رواية الملاك المتمرد للكاتبة سلسبيل كوبك الفصل الحادي والثلاثون

رواية الملاك المتمرد للكاتبة سلسبيل كوبك الفصل الحادي والثلاثون

(بصريخ): الحقووووووووووني.
-سيف و ملاك و عمر بصوا ل بعض و فجأة قاموا جريوا علي بره و اتصدموا...
ملاك(بخضة): مدام نور!
عمر(بصدمة): هي بتنزل دم ليه؟!
سيف(بحدة خفيفة): انت مستني ايه اتصل بالاسعاف.
مني: في ايه اللي بيحصل هنا؟!
مني(بصدمة): نور!
سهي(بنوم): في ايه؟! ايه الصريخ ده؟!؟
عمر: الاسعاف قدامه تلت ساعة.
سيف: طيب.
ملاك(بقلق): هي كدة سقطت؟!
سهي(بصدمة): سقطت!

مني: الصبر من عندك يا رب هنلاقيها من فين و لا من فين.
الكل كان واقف مندهش و سيف عقله يعتبر وقف عن العمل...
ملاك قربت من سيف و حطت ايديها علي كتفه.
ملاك: ان شاء الله هتبقي كويسة و هنلحقها.
عمر: الاسعاف جت.
نقلوا نور في عربية الاسعاف...
سيف: محدش يجي يلا يا عمر.
ملاك: هأجي معاك استني.
سيف: لا مش عايز حد معايا. يلا يا عمر.
سيف و عمر راحوا ورا عربية الاسعاف. و الباقي قعد متوتر.
ملاك: خدي يا مدام مني اشربي.

مني: اشرب ايه هو حد ليه نفس يشرب حاجة بس.
ملاك: طب خدي دؤاكي.
مني: لما نطمن الاول معرفش رزق هيعمل فينا ايه.
سهي: هيعمل ايه و هي ايه منزلها في الوقت المتأخر ده...
ملاك: ممكن يا طنط تكون كانت عايزة تشرب و ملقتش جمبها ماية.
مني: ممكن جايز برضو.
حلا(بدموع): ماما.
ملاك(بقلق): حلا. مالك يا روحي؟!
حلا(بدموع): صحيت ملقتش حد جمبي و لا حتى الدادة.
ملاك: انا اهو يا روحي اطلعي و انا جاية وراكي.

حلا(بدموع): حاضر. متتأخريش.
ملاك: عيوني.
سهي: مين دي يا ملاك و بتقولك ماما ليه؟!
ملاك(بتوتر): دي دي.
ملاك: اه دي بنت صاحبتي توفت و سابتها ليا و انا اللي يعتبر ربتها فبتقولي يا ماما.
سهي: اه و باباها فين؟!
ملاك: مات مع مامتها في الحادثة.
سهي: طيب يا ملاك.
ملاك: انتوا بس اطلعوا ارتاحوا و انا هطمن من سيف متقلقوش.
مني: بس.
ملاك: يلا يا مدام مني يلا.
ملاك: يلا طنط سهي. يلا بس اسمعوا كلامي.

ملاك: انا هطمن من سيف و هطمنكوا الصبح.
مني: ماشي يا حبيبتي ربنا يخليكي يا رب.
ملاك: تسلمي، يلا بقي ارتاحوا و متشغلوش بالكوا.
مني و سهي كل واحدة راحت لاوضتها و نامت.
ملاك طلعت ل حلا و خدتها في حضنها لغاية ما نامت و هي ماسكة فيها...
عند سيف.
سيف: هما بيعملوا ايه ده كله؟!
عمر: اهدي و هنعرف.
الدكتور: استاذ سيف.
سيف: اه اهلا. اخبارها ايه؟!

الدكتور: للاسف فقدنا الجنين لانه صعب جدا في السن ده ان الحمل يكتمل بعد ال30 بيبقي صعب نوعا ما و في حالات معينة.
الدكتور: بس بنسبة 2% ان الوقعة تكون مقصودة مش بزرع الشك جواكم لكن ده احتمال بس ضئيل جدا.
سيف: طب هي حالتها ايه؟!
الدكتور: كويسة تخلصنا من النزيف. بس ممكن حالتها تسوء بعد ما تسمع الخبر. لازم راحة تامة.
سيف: تمام شكرا يا دكتور...
عمر: هي هتفوق امتي؟!

الدكتور: لما المحلول يخلص كمان خمس ساعات كدة. هتخرج علي نص اليوم.
سيف: تمام يا دكتور شكرا.
الدكتور: الف سلامة.
تليفون سيف رن سيف بعد شوية عن عمر و فتح الخط.
ملاك: الو.
سيف: ايه يا ملاك؟!
ملاك: ايه الاخبار طمني؟!
سيف: ربنا عمل الخير.
ملاك: يعني حصل ايه؟!
سيف: اجهدت يا ملاك.
ملاك: قدر الله و ما شاء فعل، طب و حالتها ايه؟!
سيف: لسة مش هتفوق دلوقتي.
ملاك: طب و انت راجع امتي؟!
سيف: احتمال ابات هنا.

ملاك: لا تعالي علي البيت يا سيف. ارتاح و نام شوية علشان خاطري انا...
سيف: يا ملاك.
ملاك: علشان خاطري يا سيف يلا مستنياك باي.
ملاك: باي سيف.
ملاك قفلت الخط و سيف ابتسم علي تصرفها.
سيف: احم عمر تقدر تروح و تجيي حراسة علي باب اوضتها و محدش يدخل ايا كان مين غير الدكتور اللي كشف عليها.
سيف: و يبقي في حراسة حوالين المستشفي كلها.
عمر: تمام، و بالنسبة ل رزق.
سيف: ابقي اكلمك بعدين حاليا رايح ل ملاك.
سيف: يلا باي.

عمر: طب هو انا مينفعش اروح ل مريم.
سيف: روح يا عمر...
سيف: يخرب بيت الحب و سنينه. كان مالي انا و الحب.
عمر(بضحك): وقعت يا سيف بيه؟!
سيف: غور ياض من وشي. مش طايقك.
عمر(بضحك): رايح ل مراتي.
عمر: الا قولي يا سيف.
سيف: خير؟!
عمر: هو انت و ملاك ايه النظام؟!
سيف(ببرود): عمر روح شوف قولتلك ايه و بعدها روح ل مراتك.
سيف راح ركب عربيته و راح للقصر.
عمر: ايه ده؟! يا ابن المجنون.

عمر خلي في حراسة في كل المستشفي و شدد علي الحراسة و ركب عربيته و راح ل بيته.
عمر دخل بيته لقي مريم نايمة علي الكنبة قرب منها و نزل ل مستواها.
عمر حط ايده علي خدها و باس رأسها.
مريم(بنوم): جيت يا حبيبي؟!
عمر: اه.
مريم كانت هتقوم بس لقت عمر شالها بين ايديه.
مريم: هتنام؟!
عمر: ايوه.
عمر طلع لاوضتهم و حط مريم علي السرير و غير هدومه و خرح نام جمبها و خدها في حضنه.
عمر: تصبحي علي خير.

مريم: و انت من اهله يا حبيبي.
عمر: عايزة حاجة؟!
مريم: لا تسلم.
عمر باس رأس مريم و ضمها ليه اكتر.
مريم: هو...
عمر: هو مش كنا هنام؟!
مريم: يا رزل.
عمر: قولي.
مريم: كنت بره لغاية الوقت ده ليه؟! يعني هو لو مش عايز تجاوب براحتك انت برضو الراجل...

عمر: مبدأيا مفيش حاجة اسمها انت راجل و انا ست احنا الاتنين بنكمل بعض,و انتي تسألي كل اللي انتي عايزاه يا روحي بس وقت عصبيتي او لما اكون سرحان او في موضوع شاغلني اتمني متسألنيش اوي تمام.
مريم: حاضر.
عمر: انا يا ستي كنت عند سيف لان تاج مفقودة و بعدها نور مرات عم سيف اجهدت روحنا بيها المستشفي...
مريم(بصدمة): اوف ربنا يصبرهم.
عمر: يا رب يا روحي.
عمر: يلا نامي...
مريم: حاضر بحبك.
عمر: و انا كمان.

عمر طفي النور و شد م يم ناحيته اكتر و باس خدها.
عمر(لنفسه): يا رب نورلهُ طريقهُ.
عند سيف.
سيف دخل من باب القصر لقي ملاك مستنياه تحت.
ملاك راحت علي سيف حضنته و مسكت ايده.
سيف: مودياني علي فين؟!
ملاك: هخطفك. تعالي بس يا عم.
سيف: و الله؟!
سيف: طيب طيب. جايبانا المطبخ ليه؟!
ملاك: علشان تأكل انت مأكلتش حاجة من الصبح.
سيف: لا مش قادر يا ملاك.
ملاك: كدة يعني بتعاقب نفسك.
سيف: قصدك ايه؟!

ملاك: انت من النوع اللي بيحمل نفسه مسؤلية كل حاجة حواليه و بيهمل في صحته و بيهمل في كل اللي بيخصه.
ملاك: شايف انك تحرم نفسك من الاكل علشان خاطر تعاقب نفسك...
ملاك: انت شايف انك السبب في خطف تاج و السبب في اجهاض مدام نور، ليه ده كله؟!
ملاك: لو انت بتعاقب نفسك و مش هامك نفسك بس خليك عارف انك بتعاقبني معاك. بس كدة.
-ملاك كانت هتمشي بس سيف مسك ايديها و شدها ناحيته خدها في حضنه.

سيف: مش شايفة انه طويقتك كانت قاسية شوية؟!
ملاك: بس دي الحقيقة و وسع عايزة انام.
سيف: مش هتطلعي الا لما تأكلي.
ملاك: لا مش عايزة.
سيف: ده مش طلب ده امر.
سيف: هتأكلي غصب عنك، يلا شوفي كنتي هتعملي لينا ايه؟!
ملاك: لا.
سيف: علشان خاطري.
ملاك: لا برضو مش بضعف انا.
سيف حاوط خصر ملاك و قربها منه اكتر و قرب وشه من وشها.
سيف: لو سمحت يا ملاك ممكن تعملي لينا اكل علشان جعان.
ملاك(بتوهان): ها؟! اه.

سيف(بابتسامة): طب مش يلا.
ملاك: ايه ده ايه ده ايه!؟ انت بتستغل ان عيونك حلوة و عندك غمازات لا يا عم مش بتأثر بالكلام ده.
سيف(بابتسامة): و الله؟!
ملاك: استغفر الله العظيم يا ابني ابعد وشك عني الله.
سيف(بضحك): طيب طيب يلا اعملي نأكل.
ملاك: لا مش هعمل حاجة، خد اهي عنلت سندوتشات قبل ما تيجي...
سيف(بغمزة): يا واد يا جاهز انت.
ملاك: ظويف بص علي طبقك يلا.

-سيف و ملاك قعدوا يأكلوا و قاموا طلعوا لاوضتهم سيف دخل يغير و ملاك غسلت ايديها و سنانها و خرجت.
سيف: هو المفروض انام فين؟!
ملاك: احم هو وجود حلا مضايقك؟!
سيف: لا طبعا بس خلي يبقي عندها اوضة لوحدها انا هوصي الخدم يعملوا كدة و علي ذوقك انتي و هي.
ملاك: طيب هبقي اشوف، هتنام دلوقتي علي الكنبة.
سيف: السرير واسع علفكرة خديني جمبك.
ملاك: يا سيف.
سيف: مفيش سيف.

سيف نام علي السرير جمب حلا و شد ملاك جمبه و حاوطها بدراعه.
سيف: نامي بقي.
ملاك: انام ايه بس فاضل نص ساعة و اصحي جودي و مالك.
ملاك: نام انت و انا هودي مالك و جودي المدرسي و اجي انام.
سيف: عايز اصحي يا ملاك الساعة 9 علشان خاطري متنسيش.
ملاك: حاضر. يلا نام.
سيف: طيب. و لا اقولك خليني قاعد معاكي لغاية ما تصحي العيال.
ملاك: لا كلها نص ساعة هتعدي بسرعة نام انت متشغلش بالك...

سيف: لا لا، اساسا مش جايلي نوم اوي...
ملاك: براحتك...
ملاك و سيف قعدوا يتكلموا كتير لغايك ما جه ميعاد صحيان جودي و مالك.
ملاك: هقوم انا.
سيف: ماشي، مستنيكي.
ملاك: يا ابني نام انت بتقول للراحة لا.
ملاك: نام ربنا يهديك نام.
ملاك سابت سيف و خرجت ل مالك و جودي.
ملاك: مالك حبيبي قوم يلا.
ملاك: مالك يلا قوم.
مالك(بنوم): سيبيني شوية يا ملاك.
ملاك: لا يلا علشان المدرسة كفاية امبارح ضاع يلا قوم.

ملاك: هروح اصحي جودي اجي الاقيك لبست.
مالك: اوووووف طيب.
ملاك راحت لاوضة جودي و بدأت تصحيها.
ملاك: جودي يلا يا جودي.
ملاك: يا بت قومي.
ملاك: جوووووودي.
جودي: نعم بقي هو ليه كل يوم نروح مدرسة كل يوم نروح مدرسة خلاص تعبت تعبت تعبت.
ملاك: تعبت من اول اسبوع دراسة يالهووووي هتشل.
ملاك: قومي يا بت.
جودي: اوف حاضر.
ملاك نزلت لقت عفاف صاحية و بدأوا يعملوا الفطار.
ملاك: هطلع اشوف الخيل بتاع سيف.

عفاف: خلي بالك يا هانم.
ملاك: متخافيش.
ملاك خرجت و هي ماشية سمعت حاجة.
حارس: يا هانم وجودك هنا غلط سيف بيه هيزعق.
ملاك: لا متقلقش انا قولت ليه.
حارس: يا هانم بلاش سيف بيه هيزعقك و هيتقطع عيشي.
ملاك: طيب. هو انا لو عايزة طلبات بره البيت اطلبها من مين؟!
حارس: اي حد فينا يا فندم.
ملاك: طب انا كنت عايزة.
سارة: ملاك هانم.
ملاك: نعم.
سارة: مني هانم عايزاكي.
ملاك: طيب.

-في مكان تاني...
في بيت ملاك.
شروق(بصريخ): يا جدوووووو
محمد: يخرب بيت جدو علي اللي جاب جدو.
خالد(بضحك): ليه بس يا جدو؟!
شروق(بصريخ): هات تليفوني يا خالد.
خالد: عايزاه تعالي خديه.
شروق(بصريخ): جدو خليه يوديني تليفوني.
خالد: انتي واحدة كمان شهر هتكوني مسئولة عن بيت و زوج لازم تقاومي حبك للموبايل.
شروق(بصدمة): شهر!
شروق: شهر علي ايه يا عم انت!
خالد: فرحنا يا روحي.
شروق(بصدمة): فرح مين!

شروق: انت مجنون يا ابني.
خالد: انا بدأت بطباعة الدعوة.
شروق: جدو هو اللي بسمعه حقيقي؟!
محمد: الموضوع شكله حقيقي.
شروق(بدموع): يعني بجد هنتجوز.
خالد و محمد بصوا ل بعض باستغراب.
خالد: ايوه يعني انتي فرحانة و لا مبسوطة؟!
شروق(بدموع): انا فرحانة جدا.
خالد: باين باين.
خالد قام و قرب من شروق و مسك ايديها...
خالد: مالك يا بنتي في ايه؟!
شروق(ذدموع): مكنتش اتوقع انك هتتجوزني و هتحبني.
خالد: يا روحي ليه كدة؟!

شروق(بدموع): معرفش.
خالد حاوط وش شروق بين ايديه و باس رأسها.
خالد: يا هبلة انتي خطيبتي.
شروق: بس ملبسناش الدبل.
خالد: عيوني هجبلك احلي و احسن دبل في الدنيا.
شروق(بخجل): بحبك...
خالد: ما تمشي يا عم الحاج عايز اقول للبت كلمة سر.
محمد: بعد كتب الكتاب.
خالد طلع تليفونه و قعد يتضرب كذا رقم كدة.
شروق: بتعمل ايه؟!
خالد: اصبري.
شروق: خالد متبقاش متهور فهمني هتعمل ايه؟!
خالد: الو ازيك يا اسامة.

خالد: عايزاك تظبطلي ميعاد مع المأذون الاسبوع الجاي.
خالد: ايوه كتب كتاب.
خالد: لما اشوفك ابقي اقولك بس حاليا احجز ميعاد. يلا سلام.
خالد: مرتاح كدة يا عم؟!
محمد(ببرود): و الله دي راحتك.
محمد مشي و راح لاوضة مكتبه قعد يعمل كذا حاجة.
شروق: انت مجنون يا خالد.
خالد: بيكي.
خالد باس خد شروق و خدها في حضنه.
خالد: لا كدة هتطور غوري يا بت من قدامي.
شروق(باحراج): هروح اكلم ملاك. باي.

-شروق جريت علي اوضتها و خالد ابتسم و خد حاجته و ركب عربيته و راح الشغل.

-في مكان تاني...
في القصر.
ملاك: يلا بااااااي.
جودي: باااي.
ملاك باست خد جودي و حضنتها.
ملاك: انت الاتوبيس بتاعك اتأخر ليه؟!
مالك: معرفش اتصلي بالسواق.
ملاك طلعت تليفونها و اتصلت بالسواق.
مالك: ها قالك ايه؟! مفيش مدرسة صح!
ملاك: لا في الاتوبيس عطل و هو جاي كمان دقيقتين.
مالك: اوف يا الله.
ملاك: يا ابني حب المدرسة حبها.
مالك: هي حبيبتي.
ملاك: يا لمض اوف.
مالك: متشكر.
ملاك: اهو الاتوبيس يلا باي.
مالك: باي.

ملاك: مفيش حضن و لا بوسة يعني؟!
مالك قرب من ملاك حضنها و باس خدها.
ملاك: يلا باي يا روحي.
ملاك دخلت لقت مني و سهي قاعدين مع بعض...
سهي: هو سيف هيقوم امتي؟!
ملاك: مرتاح ساعتين و هيقوم.
مني: طب و انتي يا حبيبتي اطلعي ارتاحي.
ملاك: هصحي سيف الاول و بعدها انام شوية.
مني: طيب يا حبيبتي.
ملاك: عن اذنكوا.
ملاك طلعت اوضتها و قعدت علي الكنبة و قعدت تقلب في الموبايل.
تليفون ملاك رن. الخط اتفتح.
ملاك: الو يا شروق.

شروق: حبيبة قلبي، فاضبة؟!
ملاك: نفضالك مخصوص يا ست شروق، كنت هقوم اعملي قهوة يلا اتكلمي.
شروق: اخبارك؟!
ملاك: كويسة.
ملاك: خليكي معايا ثواني ادخل اغسل وشي.
شروق: طيب.
ملاك دخلت غسلت وشها و خرجت دخلت اوضة الملابس قعدت تكلم شروق و هي بتلبس.
ملاك لبست بنطلون كحلي و قميص جينز ب ¾ كم و دخلته جوا البنطلون و لبست صندل بكعب جملي. حطت روچ احمر غامف و سيبت شعرها علي ضهرها.
ملاك: اه كملي.

ملاك: ايه اصل الموضوع يا شروق متلفيش.
شروق: انتي بتعملي ايه؟!
ملاك: بعمل القهوة.
شروق: طب جهزي نفسك بقي للخبر الصاعق.
ملاك: المهم يبقي خبر حلو وسط اللي انا فيه.
شروق: ايه ده مالك؟!
ملاك: يا بت بهزر، قوليلي ايه اللي حصل؟!
شروق(بخجل): خالد انا و هو هنكتب الكتاب الاسبوع الجاي وهنكك هنعمل الفرح الشهر الجاي...
ملاك(بصدمة): بتهزري!
-ملاك لقت سيف محاوطها من خصرها و باس رقبتها و حط دقنه علي كتفها.

سيف(بهمس): في ايه؟!
ملاك(بفرحة): يا روحي فرحت ليكوا جدا جدا جدا.
ملاك(بفرحة): لا مش مصدقة حقيقي اخيرا هحضر فرحكوا.
شروق(باحراج): بس بقي يا بنتي بتكسف.
ملاك(بضحكة خفيفة): يا روحي هجيلك في اقرب وقت و نتكلم كتير.
ملاك: و هلف معاكي كتير نجبلك كل حاجة هتحتاجيها و فستان الفرح هختاره ليكي.
شروق: اكيد يا روحي بحبك.
ملاك(بهمس): سيف بس.
ملاك: طيب يا روحي هكلمك بعدين يلا باي.
شروق: باي بحبك.
ملاك: و انا بحبك يا روحي.

سيف(بهمس): و انا.
ملاك ضربت سيف بكوعها في جمبه.
ملاك: يلا بحبك. بااااي.
ملاك: انت لحقت نمت يا سيف؟!
سيف: اه متخافيش. ساعة تكفيني. انتي بقي منمتيش ليه؟!
ملاك: لسة مركبة مالك و جودي الاتوبيس و طلعت كلمت شروق اهو.
سيف: قصدك انه مكنش في وقت تنامي فيه؟!
ملاك: امممم. يعني مش اوي.
سيف: و انتي دلوقتي تروحي تنامي يلا.

ملاك: اسمعني بس اسمعني لما تروح تجيب مدام نور لازم يبقي معاكوا واحدة ست تساعدها و تلبسها و تقف جمبها و طنط سهي و مدام مني كبار و كدة خليني هاجي معاك.
سيف(برفعة حاجب): مفيش ممرضات يعني.
ملاك: سيف يلا بقي وافق.
سيف: و حلا؟!
ملاك: هخليها هنا.
ملاك: يا سيف مترفضش علشان خاطري.
سيف: و لما تقعي مني في الشارع ساعتها هيحصل ايه.
ملاك: لا متقلقش.
سيف: بس في شروط.
ملاك: موافقة. ايه هما بقي؟!

سيف: اول ما تحسي بتعب و ارهاق هتقولي ليا. لو جعتي قولي ليا. و لو عايزة تنامي هتقولي.
ملاك: طيب طيب طيب.
سيف: الشرط الرابع.
ملاك: اممم.
سيف: قربي.
ملاك: ايه؟!
سيف قرب من ملاك و (لخيالكوا).
حلا: ماما!
ملاك(بتوتر): حلا!
ملاك: صباح الخير يا حبيبتي.
سيف: هي هتفضل في اوضتنا كتير؟!
ملاك(بحدة): سيف!
سيف: سيف غاير في داهية يا ستي.
ملاك: حلا خشي يلا يا حبيبتي الحمام اغسلي وشك.
حلا: حاضر.
سيف: انا هدخل الاول.

ملاك(ربعت ايديها): سيف.
سيف: خشي يا ستي الاول.
حلا: كنت هدخل.
سيف(برفعة حاجب): افندم!
ملاك: يلا يا حلا خشي.
ملاك: سيف لو مضايقك وجود حلا قولي و انا هاخدها و همشي.
سيف: هتعملي ايه يا اختي؟!
سيف: طب اتعدلي علشان ماعدلكيش و ازعلك مني.
ملاك: انا اساسا زعلانة.
سيف: و الله؟!
ملاك: ايوه.
سيف(بخبث): ممكن اصالحك علفكرة.
سيف قرب من ملاك و حاوطها بينه و بين ترابيزة القهوة.
ملاك: سيف.
سيف: عيونه.
ملاك(بصدمة): سيف!