رواية الملاك المتمرد للكاتبة سلسبيل كوبك الفصل الخامس

رواية الملاك المتمرد للكاتبة سلسبيل كوبك الفصل الخامس

عند ملاك.
ملاك(بضحك): حرام عليكي خلصتي كل طاقتي. مش قادرة...
جودي(بطفولية): لا انا عايزة العب تاني.
ملاك: طب نذاكر بس ساعة واحدة بليز بليز.
جودي: طيب ساعة واحدة.
ملاك: ساعة واحد بس.
جودي: طيب.
ملاك و جودي بدأوا يذاكروا و يهزروا شوية.
عند الباقي تحت.
مني: هما لسة منزلوش من فوق؟!
سهي: لا من شوية كنت عندهم و كانوا بيهزروا.
سيدرا(بحدة): يعني ايه بيهزروا المفروض جودي تذاكر.

سيدرا قامت و طلعت لاوضة جودي و فتحت الباب فجأة.
ملاك(بخضة): في حاجة يا سيدرا؟!
سيدرا: لا مفيش كنت جاية اطمن عليكوا.
جودي: طنط ملاك يا مامي عرفت تحفظني اللي انا مش عارفة احفظه.
سيدرا: كويس.
ملاك: سيدرا ممكن اتكلم معاكي شوية؟!
سيدرا: تمام.
ملاك: كملي يا جودي و هأجي اخليكي تكتبيهم كلهم.
جودي: حاضر.
ملاك و سيدرا راحوا قعدوا في اوضة ملاك.

ملاك: بصي يا سيدرا انا عارفة انه احساس صعب انك تشوفي واحدة تانية في حضن جوزك.
ملاك: بصي خليكي واثقة و متأكدة ان سيف ليكي انتي و بس. و مش هيبقي بيني و بينه حاجة.
ملاك: طول ما انتي هنا ولادك ولادي بس جوزك مش جوزي.
ملاك: انا مكنش ينفع ادخل البيت ده من غير رابط بيربطني بالعائلة، ولادك في عيوني اما سيف ليكي لوحدك.

ملاك: متزعليش مني يا سيدرا. انا اسااسا مش بتاعة جواز و الكلام ده انا قادرة اشيل مسئولية نفسي لما اشيل مسئولية راجل.
سيدرا(بدموع): انا بحب سيف من و انا صغيرة يا ملاك.
ملاك: عارفة يا روحي متزعليش و ان شاء الله هتخفي. و هتبقي احسن صدقيني.
سيدرا حضنت ملاك اوي و ملاك طبطبت علي ضهرها.
ملاك: ايه الصوت ده؟!
سيدرا: ده ده صوت سيف بيزعق.
سيدرا و ملاك نزلوا بسرعة يشوفوا في ايه.
سهي: اهدي يا سيف يا حبيبي.

سيف(بغضب): اهدي ازاي و اللي وراكي دي معرفتش تتربي.
سيدرا: حبيبي في ايه؟!
سيف(بغضب): الهانم اختك مكنتش في الجامعة لا كانت بتقابل واحد و فين في اوضة في فندق.
سيدرا(بصدمة): عملتي كدة يا تاج؟!
تاج: قولتلك احنا بنحب بعض و هو كان هيجي يتقدم و يتجوزني.
سيف(بغضب): انتي ناوية تخليني اضربك. تقومي تروحي معاه اوضة في فندق و يا تري كنتوا بتعملوا ايه.
تاج: مكناش بنعمل انت دخلت لقتني قاعدة علي الكنبة.

سيف: و الغندور كان في الحمام، المفروض بقي اصدق انه مكنش هيعملك حاجة.
تاج(بعصبية): انت مكبر الموضوع اوي.
سيف راح بغضب علي تاج و ضربها قلم بس ملاك وقفت في وش تاج و خدت هي القلم. الكل اتصدم من حركتها.
-سيف لقي خط دم نازل جمب شفايفها و هي حست بدوخة و قعدت تغمض عينيها و تفتحها كتير لغاية ما استسلمت و وقعت بس سيف لحقها قبل ما تقع.
سيف: ملاك ملاك، ردي.

سيف شال ملاك بسرعة و طلع علي اوضتها حطها علي السرير، و جاب ماية حطها علي وشها.
ملاك(بوجع): آآه.
مني: ها يا ابني ايه الاخبار؟!
سيف: بتفوق.
سيدرا(بخوف): ملاك يلا قومي قومي بقي.
سيف حط ماية تاني علي وش ملاك. ملاك قامت بسرعة.
ملاك(بوجع): اوف ايه الوجع ده؟! انت ايدك ايد جحش و لا خنزير و لا بهيمة.
سيف(بحدة): احترمي نفسك و مكنش لازم تعملي فيها البطلة و تقفي في وشي.

ملاك: هو انا اساسا كنت متوقعة انك هتضربها قلم بايد الجحش دي. انا كنت راحة اقف قدامها لسة هتكلم لقيت جحش واقف قدامي و لا تور ثور معرفش.
مني(بابتسامة): خلاص يا روحي معلش. الف سلامة.
ملاك: الله يسلم حضرتك.
سهي: لسة موجوعة؟!
ملاك(بتمثيل): الوجع انا معرفش غير وجع القلب. عمرك جربت وجع القلب القلب ملهوش دواء غير حبيب و قريب.
ملاك: ايه اللي انا بقوله ده.
الكل الا سيف ضحك عليها.
سيف: ممكن تسيبوني معاها شوية؟!

الكل خرج من الاوضة و سيف نزل لمستوي ملاك.
سيف: هو انا مش قولتلك ممنوع الشتايم.
ملاك زقته براحة و قامت وقفت.
ملاك: اه قولت. و انا استغليت وجودهم علشان اشتمك. عادي جدا.
سيف كان لسة بيقرب علي ملاك، ملاك جريت علي الحمام و قفلت الباب.
سيف: طيب خليكي جوا و لو خرجتي وريني هتخرجي ازاي. مستنيكي بره.

-في مكان تاني...
في فيلا ملاك.
خالد: انت كويس متأكد؟!
محمد: قولتلك اه يا ابني.
خالد: طب اتصل ب ملاك.
محمد: لا لا. ما الدكتور معتز جه و قالك اني كويس.
خالد: انا مش غبي، انت خليته يخرجني و اتكلمتوا.
محمد: طيب.
خالد: طب قولي بس و هساعدك.
محمد: يا ابني مفيش حاجة.
خالد: طيب بس خليك عارف مش هسكت.
محمد: هو انا هخلص من ملاك هتيجي انت.
خالد: ايوه. و خلي بالك عيوني عليك يا محمد...
محمد: محمد حاف كدة يا حيوان.

خالد: هعرف وراك وراك يا جدو محمد. حلو كدة؟!
محمد: غور ياض من وشي.
خالد: غاير هظبط تصوير ملاك بكرة.
خالد ساب محمد و خرج ركب عربيته و راح يشوف شغله.

-في مكان تاني...
عند مالك.
مالك كان راكب الاتوبيس بتاعه و حاطط رأسه علي الشباك.
بنت: مالك يا مالك؟!
مالك: مفيش يا ياسيمن.
ياسمين: في حاجة في البيت؟!
مالك: لا عن اذنك وصلت.
مالك نزل من الاتوبيس دخل الجنينة لقي سيدرا قاعدة مع مني و سهي.
سهي: حمد لله بالسلامة.
مالك: الله يسلمك.
سيدرا: يلا يا حبيبي اطلع خد دوش و انزل علشان تتغدي.
مالك: تمام.
مالك خد شنطته و طلع علي اوضته.
مني: معلش يا سيدرا هو مضايق شوية.

سيدرا: عارفة يا تيتة.
عند ملاك و سيف.
ملاك فتحت الباب طلعت رأسها لقت سيف قفلت الباب علطول.
ملاك: وسع بقي متبقاش غلس.
سيف: لاحظي انك بقيتي بتشتمي كتير بس انا هوديكي درس علشان تتعلمي ازاي تحترمي نفسك. طبعا ما انتي لو كان عندك ام و اب عرفوا يربوكي مكنتيش هتبقي قليلة الادب كدة.
ملاك فتحت الباب و خرجت بغضب.

ملاك(بغضب): انا اينعم بابا و ماما ماتوا بس الحمد لله ربنا رزقني باللي احسن منهم جدو و هو عرف يربيني، مش زيك شخص جاهل و عصبي و ايدك سابقاك.
ملاك زقت سيف و مشيت.
ملاك: و علفكرة وجودي هنا مش علشانك وجودي هنا علشان خاطر جميل مراتك عملته ليا زمان و انا برده ليها.
-ملاك فتحت الباب و قفلته بعنف و خرجت من القصر و راحت للجنينة من ورا قعدت فيها و غمضت عينيها لفترة و بعدها دخلت القصر تاني.

جودي: انتي كنتي فين يا طنط ملاك دورت عليكي.
ملاك: كنت بشم هواء في الجنينة يا روحي.
جودي: يلا علشان نتغدي.
و الكل قعد يتغدي و سيف قاعد بين ملاك و سيدرا.
تليفون ملاك رن، الخط اتفتح.
ملاك: الو، ازيك يا خالد.
خالد: انا شكلي اتنسيت.
ملاك: انا اقدر بس. اخلص متصل ليه؟!
خالد: ايه ده هو انا كلب بلد يا بنتي.
ملاك: و الله ظلمنا الكلب.
خالد: طيب و ربي لما اشوفك.
ملاك: اخلص بقي.
خالد: بكرة في تصوير.
ملاك: طيب الساعة كام؟!

خالد: الساعة 10 الصبح.
ملاك: طيب عدي عليا الساعة 8 هروح ازور جدو و اقعد معاه شوية و بعدها نروح التصوير.
خالد: طيب.
ملاك: باي. Go to the hell.
خالد: هقابلك هناك يا روحي.
ملاك(بضحك): طيب باي.
جودي: هو انتي بكرة راحة الشغل بتاعك.
ملاك: اه...
جودي: ممكن اجي معاكي؟!
ملاك: ممكن يا روحي بس قولي لبابا الاول.
جودي: بابي...
سيف(بجدية): لا يا جودي مش هتروحي في حتة.
جودي: يا بابي.
سيف(بحدة): قولت لا.

جودي سابت الاكل و قامت مشيت و ملاك قامت وراها.
مني: مالك يا سيف مش عايزها تروح ليه؟!
سيف: كدة علشان متتعودتش علي كدة.
مالك: عن اذنكوا.
سيدرا(بحزن): انا بكرة هروح للدكتور...
سيف باس رأسها و خدها في حضنه.
سيف: هأجي معاكي و متخافيش ان شاء الله خير.
سيدرا: بحبك.
عند جودي.
ملاك: خلاص بقي علشان خاطري متعيطيش.
جودي(بعياط): محدش بيرضي يخرجني بيخرجوني لما يجي اخر الاسبوع بس. و ساعات لا.

ملاك(بهمس): طب بصي هأخدك معايا بكرة.
جودي: ازاي؟!
ملاك(بهمس): هو عليه بكرة شغل اكيد و بيرجع علي الساعة 9 بليل النهاردة بس رجع بدري علشان خاطر تاج...
ملاك(بهمس): انا هأخدك معايا الصبح و هنقول ليهم ميقولوش ل سيف و هنرجع قبل ما يجي.
ملاك: موافقة؟!
جودي(بفرحة): اه.
جودي نطت علي ملاك حضنتها و ملاك باست راسها.
ملاك: يلا بقي نامي علشان بكرة الصبح هأخدك معايا.
جودي: انا بحبك اوي يا طنط ملاك.

ملاك: و انا بموت فيكي. يلا تصبحي علي خير.
ملاك غطت جودي و نيمتها و باست رأسها.
-ملاك خرجت راحت علي اوضتها لقت سيف خارج من الحمام بالبنطلون بس خرجت بره الاوضة بسرعة و مسكت ايد الباب.
ملاك: اوف يخرب بيت المواقف المحرجة...
-سيف استغربها و راح فتح الباب و ملاك كانت ساندة علي الباب و كانت هتقع بس سيف مسكها.
ملاك(و هي مغمضة عينيها): اسفة مكنش قصدي ادخل عليك كدة...
سيف: انتي هبلة يا بت.
سيف رمي ملاك علي الارض.

ملاك(بوجع): يا حيوان...
سيف مرضيش يعلق علي كلامها و دخل لبس التي شيرت بتاعه و خرج عدي علي ملاك و هي في الارض.
ملاك: ايه جنابك معدي علي حشرة.
سيف(ببرود): طب حاسبي ل حد يدوس عليكي.
سيف راح علي اوضة سيدرا. ملاك كانت علي اخرها.
ملاك(بغضب): الحيوان اللي بيجرح من غير ما يحاسب علي كلامه.
ملاك قامت و راحت قعدت علي السرير قلعت الصندل و بدأت تفك زراير قميصها و قلعته.
سيف: هاتي.

ملاك رفعت عينيها بصدمة و كانت هتعيط سيف خرج بره الاوضة و قفل الباب.
ملاك غيرت هدومها بسرعة و نزلت تحت البطانية حاولت تنام.
الباب خبط.
ملاك(بارتباك): انا نايمة.
سيف: و بتردي ازاي؟!
ملاك(لنفسها): اللعنة عليكي يا ملاك...
سيف: ناوليني موبايلي.
ملاك(من تحت البطانية): خش خده و اخرج.
سيف(بحدة): قومي.
ملاك رفعت البطانية بغضب و بتبص لقت موبايله مسكته و مشيت و هي مغمضة عينها و مدت التليفون بايديها.

سيف: بتتكسفي يا بيضة.
سيف خد الموبايل و خرج و ملاك قعدت تضرب نفسها بالقلم و تخبط رأسها في الحيطة.
ملاك: انا حيوانة حيوانة حيوانة.
عند سيف و سيدرا.
سيدرا: ايه اللي اخرك يا حبيبي؟!
سيف: مفيش حاجة مكنتش لاقيه.
سيف راح نام علي السرير و سيدرا حضنته.
سيدرا(بدموع): هتوحشوني اوي.
سيف: و انتي كمان، و متخافش كلمت الدكتور و الدكتور قال في امل. اتمسكي بالامل ده.

سيدرا: انت هتوحشني اوي يا سيف و هيوحشني حضنك كنت لما بعيط بحضنك. او لما بكون خايفة.
سيدرا: خلي بالك من تاج.
سيف: اكيد يا سيدرا.
سيدرا: بحبك اوي يا سيف.
سيف باس رأسها و شدد عليها و هي في حضنه.
سيدرا قربت من سيف و (لخيالكوا) و...

-في الصباح الباكر...
الكل كان صاحي بدري علشان يودع سيدرا.
مني: هتوحشينا يا بنتي.
سيدرا: و انتي كمان يا تيتة.
تاج(بدموع): خلي بالك من نفسك.
سيدرا: حاضر. بس اسمعي كلام سيف.
سيدرا: هتوحشيني يا طنط.
سهي: و انتي اكتر.
سيدرا حضنت رزق جامد و رزق باس رأسها.
سيدرا(بدموع): هتوحشوني.
سيدرا حضنت مالك و جودي اوي.
جودي: هو لازم تسافري يا مامي؟!
سيدرا: اه يا حبيبتي، اسمعي كلام طنط ملاك.
جودي: حاضر.
سيدرا: و انت يا مالك.

مالك: حاضر.
سيدرا حضنت ملاك و ملاك قعدت تطبطب علي ضهرها.
سيدرا: في عينك يا ملاك.
ملاك: متقلقيش يا روحي. خلي بالك من نفسك.
سيدرا مسكت في ايد سيف و خرجوا.
ملاك: عن اذنكوا يلا يا جودي.
ملاك مسكت ايد جودي و اختارت ليها لبس.
جودي لبست بنطلون ابيض و تي شيرت باللون الزيتي بنص كم و كوتشي اسود.
ملاك: تعرفي انا عندي طقم زي ده هلبسه.
جودي: واو.
ملاك دخلت اوضتها و بدأت تلبس هدومها.

ملاك لبست بنطلون ابيض و تي شيرت ب ¾ كم باللون الزيتي و كوتشي اسود عالي نوعا ما. و سيبت شعرها علي ضهرها و حطت روچ احمر غامق و كحل حدد عينها.
ملاك: استني هشوف مالك و اجي.
ملاك راحت لاوضة مالك و خبطت الباب.
مالك: ادخل.
ملاك: هاي يا قمر. كويس انك لبست يلا خد شنطتك و انزل افطر مع جودي.
مالك: تمام، لابسة ليه يا جودي؟!
جودي: طنط ملاك هتأخدني معاها الشغل.
مالك: هو مش بابي قال لا.

ملاك: ما انت مش هتقوله يا قمر و مفيش حد هيقوله و هو مش هيعرف.
مالك: جربي غضبه علشان تتعلمي.
مالك ساب ملاك و نزل بدأ يفطر. ملاك و جودي نزلوا وراه.
مني: رايحين فين؟!
ملاك: هنروح انا و جودي علي الشغل لانها نفسها تخرج.
مني: بس سيف رفض امبارح.
ملاك: عارفة ما هو احنا هنرجع بدري.
مالك خد شنطته و خرج من القصر و ركب الاتوبيس بتاعه.
سهي: بس.
ملاك: انا هبقي اقوله انا. يلا باي قبل ما تاج تنزل.

ملاك خدت جودي و لقت عربية خالد. خالد اول ما شافها حضنها جامد.
ملاك: وحشتني اوي.
خالد: جودي صح؟!
جودي: صح.
خالد: اهلا بالقمر.
ملاك و جودي ركبوا العربية من ورا و خالد قدام جمب السواق.
و راحوا ل بيت ملاك.
جودي: احنا فين؟!
ملاك: ده بيتي يا روحي هنسلم علي جدو و بعدها هنروح الشغل.
ملاك نزلت جريت علي جوا و اول ما شافت جدها حضنته و باست ايدها.
ملاك: حبيبي حبيبي حبيبي وحشتني اوي.
محمد: حبيبة قلبي انتي وحشتيني اكتر.

ملاك: تعالي يا جودي ده جدو.
جودي: ازيك يا جدو.
محمد: بخير يا روحي.
و قعدوا يتكلموا شوية و يهزروا و يضحكوا.

-في مكان تاني...
في عربية سيف.
سيدرا: تعرف.
سيف: ايه؟!
سيدرا: انا بحبك اوي يا سيف.
سيف: و انا كمان.
سيدرا: مش هتنساني؟!
سيف: لا يا هبلة كل شوية هجيلك.
و بعد فترة وصلوا للمستشفي و نزلوا.
سيف: لو سمحت دكتور عدلي فين؟!
سيدرا: هو ده.
سيف: اه اهلا بحضرتك...
عدلي: اهلا و سهلا...
سيف: طبعا انت من افضل دكاترة مصر و ان شاء الله هتبقي كويسة.
عدلي: ان شاء الله و هتتحسن.
عدلي: ابتسام.

عدلي: اتفضلي مع الممرضة ابتسام هتوديكي اوضتك.
سيدرا حضنت سيف اوي و سيف باس رأسها. سيدرا مشيت.
عدلي: متقلقش يا سيف بيه هنعمل كل اللي نقدر عليه علشان تتحسن.
سيف: واثق من ده. عن اذنك لو في حاجة اتصل بيا.
عدلي: حاضر.
سيف مشي ركب عربيته و راح علي الشغل.
عند سيدرا.
سيدرا: شكرا ليكي.
ابتسام: و لا يهمك انا هنا علطول هبقي معاكي.
سيدرا: شكرا.
عدلي: ان شاء الله تتحسني عندنا يا هانم.
سيدرا: يا رب.

-في مكان تاني...
في مكتب سيف.
عمر(بغمزة): ايه الاخبار يا عريس؟!
سيف: في ايه يا عمر؟! عايز ايه؟!
عمر: مش عايز يا عم انا غلطان. كويس انك جيت قضية يوسف اتحددت الجلسة.
سيف: عارف...
عمر: يا واد يا جامد، و انا اللي كنت فاكر ان ملاك هتنسيك شغلك و كل حياتك. اصلها الصراحة تنسي اي واحد اسمه اسااسا.
سيف قام بكل غضب مسك رقبة عمر و زقه علي الحيطة.

سيف(بغضب): انا ماسك نفسي يا عمر ابعد عني، و متتكلمش في الموضوع ده تاني، ملاك فترة في حياتي او بمعني اصح فترة في حياة ولادي و هتعدي ست شهور و هتبقي بره عالمي، طول الفترة دي سيرتها متجيش علي لسانك. فاهم...
عمر(بخنقة): ابعد يا سيف.
سيف زق عمر علي الحيطة تاني و رجع قعد في الكرسي بتاعه.
سيف: ابعت مريم علشان هنتكلم في القضية.
عمر: يا شيخ ده انت مفتري.
عمر خرج نادي مريم و بدأوا يشتغلوا.

-في مكان تاني.
عند ملاك.
وصلوا لمكان التصوير و نزلوا.
ملاك: سارة خدي جودي جيبي ليها حاجات تأكلها عقبال ما اغير.
سارة: حاضر يا هانم.
سارة: يلا يا جودي.
ملاك: متخافيش انا اهو يلا.
صابر: هو الجواز طلع حلو و لا ايه؟!
ملاك حطت ايديها علي بوق صابر و بصت يمينها و شمالها.
ملاك: تصدق انا استاهل ضرب الجذم اني خليت خالد يقولك يا عم صابر.
صابر(بضحك): بهزر بهزر، يلا شوفي هتعملي ايه عقبال ما اجهز نفسي.
ملاك: طيب.

خالد: اهو الورق يا ملاك.
ملاك: طيب.
ملاك راحت قعدت في الاوضة اللي في العربية و بعدها جودي دخلت.
ملاك: اهلا اهلا، مبسوطة؟!
جودي: اه. خدي جبتلك الشيكولاتة دي.
ملاك: يا روحي تسلمي.
ملاك بدأت تلبس هدومها و تظبط المكياج.

ملاك لبست فستان اسود في دهبي قصير من قدام لغاية قبل الركبة و من ورا طويل باللون الاسود لغاية الرجل و ب ¾ كم، و رفعت شعرها ل فوق علي شكل كحكة و نزلت كام خصلة كانت رقبتها و اكتافها باينه. و حطت روچ احمر دم غزال و لبست صندل بكعب دهبي.
ملاك نزلت و جودي معاها و راحت ل صابر.
صابر: اهلا يا حلوة. ممكن تقفي جمبي لغاية ما اصور القمر دي.
جودي: اه.
ملاك(بابتسامة): قلبي.

ملاك: هو ليه كل حاجة باللون الدهبي كدة؟!
صابر: علشان انا عايز كدة.
ملاك: طيب.
-ملاك سندت علي الحيطة و رفعت رجليها و حطت ايديها تحت دقنها و ابتسمت ابتسامة جميلة...
-ملاك مسكت وردة حمراء و حطتها بين ايديها و زي كأنها بتشمها مع ابتسامة رقيقة.
صابر: كويس اوي، بريك.
ملاك: جودي حبيبتي تيجي تتصوري.
جودي هزت رأسها كتير بمعني اه و جريت علي ملاك.
ملاك: عم صابر صورنا.
ملاك نزلت ل مستوي جودي وصابر لقط الصورة دي.

صابر: هاتوا كرسي.
-جابوا كرسي و حطوه و جودي طلعت عليه وقفت و ملاك بعدت عنها فترة و مسكت ايديها.
صابر: شيليها يا ملاك.
-ملاك شالت جودي و باست رأسها و صابر لقط الصورة.
صابر: اجهزوا يا جماعة.
ملاك نزلت جودي. و ملاك دخلت تغير هدومها.
ملاك لبست فستان احمر كب و قصير لغاية الركبة و لبست صندل احمر بكعب و حطت روج هادئ باللون الاحمر و رفعت شعرها كله علي شكل كحكة و لبست حلق دهبي في احمر و انسيال باللون الدهبي.

ملاك نزلت و راحت ل صابر.
ملاك: الله هركب مرجيحة.
صابر: الصبر هو انتي متأكدة انك واحدة عاقلة عندها 24 سنة.
ملاك: بيقولوا.
-كان في مرجيحة متزينة بالورد ملاك راحت قعدت عليها و مسكت في اطرافها و بصت برقة مع ابتسامة لطيفة...
ملاك(بصدمة): يا نهار اسود!