رواية النور والكابوس للكاتبة سلسبيل كوبك الفصل الأول
في قصر الصياد.
نهلة: فين الفطار يلا انجزوا ياسين بيه راجع من الاسطبل...
رانيا(خادمة): جاهز يا مدام نهلة و بدأنا نصحي اللي نايمين.
نهلة(بسخرية): حبيبة جدها دي صحيت؟!
رانيا: لا يا هانم.
قصي(بخضة): يا نهار اسود وجد وراها مرافعة في المحكمة.
نهلة(بحدة): قصي قصي تعالي هنا انت يا زفت.
قصي جري علي اوضة وجد و نهلة كانت متعصبة.
نهلة: -والدة قصي بتكره وجد علشان جدها بيحبها هي مش بنتها و لانه بيفضلها عن الكل. بتحب الفلوس و السلطة.
منصف: بابا رجع يا نهلة؟!
نهلة: لا لسة مع يوسف في الاسطبل. عملت ايه في الموضوع اللي كلمتك فيه؟!
منصف: كلمت يوسف قالي مش دلوقتي كمان اسبوعين.
نهلة: طيب.
منصف: -والد قصي و بيحب نهلة حب تملك و يبقي ابن ياسين وبيشتغل مع يوسف.
يوسف: -والد وجد و ايديه اليمين لياسين و هو اللي ليه الكلمة بعد ياسين و الكل بيسمع كلامه هو,و ياسين بيثق فيه...
في أوضة وجد.
وجد كانت نايمة بعمق في أوضتها علي سريرها اللي هي مصمماها بمزاجها,وجد كانت نايمة و شعرها مغطي وشها.
قصي(بصوت عالي): وجد قومي نسيتي المرافعة بتاعت النهاردة.
وجد(بنوم): قصي اخرج بره اوضتي احسن و ربي اقوم اقتلك.
قصي راح ناحية وجد و بدأ يهزها علشان تصحي.
وجد(بزعيق): قولتلك بره عايزة انام.
قصي: نسيتي مرافعتك يا هانم؟! و كمان قومي يلا.
وجد: قصي لم الدور و اخرج بره اوضتي احسنلك.
قصي: طب لا.
وجد مسكت دراع قصي و و هو وقع علي السرير و وجد فوقه.
وجد: سيبني انام و محدش يصحيني لحد ما اصحي انا بمزاجي.
قصي: نسيتي يا هانم شغلك و القسم اللي خدتيه علي نفسك نسيتي ده كله.
وجد(بخضة): يا نهار اسود المحكمة. الساعة كام؟!
وجد بعدت عن قصي بسرعة و مشيت ناحية الحمام.
قصي: الساعة 7...
وجد: خليهم يجهزولي فطار بسرعة انجز.
قصي: جاهز انزلي انتي.
قصي خرج بره اوضة وجد و وجد دخلت الحمام خدت دوش سريع و خرجت تغير هدومها.
وجد لبست بنطلون رصاصي واسع و فوقه تي شيرت ب ¾ كم باللون الاسود دخلته جوا البنطلون و لبست كوتشي ابيض عالي نوعا ما و رفعت شعرها علي شكل ديل حصان.
وجد مسكت شنطتها السوداء و نزلت جري لتحت لقت الكل قاعد جريت علي ياسين باست خده و قعدت جمبه و بدأت تأكل بسرعة.
ياسين: براحة يا بنتي.
وجد: عندي مشوار مهم و بعدها هطلع علي المحكمة.
ياسين: ربنا معاكي يا حبيبتي.
وجد: شكرا يا حبيب القلب انت.
قصي: و مين اللي صحاكي يا ست وجد؟!
وجد: قصدك ايه يا عم قصي عادي براحتي.
ماجدة: وجد كلي بأدب ايه ده.
وجد: معلش بقي يا أمي مش بعرف أكل باتيكيت زي بنت عمي ثريا.
ماجدة: -والدة وجد دايما بتشوف ان بنت عمها ثريا احسن من وجد و عايزاها تتغير تبقي علي مزاجها و وجد رافضة.
ياسين: حبيبتي في حفلة النهاردة لازم تكوني حاضرة كل مرة مبتحضريش.
وجد: انتوا كل حياتكم حفلات و انا مبحبش الدوشة دي يا جدو بليز اعفيني.
ماجدة(بحدة): لا بقي هتحضري غصب عنك.
ياسين(بحدة): محدش بيمشي كلامه هنا غيري يا ماجدة احترمي نفسك.
يوسف: اهدي يا ماجدة. معلش يا بابا اصل ماجدة مش عاجبها حياة وجد شوية.
نهلة: و هي دي حياة اصلا هي عايشة؟!
وجد: حياتي عاجباني يا مرات عمي و عاجبة جدو و محدش ليه دعوة بيا.
وجد: عن اذنك يا جدو هروح مشواري.
وجد باست رأس ياسين و سلمت علي قصي و خرجت بره القصر ركبت عربيتها و طلعت علي المقابر...
وجد دخلت المقابر بتاعت العائلة و راحت ناحية مقبرة معينة و حطت قدامها ورد.
وجد: وحشتيني اوي. وحشنا كلامنا ضحكنا هزارنا، فراقك صعب عليا اوي.
وجد: بحبك.
وجد خرجت و ركبت عربيتها و راحت ناحية المحكمة.
في القصر...
منصف: نهلة متنسيش الحفلة و تخلي ثريا تجهز.
ثريا: متقلقش يا بابي.
منصف: مش يلا يا يوسف.
يوسف: يلا.
يوسف: عايز حاجة يا بابا؟!
ياسين: لا روح.
يوسف و منصف خرجوا من القصر...
ياسين: و انتوا قوموا من قدامي. استني يا ثريا.
ثريا: حاضر يا جدو.
ياسين: افعالك بتاعت كل حفلة دي خفي منها.
ثريا(بملل): حاضر يا جدو.
ياسين: قصي تعالي معايا المكتب.
قصي: حاضر يا جدو يلا.
-في مكان تاني.
في فيلا عائلة المهدي.
مريم: اهدي يا سليم في ايه ما انت عارف باسل.
سليم: يا ماما بقاله يومين تليفونه مغلق.
كارما(بغمزة): هتلاقيه مع مزة كدة و لا كدة هو حد يروح روسيا و يفضي ليك اصلا.
سليم: يا منحرفة طبعا ما انتي تربية باسل الانصاري.
مريم: سليم انا كلمت باسل امبارح بليل ملكش دعوة امشي بقي.
سليم: اقتله ده و لا اعمل ايه طب؟!
مريم: علي شغلك يا سليم. و انتي يلا روحي مع اخوكي.
كارما: يلا يا قدري.
سليم: امشي قدامي.
كارما: لا السيدات اولا.
كارما حطت ايديها علي بوقها و بصت ل سليم بخوف...
كارما(بتوتر): بتتني القميص ليه يا عم؟!
سليم: السيدات اولا صح؟!
كارما(بصريخ): يا ماما...
مريم: انتوا مجانين اتصافوا مع بعض.
مريم سابتهم و طلعت اوضتها,سليم جري ورا كارما.
كارما: سليم انت عصبي كدة ليه؟!
سليم مسك كارما و شالها علي كتفه و خرج بره الفيلا.
كارما(بضحك): طب اديني قيمتي يا عم.
سليم: لو وديتك قيمتك الحقيقة يا روحي هرميك في سلة الزبالة.
سليم نزل كارما علي الارض و راح ناحية عربيته ركبها,كارما عدلت هدومها و فتحت الباب و ركبت جمبه.
كارما: يلا يا عم.
سليم: تفتكري باسل بيعمل ايه دلوقتي؟!
كارما: معاه مزه حلوة.
كارما(بغمزة): و انت ادري بقي.
سليم(بنفاذ صبر): ربنا يأخدك يا باسل بوظت البت.
كارما(بضحك): ربنا يخليه ليا يا اخويا.
سليم: بت هقتلم ابعدي عن اهلي.
تليفون سليم رن، الخط اتفتح.
سليم: لا لا ده انا زارني النبي. نيرمين هانم بنفسها بتتصل بيا.
نيرمين(بضحك): سليم و الله ما فايقة.
سليم: بذمتك حد بيضحكك غيري اصلا، اخرسي.
نيرمين: طيب فين باسل تليفونه مغلق من يومين.
سليم: مش بيرد علي حد. و انتي عارفة باسل و تصرفاته بقي.
نيرمين: مش بيرحم نفسه ده.
سليم: انتي عارفة باسل شغله رقم واحد.
نيرمين: لا و هو بيحب يعمل شغله علي اكمل وجه.
سليم: هقابلك في الشركة علي العصر في شركة باسل.
نيرمين: ماشي، يلا باي.
سليم: باي.
كارما: هو باسل بيعمل كدة ليه؟!
سليم: علشان يعرف مين الخاين و خلينا واقعين اكتر متعة...
كارما: ده انتوا يا رجالة.
سليم: عسلات و حياتك.
كارما: اوي.
سليم وقف العربية قدام شركته و نزل هو و كارما.
كارما: متنساش اجتماع بليل.
سليم: مع شركة ياسر الاسيوطي.
كارما: متنساش انه و برغم اللي بيعمله الا و باسل قال خلوا بالكوا منه.
سليم: قولتيلي عندك كام سنة؟!
كارما: 24 يا خفيف.
سليم: قدامي يا ام لسان طويل.
كارما و سليم كل واحد طلع علي مكتبه اللي في الشركة.
-في مكان تاني.
في روسيا.
في فندق مشهور في روسيا في اوضة من اوض الفندق كان باسل واقف قدام الازاز الكبير المطل علي شوارع روسيا.
باسل كان واقف بشرود و بيشرب من سيجارته فاق من شروده لما حس بأيد علي كتفه.
باسل(بالروسية): شكرا علي الملف.
بنت(بالروسية): و لا يهمك يا بيبي.
باسل(بالروسية): اندرو ميعرفش حاجة.
بنت(بالروسية): اكيد بيبي، هتوحشني.
البنت حضنت باسل من ضهره و باست كتفه.
بنت(بالروسية): خليك يوم كمان.
باسل(بالروسية): روسيل انا مش فاضي. انتي مجرد وسيلة بأخد منها معلومات عنه مش اكتر.
روسيل(بالروسية): قصدك ايه يا باسل؟! انا يعتبر برمي نفسي في النار علشان خاطرك.
باسل(بالروسية): كله بتمنه يا روسيل، فلوسك هتتحول لحسابك...
باسل(بالروسية): اخرجي و سيبيني.
روسيل(بالروسية): ماشي يا باسل.
روسيل لبست هدومها و خرجت بره اوضة باسل,باسل دخل الحمام خد شاور طويل و خرج يغير هدومه.
باسل لبس بنطلون باللون الابيض و فوقه قميص باللون الاسود محدد عضلاته و كوتشي اسود و لبس ساعته و حط البرفيوم بتاعه.
باسل مسك شنطة سفر و خرج بره اوضته و كان وراه حراسين.
باسل(بالروسية): اتصل ب روك.
حارس(بالروسية): روك منتظر حضرتك عند الطيارة يا فندم.
باسل(بالروسية): تمام.
باسل ركب عربيته و في سواق ساق ناحية المطار و وراه عربيتين حراس.
بعد فترة وصلوا للمطار و كانت الطيارة الخاصة بتاعت باسل في انتظاره.
روك(بالروسية): مستر باسل كل الامور جاهزة زي ما حضرتك طلبت.
باسل(بالروسية): روك روسيل أمانتك و كمان اي حركة من اندرو تقولي فورا.
روك(بالروسية): حاضر مستر باسل.
روك(بالروسية): بالتوفيق...
باسل ركب طيارته و قعد فيها بكل وقار.
موظفة(بالروسية): حضرتك تحب تأكل او تشرب حاجة معينة؟!
باسل(بالروسية): لا امشي.
الموظفة بصت ل باسل و بعدها مشيت.
-بعد فترة باسل وصل لمصر و نزل من الطيارة و مشي بكل وقار بين الناس لغاية ما خرج من المطار و ركب عربيته بهدوء و وصل ل?يلته في مصر...
عامر: نورت مستر باسل.
باسل: شكرا عامر. هطلع اريح.
عامر: في انتظار حضرتك لما تصحي الغداء يكون جاهز...
باسل: تمام.
باسل طلع اوضته و غير هدومه و نام بعمق علي سريره.
-في مكان تاني...
عند وجد.
بنت: وجد حقيقي انا فخورة بيكي.
وجد: تسلمي يا خديجة.
خديجة: ده انتي بجد خيال بقولك ايه ما تيجي تدي جوزي كلمتين كدة ممكن يتعظ و يفهم.
وجد(بضحك): جوزك هاني ده ملهوش حل يا خديجة عايز ضرب الجذم.
خديجة: و مين سمعك؟! عموما يا بختك يا عم عائلتك عاملة حفلة بليل و أكيد هتحضريها.
وجد(بسخرية): و هو من امتي ده بيحصل؟! البس فستان و اقعد اتكلم مع ده و ده ليه اتهبلت.
خديجة: بت انتي ازاي بنت عائلة الصياد؟!
وجد حطت ايديها علي بوق خديجة و سحبتها ل بره المحكمة...
وجد(بحدة): انتي اتجننتي محدش يعرف اني من عائلة الصياد الا ناس قليلين.
خديجة: و هتفضلي تخفي الحقيقة دي لحد امتي؟!
وجد: و هو حد قالك اني عايزة ابقي زي ثريا؟!
وجد: طول ما هي ماشية انتي متعرفيش انا مين انتي متعرفيش بابي ممكن يعمل ايه فيكي انتي و انتي.
وجد: انا عايزة الناس لو في يوم عملت ليا حساب يبقي تعمله علشاني انا علشان اسمي انا مش اسم عائلتي يا خديجة.
خديجة: يا واد يا جامد يا ابو كلام كبير انت.
وجد: اينعم هيجي يوم و اكشف عن كنيتي بس لما يجي اليوم ده.
خديجة: بت يا وجد انتي جامدة.
وجد: طب يلا يا اختي اركبي اوصلك في طريقي و بعدها اروح الشغل...
خديجة: ربنا يحبب فيكي خلقه يا وجد يا بنت ام وجد يا رب. ربنا يعافيكي في عفيتك و صحتك و يومك و ربنا يخليكي و تفضلي كدة تدي الغلابة و.
وجد: بس بس بس يا بت في ايه. اركبي.
خديجة: -زميلة عادية بالنسبة ل وجد من الكلية.
خديجة: و الله و هتخشي الحارة بعربيتك يا بت.
وجد: ما انا ياما دخلتها.
خديجة: بت يا وجد عملتي ايه في الراجل اللي بيطاردك ده؟!
وجد(بتنهيدة): مش عارفة يا خديجة حاساه عايز يوصلي رسالة بس انا مش فاهماها.
خديجة: انا عارف يوصلك ايه؟!
وجد(بانتباه): ايه؟!
خديجة: عايز يقولك انك هتموتي في يوم من الايام بسبب فضحك للناس.
وجد(بضيق): هقتلك.
وجد: و كمان و هو انا بعمل حاجة غلط انا بوري الناس حقيقة المجتمع اللي حواليهم و بكشف ليهم عن الناس اللي ناهبة البلد.
خديجة: انتي محامية و لا صحافية و لا ايه يا ست ما تهدي علينا؟!
وجد: كل شغلانة و بتكمل بعضها يا خديجة.
خديجة: طب خلي بالك من نفسك.
وجد: اكيد يا روحي باي. سلميلي علي هاني.
خديجة: باي.
وجد ساقت عربيتها ناحية مكتبها و راحته.
وجد: نهال ورانا قضايا ايه؟!
نهال: قضية لشخص مشهور اسمه خالد القاضي.
وجد: امم طيب سيبيلي ملفه علي مكتبي.
وجد: ايه اخبار الشغل معاكوا يا شباب.
الكل: تمام يا فندم.
وجد: طيب كدة اطمنت.
وجد ابتسمت ليهم و دخلت مكتبها قعدت و حطت رجل علي رجل...
تليفون وجد رن، الخط اتفتح.
وجد: الو يا قصي.
قصي: الو عاملة ايه؟!
وجد: انا بخير. في ايه؟!
قصي: عندي ليكي خبر حلو.
وجد: مفيش احلي من انك تقولي خالو رجع من فرنسا.
قصي: لا...
وجد: قول.
قصي: هنروح النهاردة حفلة عمرو دياب.
وجد(بصريخ): هييييييييي.
قصي: بس بس صوتك مزعج.
جود: متشكرين يا رجولة، بص ورايا قضية كدة هقرأها بليل هرجع القصر و نخرج.
قصي: تمام و انا حجزت تذكرتين.
جود: اوك يلا باي.
وجد بدأت تشوف الملف اللي قدامها و بدأت تقلب صفحة صفحة و بتقرأ و مركزة اوي في القضية.
-في مكان تاني...
في إحدي شركات الصياد.
منصف: نعم يا يوسف.
يوسف: ابنك أحمد فين بقاله اسبوع؟!
منصف: في شرم.
يوسف: عمل ايه في الشغل اللي وظفته فيه؟!
منصف: كلمني امبارح و قالي انه خلصه.
يوسف: طيب...
يوسف: متنساش الصفقة اللي احنا داخلين عليها مهمة مع باسل الانصاري.
منصف: متخافش احنا جاهزين.
يوسف: كويس.
يوسف: و حاول تسحب قصي لطريقنا يا منصف ابنك تربيته مش عجباني.
منصف: مش عارف طالع لمين نفسي اعرف طالع لمين.
يوسف(بتنهيدة): و لا حتى بنتي.
منصف: يلا.
يوسف: يلا قدامنا حفلة بليل.
منصف: تمام عن اذنك هروح انا.
يوسف: طيب.
يوسف طلع تليفونه و اتصل بماجدة. الخط اتفتح.
يوسف: رجعت؟!
ماجدة: لا.
يوسف(بغيظ): تتصلي بيها تخليها تيجي و هتحضر الحفلة غصب عنها.
ماجدة: ماشي متقلقش انت.
يوسف: بنتك دي لاما تعدليلها دماغها لاما و ربي يا ماجدة لاكسر ليها دماغها.
ماجدة: اهدي يا يوسف اهدي يا حبيبي انا هكلمها.
يوسف: طيب.
عند ماجدة.
ماجدة قفلت مع يوسف و اتصلت ب وجد.
الخط اتفتح.
وجد: الو.
ماجدة: وجد تعالي القصر بسرعة.
وجد: ماما احلمي مش هاجي و مش هحضر الحفلة. انا مش رخيصة علشان تعرضوني علي كل رجال الاعمال اللي في الحفلة، روحوا للسنيورة بتاعتكوا ثريا.
ماجدة: و مين قال انك رخيصة انتي من عائلة الصياد عارفة يعني ايه عائلة الصياد.
وجد: ايه يعني عائلة الصياد؟! انا اسمي وجد يوسف ياسين.
وجد: و كمان لما اموت مش هيعملوا ليا حساب لاني من عائلة الصياد.
وجد: و كمان عائلة مليانة مشاكل و قرف. كل شوية عايشة في رعب لاني ممكن اتخطف بسبب اعداء والدي او حد من عائلتي.
ماجدة: و علي اساس انتي بتظهري اوي و حد يعرف انك بنتي حتى ده انتي لما بتشوفيني في النادي مبتسلميش عليا.
وجد: يوم ما سلمت عملتي ايه؟! عرضتيني علي كل ولاد صحابك ليه علشان اللي انا اعجبه يجي و يتقدم ليا و نتجوز و تبقي صفقة حلوة ليكوا.
وجد: مش هاجي الحفلة و ده اخر كلام عندي.
وجد قفلت الخط و رمته علي المكتب و كملت شغل.
ماجدة(بعصبية): ماشي يا وجد شكلي معرفتش اربي كويس.
نهلة: تؤ تؤ ماجدة مالك كدة زعلانة؟!
ماجدة: نهلة مش فايفة لرزالتك.
نهلة: انا قولت حاجة يا حبيبتي؟! معلش هتتعوض.
نهلة: لسة جود هتتعلم و هتيجي عليها فترة تبقي تحت ايدك و طوعك و انتي تغيريها زي ما انتي عايزة.
نهلة: خلي بنتك تحت طوعك.
نهلة: زي ما انا بعمل مع ثريا.
ماجدة: هروح اشوف الحفلة يا نهلة. تعالي معايا.
عند ثريا.
ثريا: ليا الشرف.
ثريا: و يا تري انا اول واحدة؟!
ثريا(بضحك): لا كدة كتير.
: لازم نشوف بعض بقي.
ثريا: قريب قريب اوي.
ثريا: يلا هقفل معاك انا دلوقتي، باي.
: لازم نتكلم كتير.
ثريا: اكيد.
عند ياسين و قصي.
قصي: و ايه كمان يا جدو؟!
ياسين: شيل الكتاب ده من هنا لهنا.
قصي: حاضر.
ياسين: وجد دي هتجيب مصيبة لنفسها.
قصي: هو اكيد بس ليه بتقول كدة؟!
ياسين: انا لو حصلي حاجة هتشوف بهدلة من الكل.
قصي: بعد الشر عليك يا جدو، و كمان مين يعني يقدر يقرب منها.
قصي: و مهما يحصل الام هتفضل ام و الاب هيفضل اب و الكل عارف دورهم بيبق ايه ثابت مش بيتغير انهم يحتوا ابنائهم يا جدو.
ياسين: عندك حق يا قصي عندك حق.
ياسين: بفضلك انت و جود عن ثريا و أحمد بسبب تفكيركم و عقلكم...
ياسين: بتمني الاقي زوجة مناسبة ليك و اتمني الاقي زوج مناسب لجود.
قصي(بضحك): جوزها عمرو دياب.
ياسين(بضحك): دي مش بعيد تموت من الصدمة.
قصي: هروح البس انا علشان شكلها كدة قربت تيجي.
ياسين: طيب يا حبيبي.
قصي طلع لاوضته خد دوش و طلع يغير هدومه...
قصي لبس بنطلون بيج و فوقه تي شيرت باللون الاسود ب كم و فوقه جاكت باللون الزيتي و لبس كوتشي ابيض و حط البرفيوم بتاعه.
تحت.
وجد وصلت للقصر و دخلت...
وجد: رانيا فين جدو؟!
رانيا: في اوضته يا جود هانم.
وجد: تمام...
وجد طلعت جري علي اوضة ياسين و دخلت علطول.
ياسين: محدش يتجرأ يدخل عليا من غير ما يخبط يا وجد...
وجد(برفعة حاجب): و هو انا اي حد؟!
ياسين(بضحك): دايما جدتك كانت تعمل كدة و تقول كدة.
وجد: طبعا اومال انا جايبة العيون الرمادي دي منين يعني يا حاج من تيتة اللي كانت موقفة امبابة علي رجل واحدة...
ياسين: عايزة ايه يا مصيبة؟!
وجد: هروح حفلة بليز مع قصي.
ياسين: طب و الحفلة اللي تحت دي؟!
وجد: يرضيك يا جدو ابقي فرجة للي رايح و اللي جاي.
ياسين: و انا مش هضغط عليكي يا وجد.
وجد جريت علي ياسين حضنته و باست خده.
وجد: حبيبي يا جدو.
ياسين: يلا روحي البسي.
وجد: طيب يا روحي.
-وجد سابت ياسين و دخلت اوضتها رمت شنطتها علي السرير و دخلت الحمام غسلت وشها و عملت حمام زيت لشعرها و خرجت و بدأت تختار هدومها اللي هتلبسها و دخلت الحمام تاني غسلت شعرها و خرجت نشفته و بدأت تغير هدومها...
وجد لبست بنطلون جينز ضيق محددها و فوقه تي شيرت بنص كم مايلين من علي الكتف و دخلته جوا البنطلون و لبست فوقه جاكت باللون الجملي و لبست كوتشي ابيض عالي نوعا ما وسيبت شعرها علي ضهرها و حطت مكياج بسيط خالص و حطت البرفيوم بتاعها.
وجد خرجت بره اوضتها لقت قصي بيخرج هو كمان من اوضته و ثريا من اوضتها.
قصي: فرق جامد.
ثريا كانت لابسة فستان باللون الاسود ضيق محدد جسمها و مبين ضهرها من ورا و رفعت شعرها ديل حصان و حطت روچ احمر غامق و كحل حدد عينيها.
وجد: يلا يا باشا علي الحفلة.
وجد و قصي نزلوا علي السلالم لقوا ماجدة قدامهم.
ماجدة: الضيوف بدأت تيجي يا وجد و مش هينفع تخرجي قدامهم...
وجد(بهدوء): هخرج من الباب الخلفي باي باي.
وجد مسكت ايد قصي و خرجت من الباب الخارجي كان في موتسيكل هناك.
وجد: امسك الشنطة دي.
وجد ركبت و قصي وراها و بدأت تسوق ناحية الحفلة لغاية ما وصلت لمكان الحفلة و دخلوا.
وجد كانت منسجمة مع الاغنية هي و قصي و بيضحكوا و بيغنوا و بيرقصوا.
قصي(بصوت عالي): يلا نمشي هنتأخر.
وجد(بصوت عالي): لااااا المكان هنا حلو.
كان في شاب واقف ورا وجد بالظبط وجد اتعصبت من كلامه اللي في ودانها لفت ضربته جامد بالقلم.
وجد خرجت من الحفلة و قصي وراها.
قصي: خدي و متعصبيش نفسك خلاص.
وجدد مسكت الشنطة من قصي و كانت متعصبة من الكلام القذر اللي الشخص قاله ليها...
قصي(بتوتر): وجد.
وجد بصت ل قصي لفت بسرعة لقت الشخص اللي هي ضربته بالقلم و خمسة من صحابه وراها.
وجد و قصي كانوا بيرجعوا لورا و مسكوا ايدين بعض.
وجد: هو فين الموتسكل؟!
قصي(بتوتر): مش انتي اللي ركنتي افتكري بقي.
وجد و قصي(بصريخ): عااااااااااااا.