدت كل طاقتك في التحمل و بعدها لو ربنا كتب ليك عمر طويل هتقوم و هتتعالج من الجرح و مش هتحس تاني بالالم بس.
لؤي: بس ضربة الخنجر هتسيب أثر.
وجد(بابتسامة باهتة): عندك حق.
وجد بدأت تحس بوجع في دماغها و قعدت تكمل كلامها مع لؤي و لؤي كان بيحاول يخرجها من حالتها.
لؤي: الحق امشي قبل ما خالك يقطعني و يبعني في عربية كبدة.
وجد(بابتسامة): متخافش لو عملك حاجة قولي.
وجد: انا عارفة نقطة ضعفه.
لؤي: يا واد يا متمكن.
وجد: طيب يلا روح علشان متأخرش.
لؤي: باي يا قمر. مش عارف هكون عارف اركز و العيون الحلوة دي قدامي و لا لا.
وجد ابتسمت ل لؤي و لؤي سابها و مشي.
باسل: طب و انا اعمل ايه بقي فيكي؟!
وجد: و انا عملت ايه دلوقتي؟!
باسل(بابتسامة): و الحل بقي في عيونك دي؟!
وجد حطت ايديها علي صدر باسل و ابتسمت بخجل...
وجد: طب و انا اعمل ايه طيب؟!
باسل: اممم تعالي اقولك تعملي ايه؟!
وجد(بابتسامة): مش لما نأكل الاول طيب نبقي نشوف حل في عيني دي.
باسل قرب من وجد و باس عينيها ببطء و بعدها باس رأسها...
باسل: آسير ل عينك انا.
وجد: بحبك.
وجد فاقت علي فتح الباب و مسحت الدمعة اللي نزلت علي خدها.
وجد(بالفرنسية): اتفضل مين؟!
شخص(بالفرنسية): احنا من طرف سيف النجار.
وجد(بالفرنسية): ايوه خير؟!
شخص(بالفرنسية): اتفضلي البسي اللبس ده.
وجد(بالفرنسية,باستغراب): طيب.
الحراس خرجوا بره الاوضة و وجد قامت بضعف من علي السرير و بدأت تغير هدومها و هي مستغربة.
وجد لبست بنطلون اسود و فوقه تي شيرت ب ¾ كم باللون الرمادي دخلته في البنطلون من قدام و سابته من ورا و لبست half boot باللون الاسود,سيبت شعرها علي ضهرها.
وجد خرجت بره الاوضة لقت الحراس قدامهم...
وجد(بالفرنسية): فين خالو؟!
حارس(بالفرنسية): منتظر حضرتك في العربية بره.
وجد مشيت معاهم بس كانت حاسة بوجع في رأسها خرجت بره المستشفي و مشيت معاهم...
وجد(بالفرنسية): فين سيف بيه؟!
فجأة وجد لقت اللي بيكتم نفسها بأيده وجد قعدت ترفص برجليها و بتحاول تصرخ,الحارس التاني ضربها علي رأسها و وجد اغمي عليها...