رواية الملاك المتمرد للكاتبة سلسبيل كوبك الفصل الثامن والثلاثون
ملاك بدأت تعيط بصمت و الباب خبط. ملاك مسحت دموعها بسرعة.
ملاك: ادخل.
محمد: صباح الخ...
محمد(بصدمة): ايه اللي حصل ده؟!
ملاك: ايه يا جدو؟!
محمد: ايه اللي في رقبتك ده؟!
ملاك(بتوتر): معرفش هقوم اشوف.
ملاك: اتفضل حضرتك تحت انا هنزل وراك.
محمد: انتي شايفة نفسك صح. الراجل شاريكي يا ملاك.
ملاك: جدو مفيش حاجة بيني و بين سيف و مش هيبقي في. و لو كان في فانتهت.
ملاك: عن اذنك.
محمد: بتحاسبيه علي ماضي.
ملاك: مين قال؟! انا مش هتقبله و كل ما اشوفه هفتكر كل حاجة حصلتلي و لا انا و لا هو هنعيش سعداء.
محمد: يعني معتز لعب في دماغك و فرقكوا عن بعض.
ملاك: بالعكس ده قراري.
محمد: عايزة تقنعيني ان معتز مجاش هنا و هددك.
ملاك لا رد.
ملاك: انا عايز اخد دوش عن اذنك.
Flash back.
لما ملاك فاقت و قفلت تليفونها سمعت صوت في البلكونة خرجت و فتحت البلكونة ملقتش حد لسة هتخش الاوضة لقت اللي بيحضنها من ورا.
ملاك(بخضة): انت مين؟!
معتز: عيب عليكي يا قلب معتز مش عارفة ريحتي.
ملاك(بغضب): ابعد عني يا حيوان.
معتز: تؤتؤ عيب يا ملاك عيب. مش قولنا الشتايم ممنوعة.
ملاك(بغضب): انت مين علشان تؤمرني وسع.
معتز زقها علي الحيطة و رفع ايديها لفوق و مسك في ايده مطوة و حطها علي رقبة ملاك.
معتز: مبتجيش غير بالعنف انا عارف...
ملاك(بحدة): ابعد القرف ده بعيد عني و احترم نفسك و ابعد عني، خلي عندك كرامة و ابعد يا شيخ ايه منعدم الرجولية و الكرامة اوي كدة.
معتز ضغط علي رقبة ملاك فانجرحت.
معتز(بغيظ): متخافيش هندمك علي كل كلمة قولتيها يا ملاك.
ملاك(بحدة): اثبتلي اني غلطانة و غور في داهية و امشي خليني اعرف انك حتى ذرة كرامة.
معتز زق ملاك علي الحيطة تاني بعنف و سابها و نط من مكان ما جيه...
ملاك دخلت من البلكونة و قفلتها و قعدت علي السرير تعيط...
Back.
ملاك دخلت خدت دوش دافئ و خرجت.
ملاك لبست بنطلون رمادي و فوقه بلو?ر صوف احمر بكم و لغاية بعد الخصر بشوية و لبست كوتشي ابيض و سيبت شعرها علي ضهرها و حطت مكياج بسيط.
ملاك نزلت ل تحت لقت الكل متجمع علي السفرة.
شروق: هو الشتاء بدأ؟!
ملاك: اه حسيت بسقعة روحت لبست شتوي و كمان انا بلبس اي حاجة شتوي صيفي مش بيهمني.
ملاك: يلا يا حلا تعالي كلي.
حلا: و عمو سيف يا ماما.
خالد: جاي كمان شوية يا حلا.
ملاك: لا مش جاي و انتي يا حلا انسي حاجة اسمها سيف ده خالص.
حلا(بدموع): بس.
ملاك: مفيش بس انسيه كأنه شخص عابر في حياتنا...
حلا: يا ماما انا بحبه.
ملاك: ميستاهلش انك تتعلقي بيه.
حلا: ا.
ملاك قامت سابتهم و طلعت اوضتها تاني قفلت الباب عليها.
شروق: انا مش فاهمة حاجة، مالها ملاك؟!
خالد: شوية مشاكل انتي عارفة ملاك.
شروق: طيب و بتقول انسي سيف ليه؟!
محمد: شروق هي قادرة علي حل مشاكلها متضغطيش عليها بالفضول.
شروق: حاضر.
في الليل.
نور: ملاك هانم...
ملاك: قولت مش عايزة اكل...
نور: لا محمد بيه تعب جدا تحت و عايز حضرتك.
ملاك فتحت الباب بسرعة و نزلت جري علي تحت.
ملاك(بغضب): انت بتعمل ايه هنا؟!
سيف لا رد.
سيف: يلا يا حلا جيبي العربية دي علشان نركبها في باقي العربيات و نمشي القطر.
حلا: حاضر يا بابا.
خالد و شروق و محمد كانوا في مكان بعيد نسبيا بس شايفينهم...
ملاك قربت من سيف و حلا بغضب.
ملاك(بغضب): بره فورا.
سيف: تعرفي شكلك حلو و انتي متعصبة.
ملاك عينيها وقعت علي كأس ازاز مسكته و رمته.
حلا(بخوف): ماما!
سيف: متخافيش يا حبيبتي يلا اطلعي علي اوضتك.
حلا: مش هتمشي؟!
سيف: لا.
حلا: طيب. حاضر...
حلا طلعت جري علي اوضتها و سيف قام من علي الارض و قرب علي ملاك.
سيف: ملاك مقدر انك متعصبة و متضايقة. بس بلاش الشيطان يلعب في دماغك زعلانة ازعلي في بيتك و بيت جوزك. زعلانة متسبيش البيت و تمشي.
ملاك: مليش بيوت غير البيت اللي انت فيه ده. و مش زعلانة انا مجرد واحدة زهقت منك و من جوازها الغير مكتمل ده و اللي ملهوش لازمة و عايزة تطلق بس.
سيف: ملاك اديني فرصة اطلبي اي حاجة بعيد عن الطلاق و هنفذه...
سيف: او قولي ايه اللي ممكن يخليكي ترجعي معايا.
ملاك: ثلج.
سيف(باستغراب): ثلج!
ملاك: خلي السماء تنزل ثلج. هتقدر؟! لا، يبقي مش راجعة معاك.
ملاك طلعت علي اوضتها و قفلت الباب.
محمد: احم احم.
سيف: و دي اعملها ازاي دي؟!
خالد: مهمة صعبة.
سيف: انا رايح ادعي وسع يا عم، ده انا هطلعه عليها بس تصبر.
شروق: و الله ملاك طيبة و هبلة و بتحبك...
سيف: خليها تكابر كدة كتير، انا ماشي و هأجي بكرة.
محمد: طيب يا حبيبي.
في منتصف الليل.
حلا: ماما يا ماما افتحي.
ملاك كانت قاعدة علي السرير و قفلت كل الانوار نسيت خوفها من الضلمة و كانت بتعيط.
ملاك مسحت دموعها و كانت هتقوم تفتح الباب لقت حد بيرمي حاجة علي البلكونة.
ملاك: جاية يا حلا.
ملاك راحت للبلكونة و فتحته و اتصدمت لما لقت ثلج ابيض نازل عليها بغزارة.
سيف(بصوت عالي): ملاااااااااك.
ملاك بصتله ببرود و سابت البلكونة و نزلت ل تحت.
ملاك: ذكي اوي حضرتك...
ملاك: المفروض اصدقك؟!
ملاك: خد حاجتك و امشي من هنا.
سيف: ملاك مش انتي قولتي عايزة ثلج اهو قدامك بلاش بقي تصغري دماغك.
ملاك(بعصبية): طول ما انت مش مقدر حجم غلطتك تبقي غلطان...
ملاك(بعصبية): ابعد عني بقي.
سيف شد ملاك ل حضنه و حاوط خصرها بأيده.
سيف: بصي لعيوني و قولي انك بتكرهيني و مش عايزة تكملي حياتك معايا.
ملاك(بعنف): ابعد عني وسع كدة.
ملاك قعدت تزق في سيف بس هو ماسكها جامد.
ملاك(بزعيق): عايز مني ايه بقي؟!
فجأة كل الانوار انطفئت و ملاك حست بخوف و مسكت في سيف.
سيف: عرفتي انه ملاذك الوحيد انا؟!
ملاك: الانوار اتقطعت ليه؟!
سيف: متخافيش.
سيف: غمضي عينك و افتحي عينك ببطء. يلا.
ملاك غمضت عينيها بخوف و بدأت تفتحهم.
ملاك فتحت عينيها لقت الانوار رجعت و سيف راكع علي رجله و رافع في ايده خاتم ماس و الثلج بينزل.
سيف: ملاك تقبلي تكوني معايا لاخر نفس في حياتي,تكوني معاايا بقية عمري,تكوني معايا و تكمليني و تكوني نصفي الاخر,تسمحي بانك تكوني مراتي و اختي و بنتي و حبيبتي و كل حاجة حلوة في الدنيا دي,حبيتك استحوذتي علي كل حواسي استحوذتي عليا. حبيت كل حاجة فيكي حبيتك بكل جوارحك بكل جنانك,عنادك,تصرفاتك,غرورك,كل حاجة فيكي كل اللي بتحبيه.
سيف: كل اللي عايز اقوله اني بحبك و هفضل احبك لاخر نفس في حياتي.
سيف بص ل ملاك بأمل و ملاك سابته و لفت مشيت ناحية الفيلا فتحت الباب و دخلت.
سيف عيونه دمعت,ملاك وقعت في الارض قعدت تعيط...
-في الصباح الباكر...
في القصر.
مني: ايه بس اللي حصل في بيتنا ده؟!
رزق: في ايه؟! حصل ايه؟!
مني: انت متعرفش ان ملاك سابت البيت.
رزق: بجد! ليه؟!
مني: محدش يعرف.
رزق: هترجع متخافوش.
مني: واثق اوي انت. ملاك حسب معرفتي بيها عنيدة.
رزق: سيف مش هيسبها.
مني: اكيد.
سيف(بصوت واطي نسبيا): صباح الخير.
مني: تعالي يا حبيبي صباح النور.
سيف: عاملة ايه يا تيتة؟!
مني: الحمد لله يا حبيبي.
سيف: الحمدلله.
رزق: سيف عايزك في الشركة.
رزق(بسخرية مخفية): اصلك ابن فؤاد و لازم امضتك علشان هندخل شريك معانا.
سيف: بعدين يا عمي.
رزق: طيب اوامرك.
مني: رزق.
رزق قفل الجريدة و حطها علي الترابيزة و قام مشي.
مني: مالك يا حبيبي؟!
سيف: معرفش يا تيتة معرفش زي كأنه الفرح مش عايز يدخل ل قلبي.
مني: هيدخل يا حبيبي هتفرح و مش هيبقي في غير سعادة يا حبيبي.
سيف: يا رب يا تيتة.
مني: يا سيف مش حرام برضو تسيب سيدرا كل الوقت ده لوحدها.
مني: علي الاقل تخف علشان خاطر مالك و جودي.
سيف: هشوف يا تيتة هشوف، حاجة حاجة حاضر و الله حاضر.
سهي حضنت سيف من ضهره و باست خده.
سهي: كل ده هيتحل متقلقش يا حبيبي.
سيف مسك ايد سهي و باسها و قام و باس رأسها.
سيف: تسلمي يا امي.
سيف: اسف جدا. بس ممكن تهتمي ب مالك و جودي؟!
سهي: طبعا يا حبيبي اكيد متقلقش.
سيف: شكرا يا امي، و لو تعبتي قوليلي و هجيب ليهم مربية متقلقيش.
سهي: متقولش كدة يا حبيبي.
نور: احم هروح مشوار و اجي.
سيف: مشوار ايه؟!
نور: ها؟!
سيف: ايوه مشوار ايه؟!
مني: قولي يا نور.
نور: هروح اشوف ملاك و احاول اتكلم معاها.
سيف(بلهفة): هي كلمتك طيب؟! او قالتلك اي حاجة؟!
نور: لا هروح اطمن عليها.
سيف: طيب بس خدي معاكي حراسة.
نور: مش مهم.
سيف: لا مهم حماية كل فرد هنا مهم. يلا.
نور: طيب. عن اذنكوا.
سيف(باحراج): اه احم يعني حاولي تقنعيها ترجع.
نور: حاضر.
نور: باي.
نور مشيت و ركبت عربية بسواق و وراها حراس...
عند تاج.
تاج كانت نايمة و صحيت علي صوت تليفونها.
الخط اتفتح.
تاج(بنوم): ايه يا ريتاج؟!
جاسر: صوتك حلو حتى و انتي نايمة.
تاج(بخضة): جاسر.
جاسر: قلبه.
تاج: انت بتعمل ايه هنا؟!
جاسر: بعمل ايه؟! انا في التليفون يا بت.
تاج: اه اه اسفة.
تاج: لا مش اسفة، انت متصل بيا ليه ياض انت؟!
جاسر: ممكن تقولي بنتعرف عقبال الخطوبة.
تاج: انت مجنون مستحيل حاجة من دي تحصل فاهم.
جاسر: هحاول مش اصدقك.
تاج: طيب يلا امشي هنرش ماية.
جاسر: لو من ايدك انتي معنديش مانع.
تاج: انت لازق كدة ليه ياض انت. ما تسترجل...
جاسر: هي بقت الرومانسية حاجة عيب و انا معرفش.
تاج: انجز بقي عايز ايه؟!
جاسر: قدامك خمس دقايق تكوني لبستي هتلاقيني مع سيف هاخدك و نروح الجامعة...
جاسر: لو عندك اعتراض المأذون ممكن ابعت اجيبه. لو عندك اعتراض اكبر بقول المأذون هيتأخر اطلعلك.
تاج(بصدمة): انت ازاي سافل كدة؟! مكنتش شايفاك كدة.
جاسر: هي كدة سفالة طيب يا روحي انزلي مستنيكي.
جاسر: باي يا روحي.
جاسر: خدي بوسة.
تاج لقت الخط اتقفل و التليفون وقع منها و هي مصدومة.
تاج: ده مجنون و قال خمس دقايق...
تاج(بصريخ): يا ماما.
تاج قامت بسرعة غسلت وشها و غيرت هدومها.
تاج لبست بنطلون ابيض و تي شيرت بكم باللون الاحمر و لبست كوتشي اسود عالي. رفعت شعرها ديل حصان.
تاج نزلت جري علي السلالم و خبطت في سارة.
تاج: اسفة اسفة اسفة.
تاج كملت جري و خرحت بره القصر لقت سيف قاعد مع جاسر.
تاج: سيف!
سيف: تعالي يا تاج قربي.
تاج: نعم.
تاج قعدت جمب سيف و بصت ل جاسر بغضب.
تاج: نعم يا حبيبي.
سيف: الدكتور جاسر قال يعدي عليكي زيادة حماية يعني علشان ميتكررش اللي حصل المرة اللي فاتت.
سيف: اتمني يبقي في توافق بينكوا لان المرات اللي شوفتكوا فيها مكنتش مبشرة باي حاجة خالص.
سيف قام و سابهم. تاج مسكت كوبايه الماية و رشتها علي جاسر.
جاسر: يا بنت المجنونة.
تاج: انت جاي هنا ليه ياض؟!
جاسر: دي طريقة تكلمي بيها خطيبك عيب و الله عيب.
تاج: انت غبي ياض خطيبي ايه ها خطيبي ايه جتك مصيبة في شكلك.
جاسر: شكرا يلا قدامي و لا تحبي ننادي سيف.
تاج(بغيظ): و الله لولا انه عنده مشاكل مكنتش سكتلك ابدا امشي قدامي.
جاسر: السيدات اولا.
تاج: ظريف ظريف اوي.
جاسر: يلا هنرغي كتير احنا.
تاج: لساني و انا حرة.
جاسر: هقصه قريب متخافيش.
تاج: نينينييي.
جاسر و تاج و ركبوا عربية جاسر و راحوا للجامعة.
-في مكان تاني.
عند عمر و مريم.
عمر و مريم كانوا قاعدين في الجنينة مريم قاعدة في حضن عمر و عمر بيلعب في شعرها...
عمر: لحظة هكلم سيف اشوف حصل ايه؟!
مريم: حصل ايه في ايه؟!
عمر: انتي متعرفيش ان ملاك سابت البيت و عايزة تطلق.
مريم(بصدمة): طب ليه؟!
عمر: محدش عارف...
عمر اتصل ب سيف، الخط اتفتح.
عمر: ها يا ابني في جديد؟!
سيف: لا يا عمر.
عمر: متقلقش خير خير.
سيف: يا رب يا عمر، انت ايه اخبارك انت و مريم؟!
عمر: كويس متشغلش بالك.
سيف: طيب. عايز حاجة؟!
عمر: هتنزل الشغل؟!
سيف: لا.
عمر: اومال هتعمل ايه؟!
سيف: محسسني اوي اني فاضي. العصر تكون عندي يا عمر هنبدأ بتنفيذ خطتنا انا مدخلتش تجارة المخدرات و الاسلحة من خمس سنين علشان منتفعش منها.
عمر: طيب حاضر. انت في ايه و لا في ايه؟!
سيف: متشكر مستنيك، باي.
مريم: ايه يا حبيبي؟!
عمر: مفيش هروح اشوفه عايز ايه.
مريم: طيب و هو انا ممكن.
عمر: يا بنتي انتي مراتي متتردديش متعمليش فرق ما بينا.
مريم: بس مهما كان انا بنت حارة يا عمر.
عمر: عجباني الحارة دي يا ستي انتي مالك. هاخدك و نروح نعيش فيها يعني علشان ترتاحي.
مريم: لا ممكن يقتلونا.
عمر: هو حد يقدر يقرب منك ظ ل ما انا عايش.
مريم: ربنا يخليك ليا.
عمر: ها يا حبيبتي كنتي عايزة ايه؟!
مريم: ممكن اروح ل ملاك النهاردة؟!
عمر: اكيد يا حبيبتي و انا هوصلك بنفسي و هرجع اخدك في طريقي.
مريم: طيب يا حبيبي.
عمر: قومي البسي يلا.
مريم: حاضر لحظة.
عمر: طيب.
-في مكان تاني...
عند ملاك.
ملاك كانت نايمة في اوضتها فاقت لقت الثلج لسة بينزل و الجنينة مليانة ثلج ابتسمت غصب عنها.
ملاك(بتنهيدة): نصيبنا الفراق.
ملاك بصت علي السرير لقت حلا نايمة. ملاك دخلت خدت دوش طويل دافئ و خرجت.
ملاك لبست بنطلون اسود و قميص ابيض و فوقه تي شيرت بكم اسود و لبست كوتشي ابيض عالي,سيبت شعرها علي ضهرها حطت مكياج بسيط.
ملاك نزلت لقت محمد و خالد و شروق قاعدين بيتكلموا.
ملاك: بتخططوا لايه؟!
شروق(بتوتر): ها ابدا هنخطط لايه.
خالد(بهمس): اخرسي هتفضحينا.
محمد: تعالي اقعدي يا حبيبتي.
ملاك: تمام. كدة اخر الكلام الفرح كمان اسبوعين الا يومين.
خالد: لو اتصالحتي انتي و سيف.
ملاك(برفعة حاجب): ايه دخل الموضوع ده في ده؟!
خالد: يعني انه طالما مفيش سبب للطلاق يبقي مفيش داعي تطلقوا و تخليكوا مع بعص و تكملوا مع بعض و تكونوا اسرة سعيدة.
ملاك(باستغراب): انت شوية معاه و شوية ضده.
خالد: انا مع الحق، عموما انتي بتحبيه و هو بيحبك يبقي خلاص ايه لازم الفراق و العذاب.
ملاك: انا مش بحب حد.
نور: ملاك هانم.
ملاك: ايه؟!
نور: في واحدة عايزة حضرتك اسمها نور مرات رزق رضوان.
ملاك: ماما نور دخليها.
نور: مساء الخير.
ملاك: مساء النور...
ملاك قامت بسرعة و حضنت نور.
ملاك: مدام نور تعتبر امي.
ملاك: جدو ابن خالتو مراته شروق و صاحبته.
نور: اتشرفت بيكوا.
ملاك: اتفضلي اتفضلي.
ملاك خدت نور و طلعوا الدور المفضل ل ملاك اللي فيه حمام سباحة داخلي.
ملاك: اول مرة تيجي و اوريكي مكاني المفضل.
نور: حلو شبهك. ابيض و نقي و طاهر.
ملاك: تسلمي. اخبار مدام مني و طنط سهي ايه؟!
ملاك: و اخبار تاج؟! و جودي و مالك؟!
نور: طالما نفسك تعرفي حالهم اوي كدة ليه مشيتي.
ملاك: لانه كان لازم امشي، مكاني مش هناك...
نور: بالعكس مكانك هناك هناك و بس، كل اللي هناك محتاجك.
ملاك: اه طبعا. لا بالعكس انتوا اتعودتوا عليا مش اكتر، يوم يومين هتنسوني.
نور: و الله يا ملاك حتى سيف حالته متدهورة مش بشوفه بينام و لا بيأكل.
ملاك: هينسي برضو.
نور: غلطانة الحب الحقيقي مش بيتنسي بسرعة.
ملاك: حبنا كان من طرف واحد.
نور: قولتي ليه حبنا؟! علشان انتي بتحبيه فعلا و مش قادرة تعيشي بعيد عنه.
نور: بتوهمي نفسك انك هتقدري تنسي بس مش هتقدري صدقيني.
ملاك لا رد.
نور: صدقيني قرار رجوعك سعادة للجميع.
ملاك: انتي عاملة ايه و جوز حضرتك؟!
نور: مش كويسين يا ملاك. من غيرك من هنبقي كويسين و لا انا و لا غيري.
ملاك: مكبرين الموضوع اوي يا جماعة.
نور: لا و الله.
نور(الخدامة): اتفضلوا.
ملاك: شكرا.
ملاك: اشربي العصير حلو.
نور: شكرا يا حبيبتي.
خدامة: يا هانم.
ملاك: نعم.
خدامة: في واحدة تحت اسمها مريم عايزة حضرتك.
ملاك: خليها تطلع.
خدامة: لا عايزاكي انتي تحت.
ملاك(باستغراب): طيب.
ملاك: لحظة يا ماما نور.
ملاك نزلت جري ل تحت لقت مريم واقفة بره الفيلا.
ملاك: ما تخشي يا بنتي.
مريم: اتكسفت الله.
ملاك: خلي عمر هو كمان يدخل.
مريم: مش هيرضي.
ملاك راحت للعربية ناحية السواق و دخلت رأسها.
ملاك: يا ابني ب...
ملاك فتحت عينيها علي اخرهم لما لقت سيف هو اللي في وشها.
ملاك(بارتباك): ا ا نا اا ه و هو اا نن ت عع م رواا قصص دد اا ن نه(انا هو هو انت عمر اقصد انه).
-سيف ابتسم بحب ل ملاك و قرب منها و باس خدها ملاك غمضت عينيها غصب عنها خدت نفس عميق و رأسها في حضن سيف.
ملاك: مكنتش اعرف انه معاك ضيوف يا عمر بعتذر...
ملاك خرجت من العربية بسرعة و خدت مريم و دخلوا الفيلا.
ملاك: اوف حرام عليكي يا مريم مقولتيش ليه انه معاكوا.
مريم: و الله؟! اسكتي ده انا هحاسبك بس اصبري عليا.
ملاك: اوف يخرب بيت الاحراج، حصل ايه؟!
مريم: تبقي عايزة تطلقي و متقوليش ليا.
ملاك: ليه هترفعيلي قضية خلع.
مريم: ايوه ممكن...
ملاك: طب تعالي نطلع ماما نور فوق.
مريم: طيب.
-مريم و ملاك و نور قعدوا يتكلموا و يضحكوا و ملاك تغير موضوع سيف كل ما يجيبوا سيرته.
-في مكان تاني...
عند سيف.
عدي وقت كبير و هما بيشتغلوا علي موضوع رزق...
عمر: الابتسامة دي سببها ملاك.
سيف(بابتسامة): كل ما افتكر عفويتها و هي بتدخل رأسها العربية كان شكلها حلوة. كل ما افتكر ارتباكها و لغبطتها في الكلام احبها اكتر، و لما شميت ريحتها حسيت اني اتخدرت.
عمر(بضحكة خفيفة و غمزة): وقعت يا ابن فؤاد.
سيف: اخيرا. هو انت مش هتقوم تجيب مريم؟!
عمر: وحشتك اوي كدة؟!
سيف: ها ده انا احم هو...
عمر: خلاص يا عم وحشتك واضح اوي. يلا بينا.
سيف(بابتسامة): طيب.
-سيف قام و لقي ماسدج علي تليفونه فتح الماسدج و لقي فيديو فتحه و اول ما فتحه بدأت معالم وشه تتغير من الضحكة للغضب و الكره.
عمر: في ايه يا ابني؟!
سيف زق عمر و طلع جري بره المكتب و ركب عربيته بسرعة لمكان تاني.
عمر ملحقهوش و كان بينهج ركب عربيته و راح ل بيت ملاك.
ملاك: هتوحشيني يا روحي...
مريم: و انتي اكتر.
ملاك: خلي بالك من نفسك.
مريم: و انتي.
ملاك: طيب يا روحي، يلا باي بحبك.
ملاك: باي يا عمر.
عمر: ها؟! ماشي.
ملاك: ماشي يا ابني!
عمر: اومال؟!
ملاك: مش مركز خالص كدة ليه؟!
ملاك سندت علي شباك عمر و هي بتكلمه.
ملاك: حصل ايه؟!
عمر: خايف علي سيف.
ملاك(بخوف ملحوظ بس حاولت قدر امكانها تخفيه): ليه؟!
عمر: معرفش معرفش.
ملاك: احم طب ممكن تتكلم اساعدك يعني احم هو في الاول و النهاية صاحبك.
عمر: يعني مش حبيبك؟!
ملاك: لا و لو في اي حاجة اقدر اساعدك بيها انا جاهزة، عن اذنك.
ملاك دخلت الفيلا.
مريم: حصل حاجة؟!
عمر: لا.
مريم: طنط نور كانت هنا و مشيت، و قعدت مع ملاك.
عمر: كويس.
مريم: بس للاسف كانت بتتوه في موضوع سيف.
عمر: معلش.
مريم: مالك يا حبيبي؟!
عمر: مفيش.
مريم: طيب براحتك.
عند ملاك.
حلا: ماما.
ملاك: نعم يا روحي.
حلا: كلمت جودي و مالك و سألوني هاجي امتي.
ملاك: و انتي قولتلهم ايه؟
حلا: هنرجع قريب. صح يا ماما؟!
ملاك: معرفش يا روحي. بس ان شاء الله الخير هو اللي هيحصل.
حلا: و جودي و مالك زعلانين منك.
ملاك: هروح ليهم المدرسة بكرة و هصالحهم متخافيش.
حلا: و انا زعلانة.
ملاك: ليه بس؟!
حلا: علشان مش بروح مدرسة انا كمان.
ملاك: هقدملك عيوني متخافيش.
حلا: و علشان زعلتي بابا سيف.
ملاك: من امتي بابا دي؟!
حلا: كان نفسي اقولها اوي يا ماما لقيته بيهتم بيا و بيحبني قولتله بابا هو مضربنيش بالعكس خدني في حضنه.
ملاك خدت حلا في حضنها و قعدت تبوس رأسها.
ملاك: هتتحل متخافيش.
ملاك: اطلعي رخمي علي عمو خالد و طنط شروق يلا.
حلا: طبعا حاضر.
تليفون ملاك رن، الخط اتفتح.
(بصريخ): الحقيني يا ملاااااك.