قصص و روايات - قصص رومانسية :

رواية النور والكابوس للكاتبة سلسبيل كوبك الفصل الثالث والعشرون

رواية النور والكابوس للكاتبة سلسبيل كوبك الفصل الثالث والعشرون

رواية النور والكابوس للكاتبة سلسبيل كوبك الفصل الثالث والعشرون

وجد حست بوجع في كل جسمها و حست بصداع جامد في رأسها و وقعت مغمي عليها.
محدش يعرف عدي قد ايه وقت علي ما فاقت,وجد بدأ تفتح عينيها ببطء شديد و اول ما فتحت عينيها الصداع مسك رأسها قعدت تعيط و حست انها في الارض بصت حواليها لقت نفسها في الصالة في فيلا باسل.
وجد(بوجع): امل عامر.
وجد بدأت تنادي علي اللي شغالين في البيت محدش رد بدأت تسند نفسها ببطء شديد و قامت ناحية اوضتها...

وجد خدت نفس عميق و بدأت تهدئ نفسها علشان الصداع يخف,وجد فتحت باب الاوضة و دخلت.
وجد شهقت بصوت عالي و حطت ايديها علي بوقها لما لقت باسل مع بنت علي سريرها في موقف لا يمكن أن يُذكر.
وجد رجعت خطوتين ل ورا و ودتهم ضهرها و هي بتحاول متعيطش.
باسل(بهدوء): خدي هدومك و امشي.
بنت(بدلع): هشوفك تاني.
البنت لبست هدومها و مشيت من جمب وجد و وجد بصتلها و بعدها لفت ل باسل لقته مسك سيجارة في ايده و بدأ يشربها ببرود.

باسل(ببرود): المفروض اقوم اقولك معلش سامحيني مكنش قصدي.
باسل(ببرود): تؤ تؤ. انا عامل ده بمزاجي و بارادتي و قاصد تشوفيني و انا معاها علشان اكسرك بأول حاجة.
باسل بص لوجد اللي كانت بتعيط بصمت و بصاله مش بتتكلم مكنتش قادرة تتكلم الكلام مش قادر يطلع حاسة ان نفسها هيتقطع...
باسل قرب من وجد و مسك دراعها و هي بصتله بضعف,باسل قربها منه.

باسل(ببرود): اصرخي يلا. قولي و النبي يا باسل قول ان الكلام ده كدب انا بحبك ارجوك باسل عشان خاطري انت بتحبني صح.
باسل(ببرود): المفروض ده يبقي رد فعل اي ست.
وجد(بعياط و صوت رايح ضعيف): ليه؟!
باسل(بفرحة): علشان اكسرك يا وجد.
باسل: اهدي كدة ده احنا لسة في البداية يا بيضة.

باسل: تعرفي كمان إني مش بحبك اصلا و ببغضك بكرهك بكره لمستك بكره جسمك بكره ريحتك بكره اسلوبك بكره تصرفاتك بكرهك. انا و انا معاكي كنت حاسس اني متجوز بلاعة متجوز واحدة رخيصة متجوز واحد صاحبي. تصدقي انا ظلمتهم كلهم لما شبهتك بيهم. انتي حاجة في الدنيا.
وجد فجأة حست بصداع شديد في دماغها حطت ايديها علي دماغها جامد و هي بتتوجع.
باسل(ببرود): ايه مش قادرة تستحملي الوجع.

باسل طلع من جيبه كيس ابيض و حطه قدام وجد.
باسل: خديه ده هيريحك و اساسا ده السبب في الحالة اللي انتي فيه.
باسل(ببرود): بقالك شهر بتأخدي مخدرات. بقيتي مدمنة عرفتي سبب الصداع و الرعشة اللي بتجيلك.
وجد وقعت في الارض من الصدمة و بصت ل باسل.
باسل رمي كيس المخدرات قدام وجد في الارض.
باسل: خديه خديه يلا هيخفف صداعك يلا علشان اعرف اكسرك اكتر. قومي يا وجد قومي.
وجد(بخوف و عياط): انت مش باسل؟!

باسل(بسخرية): انا شبح باسل. انتي خلاص هتستسلمي من دلوقتي لسة في حاجات كتير جاية.
وجد سندت علي الحيطة و هي بترتعش و وقفت قدام باسل و هي بتعيط حاسة روحها بتتسحب منها.
وجد(بعياط): ليه ليه عملت كدة؟! ليه انا اناا.
وجد(بعياط): انا معملتش حاجة انا حبيتك.
وجد قربت من باسل و مسكت دراعه و بصتله في عيونه.
وجد(بعياط و ابتسامة): ده مقلب صح يا باسل صح يا حبيبي.
باسل زقها بعنف بعيد عنها و هي اتخبطت في الحيطة.

باسل(بقرف): ابعدي عني لمستك مقرفة. انا كنت بكره نفسي و انا بلمسك كنت بقرف من نفسي و انا بمثل اني حبيبك.
باسل(بقرف): لو كنت اطول غسلت نفسي بجاز علشان لمساتك تطلع من عليه كنت عملت.
وجد سندت علي الحيطة و بصت ل باسل بضعف و انكسار.
وجد(بخوف و ضعف): عملت ايه طب طب بص تعالي نفتح صفحة جديدة انا مسمحاك يا باسل خلاص مسمحاك...
وجد(بعياط): متسبنيش انا حبيتك.

باسل(ببرود): تعالي يلا تعالي زي الكلبة بوسي رجلي و برضو لو عملتيها مش هقبلك في حياتي. افهمي انا بكرهك.
وجد(بعياط): من ورا قلبك.
وجد(بصريخ و عياط): من ورا قلبك.
باسل قرب من وجد و مسك دقنها و ضغط عليه جامد بايده و وجد كانت بتبصله بضعف و عيونها اتملت دموع بتبصله برجاء.
وجد(بعياط و خوف): متسبنيش يا باسل.
باسل(بغضب): متنطقيش اسمي علي لسانك تاني.
باسل(بغضب)ده انا انضف منك يا روح امك.

باسل(بحدة): روحي امشي غوري روحي لابوكي خليه يشوفك و انتي مكسورة روحي لامك خليها تشوفك وانتي بتتطلقي و تتحسر عليكي كل يوم.
باسل(بحدة): شوفي عمك و مراته لما تشوهي اسم العائلة.
وجد(بعياط): باسل انا مش عايزة غيرك انت عارف اني بحبك انا ضحيت بروحي علشانك.

وجد(بانفعال): باسل قول انك بتهزر معايا صح انت بتهزر انت مش بتكرهني انت بتحبني انت قولتلي انك بتحبني و قولتلي كمان اني انا النفس اللي انت بتتنفسه فاكر الكلام ده يا باسل فاكر يا حبيبي.
وجد(بامل و عياط): فاكر؟! رد عليا.
باسل(بغضب): قولتلك بكرهك قولتلك اتجوزتك علشان اكسرك و ارجعك مذلولة قدام اهلك.

باسل(بشماتة): ده انا حتى جوزت ثريا بنت عمك ل صاحبي علشان تتذل و كمان علشان محدش من عائلتك يقدر يرفع عينيه فيا و يبقوا مكسورين كنت مبسوط و انا شايف عيونهم في الارض.
باسل(بشماتة): فرحان فيكي انتي و عائلتك اوي...
باسل(بدهشة مصطنعة): اوف بقي لو ياسين بيه عرف و انتي حالتك منهارة كدة هيحصله ايه يا تري فكري معايا كدة ممكن يطب ساكت جلطة او موت الله اعلم...

باسل(بابتسامة مخيفة باردة): تعرفي يا وجد و انا شايفك مذلولة كدة قدامي بالدنيا و ما فيها.
باسل(بغل): اهلك ميستاهلوش و لا انتي كمان. اتجوزتك علشان اكسرك و اكسر عائلتك واشوف نظرة الذل في ابوكي و امك و ان جدك يطب ساكت و ان عائلة الصياد تتفكك و ميبقاش ليها وجود...
باسل: انا تعبت اوي علشان اكسرك و اشوفك مذلولة كدة قدامي.

وجد الصداع زاد عليها بدأت تشوف باسل بصورة مشوشة و قعدت تصرخ من الوجع و تعيط، صوتها كان قوي بس كان باسل بيبص ليها ببرود و استمتاع كان مبسوط بمنظرها و هي بتتألم.
باسل مسك وجد من شعرها و قومها.
باسل: دي تذكار مني ليكي.

باسل رمي وجد في الارض و مسك حزامه من علي الارض و بدأ يضرب وجد بكل غل و كل غضب في كل جسمها تحت صراخ وجد المستمر كان صوتها مليان وجع و خذلان و ندم و كره. صوتها كان يهز اقوي راجل علي وجه الارض بس باسل كان كل اللي قدامه عدو مش وجد خالص...
وجد(بصريخ): ربنا يأخدك يا باسل و يأخد قلبي اللي حبك.
وجد(بصريخ): ربنا يحرق قلبك...

باسل مسك وجد من شعرها و كانت هدومها اتقطعت و جرها وراه لدرجة انه نزل بيها علي السلم و هو ماسكها من شعرها و هي جسمها في الارض.
باسل رمي وجد علي الارض وجد كانت في عالم تاني كان قلبها بيوجعها من الغدر كانت حاسة بنار في قلبها مهما قولت كلام عن وصف احساسها الكلام هيخلص و احساسها لا.

باسل طلع كيس مخدرات تاني من جيبه و اجبرها انها تأخده و كانت بترفض بكل الطرق الممكنة بس باسل ثبتها و مسكها و مسك رأسها بغضب من ورا و مسك شعرها في ايده وخلاها تتعاطي مخدرات غصب عنها.
باسل(بشماتة): ايه رأيك لما اصورك و انتي بتتعاطي مخدرات و انشرها يا روح امك هيبقي منظر العائلة ايه ده انا هفضحك انتي و عائلتك.

باسل فعلا طلع موبايله و صور وجد و هي مرمية في الارض و هدومها متقطعة و علي وشها آثار المخدرات و قدامها كيس المخدرات مقطوع و مرمي في الارض.
باسل(بشماتة): صورك هتنور.
وجد قامت بكل ضعف و ذل و كان عندها امل بسيط,وجد قربت من باسل و هي بتعرج و وقفت قدامها.
وجد(بضعف و عياط): انا ذنبي ايه؟! انا حبيبتك يا باسل. نسيت كلامك نسيت وعودك.

باسل(بغل): لا كنت بمثل عليكي كنت كل ابتسامة برسمها قدامك كان بيبقي جوايا نار بتقيد جوا نار بتآكل فيا.
باسل(بغل): كنت اي كلمة بقولها كنت بغصب نفسي عليها علشان انتقم منك.
باسل(بغل): انتي اصلا مش مجرد غير سلعة رخيصة ليا و ل عائلتك...
باسل(بغل): ده انتي يا بت.
باسل(بغضب): ده انتي مدوراها يا بت...
باسل مسك شعر وجد بغضب و ضربها في الحيطة بغضب و هي صرخت.

باسل(بفرحة): صرخي اكتر صوتك بيفرحني صرخي اتوجعي اكتر اتذلي و اتكسري اكتر. يلا اتذلي.
وجد وقعت علي ركبتها و مسكت في رجل باسل.
وجد(بضعف شديد): متسبنيش.
باسل قوم وجد تاني و بدأ يضربها بالقلم و شدها من شعرها ناحيته.
باسل(ببرود مخيف): انا اللي قتلت ابنك. شوفتي لاي درجة وصل كرهي ليكي.
وجد فتحت عينيها بصدمة شديدة كانت دي صدمتها الاكبر و بصت ل باسل باندهاش و ذهول سيطروا عليها.

باسل(بغل): يلا يلا بره مش عايز اشوفك. عايز ابوكي مذلول تحت رجلي.
باسل(بغل): هوريكي انتي و عائلتك، كفاية عندي نظرة الانكسار اللي في عين ابوكي و امك، زي ما شوفتهم في عيون منصف و احمد و نهلة.
باسل(بغل): انتوا زي بعض.
باسل شد وجد من هدومها و فتح باب الفيلا و رماها في الارض...
باسل(ببرود): انتي طالق.
وجد(بصريخ): ربنا يحرق قلبك يا باسل. ربنا يأخدك و يريح الكل منك.

وجد(بصريخ): ربنا يلعن قلبي اللي حبك. ربنا يأخدك يا باسل.
وجد(بصريخ): يا رب تتحرم من النوم، منك لله.
وجد(بصريخ): ربنا يلعنك مش هسامحك يا باسل طول عمري. مش هسامحك.
وجد(بصريخ): يا رب...
وجد(بصريخ): رينا يلعن قلبك ربنا يحرمك من النوم.
وجد(بصريخ): يا قاتل، ربنا ينتقم منك.
وجد(بصريخ): ربنا يحرق قلبك و يلعن قلبي في اليوم اللي حبيتك فيه.
وجد(بصريخ): بكرهك يا باسل.
وجد(بصريخ): ربنا يحرق قلبك ربنا يحرمك من النوم.

وجد(بصريخ): مش هسامحك يا باسل.
وجد(بصريخ): ربنا يحرق قلبك...
فجأة اتنين حراس جم شالوا وجد من قدام باب الفيلا و باسل كان بيبص ليها ببرود من ازاز البيت.
وجد(بصريخ): ربنا يحرق قلبك و متعرفش تنام.
وجد(بصريخ): مش هسامحك طول حياتي. ربنا يلعنك.
وجد(بصريخ): منك لله. ربنا يحرق قلبك و يخلي ايامك كلها عذاب.
الحراس رموا وجد في الارض بعيد عن الفيلا بكل ببرود و سابوها و مشي...

-في مكان تاني...
عند تالا فيكتوريا.
الباب خبط.
تالا فتحت الباب لقت قدامها ديف واقف و ساند علي الباب...
ديف: ساعة علشان تفتحي.
تالا(بالروسية): مش بعرف اتكلم عربي انت عارف.
ديف(بالروسية): ما انتي لازم تتعلمي...
تالا(بالروسية): ليه؟!
ديف(بابتسامة,بالروسية): علشان تعرفي تتكلمي مع امي لما نتجوز.
تالا بصت ل ديف بصدمة و كانت هتقفل الباب بس ديف حط رجله علشان متقفلش الباب.
ديف(بالروسية): بحبك.
تالا(بصدمة): ها؟!

ديف(بغمزة): يعني بالعربي بحبك يا تالا.
تالا(بخجل,بالروسية): انا عايزة انام عن اذنك...
ديف(بالروسية): حد ينام الساعة 5.
تالا(بالروسية): انا وسع.
ديف(بالروسية): انا اسمي عصام.
تالا(بالروسية): و ديف؟!
ديف(بالروسية): في روسيا اسمي ديف اما هنا اسمي عصام.
تالا كانت بتحاول تنطق اسم عصام.
تالا(بالعربي): عصام.
ديف: الله عليكي.
تالا(بالروسية): امشي.
ديف(بالروسية): يعني اجيب ماما؟!
تالا(بالروسية): ليه؟!

ديف(بالروسية): افهمي علشان اتجوزك.
تالا(بخجل,بالروسية): كلم روك.
ديف: اسكتي مش روك مطلعش روك هو كمان.
تالا بصتله بعدم فهم.
ديف(بالروسية): روك اسمه ادم.
تالا: ادم.
ديف(بالروسية): ده انا امي هتعلمك العربي.
تالا(بالروسية): هي بتتكلم الروسية؟!
ديف(بالروسية): يعني شوية لاني كنت بتكلم روسي في البيت شوية...
ديف(بالروسية): عموما ادم جاي كمان شوية انا عارف و واخد منه ميعاد بليل الساعة 9 هجيب ماما و اجيلك يا قمر.

عصام قرب من تالا و تالا رجعت ل ورا و بصتله بحذر,عصام ضحك و سابها و مشي.
تالا(بالروسية): المجنون.
بعد فترة ادم جه و دخل الشقة لقي تالا قاعدة و مراحتش تحضنه زي كل مرة.
ادم(بالروسية): تالا.
تالا(بغيظ,بالروسية): اهلا استاذ روك او اقول استاذ ادم...
ادم(بغيظ): يا ابن الجذمة يا عصام.
ادم(بالروسية): حبيبتي ده علشان الشغل بس.
تالا(بالروسية): كنت تقول ليا.
ادم(بالروسية): اسف.

ادم باس رأس تالا و قعد معاها شوية و بعدها الباب خبط,تالا جريت علي الاوضة و ادم راح فتح الباب.
ادم: خير؟!
عصام: مش واخد منك ميعاد ياض انت ابعد كدة، ادخلي يا امي.
عصام دخل هو و مامته و قعدوا في الصالون و ادم قعد معاهم.
عصام: فين تالا؟!
ادم: خير يا عصام؟!
عصام: ما انت عارف اللي فيها يا ادم.
مامت عصام: يا ابني اهدي حتى لو هو عارف انك بتحبها لازم يعمل كدة.
ادم: طلعت مامتك عاقلة مش زيك.
ادم: تالا اعملي عصير.

تالا كانت مكسوفة و خرجت بسرعة جريت علي المطبخ عملت عصير وخرجت حطته علي الترابيزة.
تالا(بعربي مكسر): السلام عليكم...
عصام: اقعدي يا تالا.
تالا قعدت جمب ادم اللي بص ل عصام.
مامت عصام: تعالي يا حبيبتي انا مامت عصام سعاد.
تالا(بالروسية): تشرفت بيكي يا طنط.
عصام: بتقولك انها تشرفت يا ماما.
سعاد: يا حبيبتي.
بدأوا يتكلموا عن مواضيع مختلفة و لو تالا اتكلمت عربي مكسر بيضحكوا.

سعاد: بصي يا بنتي انا جاي اخطبك لابني عصام. ها ايه رأيك؟!
ادم ترجم ل تالا اللي سعاد قالته و تالا اتكسفت و بصت لعصام اللي ابتسم ليها.
عصام(بالروسية): هسعدك صدقيني و انا فعلا حبيتك من اول مرة حبيت خوفك علي روك حبيت فيكي كل حاجة. حبيت انه رغم ظروفك انتي مسلمة. تقبلي تتجوزيني يا تالا؟!
تالا بصت ل كل اللي موجود و غمضت عينيها و فتحتهم ببطء وهزت رأسها بمعني اه.

عصام ضحك من كل قلبه و سعاد اتبسطت ل عصام,ادم حضن تالا و عصام و كان مبسوط ليهم.
بدأوا يتكلموا عن كذا حاجة لغاية ما عصام و سعاد استأذنوا.
عصام: يلا امشي.
ادم: افندم؟!
عصام: مش هقبل تقعد معاها لا.
ادم: يا مجنون هو انا اصلا ببات معاها يلا قدامي.
عصام بعت بوسه في الهواء ل تالا و نزل هو و ادم و مشيوا.
تالا قعدت علي الكرسي و هي فرحانة و مبسوطة اوي.

-في مكان تاني...
في القصر...
ياسين: واد يا قصي.
قصي: ايه واد دي يا جدي؟! انا كبرت اسمي قصي.
ياسين: انت علشان بقي عندك معرض ياض هتتكبر عليا.
قصي: انا اقدر يا كبيري يا حبيبي يا جدي يا عسل يا قمر انت.
قصي: يا اخواتي يا بيضة علي اللي بتتكسف...
احمد: مساء الخير...
قصي: مساء القرف.
احمد زعل و كان هيمشي بس لقي قصي جري عليه.
قصي: ايه يا عم زعلت طلع عندك احساس.
قصي: بهزر معاك يا كبير.

قصي: ما انت لو كنت معايا من زمان كنت عرفت لما بهزر مع حد بهزأه.
احمد(باحراج): عادي.
احمد كان زعلان علي الايام اللي بِعد فيها عن قصي و وجد.
قصي: مش هتيجي تشوف رسمتي؟!
احمد: وريني.
احمد كان بيشوف الرسمة مع ياسين,تليفون قصي رن.
قصي: لحظة و جاي.
قصي بِعد عنهم و فتح الخط.
قصي: ايه وحشتك؟!
ليلي(بدموع): قصي ممكن تيجي ليا؟!
قصي(بقلق): مالك فيكي ايه؟!
ليلي(بدموع): ممكن اطلب منك طلب؟!
قصي(بقلق): قولي.

ليلي(بدموع): لما تيجي هبقي اقولك، انا في البيت.
قصي(بقلق): طيب انا جاي دلوقتي.
قصي خد الجاكت بتاعه و بدأ يلبسه.
احمد: رايح فين؟!
قصي: مشوار كدة مهم و جاي.
احمد: طيب.
قصي خرج ركب عربيته و راح ناحية بيت ليلي خبط الباب.
ليلي فتحت الباب و قصي شافها لقاها متبهدلة و هدومها متقطعة دخل البيت و قفل الباب وراه لقي كل حاجة متكسرة...
قصي(بقلق): ايه اللي حصل يا ليلي؟!
ليلي(بدموع): ممكن تساعدني؟!

قصي(بقلق): اكيد يا حبيبتي بس قوليلي مين عمل كدة.
ليلي(بدموع): اخويا.
قصي(بعصبية): ليه؟!
ليلي(بدموع): عايز فلوس.
قصي(بعصبية): و يعمل كدة فيكي و في البيت.
ليلي كانت بتحاول متعيطش بس غصب عنها عيطت و عيطت جامد قصي حط ايده علي كتفها.
قصي: خلاص يا ليلي خلاص اهدي. عايز كام؟!
ليلي(بعياط و شهقة): انا و الله هرجعهم ليك بس.
قصي(بحدة): انجزي يا ليلي عايز كام؟!

ليلي(بعياط): عايز 10000 جنيه معرفش ليه و الله بس ارجوك ساعدني انا ملقتش حد غيرك و المستشفي رفضت توديني حاجة. انا هرجعهم حتى لو اضطريت اشتغل خدامة عندكوا من غير فلوس.
قصي حد ايده بغضب علي بوق ليلي.
قصي(بغضب): انتي مش خدامة يا ليلي انتي احسن من ناس كتير فاهمة. و كمان الفلوس مش بتهمني طالما فيها حمايتك.
قصي(بغضب): و من هنا و رايح هتمشي من البيت ده و هتيجي معايا.

ليلي(بعياط): مش هينفع الناس هتقول ايه و كمان هروح بيتكوا بصفتي ايه و ازاي و ليه؟!
قصي(بهدوء): هتروحي بصفتك مرات قصي الصياد. و لو مش عايزة تعيشي في القصر هوديكي شقة ليكي لوحدك.
ليلي(بعياط): انا مش عايزة شفقة.
قصي: اتصلي باخوكي...
ليلي: ايه؟!
قصي: بقولك اتصلي باخوكي...
ليلي اتصلت بأخوها و قصي خرج عمل كذا مكالمة.
بعد فترة كان اخو ليلي جه...
محمود(بسخرية): جبتي الفلوس يا حيلتها.
قصي(بهدوء): كلامك معايا انا...

محمود(بغضب): مين ده يا بت؟!
قصي: انا ابقي قصي الصياد خطيب الانسة ليلي اختك.
محمود(بغضب): اختي مش هتتجوز و هي مش مخطوبة لحد. اطلع بره.
قصي(بهدوء): اقعد و نتكلم و نتفاهم.
قصي: جهزي هدومك يا ليلي.
محمود(بانفعال): تجهز هدومها ليه يا روح امك اختي و انا حر فيها و مش هتتجوزك.
قصي(بحدة): ليلي خشي اوضتك و اعملي زي ما قولتلك.
قصي(بحدة): انت اقعد.

قصي: انا من عائلة الصياد عائلة معروفة في الوسط، مستعد اوديك 3 مليون جنيه مقابل اني اتجوز اختك.
محمود بص بصدمة ل قصي و فضل ساكت و قصي كان ساكت منتظر رده اللي هو عرفه من نظرته.
الباب كان مفتوح فجأة دخل احمد و شهاب و المأذون...
قصي: ها قولت ايه؟!
كانت ليلي خرجت من اوضتها و محمود بص ل قصي.
محمود: 5 مليون و حلال عليك.
قصي(بنفاذ صبر): طيب.
احمد: استني استني خمسة مليون في دي؟!

قصي(بضيق): احمد لو سمحت انا ادري و كمان ده من فلوسي الخاصة.
قصي مضي علي شيك بخمسة مليون جنيه و ليلي عيطت لان اخوها باعها مقابل الفلوس.
قصي: يلا يا مولانا.
بدأوا يعملوا اجراءات كتب الكتاب.
المأذون: بارك الله لكما و بارك عليكما و جمع بينكما في خير...
قصي(ببرود): بره.
محمود خرج بره الشقة و المأذون مشي...
احمد(بهمس): ايه اللي انت عملته ده؟!
شهاب(بهمس): بتحبها؟!
قصي(بهمس): نبقي نتكلم بعدين.
احمد(بهمس): و امك؟!

قصي(بهمس): ايه اللي هيعرفها انا هأخدها في شقتي.
احمد(بهمس): و لو عرفت في يوم؟!
قصي(بهمس): احمد ليلي انسانة جميلة و تستاهل اني احبها متعصبنيش...
قصي: جاهزة يا ليلي؟!
ليلي(بضعف): اه.
قصي: هرجع بليل.
قصي خد ليلي و ركبها عربيته و حط شنطتها و احمد و شهاب كل واحد ركب عربيته و روح ل بيته...
ليلي: روحنا فين؟!
قصي: بيتي.

قصي نزل و مسك ايد ليلي اللي شدتها منه و هو مسك الشنطة بتاعته و طلعوا العمارة اللي قصي واخد شقة فيها.
قصي وقف قدام الشقة و فتح الباب و دخل و ليلي وراه انبهرت بتصميم الشقة جدا كانت راقية و فيها لوحات مرسومة و ديكورها رقيق و شيك.
قصي: اختاري اي اوضة عايزاها الا الاوضة دي.
قصي: دي اوضة الرسم بتاعتي.
ليلي(بضعف): طيب.
قصي قرب من ليلي و قفل الباب و سندها علي الباب.
قصي: فين المطوة نسيتيها اشتريلك غيرها؟!

ليلي بصتله باستغراب و هو مال عليها بوشه.
قصي: علشان ممكن افكر تفكير كدة فتطلعي المطوة تفكريني.
ليلي(بهدوء): ده حقك براحتك.
قصي بص علي ليلي و فهم اللي بيدور في دماغها.
قصي: طيب يا ليلي همشي انا يلا باي.
قصي: اه متنزليش من هنا خالص ايا كان السبب في اكل و في لبسك و في كل حاجة. و متفتحيش الباب لاي حد حتى لو كان مين.
قصي: ماشي؟!
ليلي(بهدوء): حاضر.

قصي قرب من ليلي باس خدها و سابها و نزل و ليلي وقعت في الارض عيطت بحرقة علي اللي اخوها عمله...

-في مكان تاني...
في قصر مختلف.
سليم و مريم و نرمين و كارما و بعض الاشخاص موجودين في القصر ده.
سليم(بزهق): هنفضل مستنينه كتير؟!
كارما(بخوف و همس): نرمين ايه القصر المخيف ده لونه اسود كله و الخدام لابسين اسود انا حاسة اني في بيت الرعب...
نرمين(بهمس): انتي تخافي من اللي هيحصل في البيت ده و من شخص واحد بس اما شكله ده ميجيش واحد من اللي هيحصل.

مريم: بطلوا همس. و انت اهدي يا سليم اكيد باسل جاي في الطريق زي ما قال.
بنت: محدش يعرف باسل مجمعنا ليه؟!
نرمين: هموت و اعرف يا جودي.
بنت2: بس ابيه باسل بقاله اكتر من شهر و نص مجاش هنا و طالما راجع يبقي راجع بمصيبة.
جودي: طبعا ده باسل الانصاري يا اسيل.
اسيل: يا خوفي يا بدران.
شاب(بمرح): ايه باسل جاي و لا امنا الغولة؟!
سليم(بحدة): الله يخرب بيتك لو سمعتك هنبقي لابسين الاسود عليك يا حازم.
حازم: خلاص الله...

مريم(بهدوء): اهدوا يا شباب.
ست: ايوه اسكتوا لو سمعتكوا هتحطكوا في اوضة التعذيب.
حازم: سكتنا يا امي سكتنا يا حبيبتي سكتنا يا عفاف بقي.
عفاف: انا هخلي باسل يعرفك قيمتك لما يرجع.
حازم(بخوف): كله الا باسل ده انا بموت تحت ايده من الضرب.
سليم(ببرود): لو باسل عمل اللي في بالي يبقي باب جهنم اتفتح مش اتقفل...
مريم بصت ل سليم اللي بصلها بنظرة هي فهمتها و اتصدمت...
جودي: في ايه؟!

اسيل: مالكوا؟! فجأة في ست كانت لابسة أسود حتى حجاب اسود نازلة علي السلالم كأنها شيطان الكل قام وقف و نرمين شدت كارما اللي مش فاهمة حاجة و مريم فضلت قاعدة...
الكل وقفوا باحترام موطين رأسهم في الارض...
ست(بهدوء مخيف): وصل؟!
سليم: لا يا عصمت هانم...
عصمت: روحوا مكانكم.
عصمت وقفت و اول ما لقت باسل داخل من باب القصر بصتله بهدوء...
باسل وطي علي ايديها و باسها,عصمت بصت ل باسل بفخر و حطت ايديها علي كتفه.

باسل(بابتسامة): وحشتيني يا أمي...
عصمت(بهدوء): رفعت رأسنا.
باسل(بهدوء): طبعا انا الكابوس.

الفصل التالي
جميع الفصول
روايات الكاتب
روايات مشابهة