قصص و روايات - قصص رومانسية :

رواية الملاك المتمرد للكاتبة سلسبيل كوبك الفصل السابع والثلاثون

رواية الملاك المتمرد للكاتبة سلسبيل كوبك الفصل السابع والثلاثون

رواية الملاك المتمرد للكاتبة سلسبيل كوبك الفصل السابع والثلاثون

-سيف فتح عينيه من الصدمة لما لقي ملاك فتحت باب الاوضة و عيونها حمراء و دموعها علي خدها و بتتنفس بسرعة و وشها احمر اوي...
سيف: ملاك انا.
ملاك قفلت الباب تاني و قعدت في الارض ضامة رجليها ليها و بتعيط.
سيف(بغضب): معتز.
معتز(ببرود): نعم...
سيف ضرب معتز بوكس في وشه بغضب و مسكه من القميص بتاعه و قربه منه.
سيف(بغضب): انت السبب انت السبب حرام عليكي يا اخي بقي ابعد عن حياتنا.

معتز(ببرود): لو ملاك مبقتش ملكي مش هتبقي ل غيري.
معتز زق سيف بعيد عنه و مسح الدم اللي نزل من بوقه.
معتز: حاجة بسيطة و انا عارف ملاك هتكبر الموضوع، و احتمال توصل للطلاق.
معتز: و بكدة ابقي ضمنت رجوعها ليا. او علي الاقل محدش هيلمسها غيري.
معتز: باي باي.
معتز ساب سيف اللي بدأ يتنفس بصعوبة و سند علي باب الاوضة بس لقاه بيتفتح.
سيف: ملاك.
ملاك بصتله ببرود و سابته و مشيت و هو طلع وراها.

سيف: ملاك و الله كنت هقولك و كنت هعتذرلك بس.
سيف: عارف ان اعتذاري مش كفاية و الله غصب عني اينعم انتي اتظلمتي و انا اسف حقك عليا.
ملاك: لو خلصت ممكن نروح عايزة انام.
-ملاك سابت سيف و راحت للعربية سيف فتح العربية و ملاك ركبت و سيف لف ركب و هو حيران مش عارف ملاك بتفكر في ايه...
-ملاك سندت علي شباك العربية سيف حاول يمسك ايديها بس هي شدتها منه من غير ما تبصله، كان باين انها قوية و هادية جدا.

بعد فترة وصلوا للقصر و ملاك فتحت الباب و دخلت و سيف وراها.
ملاك طلعت علي السلالم و راحت لاوضتها نامت علي السرير من غير ما تغير خبت وشها في المخدة. سيف دخل قلع جذمته و قرب منها و حضنها من ورا.
ملاك: لو سمحت ابعد مش عارفة انام.
سيف: بس انا مرتاح كدة و انتي قريبة مني.
ملاك: و انا مش مرتاحة و لو عايز تنام علي السرير خده كله هقوم انام علي الكنبة.
ملاك كانت هتقوم بس سيف شدها لحضنه اكتر.

ملاك: سيف لو مبعدتش عني حقيقي هتتمني لو مكنتش عرفتني اصلا.
سيف بصلها بدهشة نوعا ما و بعد عنها بمسافة بسيطة...
سيف: ملاك مش عايزين ننام و احنا زعلانين من بعض. بلاش يا ملاك...
سيف: بلاش يا ملاك ننام و حد شايل من التاني حاجة.
سيف: ملاك ملاك.
سيف قرب من ملاك لقاها نامت باس خدها و رأسها.
سيف: اسف و الله العظيم كنت لسة صغير و عيل و مش بفهم.
سيف: سامحيني.
سيف باس كتف ملاك و شدها لحضنه و نام...
الفجر...

ملاك فتحت عينيها ببطء و بصت علي سيف قامت من جمبه و خرجت البلكونة كان نفسها بتأخده بصعوبة.
ملاك: يا رب.
ملاك دخلت الحمام غسلت وشها و خرجت غيرت هدومها كلها.
ملاك لبست بنطلون ابيض و قميص اسود دخلته في البنطلون. رفعت شعرها علي شكل كحكة و نزلت كام خصلة من شعرها، و حطت روچ احمر غامق و لبست صندل بكعب اسود.
-ملاك جابت شنطة هدوم كبيرة و بدأت تحط فيها هدومها، خرجت راحت لاوضة حلا بدأت تجهز هدوم حلا...

ملاك: حلا حلا، يلا قومي.
حلا(بنوم): نعم يا ماما.
ملاك: قومي يلا هنخرج.
حلا: هنأخد جودي و مالك؟!
ملاك: لا يا حلا، بعدين يلا قومي.
ملاك قومت حلا و بدأت تلبسها هدومها.
ملاك: خليكي هنا لحظة.
ملاك راحت لاوضة جودي و مالك و قعدت تبوس فيهم و تحضنهم و تعتذر ليهم.
ملاك قامت و بدأت تنزل الشنط شنطة شنطة و كانت بتقابل صعوبة نوعا ما.
ملاك نزلت كل الشنط كان فاضل شنطة حلا الصغيرة. ملاك طلعت مسكت الشنطة و مسكت ايد حلا...

ملاك: يلا يا حلا.
سيف(بخضة): ملاك!
سيف راح بسرعة علي ملاك و مسك ايديها.
سيف: بتعملي ايه؟!
ملاك: همشي.
سيف: ملاك ارجوكي متختاريش البعد انا من غيرك مش هقدر اعيش.
ملاك(بانفعال): انا اسااسا مستغربة انت ازاي كنت بتنام و انت عارف ان ابن عمك المريض بيعذب واحدة ليل نهار، كنت بتنام ازاي مرتاح البال.
ملاك(بانفعال): انا مستحيل اعيش مع واحد كان بيدمرني حتى و هو بعيد.
سيف: و الله ما كنت اعرفك ساعتها.

ملاك(بانفعال): عذر اقبح من ذنب، انت مصدق اللي بتقوله. انا او غيري او اي حد انت ازاي كنت بتنام و في واحدة بتتعذب و انت عارف انها بتتعذب و تقدر تمنع تعذيبها و سايبها تتعذب علي ايد مريض نفسي.
ملاك(بانفعال): كنت مبسوط اوي و انا بتعذب رد. كنت مبسوط.
ملاك: الكلام مفيهوش فايدة خلاص خلص الكلام يا سيف.
ملاك كانت هتنزل بس سيف مسك ايديها و شدها ليه.

سيف: متبعديش يا ملاك ارجوكي متوجعنيش، مجرد فكرة انك مش موجودة جمبي صعبة اوي.
سيف: ارجوكي متحرمنيش منك و من حبي ليكي.
ملاك(بحدة): انا خدت القرار و مش هرجع فيه.
ملاك: عن اذنك يا استاذ سيف الدين فؤاد رضوان المحامي المشهور اللي المفروض يبقي عادل، بس انا شايفة واحد اسود جواه دمار و بس.
سيف: هتسمحي ل معتز انه يوقع بينا؟!
ملاك: كان عنده حق يا سيف كان عنده حق.

حلا: ماما انا مش عايزة امشي انا عايزة اقعد مع عمو سيف.
ملاك: بعدين يا حلا بعدين.
سيف نزل ل مستوي حلا و خدها في حضنه و باس رأسها.
سيف: و انا يا روح قلب عمو سيف مش عايزك تمشي. و مش هتمشي من هنا متخافيش.
ملاك: بتحلم. يلا يا حلا.
سيف: ملاك عايزة تزعقي زعقي عايزة تضربيني انا قدامك اضربيني. طلعي كل اللي جواكي لكن اياكي تسيبيني و تمشي. اعملي اي حاجة بعيد عن انك تسيبيني و تسيبي القصر.

سيف: الموضوع دلوقتي مبقاش انك بديلة و تعتبري مربية لاطفالي لا انتي بقيتي حياتي و نصي التاني اللي بيكملني. انا مش عايز حاجة في الدنيا غير وجودك يا ملاك بلاش الامور توصل ما بينا ل كدة.
ملاك: سواد قلبك هو اللي وصله ل كدة.
ملاك شدت ايديها من ايد سيف بعنف و مسكت ايد حلا و نزلت علي السلالم و خرجت بره القصر.
ملاك: اركبي يا حلا.
حلا: عمو سيف يا ماما.
ملاك: اركبي يا حلا.
حلا: حاضر.
حلا و ملاك ركبوا العربية...

ملاك: علي بيت جدو.
السواق: اوامرك يا هانم.
ملاك سندت برأسها علي الشباك و هي بتفكر في كل حاجة حست بوجع شديد في رأسها بسبب التفكير.
ملاك(لنفسها): يا رب.
ملاك غصب عنها عيطت بصمت و دموعها نزلت بصمت مسحتهم بسرعة و غمضت عينيها.
عند سيف.
سيف حس بعدم انتظام نفسه و وقع في الارض.
سيف(بنفس متقطع): م مت مم شي ش(متمشيش).
سيف(لنفسه): ملاك محتاجك اوي اكتر من اي وقت تاني، من غيرك انا ضايع و تايه سامحيني بحبك اوي.

سيف قام و بدأ يسند علي سور السلم لغاية وصل لمكتبه و دخل فضل قاعد فيه مش قادر يتنفس و قاعد عمال يفكر هيحصل ايه.
عند ملاك.
ملاك وصلت للقصر و خدت حلا.
ملاك: دخل الشنط جوا.
السواق: حاضر يا ملاك هانم.
ملاك طلعت اوضة حلا حطتها فيها.
حلا(شبه نايمة): ماما هنرجع القصر تاني.
ملاك: نامي دلوقتي يا حلا. يلا تصبحي علي خير...
-ملاك طلعت علي اوضتها فتحت الباب حست بخوف بس حاولت تداري دخلت و قعدت علي طرف السرير.

ملاك(بدموع): اللعنة علي صنف الرجالة كلهم.
-ملاك قلعت الصندل بتاعها و طلعت علي السرير ضمت جسمها اوي و حضنت المخدة جامد.
ملاك فضلت صاحية لغاية الشروق و بعدها بدأت تنام غصب عنها.

-في الصباح الباكر...
عند مريم و عمر.
عمر: الهانم زعلانة مني في ايه؟!
مريم: معرفش.
عمر: انا عملت حاجة من ساعة ما صحيت.
مريم: ابعد عني متقربش مني.
عمر: اهدي بس عملت ايه ل ده كله.
مريم: لو مهتم كنت عرفت.
عمر: طب هي توصل للخناق.
مريم: ايوه و ابعد عني بقي.
عمر: طب قومي البسي علشان اوديكي المكتب.
مريم: مش قايمة.
عمر: طب ما تحكيلي حصل ايه متعصبنيش...
مريم: مش قايلة.
عمر(بنفاذ صبر): عنك ما قولتي.

عمر طلع لاوضته يغير هدومه و مريم قعدت تعيط.
عمر نزل لقي مريم بتعيط راح ناحيتها و خدها في حضنه.
عمر: ما انتي اللي عصبتيني يا مريم.
عمر: بعد كدة اتكلمي علطول.
مريم(بدموع): قطعت ليا الفستان بتاعي.
عمر: ايوه عملت كدة علشان محبش مراتي تكون لابسة ضيق و الناس تتفرج عليها و لولا اننا كنا في فرح و مناسبة مهمة كنت قطعته ساعتها.
مريم: بس كنت تخليه و تقولي ملبسهوش تاني.
عمر: تصدقي فكرة. المرة الجاية.

عمر: ما انتي شكلك ناوية تجننيني.
عمر: روحي و انتي قمر بالشورت بتاعك ده.
مريم: هتروح الشغل.
عمر: و الله بفكر لا.
مريم: عمر.
عمر: قلبه.
مريم: بطل بقي، هقوم البس اجي الشغل.
عمر: بلاش النهاردة.
مريم: لا.
عمر: لا يا مريم هتقعدي النهاردة في البيت مضمنش تصرفي في المكتب هيبقي عامل ازاي.
مريم: تصدق انك سافل.
عمر: وسام يا روحي وسام.
مريم: قوم ياض من جمبي.
عمر: قايم يا اختي.
عمر: يلا باي...

عمر قرب من مريم و باس خدها و قام مشي.
مريم: آه يا مريم آه.
مريم: نقوم بقي نروق الفيلا.
مريم قامت و بدأت تنضف الفيلا.

-في مكان تاني.
في القصر.
الكل بدأ يصحي و يفوق و نزلوا ل تحت.
مني: با سهي اطلعي انتي ل جودي و مالك. هتلاقي ملاك تعبانة.
سهي: طيب.
نور: عايزك اطلع اطمن عليها.
مني: استني لما يصحوا من النوم.
نور(بلهفة): رزق!
نور جريت علي رزق حضنته جامد رزق باس رأسها.
رزق: وحشتيني يا حبيبتي اوي.
رزق: عاملة ايه؟!
نور: كويسة.
رزق: و ابني.
نور حزنت جدا. رزق بصلها بعدم استفهام.
مني: ابنك تعيش انت يا رزق...

رزق(بحزن): ابني! كنت بتمناه في الدنيا.
نور: يا حبيبي نقدر نخلف تاني بما انه معنديش مشكلة في الخلفة تاني.
رزق: بجد يا حبيبتي.
نور: اه.
رزق: يعني هيكون ليا ابن منك.
نور: ان شاء الله.
رزق: يا رب، تاج عاملة ايه؟!
نور: كويسة هتصحي كمان ربع ساعة.
رزق: تمام.
رزق: هطلع اغير هدومي.
نور: جاية معاك يا حبيبي.
رزق: طيب.
مني: هتمشي في الجنينة لغاية ما يحضروا الفطار.
عند سهي.
سهي: يلا بقي يا جودي اوف.
سهي: جودي.

سيف(بتعب): خلي عنك يا امي انا هصحيهم.
سهي: مالك يا حبيبي انت كويس؟!
سيف: اه متخافيش.
سهي: لا يا سيف باين العكس...
سيف: متقلقيش يا امي شوية ارهاق بسبب قلة النوم بس.
سهي: طب و ملاك عاملة ايه؟!
سيف لا رد.
سيف: جودي قومي يلا يا حبيبتي.
جودي(بنوم): بابا.
سيف: اه يا حبيبتي يلا قومي.
جودي قامت و حضنت سيف جامد.
سيف: يلا روحي مع تيتة سهي غيري هدومك.
جودي: حاضر.
سيف خرج و راح لاوضة مالك بدأ يصحيه.
مالك: فين ملاك؟!

سيف: انا مش عاجبك مثلا.
مالك: لا مش قصدي كدة.
سيف: طب يلا قوم بسرعة يلا.
جودي و مالك لبسوا هدومهم و نزلوا لقي الفطار جهز.
مني: اومال فين ملاك يا سيف؟!
سيف: دو خلصتوا يا جودي انتي و مالك اخرجوا في سواق بره منتظركم.
مالك: طيب يلا يا جودي.
سهي: في ايه يا ابني. ملاك فين و ايه اخبارها؟!
سيف: في سوء تفاهم بيني و بينها و هي قررت تبعد يومين و راجعة.
مني: طب حصل ايه يا ابني طمني؟!
سيف: ملاك عايزك تطلق يا تيتة.

سهي: ليه بس كدة؟!
سيف: مفيش حاجة المهم دلوقتي محدش يجيب ليها سيرة اي حاجة.
مني: طيب يا حبيبي، ربنا يهديكوا.
تاج: احم صباح الخير...
الكل: صباح النور.
تاج قعدت و بدأت تفطر لقت سيف هيقوم.
تاج: سيف ممكن توصلني في طريقك؟!
سيف: تعالي.
سيف خرج و تاج خدت شنطتها وخرجت وراه.
سيف: اركبي.
تاج: حاضر.
سيف بدأ يسوق العربية و حس ان تاج عايزة تتكلم.
سيف: قولي اللي عايزة تقوليه.
تاج: هو هو يعني هي فعلا ملاك عايزة تطلق.

سيف: ايوه.
تاج: سيف ممكن نتكلم بصراحة؟!
سيف: اتفضلي.
تاج: انا عمري ما شوفت نظرة الحب في عينك الا لما جت ملاك...
تاج: مهما كانت بتعمل سيدرا عمر نظرة الحب دي ظهرت.
تاج: صح؟!
سيف لا رد.
تاج: قولنا صراحة.
سيف(بتنهيدة): صح. ايوه للاسف محبتش اختك يا تاج حبيت ملاك بس ده ميمنعش ان ل سيدرا غلاوة و مكانة خاصة في قلبي في الاول و الاخير هي مراتي و ام عيالي و حبيتها بحكم العشرة.

سيف: لكن مع ملاك حسيت احساسيس عمري ما حسيتها مع سيدرا. حبيتها و حبيت كل ما فيها حبيت جنانها عصبيتها عنادها حبيت خوفها عياطها ضعفها حبيت كل حاجة فيها.
سيف: اسف يا تاج اني بقول الكلام ده قدامك و خصوصا ان اختك تبقي مراتي بس انتي قولتي صراحة.
تاج: و هي بتحس بايه؟!
سيف: ملاك متقلبة المزاج متقدريش تحددي موقفها.
تاج: بس باين انها بتحبك.
سيف: بأمارة الطلاق.
تاج: فعلا ايه وصل الامور للطلاق؟!

سيف: مفيش هتتحل ان شاء الله، هسيبها النهاردة تهدي و بليل هروح اخدها.
تاج: ان شاء الله هترجع و كمان عايزة اعتذر عن كل اللي قولته ليها او عملته فيها.
سيف: لما تسامحني انا الاول.
تاج: معترف انك اللي غلطان.
سيف: ايوه.
تاج: ان شاء الله هترجع.
سيف: ان شاء الله، بلا وصلنا.
تاج: باي تسلم.
تاج: شكرا.
تاج نزلت للجامعة. سيف راح ل مكتبه.
ريتاج(بفرحة): تاااااااج.
تاج: يا مجنونة وطي صوتك.
ريتاج(بدموع): وحشتيني اوي.

تاج: باين باين.
ريتاج: و الله صدقي حتى اسألي عامر.
تاج: عامر مين اللي طلع لينا في البخت يا اختي.
عامر: عامر خطيب صاحبتك.
تاج(بصدمة): ايه؟!
ريتاج(بخجل): خلاص بقي يا عامر...
عامر: قصة طويلة عريقة هروح مشوار و هاجي.
ريتاج: غور غور بتعمل عاملتك و تمشي...
تاج: تعالي يا بت معايا.
تاج شدت ريتاج معاها و راحوا مكان فاضي.
تاج: هتحكيلي كل حاجة و بالتفصيل.
ريتاج: ها؟!
تاج(بحدة): ريتاج.
ريتاج: خلاص خلاص حاضر.
Flash back.

كانت ريتاج قاعدة لوحدها حزينة و خايفة علي تاج.
عامر: خدي اشربي.
ريتاج: مش عايزة.
عامر: ده امر مش عرض. يلا.
ريتاج: لا.
عامر: متخلنيش اطلع غضبي عليكي.
ريتاج: انا عملت ايه؟!
عامر: ايه اللي خلاكي تتكلمي مع الواد شهاب ده؟!
ريتاج: كنت بطلب منه محاضرة مهمة.
عامر(بتريقة): كنت بطلب منه محاضرة مهمة.
عامر: ما انا قدامك مطلبتيش مني ليه.
ريتاج: خليك في ست ريم بتاعتك.
عامر: انتي مالك و مال ريم؟!

ريتاج: و انت مالك و مال شهاب؟!
عامر(بعصبية): بت متخلنيش اتجنن عليكي.
ريتاج: ممكن تسبني لوحدي.
عامر: لا.
ريتاج: انت رزل و غلس.
عامر: متشكر.
ريتاج: وسع كدة همشي انا.
ريتاج كانت هتقوم بس عامر شدها لحضنه.
ريتاج(بخجل): عامر ممكن حد يجي.
عامر: يبقي تسمعي الكلام.
عامر ساب ريتاج و خلاها تقعد جمبه.
عامر: احسن دلوقتي؟!
ريتاج: كنت احسن من قبل ما تيجي.
عامر: عارف عارف لدرجة ان الدمعة كانت هتفر منك.

ريتاج: ابعد عني يا رخم...
عامر: يلا اروحك بدل ما انتي بائسة كدة.
ريتاج: يا رخم.
عامر مسك ابد ريتاج و خرجوا من المكان اللي كانوا فيه.
عامر: وقفتي ليه؟!
عامر لف لقي شهاب زميله ماسك ايد ريتاج و ريتاج واقفة باصة ل عامر و ل شهاب.
شهاب: بعد اذنك يا عامر عايز ريتاج في كلمتين علي انفراد.
عامر(برفعة حاجب): من امتي في بينك و بينها حاجة؟!
عامر: و شيل ايدك ل توحشك.

شهاب: لا هيبقي في من بعد دلوقتي حاجات كتير بيني و بين ريتاج و انت اللي شيل ايدك.
عامر شد ريتاج ناحيته بعنف و خلاها في ضهره و قرب من شهاب ببطء و مسكه من قميصه...
عامر: اسمع انا مش عايز ابوظ وشك الجميل ده، ابعد عن وشي دلوقتي و اياك تقرب من ريتاج علشان مخليش امك تندم علي خلفتها ليك.
عامر: يلا يا ريتاح.
ريتاج: طيب حاضر.
شهاب: قولتلك انا هتكلم معاها في موضوع خاص انت لازق كدة ليه.

عامر(بغضب): عايز تعرف ليه؟! لانها الست اللي هتبقي مراتي قريب و خطيبتي حاليا.
عامر: ده كافي اوي علشان كدة متقربش منها احسنلك.
عامر مسك ريتاج من دراعها و شدها وراه و ركبها العربية...
عامر: مش عايز اسمع و لا كلمة...
عامر ساق العربية لغاية ما وصل ل بيت ريتاج.
عامر: انزلي.
ريتاج نزلت بسرعة و طلعت علي بيتها.
تاني يوم.
ريتاج: ماما عايزة اكل.
مامت ريتاج: يخرب بيت الكلمة دي ما تقومي يا بت اعملي ل نفسك.

ريتاج: يلا بقي يا مامتي، هقوم افتح الباب اهو.
مامت ريتاج: حساب البواب علي التسريحة في اوضتي.
ريتاج: حاضر.
ريتاج راحت جابت الفلوس و فتحت لقت البواب...
ريتاج: اتفضل يا عم محمود.
عامر(بغضب): مين ده يا اختي؟!
ريتاج(بتوتر): عامر ايه اللي جابك؟!
عامر: مين ده يا اختي؟!
ريتاج: عم محمود البواب.
عامر: و طالعة قدامه بشورت، اومال لما نتجوز هتلبسي ايه؟!
ريتاج: افندم!
عامر: انزل يا عم انزل.
ريتاج: معلش يا عم محمود.

عامر: معلش قدامي يا اختي.
عامر شد ريتاج لجوا البيت و قفل الباب.
عامر: و ده اسميه ايه ده؟!
ريتاج حطت ايديها في وسطها و كانت بتبص ل عامر بعصبية.
ريتاج: انا اللي ممكن افهم بتعمل ايه هنا و في بيتي.
ريتاج: و جايب لمين الشيكولاتة الحلوة دي.
مامت ريتاج: بتكلمي مين يا ريتاج.
مامت ريتاج(بخضة): اعوذ بالله من الشيطان الرجيم انصرف انصرف، بتكلمي العفاريت يا ريتاج.
مامت ريتاج: يا ابني و لا تأذينا و لا نأذيك انصرف.

ريتاج(بضحك): لا يا ماما ده مش عفريت ده عامر.
مامت ريتاج: ايه يعني عامر مين يعني؟!
ريتاج: زميلي في الكلية...
عامر(ببرود): و خطيبك حاليا و زوجك مستقبليا.
مامت ريتاج(بهمس سمعه عامر): كنت هندم اوي لو مش عفريت لانه وسيم جدا يخرب بيت طوله و لا دقنه.
عامر ابتسم ابتسامة بسيطة محدش لاحظها.
عامر: ممكن ادخل؟!
مامت ريتاج: طبعا طبعا خش يا حبيبي ادخل.
عامر: شكرا...

عامر دخل الصالون و مامت ريتاج قعدت جمبه. و ريتاج قعدت بتوتر علي كرسي.
عامر: انا مش بحب اتكلم كتير. انا عايز بنتك اتجوزها.
مامت ريتاج و ريتاح بصوا بصدمة ل بعض.
مامت ريتاج(بابتسامة متوترة): ليه هي بضاعة يا ابني، الكلام مش كدة.
مامت ريتاج: فين الوالد و الوالدة!
عامر: توفوا و كل ثروتهم اتحولت ليا.
عامر: حاجة تاني؟!
عامر: مفيش وقت للتفكير بنتك بتحبني و انا عايزها خلص الكلام.
ريتاج(برفعة حاجب): و الله؟!

عامر(بغضب و همس): اخرسي علشان مقتلكيش...
مامت ريتاج: هنفكر و.
عامر: علي بركة الله، لما ترجع تاج هنحدد ميعاد كتب الكتاب.
عامر سابهم مصدومين و خرج.
مامت ريتاج: دي شخصيته قمر.
ريتاج(لنفسه): اتغير امتي الواد ده؟! اوف بس يخرب بيت جماله.
مامت ريتاج: ريتااااااج...
ريتاج: ها ماما نعم.
مامت ريتاج(بخبث): شكلك موافقة.
ريتاج(بخجل): ها.
مامت ريتاج: يا بت يا بت.

مامت ريتاج قعدت تهزر مع ريتاج و ريتاج حكت ليها علي كل حاجة...
Back...
تاج: واو انا فرحتلك جدا.
تاج حضنت ريتاج جامد و قعدوا ييهزروا.
تاج: حقيقي بجد مبسوطة.
ريتاج: انا اكتر اخيرا بعد حب 3 سنين هنتجوز.
تاج: مبروك يا اخواتي.
تاج: يلا بسرعة فوتنا محاضرة محضر التانية.
تاج و ريتاج قاموا بسرعة ريتاج دخلت و تاج لسة هتدخل المدرج لقت اللي بيشدها معاه بسرعة.
تاج(بصدمة): بتعمل ايه؟!

جاسر: هيكون ايه؟! بخطفك بعيد عن الكل.
جاسر خد تاج بعيد عن الناس ورا الجامعك.
جاسر: اخيرا.
تاج: عايز ايه؟!
جاسر: وحشتيني بحبك عاملة ايه طمنيني عنك كلتي احكيلي اتخطفتي ازاي حصل ايه اتكلمي احكي ساكتك ليه يلا.
تاج: قولت ايه؟!
جاسر: بحبك.
جاسر: ايوه بحبك، معجب بيكي و مجنون بيكي لابعد حدود. يا تاجي و ملاكي انتي.
تاج: انا لازم اروح.
تاج سابت جاسر و جريت خدت تاكسي و روحت و بعتت ماسدج ل ريتاج.

-في مكان تاني...
عند عدي.
شهد: عدي تحب اجبلك الاوراق مضيهم دلوقتي و لا؟!
عدي: فين جود؟!
شهد: بره.
عدي(بحدة): و طالما الهانم بره مش من مسئوليتها الورق و الشغل و لا هو لعب عيال.
عدي: روحي و ابعتهالي.
شهد: حاضر...
شهد خرجت و راحت ل جود.
جود: ايه؟!
شهد: عايزك.
جود: ربنا يستر.
جود دخلت ل عدي و وقفت قدام المكتب.
عدي: ايه الهانم مشغولة في ايه؟!
جود: عايز ايه؟!
عدي: مش شايفة شغلك ليه؟!

جود: انت اللي عملت بينا حدود.
عدي(باستغراب): حدود! ايه علاقة الحدود بالشغل.
عدي: هو محدش علمك انه لارم نفصل بينا الشغل و الحياة الشخصية.
جود: انت بتكرهني اوي كدة ليه؟!
عدي: اعتبريني يا ستي بكرهك ها عايز ايه.
جود: انت معتبرني اوي رخيصة.
عدي: اوف يا جود اوف، فيلم او?ر.
جود(بدموع): طيب عن اذنك.
جود خرجت جري و خدت شنطتها و جريت بره الشركة.
عدي: الغبية.

-في مكان تاني.
في بيت ملاك.
محمد: صباح الخير يا نور.
نور: صباح النور يا بيه.
محمد: ها فين الاولاد؟!
نور: لسة نايمين يا بيه. حلا هانم بس اللي صحيت.
محمد(باستغراب): حلا هنا؟! ازاي؟!
نور: حلا هانم بتلعب في الجنينة. اناديها ل حضرتك؟!
محمد: اه ابعتيها ليا.
نور راحت و نادت ل حلا و حلا دخلت جري ل جوا.
حلا: جدو جدو.
محمد: حبيبة جدو. عاملة ايه؟!
حلا: واحشني اوي يا جدو.
محمد: و انتي اكتر. فين ملاك؟!

حلا: ماما فوق في اوضتها.
محمد(بعدم فهم): ازاي يا حلا هي مش في القصر مع عمو سيف.
حلا: معرفش لقيتها بتصحيني بليل و بتقول اننا هنمشي.
محمد: كملي...
حلا: و احنا نازلين عمو سيف جه و وقفها و قعدوا يتكلموا شوية لغاية ما ماما زعقت شوية و بعدها مشيت.
محمد: ازاي بس؟!
حلا: هو ده اللي حصل...
محمد: طب يا حبيبتي روحي كملي لعب.
حلا: حاضر.
محمد: يلا يا شطورة.
عند خالد و شروق.
خالد كان بيتقلب في نومه و فتح عينه.

خالد(بخضة و صوت عالي نسبيا): يا ماما!
شروق(بخضة): مالك في ايه؟!
خالد: انتي ايه اللي نيمك جمبي؟! يا نهار اسود.
خالد: حصل بينا حاجة؟! ردي ابوس ايدك متقلقنيش.
شروق: خالد انت نسيت ان امبارح كان كتب كتابنا.
خالد قعد يفرك في عينه كتير و يحاول يفوق نفسه.
خالد: اه اه اسف يا حبيبتي اسف.
شروق: عيل رزل.
خالد: معلش بقي حصل خير. قومي غيري هدومك.
شروق: طيب قايمة مش محتاجة اذن.
خالد: هقصلك لسانك ده.

شروق: نينينينينينينيني ظريف.
خالد: متشكر.
شروق قامت و راحت اوضتها بدأت تغير هدومها و خالد قام خد دوش و غير هدومه.
شروق(بخضة): انت ازاي تدخل كدة؟!
خالد: هو انتي بتنسي كتير ليه؟! انجزي مستنيكي بره.
خالد خرج بره اوضة الملابس و قعد علي السرير و شروق غيرت هدومها بسرعة و خرجت ليه.
خالد: يلا بينا.
شروق: طيب.
خالد: هو الشتاء قرب و لا انا متهيألي.
شروق: و حياتك ما اعرف بس انا حاسة بدفء طول ما انت جمبي.

خالد: يا حنين.
شروق: يا جذمة.
خالد(بضحك): خلاص خلاص.
خالد: صباح الخير.
محمد: صباح النور يا عرايس...
شروق: يا جدو لسة فاضل اسبوعين.
محمد: ان شاء الله يا روحي.
خالد: ايه ده! حلا مين جابها؟!
محمد(بتنهيدة): حتى ملاك فوق، حلا بتقول ان ملاك لمت هدومها و مشيت و اتخانقت مع سيف قبل ما تمشي...
خالد: عملها حاجة؟!
محمد: لا يا خالد...
محمد: تعالي عايزك في اوضة مكتبي.
خالد: حاضر.
محمد و خالد دخلوا اوضة المكتب.

خالد: ممكن افهم حصل ايه؟!
محمد حكي كل اللي حصل زي ما سيف حكاله بالظبط.
لما محمد عرف اللي حصل من حلا اتصل ب شيف و سيف حكي كل حاجة لانه واثق في محمد.
محمد: ها يا خالد رأيك؟!
خالد: انا حيران اوي، ملاك مظلومة بس بتحب سيف و لو بعدت عنه تموت، و كذلك سيف دي حياة معقدة اوي.
محمد: متحكمش علي حد بعد كدة بسرعة.
خالد: طيب هروح انا اشوف اعمل ايه.
محمد: طيب يا خالد.
محمد: هشوف انا ملاك.
عند ملاك.

ملاك كانت نايمة بدأت تحس بانزعاج بسبب تليفونها.
ملاك(بضيق): مين اللي بيتصل دلوقتي؟!
ملاك قامت و مسكت التليفون لقته سيف قفلت التليفون و قامت قعدت نص قاعدة علي السرير.
ملاك حست انها هتعيط مسكت منديل في ايديها.
ملاك: عايزني بعد ده كله اسامحك تبقي اتجننت يا سيف.
قلبها: معملش حاجات كبيرة يا ملاك متقسيش عليه علميه الادب لكن متبعديش عنه.

ملاك: لا يعتبر شريك في اللي معتز كان بيعمله فيا. كان عارف ان في واحدة بتتعذب و مع ذلك بيساعد ابن عمه المريض.
ملاك بدأت تعيط بصمت و الباب خبط. ملاك مسحت دموعها بسرعة.
ملاك: ادخل.
محمد: صباح الخ...
محمد(بصدمة): ايه اللي حصل ده؟!

الفصل التالي
جميع الفصول
روايات الكاتب
روايات مشابهة