رواية النور والكابوس للكاتبة سلسبيل كوبك الفصل الثامن
باسل كان ماشي و لمح عربيتين ماشين جمبه و حس بحاجة خلته يوقف العربية فجأة.
باسل بص ناحية العربيات و كانت مشيت و بعدها ساق ناحية المكتب بسرعة و نزل دخل المكتب لقي بوليس و اسعاف.
باسل(بعصبية): انا عايز افهم ازاي ده يحصل؟!
نهال: خدوها و هددوها.
باسل(بعصبية): مين هيكون ليه ايد في ده؟!
نهال: ممكن اللي اسمه محمد ده؟!
باسل(بعصبية): مين محمد؟! ما تنجزي تردي.
نهال: ده راجل اعمال و استاذة وجد كانت هتترافع ضده.
ظابط: باسل بيه حضرتك تقرب لاستاذة وجد ايه؟!
باسل: خطيبها.
كل الموظفين شهقوا من الخبر ده و بعدها ادركوا الوضع اللي هما فيه.
باسل طلع تليفونه اتصل بياسين، الخط اتفتح.
باسل: ياسين بيه حضرتك تعرف عن اللي اسمه محمد ده اللي وجد هتترافع ضده.
ياسين(بقلق): مالها وجد؟!
باسل: اتخطفت و لو حضرتك عندك معلومة ممكن تضيفها ليا علشان نعرف نلاقيها باسرع وقت.
ياسين(بقلق): معرفش كان الراجل ده بيبعت ليا رسائل تهديد و كلمت وجد بس هي رفضت.
باسل: طيب هبقي ابلغ حضرتك لو في جديد.
ياسين(بقلق): انت فين انا جاي؟!
باسل: في مكتبها.
ياسين: طيب جاي انا و قصي.
قصي(بقلق): يلا يا جدو بسرعة.
قصي و ياسيين ركبوا العربية و راحوا مكتب وجد.
عند باسل.
باسل: آنسة نهال ممكن تركزي معايا علشان نعرف نلاقي وجد.
باسل: دلوقتي الناس دي كانت لابسة ايه؟!
نهال: اسود في اسود. و خدوا استاذة وجد و مشيوا.
باسل: طاروا يعني ركبوا ايه؟!
نهال: عربيتين كان لونهم اسود.
باسل: في كاميرات هنا؟!
نهال: اه.
باسل: وريهالي.
باسل طلع اوضة المراقبة و التحكم و شاف شريط التسجيل لاحظ العربتين السود اللي هو لمحهم و هو ماشي.
باسل: دلوقتي المفروض اللي نعرفه مكان بيت محمد ده، قوليلي اسمه كامل؟!
نهال: محمد عصام او عاصم مش فاكرة.
باسل(بغضب): مفيش غيره، حسابه عسير.
باسل خرج من اوضة المراقبة و لقي ياسين و قصي.
قصي(بقلق): عرفتوا حاجة؟!
الظابط: لا للاسف بس هنطلب محمد عاصم في التحقيق.
ياسين: طب ما تفتشوا بيته.
الظابط: لازم امر بالكلام و ده. و كمان بالعقل كدة مش هيخبيها عنده في بيته.
باسل: و انا عارف هلاقيها فين.
باسل خرج من المكتب و ركب عربيته و ساق بسرعة كبيرة قصي ملحقهوش.
قصي(بقلق): يا تري انتي فين يا وجد؟!
باسل طلع تليفونه و اتصل بحد. الخط اتفتح.
باسل: عايزك تجمعلي عدد كبير من الحراس و ابعتهم ل. فورا.
شخص: حاضر يا باسل بيه. في اقل من ساعة.
باسل وصل لمكان و وقف العربية و انتظر الحراس.
عند وجد.
الناس اللي كانوا معاها شالوها و دخلوها المكان اللي هيخبوها فيه.
شخص1: اهي قدامك يا باشا تعيش و تتمتع.
محمد: ارميها هنا.
الاشخاص رموا وجد علي الارض و وجد غمضت عينيها جامد دلالة علي الآلم بس مفاقتش.
محمد: حسابكم هتلاقوه مع سعيد خدوه و غوروا من هنا...
شخص3: الصراحة هي تستاهل تمن اكتر من اللي اتقفقنا عليه...
محمد(برفعة حاجب): قصدكوا ايه؟!
شخص2: يعني لو كان حبيبك عسل متلحسهوش كله. البت دي جامدة لاما احنا كمان هنشارك لاما تدفع اكتر.
محمد(بحدة): هو انا فاضي استمتع و كمان البت دي جايبها علشان متروحش المحكمة بكرة لانها رفعت عليا قضية بنت ال.
شخص1: ما انت برضو ممكن تطمع فيها الحبة اللي هي فيهم هنا. و كمان الصراحة البت جامدة و تستاهل.
محمد بص لوجد من فوق لتحت و بدأ كلام الشباب ده يلعب في دماغه.
محمد: عندكم حق سعيد كتر الفلوس. امشوا بقي.
شخص3: يا بختك يا باشا.
الناس دي مشيت بعد ما خدت فلوسها و محمد قرب من وجد ضربها برجله في بطنها.
محمد(بحدة): تعالوا طلعوها اوضتي فوق.
محمد(بحدة): يلا.
في حراس شالوا وجد و طلعوا اوضة محمد و حطوا وجد علي السرير و سابوها و خرجوا.
وجد كانت بتبدأ تفوق و تحرك رأسها يمين و شمال و حاسة بوجع في رأسها.
وجد(بتعب و وجع): آآآه.
وجد قامت ببطء من علي السرير و بصت حواليها.
وجد(بتعب): عملتها يا محمد الكلب.
وجد راحت ناحية الباب و فتحته لقت محمد قدامها.
وجد(بتحذير): اياك تقرب مني ابعد.
محمد(بخبث): ليه بس يا استاذة وجد؟!
وجد ضربت محمد قلم علي وشه بغضب و محمد بصلها بدهشة.
وجد(بحدة): متجرأش حد بيبصلي كدة و كمان لانك اتجرأت و خطفتني. اوعدك لاخليك زي الكلب مذلول و انت في السجن.
محمد(بغضب): و انا بقي هردلك القلم عشرة.
محمد مسك وجد من شعرها و وجد قعدت تضربه علي صدره بغضب.
وجد(بوجع): وسع يا حيوان.
تحت.
باسل(بغضب): انطقي فين اللي مشغلك؟!
خادمة: فوق حضرتك و.
باسل زق البنت دي و دخل و كان معاه حراس و باقي حراسه مع التانين بره.
وجد(بصريخ): آآه.
باسل كان واقف و شاف وجد و هي بتقع من علي السلالم و محمد ملحقش يمسك ايديها.
وجد وقعت من علي السلالم و اتدحرجت عليه لغاية ما وقعت في الارض و باسل جري عليها.
باسل(بلهفة): وجد!
وجد(بدموع و وجع): باسل.
باسل حضن وجد و باس رأسها و رفع رأسه لمحمد بغضب.
باسل: انتي كويسة يا حبيبتي؟!
وجد(بدموع): عايزة امشي من هنا. جسمي كله واجعني.
باسل وطي و شال وجد بين ايديه و مشي.
باسل(بغضب): هاتوه.
وجد كانت بين الوعي و اللاوعي لما باسل شالها و ركبها عربيته و لف ركب و بدأ يسوق ناحية القصر.
باسل طلع تليفونه و اتصل بياسين. الخط اتفتح.
ياسين(بقلق): ها يا ابني لقيتها؟!
باسل: ايوه يا جدو و هروح بيها للقصر.
ياسين: طب الحمدلله و احنا راجعين.
باسل وصل للقصر و نزل شال وجد و سعد شافهم.
سعد: وجد هانم مالها؟!
باسل: مش مهم دلوقتي. افتح الباب.
سعد خبط علي باب القصر و رانيا فتحت الباب و شهقت لما لقت وجد بين ايدين باسل بالشكل ده.
سعد: ابعدي عن الباب...
احمد: مين جاي في الوقت ده يا را.
احمد(بصدمة): وجد!
باسل اول ما دخل حط وجد علي الركنة و قعد جمبها علي الارض و بدأ يفرك ايديها و يشوف النبض.
باسل: هاتي كوباية ماية.
احمد: مالها وجد؟!
عطيات لما شافت وجد طلعت صحت الباقي.
ثريا: باسل!
يوسف(بقلق): وجد حبيبتي؟!
ماجدة(بقلق): حصلها ايه؟!
منصف(بسخرية بهمس): خايفين اوي.
نهلة(بهمس): طبعا مش باسل موجود.
قصي(بلهفة): وجد.
باسل كان بيشرب وجد ماية و محاوطها بايده.
باسل: وجد حاولي تركزي و تهدي كدة...
ياسين(بقلق): حصلها ايه؟!
باسل: شكل حد ضربها علي رأسها بحاجة قوية دماغها مش موزونة و تقيلة. و كمان وقعت من علي السلالم.
احمد(بغضب): مين اللي عمل كدة؟!
ياسين: منه لله محمد اللي هتترافع عنه حذرتها منه بس هي قالت لا.
احمد قام بغضب من مكانه...
احمد(بغضب): متجرأش لسة اللي يقرب من بنت الصياد.
باسل: متقلقش جايبه في شنطة العربية.
باسل: الاول نطمن علي وجد.
باسل شد دبوس الشعر بتاع وجد و ملس علي شعرها ببطء تحت نظر الكل و ماجدة و يوسف المبسوطين.
وجد(بتعب): بب ب ا سل ل(باسل)
باسل: معاكي.
باسل مسك ايد وجد باسها و وجد فتحت عينيها و بدأت تشوف كل اللي حواليا و شافت قصي و ياسين باصين عليها و القلق علي وشهم باين.
وجد(بتعب): انا كويسة حصل خير.
وجد سندت علي كتف باسل و قعدت علي الكنبة.
ياسين: حبيبتي انتي كويسة بجد؟!
وجد(بتعب): الحمدلله.
ياسين باس رأس وجد و وجد ابتسمت ليه.
وجد: هاتلي بطانية.
احمد(برفعة حاجب): افندم؟!
وجد(برفعة حاجب): انا تعبانة و سقعانة ايه معندكش دم.
رانيا: هجبلك انا يا وجد هانم.
يوسف: حبيبتي حمدلله علي السلامة.
يوسف حضن وجد و وجد كانت مبسوطة بالحضن ده و حضنته جامد و ماجدة جت هي كمان حضنتها.
قصي: الف سلامة يا حبيبتي.
وجد: الله يسلمك.
يوسف: بجد بجد بشكرك جدا علي اللي عملته لوجد يا باسل بيه...
باسل: باسل بيه ايه بس بقينا اهل خلاص و لا ايه؟!
وجد: ها!؟
باسل: ها؟! طيب يا ستي.
باسل: دلوقتي و للمرة التانية بطلب ايدك و اتمني توافقي تتجوزيني.
وجد بصت للكل و كانت مسكوفة و هزت رأسها بمعني اه.
عطيات و رانيا قعدوا يزغرطوا و وجد خبت نفسها في يوسف اللي ضحك عليها.
ياسين: ربنا يبارك يا حبيبتي.
قصي: هتخشي القفص يا بيضة.
احمد: مبروك.
ثريا سابتهم و جريت علي اوضتها تحت نظرات باسل المستغربة,نهلة بصت بغيظ لماجدة و وجد.
منصف(بضيق): مبروك.
وجد: عندي شرط.
باسل: موافق عليه.
وجد: هكمل شغل و مفيش حاجة هتوقفني.
باسل: بالرغم من انه صعب اني اشوف حبيبتي في خطر بس مش هحرمك من حاجة طيب يا حبيبتي موافق.
وجد(بخجل): و متقوليش حبيبتي الا بعد الجواز...
باسل(بضحك): حاضر.
باسل: رغم ان الوقت مش مناسب ان وجد تعبانة و كدة. بس الخطوبة و كتب الكتاب الخميس...
وجد(بصدمة): الخطوبة و كتب الكتاب!
باسل: ايوه كتب كتاب طبعا علشان اقدر اتكلم معاكي و امسك ايدك بحرية و اعمل اللي انا عايزه.
باسل: و لا ايه رأيك يا ياسين بيه؟!
يوسف(بفرحة): انا عن نفسي موافق اخيرا حبيبتي هتتجوز...
يوسف باس رأس وجد و باسل كان باصص ليها و مبتسم و همس ليها بكلمة بحبك.
باسل: عن اذنكم استأذن انا.
ياسين: خليك.
باسل: لا مرة تانية بعد كتب الكتاب هقعد للصبح بقي.
الكل ضحك علي كلمة باسل و باس باس رأس وجد و خرج مع احمد و قصي.
باسل: تسمحولي انا اتعامل معاه.
قصي: تم.
احمد(بحدة): انت لسة مبقتش جوزها و احنا ولاد عمها و اولي اننا نجيب ليها حقها. كل اللي عليك توديه لينا و احنا هنعمل معاه الصح.
باسل: طيب.
باسل نزل محمد من شنطة العربية و كان مربوط و رماه تحت رجل احمد.
باسل: يلا يا رجالة.
باسل ركب عربيته و وراه حراسه و رجع بيته.
عند وجد...
ماجدة(بفرحة): حبيبة قلب ماما ربنا يخليكي ليا.
ماجدة باست رأس وجد و حضنتها جامد.
رانيا: وجد هانم اطهرلك الجرح.
وجد: طيب.
رانيا بدأت تطهر الجرح ل وجد...
رانيا: اسفة.
وجد(بوجع): عادي.
وجد قامت و حضنت ياسين و ياسين باس رأسها.
ياسين: رغم اني زعلان منك بس ماشي يا وجد.
وجد: بحبك.
وجد: ايه الصوت ده؟!
ماجدة: متشغليش بالك انتي اطلعي ارتاحي يلا ورانا حاجات كتير علشان الخطوبة و كتب الكتاب...
وجد: طيب بس هروح اشوف حاجة الاول.
وجد خرجت بره القصر للجنينة لقت احمد و قصي بيضربوا محمد.
وجد(بصريخ): اقفوا. انتوا مجانين؟!
احمد(بغضب): خشي انتي جوا.
وجد: هيروح بكرة المحكمة ازاي اصبر كدة و اهدي.
قصي: اه صح.
وجد: منكوا لله شكله اغمي عليه.
وجد: تعالوا شيلوه من هنا و اكلوه و خلوه يغير هدومه و انتوا تعالوا كدة.
وجد شدت احمد و قصي و دخلتهم القصر.
وجد: جيتوا كحلتوها عميتوها.
وجد: هطلع انام.
وجد طلعت اوضتها قلعت الصندل و رمته و بدأت تقلع هدومها لغاية ما وصلت اوضة الملابس و لبست اي حاجة سريعة تنام بيها و رجعت للسرير و نامت عليه.
وجد(بحب): لما نشوف اخرتها معاك يا باسل.
وجد غمضت عينيها بتعب و نامت بعمق بعد ما ظبط المنبه.
-في الصباح الباكر...
عند كارما...
كارما صحيت من نومها بكسل و قامت دخلت الحمام و خدت دوش سريع و خرجت تغير هدومها.
كارما لبست بنطلون اسود و فوقه قميص باللون الزيتي دخلته جوا البنطلون تنت الاكمام لغاية الكوع و سيبت شعرها علي ضهرها و لبست كوتشي ابيض عالي و حطت روچ احمر و كحل حدد عينه و حطت البرفيوم بتاعها.
كارما نزلت من اوضتها ملقتش حد موجود.
كارما: ماتوا و لا ايه؟!
كارما خرجت بره الفيلا و ركبت عربيتها و ساقت ناحية الشركة.
كارما و هي في نص الطريق لقت حادثة فتحت باب العربية و نزلت تشوف حصل ايه.
كارما لقت عربية حد مقلوبة و الشخص اللي جواها ايده بتتحرك...
راجل: شكله كدة لسة عايش، تعالوا نحاول نطلعه لغاية ما الاسعاف تيجي.
الناس بدأت تطلع الشخص اللي موجود في العربية.
ست: شاب في عز شبابه لسة.
كارما(بصدمة): ده!
سليم: ده احمد الصياد هنشتغل معاه علي صفقة جديدة.
كارما قربت من احمد علطول و نزلت لمستواه...
شاب: تعرفيه؟!
كارما: ايوه اعرفه، ممكن تساعدوني ننقله بعربيتي لان شكل الاسعاف هيطول...
ساعدوا كارما و شالوا احمد ركبوه عربيتها و هي خدت حاجته و ركبت عربيتها و ساقت ناحية المستشفي...
بعد فترة وصلت للمستشفي و نزلت جري جابت دكتور و نقالة و نقلوا احمد علي اوضة الطوارئ.
الدكاترة بدأت تفحصه و كارما راحة جاية في الممر.
ممرضة: حضرتك تقربيله؟!
كارما: صاحبته.
ممرضة: طب تعالي املئ الورق.
كارما: الاول هو عامل ايه؟!
ممرضة: الدكاترة معاه اتفضلي معايا.
كارما: معرفش معلومات كافية عنه لما يصحي حضرتك، انا ابقي كارما المهدي.
الدكتور: الحمدلله المريض بخير. نقلناه اوضة عادية و فاق.
كارمل: ايه حالته؟!
الدكتور: مجرد خدوش في جسمه و الحمدلله الحادثة مأثرتش عليه بس محتاج رعاية...
كارما: تمام شكرا يا دكتور، اقدر ادخله؟!
الدكتور: ايوه و هو عايز يشكر اللي ساعده.
كارما: تمام يا دكتور شكرا...
كارما خبطت علي باب اوضة احمد و دخلت.
احمد(بتعب): شكرا لحضرت.
احمد: انتي! ليه يا رب كدة ليه بس؟!
كارما(برفعة حاجب): ده بدل ما تحمد ربك اني انقذتك؟!
احمد: ايوه المفروض اعمل ايه يعني؟!
كارما(برفعة حاجب): تشكرني.
احمد: شكرا ممكن تمشي بقي. و لو دفعتي فلوس المستشفي هدفعهالك.
كارما(برفعة حاجب): لا عطفت عليك و مش هاخد منك فلوس.
احمد(بحدة): و انا مش هقبل حاجة زي دي، و علفكرة بقي انتي طفلة اوي...
كارما(بغيظ): مين دي اللي طفلة؟! انا سيدة اعمال كبيرة علفكرة.
احمد(ببرود): مش باين عليكي يا ام شبر و نص باين انك واحدة علي قد حالك.
احمد(بسخرية): قال سيدة اعمال قال.
احمد: سيدات الاعمال بيبقي ليهم وقار و مزز لكن انتي طفلة و وحشة و يلا بره بقي عايز انام.
احمد: و شكرا و غوري بقي.
كارما بصت حواليها بغيظ و مسكت ?ازة و رمتها ناحية احمد.
احمد(بصدمة): يا بنت المجانين!
كارما: بكرة تندم...
كارما بصت بغيظ لاحمد وسابته و مشيت,احمد رجع جسمه لورا و غمض عيونه...
احمد: استني عليا افوقلك.
احمد نام بعمق من كتر التعب اللي هو فيه...
-في مكان تاني...
عند وجد.
وجد قامت بسرعة من نومها و جريت علي الحمام غسلت وشها كذا مرة و خرجت بسرعة علي اوضة الملابس و شغلت التليفون و بدأت تغير هدومها.
وجد: نهال روحي للمحكمة هستناكي هناك.
نهال: حاضر يا استاذة.
وجد لبست بنطلون اسود و فوقه قميص ابيض بكم و لبست كوتشي ابيض عالي و رفعت شعرها علي شكل كحكة عالية و نزلت كام خصلة و حطت روچ هادئ جدا و حطت البرفيوم بتاعها.
وجد مسكت روب المحامين و شنطتها لقت تليفونها بيرن.
الخط اتفتح.
وجد(بسرعة): ايه يا باسل متأخرة؟!
باسل: كنت هأجي اوصلك.
وجد: مش مهم هروح مع قصي او هروح بعربيتي عادي.
باسل(بحدة): انا في الطريق يا وجد استنيني.
باسل قفل مع وجد و رمي التليفون علي الكرسي و راح للقصر,وجد نزلت بسرعة علي السلالم و كانت هتقع قصي لحقها.
قصي: ايه يا بنتي اهدي؟!
وجد: القضية دي مهمة و كمان اه خد اللي اسمه محمد ده وديه لرجالته. همشي انا.
قصي: وجد هدئ اعضائك يا حبيبتي في ايه اهدي.
قصي: خدي نفسك عميق.
وجد: يا ابني انا بخير اهو.
نهلة: وجد عايزة اتكلم معاكي.
وجد: طيب طيب بعدين.
نهلة: استني هنا.
نهلة مسكت دراع وجد و زقتها.
نهلة: بصي بقي يا حبيبتي زي الشاطرة كدة ترفضي عرض باسل بيه.
وجد(ببرود): لو كان عايز ثريا كان جه طلبها. و عن اذنك مش فاضية.
نهلة: لا اسمعيني.
ماجدة: اسمعي انتي يا نهلة. عريس و جه لبنتي و هي موافقة و اهلها موافقين ايه بقي اللي بتعمليه ده.
نهلة: و هو المفروض يتجوز ثريا.
ماجدة: ليه يا حبيبتي كان طلب ثريا و احنا اللي زقيناه علي بنتنا هو جه و جاب امه و اهله و طلبوا ايد بنتي و قالها بحبك.
ماجدة: ايه رافضة ليه يا هانم؟! ما تبصي لبنتك و عززيها كدة.
نهلة: كنتي انتي بتعززي بنتك ما انتي موافقة علي باسل علشان فلوسه و مركزه...
ماجدة: هو.
وجد(بحدة): لا انتي تحترمي نفسك يا مرات عمي انا لما وافقت علي باسل وافقت عليه لشخصه الفلوس مبتهمنيش، و الحب مش بيتباع بالفلوس.
نهلة: و المفروض اصدق تصدقي يا بت.
قصي(بحدة): امي اختي ثريا مش رخيصة علشان تعرضيها علي حد. و كمان العريس جه لوجد و كلنا عائلة واحدة و المفروض نحب الخير للكل. يلا يا وجد علشان هتتأخري.
وجد مشيت و خرجت لبره لقت باسل لسة بيركن وجد فتحت الباب و ركبت.
وجد: مفيش داعي يلا علشان متأخرة.
باسل: طب اهدي.
باسل ساق ناحية المحكمة زي ما وجد قالتله.
وجد: شكرا.
باسل: انتظرك؟!
وجد: لا، و لا اقولك ما تيجي معايا ادخل و لا بتخاف؟!
باسل(برفعة حاجب): انا و اخاف ده ليه ده؟!
وجد: ايه يا باشا مش بتخاف خالص يعني لا ده انا اخاف منك.
باسل فتح باب العربية و نزل راح لوجد و قرب منها.
باسل: طبعا لازم تخافي.
باسل حط ايده جمب رأس وجد و سند علي العربية و وجد رجعت خطوة لورا.
وجد: عايزة امشي هتأخر كدة.
باسل حط ايده علي جرح وجد و وجد اتوجعت.
باسل: معلش عمتلي ايه فيه؟!
وجد: وراك اهو.
باسل لف و لقي محمد داخل برجالته و معاه المحامي بتاعه و بيبص لوجد بغضب...
نهال: استاذة وجد اتفضلي...
وجد: شكرا.
وجد مشيت مع نهال و بعدها رجعت لباسل و مدت ايديها ليه.
وجد: تعالي.
وجد(بابتسامة): بالمرة تشوفني و انا بتكلم.
باسل مسك ايد وجد و طلع معاها و دخلوا المحكمة كانوا منتظرين القاضي.
باسل: انتي واثقة من الموضوع و لا هيبقي شكلنا وحش.
وجد: باسل عيب هيبقي شكلنا وحش طبعا.
باسل و وجد ضحكوا و محمد كان بيبص ليها بغضب هي و باسل,نسرين كانت قاعدة جمبهم.
القاضي دخل و وجد قامت و بدأت تتكلم.
وجد: اولا مساء الخير اسلوبي مش زي اسلوب اي محامي انا هتكلم بتلقائية تامة.
وجد: اولا امبارح انا اتخطفت من وسط مكان شغلي.
القاضي: و ده ايه علاقته بالقضية؟!
وجد: تخيل كدة حضرتك اني كمحامية اتخطف قبل القضية بيوم و ده معناه ان في حد مش عايزني احضر النهاردة المرافعة دي و محدش ليه مصلحة اني اتخطف غير شخص واحد و اكيد المعظم عرفه استاذ محمد.
المحامي: اعترض يا سيادة القاضي. ده اتهام باطل هي بتوجه تهمة لموكلي بالاختطاف و موكلي سمعته سباقه و مش رجل اعمال محترم زيه هيعمل الموضوع ده و هو معاه الحق.
القاضي: رأيك ايه يا استاذة؟!
وجد: لو سمعته سباقه اوي كدة فانا احب حضرتك تسمع موكلتي، تعالي يا نسرين.
نسرين قامت بخوف من مكانها و راحت وقفت مكان وجد.
القاضي: اتفضلي.
وجد: ممكن حضرتك تقوليلي علاقتك باستاذ محمد كان ايه؟!
نسرين(بخوف): كنت السكرتيرة بتاعته.
وجد: و ممكن اعرف حضرتك عرفتي ايه عنه؟!
نسرين(بخوف): بعد ما اتعينت في كذا واحدة قالتلي امشي ده مش بيرحم حد بس انا كنت محتاجة الفلوس اوي فاضطريت اشتغل. و بدأ يتعرف عليا و علي عائلتي و كان بيكلمني كل يوم و يزودلي فلوس في مرتبي.
وجد: كملي متخافيش.
نسرين(بخوف): في يوم كان الشغل كتير في المصنع و كان عليا انا الشغل متراكم و قعدت لوقت طويل في الشغل و بعدها لقيت النور قطع ساعتها خوفت و روحت لمكتب استاذ محمد لانه كان في الشغل الوقت ده و بعدها.
نسرين بدأت تعيط و وجد حطت ايديها علي كتفها.
وجد: هشششش اهدي يا حبيبتي. اتكلمي علشان نعرف نجبلك حق انتي و عائلتك.
نسرين مسحت دموعها و بصت للقاضي و كملت كلامها.
نسرين(بدموع): بدأ يقولي كلام وحش و يلمسني بطريقة قذرة و بعدها اعتدي عليا.
القاضي: هدوء.
المحامي: اعترض يا سيادة القاضي.
وجد: ما تسيبها تكلم يا استاذ هو حضرتك مستعجل كدة ليه؟!
المحامي: افندم!
المحامي: انا عايز اعرض لحضرتك فيديو يا سيادة القاضي.
القاضي: اتفضل.
المحامي ودي للقاضي اللاب توب و القاضي بدأ يتفرج...
المحامي: ممكن ترجعوا مكانكم؟!
وجد: اولا حضرتك وكيلتي مخلصتش كلامها. ثانيا حضرتك.
القاضي: كل واحد يرجع مكانه...
المحامي(بخبث و همس): اوعدك يا وجد اخليكي تشطبي اسمك من النقابة...
وجد(بهمس): نصر اهدي و قول انا هديت. و كمان مش اول قضية هاخدها منك.
وجد قعدت جمب باسل اللي كلمها بصوت واطي...
باسل(بهمس): كان بيقولك ايه؟!
وجد: كلام محامين بقي...
القاضي: اتفضل.
نصر: الفيديو اللي قدام حضرتك بيعرض ان والدي الدفاع خدوا فلوس من موكلي المحترم محمد عاصم و ايضا سيدي القاضي اللي حصل ما مجرد الا شئ طبيعي بين زوج و زوجته.
نصر: و هذا المستند بيدل علي صحة كلامي.
نصر طلع مستند و وداه للقاضي و كان عبارة عن قسيمة جواز.
وجد رفعت حاجبها و بصت لاهل نصر اللي عيطوا.
وجد: اعترض يا سيادة القاضي.
القاضي: اعتراضك مرفوض المستند صحيح.
باسل: هتعملي ايه؟!
وجد: بطلب من سيادتك التأجيل لحين الحصول علي ادلة اضافية.
نصر: ادلة ايه؟! فيها ايه لما زوج يأخد حقوقه الشرعية؟!
وجد: و انا معاك هو اتجوزها في زوج محترم يعمل كدة و يأخد حاجة غصب و كمان مختار مكان شغل. و لو هما متجوزين انا عايزة اشوف القيمة.
نصر: و هما دول ليهم عين يطلبوا قيمة.
نسرين(بعياط): سيادة القاضي صدقني و الله انا مش متجوزاه و هو اعتدي عليا من غير جواز.
نسرين(بعياط): هما قتلوا صاحبتي داليا. مش انتي معاكي الفلاشة يا استاذة وجد وديها ليهم خليهم يشوفوها.
وجد: سيادة القاضي انا مش مهم عندي اكسب القضية دي و لا اي حاجة غير ان حق البنت دي يرجع و حق البنت اللي ماتت.
وجد طلعت مستند و حطته قدام القاضي.
وجد: ده تقرير طبي البنت توفت نتيجة ضرب مبرح و البنت دي جت ليا علشان تحكي ليا علي المشكلة و ماتت في نفس اليوم ده معناه انه هو السبب، غير خطفي.
وجد: و حاول يعتدي عليا و علشان كدة انا ضربته كل اللي في وشه ده مش من فراغ، انا بتكلم بحرية لاني دلوقتي مش بتكلم قدام قاضي انا بتكلم قدام انسان اتكتب عليه انه يحكم بالعدل و يرجع حق المظلومين.
نصر: اعترض يا سيادة القاضي. هي بتحاول تستعطف سيادتك...
القاضي: اعتراضك مرفوض.
القاضي: كملي.
وجد: بص حضرتك ممكن نجيب اهل البنت و نستجوبهم علي القسيمة و الفلوس.
القاضي: اتفضلي.
القاضي: قول و الله العظيم هقول الحق.
مسعود(والد نسرين): و الله العظيم هقول الحق...
وجد: استاذ مسعود حضرتك ايه ردك علي الفلوس دي و ايه ردك علي القسيمة...
مسعود(بدموع و خوف): الفلوس دي بعد ما عمل اللي عمله في بنتي جه و ودانا فلوس علشان نسكت و قبل ما نعترض او نرد كان سابنا و مشي.
مسعود(بدموع و خوف): اما القسيمة القسيمة.
وجد: استاذ مسعود حضرتك قولت هتقول الحق و متخافش انت في حماية.
مسعود(بخوف و دموع): جم هددونا انا و مراتي بقتل بنتنا و خلونا نمضي.
وجد: طب حضرتك تحب تسمع نفس الكلام من الست الوالدة و كمان هو ميقدرش يقول اني انا اللي قولتلهم يقولوا كدة معتقدش كانت في فرصة اني اتكلم معاهم في حين اني اول مرة اشوف المستند ده.
وجد لفت و بصت لمحمد و نصر بتحدي...
نصر: عندي حاجة يا سيادة القاضي.
القاضي: اتفضل.
نصر: بس في كل الحالات هي بقت مراته.
وجد: تؤ تؤ ده بالغصب و الاجبار و كمان ماشي انا معاك هي بقت مراته و هل كان الاغتصاب ضمن فترة جوازهم ممكن اعرف تاريخ الجواز كان امتي. ممكن بس المستند يا حضرة القاضي.
وجد مسكت القسيمة و بصت فيه.
وجد: التاريخ كان 8/1 و لو تلاحظ حضرتك ميعاد شريط الفيديو اللي هعرضه علي حضرتك حاليا قبل القسيمة...
وجد(باستفزاز): هستخدم اللاب سيكا يا مستر نصر.
وجد راحت للاب توب و حطت الفلاشة فيه و شغلت فيديو الاعتداء.
وجد: ده حضرتك الفيديو ده من كاميرا الشركة ذات نفسها و ده اللي البنت ودته ليا قبل ما تتوفي.
وجد: اتمني تراعي ظروف كلا منهم و تشوف مين المذنب. و كمان من ضمن حكمك يبقي طلاق البنت حتى لو حضرتك رميت عليها الذنب هي رافضاه.
وجد: بس معلومة أخيرة لو البنت مش معاها حق مكنتش هتفضح نفسها لاثبات برائتها و هي جت و لجأت ليك و متعشمة في حكمك.
وجد: و بس خلصت كلامي مش محتاجة حاجة تانية و حتى مبقتش محتاجة جمع ادلة اضافية. و في الاخر يرجع الحكم لضمير المحكمة و القاضي.
نصر: اعترض.
القاضي: اعتراضك مرفوض.
وجد و نصر كل واحد رجع مكانه و باسل كان حاسس بملل شوية.
وجد حطت رأسها قدامها و غمضت عينيها و القاضي و المرافقين ليه دخلوا للمناقشة في الحكم.
-بعد فترة...
القاضي خرج و الكل قام وقف و بعدها قعدوا تاني.
القاضي: بعد الاطلاع علي الاوراق و الكثير من المناقشات قررنا نحن.
وجد خد نفس عميق و غمضت عينيها و نصر بص ليها و بص للقاضي.
القاضي: اولا حكم علي المدعي عليه محمد عاصم رياض بالمؤبد مع الشغل و الحجر علي امواله و ممتلكاته. و ثانيا سيتم طلاق الدفاع نسرين مسعود الريان من المتهم محمد عاصم رياض.
وجد(بصريخ): هييييييييييييييييييييه!
الكل اتصدم من صريخ وجد و وجد نطت علي باسل حضنته جامد و هي مبسوطة,مسعود و مراته حضنوا نسرين اللي كانت بتعيط.
محمد و نصر بصوا لوجد بغضب و كانوا في قمة غيظهم...
القاضي(بحدة): هدوء.
القاضي: و حبس الانسة وجد يوسف ياسين الصياد يوم بسبب الضوضاء اللي سببتها.
القاضي: رفعت الجلسة.
وجد(بصدمة): هتحبس!
باسل(بصدمة): افندم!
وجد(بصدمة): سندني يا باسل و النبي هيغمي عليا يالهوي.
نصر: ملحوقة يا وجد الايام بينا كتيرة.
وجد(بسخرية): في ايه يا نصر ما تتكلم كلام قده ما انت كل قضية بتقول كدة و بأخدها منك، شغل المحامين الشمال ده مينفعش معايا.
وجد: يلا يا باسل.
وجد: مبروك يا نسرين في كام حاجة كدة هنعملهم انا و انتي بس لما اشوف ام موضوع الحبس ده.
وجد خرجت مع باسل و معاهم ظباط شرطة.
ظابط: اتفضلي معانا.
وجد: طب طب.
باسل: نقدر نيجي بعربيتنا بعد اذنك و نحل الموضوع ده في القسم.
الظابط: طيب.
باسل و وجد نزلوا للعربية و باسل مسك ايد وجد و باسها و وجد خجلت و شدت ايديها بسرعة.
في حد خبط في وجد و وجد لفت ليه.
وجد لا رد. الشخص اللي خبط فيها سابها و مشي.
باسل: اركبي يلا.
وجد سندت علي العربية و بصت لباسل.
ظابط: في حاجة؟!
باسل راح ناحية وجد و مسك دراعها و لفها ليه.
باسل(بصدمة): دم!