رواية النور والكابوس للكاتبة سلسبيل كوبك الفصل التاسع
وجد سندت علي العربية و بصت لباسل.
ظابط: في حاجة؟!
باسل راح ناحية وجد و مسك دراعها و لفها ليه.
باسل(بصدمة): دم!
وجد وقعت علي باسل و باسل حاوطها بايده بسرعة و وقعوا في الارض.
ظابط: اتصل بالاسعاف بسرعة يلا.
باسل: وجد متغمضيش عينك.
وجد كانت فاتحة عينيها و حاسة بآلم شديد و حست برأسها بتتقل.
وجد(بهمس و وجع): شكلك هتتعب معايا يا باسل.
باسل: مش مهم المهم عندي تبقي كويسة.
باسل(بحدة): الاسعاف موصلش ليه؟!
ظابط: في الطريق.
بدأت الظباط تنتشر في المكان و يعرفوا مين عمل كدة,باسل ضم ليه وجد و وجد مسكت في قميصه.
وجد(بوجع): متخافش جرح بسيط اللي قاصد مش قاصد يقتلني.
باسل(بحب): وجد اهدي متتكلميش الا لما تفوقي و تبقي كويسة يا حبيبتي.
باسل باس رأس وجد و الاسعاف جت و نقلوا وجد المستشفي و باسل معاها...
-بعد فترة...
الدكتور: هي كويسة الجرح مش عميق. تقدر تتفضل.
باسل: شكرا...
باسل دخل اوضة وجد و لقاها فايقة قرب منها و باس رأسها...
باسل: حمدلله علي السلامة يا حبيبتي.
وجد: عايزة امشي علشان الحق اروح مش ناقصة يقولوا حاجة زي المرة اللي فاتت.
باسل: هيكتبولك علي خروج.
وجد: مالك متضايق ليه؟!
باسل: مفيش بفكر في حاجة.
وجد(برفعة حاجب): بتفكر و انا معاك؟!
باسل(بابتسامة): و هو انا اقدر افكر في غيرك؟!
باسل(بضيق): بفكر في الحيوان اللي عمل كدة، انا مبقبلش حد يقرب منك.
وجد(بضحك): في ايه يا ابني خلاص حصل خير.
وجد سندت علي ضهر السرير و بصت لباسل.
وجد: عايزة اروح...
باسل: طيب انا جاهز.
وجد: عايزة حاجة البسها متبينش الدم ده.
باسل: انتي مش ناوية تقوليلهم؟!
وجد: مش عايزة ازعجهم يعني...
باسل: انتي غبية؟! و لو مثلا في يوم فيكي حاجة مش هتقولي ليا.
وجد: خلاص يا عم متضايقش هبقي اقولك. يلا عايزة امش.
وجد ملحقتش تكمل الجملة لقت باسل شالها بين ايديه و لسة هيتحرك وجد ضربته علي كتفه...
وجد: نزلني نزلني انت مجنون.
باسل: هتقدري تمشي يعني؟!
وجد: ايوه نزلني انت مش جوزي وسع كدة.
باسل: طب اهدي و قولي انا هديت.
وجد: و انا مش هخرج بره الاوضة دي و انت شايلني كدة.
باسل قرب وشه من وش وجد و وجد ضربته في كتفه و بعدت وشها بعيد عنه.
وجد(بحدة): مش معني اني وافقت اتجوزك او اني وديتك مساحة اكبر من حجمة يبقي تتمادي بالطريقة القذرة دي...
وجد(بعصبية): نزلني.
باسل نزل وجد و لسة هيقرب عليها وجد حطت ايديها في وشه.
وجد(بحدة): كلامي منتهي. اعتبر عرضك مرفوض يا استاذ باسل.
وجد مسكت شنطتها و خرجت بره المستشفي و وقفت تاكسي و ركبته و هي متعصبة من تصرف باسل...
باسل كان مندهش من تفكيرها و اسلوبها و خرج بره المستشفي وراها بس ملحقهاش و ركب عربيته و مشي...
-في مكان تاني...
عند أحمد...
أحمد كان في اوضته و الدكتور بيفحصه.
الممرضة: تليفونك بيرن.
احمد: شكرا.
احمد مسك التليفون و فتح الخط.
احمد: الو.
ثريا: انت فين عمالين نتصل بيك؟!
احمد: كنت في مشوار، عايزين ايه؟!
ثريا: بابا كان عايزك تروحله الشركة.
احمد: طيب يا ثريا اقفلي دلوقتي.
ثريا: طيب باي.
احمد قفل مع ثريا و اتصل بمنصف. الخط اتفتح.
منصف: انت فين يا زفت؟!
احمد: في مشوار. خير حصل ايه؟!
منصف: سايبني اتعامل مع يوسف لوحدي.
احمد: اخوك هو هيأكلك يعني؟! و كمان انا هقعد يومين بره البيت.
احمد: باي.
منصف: استني عندك.
احمد: ايه تاني؟!
منصف: رايح تصيع فين؟!
احمد: في داهية تأخدني.
احمد قفل مع منصف و رمي التليفون علي الترابيزة اللي جمبه.
احمد: يا رب.
احمد قام و غير هدومه و مسك موبايله و حاجته و خرج بره اوضته...
ممرضة: حضرتك رايح فين لازم راحة تامة.
احمد: شكرا علي المعلومة...
احمد: هي اللي جابتني اسمها ايه؟!
ممرضة: علي ما اعتقد كارما المهدي...
احمد: تمام شكرا.
احمد قعد في جنينة المستشفي و طلع تليفونه اتصل بحد.
الخط اتفتح.
احمد: عايز عربية عند(). من غير ما حد يعرف.
بعد فترة جه حارس بالعربية و احمد ركبها.
احمد: ارجع علي القصر انت.
الحارس: حاضر يا بيه.
احمد ساق عربيته ناحية بيت خاص بيه و وقف العربية و نزل دخل البيت.
احمد قعد علي الكنبة بتعب جتله ماسدچ علي موبايله.
احمد مسك موبايله و فتج الماسدچ فتح عينه من الصدمة.
كانت الماسدچ عبارة عن صورة لاحمد و هو لابس بنطلون بس و صدره و عضلاته باينه.
احمد(بغضب): و ربي لاجيبك من شعرك لو طلع انتي يا زفتة ياللي اسمك كارما.
احمد اتصل بالرقم اللي بعتله الماسدج...
عند كارما.
كارما كانت بتضحك بسبب الصورة احمد كان رافع حاجبه بطريقة مضحكة.
كارما(بضحك): يخرب بيت الضحك.
كارما(بخبث): ارد و لا؟! هرد خلاص بقي.
كارما ردت علي احمد، الخط اتفتح.
كارما: نعم؟!
احمد(بغضب): بقي انتي يا حتة عيلة تهدديني بصوري.
كارما(ببرائة): انا هددتك ده انا بس بعتهم ليك.
احمد(بغضب): خدتيهم ازاي؟!
كارما: و انت في الطؤاري الصراحة استغليت ان تليفونك من غير باسورد...
احمد(بغضب): انتي لو قدامي هقتلك.
كارما(بضحك): بس الصراحة رفعة الحاجب جامدة.
احمد(بغضب): تمسحي الصور كلها احسنلك.
كارما: ا.
كارما لقت احمد قفل في وشها بغضب و كارما اتصدمت...
كارما: تقفل في وشي انا!
كارما: اما وريتك.
احمد كان شاب عنده 27 سنة و بيحب الرياضة و بيحافظ علي جسمه اوي و لون بشرته بيضاء و عيونه باللون الرمادي طويل و عنده دقن بسيطة.
كارما: جتك القرف في حلاوة عيونك.
كارما ضحكت و قامت نزلت لتحت لقت سليم و مريم قاعدين.
سليم: اخيرا حنيتي علينا...
كارما(بضحك): ما تخليك في حالة يا عم...
مريم: البال احسن كتير النهاردة.
كارما: احسدوا احسدوا.
سليم: احنا نقدر؟!
كارما: ناولني موز.
سليم: مخلف قرد.
كارما: خفيف. هات يلا.
سليم: خدي...
سليم ودي لكارما موز. و لمح باسل و هو داخل.
سليم: شاهدوا الان باسل الانصاري داخل و علي وجه اثار الغضب و سيقوم بفتك كل من يراه.
باسل(بغضب): تعالي ورايا.
سليم: بيت اهلك هو؟!
مريم(بحدة): سليم ادخله و افهم براحة.
سليم: اوف حاضر كلنا تحت امره اصلا.
سليم: ايه يا كبير خير؟!
باسل: انا معملتش ليها حاجة مش فاهم هي متعصبة ليه؟!
سليم: اهدي كدة و فهمني و نتكلم بهدوء.
-في مكان تاني...
في القصر...
ياسين: ايه اخبارك يا قصي؟! مش ناوي تبدأ تشتغل؟!
قصي: بعمل علي الموضوع ده.
نهلة(بسخرية): بدل ما تبص لاخوك بيعمل ايه و تعمل زيه.
قصي: و حد قالك اني إنسان آلي هقلده يعني.
ياسين: لا يا قصي اتعلم منه الحلو...
قصي: مش لما الاقي فيه حاجة حلوة الاول.
نهلة: اتكلم عن اخوك بأدب.
ماجدة: لا لا عايزاه باللون البنفسجي كدة ايوه مع اللون الاسود، عايزه حاجة جباره...
ماجدة: متنساش يوم الخميس.
ماجدة قفلت مع اللي كانت بتتكلم معاه و اتصلت بحد تاني...
ماجدة: ايوه انا. عايزاك تبعتلي التصاميم اللي قولتلي عليها. ايوه.
ماجدة: عايزة حاجة شيك جدا.
ماجدة: علي اختيارك تمام. ابعتهملي بكرة ضروري.
ماجدة: طيب باي.
نهلة: ما تهدي شوية يا ماجدة.
ماجدة: كتب كتاب بنتي. عقبال بنتك.
نهلة(بغيظ): برضو اهدي لسة فاضل وقت.
ماجدة: لازم اخد احتياطاتي.
نهلة(بغيظ): علي راحتك.
ماجدة: هنعزم مين يا ياسين بيه؟!
ياسين: الحفلة هتبقي بسيطة جدا علفكرة ساعة الفرح ابقي اعزمي كل اللي تعرفيه.
ثريا: بتتكلموا علي فرح مين؟!
قصي: وجد.
ثريا(بقرف): اه طيب.
الكل لفت انتباهه وجد و هي ماشية بغضب و طلعت علي اوضتها من غير و لا كلمة.
قصي: وجد.
ياسين: انتي يا بنتي.
ماجدة: بقولك يا حبيبتي ا.
نهلة: داخلة كدة ليه؟!
ثريا: معندهاش ذوق.
قصي: خسرت القضية؟!
ثريا(بسخرية): اكيد طبعا و هي تنفع تجيب حق حد.
عند وجد...
وجد كانت في قمة غضبها و رمت شنطتها و الكوتشي علي الارض و قعدت علي السرير بتعب و بدأت تقلع القميص علشان الدم و قامت تغير هدومها...
وجد لبست بنطلون احمر واسع و مفتوح من الجمبين و فوقه تي شيرت باللون الاسود بكم صوف و رفعت شعرها علي شكل كحكة...
وجد دخلت قعدت علي السرير كان تليفونها بيرن و حد بيخبط علي الباب.
وجد(بحدة): خير مين علي الباب؟!
قصي: وجد حبيبتي انتي كويسة؟!
وجد: ايوه يا قصي تعبانة شوية من القضية.
قصي: طب ممكن تطمنيني عملتي ايه؟!
وجد: الحمدلله كسبتها.
قصي: طيب يا حبيبتي هسيبك دلوقتي و بكرة نتكلم.
وجد: طيب انا اصلا اجازة بكرة.
قصي: تصبحي علي خير.
وجد: و انت من اهله.
قصي دخل اوضته غير هدومه و نام,وجد تليفونها قعد يرن برقم باسل كتير.
وجد كانت هتقفله بس لقته بعت ماسدچ.
مضمون الرسالة: ردي ضروري في موضوع غير الموضوع اللي في بالك.
وجد اتصلت ب باسل، الخط اتفتح.
باسل: اخيرا رديتي يعني؟!
وجد: انت شايف ايه؟! ردي ايوه خير بقي عايز ايه مني؟!
باسل: نسيتي موضوع الحبس.
وجد ضربت رأسها بايديها و قعدت تشتم في سرها.
باسل: انا اتصرفت.
وجد: خير عملت ايه؟!
باسل: ظبطت الموضوع و كأنك في الحبس حاليا و هتخرجي بكرة بس لازم امضاءة منك.
وجد: انا مش هخرج من بره البيت بكرة علشان كدة بعد بكرة هبقي اروح تمام، شكرا.
باسل: وجد وجد اصبري مش من اول غلطة كدة.
باسل: اصلا متعتبرش غلطة.
وجد: انت كدة محترم يعني؟! طالما هي مش غلطة يبقي خلاص ايه لازمة الكلام و الاعتذار.
باسل(بتنهيدة): كل اللي حصل يا وجد اني مقدرتش اقاوم جمالك بس.
وجد: و لو برضو.
باسل: بحبك.
وجد: و هو علشان قولتلي بحبك هتأثر بسرعة يعني؟!
باسل: المفروض اه يعني لو عندك دم.
وجد: هقفل.
باسل: بحبك بقي متكبريش الموضوع يا وجدي.
وجد: ايه وجدي ده كمان؟!
باسل: مش معني وجد العشق و الحب و انتي حبي و عشقي يعني وجدي.
وجد(بخجل): انا هنام باي.
باسل: تصبحي علي خير يا قلب باسل.
وجد: و انت من اهله.
باسل: تؤ و انتي من اهل بيتي. بحبك.
وجد قفلت التليفون مع باسل و رمت نفسها علي السرير.
وجد: اوف ايه ده بقي؟!
وجد: خدي نفس عميق...
وجد غمضت عينيها بتعب و كان الجرح واجعها و نامت بعمق...
-في الصباح الباكر...
وجد صحيت من نومها بدري و قامت غلسلت وشها و نزلت لتحت بعد ما لبست كوتشي.
ماجدة: صباح الخير يا حبيبتي تعالي يلا.
وجد: ايه؟!
ماجدة: تعالي بصي كدة.
وجد: ايوه مش فاهمة ايه ده برضو؟!
ماجدة: فساتين كتب الكتاب يا حبيبتي.
وجد: فساتين! ايه هلبس مية فستان؟!
ماجدة: لا دي مجموعة من الفساتين هتختاري منها واحد...
وجد: طيب وريني.
وجد قعدت جمب ماجدة و بدأوا يختاروا الفستان.
تليفون وجد رن و ماجدة بصت علي المتصل.
ماجدة: لسة مسجلاه باسمه؟!
وجد(بعدم فهم): ايه؟
ماجدة: اقصد انه يعتبر خطيبك يعني سميه اسم مختلف كدة.
وجد: ماما ركزي في الفساتين.
الخط اتفتح.
باسل: صباح الخير.
وجد: صباح النور.
باسل: عاملة ايه؟!
وجد: الحمدلله بخير و انت.
باسل: بخير بيكي.
وجد: باسل.
باسل: قلب باسل.
وجد سابت مامتها و طلعت للجنينة و كلمت باسل.
وجد: انا حبي صعب.
باسل: مش مهم.
وجد: علشان تحصل عليا هيبقي صعب.
باسل: برضو مش مهم.
وجد: باسل انت فعلا بتحبني؟!
باسل: خلي قلبك يقولك. دي كل الناس عرفت ان باسل بيحب وجد انتي لسة معرفتيش.
وجد: تؤ تؤ.
باسل: يا خرابي عليكي يا بت دايما كدة عايزة تخطفي قلبي.
وجد: هو كتب الكتاب الخميس اللي جاي صح؟!
باسل: لا الخميس ده...
وجد: لا يمكن انا سمعت غلط. اي خميس بس؟!
باسل: اللي هو بعد بكرة يا حبيبتي.
وجد(بصدمة): يا نهار اسود! ليه يا ابني هلحق اعمل ايه بس؟!
باسل: انتي كدة قمر مش محتاجة حاجة...
وجد: با باسل.
باسل: بعد كتب الكتاب هبقي اخدك و اخليكي تعملي اللي انتي عايزاه.
وجد: انا شايفاك مش بتشتغل.
باسل: ازاي بس؟!
وجد: علطول بتكلمني و علطول بتبقي معايا بتلحق امتي تشتغل.
باسل: انتي شغلي الشاغل دلوقتي. مقدرش اشتغل الا لما اطمن عليكي...
بنت: يلا يا باسل بقي.
وجد(بحدة): مين دي؟!
باسل: دي كارما اخت سليم صاحبي.
وجد: و طالما هي تبقي اخت سليم صاحبك قاعد معاهم في بيت واحد ليه؟!
باسل: اصل انا و سليم مش صحاب عاديين.
وجد: لدرجة ان اخته تبقي معاك في نفس البيت.
باسل: هبقي افهمك يا روحي بعدين، دلوقتي يا روحي افطري و انا هروح افطر.
وجد: طيب يا باسل.
وجد(بخضة): آه. حرام عليك يا قصي.
باسل(بحدة): ايه يا هانم؟!
قصي(بضحك): في ايه يا بطة زعلانة ليه؟!
وجد: باي يا باسل هكلمك بعدين...
وجد: يرضيك كدة اتخض.
قصي: الصراحة لا، بحبك.
قصي باس رأس وجد و خدها في حضنه و وجد حضنته جامد و قعدوا علي المرجيحة اللي في الجنينة.
وجد: تتخيل اني هفتح بيت كدة و اخلف و اربي عيال.
قصي: انا واثق فيكي يا حبيبتي انتي قدها و هتقدري تعملي ده كله متخافيش.
وجد: ربنا يخليك دايما في ضهري كدة يا حبيبي.
وجد: عايزة اكلم خالو و اخليه ينزل مصر.
قصي: للاسف مش هيعرف يا حبيبتي.
وجد: اشمعنا؟!
قصي: كلمته و قولت ليه بس هو عنده مشاكل في الشغل و مش هيعرف خالص ينزل من باريس لمصر...
وجد: اوف بقي، يلا معلش خلاص في الفرح.
قصي: كنتي جاية متعصبة ليه بقي امبارح؟!
وجد: اتخانقت انا و باسل.
قصي: يا ساتر يا رب لحقت العين تصيبكم.
وجد(بضحك): بتتكلم زي تيتة كدة ليه؟!
قصي: بس بقي مش كفاية مخدتش عيونها و انتي و احمد واخدين نفس عيونها.
وجد: حبيبي انت حلو و قمر و ربنا، قولي بقي قررت تعمل ايه؟!
قصي: هقولك بس متقوليش لحد.
وجد: قول.
قصي: اكبر معرض في حياتي.
وجد: امممم و انا معاك يا حبيبي ربنا يوفقك.
قصي: انتي كويسة باين انك تعبانة.
وجد: ارهاق.
قصي: متأكدة؟!
وجد: ايوه يا بطلي.
قصي: طيب.
-في مكان تاني...
عند سليم و نرمين...
سليم: كان لازم اجي اوصلك يعني؟!
نرمين: انا مالي الله انت اللي اصريت.
سليم: ما هو بسببك باسل زعقلي.
نرمين: حد قالك تيجي تأخدني؟!
سليم: اخرسي.
نرمين: لا بقي.
سليم: يا بت هضربك.
نرمين: رخم. انا زعلانة منك.
سليم: زحلانة اوي اوي و لا اوي بس...
نرمين: يا رخم...
نرمين ضربت سليم علي كتفه و سليم قعد يضحك علي شكلها...
نرمين و سليم كانوا مع بعض في العربية و فجأة حد ضرب نار علي عجل العربية...
نرمين(بصريخ): سليم...
سليم مسك نرمين بسرعة و شدها لحضنه و العربية اتقلبت مرتين و وقفت معدولة.
نرمين و سليم اتخبطوا و فجأة لقوا اللي بيفتح باب سليم و شدوه لبره العربية.
سليم(بعصبية و وجع): انتوا مين؟!
شخص ضرب سليم بحديدة في ايده علي ضهره و سليم وقع في الارض و باقي الحراس بدأوا يضربوه برجليهم و ايديهم...
كان في حارس ماسك نرمين من دراعها و نرمين بتعيط.
نرمين(بعياط و صريخ): سليم سليم لا سيبوه وسع كدة...
شخص: قول للباسل رسالة من الBoss لو عايزها يقبل بالعرض اللي عرضه عليه.
شخص: و قوله كمان ان دي حاجة بسيطة منه ليه.
سليم(بوجع): نرمين.
نرمين(بعياط): سليم.
الحراس شدوا نرمين معاهم و هي كانت بتعيط و تصرخ و تقاوم
بس مش قادرة.
نرمين(بصريخ و عياط): سليم الحقني! سليم قوم.
سليم حاول يرفع ايده بس معرفش بسبب الضرب اللي اتعرض ليه...
نرمين(بعياط): سليم.
سليم حاول يزحف ل نرمين بس مقدرش و كانت الحراس دخلت نرمين العربية و هي لسة بتصرخ باسم سليم.
سليم(بنفس متقطع): نن ني ر رم مي ين ن(نرمين)!