رواية النور والكابوس للكاتبة سلسبيل كوبك الفصل الثلاثون
وجد كانت واقفة بتبص في تليفونها و رفعت وشها صرخت جامد لما لقت عربية جاية بسرعة كبيرة ناحيتها وقفت و مقدرتش تتحرك.
وجد محستش بنفسها غير و هي في حضن باسل اللي شدها ناحيته و عربيتها اتخبطت.
وجد بعدت رأسها عن حضن باسل و بصت للعربية,باسل كان بيبص ل صاحب العربية اللي شغل عربيته و هرب من قدام باسل.
سمر: باسل.
وجد بعدت بسرعة عن باسل و رجعت شعرها ل ورا.
باسل: تعالي هوصلك و عربيتك هبعتها التوكيل.
وجد: مش عايزة حاجة.
باسل: انا بس بقولك لكن انتي هتيجي معايا في عربيتي احسن ما اخدك عافية يا وجد.
سمر: باسل مين دي؟!
باسل شد دراع وجد ناحيته و مشاها وراه.
وجد(بانفعال): انت مش هتسيطر عليا انت فاهم.
باسل(بحدة): عايزاني اسيبك هنا علشان يحاولوا يقتلوكي تاني.
وجد(بانفعال): و انا اهمك في ايه و لا انت تهمني في ايه؟! ابعد ايدك دي عني.
وجد: و الله يا باسل لو مشلتش ايدك لاصوت و الم عليك الناس.
سمر(بغيظ): محدش جابرك تقفي معانا و كمان باسل مين دي و ازاي تعرف الاشكال دي.
وجد(بتريقة): اه صحيح يا باسل بيه ازاي تعرف الاشكال اللي زي دي.
وجد شاورت في اخر كلامها علي سمر.
وجد(بحدة): سيب دراعي بقي.
باسل فتح باب العربية و ركب وجد و وقف قدام الباب لغاية ما سمر ركبت ورا و هي في قمة غيظها.
باسل لف بسرعة و ركب مكانه و وجد كانت هتنزل من العربية مسك ايديها بسرعة.
باسل: متحاوليش. انا اللي هوصلك.
وجد شدت ايديها من ايد باسل و ربعت ايديها.
سمر: حبيبي مش قولت هنخرج.
باسل: هوصلها و بعدها هخرجك يا سمر خلاص بقي.
سمر(باستفزاز): ما انت عارف مامي بتقلق عليا بس لو قولتلها اني معاك مستحيل تقلق.
وجد(بتريقة و صوت واطي): ما انت عارف مامي بتقلق عليا.
وجد(بهمس): جتك القرف انتي و مامي.
كان باسل بيسوق و محدش بيتكلم خالص بس سمر اتفزعت من وجد و باسل ابتسم.
وجد(بانفعال شديد): انا عايزة انزل من هنا و الا بجد هصرخ.
باسل فتح الشباك اللي جمب وجد بكل هدوء و برودة اعصاب.
باسل: صرخي.
وجد ضغطت علي ايديها بغضب ل درجة انها جرحت ايديها بضوافرها و بصت ل باسل بغضب مكتوم و كانت بتفكر.
وجد: وقف العربية انا وصلت.
باسل: و يا تري جنابك هتنزلي تعملي ايه هنا؟!
وجد(بغيظ): هعمل اللي انا عايزاه ده انت شخص سئيل.
باسل(بضيق): وجد.
وجد: وسع هنزل اقابل خطيبي وسع.
وجد كانت هتنزل بس باسل شدها ناحيته بغضب و بصلها و هي للحظة اتراجعت بس بعد كدة بصتله بتحدي.
سمر كانت قاعدة مش فاهمة ايه اللي بيحصل و لا تعرف اي حاجة عن وجد.
باسل(بهدوء مزيف): هرجعك القصر و بعدها روحي مكان ما انتي عايزة.
وجد(باستفزاز): ليه ل تكون مش قادر توديني عند خطيبي؟! او رجلك اتشلت مثلا.
وجد: عموما لو مقابلتهوش دلوقتي. هقابله في الفندق اللي انا نازلة فيه.
وجد: هنروح بعيد ليه هو اساسا في نفس الفندق و اوضته جمب اوضتي يعني عادي.
باسل شد علي ايد وجد بغضب و سابها و نزل من العربية فتح باب وجد و شدها بعنف من العربية.
باسل(بحدة): سمر خدي المفاتيح ارجعي القصر.
سمر(باعتراض): ا.
باسل كان خد وجد و دخل المطعم اللي هو وقف قدامه,سمر نزلت بغيظ من الباب اللي ورا و ركبت مكان السواق و رجعت ناحية القصر.
وجد(بانفعال): ابعد عني انت اتجننت؟! انا راحة اقابل خطيبي ملكش دعوة.
باسل(بحدة): ما انا جاي معاكي.
وجد: ليه انت مين اصلا؟! اه نسيت انت زوجي السابق.
وجد: انت ماضي و هو حاضر و مستقبل.
باسل ضرب الحيطة اللي جمب وجد بايده و بصلها بغضب باين علي ملامحه و باين من طريقة تنفسه.
باسل: طيب و انا هوديكي لغاية عنده. و يبقي اول زوج سابق بيودي مراته السابقة ل خطيبها.
باسل: عنوان مثير للجدل.
باسل مسك ايد وجد و دخل المطعم.
وجد(لنفسها): يا نهار اسود لؤي اصلا مش هنا.
وجد بصت ل باسل برجاء بس هو مكنش بيبص ليها اصلا.
باسل: فين خطيبك؟!
وجد(بتوتر): ا.
لؤي: وجد.
وجد لفت هي و باسل لقت لؤي واقف وراها وجد فرحت جدا و حضنت لؤي.
باسل(بغيظ): وجد.
وجد: اقدملك يا لؤي باسل الانصاري. ده لؤي.
باسل بص ل لؤي و ل وجد بغضب شديد و وجد بصتله بتحدي كبير,لؤي كان بيبص ل باسل بهدوء شديد.
وجد: شكرا انك وصلتني يا استاذ باسل تقدر تتفضل. يلا يا حبيبي نقعد احنا.
لؤي: تعالي.
لؤي شد كرسي ل وجد و وجد قعدت عليه و لؤي قعد جمبها و بدأوا يتكلموا,باسل ساب وجد و خرج بره المطعم.
وجد: شكرا يا لؤي معرفش ازاي ظهرت بس فعلا كنت بتمني ظهورك.
لؤي: كنت بتغدي هنا. ما جنابك مطنشاني.
وجد: متخافش هبدأ شغل في الشركة بعد عشر ايام اكون حليت كام حاجة كدة.
لؤي: طيب.
وجد: انت زعلان مني؟!
لؤي ساب الشوكة و السكينة من ايده و بص ل وجد بهدوء.
لؤي: مش زعلان بس انا شايف ان علاقتنا مش ماشية زي اي اتنين مخطوبين يا وجد.
لؤي: انتي مش مودياني فرصة اتعرف عليكي اكتر من خلال خطوبتنا و لا مودياني فرصة اني اتقدم خطوة ل قدام و نحدد ميعاد الفرح او كتب الكتاب.
لؤي: اصلا عدي تلت شهور يعني العدة بتاعتك خلصت و نقدر نتجوز في اي وقت نحدده.
لؤي: انتي مش مودياني فرصة اني اقرب منك يا وجد من ساعة ما جينا و انا مش بشوفك الا بالصدفة.
وجد(بضيق): ان شاء الله الامور هتتحل، و كمان بلاش نستعجل علي موضوع الفرح و كتب الكتاب.
لؤي(بضيق): تمام يا وجد. تحبي تأكلي ايه؟!
وجد: اي حاجة عادي.
-في مكان تاني.
في قصر الانصاري.
عصمت: مالك يا سمر داخلة متعصبة ليه؟!
سمر(بانفعال): علشان باسل يا طنط شوفتي عمل ايه خلاني انا ارجع لوحدي.
نعمة: اكيد كان غصب عنه و كان عنده شغل ضروري.
سمر(بانفعال): لا ده كله علشان بنت كدة.
نعمة: بنت مين؟!
سمر(بانفعال): معرفش سابني في نص الطريق و نزل مسك ايديها و قالي ارجعي للقصر انتي و خدها و مشي.
طارق: اهدي يا بنتي مالك فيكي ايه؟!
سمر(بانفعال): مفيش.
سمر سابتهم و طلعت اوضتها بغضب و قعدت فيها.
عصمت(ببرود): هنعرف لما باسل يرجع.
نعمة: بس اكيد يعني في حاجة مهمة.
عصمت سابتهم و دخلت اوضة المكتب قعد علي الكرسي و مسكت تليفونها اتصلت بحد.
الخط اتفتح.
عصمت: نفذت؟!
شخص: باسل بيه ظهر في الموضوع.
عصمت رمت التليفون بغضب في الارض و ضغطت علي ايديها بغضب...
عصمت(بغضب): مين دي مين دي اللي خدت عقلك يا باسل؟!
فجأة باب الاوضة اتفتح فجأة.
عصمت(بحدة): انت ازاي تدخل كدة؟!
باسل(بغضب): و انتي ليه حاولتي تقتليها؟! هي عملتلك ايه؟!
عصمت(بحدة): كانت لازم تختفي من قدامك.
باسل(بغضب): فكرك لما تقتليها انا هبقي كويس.
عصمت(بحدة): اومال اعمل ايه علشان ارجعك ليا؟!
باسل(بغضب): و هو انا بعدت اصلا. مش من حقي احب؟!
عصمت(بحدة): يبقي مراتك اولي بيك. هي كانت مراتك.
عصمت و باسل صوتهم كان عالي اوي و باسل لسة هيرد رضوان اتدخل.
رضوان: احم عصمت هانم خلاص حصل خير. يلا يا باسل.
رضوان شد باسل معاه و خرجوا بره اوضة المكتب.
باسل لقي كل العائلة واقفة و بتبص ليه بفضول.
باسل(بجمود): واقفين ليه ما تأخدوا صورة احسن...
باسل(بحدة): كله علي اوضته يلا امشوا من وشي.
في اقل من لحظة كان الكل مشي و كل واحد راح لاوضته فعلا.
رضوان: اهدي خلاص حصل خير.
باسل(بحدة): هي لسه مش مقتنعة اني بحبها في ايه.
رضوان: طب ممكن تهدي و نتكلم براحة تعالي معايا.
رضوان شد باسل معاه و طلعوا اوضة باسل.
رضوان: ا.
الباب خبط.
رضوان: ادخل.
شريهان دخلت و هي لبسة فستان قصير و حاطة مكياج و دخلت ل باسل...
شريهان: عايزاك يا باسل.
باسل(بهمس): ربنا يتوب عليا منك.
رضوان: استأذن انا نبقي نكمل كلامنا.
رضوان سابهم و مشي و شريهان قربت من باسل و هي ماشية رجليها اتلوت.
شريهان(بوجع و دموع): باسل. آآه.
باسل بصلها بضيق و قرب منها و حط ايده علي كتفها.
باسل: حاسة بايه؟!
شريهان(بوجع): رجلي اتلوت.
باسل مسك رجليها و بانت رجل شريهان كلها و هي كانت بتبصله بانتصار...
باسل(بهدوء): حاولي تقومي تقفي.
باسل سند شريهان و هي اول ما حطت رجليها علي الارض رفعتها بسرعة و مسكت في باسل و هي بتعيط.
شريهان(بدموع): بتوجعني اوي.
باسل وطي و شال شريهان و مشي ناحية السرير شريهان كانت بتبسم بخبث بس بصتله بصدمة لما لقته قعدها علي الكنبة اللي قدام السرير.
باسل مسك رجل شريهان و ضغط عليها جامد.
شريهان(بوجع): آه يا باسل وسع.
باسل(ببرود): ابقي اكدبي كويس يا شريهان، يلا بره مش فاضي لاشكالك.
شريهان(بانفعال): ما هو كدة كتير اعمل ايه يعني علشان ترضي عني ابوس ايدك و لا رجلك.
باسل: متعمليش حاجة ابعدي عني، فترة و هطلقك خلص الموضوع.
شريهان(بانفعال): و هي عصمت هانم هتوافق؟!
باسل هبقي اتكلم معاها ملكيش دعوة، يلا ابعدي عني.
شريهان: ا.
باسل شد شريهان من دراعها و زقها بره الاوضة.
باسل: انا فهمتك قبل كدة ايه هو جوازنا بالنسبة ليا مش ذنبي ان في مشكلة في فهمك و عقلك روحي اتعالجي و ابعدي عني مش بطيقك.
باسل قفل الباب في وش شريهان و رجع قعد علي الكنبة تاني بتعب و غمض عينه و كان حاسس بصداع.
تحت.
اسيل: حصل ايه؟!
جودي: محدش عارف.
حازم: مساء الخير.
سهر: مساء النور.
حازم: مالكوا متجمعين كدة ليه؟!
حازم(بهمس): هتسرقوا بنك؟!
طارق ضرب حازم علي قفاه و بصله.
طارق: بنك ايه يا ابني؟! بنتكلم عن جبروت و الكابوس...
عفاف: وحشتكوا الاوضة صح.
طارق(بفزع): قصدك اي اوضة؟!
حازم: اللي جت في بالك، دي بتعذب بطريقة يالهوي.
عفاف: اهدي منك ليه بقي.
اسيل: خلاص يا ماما متخافيش.
عفاف: انا خايفة عليكوا دي محدش بيقف قدامها دي.
جودي(بتنهيدة): يا ربي.
رضوان: مالكوا في ايه؟!
حازم: البنات خايفة من جبروت هانم.
سهر(بهمس): يا عيال دخلت الاوضة المحرمة.
رضوان: ده انتوا لو بتسرقوا مش هتعملوا كدة، وسعوا من وشي عيال عايزة الحرق.
رضوان سابهم و مشي و الباقي قعدوا مع بعض يتكلموا...
-في مكان تاني...
عند ثريا...
ثريا كانت بتحضر غداء في المطبخ و مشغلة التليفون بتاعها جايبة طريقة الاكل.
ثريا كانت بتقطع الخضار لقت اللي بيحاوط خصرها بايده و مسك ايديها و بدأ يقطع معاها الخضار.
ثريا: عايز ايه؟!
علي: و لما احضن مراتي ابقي عايز حاجة؟!
ثريا(بتنهيدة): لا بس انا مش فاضية...
علي: و انا مش مضايقك علفكرة.
ثريا سابت السكينة و لفت ل علي و ربعت ايديها...
ثريا: علي انت عايز ايه مني بالظبط؟!
علي: عايز نعيش حياة طبيعية.
ثريا: مش هنعرف مش هنعرف. انت مش هتقدر تنسي اني كنت بحب واحد غيرك و سلمته نفسي بارادتي، و انا مش هقبل اني كل ما اكون معاك الاقي واحدة تكون عارفاك و يا عالم كام واحدة حملت منك.
علي: محدش فينا ملاك.
ثريا: عندك حق. بس انا مش هقدر اكمل يا علي.
علي: مش بمزاجك.
ثريا: و مش غصب عني. مش هقبل.
علي: متخلنيش اتعامل معاكي بقلة ادب.
ثريا غمضت عينيها و فتحتها بتعب و سابت علي و بدأت تكمل الاكل.
ثريا: هتفضلي واقفلي كدة كتير؟!
علي: ببص علي مراتي عندك مانع؟!
ثريا(تنهيدة): لا.
علي: كلمتي وجد؟!
ثريا: لا.
علي: تحبي نخرج؟!
ثريا: لا.
علي: طيب جهزي نفسك الساعة 10 هنخرج.
ثريا: قولت لا مش عايزة اخرج.
علي(بضيق): هتخرجي ده امر مش طلب. غصب عنك.
علي ساب ثريا و مشي,ثريا رمت طبق ازاز بغضب في الارض اتكسر.
-في مكان تاني...
عند كارما.
كارما كانت خلصت شغلها و خرجت بره الشركة لقت اللي بيشدها ناحيته و هي شهقت و كانت هتصرخ بس سكتت لما لقت احمد قدامها.
كارما(و هي بتنهج): حرام عليك يا احمد.
احمد: آسف يا حبيبتي. بس وحشتيني اعمل ايه بقي؟!
كارما: و انت كمان. وحشتني عامل ايه؟!
احمد: بخير. انتي طمنيني عليكي اخبار الشغل؟!
كارما: بخير متقلقش.
احمد: طيب يا روحي جيت اسلم عليكي.
كارما: ايه رايح فين؟!
احمد: هضطر اسافر.
كارما(بخوف): هتسبني؟!
احمد: لا طبعا متقوليش كدة. انا هسافر طبع الشغل في صفقة في لبنان لازم اخلصها.
كارما(بضيق): تروح بقي و تقعد تبصبص علي البنات.
احمد(بضحك): لا متخافيش مش هبصبص علي البنات.
كارما: هتكلمني كل شوية و كل لحظة و اياك تكلم بنت غيري فاهم.
احمد: امرك يا حبيبة قلبي.
احمد مسك ايد كارما و باسها و كارما بصتله بدموع.
احمد: متخافيش اسبوع بالكتير.
كارما(بدموع): انا خايفة.
احمد: حبيبتي متخافيش هرجع بسرعة صدقيني.
احمد: متعيطيش بقي يلا اضحكي.
احمد مسح دموع كارما و حاوط وشها بين ايديه.
احمد: متعيطيش طول ما انا موجود...
احمد: بتحبيني؟!
كارما هزت رأسها بمعني اه و هي بتعيط.
احمد: يبقي متعيطيش فاهمة.
كارما هزت رأسها بمعني حاضر و احمد باس رأسها.
احمد: اركبي عربيتك يلا و لما توصلي كلميني.
كارما: حاضر.
احمد: يلا باي.
احمد ساب كارما و ركب عربيته و مشي.
نرمين: في عاشقة هنا.
كارما(بخضة): نرمين!
نرمين: تعالي يا بطل.
كارما(بخفوت): انتي هنا من امتي؟!
نرمين: من ساعة هتبصبص للبنات.
كارما(بخجل): انتي عاملة ايه؟!
نرمين(بضحك): و الله؟! تعالي تعالي.
كارما: شكرا انك فهماني...
نرمين: و لا يهمك يا روحي.
كارما: هو سليم و باسل بقوا بيختفوا كتير ليه؟!
نرمين: معرفش و الله، مبقتش اتكلم معاهم كتير.
كارما: اه ربنا معاهم اكيد وراهم حاجة مهمة.
نرمين: اه. يلا بينا.
نرمين و كارما ركبوا عربيتهم و رجعوا البيت...
-في الصباح الباكر...
عند وجد.
وجد صحيت من نومها بتعب و سندت علي ضهر السرير و مسكت موبايها بدأت تفحصه لقت ماسدج مبعوتة ليها.
باس: - متجيش متأخر زي كل مرة تعالي بدري.
وجد(بغيظ): ده انت حتى معندكش احساس بالذنب يا شيخ ربنا يبليك بمصيبة.
وجد: و كمان حد بيصحي من الساعة 6 الصبح ليه؟!
وجد قامت من علي السرير دخلت خدت دوش و خرجت شغلت اغنية و بدأت تشوف هتلبس ايه.
وجد لبست بنطلون جينز و فوقه تي شيرت ابيض صوف بكم دخلته جوا البنطلون و فوقه جاكت صوف بكم باللون الاحمر و لبست كوتشي اسود عالي و سيبت شعرها علي كتفها الاتنين و حطت البرفيوم بتاعها.
وجد خرجت بره الفندق و نزلت ركبت عربيتها و راحت ناحية المول.
تليفون وجد رن، الخط اتفتح.
احمد: صباح الخير.
وجد: صباح النور.
احمد: حبيت اقولك اني هسافر ضروري...
وجد: ربنا معاك. انا هعدي علي جدو بليل خالص و بعدها هبقي اروح ل قصي في العنوان اللي انت قولتلي عليه.
احمد: طيب انا مقولتش ليه حاجة. هتلاقيه مع مراته.
وجد: طيب خلاص ما انت حكتلي. هروح انا.
احمد: طيب. بس وجد.
وجد: نعم.
احمد: عايزك توعديني.
وجد(بتنهيدة): متخافش يا احمد مش همشي من مصر الا لما جدو يفوق و اطمن عليه متخافش.
احمد: طيب يلا باي.
احمد قفل مع وجد و وجد نزلت من عربيتها و ركبت الاسانسير و نزلت ل تحت.
وجد كانت حفظت الطريق و حفظت المكان لما مسعد عرفها كل حاجة.
وجد لقي باسل جاي عليها و في قمة غضبه زقها بعنف علي الحيطة وجد اتخضت و بصتله.
وجد(بحدة): انت ايه اللي عملته ده؟!
باسل(بغيظ): ايه الصورة دي؟!
باسل رفع في وش وجد التليفون بتاعه و وجد لقت صورتها هي و لؤي ايام خطوبتها و كانت وجد يعتبر في حضن لؤي و كانت بتضحك.
وجد(لنفسها): لما اشوفك يا لؤي الكلب.
وجد: و انت مالك واحدة و خطيبها؟!
باسل(بغضب): متعصبنيش اكتر...
وجد(بنفاذ صبر): لا كفاية بقي انا زهقت زهقت زهقت بجد. مش بتحس في ايه يا اخي انسي انسي خلاص. كل حاجة كانت بينا كانت زمان و انت اللي نهيتها بنفسك متجيش دلوقتي و تعملي دور ضحية.
وجد: ابعد عني لانك مش قدي. لو كنت اتخدعت فيك مرة مش هتخدع فيك تاني.
وجد زقت باسل بعنف بعيد عنها و سابته و مشي.
باسل(بصوت عالي): مصير الايام تثبتلك.
وجد(بسخرية): مش عايزة اعرف حقيقة ناس زبالة زيك.
وجد كملت مشي و دخلت اوضة الاجتماعات لقت فيها قاسم بس.
وجد: فين الباقي؟!
قاسم: في اوضتهم، بس انتي ايه الجمال ده!
وجد: شكرا.
قاسم قام وقف و قرب من وجد و لمس شعرها و وجد بتبصله بتحذير.
قاسم: انتي جميلة اوي.
وجد: قولتلك مرة شكرا و ده مش يوديك الحق انك تلمسني و ابعد عني.
قاسم حط ايده علي خد وجد و شدها ناحيته و وجد شهقت,الباب اتفتح و كل الشباب دخلت.
باسل(بحدة): بتعملوا ايه؟!
قاسم(بتوتر): مش بنعمل حاجة. بنعمل ايه يعني؟!
علي(بحذر): اوعي يا قاسم احسنلك.
علي ساب قاسم و راح قعد علي كرسي و الباقي راحوا قعدوا و سليم كان شارد معظم الوقت.
باسل: قوموا علي التدريب.
كلهم راحوا للساحة و في الاول بدأوا يجروا و وجد حاولت تتحمل لغاية ما قعدت في الارض بتعب.
عدي(و هو بينهج): انتي كويسة؟!
وجد(بتعب): الجري ده اصعب حاجة في العالم.
عدي: انتي لسة شوفتي حاجة.
باسل: كملوا جري و بعدها العبوا علي الاجهزة و انتي قومي البسي القفازات و تعالي علي المنصة...
وجد(بتعب): انا! هنعمل ايه؟!
باسل: لما تيجي هتعرفي.
باسل لبس قفازات الملاكمة و دخل هو و وجد الحلبة و وجد بلعت ريقها بتوتر.
باسل: تعرفي ايه عن الملاكمة؟!
وجد: انها طريقة دفاع.
باسل: قصدك تعرفي تضربي؟!
وجد رفعت رجليها علشان تضرب باسل بس كانت ردة فعله سريعة و مسك رجليها و زقها...
باسل: كملي.
وجد حاولت تضرب باسل كذا مرة بوكس في وشه بس هو بيفلت.
وجد مرة كانت هتضربه بوكس بس باسل شدها من دراعها و زقها بحيث ان ضهر وجد ليه.
وجد كانت بتتنفس بشكل ملحوظ و بتنهج و هي بتبص ل باسل و باسل ركز مع ملامحها و نسي اللي حواليه و قرب منها.
وجد داست جامد علي رجل باسل و ضربته بكوعها في جمبه و بعدت عنه,باسل فاق من شرود و بص ل وجد...
باسل(بغيظ): بداية موفقة.
و فضلوا باقي اليوم يشتغلوا بجهد و يتمرنوا.
بعد مرور اسبوع...
باسل(بغضب): بعني ايه مش موجودة؟! بقالها 6 ايام مختفية انتوا اتجننتوا.