رواية الملاك المتمرد للكاتبة سلسبيل كوبك الفصل الرابع والثلاثون

رواية الملاك المتمرد للكاتبة سلسبيل كوبك الفصل الرابع والثلاثون

عند سيف و ملاك.
سيف صحي من النوم قبل ملاك و ضم ملاك اكتر ليه و هو مغمض عينه و باس خدها.
سيف(بنوم): حبيبتي قومي يا روح قلب سيف...
-سيف فتح عينيه ببطء و بص علي ملاك فتح عينيه علي اخرهم و اتخض...
سيف شاف جودي بين احضانه غمض عيونه و فتحهم لقي ملاك.
سيف: اوف اخرجي بقي من عقلي.
ملاك(بنوم): هي مين؟!
سيف(بتوتر): ها لا مفيش يا روحي نامي.

ملاك حاوطت خصر سيف بايديها و فتحت عينيها ببطء غمضت لما سيف باس عينيها الاتنين.
سيف: صباح الجمال و الورد و الياسمين.
ملاك(بابتسامة): صباح النور.
سيف(بابتسامة): يا اخواتي صاحي علي اجمل واحدة في الدنيا كلها.
ملاك(بابتسامة): و انت وسيم و غمازاتك حلوة.
سيف: غمازاتي بس!
ملاك(بخمول): هي الساعة كام؟!
سيف: متركزيش خليكي في حضني شوية.
ملاك: انا اسااسا مش قادرة اقوم بس عندي تصوير الساعة 2.

ملاك: و لسة هشوف فستان كتب كتاب شروق و خالد محتارة اوي.
ملاك: و حلا عايزة اقدم ليها في مدرسة و لسة معرفش هخليها ترجع تاني و لا لا.
ملاك: و مالك و جودي عايزة افسحهم و يشوفوا سيدرا.
ملاك: ماما نور هقوم اشوفها، مدام مني هشوفها خدت الدواء و لا لا.
ملاك: جدو عايزة اشوفه عمل ايه في موضوع العملية.
ملاك: طنط سهي كانت عايزة كذا حاجة للبشرة هنزل اتكلم معاها.
سيف: بس كدة؟!
ملاك: ايوه. مش عارفة ابدا منين اوف.

سيف: و بالنسبة للغلبان اللي جمبك ده ملهوش اي حاجة.
ملاك: ها؟! لا طبعا هو يعني اقصد.
سيف(برفعة حاجب): اه اه كملي.
ملاك: عايز ايه يا سيف؟!
سيف: اممم نفكر بقي، دي فرصة ماما ملاك اخيرا فكرت في سيف و لو شوية.
ملاك: بطل تتريق يا سيف. قول عايز ايه؟!
سيف: حطيني في قلبك.
ملاك: مش لما تنزلي من زور الاول.
سيف: ايه ده!
ملاك: هو انا طايقاك اساسا.
سيف: بجد طيب.
سيف قام و كان داخل الحمام لقي ملاك مسكت ايده.
ملاك: يا قموص.

سيف: طيب وسعي بقي.
ملاك: يا سيف.
سيف: ابعدي عني يا ملاك.
ملاك: طب انا هدخل الحمام قبلك، هه.
سيف: سايبلك الاوضة كلها.
سيف خرج من الاوضة راح لاوضة تانية خد دوش. ملاك كانت مصدومة من ردة فعله.
ملاك: القموص.
-ملاك دخلت خدت دوش و خرجت كانت ماشية خبطت في سيف و سيف شالها بسرعة بين ايديه لانها كانت هتقع.
ملاك: شكرا.
سيف: مش ملاحظة حاجة؟!
ملاك(باستغراب): ايه؟!
سيف: يعني هو.
سيف كان هيقرب من ملاك بس ملاك بعدت وشها.

ملاك: انت قموص خليك بقي مقموص كتير.
ملاك خلت سيف ينزلها و زقته و جريت علي اوضة الملابس.
ملاك لبست بدلة بناتي باللون الكحلي عبارة عن بنطلون كلي و توب اسود بحمالة عريضة علي الكتف و جاكت بدلة ب كم باللون الكحلي,سيبت شعرها علي ضهرها و حطت روچ احمر غامق و لبست صندل بكعب اسود.
ملاك كانت هتخرج بس سيف وقف قدامها و ربع ايده.
ملاك: خير وسع.
سيف: راحة فين؟!
ملاك: التصوير.
سيف: استنيني هوصلك معايا.

ملاك: شكرا مش عايزة.
سيف: مش بطلب منك.
سيف زق ملاك و دخل غير هدومه,ملاك نزلت جري علي تحت.
نور: ايه يا بنتي؟!
ملاك: ماما نور لو سيف نزل و سأل عليه قولوله مشوفنهاش.
ملاك طلعت جري و بعدها رجعت بسرعة.
ملاك: انا هرجع قريب، حلا و مالك و جودي خليهم يلعبوا و يذاكروا شوية و جاية.
ملاك: يلا باي.
ملاك طلعت تجري ركبت اي عربية من الجراچ و راحت علي الشغل.
سيف(بعصبية): ملاك فين؟!
نور: منعرفش يا ابني.
سهي: ايوه مشوفنهاش.

سيف(بعصبية): عايزين تفهموني انها ما مشيتش من جمبكوا.
مني: اهدي يا سيف في ايه؟!
سيف: في ان الهانم مبتسمعش الكلام و ناقصها تربية.
سيف: بس تربيتها علي ايدي ان شاء الله.
سيف: انا رايح الشغل.
سهي: مش هتاكل؟!
سيف: لا.
سيف خرج بغضب و ركب عربيته راح ل مكتبه.

-في مكان تاني...
عند ملاك.
خالد: اخيرا!
ملاك: ازيك. مين جاب الطفلة دي؟!
خالد: دي شبطت...
شروق: طفلة مين يا واد منك ليها.
ملاك: طفلة و نص مش شايفة شكلك.
شروق: الله يرحم يا ست ملاك.
ملاك: انا انسحب و اروح اشتغل بكرامتي.
خالد: طيب يلا بينا هنروح للموقع.
ملاك: جاك ده هيبقي موجود؟!
خالد: اه.
ملاك: طيب.
ملاك و خالد و شروق ركبوا العربية و راحوا لموقع التصوير.
ملاك: المكان حلو.
شروق: فعلا.

خالد: كل حاجة جاهزة يا ملاك ناقصاكي.
ملاك: امممم فين عم صابر؟!
خالد: هتلاقيه بيودي شوية اوامر للعمال.
ملاك: تمام...
ملاك دخلت و اتمشي في المكان كان علي البحر شاطئ خاص.
جاك: ملاك.
ملاك حطت ايديها في جيبها ببرود.
ملاك: تعرف كنت هنادي عليك.
حاك: خير عايزاني في ايه؟!
-ملاك رفعت ايديها و ضربت جاك قلم بكل غضب علي وشه و كل الناس اللي بتشتغل بصوا عليهم.
ملاك(ببرود): مش هجبرك علي انك تكمل شغل معانا.

ملاك قربت من جاك و اتكلمت بهمس.
ملاك(بصوت واطي): و سيف يبقي جوزي مش صاحبي يعني مش سهل تبعدنا عن بعض.
ملاك: تقدر تأخد قرارك هتمشي و لا هتقعد.
ملاك سابت جاك و راحت للمكان التبديل...
ملاك: هاتيلي عصير.
مساعدة: حاضر يا هانم.
شروق: انتي ضربتي ليه اللي اسمه جاك ده؟!
خالد: ايه اللي انتي عملتيه ده يا ملاك؟!
ملاك: ضايقني شوية وكان بيوقع بيني و بين سيف.
خالد: انا ازاي متخيلتش ان سيف يكون السبب.

ملاك: هو انا طفلة التصرف ده مني انا.
خالد: بس سيف غيرك مخلكيش عارفة انتي مين.
ملاك: خالد و حياتك انا تعبانة ابعد عني شوية.
خالد: ماشي يا ملاك خليه ينفعك.
ملاك: اوف يا خالد في ايه يا خالد سيف قبل ما هو جوز صاحبي جوزي.
خالد: انتي مقتنعة راحة تحبي حد مش ملكك.
ملاك: سيف جوزي يا خالد.
خالد: يعتبر سرقتيه من مراته.
ملاك: سيف مش بيحبها بيحبني انا.
خالد: هيخونك و اكيد كان بيحب حد قبلك لسة عنده ليها ذكريات.

شروق: يا خالد اهدي. بلاش توقع بينها و بين سيف.
خالد: مش بوقع بس بقولها الحقيقة.
شروق: طب اهدي يا خالد.
خالد: ميعاد التصوير بدأ اللبس بتاعك اهو.
خالد خرج من اوضة التبديل و ملاك كانت متعصبة.
شروق: ملاك ابوس ايدك متزعليش انتي عارفة خالد زعلان لانك اتجوزتي و بعدتي عنه و هو كان بيحبك و بيعتبرك اخته و بنته.
شروق: هو بس خايف ل سيف يأخد مكانة خالد عندك...
ملاك: سيبيني البس يا شروق.

ملاك بدأت تغير هدومها و خرجت للتصوير.
صابر: ها جميلتنا اخبارها ايه؟!
ملاك: جاهزة.
ملاك: بس الماية مش ساقعة.
صابر: اكل العيش بقي استحملي.
ملاك: و الله.
ملاك كانت لابسة فستان بسيط جدا باللون الاصفر بحمالة رفيعة علي الكتف و قصير لغاية قبل الركبة و واسع. سيبت شعرها علي ضهرها و حطت مكياج بسيط جدا.
-ملاك نامت علي الرمل و رفعت رجليها شوية ليها و شعرها مفرود علي الرمل و حواليها ورد و وراها امواج البحر.

صابر لقط الصورة دي بسرعة و الماية غرقت نص شعر ملاك.
ملاك: ننجز يا عم صابر الماية دقيقة و هتغرق هدومي...
صابر: مش اعمل حاجة تعجب الزبون.
ملاك(بضحك): هو انت عارضني للبيع و لا ايه.

-في مكان تاني...
في مكتب سيف.
عمر: حمدلله بالسلامة.
سيف: الله يسلمك، ايه خبار الشغل؟!
عمر: متخافيش يا عم زي ما احنا.
سيف: و اخبارك انت و مريم؟!
عمر: فل يا عم، و انت و ملاك؟!
سيف: و حياتك ما اعرف البت شوية تبقي حلوة و شوية تعكنن علي امي.
سيف: شوية تبقي في قمة الانوثة و بعدها تقلب تبقي شبه الشويش عطية.
سيف: شوية تبقي محترمة و فجأة تقلب قلة ادب و لسان طويل.
سيف: مش عارف اتعامل معاها ازاي.

سيف: عندها انفصام.
عمر: معلش يا ابني مش انت اللي حبيت استحمل.
سيف: كان حب اعمي يا عم كنت غلطان.
عمر: استحمل.
سيف: هو انا بعمل حاجة غير كدة.
عمر: طب يلا خد اهو ملف القضية الجديدة اشتغل عليها.
عمر كان هيمشي سيف نادي عليه...
عمر: ايه يا بني؟!
سيف: ما تيجي تقعد مكاني يا عم عمر. تعالي و الله. ه انت ناقص تقولي قوم اعملي شاي يا سيف.
عمر: عملت ايه انا؟!
سيف: اهو ملف القضية اشتغل عليها.
عمر: يا عم انت مجنون.

سيف: عموما خلص موضوع تاج النهاردة.
عمر: حاضر. و بالنسبة ل رزق.
سيف: قربت اوي نهايته.
سيف: كام عملية كمان و نخلص بقي و ننضف.
عمر: طيب.
عمر خرج و خبط في مريم.
عمر: ايه يا عم الجميل؟!
مريم(بهمس): هششش وطي صوتك با عمر.
عمر: يخرب بيت خوفك ده.
عمر: انتي مراتي.
مريم(بهمس): الله يخرب بيتك يا عم. محدش يعرف.
عمر: بت متعصبنيش و تخليني اتجنن و امسك ايدك و اقول لكل الناس انك مراتي.
مريم(بهمس): بيبصوا علينا يا عمر وسع...

عمر: طب ما تيجي في المكتب خمسة؟!
مريم: لا مبجيش و غور.
مريم زقت عمر و كانت هتمشي.
عمر(بصوت عالي نسبيا): انسة مريم تعالي ل مكتبي لحظة.
مريم: ليه يا فندم؟!
عمر: شغل تعالي ورايا.
مريم(لنفسها بغيظ): هقتلك في ايدي اصبر عليا.
مريم: حاضر يا فندم.

-في مكان تاني...
في الجامعة.
عامر: ايه؟!
ريتاج: تاج وحشاني اوي.
عامر: يا بنت المجنونة ردي عليا اصورلك ايه.
ريتاج: اه فهمت.
ريتاج: محاضرة دكتور عبد المعز.
عامر: طيب استني هروح اصور ليا و ليكي و اجي.
ريتاج: طيب.
عامر: خليكي هنا اطلبي عصير لينا.
ريتاج: حاضر.
عامر راح للمكان التصوير لقي صحابه الفاسدين.
1: ايه يا عم فينك كدة؟!
عامر: مش فاضي.
2: هي المرة واكلة عقلك و لا ايه؟!
عامر: نسيتوا نفسكوا و لا ايه؟

عامر: يا ريت تحترموا نفسكوا كدة.
3: من امتي يا عامر؟!
عامر: مش فاضي ليكوا، عم نور صورلي محاضرة دكتور عبد المعز.
نور: حاضر با ابني.
2: ماتبقاش قاسي اوي كدة.
عامر(بعصبية): ما تبعدوا عني بقي الله...
نور: خد يا عامر يا ابني.
عامر: عايز واحدة كمان يا عم نور.
نور: لحظة.
نور: خد يا ابني.
عامر: شكرا.
عامر خد الرق و مشي راح ل ريتاج بس حد من صحاه كعبله و عامر وقع في الارض.
ريتاج(بقلق): عامر.

ريتاج جريت علي عامر و قومته من الارض.
ريتاج: انت كويس؟!
عامر: ايوه يلا بينا نروح.
ريتاج: حاضر.
عامر و ريتاج خرجوا بره الجامعة بس عامر بص ل صحابه بصة غضب.
عامر: اركبي.
ريتاج: حاضر. بس هو حصل ايه؟!
عامر: محصلش حاجة نامي.
ريتاج: افندم!
عامر: اقصد اسكتي.
ريتاج: حاضر.

-في مكان تاني...
في القصر.
حلا: دي ماما جابتها ليا.
جودي: واو حلوة اوي، منين؟
حلا: من روسيا.
جودي: حلوة ممكن اجربها.
حلا: اكيد.
جودي جربت الطقية علي شعرها و كان شكلها حلو.
جودي: ينفع اخدها؟!
حلا: امممم اكيد.
جودي: طلعتي طيبة اوي يا حلا.
حلا: شكرا...
مالك: مش وراكي مذاكرة يلا يا جودي.
جودي: حاضر يا مالك هقعد شوية مع حلا.
حلا: تعالي انت كمان.
مالك قرب منهم و قعد جمبهم و قعدوا يتكلموا و يهزروا.

سهي: ها يا حبايب مين هيأكل.
الكل: انا.
سهي: طب يلا انزلوا علشان تاكلوا.
حلا: انا نفسي اكل ايس كريم.
مالك: بس الايس كريم بيوجع يا حلا و مضر بالصحة.
حلا: نفسي في ايس كريم.
سهي: خلاص هخلي عفاف تعملك ايس كريم، يلا ننزل.
كلهم نزلوا و قعدوا يتغدوا.
نور: كلوا كويس يا حبايبي.
جودي: شكرا يا طنط.
نور: هو رزق مكلمكيش يا طنط.
مني: لا يا بنتي. هو مش بيرد عليكي و لا ايه؟!
نور: لا يا طنط ان شاء الله خير.

سهي: متقلقيش ده دايما فؤاد كان يقلقني عليه و ميتصلش بيا و يعملها مفاجاة و هو جاي و يخضني...
مني(بغمزة): و تعيشوا قصة حب.
سهي(بخجل): بس بقي يا مني.
مني: يا اخواتي.
سهي: حقيقي كان وسيم عنده غمازات زي سيف و عيونه ملونة و كان جميل اوي اوي كنت بغير عليه من الكل، ربنا يجهل مآواه الجنة.
الكل: امين.

-في مكان تاني...
عند ملاك.
ملاك(بصدمة): لحقتوا!
خالد: يعني حلو و لا وحش؟!
ملاك: يا رزل اكيد طبعا حلو. انت اللي عملت كدة.
خالد: اتوزعت كل المجلات.
ملاك: طب كويس.
خالد: و المفروض هنسافر بليل سويسرا.
ملاك(بصدمة): نعم! انت اتجننت مش هلحق و كمان انت كتب كتابك بكرة.
خالد: هنرجع بكرة الصبح.
ملاك: مش فاهمة حاجة.
شروق: ناويت تخلي بيا يا خالد.
خالد: يا مجنونة. لا طبعا.

خالد: هنسافر بليل هنروح الفندق نريح ساعتين نصحي نصور هنركب الطيارة نمشي.
خالد: لاني عارف السنيورة بقي عندها بيت و عيال دلوقتي.
ملاك: يا رزل. مقولتش ليا ليه من قبلها.
ملاك: يا لهوووووي اقول ل سيف ايه.
ملاك: و اكيد مش هيوافق لاني مزعلاه قبل ما امشي.
ملاك: الله يسامحك يا خالد.
ملاك جريت علي اوضة تبديل الملابس.

ملاك لبست فستان احمر كب مبين ضهرها و جسمها من قدامها. قصير لغاية قبل الركبة و واسع,رفعت شعرها ل فوق علي شكل كحكة عالية و شعرها كان مشدود. لبست صندل احمر بكعب و حطت مكياج بسيط.
شروق(بغمزة): راحة فين يا مزة؟!
ملاك: مزة و لا جثة اسكتي ده سيف هينفخنا و هيرفض لو مصالحتوش.
ملاك: اخرسي منك لله يا خالد حرام عليك.
ملاك: كنت هدور علي الفساتين النهاردة مش مسمحاك.
ملاك(بصريخ): عاااااااااا بكرهك.

ملاك ركبت عربية بسواق.
ملاك: روح().
السواق: حاضر يا هانم.
ملاك اشترت ورد كتير ل سيف و راحت ل مكتبه.
-ملاك كانت ماسكة زي حوض اسود فيه ورود كتيرة باللون الاحمر. ملاك وطت شمت ريحته و ابتسمت.
ملاك: لو سمحت فين مكتب سيف الدين فؤاد رضوان.
بنت: اخر دور يا فندم.
ملاك: شكرا.
-ملاك ركبت الاسانسير و طلعت اخر دور دخلته ملقتش حد فيه استغربت راحت ل باب مكتوب عليه سيف الدين و ملقتش السكرتيرة.

ملاك فتحت الباب و دخلت و بصت بصدمة ل سيف.
سيف(بخضة): ملاك.
ملاك دخلت لقت جودي بتلعب في زراير قميص سيف و قاعدة علي رجله.
سيف اول ما ملاك دخلت اتخض و زق جودي بعيد عنه.
ملاك(بابتسامة): مساء الخير.
ملاك: عاملة ايه يا جودي؟!
جودي(بقرف): الحمد لله. كنا احسن قبل ما تيجي.
ملاك حطت الورد علي مكتب سيف و قربت من سيف مسكت ايده.
ملاك(بابتسامة): طب كويس. معلش عكننت عليكي.
ملاك: ممكن تمشي علشان عايزة جوزي في موضوع خاص.

ملاك: اتمني مكونش بطردك يعني.
جودي(بخبث): لا بس سيف كان مرتاح و انا علي رجله صحية يا حبيبي.
جودي: هو كان بيقول انه هيتطلق منك.
ملاك(ربعت ايديها): لغاية ما نتطلق و انتي مش مراته انا لسة مراته و ليا الحق عليه.
جودي: ايه اللي يثبت انكم متجوزين مين يعرف.
-سيف كان واقف بيبص علي ملاك و جودي و سكت فتح عينيه علي اخرهم لما لقي ملاك شدته و (لخيالكوا).

جودي بصتلهم بغضب و خرجت بسرعة. ملاك كانت هتبعد عن سيف بس سيف شدها ليه اكتر.
ملاك(بغضب): ابعد عني.
سيف: استني بس و هفهمك.
ملاك: مش معني اني كنت هادية و اتعاملت مع الموقف بهدوء يبقي ده معناه اني مش هنفجر فيك.
سيف: يا روحي طلعي كل غضبك فيا بس متتعبيش نفسك علشان خاطري، شايفة بتتنفسي ازاي؟!
سيف: علشان خاطري اقعدي و اهدي علشان خاطري.
-سيف باس ايد ملاك و بص في عينيها و ملاك كانت بتحاول تهدي نفسها.

ملاك: ابعد عني. عايزة ابقي لوحدي.
ملاك كانت هتخرج بس سيف مسك ايديها.
سيف: خليكي هنا و هسيبك لوحدك. و الله بس متتحركيش من هنا الا لما تهدس و ترضي تسمعيني.
ملاك: بره.
سيف خد ملفاته و خرج بره المكتب.
بسمة: سيف بيه هو.
سيف: محدش يدخل اوضة مكتبي نهائي ايا كان مين.
سيف: و انتي اجازك النهاردة يلا روحي...
-سيف قعد مكان مكتب السكرتيرة و بدأ يشتغل و دماغه مشغولة ب ملاك.

-ملاك كانت محتارة مش عارفة تعمل ايه تمشي و لا تتعصب و لا تعمل ايه، كان في دماغها مليون فكرة.
عمر: مالك يا ابني بتعمل ايه؟!
سيف: مش شايفني بشتغل.
عمر: فين بسمة و انت مالك بتشتغل بره كدة ليه.
مريم: عمر كان في قضية عايزاك تشوفها معايا.
مريم: مستر سيف.
سيف: كله يروح علي شغله.
عمر: ما تتكلم يا ابني في ايه؟!
سيف: ملاك جت و دخلت و لقت جودي في حضني و علي رجلي.
عمر: ضربتك شتمتك سابتك و مشيت.
سيف: يا ريت.

سيف: اتكلمت بكل هدوء و خلت جودس تمشي و بعدها انفجرت فيا انا اقنعتها بصعوبة تفضل قاعدة في المكتب لوحدها تفكر.
مريم: ممكن ادخل ليها؟!
سيف: طيب.
سيف: مش عارف ايه ده.
سيف: سيدرا اول ما تسمع كلمتين حلوين مني تنسي انها كانت زعلانة اصلا.
عمر: معلش برضو ملاك غير سيدرا و الا مكنتش حبيتها...
سيف: عندك حق، الحب مرهق اوي.
مريم دخلت ل ملاك علطول لقتها قاعدة سرحانة.
مريم: ايه كل الشياكة دي يا معلم؟!

ملاك: ها؟! مريم ازيك يا حبيبتي.
ملاك قامت و حضنت مربم و قعدوا علي الكنبة.
مريم: واو ايه الورد الشيك ده اول مرة اشوفها في مكتب سيف بيه.
ملاك: خديهم لو عايزة ميستاهلش حاجة اصلا.
مريم: ليه بس كدة حرام، و الله بيحبك.
ملاك: بيحبني بس بيكلم غيري بيحبني بس بيقرب علي غيري بيحبني بس شايف غيري.
ملاك: ايه لازمة حبه بقي.
سيف(بهمس): اخرس بقي خليني اسمع...
عمر(بهمس): عايز اسمع حكمة مراتي الله.
سيف(بهمس): طب اخرس.

ملاك: ساعات كتير بكون طايرة من الفرحة و هو جمبي و مبسوط و بيضحك و الدنيا تمام.
ملاك: من ساعة ما جودي دي ظهرت و انا كرهت حياتي...
ملاك: كل ما اشوفه الاقيها. اوف زهقت بقي.
ملاك: بحاول اكون ست عاقلة و مخليش حد يشمت فينا بس مش قادرة مش قادرة يا مريم.
ملاك: سيف.
سيف: و الله العظيم بيحبك سيف و الله العظيم بيحبك. و بيحب كل نفس انتي بتتنفسيه و كل حرف بيطلع من بين شفايفك و بيحب كل حاجة فيكي.

سيف: و الله العظيم بحبك يا ست متتعبيش قلبي. قلبي تعبان لوحدي من ساعة ما عرفك و هو مبطلش بينادي علي اسمك و قلبه كله مليان حب و عشق.
سيف: ارضي عليه.
-عمر شاور ل مريم علشان يخرجوا,سيف قرب من ملاك و قعد علي ركبته و مسك ايديها باس باطن ايديها بحب.

سيف: سلطانتي, عرش محرابي الوحيد,حبي,و ضياء قمري، يا اعز اصدقائي,كاتمة اسراري,وجودي,حبي الاول و الوحيد,يا اجمل الجميلات، يا ربيعي,حبي المرح,نهاري,قلبي,و ورقتي الضاحكة. يا حديقتي,زهرتي الحلوة,الوحيدة التي لا تحمِّلني هموما في هذا العالم.
يا امرأتي ذات الشعر الجميل سأنشد مدائحك دوما.
فانأ المحب ذو القلب الملوع,محبي العيون الملآي بالدموع. حقا سعيد بوجود اجمل إمراةٍ بجواري و بين يداي...

ملاك كانت حاسة بمشاعر مختلفة خالص بعيد عن الغضب و الكره و العصبية مسكت ايد سيف و قربتها منها و غمضت عينيها و باست ايده كان شئ صعب جدا علي ملاك انها تعمله و سيف لاحظ ده.
سيف ابتسم بحب ل ملاك و حط ايده علي خدها.
سيف: اسف و اللع لقيتها دخلت فجاة و قعدت علي رجلي مكنتش اعرف انك جاية و كنت بزعق ليها.
ملاك: خلاص بقي مُصر تعكنن عليا اوف.
سيف: اسف، بس ايه الورد الجميل ده؟!
ملاك: عجبك؟!

سيف: طبعا جمال الورد يحكي عن جمال صاحبته.
ملاك: انت علطول كدة يا سيف بطل بتحرجني.
سيف قرب من ملاك و خدها في حضنه و باس راسها.
سيف: الورد جميل اوي يا روحي.
سيف خد حوض الورد و حطه في جمب لوحده و كان شكله شيك في الاوضة.
سيف: حاجة تسليني في الشغل لغاية ما اشوفك.
ملاك(بتوتر): سيف عايزة اقولك حاجة.
سيف مسك ايد ملاك و راح قعد علي الكنبة و قعد ملاك علي رجله و حاوطها بأيده.
سيف: قولي خايفة ليه؟!

ملاك(غمضت عينيها): انا هسافر سويسرا بليل.
سيف لا رد.
ملاك: يا سيف عارفة انه قرار مفأجي و كدة بس بليز يا سيف مترفضش.
سيف: اعملي اللي انتي عايزاه يا ملاك...
سيف قام وقف و راح قعد علي مكتبه ببرود...
سيف: لو مش معاكي سواق هطلبه ليكي.
ملاك: يا سيف.
سيف(ببرود): عندي شغل يا ملاك، يلا باي.
ملاك: براحتك انت اللي ندمان.
ملاك خدت شنطتها و خرجت بعصبية من المكتب.
مريم: ها عملتوا ايه؟!
عمر: سيف فين؟! هتخرجوا!

ملاك: صاحبك عايز ضرب الجذمة و انا غلطانة اني جيت و عبرته.
مريم: يالهوووووووي انتوا مش بتعرفوا قاعدين مبسوطين يوم واحد.
ملاك: حيوان انا همشي...
عمر: مش شايفة انك بتغلطي كتير.
ملاك: قصدك ايه؟!
عمر: قصدي انه بيعمل كل اللي في وسعه علشان يسعدك و انتي و لا هنا.
ملاك: عمر انت في صف صاحبك مش في صف الحق...
عمر: لا في صف الحق الراجل عمره مع عمل كدة و لا مع سيدرا و لا مع جودي...

عمر: مش بيضعف غير قدامك. مش بيحب غيرك افهمي بقي افهمي، بتعذبيه و خلاص، حسي بيه بقي.
ملاك(بصوت عالي): و انا مين يحس بيا؟!
سيف خرج مخضوض بسرعة علي اثر الصوت.
ملاك(بعصبية): رد مين يحس بيا؟! كله مصلحته و بس كله سعادته و بس.
ملاك(بعصبية): حد عمره فكر في البنت اللي واقفك قدامكوا اللي ضيعت سنين من حياتها بس علشان خاطر شخص واحد، و اللي خايفة تضيع سنين تانية من حياتها بسبب شخص تاني...

ملاك(بعصبية): كله شايف نفسه و بس، كلكم جايين عليا انا و بس انا دايما المذنبة.
ملاك و هي بتغمض عينيها و تقفلهم.
ملاك(بتوهان): انا دايما اللي ظالمة...
سيف(بقلق): ملاك حبيبتي اهدي محصلش حاجة.
ملاك: ابعد عني متلمسنيش.
ملاك: مش عايزة حد في حياتي من بعد النهاردة.
ملاك سابتهم و كملت مشي و ركبت الاسانسير. سيف و عمر و مريم نزلوا جري علي السلالم.
ملاك خرجت من الاسانسير الاول و سيف كان نازل علي السلم.

و فجأة الكل سمع صوت ضرب نار...