قصص و روايات - قصص رومانسية :

رواية النور والكابوس للكاتبة سلسبيل كوبك الفصل الثامن والعشرون

رواية النور والكابوس للكاتبة سلسبيل كوبك الفصل الثامن والعشرون

رواية النور والكابوس للكاتبة سلسبيل كوبك الفصل الثامن والعشرون

وجد خدت نفس عميق و هزت رأسها بمعني اه,كمال فتح الباب...
كل اللي كانوا قاعدين قاموا وقفوا لما لقوا كمال.
باسل رفع رأسه ببرود و اول ما شاف وجد اتصدم,وجد اول ما دخلت لقته في وشها و آخر ذكري عدت قدامها في اقل من لحظة.
باسل كانت هيتحرك ليها بسرعة بس سليم مسكها جامد و قرب منها.
سليم(بهمس): بلاش فضايح يا باسل اهدي اهدي، نشوف ازاي جت هنا؟!

سليم(بهمس): متنساش احنا فين و وجودها معانا خطر. اهدي و كمان محدش ضامن ردة فعلها.
كمال: وجد.
وجد: ها؟!
وجد بصت ل كمال و وشها بدأ يحمر و حست بحرارة جسمها عليت.
كمال: اتفضلي اقعدي.
وجد لقت كرسي فاضي راحت قعدت عليه بهدوء تام,كان في شخص قاعد جمبها علي الكرسي بس باسل زقه و قعد هو جمبها كان بيقرب منها و بيشم ريحتها.
وجد: ممكن حضرتك تقول انت جايبني ليه؟! لاني ورايا مشوار مهم.
كمال: اكيد.

كمال: مدام وجد كانت مسافرة لاسباب شخصية و طبعا بمساعدة علي قدرنا نوصل ليها.
باسل و سليم بصوا ل علي بصدمة و باسل بص ل علي بغضب شديد,علي اتوتر جدا و بص ل كمال برجاء...
كمال: المهم دلوقتي، بمصادرنا الخاصة اكتشفنا ان اندروا عرض علي شركتها انها تشارك في الحملة اللي نازلة مصر و اللي احنا بنشتغل عليها.
كمال: كل اللي مطلوب من حضرتك يا مدام وجد انك تساعدينا و تشتغلي معانا.
وجد: و هل الموضوع ده اجبار؟!

كمال: لا. انا قولتها ليكي انا اختارتك لانك محل ثقة و موقفك معاهم.
كمال: بعتذر علي تطفلنا بس هنعرض الفيديو.
كمال: مسعد شغل الفيديو.
الكل ركز علي الشاشة و بدأوا يعرضوا الفيديو.
وجد(بالفرنسية): كلمة واحدة اخرج بره.
اندروا(بالفرنسية): صدقيني هتكسبي.
وجد(بالفرنسية,بحدة): استاذ اندروا امشي لو سمحت دي شركة محترمة مش زي اعمالك ال اللي بتشتغل فيها.
اندروا(بغضب,بالفرنسية): انتي مش قد اللعب معايا.

لؤي(بالفرنسية,ببرود): شكلك محتاج ضربتين يفوقوك.
لؤي قرب من اندروا و ضربه بوكس في وشه.
لؤي(بغضب,بالفرنسية): حاول تقرب من وجد و همحيك من علي وش الارض.
لؤي رمي اندروا في الارض بغضب و ضربه برجليه في بطنه.
اندروا(بغضب): صدقيني هتندمي صدقيني.
اندروا سابهم و مشي بره المكتب.
لؤي(بغمزة): ايه يا بت دور الشجاعة دي؟!
وجد: لؤي امشي مش ناقصة.
وجد حطت رأسها بين ايديها بتعب و بدأت تتوجع.

وجد(بحدة): لو سمحت ممكن تقفل الفيديو علي كدة. و كمان ده فعلا تطفل و انا مقبلش بكدة.
كمال(بهدوء): اقفل يا مسعد.
كمال: بنعتذر ل حضرتك بس كان لازم نراقبك. متخافيش الفيديو ده محدش هيتطلع عليه. بس انا اعتقد انك مش هتقبلي بأن جيل كامل يتدمر لان الحملة الجاية هتبقي مخدرات بكل انواعها و هتدمر مصر كلها...
باسل(بهدوء): كمال بيه بعد اذن حضرتك انا القائد و مش هقبل يكون في فريقي واحدة ست...

عصام: انا شايف انها هتساعدنا جدا...
شاب: لو هي توافق فهي كدة هتكون ساعدتنا و كمان هي هتبقي في حمايتنا و هنكون مراقبينها كويس.
سليم: بس برضو هي اكيد عندها اهل و هيخافوا عليها.
باسل: ايوه انا شايف كدة يا كمال بيه.
وجد(ببرود): انا موافقة...
باسل و سليم بصوا ل وجد بصدمة و بعدها بصوا ل بعض.
كمال: هسيبك تتعرفي علي الفريق. و ان شاء الله هنخلص الموضوع ده بسرعة...

كمال قام و سابهم كل الشباب قربت من وجد و بدأت تسلم عليها.
شاب: انا مسعد تخصص برمجة.
وجد: تشرفت.
شاب2: انا عصام اللي هكون مسئول بره البلد انا و واحد تاني بس مش موجود حاليا.
وجد: تشرفت بيك.
شاب3: عدي. واحد من هنا.
وجد(بابتسامة): تشرفت بيك يا عدي...
شاب4: قاسم بيحب البنات اللي عينيها حلوة زيك.
وجد: اعتبر دي معاكسة صريحة؟!
قاسم(بضحك): الصراحة محدش يقدر يشوف عيونك و يسكت.
سليم(بحدة): قاسم.

كلهم بصوا علي تغيير تعابير وش باسل للغضب الشديد.
باسل: ممكن تهدوا خلاص اتعرفنا عليها خلص الموضوع كل واحد يروح يتدرب يلا...
وجد: استاذ علي ممكن تخرجني من هنا.
باسل(بلامبالاة): انا خارج تعالي.
وجد قامت وقفت و عدلت هدومها.
وجد: ممكن يا استاذ علي؟!
علي(بتوتر): حاضر.
علي بص ل باسل و مشي ناحية وجد بتوتر و خرجوا هما الاتنين من اوضة الاجتماعات.
سليم(بهمس): باسل.
باسل(بغيظ): خير؟!
سليم(بهمس): بصيت علي ايديها؟!

باسل(باستغراب): ليه؟!
سليم(بهمس): الدبلة في ايديها اليمين.
باسل: قصدك ايه؟!
سليم(بتوتر): يعني دي مش دبلتك يا صاحبي.
باسل بص ل سليم و سابه و طلع جري علي بره و سليم وراه.
وجد و علي خرجوا من الاسانسير و وجد سلمت علي علي.
وجد: شكرا ليك يا استاذ علي. و خلي بالك من ثريا في عينك.
وجد: هأجي ازورها قريب.
علي: طيب.
وجد خرجت بره و بدأت تمشي بهدوء ناحية عربية لؤي.
لؤي(بملل): ما لسة بدري يا هانم جتلي ضربة شمس.

وجد: آسفة.
لؤي: حبيبتي و لا يهمك.
لؤي: يلا اركبي.
لؤي فتح باب العربية ل وجد و لف ركب العربية,وجد بصت ناحية الشباك لقت باسل و سليم قفلت الشباك ببرود.
لؤي: مالك؟!
وجد: صعب.
لؤي: صعب ايه؟!
وجد: صعب اني اكتم عياطي صعب اني اكتم مشاعري الحقيقة صعب اني انسي صعب اني البس قناع البرود و الامبالاة. صعب اوي يا لؤي.
لؤي: قابلتيه؟!
وجد: ايوه.
لؤي حط ايده علي كتفها و كمل سواقة.
عند باسل.
باسل(بغضب): مين ده؟!

سليم: اهدي يا باسل.
علي كان بيمشي ببطء من ورا باسل بس لقي اللي بيمسكه من قميصه بغضب.
باسل(بغضب): طالما انت كنت عارف مقولتش ليا ليه؟!
علي: و لو كنت عرفت؟!
علي: كنت هتحس بمعاناة؟! كنت هتتعب؟! كنت هتحس بُبعدها؟! كنت هتتعذب؟! كان ضميرك هيأنبك؟! كنت هتحس بشعورها؟! كنت هتتأكد انك بتحبها؟!
سليم: اهدي يا باسل.
علي: و علفكرة انا عارف الموضوع ده من اسبوعين يعني مش من فترة كبيرة.

علي: بس دلوقتي انت مش تفكر اني عرفت و مقولتش ليك. انت تفكر ازاي ترجعها بعد ما كسرتها.
علي: فكر يا صاحبي اللي زي دي متتخسرش.
علي: رجعها ليك اعمل المستحيل، واستغل المهمة علشان تقرب منها.
علي: استغل كل فرصة قدامك.
سليم: كلامه صح يا باسل.
باسل غرز صوابعه في شعره بانفعال شديد...
باسل(بانفعال): شوفتوها معبرتنيش ازاي؟!
سليم و علي بصوا ليه و سابوه و مشيوا و باسل بصلهم باحراج.
سليم: يلا عمتك جت.
باسل(بضيق): طيب.

باسل ركب عربيته و راح ناحية القصر و نزل.
باسل: مساء الخير.
نعمة: حبيبي.
باسل حضن نعمة و نعمة باست رأسه.
نعمة: وحشتني وحشتني اوي.
باسل: و انتي اكتر.
باسل قرب من عصمت و باس ايديها.
عصمت: اقعد يا باسل.
باسل: هروح اسلم علي ولاد عمتي. عن اذنكم.
باسل دخل لقي أسيل حضنها جامد...
اسيل: حبيبي جيت.
باسل(بخفوت): اه بس عايزك بليل عايز اتكلم معاكي ضروري.
اسيل: طيب يا حبيبي هستناك...
باسل: طيب.
رضوان: البرنس جه.
باسل: ازيك.

رضوان: بخير و الله.
باسل: طيب. فين الباقي؟!
جودي: طارق في اوضته لسة نايم. و سمر و سهر في كل واحدة في اوضتها بتظبط نفسها.
باسل: طيب. انتي ايه؟!
جودي: ايه؟!
حازم ضرب جودي علي رأسها و حط دراعه علي كتفه.
حازم: قصده يا غبية يعني انتي مش بتذاكري ليه؟! و شكلك كدة هتجيبي ملحق و تبقي فضيحة عائلة الانصاري في كل حتة كدة.
باسل(ببرود): انا متأكد ان جودي الانصاري مش مستعدة تقابل غضبي صح؟!

جودي(بخوف): احم لا و الله بذاكر حتى اسأل اسيل.
اسيل: و لا اعرفك.
سمر: باسل.
سمر جريت علي باسل حضنته و سهر كانت وراها حضنته هي كمان.
شريهان(بغيظ): انتوا بتعملوا ايه؟!
سهر: بنحضن باسل في ايه؟!
شريهان(بغيظ): و انتي معرفتيش يا بيضة انه جوزي.
سهر: بس هو اخونا و متعودين علي كدة من و احنا صغيرين.
باسل(بجمود): شريهان متعمليش فيها مراتي انتي و انا عارفين اللي فيها. انا متجوزك علشان عصمت هانم و احمدي ربك.

سمر: دي واحدة بلدي اوي. هو لسة في غيرة و الكلام ده؟!
باسل: خلاص يا سمر.
طارق(بدراما): الكابوس جه اهرب يا وجدي.
باسل(بضحك): تعالي يا مصيبة انت.
طارق: ده انا برئ يا باشا. هتتكاتروا عليا طب واحد واحد طب.
رضوان شد طارق ناحيته و حط كوعه علي كتفه.
رضوان: تحب نعذبك بايه الاول يا واد يا طارق؟!
طارق: يالهوي تعذيب. يرضيك يا سي حازم؟!
حازم: لو اتكلمت شكلهم هيأخدوني معاك يا زميلي...
سهر: احب اقولك انك حاليا اتكلمت.

باسل خد حازم تحت دراعه و مشي معاه خطوتين.
باسل: تعمل ايه يا واد يا باسل تعمل ايه؟!
حازم: طارق.
طارق: متبصليش كدة انا متكلبش زيك.
رضوان: تفتكر نبدأ بمين يا باسل؟!
باسل و رضوان بصوا ل بعض,طارق و حازم بصوا ل بعض و طلعوا يجروا.
اسيل: الرجالة ماتت في الحرب.
رضوان: لا ده انتي قاصدة انتي كمان.
اسيل: يا ماما.
اسيل طلعت تجري و رضوان وراها.
اسيل: يا ابني اعقل يا ابني هنجري فين تاني؟!

رضوان: هتعملي كيكة بالشيكولاتة موافقة؟!
اسيل: طبعا يا باشا هو حد يرفضلك طلب.
رضوان: قدامي...
اسيل: طب ليه الاهانة طب؟!
رضوان: مزاجي.
الشباب قعدوا يضحكوا و يهزروا و قضوا اليوم كله لعب و هزار...

-في مكان تاني...
عند كارما و احمد.
احمد: وحشتيني.
كارما: و انت كمان؟! ايه اخبار الشغل؟! و اخبار جدو؟!
احمد: بخير الحمدلله.
كارما: هنعمل ايه يا احمد؟!
احمد: هتصرف متخافيش قريب قريب اوي. بس وجد هي اللي.
كارما(بصدمة): وجد!
احمد: ايوه وجد مصدومة ليه؟
كارما(بصدمة): بص وراك.
احمد لف اتصدم هو كمان لما لقي لؤي بيشد الكرسي ل وجد و هي قعدت عليه و ابتسمت ليه بهدوء.
لؤي: وجد.
وجد: نعم؟!

لؤي: شايفة انك اتسرعتي في قرار الخطوبة؟!
وجد: لا لا طبعا لو بتقول كدة علشان يعني حاسس اني لسة بحبه فلا في كلتا الحالات انا و هو مينفعش نرجع ل بعض تاني.
احمد(بصدمة): وجد!
وجد(بوجع): آآه.
احمد شد وجد بصدمة و ضغط علي ايديها علشان يتأكد ان هي و كارما برضو مكنتش مستوعبة.
وجد(بابتسامة): احمد.
وجد حضنت احمد و احمد خدها في حضنه جامد و شدد عليها و هي في حضنه...
لؤي: مين ده يا وجد؟!
احمد: ازاي مجتيش لينا؟!

وجد: بعدين نبقي نتكلم.
وجد بصت ل كارما و كارما حطت عينيها في الارض باحراج شديد...
احمد: دي.
وجد: عايزة امشي.
كارما(بدموع): و الله العظيم ما كنت اعرف حاجة و الله. سامحيني و النبي مكنتش اعرف حاجة.
وجد: هبقي اكلمك يا احمد و ابعتلك اسم الفندق بتاعي. يلا يا لؤي.
وجد و لؤي خرجوا بره الفندق و ركبوا العربية.
لؤي: مالك دلوقتي؟!

وجد(بانفعال): كرهتهم كلهم كلهم. مش عايزة اشوف حد منه مش عايزة المحه هو شخصيا بس كان لازم اوافق علي الموضوع ده رغم اني عارفة انه هيكون عذاب بالنسبة ليا عذاب اني اشوف اللي قتلني و قتل روحي حر بيضحك و يهزر و بالرغم من ده كله هيستغل اي فرصة تضعفني. انا كرهت اليوم اللي رجعت فيه مصر...

لؤي: المواجهة هتحصل هتحصل يا وجد مكنتيش هتهربي طول الوقت هيحصل مواجهة و صدقيني كل واحد هيتعاقب، هيندم صدقيني و كفاية عندك تشوفيه ندمان دي هتشفي غليلك.
وجد(بخنقة): لؤي رجعني علي الفندق ورايا بكرة كام مشوار، عايزة ارتاح.
لؤي: طيب يا حبيبتي.
لؤي وقف قدام الفندق و نزل هو و وجد و كل واحد راح اوضته بس لؤي وقف قدام وجد.

لؤي: تأكدي اني جمبك و في اي قرار تأخديه حتى لو كان القرار ده هو قرار انفصالك عني و لو في يوم عوزتي تأخدي رأيي في حاجة انا موافق و لو في يوم احتاجتيني فانا قبل ما اكون خطيبك انا اخوكي و صاحبك. ماشي يا وجد؟!
وجد: ربنا يخليك ليا يا لؤي.
وجد حضنت لؤي و لؤي باس رأسها,وجد دخلت اوضتها و لؤي دخل اوضته.
وجد غيرت هدومها و قعدت علي السرير تليفونها رن.
الخط اتفتح.
وجد: ازيك يا خالو؟!

سيف: ازيك يا حبيبة خالك عاملة ايه؟! وحشتيني؟!
وجد: الحمدلله بخير.
سيف: يلا احكيلي يومك، و شوفتيلي عروسة حلوة و لا لسة؟!
وجد(بابتسامة): اصبر يا خالو ملحقتش اخد نفسي.
سيف: احكي بقي.
وجد(بتردد): اا.
سيف: احكي يا وجد مش هتخبي عليا حاجة. انتي عارفة انا اكتر واحد خايف علي مصلحتك...
وجد بدأت تحكي كل اللي حصل ل سيف.

سيف: طب بصي يا ستي لو علي اللي اسمها كارما لو انتي بتثقي في احمد و شوفتي في عينيها الصدق يبقي خلاص متأخدهاش بذنب حد...
سيف: هو غلط لما خدك بذنب عائلتك متبقيش زيه يا وجد.
سيف: اما هو. انتي هتروحي و هتشتغلي و هبقي معاكي خطوة بخطوة. و مش هتتأثري انتي في مهمة يا وجد و مسئولية لازم تبقي قدها انتي فاهمة.

سيف: وجد اللي اعرفها قوية حاربت نفسها و جسمها و منعت نفسها و اتالمتي اكيد اتعلمتي درس من اللي حصل يا وجد.
سيف: انا متاكد انك قوية و واثق انك تقدري سواء هو او غيره فاهمة.
وجد: فاهمة يا سيف.
سيف: ماشي يا بطتي نامي بقي علشان تصحصحي بكرة.
وجد: تصبح علي خير يا قلبي.
سيف: و انتي من اهله يا قمري.
وجد قفلت مع سيف و هي مرتاحة و قفلت النور و بدأت تنام بعمق للصبح بسبب شدة تعبها.
عند احمد.

احمد مسك ايد كارما و ركبها العربية و لف ركب و بدأ يسوق.
كارما(بخوف): انت هتسبني؟!
احمد: انا مش باسل يا كارما. اكيد وجد شايلة منك و من كل العائلة.
احمد: بس صدقيني هتتحل. اهم حاجة انها رجعت لازم الاول اطمن عليها و اعرف هي كانت فين و لازم اعرف كل حاجة عنها.
كارما: طيب.
احمد وقف العربية علي بُعد بسيط من بيت كارما و كارما بصت لاحمد بخوف احمد مسك ايديها و باسها.
احمد: لو حبنا حقيقي هنكمل. صدقيني.

كارما سابت احمد و نزلت دخلت بيتها,احمد لقي رسالة من وجد بكرة بليل نتكلم يا احمد.
مريم: اتاخرتي ليه؟!
كارما: ماما عايزة اقولك علي حاجة.
مريم: مالك؟!
كارما: وجد رجعت.
مريم(بفرحة): بجد لقيتوها طب و هي عاملة ايه؟!
كارما(بدموع): بس مرضيتش تكلمني و لا تعبرني و سابتني و مشيت.
مريم(بحزن): حقها يا كارما. انا غلطانة اني صدقت باسل بانه اتغير و مش هيعملها حاجة، بجد ربنا يهديه هو و عصمت.

مريم(بحزن): عصمت زرعت جواه الكره و الحقد ل عائلة الصياد كلها. بجد حرام بنت زي وجد تتظلم.
كارما: ايه اللي حصل يا ماما خلي باسل يبقي كدة؟!
مريم(بحزن): بعدين يا كارما بعدين. المهم دلوقتي حاولي تتكلمي مع وجد مرة و اتنين لو قابلتيها تاني.
مريم(بحزن): و استحملي اي حاجة منها ده غصب عنها يا حبيبتي.
كارما: حاضر يا ماما.
مريم حضنت كارما جامد و باست رأسها.
سليم(بزعيق): لا يا هانم انا هنا كبيرك.

نرمين(بحدة): وطي صوتك و كمان فيها ايه يعني انت مكبر الموضوع ليه؟!
سليم(بزعيق): و الله يا نرمين لو معتذرتيش بحق.
كارما: في ايه ماله سليم؟!
مريم: تعالي نشوف...
الاتنين خرجوا بره المطبخ لقوا سليم و نرمين قدام باب الشقة و بيتخانقوا.
نرمين(بحدة): مش هعتذر. فيها ايه يعني زميلي و بيتكلم معايا؟!
سليم(بزعيق): و لما يحضنك ده يبقي عادي. و كمان يا هانم المرة دي يحضنك يا عالم المرة الجاية هيعمل ايه.

نرمين(بحدة): اخرس مسمعش صوتك انت اتجننت.
سليم(بزعيق): بقول اللي ممكن يحصل ايه زعلك الموضوع يعني؟!
نرمين(بحدة): انت شخص عايز ضرب الجذم فعلا و انا غلطانة اني جيت قعدت عندك.
سليم(بزعيق): تعالي هنا مفيش خروج بره البيت ده.
نرمين(بحدة): مش انت اللي هتمنعني يا حبيبي ها فوق. انت مين اصلا انت مين ها علشان تتحكم في حياتي كدة.
كارما(بهمس): اجيب فشار.
مريم(بهمس): الله يخرب بيتك اخرسي يا بت.

سليم(بزعيق): جاية تسألي دلوقتي انا مين؟!
نرمين(بحدة): سليم لو سمحت حافظ علي العلاقة اللي ما بينا، كفاية لحد كدة.
سليم(بعصبية): انتي عايزة ايه دلوقتي؟!
نرمين(بحدة): مش عايزة حاجة. مفيش داعي للي بيحصل اصلا. انت كبرت الموضوع علي الفاضي.
نرمين(بحدة): طردت الشاب و زعقتلي قدام الموظفين كلهم و عملت مشكلة كبيرة و الناس بدأت تتكلم.
سليم مسك دراع نرمين و شدها ناحيته بعنف.

سليم(بعصبية): ناس مين اللي هماكي ها؟! قطع لسانه اللي يجيب سيرتك بس، ده انا اخفيه هو و عائلته و انتي تمشي في الشركة رافعة رأسك. فاهمة؟!
نرمين: دراعي يا سليم.
سليم ساب نرمين و بص ل مريم و كارما و سابهم و طلع اوضته رزع الباب وراه بعنف.
نرمين(بحدة): شايفة ابنك يا طنط؟!
مريم: يالهوي عيال من صغركم.
كارما: انتي شوفتي اللي حصل؟!
نرمين: في غير ده؟!
كارما: وجد رجعت.
نرمين(بصدمة): محدش حكالي ازاي...

كارما: معتقدش انهم يعرفوا انا شوفتها في مطعم كانت معاها شاب كدة.
مريم(باستغراب): شاب مين؟!
كارما: معرفش. بس الصراحة انا لمحت ايديها اليمين فيها دبلة...
نرمين(بشهقة): اتخطبت؟!
مريم: احسن يستاهل هو اللي ضيعها من ايده...

مريم: تعيش حياتها البنت هو طلقها و هي خلاص عدت بسلام الحمدلله تشوف حياتها بقي تتجوز تفضل زي ما هي تسافر تروح تيجي دي بتاعتها، المهم انها رجعت. يلا كل واحد علي اوضته لحد ما احضر العشاء...
نرمين و كارما بصوا ل بعض و كل واحد طلع لاوضته يغير هدومه...

-في مكان تاني...
عند ليلي.
ليلي كانت قاعدة بملل قدام التلفزيون سمعت صوت الباب قامت بلهفة لقت قصي جريت عليه حضنته.
قصي: وحشتيني.
ليلي: و انت كمان اوي اوي.
قصي: تعالي اوريكي جبتلك ايه.
ليلي: ايه.
قصي شد ليلي معاه ناحية الكنبة و قعدوا عليها و قصي ودي ليلي شنطتين هدايا.
ليلي(بفرحة): الله الهدوم دي ليا؟!
قصي: اه يا حبيبتي.
ليلي: ربنا يخليك ليا.
قصي: انا عندي مية ليلي.
قصي شد ليلي ل حضنه و باس رأسها...

قصي: احكيلي عملتي ايه؟!
ليلي(بزهق): مفيش تلفزيون ترويق و بس.
قصي: يا حرام صعبتي عليا.
ليلي: بتتريق؟!
قصي: لا يا روحي مش بتريق اسف غصب عني...
ليلي: و لا يهمك.
قصي: قومي يلا البسي هأخدك و نتمشي.
ليلي(بفرح): حبيبي بتتكلم جد؟!
قصي: اه يلا قومي.
ليلي باست قصي علي خده و طلعت جري علي اوضتها غيرت هدومها و نزلت.
قصي: سريعة اوي. يلا بينا.

قصي قفل التلفزيون و خد حاجته و مسك ايد ليلي و نزلوا يتمشوا في الشوارع اللي حوالين العمارة,كانت شوارع هادية و نظيفة جدا.

-في مكان تاني...
عند علي.
علي دخل للبيت بتاعه و لقي فيه هدوء تام موجود قرب من اوضة ثريا فتح الباب ببطء و لقي ثريا منكمشة علي نفسها في السرير و ضهرها للباب.
علي قرب من ثريا و قعد قدامها لقاها مفتحة عينيها و في دموع لسة في عيونها و علي رموشها.
علي: ثريا.
علي: ممكن تردي عليا؟!

علي: انتي سمعتي غلط او فهمتي غلط اهدي بس. كونها انها مجتش تاني ده بيأكد انها كدابة و جاية علشان تأخد فلوس انا متاكد من ده صدقيني.
ثريا(بهدوء): دي حياتك انت مش انا. ربنا يسعدك.
ثريا(بهدوء): اي وقت تختار نتطلق فيه قولي عليه و انا جاهزة.
علي(بحدة): انتي بتقولي ايه طلاق ايه يا هانم؟!
علي(بحدة): انا مش هطلقك فاهمة.
ثريا(بهدوء): طيب.
علي شد ثريا من كتفها بعنف و بصلها بغضب.

علي: بصيلي اتكلمي عدل ايه اللي انتي فيه ده.
ثريا(بدموع): تعرف اني غبية لاني فكرت انك ممكن تحبني زي ما حبيتك. او زي ما انت اجبرتني احبك.
ثريا(بدموع): ا.
علي حط ايده علي بوق ثريا و بص ليها في عينيها.
علي(بهدوء): بتحبيني؟!
ثريا(بدموع): كنت.
علي(برفعة حاجب): بجد؟! طيب.
علي قرب من ثريا و (لخيالكوا)و.

-في مكان تاني.
عند وجد.
وجد بدأت تصحي من نومها ببطء شديد و كسل و مسكت موبايلها لقت ماسدج من كمال بيه.
كمال: - هنبدأ من النهاردة الساعة 10 اتمني تحضري.
وجد(بنوم): كانت ناقصة هي.
وجد سابت الموبايل و قامت من مكانها دخلت الحمام خدت دوش دافئ و خرجت بدأت تشوف هتلبس ايه.
وجد(بملل): البس ايه بقي؟!

وجد لبست بنطلون اسود ضيق و فوقه تي شيرت اسود بكم صوف قصير لغاية الخصر و لبست فوقه بليزر بكم باللون الجملي و لبست بوط باللون الجملي بكعب و سيبت شعرها علي ضهرها و اختارت شنطة باللون الاسود و حطت البرفيوم بتاعها.
وجد لقت الساعة 9: 15 خرجت بره اوضتها و خرجت بره الفندق وقفت تاكسي و بعتت ماسدج ل لؤي هي فين.
السواق: وصلنا.
وجد: اتفضل حسابك.

وجد نزلت من التاكسي و دخلت المول ركبت الاسانسير لقت ناس موجودة و كان باب الاسانسير هيتقفل بس رجل باسل منعته.
باسل دخل بسرعة الاسانسير و وقف جمب وجد,وجد اتضايقت و طلعت تليفونها بدأت تبص فيه...
تليفون وجد رن، الخط اتفتح.
وجد: صباح الخير.
سيف: صحيتي بدري؟!
وجد: انت شايف ايه؟! قولي ايه الاخبار عندك؟!
سيف: بخير يا اختي، بس برضو مش هتنازل عن موضوع العروسة...
وجد: طيب يا عم، انا حساك اصلا عارفني علشان العروسة.

وجد: عموما يلا افطر و روح شركتك مش عايزة تقول وجد هي اللي بتعطلني.
سيف: انتي كلتي؟!
وجد: طبعا.
سيف: كدابة.
وجد: ايوه مأكلتش مرتاح كدة. يلا اقفل بقي...
سيف: انتي فين؟!
وجد: هبقي اكلمك بعدين يا سيف.
سيف: مالك؟!
وجد: مفيش. باي.
وجد: الاسانسير وقف ليه؟!
باسل(بهدوء): متقلقيش عطل و هيتصلح.

كانوا كل الناس خرجت و متبقاس غير باسل و وجد في الاسانسير و الاسانسير اتعطل,وجد كانت خايفة من وجودها مع باسل لوحدها و بعدت عنه قدر الامكان.
و فجأة الاسانسير اشتغل و نزل ل تحت جامد و وجد كانت هتقع بس باسل لحقها قبل ما تقع.
باسل: انتي كويسة؟
وجد(بدوخة): ابعد عني.
وجد زقت باسل و سندت علي الحيطة و كانت حاسة انها هترجع باب الاسانسير اتفتح...
عصام: انتوا بخير؟!
باسل: اه.

باسل خرج و مد ايده ل وجد علشان تخرج بس هي مشيت من جمبه من غير اي ردة فعل.
عصام: كمال بيه منتظرنا في اوضة الاجتماعات يلا بينا.
التلاتة راحوا لاوضة الاجتماعات كان الكل موجود ما عدا علي.
كمال: اتفضلي يا مدام وجد.
وجد: تمام.
الكل قعد و كان باصص ل كمال و كان لسة هيتكلم.
مسعد: كمال بيه انا شايف اننا الاول ندرب الانسة وجد علي شوية فنون قتاليه و كمان تتعلم اللغة الروسية هتضطر تتعامل بيها.

سليم: انا شايف ان مدام وجد مش محتاجة ده كله هي بس هتكون وسيط لمدة بسيطة بينا و بين اندروا.
عدي: انا شايف ان كلام مسعد صح يا كمال بيه.
قاسم: و انا.
كمال: تمام. يبقي هنأجل لمدة عشر ايام.
كمال: باسل.
باسل: نعم.
كمال: هتكون المسئول عن مدام وجد للعشر ايام دول.
وجد انفاسها اتقطعت فجأة و وشها شحب و شفايفها ازرقت,باسل لف ليها و كان هيبتسم بس اتخض لما شاف شكلها.
باسل: انتي كويسة؟!
عدي: انتي كويسة يا انسة وجد؟!

وجد هزت رأسها بمعني اه ببطء و بصت في الارض...
كمال: همشي انا.
وجد جريت ورا كمال و وقفته.
وجد(بخوف مش ملحوظ): هو انا ممكن اغير استاذ باسل انا مش هكون مرتاحة معاه.
كمال: ل...
باسل(بضيق): ممكن تتفضلي قدامي علشان نبدأ تدريب العشر اايام دول مهمين و مش عايزين نتأخر عن المهمة كتير. فلو سمحت متتعبيش حد هنا و تفهمي كويس ان احنا هنا مش بنلعب.

وجد(لنفسها): اهدي يا وجد اهدي مش هيعملك حاجة اهدي انتي بس لسة متعودتيش اهدي. انتي قوية.
باسل(لنفسه): للدرجة دي يا وجد بترفضي وجودي.
كمال سابهم و مشي و باسل قرب من وجد خطوة.
باسل: تعالي ورايا.
باسل مشي و وجد دخلت خدت شنطتها و مشيت وراه بدأ باسل يمشي في كذا ممر لغاية ما وصل ل باب فتحه و دخل و وجد ورا.
باسل: اتفضلي.
وجد(بهدوء): هنبدأ ايه؟!
باسل: هنتعلم الروسية.
وجد: طيب.

باسل قعد علي كرسي قدام ترابيزة و بص ل وجد.
باسل: جيبيلك كرسي و تعالي.
وجد كانت مرتبكة شوية و جابت كرسي و حطته علي مسافة من باسل و قعدت عليه.
باسل: الاول لازم تتعلمي الحروف بالروسي الاول، اكيد مش هتعرف تتقنيها في عشر ايام بس هنحاول.
باسل: بصي هنا ده حرف الA بالانجليزية وب الروسية.
باسل كان بيتكلم و وجد نفسها بدأ يقل و كانت مركزة علي الورق اللي في ايد باسل و مرفعتش رأسها و لا مرة.

وجد حست بعدم اتزان و رفعت رأسها فجأة كانت هتقع من علي الكرسي,باسل مسكها من خصرها قبل ما تقع و الكرسي وقع.
باسل قام وقف و وجد بصتله و بعدها اغمي عليها.

الفصل التالي
جميع الفصول
روايات الكاتب
روايات مشابهة