رواية النور والكابوس للكاتبة سلسبيل كوبك الفصل الخامس والثلاثون

رواية النور والكابوس للكاتبة سلسبيل كوبك الفصل الخامس والثلاثون

سيف ضغط علي الزناد و باسل غمض عيونه و كل العائلة وقفت مندهشة من اللي بيحصل.
عصمت(بصوت عالي): باسل.
باسل فتح عيونه لما محسش بأي حاجة لقي وجد واقفة قدامه و التي شيرت بتاعها غرقان دم.
وجد وقعت في الارض بين ايدين باسل و دموعها نزلت و بصت ل سيف.
سيف(بفزع): وجد!
باسل(بصدمة): وجد وجد انتي كويسة صح؟!
عصمت قعدت علي الكرسي بصدمة و الباقي كان واقف مفزوع من اللي حصل...
باسل(بخضة): وجد ردي عليا علشان خاطري. ردي.

وجد لا رد...
سيف(بفزع): يلا بينا علي المستشفي.
باسل وطي و شال وجد بين ايديه و خرج جري بره القصر و ركبها العربية و ركب معاها.
باسل(بعصبية): اطلع علي اقرب مستشفي انجز.
باسل بدأ يملس علي شعر وجد و هي في حضنه و بتتنفس بصعوبة.
باسل(بدموع): متسبنيش انا آسف.
باسل(بدموع): متغمضيش عينيكي علشان خاطري.
باسل مسح دموع وجد اللي علي خدها و باس رأسها.

باسل(بدموع): مش هيحصلك حاجة صدقيني انتي هتبقي كويسة و هتسامحيني و هنعيش حياتنا سوا مع بعض و اوعدك مش هزعلك مني في يوم. اوعدك اني هفضل احبك و مش هسيبك و مش هبعدك عني و لو لحظة و هعمل كل اللي تؤمري بيه.
وجد حاولت تتكلم لكن مقدرتش فرفعت ايديها و حطتها مكان قلب باسل و بصتله.
باسل(بدموع): صدقيني هسعدك و هعوضك عن كل لحظة وحشة عشتيها بسببي هستناكي طول عمري ارجوكي متسبنيش.

وجد بدأت تغمض عينيها تدريجيا و رأسها مالت ل ورا و ايديها بدأت تقع بس باسل مسكها بفزع.
باسل(بفزع): لا وجد وجد متسبنيش.
السواق: وصلنا يا بيه.
السواق نزل بسرعة فتح باب عربية باسل و باسل نزل و هو شايل وجد و دخل المستشفي الممرضين لمحوا باسل و المريضة اللي في ايده جابوا نقالة بسرعة و باسل حط وجد عليها.
كان رضوان و طارق وصلوا و سيف نزل و جري علي جوا و راح ناحية وجد مسك ايديها و دموعه علي وشه.

دخلوا وجد اوضة العمليات و الكل انتظر بره.
رضوان: متقلقش يا باسل هتبقي بخير.
طارق: متخافش.
لؤي(بغضب): انت السبب لولاك كانت هي بخير. كنا هنرتاح منك و نخلص.
سيف(بحدة): لؤي اهدئ دلوقتي.
سيف مسح دموعه و قعد علي الكرسي.
سيف: وجد هتبقي كويسة و انا متأكد من ده. دي مش رصاصة دي كرة معدنية انا مكنش قصدي اقتلك مجرد احسسك بالالم كان كفيل عندي من اني اقتلك.

سيف: بس وجد طلعت قدامي و لما شوفت دمها نسيت كل حاجة و اتفزعت. وجد هتبقي بخير انا متأكد.
باسل قرب من سيف و نزل ل مستواه.
باسل(بامل و دموع): بجد؟!
سيف: رغم اني مستمتع و انا شايف المك بس ايوه هتبقي كويسة.
باسل قام وقف و مسح دموعه و كان منتظر خروج وجد,بعد فترة الدكتور خرج.
باسل(بلهفة): وجد اخبارها ايه؟!

الدكتور: الحمدلله بخير هي بس كان عندها سيولة في الدم و كان في نزيف شديد لكن هي حاليا تمام و كلها يومين بالظبط و تبقي كويسة الاصابة مش عميقة.
باسل: اقدر اخدها امتي؟!
الدكتور: النهاردة لو حابب.
رضوان: شكرا يا دكتور شكرا ل حضرتك.
خرجوا وجد و نقلوها اوضة عادية و باسل كان في انتظار انها تفوق.
الممرضة: المريضة فاقت و عايزة تشوف الشخص اللي اسمه سيف...
سيف: اه انا.
الممرضة: اتفضل يا باشا جوا.

سيف خبط الباب و دخل ل وجد لقاها فايقة و بتبص ناحيته.
وجد: ليه عملت كدة؟!
سيف(بلامبالاة): علشان اعرف اذا كان هو ده اللي هيقدرك و لا لا.
وجد(بانفعال و دموع): لا يا خالو انت عارف كويس اني مش عايزة ارجعله و عارف اكتر ان بعد اللي عملته ده هيتمسك بأمل و انا مش عايزاه في حياتي بعد الايام و اللحظات و الثواني علشان يمل و يبعد عني...
سيف: هنضحك علي بعض يا وجد انتي عملتي كدة علشانه اصلا.

وجد(بانفعال): لا عملت كدة علشانك لاني مش هسمح انك ممكن تتسجن او تتحبس يوم في الحبس.
سيف: عيني في عينك كدة.
سيف بص في عيون وجد و وجد بصتله بس بدأت دموعها تنزل و تعيط و سيف خدها في حضنه...
سيف: طب ما توديله فرصة؟!
وجد(بعياط): اللي يقدر يبيع مرة يقدر يبيع تاني.

سيف: بس برضو و لكل قاعدة شواذ مش كل الناس اللي بتبيع مرة بتبيع تاني و كمان ايه متقوليش عرف قيمتك لما بِعد عنك و لما حس ان حياته كلها بقت وحشة و منحدرة.
سيف: صدقيني يا وجد الراجل مننا لما بيحب مبيعرفش يكدب، و انا شايف في عيونه الصدق لهفته و خوفه عليكي و انك ما زلتي علي ذمته.
وجد(بعياط): بكرهه يا خالو بكره ضعفي.
سيف مسح دموع وجد و باس رأسها.

سيف: انتي قوية و هتواجهي و كمان لو عايزاني اخدك دلوقتي اظن انك محامية و عارفة ان في حاجة اسمها قانون و انتي طبعا عارفة ثغرات القانون رغم انك مش هتحتاجيها.
سيف: القرار في ايدك.
وجد: تعرف يا خالو...
سيف: ايه يا حبيبتي؟!
وجد: بشوف نظرات غريبة اوي في عيون مامته و واحدة تانية كدة عندي فضول اعرف ايه سبب كرههم ليا...
وجد: انا مش هستسلم يا خالو و هشوف الايام هتوديني علي فين.
الباب خبط.
سيف: ادخل.

باسل(بابتسامة): حمدلله علي السلامة يا وجدي.
سيف: المكان بقي خنقة هبقي اكلمك يا وجدي.
باسل(بضيق): و يا ريت حضرتك تقول للاخ اللي بره انه ملهوش حاجة عندي وجد مراتي انا و مش علي استعداد اني اطلقها.
باسل(بضيق): و اه اسمها وجد علفكرة وجد...
سيف بصله برفعة حاجب و سابه و خرج بره الاوضة بعد ما غمز ل وجد من غير ما باسل يلمحه.
وجد: افندم عايز ايه؟!
باسل: هكون عايز ايه غيرك يا ست البنات؟!
وجد: انت مريض؟! بجد هو.

باسل: لو تلاحظي اني عمري ما قولتلك يا ست البنات خالص و اديني اهو بقولهالك لان مشاعري صادقة نابعة من جوا من هنا يا وجد من قلبي.
باسل: قلبي اللي كان طول الوقت مُصر علي حبك قلبي اللي كان بيفرح لما يشوف ضحكتك قلبي اللي حبك بجد بس غشيم العقل اصر علي الكره لغاية ما عرف انه علي حافة الانهيار.
باسل: بس لو عاد بيا الزمن كنت هستغل كل لحظة علشان احبك بصدق و مكنتش هضيع الشهرين دول بمشاعر مترددة.

وجد لا رد و اتنهدت بقوة...
وجد: و انا مش قادرة اسامحك يا باسل.
باسل: بس قادرة توديني فرصة.
وجد: و لا حتى اوديك فرصة و لا قادرة اشوفك و لا قادرة اتعامل معاك كل ما بشوفك بتمر كل لحظة وحشة عيشتها كل لحظة ندم كنت بندم و بأنب قلبي اللي بيحبك بس مسكين القلب غشيم ملهوش مسيطر...
باسل دمعه نزلت من عيونه و هو بيبص لجمود وجد.
وجد(بتوتر من نظرات باسل): عايزة اروح.
باسل: الدكتور وافق نخرج.
وجد: طيب.

رضوان و طارق بدأوا يجهزوا ورق الخروج ل وجد,باسل جاب هدوم ل وجد و سابهم علي السرير لغاية ما هي خرجت من الحمام.
وجد بدأت تغير هدومها و هي شاردة و مكنتش حاسة بوجع في كتفها بسبب المخدر.
وجد لبست جيبة لبعد الركبة بشوية باللون الابيض و فوقها تي شيرت بكم صوف باللون الكشميري.
وجد مكنتش قادرة تحرك دراعها و مش عارفة تلبس كم التي شيرت.
وجد(بزهق): اوف بقي.
الباب خبط و باسل دخل ل وجد قرب منها ببطء.

باسل: محتاجة مساعدة؟!
وجد: اه.
باسل قرب من وجد و بدأ يلبسها كم التي شيرت و عدل ليها هدومها و بص ليها لقي الكوتشي مش مربوط وطي و وجد شهقت,باسل ربط ل وجد الكوتشي و وقف قصادها.
باسل: متستغربيش محدش بيعرف قيمة الحاجة الا لما بيتحرم منها و انا منتظر ابتسامة منك تغنيني عن العالم كله.
باسل: هستناكي بره. لؤي هيدخلك تخلصي معاه موضوعك لو اتأخرتي عن 5 دقايق متزعليش مني.

باسل ساب وجد و خرج و بص ل لؤي بتحذير و لؤي دخل ل وجد.
وجد(بارتباك): لؤي.
لؤي(بضيق): ايوه انا.
وجد: لؤي بعتذر عن اللي حصل انا عارف.
وجد شهقت لما لؤي مسكها من دراعها و زقها علي الحيطة بغضب.
لؤي(بغضب): ذنبي ايه ردي ها ردي؟!
لؤي(بغضب): خدت كمية تريقة و سخرية و ده كله ليه علشان واحد ذلك و كسرك و انتي لسة بتحبيه انتي غبية يا بنتي.

وجد(بحدة): انا مهربتش من الفرح انا اتخطفت. و كمان دي حياتي و انا حرة و اعتذرتلك.
وجد(بحدة): عارفة ان الاعتذار مش هيكفي بس ده اللي اقدر اقدمه ليك، و كمان انا قررت اني مش هرجع ل باسل و لا هتجوز اي حد، هقدم حياتي كلها للشغل.
لؤي(بغضب): انتي غبية بتضحكي علي مين ها؟! ردي بتضحكي علي مين؟!
لؤي حضن وجد جامد و وجد اتصدمت و حاولت تبعده بس هو فضل ماسك فيها.
وجد(بحدة): ابعد عيب كدة. لؤي.

لؤي(بغل): انا حبيتك عايزك يا وجد عايزك في حياتي متسبنيش اتعلقت بيكي انا اللي وقفت معاكي وقت ما كنتي محتاجاه. كان هو فين ها ردي كان هو فين؟!
وجد(بحدة): ابعد و بعدين نتكلم...
لؤي بِعد عن وجد و بص ليها بنظرة هي مفهمتهاش و سابها و خرج و بص ل باسل بغضب هو و سيف و سابهم و مشي.
طارق(بتريقة): ماله عامل زي عود الكبريت كدة ليه؟
رضوان: طارق.
باسل(بقلق): وجد ممكن يكون عمل ليها حاجة.

باسل كان هيدخل اوضة وجد لقاها بتخرج منها.
باسل: انتي بخير؟!
وجد هزت رأسها بمعني اه و بصت ل سيف و باسل و لقت باسل بيوطي و شالها بين ايديه معترضتش و حطت رأسها علي صدره و غمضت عينيها.
باسل: سيف بيه تنورنا.
سيف: لما وجد تفوق و ابقي اتكلم معاها و اشوف ايه اللي هيحصل.
سيف: و صدقني الرصاصة المرة الجاية مش هتصيب غيرك لو حصلها حاجة بسببك.
باسل ابتسم ليها ببطء و لف ركب جمب وجد.
طارق: هتنورينا يا وجد.
وجد لا رد.

باسل: سوق يا رضوان يلا.
رضوان: طيب.
رضوان بدأ يسوق ناحية القصر,بعد فترة دخلوا قصر باسل و رضوان وقف بالعربية.
باسل نزل و فتح باب وجد و شالها بين ايديه و كان متضايق بسبب صمتها و هي مغمضة عينيها.
باسل: وجد نمتي؟!
وجد(بخفوت): لا.
باسل: اومال ليه مغمضة عينيكي؟!
وجد فتحت عينيها ببطء و بصت ل باسل و لقت نفسها في القصر و بصت حواليها.
اسيل: وجد كويسة يا باسل؟!
جودي: هي بخير يا ابيه؟!
نعمة: طمنونا يا باسل؟!

رضوان: متقلقيش يا امي وجد مرات باسل بخير.
عصمت(بحدة): يلا اطلعوا علي اوضتك يا باسل.
باسل: طيب يا امي.
سهر: باسل معلش بس هو.
باسل: بعدين يا سهر عن اذنك.
سهر: بس طنط عصمت حابسة حازم في اوضة التعذيب.
وجد بصت باستغراب ل باسل و ل عصمت.
وجد(بخفوت): هي ايه اوضة التعذيب دي؟!
باسل(بضيق من سهر): مفيش يا حبيبتي اهدي.
باسل(بضيق): هطلع وجد و اجي عن اذنكم مراتي تعبانة.

باسل طلع لاوضته و حط وجد علي السرير براحة و طلع ليها هدوم و قرب منها بس وجد بعدت بجسمها ل ورا.
باسل: هناديلك اسيل تساعدك.
باسل خرج و نادي اسيل اللي دخلت ل وجد بابتسامة.
اسيل: حمدلله بالسلامة يا حبيبتي. قلقتينا علينا.
وجد(بخفوت): شكرا.
اسيل بدأت تساعد وجد علشان تغير هدومها تحت احراج وجد من اسيل و من الموقف اللي هي فيه.

وجد لبست بيجامة عبارة عن بنطلون باللون الاسود و تي شيرت بكم باللون الابيض و فيه قلوب باللون الاسود و سيبت شعرها علي ضهرها.
اسيل: عايزة حاجة تاني؟!
وجد: لا شكرا معلش تعبتك.
اسيل: تعبك راحة ده انتي مرات الغالي.
اسيل: هسيبك ترتاحي دلوقتي و اكيد هنتعرف علي بعض.
اسيل: يلا باي.
اسيل سابت وجد و خرجت بره اوضتها,وجد رجعت رأسها لورا بتعب و غمضت عينيها و فردت دراعها المتصاب علي مخدة و نامت بتعب و ارهاق شديد.

تحت...
باسل: لو سمحتي يا امي طلعي حازم ايا كان اللي حصل حصل خير و من هنا و رايح مش عايز حد يذكر اوضة التعذيب.
باسل: خصوصا قدام وجد.
عصمت: ليه ان شاء الله السنيورة بتخاف.
باسل(بانفعال): في ايه تعمل ايه علشان تثبتلك انها غيرهم؟! وجد مراتي و اللي يزعلها يبقي بيزعلني انا و خلوا بالكوا من زعلي.
باسل(بتحذير): اي حد ايا كان مين.
باسل و عصمت كانوا بيبصوا ل بعض بحدة.
نعمة: حافظ علي كلامك يا باسل. خلاص حصل خير.

نعمة: في الاول و في الاخر دي مراتك و ده قرارك و انت اللي هتتحمل نتيجته...
باسل: يا ريت الكل يفهم كدة.
باسل: انا هروح الشغل محدش يصحي وجد و لو نزلت ل تحت اسيل هتبقي في حمايتك لغاية ما اجي.
باسل سابهم و خرج بره القصر و عصمت مسكت ال?ازة اللي جمبها و حدفتها في الارض...
عفاف: انا مش شايفة حاجة حصلت يا عصمت.
عصمت(بحدة): كل واحد علي مكانه مش عايزة حد قدامي فاهمين.

الكل بدأ يتحرك من قدام عصمت و عصمت دخلت اوضتها و قعدت علي الكرسي بتعب شديد.
جودي راحت ناحية حازم و طلعته حازم حضنها اول ما شافها.
جودي: فاتك كتير.
حازم: ايه جبروت ماتت.
جودي: الله يفضحك انت مش بتتهد، لا تعالي احكيلك فوق.
حازم: طيب.

-في مكان تاني...
عند قصي و ليلي.
قصي كان في اوضة الرسم بتاعته بيرسم و الباب خبط مسمعهوش,ليلي دخلت لقته مركز في الرسمة.
ليلي: احم احم.
قصي: عايزة ايه يا ليلي؟!
ليلي: عايزة اتكلم معاك.
قصي: عشر دقايق و جايلك حصليني علي الصالة.
ليلي: طيب، تحب اعملك حاجة؟!
قصي: لو موضوع العملية يا ريت منتكلمش فيه.
ليلي(بدموع): قصي ليه عايز تحرمني منك؟!
قصي: ما انا جمبك اهو.

ليلي(بدموع): بس مش ضامنة انك هتبقي معايا بكرة او حتى كمان ساعة.
قصي: و مين ضامن عمره يا ليلي ما انا ممكن لما اعمل العملية بعدها بيوم و لا كام ساعة اموت. الموت ملاحقنا متخافيش مش مهم بقي الطريقة.
ليلي قربت من قصي و حضنته جامد و بدأت تعيط.
ليلي: بس بس يا قصي العملية هتضمن انك هتعيش وقت اكبر معاايا و ان شاء الله ربنا يجعل يومي قبل يومك.
قصي: بعد الشر يا حبيبتي.

قصي: بس مش هستغني عن القلب اللي حبك يا ليلي.
ليلي: و النبي يا قصي وافق. علشان خاطري.
قصي: ليلي اتكلمنا في الموضوع ده مية مرة و وجد حاولت قبلك كتير.
ليلي(بانفعال و دموع): انت ليه عايز تخسرنا ليه مهددنا كدة ليه و لما تموت هنعمل ايه انا و هو.

ليلي(بانفعال و دموع): هتسبني لمين ها رد؟! هتسبني لامك و ابوك اللي انت لحد الان مقولتش ليهم انك متجوز و لا هتسبني ل وجد اللي عندها مشاكل كتير و لا هتسبني لاخويا يأخد كل اللي معايا.
ليلي(بانفعال و دموع): عايز تسبنا و تمشي ليه؟!
ليلي حطت ايد قصي علي بطنها و بصتله بدموع.
ليلي: عايزه لما يجي يكون مصيره محدد انه يبقي يتيم في اي وقت و انت علي الاقل ممكن تمد في صحتك شوية.

ليلي: ليه يا قصي عايز تحرمني منك و تحرمه منك.
ليلي قعدت في الارض علي ركبتها و هي بتعيط و قصي كان مصدوم لما عرف ان ليلي حامل و نزل ل مستواها خدها في حضنه.
قصي: هششش خلاص اهدي يا حبيبتي اهدي. آسف آسف عارف اني كنت اناني الفترة دي بس صدقيني انا بحبك و بحب ابننا اللي لسة مجاش للدنيا.
قصي: و مستعد اعمل اي حاجة علشانكوا، بس خايف يا ليلي خايف اوي.
ليلي(بدموع): من ايه؟!

قصي: من اني اخر حاجة اشوفها تبقي اوضة العمليات و الدكاترة اللي حواليا مش انتي و لا ابننا.
ليلي: صدقني هتنجح انت مش متأخر و لا حاجة هننجح و الله دكتور مصطفي دكتور حلو اوي صدقني هنعمل العملية و هتخف و هنربي ابننا سوا.
قصي: طب ممكن تسيبيني يومين افكر.
ليلي: حاضر بس علشان خاطري متسبنيش انا و ابني لوحدنا علشان خاطري.
قصي: تأكدي اني مستحيل اقدر اسيبكوا اصلا.
قصي: و بعدين قومي يلا احكيلي عرفتي ازاي؟!

قصي وطي شال ليلي و خرج بره اوضة الرسم و قعد ليلي علي الكنبة اللي في الصالة.
ليلي: حسيت بدوخة و برد في معدتي مكتوم و بدأت اخد برشام للبرد من غير ما تأخد بالك بس مجبتش نتيجة فجبت اختبار منع الحمل و جربت طلعت حامل.
ليلي(بفرحة): انت مبسوط؟!
قصي حضن ليلي جامد و باس رقبتها.
قصي: بحبك بحبك اوي ربنا يخليكي ليا يا حبيبتي.
قصي: مبسوط اوي اوي بجد بحبك.

قصي باس رأس ليلي و ليلي كانت مبسوطة و قصي خدها في حضنه و شدد عليها و هي في حضنه,ليلي كانت مبسوطة لسعادة قصي و كانت تتمني يعمل العملية...

-في مكان تاني...
عند نرمين.
نرمين كانت قاعدة في الجنينة بتاعتها بتقرأ في كتاب و بتشرب من كوباية العصير.
سليم(بغضب): نرمين.
نرمين قامت مفزوعة من مكانها لما شافت سليم.
نرمين(بتوتر): في ايه يا ابني؟!
سليم(بغضب): مشيتي ازاي من غير اذني؟!
نرمين: عادي في ايه ل ده كله محصلش حاجة، رجعت بيتي مروحتش بيت حد غريب يعني.

سليم(بغضب): انتي مجنونة؟! ايه اللي حصل خلاكي تيجي هنا ما كنا كويسين و كمان ايه اللي حصل علشان تقعي في الجراچ؟!
نرمين: مفيش دوخت و وقعت في الارض و رجعت بيتي علشان اقعد فيه عادي يعني. خلاص حكاية اياد خلصت و شكله طلع بتاع كلام و بس.
سليم(بغضب): و انتي ايه اللي عرفك انها خلصت؟!
سليم(بغضب): انتي ليه بتتصرفي من دماغك؟!
نرمين: سليم مش هتكلم معاك طول ما انت غجري كدة.

نرمين كانت هتدخل الفيلا بس لقت سليم شدها بغضب من دراعها و خبطت فيه.
نرمين(بحدة): ايه؟!
سليم(بغضب): اطلعي لمي هدومك علشان ترجعي معايا.
نرمين(بحدة): لا هفضل هنا. روح انت فاتح مامتك في موضوع خطوبة بنت اللواء كمال.
سليم(بعدم فهم): قصدك ايه؟! انتي متضايقة؟! مش انتي اللي كنتي موافقة عليها؟!
نرمين(بحدة): هو انا قولت حاجة دلوقتي ما تروح تخطبها بدل ما انت واقف معايا بتتكلم في موضوع قراره قولته.

نرمين(بحدة): و لو موضوع اياد منتهاش هروح امسك الشركات اللي في امريكا و هستقر هناك.
سليم(بغضب): من امتي و انتي بتستسلمي؟!
سليم(بغضب): ها من امتي؟!
نرمين(بانفعال): من ساعة ما فقدت الامل في حبك.
دقائق عدت عليهم و هما في صمت رهيب و فجأة سمعوا صوت ضرب نار جمبهم.
نرمين(بصريخ): سليم.
سليم خد نرمين في حضنه و بص ناحية مصدر ضرب النار لقاها في العمارة اللي قصادهم.
سليم: اجري ناحية الفيلا.
نرمين(بخوف): بس.

سليم(بحدة): اخلصي يا نرمين.
سليم طلع مسدسه من ورا ضهره و بدأ يضرب نار و نرمين جريت ناحية الفيلا بخوف و سليم مغطيها بجسمه و بيضرب نار لغاية ما دخل الفيلا و قفل الباب.
نرمين(بخوف): ايه ده؟!
سليم: متقلقيش.
سليم شد نرمين لحضنه و نرمين لفت ايديها حواليها و مسكت فيه جامد و هي خايفة.
سليم: كنتي بتقولي ايه قبل ضرب النار؟!
نرمين: مش فاكرة.
سليم: عموما اجابتك وصلتلي.

سليم: و بعد ضرب النار ده اجباري هتيجي تعيشي معايا تخيلي مكنتش موجود.
نرمين: كنت هموت و ارتاح.
نرمين بعدت عن سليم و راحت قعدت علي الكنبة و سليم بصلها و طلع لاوضتها.
نرمين لاحظت تأخر سليم طلعت لاوضتها...
نرمين(بحدة): بتعمل ايه؟!
سليم(بلامبالاة): بجهز شنطتك علشان ترجعي معايا البيت. بس قبلها هنروح.
سليم سكت و نرمين بصتله كانت منتظره انه يكمل.
نرمين(بحذر): هنروح فين؟!
سليم(بلامبالاة): هنروح للمأذون.

نرمين: ليه؟!
سليم: هيكون ليه علشان نتجوز.
نرمين(بصدمة): ايه؟! ليه؟!
سليم: الحل الوحيد علشان تيجي معايا البيت و كمان علشان انقذ صاحبتي و عشرة عمري.
نرمين قعدت علي الكرسي اللي وراها بصدمة و هي بتبص ل سليم.
نرمين(بدموع): مش عايزة.
سليم(بالامبالاة): البسي الهدوم دي عقبال ما انزل الشنطة.
نرمين(بانفعال و دموع): قولتلك مش عايزة.

سليم: مش بأخد رأيك انتي صاحبتي و حاليا دماغك مش فيكي و انا اللي هأخد القرار نيابة عنك و لما نخلص من موضوع الزفت اياد خالص ابقي اطلقك.
سليم ساب نرمين و نزل ل تحت و هو ماسك شنطة السفر بتاعت نرمين و حطها في العربية و انتظرها.
نرمين بدأت تكسر كل حاجة في الاوضة بغضب و هي بتعيط.
نرمين(بصوت عالي): مش عايزاك بكرهك.
نرمين(بصوت عالي): مش عايزة شفقة منك.

نرمين قعدت في الارض بتعب و بصت ناحية الهدوم اللي علي السرير.
نرمين(بغيظ): طيب يا سليم.
نرمين خدت الهدوم و دخلت خدت دوش و غيرت هدومها...
نرمين لبست بنطلون جينز و فوقه تي شيرت بكم صوف باللون الابيض و لبست كوتشي اسود و سيبت شعرها علي ضهرها: .
نرمين نزلت ل تحت لقت سليم كان لسة هيدخل الفيلا.
سليم: اتاخرتي كدة ليه؟!
نرمين: كنت بجهز مش من حقي و لا ايه مش عروسة انا؟!
سليم: اركبي.

سليم حاوط نرمين بايده و راح بيها ناحية العربية فتح ليها الباب و نرمين ركبت و سليم لف بدأ يركب العربية و ساق ناحية اقرب مكتب مأذون.
سليم: انزلي.
نرمين: طيب.
سليم كان مستغرب هدوء نرمين و نزل دخل هو و نرمين ل جوا و قابلوا المأذون اللي موجود.
المأذون: انتوا هتتجوزوا كدة من غير ولي للبنت و.
سليم: حضرتك يا مولانا اهلها مسافرين و احنا لازم نتجوز ضروري حياتها في خطر و مش هنستني لما اهلها يرجعوا.

سليم: و هي ناضجة و عارفة قرارها عندها 27 سنة.
سليم: و كمان انا مش هأذيها.
المأذون: طيب. طب شهود؟!
سليم: الموضوع جه سريع فلو عندك شهود يستحسن.
المأذون بعت جاب اتنين شهود من اللي شغالين في المكتب و بدأ يكتب كتاب نرمين و سليم.
المأذون: بارك الله لكما و بارك عليكما و جمع بينكما في خير...
سليم كان واقف ورا نرمين اللي قاعدة علي الكرسي وطي و باس رأسها.
سليم: يلا بينا.

سليم مسك ايد نرمين و خرجوا بره المكتب بعد ما خلصوا كل الاجراءات.
سليم ساق ناحية بيته هو و وقف العربية.
سليم: انت يا ابني تعالي خد شنطة الهانم دخلها جوا.
بواب: حاضر يا بيه.
سليم مسك ايد نرمين اللي كانت صامتة و ده خلي سليم متضايق و دخلوا الفيلا...
مريم: كنت متأكدة انك هترجعها.
مريم حضنت نرمين جامد و باستها و نرمين ابتسمت ليها.
سليم: ماما الخدامة عاملة معاكي ايه؟!

مريم: قولتلك ملهوش داعي بحب اعمل كل حاجة بنفسي.
سليم: لا لازم يا امي، عموما خليها تطلع تحضر اوضتي.
مريم: ليه ما هي مفهاش حاجة؟!
سليم: علشان نرمين هتبات معايا من الليلة دي.
سليم: انا و نرمين اتجوزنا.
مريم اتصدمت من تصرف سليم و بصتله هو و نرمين.
مريم: ده قراركم مش هجبركوا علي حاجة، اهم حاجة تكونوا انتوا الاتنين مرتاحين مع بعض.
مريم: و كمان مش هلاقي احسن من نرمين ليك.
نرمين: تسلمي يا طنط.

سليم: خليها بقي تظبط اوضتي يا امي.
سليم: انا ورايا شغل عن اذنكم.
مريم: طيب يا حبيبي.
سليم سابهم و خرج بره البيت و مريم مرضيتش تكلم نرمين في اي حاجة.
نرمين: فين كارما؟!
مريم: نايمة فوق اصلها تعبانة شوية، تعالي نطلع ليها نطمن عليها.
الاتنين طلعوا لاوضة كارما دخلوا الاوضة لقوا كارما قاعدة جمب الشباك و بتضحك و هي بتتكلم في التليفون.
مريم: بت.
كارما(بخضة): ماما.
نرمين(بخبث): بتكلمي مين يا كارما؟!

كارما(بتوتر): دي نازلي صاحبتي.
مريم: طيب سلميلي عليها.
كارما: سلام بقي انتي يا نازلي باي.
كارما: نرمين وحشتيني.
نرمين حضنت كارما و كارما حضنتها.
نرمين: ايه اللي في رأسك ده؟!
كارما: هحكيلك.
مريم: باركي لنرمين يا كارما هي و سليم اتجوزوا.
كارما اتصدمت من الموقف و مريم سابتهم و نزلت ل تحت.
كارما: علي قد ما انا مبسوطة انك مرات اخويا و هتعيشي هنا دايما بس علي قد ما فضولي هيقتلني في ايه حصل ايه؟!

نرمين: احكي انتي ايه اللي حصل و انا احكي.
كارما: تمام.
الاتنين بداوا يحكوا لبعض ايه اللي حصل للتاني.

-في مكان تاني...
عند باسل.
باسل كان في المقر و حواليه الباقي بيتكلموا.
باسل(بحدة): ما تهدوا شوية.
قاسم: في ايه يا باسل؟!
باسل(بحدة): عمالين ترغوا الله. و كمان انا قولت اللي عنده خطة يقول كلكم بتتكلموا في نفس الوقت ده انتوا تصدعوا.
مسعد: طب خلاص نبدأ بالدور.
قاسم: هبدا انا.
قاسم: شايف اننا نسافر روسيا ل ادم و عصام و نتناقش هناك بمعني التصرف يبقي سريع.

عدي: لا شايف موضوع وجد معانا تظبط ميعاد بحيث نمسكهم متلبسين.
علي: كدة كدة انا هتواصل مع الانتربول اللي في روسيا علشان كدة مش شايل هم. فكروا و قولوا ليا.
مسعد: القرار قرارك يا باسل انا بثق فيك...
باسل: لو خلينا وجد تشتغل معانا مش هتسافر روسيا كل تعاملاتها هتبقي من هنا.
قاسم(بسرعة): لا ليه هنعوزها هناك.
كلهم بصوا ل قاسم و باسل قام بهدوء مصطنع و كان رايح ناحية قاسم بس علي وقف قدامه.

علي(بهمس): اهدي يا باسل اهدي محدش يعرف متلمهوش.
باسل(بغيظ و همس): انت مش شايف تلميحاته يا علي.
علي: اهدي يا باسل خلاص حصل خير. احنا في شغل.
باسل: بعد بكرة الكل يتجمع هكون حطيت خطة.
مسعد: اتواصل مع وجد.
باسل: لا محدش يكلم وجد منكم انا هوصل ليها.
باسل سابهم و خرج مسك تليفونه و فتحه لقي صورة وجد.
باسل: هخلص شغل و اجيلك.

باسل حط موبايله في جيبه و طلع ركب عربيته و راح ناحية الشركة بتاعته دخلها و بدأ يشتغل فيها بجهد.
عند علي.
قاسم: الله انا قولت حاجة.
علي: هقولك حاجة واحدة بس يا قاسم اياك و وجد مش انا اللي هقف في وشك.
علي: ساعتها هتندم و الله من اللي هيحصلك.
قاسم(بسخرية): دي سابت جوزها في الفرح. مالك محموق ليه كدة؟!
علي: اللهم مطولك يا روح انا هروح اكلم مراتي عقبال ما تجهزوا علشان نخرج.

علي طلع تليفونه و اتصل ب ثريا، الخط اتفتح.
علي: مساء الخير.
ثريا: مساء النور.
علي: اخبارك ايه؟! انتي كويسة؟!
ثريا: الحمدلله.
علي: تحبي اشتري ليكي حاجة و انا جاي؟!
ثريا: لا شكرا انت جاي امتي؟!
علي: جاي بليل خالص لان ورايا شغل.
ثريا(بارتباك): طيب خلي بالك من نفسك.
علي: طيب. لو في حاجة اتصلي بيا.
ثريا: حاضر.
علي: اه بكرة هنروح نزور وجد انا هتكلم مع باسل.
ثريا: طيب. شكرا ليك.
عدي: يلا يا عم الحبيب.

علي: هقفل دلوقتي يلا باي.
علي: هبقي اكلمك تاني.
ثريا: تمام.
علي(بحدة): في ايه يا عم؟!
عدي: معلش يا باشا.
كلهم خرجوا و كل واحد بدأ يركب عربيته و يروح مكان ما هو عايز يروح.

-في مكان تاني...
عند وجد.
وجد كانت نايمة بعمق و قعدت وقت طويل نايمة بدأت تفوق بسبب وجع كتفها.
وجد فتحت عينيها ببطء و قامت قعدت علي السرير بتعب.
وجد مدت ايديها علي الكمودينو لقت ماية و دواء للآلآم.
وجد بدأت تأخد الدواء و شربت ماية و قامت ببطء دخلت الحمام و خرجت بدأت تغير علي الجرح بتاعها.
و بعدها بدأت تغير هدومها هي...

وجد لبست بيجامة عبارة عن بنطلون باللون الابيض و فوقه تي شيرت بكم لغاية الخصر باللون الاسود و عليه رسمة دب باللون الابيض و لبست شراب باللون الابيض في اسود و رفعت شعرها علي شكل كحكة و نزلت كام خصلة علي وشها.
وجد قعدت بتعب علي الكنبة و حست بملل قررت تنزل ل تحت فقامت فتحت الباب و خرجت بره اوضتها.
وجد: يخربيت ام المتاهة دي.
وجد بصت حواليها ملقتش حد و الانوار بسيطة فنزلت ل تحت ببطء.

وجد بصت في الساعة اللي لقيتها علي الحيطة لقت الساعة 1 بليل.
وجد: زمان الكل نايم.
وجد لفت انتباها الممر اللي جمب السلالم اللي راحته قبل كدة و لقت فيه عصمت,وجد قربت منه ببطء لغاية ما وصلت للاوضة اللي وقفت قدامها.
وجد: بسم الله الرحمن الرحيم.
وجد فتحت الباب ببطء و خوف و دخلت ببطء.
وجد لقت الاضواء برضو خافتة كانت الاوضة عبارة عن اوضة عناية مركزة.

وجد لقت اجهزة طبية كتيرة و سرير مرضي و فوقه شخص لابس ابيض نايم عليه و متوصل جسمه بالاجهزة.
وجد قربت من الشخص اللي علي السرير لقته بنت بصت علي ملامحها لقتها نسخة من باسل.
وجد شهقت و اتصدمت و رجعت خطوة لورا خبطت في حد فاتفزعت و صرخت.
باسل: هشششش اهدي اهدي اهدي يا وجد ده انا انا باسل.

وجد كانت بتتنفس بصعوبة و بتبص علي باسل و علي البنت و شاورت عليها و هي بتبص ل باسل,باسل كان باصص ل وجد و باصص علي تعبيرات وشها و خوفها و صدمتها.
باسل: اهدي هحكيلك يا حبيبتي.
باسل خد وجد في حضنه و وجد خبت وشها في صدره و باسل بدأ يملس علي شعر وجد و ضهرها و كان باصص للبنت اللي وجد شافتها و دمعة نزلت من عيونه.
وجد بعدت رأسها عن حضن باسل و بصتله.
وجد: مين دي؟!
باسل: عايزة تعرفي؟!

وجد هزت رأسها بمعني اه و بصت علي البنت.
باسل: مستعدة تعرفي ليه عملت اللي عملته فيكي. و تعرفي عائلتك غلطت في ايه؟!
وجد: اه مستعدة.
وجد هزت رأسها كذا مرة بمعني اه و دموعها نزلت بس باسل مسحهم ليها و باس رأسها...
باسل مسك الكرسي اللي جمب سرير المرضي و حطه بعيد نسبيا عن الاجهزة و عن المريضة و شاور ل وجد تيجي تقعد.
وجد قعدت علي الكرسي و هي بتبص ل باسل,باسل ودي ضهره ل وجد و سند علي الحيطة.

باسل: البنت دي يا وجد تبقي اختي التؤام.
وجد(بصدمة): ا.
باسل: كنا اسرة عادية جدا اسرة بتتكون من اب و ام و اولاد عائلة سعيدة و مبسوطة. الاب بيشتغل ظابط عادي و الام ربة منزل و ابن لسة متخرج من كليته و بنت متجوزة و حامل و اخ صغير عنده خمس سنين جه بعد عذاب...

باسل(بدموع): غلطة الاب انه كان شريف شريف اوي مبيقبلش الجنيه الحرام و لا عليه و لا علي مراته و ولاده. كان بيحب الحلال و كان بيربيهم من فلوسه اللي كسبها من شغله اللي تعب و اجتهد فيه علشان يوصل لرتبة لؤاء.
باسل(بدموع): في يوم اكتشف ان في كمية كبيرة من المخدرات داخلة البلد تحت قيادة رجال اعمال موجودين في البلد و مشتركين مع المافيا.
باسل(بدموع): عارفة مين هما؟!
باسل مسح دموعه و لف ل وجد و بصلها.

باسل: يوسف و منصف ياسين الصياد.
وجد بصت ل باسل بصدمة و حست بوجع في كتفها و وجع في قلبها بطريقة فظيعة.
باسل لف تاني و ودي وجد ضهره و كمل كلامه.
باسل: كأي شخص شريف اكيد هيحاول يقبض عليه و يمنع الضرر للبلد بتاعته.
باسل: و وقف في وشهم لكنهم حاولوا يتخلصوا منه كذا مرة بس كان ربنا كاتب ليه عمر طويل شوية.
باسل: هددوه بينا كذا مرة بس هو رفض انه يخون بلده و القسم اللي اقسمه.

باسل: و متأثرش بأي حاجة، و في يوم كان هو و جوز بنته في طريقهم علشان يسافروا يعملوا مفاجاة ل بنته حصلت حادثة.
باسل: بس كانت متدبرة و الاتنين اختفوا بعد فترة لقينا جثة جوز اختي و بابا دخل العناية المركزة.
باسل: رجع تاني اقوي من الاول و حاربهم بكل جهده بس هما مستسلموش و حطوه في دماغهم.
باسل بدأت نبرة صوته تتغير بسبب العياط مسح دموعه.
باسل: كنا في مشوار كلنا و اتخطفنا كلنا مع بعض.

باسل: فضلنا تلت ايام من غير اكل و لا شرب، و طبعا لان اختي كانت حامل فكانت اضعف واحدة فينا و كانت بتضعف يوم عن يوم.
باسل: و.
باسل وقف كلام و مسح دموعه و خد نفس عميق و كمل كلامه.
باسل: و بعد التلت ايام دخلوا كنا كلنا مربوطين بدأوا يفكوا اختي و انا و بابا نفضل نزعق فيهم و نحذرهم انهم يقربوا من حياة.
باسل انهار من العياط و وجد كانت قاعدة منتظراه يكمل و هي حاطة ايديها مكان قلبها بسبب الوجع.

باسل مسح دموعه و فضل يأخد نفس عميق كذا مرة و بدأ يكمل كلامه.
باسل: اغتصبوها قدامي انا و بابا اكتر من مرة كنا في قمة انكسارنا و طبعا هي مقدرتش تستحمل خسرت ابنها اللي في الشهر الرابع و كان اللي هيعوضها عن جوزها اللي مات قبله بتلت شهور.
باسل: و مسكوا اخويا الصغير خلوه يتعاطي مخدرات و لانه تناول جرعة كبيرة جدا بالنسبة لسنه فمات.

باسل: كانت اختي و اخويا مرمين جمب بعض و انا و بابا مش عارفين نعمل اي حاجة و ماما كانت بتعيط بحرقة عليهم هما الاتنين و هي طول عمرها قوية رغم حنيتها و عمرها ما عيطت...
باسل: و مكتفوش بكدة.
باسل: كانت ماجدة هي و نهلة بيشتغلوا مع يوسف و منصف في المافيا و دخلوا و بدأ يقلعوا امي هدومها و نزلوا فيها ضرب. بابا مات من صدمته و حزنه مقدرش يستحمل.

باسل: بس قبل ما يموت خلاني اوعده اني اجبله حقه و حق اختي و اخويا و امي.
باسل: و بعد فترة في مجموعة ناس لقونا و ودونا المستشفي كان بابا مات فارس اخويا مات و حياة دخلت غيبوبة و انا و امي الوحيدين اللي كنا عايشين.

باسل: و من يومها امي اتغيرت بقت قاسية مع الكل حتى انا، و اختي بقالها خمس سنين في غيبوبة الدكاترة كانوا هيشيلوا الاجهزة عنها بس انا و امي رفضنا و نقلناها هنا في الاوضة دي و محدش بيدخلها غيري انا و امي.
باسل: كنت ناوي انتقم من اهلك و اخلي جدك يندم انه خلف اصلا بس انتي طلعتيلي في النص.
باسل: كنت فاكرك زيهم. لان احمد كان ليه في الامور اللي مش بطالة دي هو و ثريا، اما انتي كنتي مختفية خالص عن الانظار.

باسل: بندم علي اليوم اللي شوفتك فيه و اليوم اللي اذيتك فيه يا وجد.
باسل: بس انا وعدت بابا اني هجبله حقه كنت فاكر اني كدة بأخده منك بس انا مكنتش بنتقم غير مني مش منك او من عائلتك.
باسل: سامحيني.
باسل مشي بسرعة من قدام وجد و هو بيمسح دموعه و خرج بره الاوضة.
وجد قامت من علي الكرسي بصدمة و بصت حواليها.
وجد طلعت تجري ورا باسل و لقته طالع علي السلالم.
وجد(بخفوت): باسل.

وجد طلعت ناحيته و حطت ايديها علي كتفه و باسل بصلها و هي حطت عينيها في الارض.
وجد(بخجل من تصرفات اهلها): آسفة بالنيابة عن اهلي عن اللي عملوه انا مش عارفة ازاي هحط عيني في عينك بعد كدة بسبب اللي عملوه عائلتي.
وجد: انت كل ما هتشوفني هتفتكر اللي عائلتي عملوه و انا كل ما هشوفك هفتكر اللي انت عملته، طلقني يا باسل و.
باسل شد وجد بعنف ناحيته و بصلها بغضب,باسل قرب من وجد (ولخيالكوا).
نعمة(بحدة): باسل.

وجد انتفضت و بصت وراها هي و باسل لقوا نعمة علي السلالم و بتبصلهم.
نعمة(بحدة): اعتقد ده مش مكان مناسب للي بتعملوه. يلا علي فوق.
نعمة نزلت للمطبخ تجيب ماية.
باسل: تعالي نخش اوضتنا.
باسل مسك ايد وجد و طلعوا اوضتهم و باسل قفل الباب وراه و وجد كانت متوترة.
وجد: قولت ايه في موضوع الطلاق؟!
باسل ساب وجد و دخل الحمام خد دوش و طول ما هو في البانيو بيفكر في ردة فعل وجد و متضايق منها.

باسل(بضيق): مكنتش منتظر شفقة بس علي الاقل تحس بيا و ب اللي جوايا...
عند وجد.
وجد(بضيق): انا اعمل ايه يعني؟! ما هو اكيد يعني كان عنده عقل لما قرر يسبني.
وجد(بضيق): انا مبقتش فاهمة حاجة.
وجد راحت ناحية السرير و نامت عليه رغم انها مكنتش عايزة تنام بس مثلت انها بتنام علشان متواجهش باسل.
باسل خرج من الحمام و طلع هدومه من الدولاب و غير هدومه و راح ناحية السرير و نام عليه و بدأ يطفي النور.

وجد كانت حابسة انفاسها و حست بانفاس باسل قريبة منها.
باسل: اتنفسي مفيش داعي للي بتعمليه.
وجد فتحت عينيها ل باسل و خدت نفس عميق و بصتله بعمق في عيونه و هو كذلك.
الاتنين نسيوا نفسهم و باسل قرب من وجد و...

-في الصباح الباكر...
عند نهلة و منصف.
منصف: يلا يا نهلة مش عايزين نتأخر عليهم.
نهلة: طيب طيب حاضر.
نهلة و منصف خرجوا من القصر و ركبوا عربيتهم و السواق بدأ يسوق ناحية المطار...
نهلة: متأكد من حكاية الboss.
منصف: متقلقيش هو اللي باعت التذاكر.
نهلة: انا خايفة يا منصف.
منصف: متقلقيش انا معاكي...
نهلة: طيب ربنا يستر يا رب.
السواق بص ل نهلة باستغراب و نهلة حضنت منصف.
منصف: نهلة.
نهلة: ايه؟!
منصف: بتحبيني؟!

نهلة: اه يا حبيبي بتقول ايه...
منصف: بتأكد.
نهلة: انا ارمي نفسي في النار علشانك.
منصف: حبيبتي.
نهلة(باستغراب): ايه ده؟!
منصف: ايه؟!
نهلة: مش رايحين المطار هنسافر؟!
منصف: ايوه هتسافري مالك قلقانة ليه انزلي يلا.
منصف و نهلة نزلوا من العربية نهلة لقت المكان اللي هي فيه صحراوي مفهوش حد.
نهلة: في ايه يا منصف؟!
منصف: اخر حاجة كنت اتخيلها انك تخونيني يا نهلة.
منصف(بسخرية): لا و مع اخويا.

نهلة(بخوف): انت بتقول ايه يا منصف؟! انت بتهزر صح؟!
منصف: يا ريتني كنت بهزر.
منصف مسك نهلة من دراعها و شدها ناحيته.
منصف(بانفعال): ليه ها؟! ليه حبيتك و قدمتلك كل حاجة. ما انتي زي تربيتك خسارة اني عبرت واحدة زيك رخيصة.
نهلة(بخوف): منصف متسبنيش يا منصف علشان خاطري انا بحبك صدقني كانت غلطة سامحني انا اسفة...
منصف: تعرفي يا نهلة.
نهلة(بخوف): ايه؟!

منصف: مش هقرب من يوسف عارفة ليه لانه في الاول و في الاخر راجل و اكيد انتي اللي اغرتيه.
منصف: لانك واحدة تربية و مش محترمة و تستاهلي كل اللي هيحصلك.
منصف: بس انا هرميكي هنا للضباع بليل تيجي تأكلك.
منصف طلع مسدسه من ورا ضهره و ضرب نهلة في رجليها اليمين و بعدها الشمال.
نهلة صرخت بأقصي صوت عندها و وقعت في الارض.