رواية النور والكابوس للكاتبة سلسبيل كوبك الفصل التاسع والعشرون
وجد حست بعدم اتزان و رفعت رأسها فجأة كانت هتقع من علي الكرسي,باسل مسكها من خصرها قبل ما تقع و الكرسي وقع.
باسل قام وقف و وجد بصتله و بعدها اغمي عليها.
باسل: وجد.
باسل حط ايده علي خد وجد و بدأ يهزها بس هي مفاقتش,باسل وطي و شال وجد بين ايديه و قرب من الكنبة اللي موجودة في الاوضة و نيمها عليها ببطء.
باسل قعد علي ركبته قدام وجد و بدأ يتأمل ملامحها و حط ايده علي خدها بحب و قرب منها باس رأسها.
باسل فضل يتأمل في وجد ل فترة لغاية ما وجد بدأت تهز رأسها و تفتح عينيها.
باسل قام بسرعة و وقف قدام ماكينة القهوة و بدأ يعمله فنجان قهوة.
وجد فاقت و قامت قعدت علي الكنبة.
وجد(بخضة): حصل ايه؟!
باسل(بهدوء): اغمي عليكي.
وجد بصت حواليها و بصت علي نفسها و ضغطت علي رأسها لانها وجعتها و قامت وقفت مسكت شنطتها و كانت هتخرج بره الاوضة.
باسل مسك ايد وجد و لفها ناحيته هي بصتله و بصت لايده شدت ايديها من بين ايديه.
وجد: افندم؟!
باسل: احنا لسة مبدأناش شغل. انتي رايحة فين؟!
وجد: ملكش دعوة.
وجد كانت هتفتح الباب بس باسل حط ايده علي الباب و بص ل وجد.
باسل: لازم نشتغل قدامك عشر ايام لازم نجتهد فيهم، مفيش خروج اقعدي ارتاحي خمس دقايق و بعدها هنشتغل علي الاقل ساعة و امشي.
وجد(بانفعال): انا مش عايزة اشتغل دلوقتي. ايه هتجبرني؟!
باسل: محدش قالك تشتتغلي معانا من البداية انتي اللي وافقتي.
باسل قرب من وجد خطوتين بس هي رجعت ل ورا اكتر من خطوة و راحت قعدت علي الكرسي بتاعها.
باسل قرب منها و قعد جمبها و بدأ يعلم وجد اللغة الروسية.
-بعد فترة...
باسل: اكتبيهم و بعدها انطقيهم يلا.
وجد(بضيق): اوف طيب.
وجد مسكت القلم و بدأت تكتب الحروف باللغة الروسية و سابت القلم و بدأت تنطق الحروف.
وجد(بضيق): مش عارفة احفظ ام الحرف ده. نطقه صعب.
باسل: الحرف سهل بس انتي اسمعيه كتير.
وجد تليفونها رن، الخط اتفتح.
وجد: الو.
لؤي(بانفعال): انتي فين يا وجد ده كله؟!
وجد: زي ما قولتلك يا لؤي.
لؤي(بانفعال): جيتلك ملقتكيش لفيت عليكي المول كله. و مش بتردي علي تليفوناتي.
وجد: آسفة يا لؤي. عشر دقايق و جاية ليك.
لؤي: انا قدام المول.
وجد: حاضر جايالك. انت قولت ل سيف؟!
لؤي: لا.
وجد: طيب جايالك.
باسل كان سامع كل المكالمة و عمل نفسه مش واخد باله,وجد قفلت مع لؤي و قامت وقفت.
باسل(بضيق): مين المهم اللي جنابك قومتي و هتمشي اول ما كلمك ده؟!
وجد(بلامبالاة): اظن ميخصكش احنا كل اللي بينا شغل و بس. عن اذنك يا استاذ باسل.
وجد مسكت شنطتها و خرجت بره اوضة المكتب لقت عدي خارج من اوضة تانية ببنطلونه بس.
وجد(بخضة): حد يخرج كدة؟!
عدي(باحراج): انتي هنا؟! اسف مكنتش اعرف.
باسل(بحدة): عدي!
عدي(بتوتر): نعم يا باسل.
باسل(بحدة): علي اوضتك فورا.
عدي(بتوتر): حاضر. بعتذر يا انسة وجد.
وجد: و لا يهمك.
وجد بدأت تمشي و هي نسيت الطريق لقت اللي بيمسك ايديها و ممشيها وراه.
وجد(بانفعال): انت فاكر نفسك مين؟! ابعد ايدك عني.
وجد حاولت تشد ايديها من ايد باسل بعنف بس معرفتش...
وجد بدأت تضرب باسل في ضهره لدرجة انها خربشته في رقبته و باسل بِعد عنها و هو مصدوم منها.
وجد(بانفعال): اياك تلمسني و لا تحاول تقرب مني تاني. فاهم؟!
سليم: مساء الخير، في ايه؟!
وجد(بانفعال): عرف صاحبك ان مش كل حاجة هو عايزها هتحصل و ميفكرش انه يقرب مني احسن و ربي و ما اعبد ليندم ندم عمره كله.
وجد(بانفعال): كل اللي بينا شغل. روح شوف حياتك و سبني اعيش حياتي و ابنيها صح مع شريك حياتي...
وجد بصت ل باسل و سليم بغضب و سابتهم و مشيت و هي متعرفش رايحة فين و خبطت في حد.
مسعد: آسف انتي كويسة؟!
وجد: اه. لو سمحت ممكن تخرجني بره المستنقع ده.
مسعد(بابتسامة): تعالي معايا.
مسعد و وجد مشيوا لغاية ما ركبوا الاسانسير و طلعوا للمول.
مسعد: بيقولوا انك محامية ناجحة.
وجد: و انت شايف ايه؟!
مسعد: واحدة زيك بجمالك و ليها اسم و مشهورة اكيد طبعا تبقي ناجحة.
وجد: شكرا يا استاذ مسعد، تعبتك.
وجد خرجت بره الاسانسير و خرجت بره المول لقت لؤي في قمة عصبيته قربت منه و حطت ايديها علي كتفه.
لؤي(بانفعال): ممكن افهم ايه طبيعة الشغل؟!
لؤي(بانفعال): و ايه اللي آخرك و كنتي فين انا دورت عليكي في كل حتة.؟!
وجد(بابتسامة): طب اهدي طيب.
لؤي(بانفعال): خوفت يا وجد خوفت ليكون الحقير ده عملك حاجة.
وجد: متقلقش محدش يقدر يعملي حاجة و كمان انا كنت فعلا في الشغل و ده سر متقدرش تعرفه، لكن كل اللي ممكن اقوله ليك انك متقلقش فترة و هتعدي و هنرجع باريس تاني.
لؤي(بضيق): طيب...
وجد: انت زعلان مني؟!
لؤي(بضيق): لا.
وجد: لؤي.
لؤي: خلاص مش زعلان.
وجد باست لؤي علي خده و ركبت العربية و لؤي لف ركب العربية و بدأ يسوق...
عند باسل و سليم.
سليم: ايه اللي حصل يا ابني؟!
باسل(بضيق): محصلش حاجة.
سليم: هي اللي عملت كده؟!
باسل حط ايده علي رقبته لقي خربشة كبيرة من ضوافر وجد ابتسم بهدوء و بص ل سليم.
باسل: الواد علي ده فين؟!
سليم: مش عارف تليفونه مغلق.
باسل: طيب. ايه اخبار الشركة؟!
سليم: بخير نرمين و كارما بيشتغلوا فيها.
باسل: ايه المشكلة اللي انت عملتها دي؟!
سليم: واد يستاهل.
باسل: طالما بتحبها اوي كدة ما تتقدم ليها.
سليم: اتقدم ليها ازاي و هي طول الوقت شيفاني اخوها...
باسل: طب ما انت طول الوقت بتقولها يا اختي و انتي اختي و لازم في اي جملة تقول اختي.
سليم: علشان كل الناس شيفانا اخوات و كمان معتقدش انها هتقبل بالوضع ده، هي للاسف اختي.
باسل: ده اللي عقلك بيوهمه ليك لكن قلبك بيقولك هي دي اللي انا اختارتها.
باسل: انا شايف ان ممكن يبقي في امل. جرب انت.
سليم: برضو لا يا باسل هي دايما شيفاني اخوها في يوم و ليلي هبقي حبيبها و جوزها.
باسل: براحتك بقي انا قولتلك رأيي و خلاص.
سليم: طب يلا نروح، انا جيت وديت ل كمال بيه الفلاشة و همشي، انت وراك حاجة؟!
باسل: لا يلا. هأخد حاجتي بس.
سليم: طيب.
باسل جاب حاجته و مشي مع سليم كل واحد ركب عربيته و كل واحد راح ل بيته...
-في مكان تاني...
عند علي و ثريا.
ثريا و علي كانوا نايمين جمب بعض و علي ماسك ايد ثريا و ثريا باصة للسقف بشرود.
علي: اولا كدة مش هنفضل طول النهار و الليل نبص للسقف، ثانيا انتي مراتي، ثالثا اللي اسمها بوسي مش حامل مني دي كدبة و بس. رابعا مفيش طلاق هيحصل.
علي لف ل ثريا و شدها ناحيته و بص ليها.
علي: فاهمة؟!
ثريا(بهدوء): اللي حصل حصل.
علي: ثريا مش هنضحك علي بعض انتي بتحبيني و كنتي مرحبة بالموضوع مش هنرجع لموضوع الزفتة بوسي دي، اتعاملي عادي يا ثريا علشان خاطري.
ثريا(بهدوء): انا عايزة وجد.
علي: بذمتك حد يطلب شخص تاني و احنا كدة...
ثريا: ايه اللي احنا كدة؟! انا عايزة وجد عايزة اتكلم معاها.
علي: انا اللي غلطان اني قولتلك وجد رجعت.
علي: ثريا متجننيش و متعشيش في دور المجني عليها.
ثريا: انا عايزة اتطلق.
علي: هنرجع لام السيرة دي تاني يا ربي.
ثريا: علي عايزة اتطلق.
علي: و علي مش هيطلقك يا ثريا افهمي دي كويس بقي.
علي: اهدي كدة و قولي انا هديت لاني و الله مش مستحمل كفاية ضغط الشغل.
ثريا: خلاص سيبني اقوم.
علي شد ثريا لحضنه و بص للباب.
علي: ثريا مش عايز حاجة غصب، انتي قولتي بتحبيني.
ثريا(بانفعال بسيط): هو علشان انا بحبك يبقي خلاص. علي اساس انت بقي بتحبني؟!
علي غمض عيونه جامد و ثريا بعدت عنه و قامت قعدت.
ثريا: ماشي انا معاك انا بحبك، لكن انت بتحبني؟!
ثريا: قادر تنسي اني واحدة خانت ثقة عائلتها؟! قادر تنسي اني واحدة باعت شرفها؟! قادر تنسي انك مش انا واحد انا حبيته؟! قادر؟! رد.
ثريا: انا و انت مستحيل او مع اي رجل تاني اصلا.
ثريا: انا.
علي شد ثريا من شعرها و شدها ناحيته.
علي(بغيظ مكتوم): ثريا عدي اليوم علي خير. انا مستحمل بالعافية.
علي ساب ثريا و دخل الحمام و وقف تحت الدوش.
علي(لنفسه): عارف انه صعب انسي بس حبيتك يا ثريا. هيبقي صعب اننا نعيش مع بعض بس مش مستحيل.
ثريا خرجت بره اوضة علي و دخلت اوضتها قفلت الباب عليها و قعدت تعيط.
ثريا(بعياط): ليه كدة؟! ليه؟!
-في مكان تاني...
عند أحمد...
احمد كان قاعد في الاستقبال في الفندق اللي وجد قاعدة فيه,وجد و لؤي كانوا داخلين من باب الفندق و احمد لمحها.
احمد: وجد.
وجد: احمد ازيك.
وجد قربت من احمد سلمت عليه و احمد بص ل لؤي و ل وجد.
احمد: ممكن افهم بقي؟!
وجد: حاضر. لؤي ده احمد ابن عمي.
وجد: ده لؤي خطيبي.
احمد(بصدمة): مين؟!
وجد: هفهمك، اتفضل يا لؤي اطلع اوضتك انا هتكلم مع احمد.
لؤي: طيب. تشرفت يا استاذ احمد.
لؤي طلع اوضته و طلع تليفونه يكلم سيف,احمد و وجد خرجوا بره الفندق.
احمد: تحبي تروحي مكان معين؟!
وجد بدأت تقلع الصندل بتاعها لانه وجعلها رجليها.
وجد: مكان هادئ يا احمد.
احمد: حاضر.
احمد ساق ناحية مكان هادئ جدا و نزل من عربيته فتح باب وجد و وجد بصتله.
وجد: مش قادرة انزل. خلينا كدة.
احمد: ممكن افهم يا وجد؟ ليه اختفيتي كل الفترة دي؟! و كنتي فين؟!
وجد(بتنهيدة): هتكلم يا احمد هتكلم.
وجد بدأت تحكي من اخر يوم ليها هي و باسل لحد ما رجعت مصر...
احمد: ده كله؟!
وجد: اه ده كله عيشته و مريت بيه، انا مش زعلانة علي حياتي قد ما انا زعلانة علي قلبي اللي حب الشخص الغلط.
وجد: بس اكيد في موعظة من ده كله.
احمد: اكيد.
احمد حط ايده علي رأس وجد و بصلها...
احمد: مرتاحة مع خطيبك؟!
وجد: ايوه. من ترشيح خالو اكيد كويس و كمان وقف جمبي في كل فترتي اللي فاتت.
احمد: انتي ليه مجتيش لينا؟!
وجد(بتنهيدة): علشان مخلهوش يوصل للي هو عايزه.
احمد: اللي هو؟!
وجد: انه يشوف عائلتي مكسورة.
وجد: ايه اخبار جدو؟!
احمد: جدو في غيبوبة من يوم ما مشيتي.
وجد(بصدمة): ايه؟! ازاي ده حصل؟!
احمد: مش عارف الحيوان ده فرجه ايه علي موبايله قبل ما يدخل الغيبوبة. و من ساعتها جدو تعب.
وجد(بدموع): طب و قصي؟!
احمد: قصي في حزن دايم كلنا عارفين كان مرتبط بيكي ازاي.
وجد قامت وقفت و قربت من احمد.
وجد: احمد مش ناوي تزور ثريا؟!
احمد(بانفعال): لا يا وجد. انا معرفش حد بالاسم ده.
وجد: دي اختك.
احمد(بانفعال): اختي خانتني و ضعنتني في ضهري يا وجد. لا و الف لا يا وجد. يلا علشان اوصلك.
وجد: وصلني ل جدو.
احمد: طيب.
احمد لف ركب و بدأ يسوق و وجد بدأت تلبس الصندل بتاعها و بعد فترة لقت احمد وقف قدام مستشفي كبيرة نزلت هي و هو.
احمد: انتي كويسة؟!
وجد(بتنهيدة): هلاقيها منين و لا منين يا احمد. يلا بينا.
وجد قلعت البليزر و دخلت هي و احمد المستشفي و وصلوا للعناية المركزة.
وجد قربت من الازاز و بصت علي ياسين و دموعها نزلت علي خدها احمد قرب منها و حط ايده علي كتفها...
احمد: ممكن كدة احسن ما كان يموت يا وجد.
وجد(بدموع): بس ده بسببي يا احمد.
احمد: لا مش ذنبك يا وجد مش ذنبك انتي كنتي ضحية و مجني عليه. اياكي تشيلي نفسك ذنب.
وجد(بدموع): طب و الدكتور قال ايه؟
احمد: من يومين قال ان اشارات المخ بدأت تستجيب. ممكن تيجي بكرة في وقت الزيارة و تدخلي تتكلمي معاه حتى هيكون قصي موجود و تتقابلوا...
احمد: عندك عربية و لا مشاويرك كلها بعربية اللي اسمه لؤي ده.
وجد: لا عربية لؤي.
احمد: بكرة الصبح هتلاقي عربية قدام الفندق. تتحركي زي ما انتي عايزة بس وجد.
وجد: نعم.
احمد: اياكي تسافري من غير ما تقوليلي يا وجد. لو عايزاني اجبلك حقك من ب.
وجد: تؤ يا احمد. مش عايزة حاجة انا هتصرف.
احمد(باحراج): وجد بالنسبة لكارما.
وجد: متقلقش يا احمد هتقبلها اكيد بس مش دلوقتي. انا عايزة امشي تعبانة.
احمد: طيب يلا بينا.
احمد و وجد خرجوا بره المستشفي و ركبوا العربية و رجعوا الفندق وجد نزلت بعد ما سلمت علي احمد و احمد مشي رجع بيته.
وجد طلعت اوضتها دخلتها بتعب شديد و حطت البليزر علي الكنبة و قلعت الصندل باهمال و رمت نفسها علي السرير بتعب.
وجد(بتعب): يا رب.
وجد غمضت عينيها بتعب شديد و نامت بعمق.
-في مكان تاني...
في قصر الانصاري.
رضوان(بهمس): فين جبروت؟!
اسيل(بهمس): معرفش اتأخرت ليه؟!
جودي(بهمس): شوفتها دخلت الاوضة المحرمة.
طارق(بهمس): شكلها مش هتنزل دلوقتي.
حازم(بهمس): يعني نأكل و لا ايه؟!
سهر(بهمس): هامك بطنك اخرس بقي.
حازم(بهمس): اخرسي يا بت يا مفعوصة انتي.
جودي(بهمس): عمتو نعمة بتبص علينا اهدوا بقي.
كلهم رفعوا رأسهم و بدأوا يأكلوا.
عفاف: عصمت هانم مش نازلة خلاص كلوا.
اسيل: تمام.
الكل بدأ يأكل,معتز دخل و حضن نعمة و باسها.
نعمة: حبيبي وحشتني.
معتز: و انتي اكتر معلش مجتش علطول.
نعمة: لا و لا يهمك.
معتز: ازيكم يا ولاد؟!
رضوان: بخير يا خالو.
طارق: مالك يا عم محلو كدة ليه؟!
معتز: اسكت يا بكاش.
طارق(بضحك): طب اقعد كُل يلا.
الكل كمل أكله و باسل دخل سلم عليهم.
باسل: فين امي؟!
جودي: في الاوضة المحرمة علي الكل غيرك انت و هي يا ابيه...
باسل(بضيق): طيب.
نعمة: ايه اخبار شغلك يا حبيبي؟!
باسل: متعب شوية يا عمتو بس الحمدلله يعني.
نعمة: ربنا معاك يا حبيبي.
باسل: تسلمي.
رضوان: عايز اي مساعدة في الشركة.
سمر: محدش عارف هنروح امتي؟!
باسل: لحقتي زهقتي يا بنتي؟!
سمر: مفيش حاجة تتعمل هنا و طنط عصمت مش بتودينا فرصة حتى نتنفس.
نعمة(بحدة): سمر.
سمر: اسفة يا مامي. ممكن تخرجني يا باسل؟!
باسل: خلاص يا ستي بكرة نتقابل بعد شغلي و نخرج سوا.
سمر(بفرحة): بجد يا باسل؟!
باسل: بجد يا عيون باسل.
شريهان(بخفوت): باسل لو سمحت عايزاك لحظة.
باسل(بملل): تعالي يا شريهان.
باسل دخل اوضة مكتبه و وراه شريهان اللي وقفت جمبه.
شريهان: كنا نطلع اوضة النوم بتاعتك.
باسل(بضيق): شريهان اخلصي.
شريهان: باسل حبيبي مش شايف انك زودت فيها اوي يا حبيبي.
شريهان قربت من باسل و حاوط رقبته بايديها.
شريهان(بحب): ها؟! انت عارف اني بحبك.
باسل(بضيق): ابعدي عني يا شريهان. انا مش ناقصك و مش عايزك في حياتي و انتي عارفة ده كويس.
باسل: افهمي انا اتجوزتك علشان خاطر امي.
شريهان(بانفعال): بس يا باسل انا ليا حقوق عليك.
باسل(ببرود): لو مش موافقة علي العيشة دي اطلبي الطلاق و هوديه ليكي. ده اخر كلام عندي.
باسل(ببرود): و نزلي ايدك متنسيش انتي بتتعاملي مع مين.
شريهان: ما هي دي مش عيشة.
باسل(بلامبالاة): خلاص اطلبي الطلاق و ننهي العيشة اللي مش عاجباكي دي.
باسل ساب شريهان و طلع اوضته خد دوش و افتكر كل اللي حصل بينه و بين وجد النهاردة و تلقائيا حط ايده علي الجرح اللي في رقبته...
باسل خرج و غير هدومه و خرج قعد في البلكونة و بعد فترة كل انوار القصر اتقفلت.
باسل خرج من اوضته و نزل قعد في الجنينة علي السرير اللي متعلق نام عليه و بدأ يهزه يمين و شمال و هو سرحان بتفكيره.
رضوان: حبيت؟!
باسل بص جمبه لقي رضوان واقف و حاطط ايد في جيبه و الايد التانية ماسك فنجان فيه قهوة بيشرب منه.
باسل: ايه اللي مصحيك؟!
رضوان: نفس اللي مصحيك.
باسل: انت بتحب؟
رضوان: يعني اعترفت انك بتحب اومال بتكابر ليه بس؟!
باسل: مش عارف.
رضوان: انا عرفت.
باسل: مين لسة معرفش يعني؟!
رضوان: هيعرفوا ايه يعني هيعرفوا خيبتك.
باسل(بحدة): احترم نفسك.
رضوان: آسف يا حضرة الكابوس.
باسل: عايز ايه دلوقتي؟!
رضوان: تفوق لنفسك و تبطل تكابر.
باسل: مش بعرف. يعني لما بشوفها قدامي بكون مجهز كلام كتير بيطير.
رضوان: علشان مجاش وقت المواجهة و مش ده اللي انت هتحدده هي.
رضوان: قدامك فرصة حاول تكسبها لاما تخسرها و المرة دي صدقني هتبقي للابد.
باسل(بتنهيدة): خايف.
رضوان: انت اللي بدأت و مش انت اللي هتنهيه هي اللي هتنهيه بقرارها النهائي. بس.
باسل(بأمل): بس؟!
رضوان: لسة قدامك وقت تكسبها فيه تاني. ده كل اللي عندي مع اني معرفش تفاصيل كتيرة بس ده اللي عندي.
رضوان: اسيبك انا.
رضوان ساب باسل و طلع لاوضته ينام,باسل فضل طول الليل يفكر.
بعد كام ساعة اتفاجئ بايد حد علي كتفها في الوقت ده.
باسل(بخضة): ماما ايه اللي مصحيكي لسه؟!
عصمت(بجمود): لسة عند قرارك؟!
باسل: اه.
عصمت(بجمود): دوس علي قلبك علشان تعرف تعيش احسن ما انا اللي هتصرف يا باسل.
عصمت(بجمود): متقابلش ناري يا باسل.
باسل(بحدة): هي عملتلك ايه هي اللي اتظلمت هي مش انتي.
عصمت بصت ل باسل بصدمة من طريقة كلامه.
عصمت(بجمود): و الله؟! طيب يا باسل مترجعش تندم في الاخر...
عصمت(بجمود): في الاخر هتكون ل شريهان برضو.
عصمت سابت باسل و طلعت اوضتها و باسل اتخنق و طلع تليفونه دخل علي الصور بدأ يقلب في صوره هو و وجد لما كانوا في الملاهي و في كتب الكتاب و في البيت و في كل مكان راحوه ابتسم تلقائي اول ما شاف الصور.
باسل لقي فيديو شغله.
وجد: طيب يا جدعان هذا الكائن البشري بحبه.
وجد مسكت باسل من خده و باسته جامد و هي بتضحك عليه.
باسل: بطلي هبل ربنا يهديكي.
وجد: لو مش عاجبك طلقني...
باسل(برفعة حاجب): دي فيها هز اكتاف؟!
وجد(بضحك): خلاص يا كائن النوتيلا انت.
وجد حضنت باسل جامد و باسل باس رأسها.
وجد: اعمل دور البرئ اعمل.
وجد(بضحك): حبيبي البرئ يا ناس.
وجد مسكت خدود باسل بايديها و ضحكت علي منظره.
باسل ابتسم لما شاف نظرات و ضحك وجد.
-في الصباح الباكر.
في المقر.
عدي: صباح الخير.
علي: انت اعتبرت المقر بيتك يا عم.
عدي: يا عم احسن ما اقوم بدري من نومي علشان اجي هنا و متأخرش. اقوم من علي السرير علي هنا علطول.
علي: ده انت مسخرة.
كمال: صباح الخير.
عدي: في حد يبدأ اجتماع الساعة 7 الصبح حرام عليك.
كمال رمي كوباية الماية علي عدي اللي شهق فجأة.
عدي: حرام عليك يا اخي.
مسعد(بهمس): ده انت هيتعمل معاك الصح.
كمال(ببرود): هتجري حوالين المقر 10 مرات.
عدي(برجاء): خليهم مرتين و النبي.
كمال(ببرود): 10.
عدي: ربنا علي المفتري.
كمال بص ل عدي و عدي حط ايده علي بوقه و بص ل علي و مسعد بغيظ لانهم كانوا بيضحكوا.
كمال: فين استاذ باسل و استاذ سليم؟!
الباب خبط.
كمال: ادخل.
سليم: صباح الخير.
باسل: صباح الخير.
كمال: ادخلوا.
كلهم قعدوا في حدود نص ساعة في صمت.
سليم: مش هنشتغل و لا ايه؟!
كمال: منتظر وجد.
باسل ابتسم بسرعة و بص في ساعته.
باسل: وجد يلا اصحي هنتأخر.
وجد(بنوم): يا باسل عشر دقايق.
باسل: قومي يا وجد احسنلك...
وجد(بنوم): يا عم بقي اهدي علينا.
باسل: و الله طيب.
باسل شال وجد علي كتفه و دخل الحمام و غسل وشها و وجد شهقت و ضربته في كتفه.
وجد(بضيق): حرام عليك.
باسل: فوقي يلا. هنزل افطر و اخرج في العربية الاقيكي قدامي.
باسل نزل ل تحت و عدي نص ساعة طلع لاوضته لقي وجد كملت نوم و نايمة بعمق و في ورقة جمبها.
مضمون الورقة عذرا لدي موعد هام في الحلم سبني انام بقي يا اخي ده انت جبار.
الباب اتفتح فجأة و الكل بص ناحية الباب لقوا وجد بتنهج و بتبص ليهم.
وجد(و هي بتنهج): بعتذر راحت عليا نومة.
كمال: و لا يهمك اتفضلي.
وجد دخلت و قعدت جمب اللواء كمال و بصت للكل و بعدها بصت ل كمال.
كمال: انا هيكون دوري خلال العشر ايام الجايين التوجيه، لان مش وجد بس هي اللي هتتدرب كلكم كمان.
كمال: الاخبار هتيجي بعد عشر ايام من عصام و ادم. مش عايز مشاكل هنا.
كمال: و كما هو الوضع باسل القائد.
كمال: و العشر الايام الجاية هيقل ظهوري لاني طالع مهمة تانية، زي ما قولت مش عايز مشاكل فاهم يا باسل.
باسل(بهدوء): اكيد يا سيادة اللواء.
كمال: عايزة اي استفسار يا وجد!؟
وجد(باحراج): المواعيد هي كلها بدري كدة.
باسل ابتسم و بص ليها بخبث...
باسل: متخافيش يا مدام وجد هنبدأ من 6 الصبح ان شاء الله.
وجد بصت ل باسل بغضب مكتوم و بصت ل كمال.
كمال: انا همشي، عن اذنكم...
كمال سابهم و مشي,كلهم قربوا من بعض حوالين الترابيزة.
باسل: طبعا احنا السبعة مش عايزين مشاكل زي ما سمعتوا.
قاسم(بهمس): يا باشا اخيرا لقينا حاجة تطري القعدة.
باسل امتص غضبه و كمل كلامه.
باسل: التدريب هيبقي من 10. عايز الكل يبقي موجود مش هقبل اي تأخير و مش هتهاون.
باسل: و اي حد عنده عذر يكلمني و يقولي. مفيش غياب علي الاقل العشر ايام دول.
باسل: كله علي الساحة، مدام وجد خليكي.
سليم و علي بصوا ل باسل و ل وجد,وجد بصتله بهدوء مصطنع و كلهم بدأوا يخرجوا...
قاسم: حتة قشطة يا عيال و الله...
عدي: عندك حق جميلة.
مسعد: طب ممكن نهدئ دي بتشتغل معانا يا ريت نحترمها.
وجد: افندم عايزني ليه؟!
باسل قام وقف قدام وجد اللي حطت ايديها في جيب البنطلون بتاعها.
باسل: عايزك تطهري الجرح اللي انتي سببتيه ليا.
وجد: لا انت تستاهله. و كمان انت مش مشلول علشان متعملوش ل نفسك.
وجد كانت هتخرح بس باسل شدها و سندها علي الحيطة و مسك ايديها حطها علي جرحه.
باسل: محدش غيرك هيطهر الجرح.
وجد: يبقي موت يا حمار.
وجد حاولت تزق باسل بس هو متحركش بيبص ليها و مكتفي بالصمت.
باسل: وجد وجد اهدي.
باسل(بحدة): اهدي.
وجد سكتت و بصت ليه و باسل بص ليها و سكت.
وجد(بضيق): ابعد عني. وقفتنا غلط.
باسل: انا ابقي.
وجد: انت تبقي الاستاذ باسل الانصاري زميلي في مهمة و هنخلصها و مش عايزة اشوف وشك ده تاني. ريحني منه.
وجد ضربت باسل بايديها علي صدره و زقته بعنف شديد و سابته و خرجت بره الاوضة.
قاسم: باسل كان عايزك ليه؟!
وجد: كان بيفهمني النظام.
سليم: طب يلا بينا علي الساحة.
كلهم راحوا ناحية مكان واسع فيه رمل و منطلق فيه نسمه هواء حلوة,فيه ادوات تدريب و ساحات قتال صغيرة...
وجد: واو ايه الجمال ده؟!
علي: دي مش السماء. دي زي مراية بتعكس منظر الشمس و السحب لينا. باسل اختارها علشان نعرف نحس بالعالم الخارجي و منكونش مضغوطين و احنا بنتمرن.
وجد: ربنا معاكوا.
عدي: معتقدش باسل بيه هيرحمك اكيد لازم يدربك.
وجد(لنفسها): مش هيسيب الفرصة دي ابدا.
باسل: كل واحد يروح يلف حوالين المقر 5 مرات يلا.
الكل بدأ يجري و وجد واقفة بتتفرج عليهم.
باسل: مجرتيش ليه؟!
وجد(بصدمة): انا؟! هو انا هتدرب؟!
باسل: مش جايبك تلعبي. يلا اجري.
وجد بصت بصدمة ل باسل و رجعت خطوة ل ورا بس فجأة حست بايد باسل و هي بتمسكها و بدأ يجري و يشدها وراه و هي كانت بتجري معاه لغاية ما وصلوا للباقي و وجد اتصدمت من سرعة باسل...
وجد وقفت في نص الطريق و هي بتنهج و قعدت تكح و وشها بقي احمر.
وجد: ماية ماية.
باسل: سليم اجري جيب ماية يلا.
سليم رجع تاني و جاب ماية و رجع ليهم,باسل مسك الازازة و بدأ يشرب وجد اللي وقعت في الارض من كتر الجري...
باسل: اهدي.
وجد: رجلي مش حاسة بيها.
باسل(بهمس): اعتقد ده تصريح منك بأني اشيلك...
وجد بصت ل باسل بغيظ مكتوم و بعدها بصت ل رجليها و حاولت تمنع دموعها...
باسل: روحوا كملوا جريكم.
باسل(بأمر): يلا.
كل واحد بدأ يكمل جريه و باسل قعد جمب وجد.
باسل: لا اتجدعني كدة.
وجد(بتعب): عايزة امشي.
باسل: قومي معايا.
باسل قام وقف و سند وجد و مشي و هي وراه مش عارفة تمشي بسبب الرمل و الكوتشي بيغرز في الرمل.
باسل: مدي يلا.
وجد(بحدة): عايز تمشي امشي انا همشي براحتي و كمان مش عايزة منك مساعدة...
باسل بص ل وجد و مشي و هي وراه لغاية ما دخلوا المقر و وجد سندت علي الحيطة.
باسل: قربنا نوصل.
باسل فتح باب اوضة موجودة و دخلها و وجد دخلت وراه و قعدت علي السرير اللي لقته بسرعة و بدأت تفحص رجليها.
وجد شهقت لما لقت باسل قاعد قدامها علي الارض و بدأ يقلعها الكوتشي و يدلك رجليها ببطء وجد كانت في صدمتها و فاقت بسرعة و بعدت عن باسل,باسل اتضايق و بصلها.
باسل(ببرود): دي اوضتك من هنا و رايح. و مكتوب اسمك بره.
باسل: ارتاحي النهاردة انا ورايا مشوار عقبال ما هما يتدربوا و انتي خليكي هنا مرتاحة.
باسل ساب وجد و دخل اوضته اللي موجودة في المقر و بدأ يغير هدومه...
باسل لبس بنطلون اسود و فوقه تي شيرت باللون الاسود بكم و لبس كوتشي ابيض عالي.
باسل خرج بره المقر كله و وقف قدام المول.
عند وجد.
وجد قامت من مكانها لما لقت ماسدج من احمد بدأت تعدل هدومها قدام المراية اللي موجودة.
وجد كانت لابسة بنطلون اسود و فوقه قميص رمادي بكم دخلته جوا البنطلون و لبست كوتشي ابيض و سيبت شعرها علي ضهرها...
وجد خرجت بره المقر و طلعت المول خرجت منه.
وجد وقفت فجأة لما لقت باسل بيحضن بنت جامد...
بنت: مبسوطة اننا هنخرج مع بعض.
باسل: انتي اطلبي يا سمر و انا اعملك اللي انتي عايزاه...
وجد بصتله باشمئزاز و سابته و مشيت من جنبه كانت راكنة عربيتها قدام المول.
وجد وقفت منتظرة مفتاح عربيتها من العامل اللي موجود قدام المول,باسل بص عليها و اتضايق لانها خرجت بره اوضتها و كان رايح ناحيتها.
وجد كانت واقفة بتبص في تليفونها و رفعت وشها صرخت جامد...