رواية النور والكابوس للكاتبة سلسبيل كوبك الفصل الرابع عشر
كارما كانت قاعدة بتشتغل فجأة جت ليها كذا ماسدچ فتحتهم...
كارما فتحت عينيها علي آخرهم...
كارما(بدموع): يا نهار اسود!
كارما خرجت جري من مكتبها و نزلت ركبت عربيتها و ساقت ناحية شركة احمد.
كارما نزلت و دخلت للشركة و طلعت لمكتب احمد.
السكرتيرة: مش هينفع حضرتك تدخلي هو في ميعاد انتي راحة فين اصبري...
كارما فتحت باب مكتب احمد و راحت ناحيته بغضب احمد قام وقف بسرعة.
كارما(بزعيق): ايه اللي انت عملته ده؟! انت ازاي تتجرأ يا حيوان و تهددني.
احمد: اهدي في ايه حصل ايه؟!
كارما(بزعيق): علي اساس متعرفش.
احمد(بحدة): هعرف لو فهمتيني.
كارما ضربت احمد في صدره و قعدت تزقه و هو مسك ايديها و شدها ورا.
احمد(ببرود): صفية اجلي الاجتماع.
كارما(بزعيق): ابعد عني يا حيوان يا زبالة.
كارما قعدت تضرب احمد في ضهره و احمد دخل اوضة مكتبه و زق كارما فيه و قفل الباب و دخل.
احمد(بزعيق): ايه النمرة اللي انتي عملتيها بره دي؟!
كارما(بزعيق): هي حصلت يا حيوان تهددني بصوري.
احمد: صور ايه؟!
كارما(بزعيق): اعمل فيها من بنها بقي، منك لله يا شيخة.
احمد(بحدة): صور ايه انا مش فاهم.
كارما(بدموع و زعيق): الصور اللي كانت علي موبايلي القديم...
كارما: انت عايز ايه مني بقي؟!
احمد قرب من كارما و مسكها من كتفها و هزها.
احمد(يحدة): انا مش عايز حاجة منك كل اللي عايزه افهم بتتكلمي علي صور ايه؟!
كارما طلعت تليفونها و ورت الماسدجات لاحمد...
كارما: استغلتني صح؟!
احمد بص للمسدجات و بص ل كارما.
مضمون الرسالة صورك عندي تجيلي النهاردة بليل الساعة 9 في احسن ما صورك كلها تبقي في الجرايد و ساعتها هتتفضحي انتي و عائلتك.
احمد(بضيق): انا فعلا معرفش مين ده و مش انا السبب. و كمان انا مفتحتش موبايلك و لا شوفت عليه اي صور صدقيني يا كارما...
كارما(بعياط): و انا اعمل ايه دلوقتي؟! باسل و سليم ممكن يهدوها عليا و علي الشخص ده.
كارما(بعياط): و انت الوحيد اللي كان معاه موبايله.
احمد: طب بصي.
كارما لا رد.
احمد: هساعدك.
كارما قعدت تعيط كتير و تشهق و احمد رايح جاي في الاوضة بيفكر و الموضوع مضايقه.
احمد: بصي يا كارما هتروحي العنوان اللي هو كتبه.
كارما(بانفعال): لا طبعا انت اتجننت.
احمد(بحدة): اسمعيني و اعترضي في الاخر.
احمد: هتروحي للشخص ده و انا هكون وراكي و معاكي علطول و بعدها انا هتصرف. بس اهم حاجة روحي للشخص ده و لازم نعرف هو مين.
كارما(بعياط): مش هقدر صدقني مش هقدر.
احمد: كارما قولتلك هبقي معاكي متخافيش.
كارما(بعياط): انا عمري ما عملت حاجة كدة عمري ما روحت لحد زبالة زي ده، انا خايفة اوي.
احمد: اهدي اهدي انا جمبك.
احمد جاب ماية و ودي لكارما علشان تشرب و هي كانت خايفة و احمد بيفكر و متضايق...
احمد: فاضل ساعة علي ما تيجي 9 تعالي معايا.
احمد مسك ايد كارما و خرجوا بره شركة احمد...
احمد: اركبي. متقلقيش يلا اركبي.
كارما ركبت في عربية احمد و احمد لف ركب جمبها و بدأ يسوق ناحية مكان هادئ...
كارما(بخفوت): انت جبتنا فين؟!
احمد: علشان تريحي اعصابك و تهدئ و ترتبي افكارك.
كارما خدت نفس عميق و كانت خايفة من اللي هيحصل و فضلت هي و احمد ساكتين محدش بيتكلم و احمد باصص قدامه و متعصب...
احمد: جاهزة؟!
كارما(بخفوت): اه.
احمد: هتصل بيكي اول ما نوصل و تفتحي الخط عايز اسمع اي كلمة بتتقال.
احمد: فاهمة؟!
كارما: طيب.
احمد ساق ناحية المكان اللي الشخص بعته.
احمد: مالك مصدومة ليه؟!
كارما: دي نفس عمارة معاذ صاحبي.
احمد(بسخرية): و جاية تشكي فيا؟!
كارما(بضيق): ده علشان انت فعلا ممكن تعملها.
احمد: بصي انا مش عايز اتخانق يلا انزلي و اعملي زي ما قولتلك.
كارما نزلت و هي خايفة و دخلت العمارة و طلعت للشقة و خبطت الباب.
الباب اتفتح ظهر شاب كان لابس بنطلون من غير تي شيرت و ساند علي الباب.
معاذ: اخيرا جيتي يا بطل؟!
كارما: انت! انت ازاي يا حيوان يا حقير تعمل فيا كدة؟!
كارما ضربت معاذ قلم علي وشه بغضب,معاذ شد كارما لجوا الشقة و قفل الباب.
كارما(بصريخ): سيبني.
معاذ: ايه يا روح امك انتي فاكرة اني زيهم لا فوقي ده انا افعصك برجلي.
كارما(بغضب): ده انت حيوان و استغلالي انا غلطانة اني صاحبتك و اني اعتبرتك اخ.
معاذ(بعصبية): انتي هتعملي شريفة عليا احنا هنضحك علي بعض.
كارما(بغضب): احترم نفسك انا اشرف منك و من اللي خلفوك، و كمان انت نسيت انا ابقي اخت مين سليم المهدي و باسل الانصاري.
معاذ(بسخرية): واضح اوي بامارة انك جيتي لوحدك.
معاذ: كنتي هتجيبي اخواتك يشوفوكي و انتي في حضني و لا كنتي هتجيبي اخواتك بعد ما افضحك في كل حتة.
كارما(بغضب): انت شخص استغلالي حقير و زبالة و انا مستحيل اسلم نفسي ليك. و صوري هتمسحها غصب عنك احسن و ربي لا.
كارما(بصريخ): آه.
معاذ مسك شعر كارما و قربها منه و كارما بتضربه علي صدره بغضب.
معاذ: احنا هنقضيها كلام و لا ايه؟!
فجأة معاذ لقي حد بيكسر باب الشقة و دخلوا ظباط الشقة و احمد اول ما شاف كارما في ايدين معاذ جري عليه قعد يضربه في وشه كذا مرة.
احمد(بغضب): و رحمة جدتي ما انا سايبك.
احمد(بغضب): فين الصور يا ابن ال.
احمد ضرب معاذ اللي كان بيبص بغضب لكارما بس احمد كان بيضريه في عينه اكتر حاجة.
احمد حط ايده في جيب معاذ لقي موبايله بس مقفول ببصمة مسك صباع معاذ و دخل البصمة و بدأ يمسح كل الصور و عمل سوفت للتليفون.
احمد: احمد ربك اني هسيبك ليهم لاني لو كنت انا اللي اتصرفت كنت خرجت من هنا علي المقابر. و اياك اشوفك قريب منها و لو علي بُعد 100 متر. هقتلك.
احمد ضرب معاذ برجله في بطنه و مسك ايد كارما.
احمد: اتصرفوا يا رجالة.
احمد شد كارما وراه و خرجوا بره الشقة.
كارما: هو هيحصل ايه فيه؟!
احمد(ببرود): اقل حاجة تلت سنين سجن.
كارما: بتهمة؟!
احمد(ببرود): الابتزاز.
احمد: يا ريت تبقي تعرفي مين معاكي و مين ضدك.
كارما(بخفوت): اسفة.
احمد ركب عربيته و كارما ركبت معاه,احمد ساق ناحية بيت كارما و كان طول الطريق صامت و كارما محرجة منه و مترددة تتكلم.
احمد(ببرود): اتكلمي قولي.
كارما: اقول ايه؟!
احمد: اللي انتي عايزة تتكلمي فيه و تقوليه انتي.
كارما(بتوتر): كنت عايزة اقولك اسفة و شكرا و معلش ظنيت فيك وحش.
احمد: انزلي وصلنا، عربيتك بكرة هتوصلك و بعد كدة متثقيش في ايه حد بسهولة.
كارما: ا.
احمد: انسة كارما وصلنا.
كارما سابت احمد و نزلت من العربية و هي عايزة تعتذرله و متضايقة و دخلت الفيلا...
سليم: ايه يا بت اتاخرتي ليه؟!
كارما: كان في شغل كتير شوية هطلع انام عن اذنكم.
سليم: مالها البت دي!
مريم: محدش عارف.
مريم: هبقي اشوفها بس بقولك يا حبيبي.
سليم: قولي يا ماما مش مطمن.
مريم: هكلمك بخصوص.
سليم: باسل هيعمل مني كفتة و محدش هيعرف مين هيعمل ايه و لا فين و لا ازاي و لا ايه اللي هيحصل غيره عايزة تعرفي حاجة روحي اعرفي منه.
مريم: غور محدش بيأخد منك معلومة.
سليم: متشكر، انا قايم انام شوية...
مريم(بضيق): روح روح.
سليم: يا بطة انتي يا اللي عايزة تعرفي كل حاجة.
مريم: غور من قدامي.
سليم ضحك علي مريم و طلع اوضته ريح فيها و نام.
-بعد مرور أسبوع و كام يوم بسيط.
كانت الاحوال طبيعية و مستقرة إلى حداً ما.
وجد: طب يلا انجز بقي.
باسل: يا بنتي قولتلك حاضر متسرعة علي ايه، بلبس اهو...
وجد: باسل انا خلصت لبس و هقفل معاك انت حر.
باسل: انتي اللي سريعة اعملك ايه؟!
الباب خبط.
وجد: اتفضل.
رانيا: وجد هانم الفطار جاهز؟!
وجد: طب انزلي انتي يا رانيا انا نازلة.
وجد: باي يا باسل.
باسل: استني.
وجد: امممم.
باسل: هتوحشيني الكام ساعة دول.
وجد: باي يا باسل.
وجد قفلت مع باسل و خلصت لبس الكوتشي و مسكت شنطتها و نزلت لتحت باست ياسين علي خده و قعدت جمبه...
ماجدة: كلمتي باسل في موضوع البيت يا وجد؟!
وجد: ايوه و هنروح نشوفه النهاردة.
قصي: مكنش ليه داعي.
وجد: عادي يعني كدة كدة المكان ميهمنيش.
احمد(بهدوء): ياسين بيه.
ياسين: ابه؟!
احمد(بهدوء): عايز اتكلم مع حضرتك في اوضة المكتب...
ياسين: بعد الفطار طيب.
وجد(بملاحظة): اومال فين ثريا؟!
نهلة: ملكيش دعوة ببنتي.
وجد(برفعة حاجب): افندم!
نهلة: خليكي في الاسود اللي انتي لابساه و بس.
وجد كانت لابسة بنطلون اسود و فوقه تي شيرت بنص كم و قصير لغاية الخصر و مبين جزء بسيط من بطنها و فوقه جاكت ب ¾ كم باللون الاسود,لبست كوتشي ابيض عالي و حطت مكياچ هادئ و سيبت شعرها علي ضهرها و حطت البرفيوم بتاعها.
وجد: عموما شكرا...
قصي: تعالي يا وجد...
وجد: عن اذنك يا جدو.
ياسين: روحي يا حبيبتي.
وجد قامت مع قصي للجنينة.
يوسف(بحدة): هي ليه مش بتحترمني و تحترم وجودي؟!
منصف: مش لما تبقي اب ليها اصلا...
يوسف(بحدة): احترم نفسك يا منصف...
احمد(بهدوء): مفيش داعي، يلا يا بابا وراك شغل في المصنع النهاردة اتفضل يلا.
منصف بص ليوسف بغضب و خد حاجته و خرج بره القصر.
ياسين(لنفسه): يا رب اهديهم.
ياسين: ورايا يا احمد.
عند وجد و قصي...
وجد: من رأيي انا يا قصي ده.
قصي: بس لو تلاحظي تداخل الالوان الغامقة هيسيب اثر وحش في نفسيه اللي داخل فهماني.
وجد: طب وريني كدة تاني.
وجد: بص انا محتارة بين دي و دي.
قصي: و انا برضو، زي ما قولتلك عايز اعمل حاجة عظمة.
وجد: ابعتهم ليا.
قصي: طيب...
وجد: هبقي اكلمك بعد ما اخلص شغل.
قصي: طيب خلي بالك من نفسك.
وجد: حاضر. اه هروح لباسل شركته اعمله مفاجاة.
قصي: طيب يا حبيبتي ربنا يسعدكم.
وجد: حبيبي.
وجد مشيت و لمحت سعد و هو بيبصلها اتنهدت لان ده بيحصل من يوم كتب الكتاب...
وجد: ربنا يهدي.
وجد ركبت عربيتها و راحت مكتبها.
نهال: استاذة وجد انسة ليلي و اخوها في اوضة المكتب...
وجد: طيب.
وجد دخلت الاوضة لقت اخو ليلي ماسكها من التي شيرت بتاعها و هي بتزعق.
وجد(بحدة): انتوا اتجننتوا ما تعقلوا شوية.
وجد: استاذ محمود ابعد كدة.
وجد زقت محمود بعيد عن ليلي و خلت ليلي في ضهرها.
ليلي(بزعيق): ما انت لو امك كانت ربتك مكنتش هتعمل كدة يا قليل الادب.
وجد(بحدة): بت انتي كمان اسكتي. و انت يا استاذ ممكن تقعد علشان اخلص من ام قضيتكم.
وجد(بانفعال): اقعدوا بقي.
محمد و ليلي قعدوا قصاد بعض و وجد في النص بتبص ليهم...
وجد: زي ما قولت قبل كدة الحل الوحيد تبيعوا الشقة و كل واحد يأخد نصيبه.
ليلي: انا موافقة.
محمود: و لما نبيع الشقة انا هقعد فين؟! الجئ للغريب.
ليلي: ليه يا حيلتها متكونش راجل و مش قادر تنزل تشتغل...
وجد: بت انتي اخرسي.
وجد: استاذ محمود ممكن اوديك فرصة تدور علي مكان تسكن فيه و بعدها نبدأ نبيع...
وجد: مش عايزة الجئ للمحاكم زي ما قولتلك لو لجأت ليها بلا شك الانسة ليلي هتأخد نصيبها في اقل من يومين...
محمود: سيبوني يومين افكر.
وجد(بتنهيدة): طيب معاك وقتك، اتفضل.
محمود بص ل ليلي بغضب و سابهم و مشي...
وجد: و انتي ايه ما تسكتي شوية رغاية اوي و لسانك سابقك مبتعرفيش تتصرفي بعقل.
ليلي: سيبنالك العقل.
وجد ضربتها علي رأسها و حطت رأسها بين ايديها.
وجد: هتأخدي حقك و مش عايزة اشوفك وشك فاهمة.
ليلي: عادي يعني ايه الجديد ما الكل بيقولي كدة.
وجد قامت وقفت و حضنت ليلي جامد.
وجد: مكنتش عايزة اقول بس انتي بت جدعة اوي و اكيد هيجي يوم تعقلي فيه معتقدش انه هيجي اصلا.
وجد و ليلي ضحكوا و شربوا العصير اللي نهال جابته...
ليلي: همشي انا ورايا شغل.
وجد: نفسي اعرف المدير مستحملك أزاي؟!
ليلي: زي ما انا مستحملة رخامته و رزالته، باي عن اذنك.
وجد: طيب باي.
ليلي(بغمزة): علفكرة الاسود بيطلع عليكي نار.
وجد ابتسمت ل ليلي و بدأت تشوف شغلها...
-في مكان تاني...
في فيلا المهدي.
مريم: حلو يا كارما اخلصي بقي...
كارما: يا ماما بقي ما انتي قولتي علي كل الهدوم حلوة اختار ايه انا بقي...
مريم: الهدوم كلها مش حلوة الا بيكي انتي اللي روحك حلوة و جميلة علشان كدة كل الهدوم حلوة عليكي و يلا بقي سليم منتظرك بره...
كارما: طيب.
كارما طلعت جري علي اوضتها و غيرت هدومها.
كارما لبست بنطلون اسود و فوقه تي شيرت ب ¾ كم باللون الابيض و لبست كوتشي اسود عالي و رفعت شعرها علي شكل ديل حصان و حطت مكياچ خفيف جدا.
كارما نزلت لتحت جري و خرجت بره الفيلا.
مريم: يا مجنونة.
كارما لقت سليم واقف متعصب.
سليم(بعصبية): ما لسة بدري يا هانم.
كارما: معلش اسفة اسفة، يلا بينا.
سليم(بعصبية): قدامي لما نشوف الزفتة التانية نرمين سواق ابوكوا انا...
سليم و كارما ركبوا عربية سليم و سليم ساق ناحية بيت نرمين و طلع تليفونه يكلمها.
كارما: هي مش دي نرمين؟!
سليم: فين؟!
سليم بص ناحية ما كارما بتشاور لقاها واقفة مع شاب فتح باب العربية و نزل راح ناحيتهم.
شاب: نرمين فكري في عرضي كويسة انتي بدأتي تكبري و العمر بيجري.
نرمين: استاذ مازن ارجوك تفهم وضعي انا مش عايزة اتجوز انا حرة.
مازن: انا مش اي حد يا نرمين. صدقيني هسعدك.
سليم: يا حنين.
سليم مسك مازن من هدومه و ضربه بوكس في وشه و ضرب رأسه برأس مازن و ضربه برجله في بطنه.
سليم: قالتلك مش عايزة تتجوز ايه البعيد حمار معندهوش كرامة.
سليم شد نرمين من دراعها و راح ناحية العربية فتح الباب و ركبها.
سليم(بعصبية): طبيعي يبوصلك بعد اللي انتي لابساه ده.
نرمين(برفعة حاجب): ما انا بلبس كدة علطول.
سليم(بعصبية): بضهر ايدي و علي وشك يا نرمين.
كارما: خلاص اهدوا اهدوا.
نرمين: ما هو اللي بيعصب يا كارما.
سليم: و النبي؟! انا اللي كنت بتلزق فيكي من شوية و بطلب تتجوزيني و لما رفضتي برضو مُصر عليكي.
نرمين: الله فيها ايه ما انا بنت و من حقي يجيلي عرسان.
سليم: مش انتي قفلتي الصفحة دي من حياتك؟!
نرمين: انا حرة يا اخي.
سليم وقف العربية فجأة و نرمين اتخبطت في كرسي سليم و كارما مسكت في دراع سليم.
سليم(ببرود): كلمة مكان من اي واحدة فيكم هنزلها من العربية.
سليم بدأ يسوق بهدوء و برود لغاية ما وصل لشركة باسل.
باسل كان لسة بينزل من عربيته لقاهم وصلوا و نازلين و هما صامتين...
باسل(ببرود): خير ايه المناظر اللي علي الصبح دي؟!
سليم(بضيق): ده الواحد قرف...
سليم سابهم و طلع الشركة راح لمكتبه.
باسل(برفعة حاجب): مين ده؟! ماله؟!
نرمين(بضيق): ده شخص رخم هه.
نرمين برضو سابتهم و مشيت راحت لمكتبها...
كارما: تعالي يا مز انت انا هحكيلك.
كارما مسكت في دراع باسل و دخلوا الشركة و كارما حكتله اللي حصل بالتفصيل.
باسل: عنده حق. شخص رخم اصلا.
كارما: ماشي بس مش للدرجة دي.
باسل: اكيد سليم شاف نظراته و فهمها لانه راجل زيه.
باسل: نظرتنا تختلف عن نظرتكم.
كارما(بغمزة): طب و وجد؟!
باسل: بت مش طايقك ابعدي عني.
باسل و كارما خرجوا من الاسانسير و راحوا لمكتب باسل...
باسل: روحي العبي بعيد يا كارما ورايا شغل كتير.
كارما: اهو ساكتة اهو.
-بعد فترة...
الباب خبط.
باسل: ادخل.
السكرتيرة: باسل بيه في بنت بره اسمها وجد يوسف عايزة حضرتك، ادخلها؟!
باسل: ايوه طبعا...
باسل قام بسرعة من علي كرسيه و خرج ل بره لقي وجد ساندة علي مكتب السكرتيرة.
باسل حضن وجد و وجد حاوطته بايديها و هو باس رأسها...
باسل: وحشتيني.
كارما: ايه النشاط ده؟! و ايه ده؟! هو مش كان وراك شغل؟!
باسل: ملكيش دعوة يا بت يا رخمة.
باسل: سمية بعد كدة اول ما وجد تيجي تدخليها علطول.
سمية: حاضر يا فندم...
باسل: نورتي يا حبيبتي الشركة.
باسل باس ايد وجد اللي سحبتها منه بخجل.
وجد: حلوة اوي و تصميمها حلو...
نرمين: وجد ازيك؟!
وجد: اهلا يا نرمين.
نرمين: اخيرا نورتينا.
وجد: ايوه.
باسل: تعالي نتكلم جوا يا حبيبتي.
دخلوا المكتب و باسل قعد علي كرسيه و وجد قدامه هي و نرمين و كارما علي الكنبة...
باسل: تحبي تشربي ايه؟!
وجد: مش لازم.
باسل: وجد.
وجد: خلاص هاتلي عصير فراولة.
باسل: طيب.
كارما: ايه يا باشا و احنا اسألنا طيب هي جت وجد غطت علينا و لا ايه...
وجد(بابتسامة): مقدرش يا روحي.
باسل: شوفتي ملاك نسمة كدة علي الارض.
كارما: هاتلي عصير مانجا.
نرمين: فنجان قهوة.
باسل اتصل بسمية و طلب منها المشروبات.
بعد فترة سمية جابت العصاير و القهوة و حطتها قدامهم. و الاربعة بدأوا يتكلموا...
وجد كانت محرجة لانها مش متعودة عليهم...
كارما: بصي يا بنتي باسل ده كان دنجوان زمانه.
كارما: بس و علي كدة و الله قلبه طيب و بيحبك. مش سهل انه يحبك بس بيحبك.
نرمين: ياااه علي كارما لما تقول حكم.
فجأة الباب اتفتح و دخل سليم و هو قلقان.
باسل: ايه يا سليم؟!
سليم: في واحد مسلح بره.
باسل: قصدك ايه؟!
سليم: تعالي و انت تشوف...
باسل مشي مع سليم بس قبل ما يخرج لف و بص ليهم.
باسل: محدش يخرج من هنا.
وجد و كارما و نرمين قاموا وقفوا و هما قلقانين.
بره.
باسل(بحدة): انت بتعمل ايه هنا؟!
شخص: اللي هيقرب مني هقتلها.
سليم(بحدة): انت عايز ايه؟!
شخص: حقي اللي خدتوه مني.
باسل(بحدة): حق ايه ده؟! احترم نفسك و اعرف انت بتتكلم مع مين.
شخص: انا مش جاي اذي حد عايز شيك ب 200 الف و مش هأذي حد.
سليم: ا...
باسل(بسخرية): ابقي وريني بقي ازاي.
باسل: ارموه بره.
باسل كان هيمشي بس سمع صوت ضرب نار و صريخ وجد.
باسل(بقلق): وجد.
باسل قرب من وجد المصدومة و حاوط وشها بين ايديه.
باسل: مالك انتي كويسة؟!
نرمين: ايوه هي كويسة.
باسل ضم رأس وجد لصدره و بص للشخص ده بغضب.
باسل(بحدة): مش قولت متخرجوش من الاوضة.
شاب: عم شكري انت كنت راجل صالح ابعد عن السكة دي.
شكري: و حقي و شقي عمري اللي ضاع في الزفتة دي.
باسل راح وقف قدام الراجل و قصاده سليم و نرمين و كارما بيتفرجوا و باقي الموظفين و شكري واخد بنت رهينة و حاطط المسدس علي رأسها.
باسل(بسخرية): اياك تفكر انك هتطول جنيه بعد اللي عملته ده...
باسل: و ابعد عن البنت دي احسنلك. اخرتك هتبقي سودة علي ايدي.
شكري: بس قتلك ممكن يشفي غليلي.
وجد وقفت قدام باسل اللي اتصدم من تصرفها.
وجد: و انت قبل ما تقتله هتضطر تقتلني الاول و ساعتها هتلبسك قضيتين و هتأخد اعدام و غير انه عائلتي و عائلته مش هيسبوك في حالك حتى و انت في السجن و هتندم و عمرك هيروح و لو عندك عائلتك هتضيع لاني معتقدش هيفضلوا عايشين بعد اللي انت هتعمله طبعا.
باسل رجع وجد ورا ضهره و بصلها بحدة.
باسل: متتحركيش من ورايا.
باسل: عايز تضرب نار اضرب بس ساعتها صدقني هتندم ندم عمرك كله...
سليم: اهدي كدة و نزل سلاحك احسنلك.
شكري غصب عنه ضغط علي الزناد ناحية باسل و الكل اتفاجئ لما لقي وجد وقفت قدام باسل و الرصاصة صابتها هي.
وجد فتحت عينيها علي الاخر من الالم و عيونها دمعت باسل حاوط وشها من ورا و فجأة وقعت علي الارض بين ايدين باسل.
وجد(بدموع): عرفت اني بحبك.
وجد بصت ل باسل و بدأت تفقد وعيها تدريجيا.
باسل(بصوت عالي): وجد!