قصص و روايات - قصص رومانسية :

رواية النور والكابوس للكاتبة سلسبيل كوبك الفصل الثاني والعشرون

رواية النور والكابوس للكاتبة سلسبيل كوبك الفصل الثاني والعشرون

رواية النور والكابوس للكاتبة سلسبيل كوبك الفصل الثاني والعشرون

ثريا كانت مرمية في الارض و مغمي عليها قامت مفزوعة و بتشهق لما لقت حد بيرمي عليها ماية كتيرة.
ثريا(بخضة): مين؟!
شاب(بسخرية): مساءك كحلي يا عروسة.
ثريا بصت قدامها لقت شخص اول مرة تشوفه فرجعت ل ورا خطوتين.
ثريا(بخوف): عايز ايه؟!
شاب2: مش قولتلك يا ابني مزة...
شاب3: الواد علي كان عايزها ليه و بس.
شاب: اسمك ايه يا بيضة؟!
ثريا(بخوف): عايزة امشي من هنا.
شاب3: هتمشي بس لما نزهق منك.
ثريا(بخوف): انتوا مين؟!

شاب2: مش مهم انتي هنا تنفذي اللي احنا عايزينه و بس...
ثريا زحفت ل ورا بخوف لقت فأر بيعدي من وراها,ثريا صرخت جامد و التلت شباب قعدوا يضحكوا عليها.
عند علي.
علي رجع من شغله و دخل البيت لقي الجو هادئ جدا بدأ يبص علي ثريا و ملقهاش فتح باب اوضتها و دور عليها برضو ملقهاش.
علي خرج بسرعة من اوضتها و طلع جري علي اوضته برضو ملقهاش.
علي نزل تاني لمح شنطتها مرمية في الارض و موبايلها مرمي علي الارض.

علي طلع تليفون و اتصل ب باسل، الخط اتفتح.
باسل: خير؟!
علي: اعرفلي ثريا راحت القصر و لا لا.
باسل وقف العربية بسرعة و وجد بصتله باستغراب.
باسل: حصل ايه يعني؟!
علي(بغضب): الحيوانة كانت عايزة تروح لجدها انا منعتها و خرجت رجعت ملقتهاش و لقيت موبايلها و شنطتها في الارض.
باسل: اقفل انا جايلك...
علي: اعرفلي هي في القصر و لا لا...
باسل: انا لسة ماشي من هناك اصلا انا قدام القصر هي مجتش لا.
باسل: اقفل.
وجد: مالك؟!

باسل(بضيق): ثريا مش موجودة.
وجد(بصدمة): افندم ايه اللي انت بتقوله ده؟! انت بتكدب.
باسل(بضيق): اكيد مش هكدب يا وجد متعصبنيش.
باسل وقف العربية قدام بيت علي و نزل و وجد نزلت وراه و دخلوا البيت لقوا علي واقف في الجنينة.
وجد(بحدة): وديتها فين؟!
علي(بحدة): في داهية و لو كنت اعرف مكنتش كلمت جوزك.

باسل(بحدة): اسكتوا. لازم نعرف هي فين و لو زي ما انت بتقول شنطتها هنا و موبايلها كمان يبقي اكيد هي مخرجتش بره البيت.
التلاتة دخلوا بيت علي و وجد بدأت تبص حواليها.
وجد: اكيد ثريا مش فاضية لدرجة انها ترمي شنطتها و موبايلها في الارض اكيد اتخطفت بس ليه و ازاي.
علي قعد علي الكنبة و جمبه باسل و هما بيفكروا.
وجد(بحدة): انت بتستعبط مراتك شكلها مخطوفة قوم دور عليها متجننيش...
علي(ببرود): متنسيش انا متجوزها ليه.

وجد(بضيق): بس برضو هي محسوبة عليك زوجة.
باسل: اهدي يا وجد و اقعدي انتي تعبانة و هي ممكن تكون راحت مشوار و راجعة.
وجد(بحدة): او ممكن الحيوان اللي هي كانت معاه خطفها و هيعمل فيها حاجة تاني...
علي(ببرود): يبقي هي راحتله بمزاجها مش هستغربها.
وجد(بغضب): انتوا ناس باردة انا هدور عليها بنفسي.
وجد راحت ناحية الباب و لسة هتفتحه لقت باسل مسك ايديها.
باسل(بغضب): متنسيش اني جوزك و موجود فاقعدي كدة باحترامك يا وجد.

وجد(بحدة): و هي تبقي بنت عمي و ليها حق عليا...
باسل(بصوت عالي): قولتلك اقعدي يا وجد.
وجد اتضايقت من باسل و راحت قعدت علي الكنبة و هي بتهز رجليها بعصبية.
علي كان بيفكر هي ممكن تكون راحت فين لغاية ما قام وقف فجأة و باسل بصله.
علي: تعالي معايا.
باسل: طيب و انتي خليكي هنا.
وجد(بانفعال): ايه انتي دي انا وجد يا باسل لو كنت نسيت و كمان انا هأجي معاكوا.
باسل(بحدة): وجد انا مخنوق خلقة فاسمعي الكلام.

وجد حطت ايديها علي رأسها لانها حست بصداع جامد و كانت هتقع بس باسل لحقها.
باسل: انتي كويسة؟!
وجد(بتعب): مصدعة اوي.
باسل: طب تعالي اقعدي.
باسل: هعملك عصير.
علي: مجتش ليه؟!
باسل: وجد تعبت استني ه.
علي: لا هتصرف انا خليك معاها.
علي ساب باسل و مشي و باسل دخل يعمل عصير ل وجد و خرج شربها العصير و وجد بدأت تحس براحة شوية.
وجد: هو راح فين؟! انا عايزة ثريا.
باسل: انا واثق في علي.

باسل باس رأس وجد و وجد رجعت رأسها ل ورا بتعب.
وجد: عايزة اروح اكشف بقي يجيلي صداع كتير اوي...
باسل: من التفكير يا روحي بس حاضر هوديكي للدكتورة نبقي نتطمن.
وجد: شكرا بس برضو زعلانة منك.
باسل: امممم شكلك عايزة صلح بطريقة تانية.
وجد: باسل انا تعبانة و قلقانة علي ثريا فسبني في حالي و كمان برضو زعلانة منك و مش هتراضي بسهولة.
باسل باس خد وجد و حضنها.
باسل: آسف.
وجد: سماح المرة دي.

باسل(بضحك): علي اساس مش هتتراضي بسهولة.
وجد: الله بحبك يا اخي بحبك.
عند علي.
علي ركب عربيته و ساق ناحية بيت واحد من صحابه.
علي قعد يخبط علي باب الشقة و يرن الجرس كتير.
شاب(بحدة): ايه في ايه؟!
علي(بغضب): فين الباقي يا معاذ؟!
معاذ(بنوم): يعني انت مصحيني من النوم تسألني فين الباقي في داهية يا اخي.
علي مسك معاذ من هدومه بغضب و ضربه بوكس في وشه.
علي(بعصبية): بقولك هما فين مش موجودين يعني في الشقة...

معاذ(بوجع): معرفش معرفش.
علي بدأ يضرب معاذ و هو شاكك انه عارف حاجة عنهم.
معاذ(بعياط و وجع): خلاص خلاص هتكلم.
علي(بغضب): رد قول...
معاذ(بوجع): خدوا البنت اللي انت كنت عايز تستمتع معاها لوحدك و راحوا بيها للمخزن القديم بتاع ابو سعيد.
علي ضرب معاذ بوكس في وشه بكل غل.
علي(بغضب): دي مراتي يا اغبية.
علي ساب معاذ و نزل جري ل تحت و ركب عربيته و راح ناحية المخزن القديم لانه عارف مكانه.

علي وقف عربيته بسرعة قدام المخزن و رفع الباب ل فوق,علي بدأ يمشي في كل حتة في المخزن لغاية ما سمع صوت صريخ ثريا راح ناحية الصوت.
علي(بغضب): سعيد.
سعيد(بخضة): علي.
التلاتة قاموا بسرعة و كانوا خايفين من غضب علي و ثريا كانت بتعيط بحرقة و لما لقت علي قامت و جريت ناحيته بسرعة...
ثريا(بعياط): مشيني من هنا و النبي.
ثريا(بعياط): مش عايزة مش عايزة و الله كل اللي عايزاه امشي و النبي مشيني من هنا ارجوك ابوس ايدك.

ثريا كانت ماسكة في علي بخوف و عياط علي لف ايده حوالين خصرها و ضمها ليه جامد.
سعيد(بحدة): من امتي يا علي و انت بتخبي عننا؟!
شاب3: ايه نسيت اننا بنتقاسم كل حاجة مع بعض...
علي(ببرود): تؤ بنتقاسم مع بعض...
شاب2: و علي اساس دي ايه؟!
ثريا(بعياط): مشيني.
سعيد(بغضب): انت فعلا مش صاحب.
علي(بغضب): دي مراتي يا ولاد ال.
التلاتة بصوا ل بعض بخوف و بصوا ل علي خايفين منه و بدأوا يرجعوا ل ورا بخوف.

سعيد(و هو بيبلع ريقه): احنا آسفين يا علي مكناش نعرف و انت مقولتش، سامحنا.
شاب2(بخوف): هي عندك اهي مقربناش منها.
شاب3(بخوف): خدها و امشي و من النهاردة احنا مش صحاب.
علي(ببرود): لما اخد حق مراتي الاول راجع ليكوا.
علي وطي و شال ثريا بين ايديه و هي دفنت وشها فيها و كانت بتعيط بصمت و مغمضة عينيها,لقوا معاذ دخل ليهم.
معاذ(بخوف): عملوا ليها حاجة؟!
علي سابهم و خرج بره المخزن و هو في قمة غضبه.

علي: عملوا ليكي حاجة؟!
ثريا لا رد.
علي حط ثريا علي الكرسي في العربية و قفل الباب و لف ركب و بدأ يسوق و هي كانت طول الوقت منكمشة علي نفسها و بتعيط بحرقة.
علي ضرب الدريكسون بغضب بايديه و راح ناحية بيته و نزل و فتح الباب ليها.
علي: انزلي.
ثريا(بعياط): ا.
علي: مش عايز كلمة.
علي مسك ايد ثريا و دخل البيت لقوا وجد في حضن باسل و نايمة,باسل قام و وجد فتحت عينيها لما حست ان باسل قام.
وجد(بنوم): ايه؟!

وجد لمحت ثريا قامت بسرعة و راحت ناحيتها ثريا اترمت في حضنها و هي بتعيط بحرقة...
وجد: خلاص يا حبيبتي اهدي حصل خير.
باسل شاور ل علي بمعني حصل ايه علي راح ناحيته...
علي: مدام وجد بعد اذنك طلعيها فوق في اوضتي و انا هتكلم مع باسل.
وجد: تمام.
وجد خدت ثريا و طلعوا لاوضة علي اللي فوق و قعدتها علي السرير و باست رأسها.
وجد: ايه يا حبيبتي خلاص حصل خير اهدي بقي كدة و بطلي عياط ممكن.

ثريا(بعياط): صدقيني المرة دي انا هو.
وجد: اهدي يا ثريا اهدي و بطلي عياط و بعدها اتكلمي لما تبقي قادرة تتكلمي.
ثريا(بعياط): محدش عايز يسامحني.
وجد: هيسامحوكي يا حبيبتي صدقيني.
وجد: هيجي اليوم اللي هيحسوا فيه بيكي و هيسامحوكي. انتي غلطتي و انتي بتدفعي تمن اغلاطك و ان شاء الله كل الامور هتتعدل ساعات بتبقي الضربة قوية.
وجد: زي ما انتي متوجعة هما مكسورين يا ثريا. اهدي بس انتي.

وجد فضلت تهدئ في ثريا لغاية ما نامت و حطت رأسها علي السرير و غطتها بالبطانية و باست رأسها و نزلت ل تحت.
باسل: نبقي نكمل كلامنا يلا يا وجد.
وجد: طيب...
وجد: يا ريت تفهم منها براحة ايه اللي حصل بلاش تقسي عليها انت كمان.
علي(ببرود): مش عارف انتي بتفكري ازاي؟! المدام نزلت اسم عائلتكم في الارض خلت ابوها و جدها و اخوها ينزلوا عينيهم في الارض بانكسار.
وجد(ببرود): هيتصلح كل ده في يوم من الايام و انا متأكدة...

وجد(ببرود): ساعتها لو افتكرت اعزمك هبقي اعزمك و هتشوف.
وجد سابت باسل و علي و خرجت بره البيت باسل اتضايق و خرج ورا وجد و ركب العربية و ساق بصمت تام.
علي طلع اوضته لقاها نايمة راح غير هدومه و خرج نام علي السرير بهدوء تام...

-في مكان تاني...
عند قصي...
قصي: يا خسارة.
ليلي: خير؟!
قصي: هو ينفع القمر ده يبقي ممرض مش دكتور.
ليلي(ببرود): شكلك وحشتك المطوة.
قصي: توبنا إلى الله.
ليلي ابتسمت بهدوء و كانت هتمشي بس قصي مسك ايديها.
قصي: ممكن سؤال؟!
ليلي: اتفضل...
قصي: انتي ليه ماشية معاكي مطوة؟!
ليلي(بتنهيدة): علشان مش كل الرجالة بتسيب البنات اللي زيي في حالها.
ليلي كانت هتمشي بس قصي شدها ليه اكتر.
قصي: اللي زيك ازاي يعني؟!

ليلي(بتنهيدة): اللي ملهمش ضهر و لا سند.
قصي: ا.
قصي(بوجع): آآه.
قصي مسك قلبه جامد و ليلي اتخضت و جريت نادت الدكتور و رجعت بدأت تحطله قناع الاكسجين و تشوف قيمه الحيوية.
و كان جسم قصي بيتصلب و بيتلوي من الالم.
ليلي(بخوف): طب اعمل ايه؟!
ليلي ودت حقنه مهدئه ل قصي و كان نبضه ضعيف جدا و كان بيتلوي برضو من الالم لغاية ما فقد وعيه.
الدكتور: عملتي ايه؟!
ليلي: وديته حقنة مهدئة.
الدكتور: هو ايه اللي حصل؟!

ليلي: كنا بنتلكم فجأة قلبه وجعه.
الدكتور: طب خليكي جمبه لو حصل اي تغير ناديني.
ليلي: حاضر.
ليلي فضلت سهرانة مع قصي لغاية الصبح و هو بدأ يفوق.
ليلي: صباح الخير.
قصي(بتعب): صباح النور.
قصي: ساعديني.
ليلي ساعدت قصي و خلته يقعد كويس علي السرير.
ليلي: حاجة تاني؟!
قصي: لا.
الباب خبط و شهاب دخل علطول...
شهاب: ايه يا باشا جاهز؟!
قصي: اه بس اهم حاجة بعت الدعوات لكل اللي قولتلك عليهم.
شهاب: متقلقش.
قصي: و المعرض؟!

شهاب: يا باشا متخافش كله تمام.
قصي: هتخلصي شغل امتي؟!
ليلي: ليه؟!
قصي: ردي.
ليلي: كنت هأخد اجازة باقي اليوم.
قصي: الساعة 5 تكوني جاهزة هعدي عليكي زي المرة اللي فاتت...
ليلي: بس ليه؟!
قصي: هتعرفي و متخافيش وجد جاية.
ليلي: طيب عن اذنك.
ليلي سابتهم و مشيت و شهاب وقف و رفع حاجبه ل قصي.
شهاب: ممكن افهم مين دي و هتيجي معانا بصفتها ايه؟!
قصي: معرفش بس كل اللي بحسه ناحيتها اني حابب وجودها.
شهاب: يا سيدي يا سيدي.

قصي ابتسم ل شهاب و قام وقف و شهاب ساعده علشان يلبس و خرجوا من المستشفي يشوفوا المعرض لاخر مرة.

-في مكان تاني...
في القصر.
احمد كان نايم في اوضته صحي من نومه علي رنة تليفونه.
الخط اتفتح.
احمد(بنوم): الو.
كارما: صباح الخير.
احمد(بنوم): صباح النور لما اصحي ابقي اكلمك ماشي؟!
كارما: ايه ده؟! لا قوم...
احمد(بنوم): في حاجة؟!
كارما: ايوه اصحي اصحي يلا في حاجة.
احمد قام اتعدل و قعد نص قعدة علي السرير و فرك في عينه.
احمد: في ايه يا كارما؟!
كارما: افتح الشات هبعتلك حاجة.

احمد فتح الشات اللي بينه و بين كارما لقاها باعتة كام فستان ليه.
احمد: ايوه ايه بقي؟!
كارما: هو مش اخوك بعت لينا دعوة علشان افتتاح معرض كبير؟!
احمد(بصدمة): اخويا انا!
كارما: يوه يلا اختار طقم البسه علشان متتضايقش في الحفلة.
احمد شاف الفساتين و اختار احلي واحد و اكتر واحد محترم و قفل مع كارما و نزل جري ل تحت لاوضة جده.
ياسين: في ايه يا ابني حد يدخل كدة؟!
احمد: معرض ايه اللي قصي بعت دعوته للكل ده؟!

ياسين: مش كنت عايز تعرف هو مختفي ليه؟!
احمد: ايوه ايه بقي؟!
ياسين: هنروح الافتتاح و هنعرف.
احمد: طيب بس.
ياسين: هنعرف كل حاجة منه.
احمد: طيب هروح اجهز علشان الشركة.
ماجدة: احمد.
احمد: خير يا مدام ماجدة؟!
ماجدة: افتتاح ايه ده؟!
احمد: محدش عارف.
ماجدة: طيب.
في الجنينة.
رانيا كانت خارجة من اوضتها اللي جمب القصر و لقت سعد بيزعق لراجل كبير.
رانيا(بحدة): ممكن افهم بتزعقله ليه؟!
سعد(بغضب): امشي من قدامي انتي.

الراجل: خشي جوا يا رانيا يا بنتي. انا بس كنت غايب.
سعد(بحدة): غياب تاني مفيش احسن لتكون مطرود انا هنا مش كبير الحراس و بس انا رئيس الخدم كلهم و اظن الكل عارف كدة.
رانيا(بحدة): و اللي بيبقي كبير في المقام المفروض يكون عاقل و عادل مش يزعق ل راجل كبير اكيد منعته ظروفه انه يجي.
سعد(بحدة): و انتي مالك؟! و كمان اللي عنده ظروف ميجيش خالص.
رانيا كانت في قمة غضبها من سعد و بصت للراجل الكبير.

رانيا: و انا هشتغل مكان عمو حسني.
سعد حط ايده في جيبه ببرود و بص ل رانيا.
سعد: هتهتمي بالجنينة؟!
رانيا: ايوه و لما عمو حسني يبقي يستعاد عافيته يبقي يرجع تاني لان عمو حسني قالي قبل كدة انه تعبان جدا و مبيقدرش يشتغل.
سعد(ببرود): طيب. روح بيتك لما نشوف الغندروة هتستحمل كل الشغل قد ايه.
حسني: بلاش يا رانيا يا بنتي.
رانيا: مش مهم يا عمو حسني. يلا روح بيتك.
رانيا بصت ل سعد و سابته و مشيت دخلت المطبخ.

عطيات: مالك؟!
رانيا: الرخم.
عطيات: مين؟!
رانيا: سعد.
عطيات: ما هو رخم اول مرة تعرفي؟!
رانيا بصت ل عطيات و عطيات بعدت عنها.
عطيات: انتي اللي بتقولي مش انا.
رانيا: غوري من قدامي.
رانيا حدفت عطيات بازازة ماية و عطيات ضحكت عليها.

-في مكان تاني...
عند وجد...
وجد كانت نايمة بعمق في السرير بدأت تفتح عينيها ببطء ملقتش باسل جمبها اتمطعت و قامت ببطء دخلت الحمام خدت دوش سريع و خرجت تغير هدومها.
وجد لبست عباية بيتي بأكمام واسعة و قصيرة لغاية الركبة باللون الاحمر و لبست كوتشي ابيض في رجليها و سيبت شعرها علي ضهرها و حطت مكياچ خفيف.
وجد نزلت ل تحت و ملقتش برضو باسل.
وجد: امل يا امل.

عامر: تؤمري بحاجة يا هانم؟! امل راحت السوق تشتري اللي ناقص.
وجد: هو فين باسل؟!
عامر: بلغني اقولك انه سافر لشغل ضروري و هيكلم حضرتك اول ما يفضي.
وجد اتصدمت و قعدت علي السلالم بحزن و فجأة حست بصداع شديد في رأسها.
وجد: هاتلي برشامة صداع.
عامر: حاضر.
عامر دخل المطبخ و قعد خمس دقايق و بعدها راح ل وجد وداها البرشامة و الماية.
وجد: شكرا.
وجد: سافر من امتي؟!
عامر: من 8 الصبح.
وجد: طيب. روح شوف شغلك.

عامر: عن اذنك يا هانم.
عامر ساب وجد و وجد سندت ضهرها علي السلالم و طلعت تليفونها اتصلت بباسل بعد فترة الخط اتفتح.
وجد: حبيبي.
بنت(بالروسية): مين؟!
وجد: باسل؟!
بنت(بالروسية): باسل بيه في اجتماع حاليا مش فاضي، انتي مين؟!
وجد(بحدة): و انتي مين بتعملي ايه معاه؟!
بنت(بالروسية): مش فاهمة.
وجد(بالانجليزية): بتتكلمي انجليزي؟!
بنت(بالانجليزي): انتي مين؟!

وجد(بالانجليزي): انتي اللي مين؟! و بتردي علي تليفون جوزي ليه؟!
بنت(بصدمة,بالانجليزية): باسل متجوز!
باسل(بالروسية,بحدة): روسيل مين سمحلك تردي علي مكالماتي.
باسل شد التليفون من روسيل و رد علي وجد.
باسل: الو يا حبيبتي.
وجد(بحدة): ممكن افهم بتعمل ايه البت اللي جمبك؟!
باسل: تبع الشغل يا حبيبتي معلش. عايزة ايه؟!
وجد: انت ازاي تمشي كدة من غير ما تقولي.
باسل: ما انا ودعتك بليل يا وجد.
وجد: يا رخم انت كداب.

باسل: و الله؟! بامارة.
وجد: خلاص خلاص بس مكنتش اعرف انه توديع. عموما هترجع امتي؟! النهاردة الافتتاح.
باسل: مش هعرف اجي. و انتي مش هتروحي...
وجد(بصدمة): نعم! ليه بقي ان شاء الله ده اخويا.
باسل: مفيش حاجة اسمها اخويا ده ابن عمك يا وجد.
وجد(بخبث): تصدق عندك حق يعني ينفع اتجوزه.
باسل(بحدة): يا غبية اسمعي الكلام. متخرجيش بره البيت.
وجد(بضيق): لا هروح ده قصي و كمان ده حلمه من زمان هروح يعني هروح.

باسل: وجد سمعتي كلامي؟!
وجد: هروح.
باسل: وجد.
وجد: باسل هروح و خلص الكلام.
باسل(بحدة): محدش بيفرض عليا حاجة.
وجد: انا مش بفرض عليك دي الاصول و ده فعلا اخويا و لازم اروحله علي الاقل اقعد خمس دقايق و امشي.
باسل(ببرود): روحي يا وجد.
باسل قفل مع وجد لف لقي روسيل.
روسيل(بالروسية): مقولتش انك اتجوزت؟!
باسل(ببرود,بالروسية): مش ذنبي انك مش بتشوفي الاخبار.

باسل ساب روسيل و مشي و روسيل بدأت تكسر اي حاجة تلاقيها قدامها في المكتب.

-في مكان تاني...
عند ثريا و علي.
ثريا كانت حاسة بانفاس حد علي بشرتها فتحت عينيها ببطء لقت نفسها في حضن علي و علي دافن وشه في رقبتها و محاوط خصرها بايده.
ثريا اتصدمت و حاولت تبعد عن علي بس علي فتح عينيه.
علي(بنوم): ايه؟!
ثريا(بخوف): انا اسفة انا معرفش ازاي هو.
علي فاق من نومه و فاق و بِعد عن ثريا بسرعة لما لقاها في حضنه.
ثريا(بخوف): اسفة انا مش عارفة نمت هنا ازاي اسفة.

ثريا قامت بسرعة من علي السرير و خرجت بره الاوضة جري و دخلت اوضتها,علي كان بيبص عليها و علي تصرفاتها و علي خوفها الملحوظ.
علي قام خد دوش و خرج غير هدومه و نزل ل تحت خبط علي باب اوضتها.
ثريا(بتوتر): نعم؟!
علي(ببرود): اجهزي الساعة 5 هعدي عليكي اخدك علشان اخوكي عازمك علي افتتاح معرض.
ثريا(بفرحة): احمد!
علي(ببرود): لا اخوكي التاني...

علي ساب ثريا و خرج بره البيت و ثريا كانت حزينة و قعدت علي الكنبة و افتكرت كل اللي حصل و قعدت تعيط كتير.

-في مكان تاني.
عند نرمين و سليم.
سليم: هرجع اقولك للمرة المليون فيكي حاجة؟!
نرمين: بقولك مفيش حاجة لو في هأجي اقولك الله.
سليم: نرمين اتقي غضبي يا نرمين ايه اللي حصل؟!
نرمين: مفيش.
سليم(بهدوء): نرمين حبيبتي مش انا اخوكي ها احكيلي حصل ايه؟!
نرمين: محصلش محصلش يا سليم انا مش عيلة صغيرة عندي 18 سنة لا انا واحدة كبيرة و عاقلة عندي 27 سنة...
نرمين كانت هتمشي بس سليم شدها و سندها علي الحيطة بغضب.

سليم: انا فاهمك اكتر من نفسك يا نرمين و عارف انه في حاجة هتتكلمي و لا اعرف بطريقتي؟!
نرمين(بدموع): رجع.
سليم: مين؟!
نرمين(بدموع): اياد.
سليم خد نرمين في حضنه و ملس علي شعرها و باس رأسها...
سليم: ميقدرش يلمس شعرة واحدة منك.
سليم: اهدي مش هسمحله اصلا هقتله قبل ما يفكر يعملها.
نرمين(بعياط): جالي البيت.
سليم خرج نرمين من حضنه و حاوط وشها بين ايديه و مسح دموعها.
سليم: حبيبتي...
سليم: جه فين بقي؟!

نرمين(بدموع): البيت بتاعي...
سليم بص بغضب ل نرمين من اللي هي قالته.
سليم: تلمي هدومك و هتيجي تعيشي معايا و ده غير قابل للنقاش يا نرمين.
نرمين: لا. هتقولهم ايه؟!
سليم: هقولهم مراتي عندك مانع.
نرمين بصتله بصدمة شديدة.
سليم(بمرح): خلاص متزعليش هقولهم ان اختي جت تغير مود عندنا و كمان ماما و كارما بيحبوكي اوي و انتي عارفة.
نرمين: بس.
سليم: نرمين و بعدين بقي.
نرمين: بس.
سليم(بحدة و تحذير): نرمين؟!

نرمين: خلاص آسفة.
سليم: طيب يا حبيبتي و متخافيش انا متعود عليكي نرمين القوية...
نرمين حضنت سليم و سليم باس رأسها.
سليم: يلا اجهزي لحفلة بليل.

بعد عدة ساعات.
كان الكل بدأ يجهز علشان يروح الافتتاح و هما مش فاهمين اي حاجة كل اللي عارفينه ان قصي بعت ليهم دعوة.
ياسين: هو ده المكان؟!
سعد: اه يا ياسين بيه.
الكل نزل من عربياته و دخلوا ل جوا لقوه معرض كبير جدا و فيه كمية لوحات و رسومات كتيرة.
احمد قرب من لوحة من اللي موجودين و بص علي اسم الرسام,احمد اتصدم لما لقي اسم قصي الصياد.
منصف: ايه المعرض و ليه قصي جبنا ليه؟!
نهلة: بتبص لايه يا احمد؟!

احمد(بصدمة): ده توقيع قصي يا امي.
نهلة: منصف تعالي بسرعة.
التلاتة كانوا واقفين قدام اللوحات و مصدومين من ان قصي عامل معرض كامل ليه.
ياسين(بفخر): هو حفيدي اي حد و لا ايه؟!
ماجدة: انت كنت تعرف يا ياسين بيه؟!
ياسين: ايوه طبعا.
يوسف: و مقولتش ليه؟!
ياسين: علشان قصي دايما كان نفسه في نظرة الانبهار اللي في عيون عائلته دلوقتي.
احمد سمع ياسين و راح ناحيته وقف معاه.

احمد لقي كارما داخلة هي و مريم,احمد راح ناحية كارما و مريم و مسك ايد مريم و سلم عليها.
احمد: نورتينا يا هانم، اتفضلي اتفرجي علي المعرض هتلاقي مدام ماجدة و مدام نهلة هناك.
مريم(بابتسامة): طيب يا حبيبي.
احمد مسك ايد كارما و باسها و شدها لحضنه من غير ما حد يأخد باله...
كارما(بشهقة): بتعمل ايه؟!
احمد: بتأمل جمال زوجتي المستقبلية.

كارما كانت لابسة فستان باللون الكشميري ل بعد الركبة ب ¾ كم و واسع من بعد الخصر و لبست صندل بكعب ابيض و رفعت شعرها علي شكل كحكة عالية و حطت مكياج هادئ جدا...
كارما(بخجل): احمد سبني علشان خاطري.
احمد بِعد عن كارما لما لقي وجد داخلة و كل الانظار اتوجهت ناحيتها...
كارما(باستغراب): اومال فين باسل؟!
احمد قرب من وجد و وجد بصتله و احمد مسك ايديها و باسها و شدها وراه ناحية الباقي.

وجد(بغيظ): يا رخم كنت عايزة ادخل بدخلة اسطورية كدة...
احمد: تعالي معايا و انتي ساكتة.
احمد وقف وجد قدام بوحة من اللوحات...
احمد: كنتي تعرفي؟!
وجد(بفخر): طبعا كنت اعرف هو انا اي حد و لا ايه؟! و كمات الصورة دي كنت سهرانة معاه فيها.
احمد(بغيظ): و اشمعنا محدش يعرف غيرك انتي و جدو.
وجد: لانكم مودتهوش فرصة.

وجد: من صغره و هو حلمه يبقي رسام كبير و في كل مرة كان بيقرب من حلمه كنتوا بتحبطوه و تقولوا ليه الرسم للبنات خليك راجل و انشف تعالي اشتغل في الشركة اتعلم حاجة مفيدة مش هتنجح بس هو اصر و نجح.
احمد عيونه دمعت و بعدها لقوا كل الانظار و الصحفين حوالين شخص داخل و ماسك في ايده بنت.
وجد: ده قصي.
ليلي كانت في قمة خجلها و هي داخلة مع قصي الحفلة و قصي داخل مبتسم.
صحفي: استاذ قصي حضرتك ازاي بدأت مسيرتك في؟!

قصي: هتكلم عن كل حاجة كمان شوية. عن اذنك.
قصي شد ليلي وراه و راح ناحية وجد حضنها.
وجد: مبروك يا حبيبي.
وجد(باستغراب): ليلي.
ليلي(بخجل): ازيك.
وجد(بهمس): انت عملت ليها اعادة ضبط؟!
قصي: هقولك.
قصي: اومال فين جوزك؟!
وجد: اضطر يسافر غصب عنه.
قصي: طيب.
وجد حضنت ليلي و الكل اتجمع في مكان واحد,بعد شوية نرمين و سليم دخلوا و سليم لما لقي مريم راح ناحيتها.
سليم: وحشتيني.
مريم: و انت يا حبيبي.
نرمين: ازيك يا طنط...

مريم: الحمدلله يا حبيبتي.
العائلتين قعدوا علي تربيزة واحدة و فجأة قصي اختفي من الوسط و الدنيا بقت ضلمة.
في ضوء اشتغل علي المنصة و قصي ظهر علي المنصة و كان الضوء مسلط عليه هو.
الكل صقف ل قصي و قصي وقف قدام المايك.
قصي: مبدأيا بشكر كل الحضور النهاردة...
قصي: ثانيا البعض عايز يعرف مسيرتي و البعض عايز يعرف عائلتي و عايز يعرف كام معني للصور، هجاوب علي كل حاجة.
قصي: اولا اسمي قصي الصياد المعظم عارفني.

قصي: ثانيا من صغري بحب الرسم بحب ارسم اي حاجة الاقيها قدامي كنت طبعا مش ممتاز في الرسم بس كنت بحاول كنت بحب الالوان بحب استخدمهم كنت بحب حصة الرسم اوي في المدرسة. المعظم بيقول ان الرسم احساس و فن و مفيش فايدة من راجل يرسم. هو مش الراجل بيحس؟! و ليه ذوق؟! و ليه امكانيات؟!

قصي: مفيش حاجة اسمها الشغل ده للستات و الشغل ده للرجالة. في ستات تلاقيها بمية راجل و تقدر تشتغل شغل الرجالة و في رجالة عندها ذوق زي ما البنات عندها ذوق في رجالة عندها احساس تقدر تعبر عنه.
قصي: و بدأت اكبر و شغفي بالرسم بيزيد و لما خلاص قررت اكمل في موضوع الرسم واجهت معارضات من عائلتي الا اتنين وقفوا في ضهري و دعموني.

قصي: جدي ياسين الصياد و بنت عمي وجد الصياد و مش هنسي صاحب عمري شهاب. هما اللي ودوني دافع هما اللي كانوا بيخبوا غيابي عن والدي و والدتي علشان ارسم واتعلم اكتر.
قصي: كانوا مؤمنين بأني هوصل في يوم كان عندهم يقين اني هبقي حاجة هيبقي ليا اسم، بقدم شكر خاص ليهم.
الكل صقف ل وجد و ياسين و بعدها بصوا ل قصي تاني.

قصي: مهما الواحد كان حلمه لازم يسعي وراه حتى لو الحلم الدنيا كلها معارضة عليه و شايفاه موضوع فاشل حاول جرب لو وقعت اقوم اقف و كمل، التعب كله هيهون لما توصل فعلا للنتيجة اللي انت عايزها.
قصي: بشكركم مرة تانية و شكرا.
قصي نزل من علي المنصة راح ل ياسين باس ايده و حضن وجد,احمد قرب منه و حضنه و قصي بادله الحضن.
قصي لمح ثريا واقفة بعيد مع علي و هي عيونها مدمعة و هتعيط...

قصي قرب من ثريا و حضنها جامد و ثريا عيطت في حضنه.
قصي(بمرح): لا الميكب يبوظ يا حلوة.
كل العائلة بصوا ل ثريا بكره شديد و مركزوش معاها.
وجد: لابسة نفس اللون ليه يا هانم؟!
ثريا: اسفة.
وجد ضربتها في كتفها و حضنتها.
وجد: بهزر معاكي يا بيضة.
علي كان واقف بيبص علي ثريا و علي وجد و قصي و مستغربهم.

الحفلة عدت علي خير و الكل كان مبسوط الا وجد لانها كانت حاسة بفراغ شديد بسبب عدم وجود باسل و حاسة بصداع شديد برضو و بدأت ترتعش و سقعت.
احمد: مش يلا اوصلك يا مدام مريم انتي و الانسة كارما.
سليم: انا هوصلهم يا استاذ احمد شكرا، يلا...
سليم خد مريم و نرمين وكارما و خرجوا,كارما قبل ما تمشي باست احمد علي خده بسرعة من غير ما حد يأخد باله...
علي(ببرود): يلا انتي مش مرحب بيكي هنا.
ثريا(بانكسار): طيب.

ثريا و علي خرجوا بره المعرض و رجعوا البيت.
قصي: تعالي يا وجد اوصلك انتي و ليلي.
وجد: لا وصل انت ليلي انا همشي.
احمد: تعالي اوصلك.
وجد: لا هروح انا.
احمد شد وجد وراه و ركبها عربيته ولف ركب و ساق.
وجد: كان معايا عربية بسواق.
احمد: ايه تاني معرفهوش عن قصي؟!
وجد: لا دي اسرار مقدرش يا صاحبي...
احمد: وجد.
وجد: معرفش.
احمد(بضيق): ماشي يا وجد...
في المعرض.
نهلة: حبيبي.

قصي حضن نهلة و منصف و سلم علي يوسف و ماجدة و حضن جده.
ياسين: يلا بينا.
قصي: يلا يا ليلي.
ليلي: حاضر.
قصي بص ل ليلي و كان بيسألها بعيونه مالك بس ليلي مخدتش بالها.

عدي أسبوع و نص.
الاحوال زي ما هي,باسل لسة مرجعش و بيتكلم مع وجد كل يوم و بتتحايل عليه تنزل الشغل مش راضي,كارما و احمد بيتكلموا كل يوم بليل قبل ما يناموا,قصي بقي بيرسم قدام عائلته عادي و مشافش ليلي بقاله اسبوع,نرمين عاشت مع سليم و كارما و مريم و كانوا مبسوطين...
وجد كانت قاعدة بتعب علي الكنبة و بتلعب في شعرها بعصبيه و قامت تزعق و تصرخ من غير سبب...
وجد(بعصبية): ابعدوا من وشي.

وجد حست بوجع في كل جسمها و حست بصداع جامد في رأسها و وقعت مغمي عليها.

الفصل التالي
جميع الفصول
روايات الكاتب
روايات مشابهة