رواية النور والكابوس للكاتبة سلسبيل كوبك الفصل الحادي والعشرون
باسل كان قاعد في الفيلا مع سليم بيتكلموا و تليفون باسل رن.
الخط اتفتح...
باسل: الو مين؟!
موظفة: حضرتك استاذ باسل الانصاري؟!
باسل: ايوه مين معايا؟!
موظفة: مدام وجد الصياد زوجة حضرتك جت في حالة اجهاض في مستشفي...
باسل اتصدم و وقع منه التليفون و سليم بصله باستغراب.
سليم: مالك؟!
باسل قام بسرعة و ركب عربيته و سليم وراه ركب عربيته,باسل كان بيسوق بسرعة كبيرة ناحية المستشفي و سليم مكنش فاهم حاجة بس قلقان علي باسل.
باسل وقف قدام المستشفي و فتح الباب و نزل.
سليم: باسل باسل استني بس في ايه؟!
باسل: وجد.
سليم دخل مع باسل المستشفي و سألوا علي وجد.
موظفة: مدام وجد في اوضة رقم 309.
سليم: شكرا.
الاتنين راحوا ناحية اوضة وجد,سليم حط ايده علي كتف باسل.
سليم: ادخل اتطمن عليها.
باسل فتح الباب و دخل ببطء شديد و قرب منها.
باسل(بهمس): وجد.
وجد فتحت عينيها ببطء و باسل لقي الدموع متجمعة في عينيها و فهم انها عرفت انها اجهضت.
باسل: ممكن تهدي علشان خاطري احكي حصل ايه؟!
وجد(بعياط): كنت راكبة العربية بالسواق فجأة عربية تانية دخلت فينا غصب عنها و العربية اتقلبت و انا.
وجد سكت و قعدت تعيط بصوت عالي و باسل حضنها و عيونه دمعت.
باسل: خلاص يا حبيبتي اهم حاجة انك كويسة و نحمد ربنا ان محدش يعرف و احنا هنحاول ننسي و كمان الايام جاية كتير و كمان علشان نعرف نبقي مع بعض فترة طويلة. تحسي ان الطفل ده عمل عائق اصلا بيني و بينك و احنا حتى مكملناش شهر.
باسل: خلاص بقي يا حبيبتي اهم حاجة تبقي انتي بخير مش عايز حاجة تاني من الدنيا.
وجد(بعياط): بس انا كنت فرحانة بيه.
باسل: قدر الله و ما شاء فعل. خلاص يا حبيبتي بطلي عياط علشان خاطري.
باسل باس رأس وجد و باس خدها و هي دفنت وشها في رقبته و هي بتعيط...
باسل: حبيبتي الف سلامة.
وجد(بعياط): مش هتسبني؟!
باسل: قولتلك قبل كدة انتي النفس اللي بتنفسه علشان اعيش و من غيرك اموت.
وجد(بعياط): بحبك اوي.
باسل: اوي واحدة بس، انا بحبك مليون اوي كمان.
وجد ابتسمت و باسل مسح ليها دموعها و هو باس رأسها...
باسل: هخرج اطمن سليم و ارجع.
باسل خرج بره اوضة وجد لقي سليم منتظره.
سليم: طمني حصل ايه؟! عملت حادثة و لا حصل ايه؟!
باسل(بحزن): اجهضت...
سليم(بصدمة): هي كانت حامل؟!
باسل(بحزن): ايوه.
سليم بص ل باسل و ضربه بوكس في وشه,باسل بصله بغضب و ضربه و بدأوا يضربوا بعض.
-سليم كان قاصد يطلع كل طاقته و غضبه و حزنه.
باسل ساب سليم و دخل اوضة وجد لقاها نايمة قعد علي الكنبة اللي موجودة في الاوضة و بدأ يبص عليها...
-في مكان تاني...
عند قصي...
قصي كان نايم في المستشفي و بدأ يفتح عينه ببطء.
قصي(بتعب): ماية.
ممرضة: عايز حاجة؟!
قصي فتح عينه و بص للممرضة باستغراب.
قصي: بتعملي ايه هنا؟!
ليلي(ببرود): انا الممرضة هنا.
قصي(بتعب): بجد؟!
ليلي: ايوه. عايز ايه؟!
قصي(بتعب): تلعبيلي في شعري.
ليلي ضربت قصي بعصبية علي كتفه.
قصي(بضحك,تعب): خلاص ده انتي ايدك تقيلة اوي.
قصي(بتعب): ماية.
ليلي صبت كوباية ماية ل قصي و بدأت تشربه.
قصي(بضحك): تفتكري ممكن اتجوزك في يوم من الايام؟!
كوباية الماية وقعت من ليلي و ليلي اتكسفت من قصي و وطت بسرعة تلم الكوباية.
الدكتور كان دخل برضو في الوقت ده.
دكتور: حمدلله بالسلامة.
قصي: الله يسلمك يا دكتور.
دكتور: الاحوال احسن النهاردة بس هرجع اقولك لازم عملية.
قصي: ان شاء الله.
دكتور: حلك الوحيد العملية.
قصي: حاسبي.
ليلي جرحت ايديها بصت ل قصي وبعدها كملت شغلها.
دكتور: مفيش فايدة برضو. عن اذنك يا قصي بيه.
الدكتور مشي و قصي بص علي ليلي.
قصي: تقدري تمشي بس محدش يجي يشرف عليا غيرك.
ليلي: هو انت ليه مش عايز تعمل العملية؟!
قصي: كان معايا واحد صاحبي هو فين؟!
ليلي(باحراج): بره سهر طول الليل هنا. عن اذنك.
ليلي خرجت و قالت ل شهاب ان قصي فاق و مشي,شهاب دخل ل قصي.
شهاب: ايه يا عم كدة تقلقني عليك؟!
قصي: حبيبي ابو الصحاب. اهم حاجة بس متكونش قولت لحد...
شهاب: متخافش قولت بس للعائلة.
قصي(بغيظ): يا غبي.
شهاب(بضحك): متقلقش مقولتش لحد. انت بس طمنا عليك و قول انك هتعمل العملية.
قصي: بقولك ايه سيبني هنا يومين.
شهاب(بخبث): ليه بس كدة؟!
قصي(بغيظ): يا رخم ده علشان ارتاح بس.
شهاب: طب و الافتتاح؟!
قصي(بغيظ): نبقي نتصرف لكن سبني هنا يوم كمان...
شهاب(بخبث): طيب انا كدة اتاكدت ان في حاجة. لان قصي الصياد مبيكرهش قد المستشفيات.
قصي: غور من هنا لاحسن ما اقوملك.
شهاب(بضحك): طيب يا عم.
قصي: هبقي اتكلم معاك. انت روح و ريح شوية و بعدها اشرف علي المعرض انا واثق فيك.
شهاب: طيب يا عم باي لو في اي حاجة كلمني.
شهاب: خد تليفونك.
قصي: طيب.
قصي كان هيتصل ب جده بس حس بتعب في قلبه شال الموبايل و رجع رأسه لورا ببطء و تعب.
-في مكان تاني...
في فيلا المهدي.
مريم: راحة فين يا كارما؟!
كارما: خارجة يا ماما.
مريم: و متشيكة كدة ليه؟!
كارما: انا علطول شيك يا ماما.
مريم: طبعا يا حبيبتي. بس مش زيادة حبتين المرة دي و خصوصا انك راحة الشركة؟!
كارما لفت لمامتها و هي بتوريها اللبس.
كارما كانت لابسة فستان هادئ باللون الاحمر ب ¾ كم و مقفول من فوق و قصير لغاية الركبة و لبست صندل بكعب باللون الاحمر و رفعت شعرها علي شكل كحكة عالية و حطت روچ احمر غامق و كحل محدد عينيها و حطت البرفيوم بتاعها.
كارما: يلا انا همشي.
مريم: ربنا يحميكي يا حبيبتي خلي بالك من نفسك.
كارما: تسلمي يا حبيبتي.
كارما خرجت من الفيلا لقت نرمين في وشها باستها علي الهواء و نرمين غمزت ليها.
نرمين: ماشية معاكي يا عم.
كارما ركبت عربيتها و بدأت تسوق ناحية مطعم,نرمين دخلت للفيلا و سلمت علي مريم.
نرمين: وحشتيني يا ماما.
مريم: حبيبتي اقعدي يا روحي.
نرمين: جيت اقعد معاكي شوية.
مريم: نورتي يا حبيبة قلبي.
نرمين: بنورك. قوليلي بقي اعملك ايه؟!
مريم: لا يا حبيبتي انتي جاية علشان تقعدي معايا اكيد مش هخليكي تعملي حاجة.
نرمين: انتي كدة بتعتبريني ضيفة.
مريم: لا طبعا يا حبيبتي. طيب خلاص تعالي نعمل الغداء عقبال مع سليم يجي.
نرمين: طيب يا روحي.
في المطعم.
احمد كان قاعد بيبص علي ساعته و طلع تليفونه.
كارما: اتأخرت؟!
احمد رفع عينه اتصدم من منظر كارما الجميل.
احمد(و هو بيبلع ريقه): لا براحتك. اقعدي.
كارما(برفعة حاجب): مش هتشدلي الكرسي.
احمد(بارتباك): اه تمام.
احمد قام و شد الكرسي ل كارما و كارما قعدت و احمد قعد قدامها.
احمد: شوفي عايزة ايه اجيبه ليكي؟!
كارما: اسمها تحبي تأكلي ايه يا حبيبتي.
احمد: تحبي تأكلي ايه!؟
كارما(برفعة حاجبها): و هي فين يا حبيبتي؟!
احمد(بارتباك): كارما انجزي قولي عايزة تأكلي ايه؟!
كارما(بضيق): هأكل من اللي انت هتطلبه...
احمد نادي الجرسون و طلب اكل ليه هو و كارما,الجرسون مشي و كارما و احمد فضلوا ساكتين...
احمد(لنفسه): في ايه يا احمد اجمد كدة دي مش اول بنت تكلمها.
احمد لقي ايد كارما محطوطة علي الترابيزة و هي باصة في الارض,احمد مد ايده ببطء و لمس ايد كارما و كارما رفعت عينيها لاحمد.
احمد: ايه اخبار يومك؟! شكلك حلو علفكرة.
كارما(بخجل): شكرا. انا بخير و انت.
احمد: انا بخير.
احمد: كلميني عن الشركة و ازاي بدأتي تشتغلي.
كارما: بص يا عم بقي. انا طول عمري بحب باسل و سليم و نفسي ابقي معاهم علطول و ابقي زيهم و دخلت تجارة ادارة اعمال و بدأت اشتغل مع باسل و سليم و شوية في شركة باسل و شوية في شركة سليم و لاني طبعا متمكنة في الشغل بقدر اوفق بين الاتنين و ساعات بشتغل في البيت.
احمد: مبسوط بيكي.
الاكل جه و الجرسون بدأ يحطه و الاتنين بدأوا يأكلوا و هما بيتكلموا...
-في مكان تاني...
عند علي و ثريا.
ثريا كانت في اوضتها بتغير هدومها.
ثريا لبست بنطلون جينز و فوقه تي شيرت بكم باللون الاحمر لغاية قبل الركبة بشوية و مفتوح من الجمبين ل نص بطنها و لبست كوتشي ابيض و سيبت شعرها القصير علي ضهرها.
ثريا فتحت باب اوضتها و كانت ماسكة شنطتها في ايديها و رايحة ناحية الباب.
علي(بغضب): بتعملي ايه؟!
ثريا اتخضت و لفت بسرعة لقت علي واقف علي السلم من غير تي شيرت و بينزل ليها ببطء و كل ما يقرب من ثريا ثريا تخاف اكتر و ترجع لورا.
علي(بغضب): كنتي راحة تقابليه؟!
ثريا(بخوف): هو مين؟!
علي مسك ثريا من شعرها و قربها منه.
علي(بغضب): هنستعبط؟! الزفت اللي انتي سلمتي نفسك ليه.
ثريا(بخوف و دموع): لا و الله انا كنت هروح القصر اكلم جدو.
علي(بغضب): و هو جدك هيكون قابل يبص في وشك اذا كنت انا مش طايقك هو هيطيقك اصلا...
ثريا(بدموع و وجع): شعري.
علي(بغضب): اتوجعي اكتر يا روح امك انتي كنتي شوفتي حاجة.
ثريا(بعياط): و الله كنت هروح القصر و الله صدقني.
علي شد علي شعر ثريا بغضب و زقها علي الارض.
علي(ببرود): اجي الاقي البيت كله متروق احسن و ربي لتشوفي وش هتندمي عليه.
علي(ببرود): عيطي يا اختي عيطي ممكن تنضف اللي انتي عملتيها.
علي تف علي ثريا و سابها و طلع اوضته غير هدومه و خرج بره البيت ركب عربيته و مشي.
ثريا قعدت في الارض تعيط و تصرخ من كتر وجع قلبها علي اللي بيحصل ليها و فيها.
ثريا فضلت تعيط و تصرخ لغاية ما طاقتها خلصت و بدأت تفقد الرؤية تدريجيا و وقعت مغمي عليها في الارض...
-في مكان تاني...
في القصر.
ياسين: ماجدة.
ماجدة: نعم يا ياسين بيه.
ياسين: اعملي حسابك هنعزم باسل و وجد النهاردة بليل علي العشاء.
ماجدة: طيب، انت كلمتهم؟!
ياسين: كلمت باسل قالي لو عرفوا.
ماجدة: طيب.
و بدأوا بجهزوا البيت و الاكل منتظرين باسل و وجد.
نهلة: مين جاي؟!
ماجدة(بسخرية): جوز بنتي عندك مانع و بنتي المحترمة...
نهلة بصت ل ماجدة بغيظ و سابتها و مشيت...
رانيا: حاجة تانية يا هانم؟!
ماجدة: غوري للجنينة جيبيلي وردة من بره...
رانيا(باستغراب): حاضر...
رانيا خرجت للجنينة و بدأت تبص علي الورد و قربت من وردة و لسة هتقطفها رجليها اتزحلقت و وقعت في حمام السباحة.
رانيا(بصريخ): الحقوني.
رانيا كانت بتغرق و مش بتعرف تعوم و قعدت تصرخ لغاية ما لقت حد بينط في الماية و حاوط خصرها بايديها و رفعها لفوق.
رانيا(بشهقة): يا ماما.
سعد(ببرود): طالما متعرفيش يبقي متجربيش.
سعد شالها بين ايديها و خرج بره حمام السباحة و رماها علي الارض.
رانيا(بوجع): آآآه.
سعد(ببرود): فاهمة يا قطة؟!
سعد بص ل رانيا و سابها و مشي و رانيا كانت مصدومة من اللي حصل و قامت وقفت بتعب و وجع.
رانيا(بخجل): يالهوي يا بت يا رانيا.
رانيا ضربت نفسها قلم براحة و جريت علي اوضتها تغير هدومها و خرجت جابت الوردة و رجعت ل ماجدة.
ماجدة(بحدة): ده كله بتخترعي الذرة.
رانيا: بعتذر. كنت وق.
ماجدة(بحدة): مش مهم يلا غوري من وشي.
رانيا مشيت من قدام ماجدة و كانت راحة ل نهلة لقت سعد داخل القصر بعد ما غير هدومه و دخل لمكتب ياسين.
رانيا طلعت لاوضة نهلة تشوفها لو محتاجة حاجة.
عند باسل و وجد...
وجد بدأت تصحي من نومها و قامت اتعدلت لقت باسل نام علي الكنبة من التعب.
وجد قامت ببطء من مكانها و قربت من باسل.
وجد(بهمس): باسل باسل حبيبي.
باسل فتح عيونه و شاف وجد قرب منها و (لخيالكوا).
باسل(بنوم): بحبك...
وجد: و انا كمان. يلا قوم علشان نمشي من المستشفي الكئيبة دي...
باسل قام اتعدل و شد وجد علي رجله و رجع شعرها لورا.
وجد(بوجع): يا غبي لاحظ اني تعبانة.
باسل: و من امتي و انتي مش تعبانة ما انتي علطول من ساعة الجواز و انتي تعبانة من تاني يوم جواز حتى مبتسبنيش اخد راحتي معاكي.
وجد فتحت عينيها بصدمة من كلام باسل و بصت ليه بصدمة و بعدها رفعت رأسها لفوق.
وجد: يا رب انت عالم انه كداب اوي.
باسل ضحك عليها و باس خدها و شدها لحضنه اكتر.
باسل: هنروح نلبس و بعدها معزومين علي العشاء عندك في القصر و بعدها هنروح لماما مريم لو قدرنا.
وجد: طيب يا حبيبي.
وجد باست خد باسل و باسل غمض عيونه لفترة و وجد كانت في حضنه و كانوا صامتين و منعزلين عن العالم.
وجد(بحب): بيكفيني اني في حضنك و سامعة صوت دقات قلبك و صوت انفاسك ده عندي بالدنيا و ما فيها.
باسل ابتسم علي كلام وجد و باس رأسها...
الباب خبط.
وجد اتفزعت و كانت متوترة و بعدت عن باسل و باسل بصلها ببرود.
باسل(ببرود): وجد انا ابقي جوزك افهمي بقي.
وجد(بتوتر): بتكسف يا باسل الله.
باسل(بهدوء): ادخل.
ممرضة: جيت اتطمن علي مدام وجد...
باسل: تعالي.
وجد قعدت علي السرير و الممرضة بدأت تفحصها.
ممرضة: تمام كدة افضل و مبقاش في خطر و اهم حاجة النفسية بس.
وجد(بابتسامة): شكرا.
باسل: يلا يا حبيبتي نروح.
وجد: اه...
وجد غيرت هدومها اللي كانت لابساها قبل ما تعمل حادثة,باسل مسك ايديها و خرجوا بره المستشفي و رجعوا البيت.
عامر: نورت يا باسل بيه.
باسل: شكرا يا عامر.
عامر: الغداء جاهز.
باسل: لا شكرا هنأكل بره.
عامر: طيب.
باسل و وجد طلعوا اوضتهم و وجد دخلت الحمام خدت دوش و كانت زعلانة علي الطفل و بدأت تعيط بصمت و مسحت دموعها و لبست بشكير الحمام و خرجت لقت باسل خارج من اوضة التمرين و كان شكله تعبان.
وجد: مالك يا حبيبي؟!
باسل لا رد.
وجد: باسل.
باسل(بتعب): بخير يا حبيبتي متقلقيش بخير.
وجد(بحب): طيب انا بس اهم حاجة عندي اني اشوفك مبسوط و مرتاح.
وجد باست رأس باسل و دخلت اوضة الملابس تغير هدومها,باسل قام خد دوش.
وجد لبست بنطلون اسود و فوقه تي شيرت قصير لغاية الخصر باللون الاصفر الهادئ و فوقه جاكت جينز و لبست كوتشي ابيض.
وجد كانت بتحط البرفيوم بتاعها لقت باسل داخل الاوضة و هو متضايق قربت منه.
وجد: ممكن افهم بقي مالك؟!
باسل: مفيش حاجة.
وجد شدت باسل و سندته علي الدولاب اللي وراها و حاوطت رأسه بين ايديها.
وجد(برفعة حاجب): في ايه يا باشا؟!
وجد(برفعة حاجب): ما تروق كدة ما انا اللي زعلانة مش انت انت شكلك عايز ورد طب ما تقول كدة يا باشا.
باسل(بخبث): تؤ تؤ عايز حاجة تانية.
وجد: اعقل يا مجنون.
في القصر...
احمد دخل القصر لقي رانيا في وشه...
احمد: اومال فين اهل البيت؟!
رانيا: ياسين بيه ف...
رانيا عطست كذا مرة.
احمد: عندك برد؟!
رانيا: شكل كدة يا بيه اسفة.
احمد: خدي اجازة يومين.
رانيا: شكرا يا بيه. شكرا.
احمد: في ايه بقي؟!
رانيا: منتظرين وجد هانم و باسل بيه جوزها.
احمد: طيب. قصي؟!
رانيا: لا مرجعش يا بيه.
احمد: طيب.
احمد طلع تليفونه و اتصل بقصي بس مردش.
احمد(بضيق): لما نشوف آخرتها يا زفت.
احمد لف لما سمع صوت وجد.
وجد: ابو حميد.
وجد راحت ناحية احمد و سلمت عليه.
وجد: ايه يا عم ما صدقت امشي و لا ايه؟!
احمد(ببرود): ايوه.
وجد(بدهشة مصطنعة): كدة يا ابو حميد نسيت اللي كان بينا.
احمد: باسل شيلها من علي دماغي.
يوسف: اهلا اهلا نورتنا يا باسل...
باسل: بنورك يا يوسف بيه.
يوسف: حبيبتي وحشتيني.
وجد: شكرا، فين جدو؟!
باسل: فعلا فين ياسين بيه؟!
ماجدة: وجد وجد.
ماجدة حضنت وجد جامد و بصت ل باسل و جابت وردة من ورا ضهرها و ودتها ل باسل.
ماجدة(بابتسامة): نورتنا.
باسل: بنورك شكرا علي الوردة.
وجد(بغرور): هو في احلي مني وردة اهو.
ياسين(بابتسامة): حبيبتي اللي نورتيني.
وجد جريت علي ياسين حضنته جامد و هو باس رأسها.
ياسين: حبيبتي وحشتيني اوي.
وجد: و انت اكتر يا حبيبي...
منصف دخل من باب القصر لقي باسل وطي عينه في الارض.
منصف: السلام عليكم. نورتونا.
باسل: بنورك.
منصف سابهم و طلع لاوضته لقي نهلة قاعدة بتهز رجليها بعصبية.
منصف: خير؟!
نهلة: مرات اخوك بتعايرني.
منصف: ليها حق هي مش اللي ضيعت شرفها تبقي بنتك.
نهلة(بعصبية): و هي بنتك برضو و لا نسيت.
منصف: اهدي بقي خلاص.
تحت...
وجد: لا انجزوا انا ميتة من الجوع.
رانيا: الاكل جاهز يا هانم.
وجد: يلا بينا.
كلهم راحوا علي السفرة و بدأوا يقعدوا كل واحد في مكانه.
وجد: اومال فين طنط نهلة و عمو منصف؟!
احمد بص ل وجد بنظرة هي مفهمتهاش.
وجد(برفعة حاجب): ايه يا عم لتكون معجب لا انا متجوزة و بحب جوزي.
الكل ضحك علي مرح وجد و باسل بصلها من تحت ل فوق و ابتسم ليها.
وجد: عطيات اطلعي نادي عمو و مرات عمو.
ياسين: رانيا اطلعي نادي سعد هو تعب معايا النهاردة.
رانيا: حاضر.
رانيا راحت ل مكان سعد بس ملقتهوش و بدأت تبص يمين و شمال.
سعد(ببرود): مش هتبطلي بقي.
رانيا(بتوتر): ها؟!
سعد(ببرود): بطلي تصرفاتك دي. الصبح تجربي حمام السباحة اللي هو مش بتاعك و دلوقتي عمالة بتبصي علي الرجالة.
رانيا(بصدمة): نعم!
سعد(ببرود): خشي جوا.
رانيا(بحدة): ياسين بيه بيقولك خش علشان تأكل.
رانيا بصت ل سعد بغضب و سابته و دخلت القصر,سعد دخل للقصر.
سعد: نادتني يا ياسين بيه؟!
ياسين: تعالي كُل يا سعد.
سعد: شكرا يا بيه ملهوش داعي.
ياسين: تعالي يلا.
نهلة(باصطناع): ايه ده وجد عندنا زارنا النبي.
وجد: تسلمي يا طنط.
الكل قعد علي السفرة و وجد لمحت سعد بيبص ليها بصت ل باسل اللي لقته بيأكل.
وجد(لنفسها): اهدي يا وجد اهدي شوية و هتمشي.
وجد: كُل يا حبيبي.
باسل: تمام.
-في مكان تاني...
عند ثريا...
ثريا كانت مرمية في الارض و مغمي عليها قامت مفزوعة و بتشهق لما لقت حد بيرمي عليها ماية كتيرة.
ثريا(بخضة): مين؟!
شاب(بسخرية): مساءك كحلي يا عروسة.