رواية الملاك المتمرد للكاتبة سلسبيل كوبك الفصل الثاني والثلاثون
سيف قرب من ملاك و حاوطها بينه و بين ترابيزة القهوة.
ملاك: سيف.
سيف: عيونه.
ملاك(بصدمة): سيف!
سيف: في ايه يا بنتي؟!
ملاك(بدموع): ايه الدم ده! و ايه الجرح اللي عندك ده؟!
سيف: تصدقي مش حاسس بيه و مشوفتوش، غريبة اوي.
سيف: خلاص يا بنتي متعيطيش.
ملاك(بعياط): انا مبحبش الدم و كمان انت متصاب.
سيف قلع التي شيرت بتاعه و جاب علبة الاسعافات الاولية و كان هيطهر الجرح ل نفسه بس ملاك مسكت العلبة منه و بدأت تطهر الجرح بتاعه.
حلا: ماما بتعملي ايه!
ملاك: عمو سيف تعبان شوية يا روحي...
ملاك: روحي غيري هدومك يا حلا.
حلا: حاضر يا ماما.
سيف(بحنية): ايدك خفيفة. خلاص متزعليش و الله. ما اعرف ايه ده اساسا مش حاسس بحاجة.
ملاك(بصدمة): ليكون معتز!؟
سيف: لا يا روحي قولتلك مش هيقدر يقرب منك و مش هيقدر يدخل القصر متخافيش.
ملاك: طب و تاج!
سيف: هرجع نور البيت و هجيبها قربت اوي منها.
-ملاك حاوطت وش سيف بين ايديها و قربت منه و باست رأسه.
ملاك: ان شاء الله كل الامور هتبقي كويسة.
ملاك: يلا قوم البس علشان نروح ل مدام نور.
سيف مسك ايد ملاك و باس باطن كفها و خدها في حضنه.
ملاك(باحراج): قوم البس.
سيف(برفعة حاجب): مكسوفة مني؟!
ملاك: قوم بقي الله قوم البس.
ملاك: حاضر يا حلا جاية. شوفت حلا بتنلدي عليا.
حلا: ماما انا خلصت بس منادتكيش.
سيف(بخبث): طب انزلي يا حلا تحت و ماما نازلة وراكي.
حلا: حاضر.
ملاك: حلا لا استني.
ملاك قامت وقفت بس سيف شدها لحضنه و حاوطها بايديه.
سيف: انتي مراتي فمتتكسفيش.
سيف شال شعر ملاك من علي كتفها و باس رقبتها.
ملاك: يلا هنتأخر يا سيف.
-ملاك قامت و نزلت علي تحت جري. سيف ضحك عليها و قام خد دوش و غير هدومه و مازال مستغرب من الجرح اللي في صدره.
تحت.
سيف: صباح الخير.
الكل: صباح النور.
سهي: ها يا ابني؟! ايه الاخبار؟!
سيف: خير ان شاء الله متشلوش هم.
مني: طبعا يا ابني في وجودك منقدرش نشيل الهم.
سيف: خلصي اكلك يا ملاك و تعالي.
ملاك: حاضر.
ملاك: طنط سهي ممكن تخلي بالك من حلا عقبال ما اروح ما سيف و اجي.
سهي: اكيد يا حبيبتي.
حلا: ماما.
ملاك: متخافيش يا حلا طنط سهي و طنط مني كويسين متخافيش. يلا هتقعدي معاهم شوية و هاجي.
حلا: وعد.
ملاك: وعد يا روحي.
ملاك: يلا متتعبهمش و اسمعي الكلام باي.
ملاك حضنت حلا و باستها.
ملاك: باااي.
ملاك خرجت ملقتش سيف و لقت الحراسة و العربيات جاهزة.
ملاك: فين سيف؟!
حارس: سيف بيه في الاسطبل.
ملاك كانت هتروح للاسطبل بس الحراس وقفوها.
ملاك(بعصبية): هو جوا لو عايزني اخرج هيخرجني.
ملاك زقت الحراس و راحت للاسطبل بعصبية.
سيف: مالك؟!
ملاك: اوف هو ليه كل ما اجي هنا الحراس يمعنوني و يعصبوني.
سيف: علشان محدش يقدر يتجرأ يدخل المكان ده من غير اذني و كمان محدش بيقدر يتعامل مع شمس غيري.
ملاك: انا مش حد.
سيف(بغمزة): طبعا.
ملاك: ممكن اجي؟!
سيف: تعالي هاتي ايدك.
ملاك: طيب.
ملاك قربت من سيف بس الخيل اتحرك جامد و كان هيهجم علي ملاك بس سيف مسكه و قعد يهديه.
سيف(بعصبية): اخرجي يا ملاك.
ملاك خرجت بسرعة من الاسطبل و استنت سيف لغاية ما خرج.
سيف: يلا.
ملاك: هو عمل كدة ليه؟!
سيف: قولتلك مش متعود علي حد.
سيف: اركبي.
ملاك: طيب. هو انت ازاي كدة؟!
سيف: اللي هو ازاي؟!
ملاك: بتقلب في ثواني كنت متعصب من شوية و دلوقتي بتتكلمني بهدوء...
سيف: طب قدامي هنتأخر.
ملاك: حاضر.
سيف و ملاك ركبوا العربية و راحوا للمستشفي لقوا عمر مستنيهم و في حراسة.
عمر: كله تحت السيطرة.
ملاك: صباح الخير الاول.
عمر: جوزك مش هيضربني؟!
ملاك(بعدم فهم): يضربك ليه؟!
سيف: موضوع كبير كدة متشغليش بالك.
ملاك: طيب.
الممرضة: سيف بيه.
سيف: فاقت.
الممرضة: فاقت و عرفت و قاعدة ساكتة خالص.
ملاك: خليكوا هدخل ليها انا.
سيف: طيب يلا.
ملاك دخلت ل نور و قعدت جمبها علي السرير.
ملاك: مدام نور عارفة انك زعلانة و عارفة انك حاسة بانك فقدتي شئ كبير و غالي عليكي.
ملاك: بس انتي ملحقتيش تتعلقي بيه. ربنا دايما بيعمل الخير.
ملاك: ربنا هيعوضك خير. ممكن كان الطفل بعد ما يتولد يبقي عنده عيب خلقي.
ملاك: احمدي ربك.
ملاك: لسة السنين جاية قدامك و انتي لسة صغيرة و عمو رزق يعتبر لسة شباب.
ملاك: متزعليش علي حاجة راحت منك. خليكي اقوي من كدة متزعليش.
ملاك: و الله الدنيا ما مستاهلة نزعل يوم.
ملاك: تعرفي انا اتخلقت بين عائلة كرهتني اوي كرهتني لدرجة انها خلتني اكره نفسي و اكره حياتي و اكرههم خلتني اكره رجوعي للبيت و انا عارفة انهم هيخترعوا مشاكل علشان يدمروني اكتر.
ملاك: ممكن الطفل او الطفلة دول لما يجوا تحصل مشاكل بينك و بين عمو رزق بينهم و بين تاج...
ملاك: احمدي ربك. و لو عايزة و نفسك اوي في طفل اعتبريني يا ستي طفل و الله ما هزعلك ابدا.
ملاك: ده انا ملاك و الله و مش هتعبك ابدا.
ملاك: تعرفي بقالي ست سنين مقولتش كلمة ماما تسمحيلي انا كنت عمري ما اسمح لحد اقوله يا ماما و اديني اهو بقولك يا ماما.
ملاك: و احلي ماما في الدنيا.
ملاك: و كمان انا كبرت علي البامبرز مش هتعبك خالص.
نور غصب عنها ضحكت و سيف خبط و دخل.
سيف: اكيد ملاك سبب الضحكة.
ملاك: عندك شك فيا؟!
سيف: اقدر؟!
سيف: عاملة ايه يا مدام نور.
ملاك: ماما نور كويسة بيا طبعا.
سيف: واو ماما نور!
ملاك: ايوه.
نور(بتعب): تسلمي يا حبيبتي.
سيف: طب يلا جهزيها يا ملاك.
سيف: عن اذنكوا.
ملاك: يلا يا ماما نور.
نور: شكرا يا حبيبتي...
نور: هو رزق عرف؟!
ملاك: لا لسة يا ماما نور.
نور: طيب يا حبيبتي.
ملاك: قومي يلا البسي.
ملاك بدأت تساعد نور و تلبسها هدومها و خرجوا بدأوا يمشوا.
سيف(بهمس): انتي كويسة؟!
ملاك: طبعا يا ابني.
ملاك بدأت الرؤية تختفي و تظهر و هي ساندة نور و فجأة وقفت.
سيف: انتي كويسة.
ملاك: اه اه نسيت موبايلي جوا. هروح اجيبه.
ملاك سابتهم و دخلت اوضة نور قعدت علي السرير و قعدت تفرك في عينيها.
ملاك: فوقي فوقي يا ملاك.
-ملاك قامت وقفت بس وقعت كانت هتمسك في ملاية السرير بس وقعت علي الارض اغمي عليها.
سيف: ملاك جبتي ال.
سيف(بخضة): ملاك!
سيف جري علي ملاك و حاول يفوقها.
سيف: ملاك ردي عليا ملاك.
سيف(بصوت عالي): دكتور بسرعة.
عمر(بقلق): سيف في ايه؟!
عمر: فيها ايه؟!
سيف(بقلق): معرفش و الله ما اعرف روح نادي اي دكتور.
نور: مالها ملاك؟!
نور قعدت علي السرير بسبب التعب اللي جالها,ملاك كانت بين ايدين سيف علي الارض و سيف كان خايف و قلقان اوي.
جودي: في ايه؟! جايبني بسرعة ليه يا عمر؟!
عمر: الوحيدة اللي لقتها يا سيف.
سيف(بقلق): مش مهم المهم نطمن علي ملاك.
جودي قربت من سيف و ملاك حطت ايديها علي كتف سيف.
جودي: هي مالها؟!
سيف(بحدة): جودي المفروض انا اللي اسألك انجزي طمنيني علي ملاك.
جودي فحصت ملاك و بدأت تشوف النبض.
جودي: محتاجين حد يرفعها علي السرير نادي.
جودي قبل ما تكمل كلامها لقت سيف شال ملاك و حطها علي السرير.
جودي(بغيظ): مكنش لازم.
جودي: عموما قلة تغذية و ارهاق الهانم مش بتنام كويس السنيورة.
عمر و نور كانوا مستغربين نبرة و كلام جودي.
سيف(ببرود): هتفوق امتي يعني؟!
جودي: كمان شوية.
جودي(بصوت واطي): يا رب ما تصحي ابدا.
-سيف وطي شال ملاك بين ايديه و خرج و وراه عمر و نور ركب ملاك و قعد جمبها و نور ركبت جمبهم ورا.
بعد فترة وصلوا للقصر و سيف دخل شايل ملاك.
حلا(بعياط): ماما. ماما ماما يا ماااااما.
سهي: اهدي يا حبيبتي.
مني: مالها ملاك يا ابني؟!
سهي: حمدلله بالسلامة يا نور.
نور: الله يسلمك.
سيف طلع علي اوضته و حط ملاك علي السرير شال الصندل من رجليها و غطاها كويس و طفي الانوار و خرج...
حلا(بعياط): ماما انا عايزة ماما.
سيف نزل ل مستوي حلا و خدها في حضنه بس هي قعدت تضربه علي صدره.
حلا(بعياط و صريخ): ماااااااااامااااااا.
سيف: اهدي ماما نايمة شوية بس. اهدي اهدي.
حلا(بعياط): ماما انت ضربتها صح.
سيف: لا و الله هي تعبت شوية و نامت متزعجهاش بقي.
سيف: يا بنتي اهدي شوية بقي صوتك عالي اوي.
سيف: سيبيها تنام شوية...
حلا(بعياط): هي كويسة؟!
سيف: اه متخافيش، هي كويسة.
حلا(بعياط): عايزة اكل.
سيف(برفعة حاجب): افندم!
حلا(بعياط): عايزة اكل.
سيف: خلاص خلاص اهدي.
سيف(بصوت عالي): سارة يا سارة.
سارة: نعم يا بيه.
سيف: جهزي اكل ل حلا. يلا روحي بسرعة.
سارة: حاضر.
سيف: انزلي تحت يا حلا كلي و العبي و اعملي اللي انتي عايزاه يلا.
حلا: حاضر.
حلا جريت زي اي طفلة و نزلت علشان تأكل.
-سيف دخل اوضة ملاك دخل غير هدومه و راح نام جمب ملاك خدها في حضنه و حاوطها بجسمه و باس رأسها و نام جمبها نوم عميق...
-في مكان تاني...
عند عدي.
عدي(بعصبية): يعني ايه ملف زي ده يضيع منك انتي اتجننتي.
جود(بعياط): اسفه و الله غصب عني معرفش ازاي ضاع.
عدي(بعصبية): انتي مجنونة و المفروض اصدقك، قدامك ساعة واحدة يكون الملف ده قدامي.
عدي(بعصبية): فاهمة.
جود(بعياط): حاضر و الله حاضر، بس و الله العظيم الملف معرفش ازاي ضاع هو كان هنا.
عدي(بعصبية): مش عايز اسمع و لا كلمة...
جود(بعياط): حاضر يا فندم.
عدي(بعصبية): الورق يكون قدامي بعد ساعة,و بعدها تأخدي حسابك من فاروق المحاسب و تغوري في داهية.
عدي(بعصبية): الملف اهم منك انتي شخصيا، غوري يلا في داهية.
جود مشيت بسرعة و حاولت علي قد ما تقدر تجيب الملف بس معرفتش.
-عدت الساعة.
عدي(بعصبية): انتي يا استاذة.
جود(بعياط): معرفتش.
عدي(بعصبية): كنت عارف ما انا مشغل حمارة.
جود: لو سمحت حضرتك مسمحلكش.
عدي(بعصبية): تمشي و تاخدي حسابك و تغوري في داهية مش عايز اشوف وشك.
شهد: عدي في حاجة مهمة لازم تشوفها.
جود جريت خدت شنطتها و مشيت و هي بتعيط.
عدي: سيبيني دلوقتي يا شهد...
شهد: انت ظالم جود اهو الملف...
عدي(بصدمة): الملف معاكي ازاي؟!
شهد: مسكت سهر و هي بتسرقه و ماشية.
عدي: مكنتيش قادرة تيجي بدري.
شهد: عكيت الدنيا؟!
عدي: الدنيا باظت.
شهد: يا غبي.
عدي: طب الحقي ناديها.
شهد: جود مشيت.
عدي: اوف يا رب. انا ناقصها.
شهد: انت ظلمتها غبي اوي.
عدي: المفروض اعمل ايه؟!
شهد: تعتذر ليها و تخليها ترجع الشركة.
عدي: هي هترضي!
شهد: معرفش انت و شطارتك.
عدي: الصبر يا رب.
شهد: ها اعمل ايه؟!
عدي: اعرفي عنوان بيتها و ابعتيه ليا.
عدي: و مبتصليش كدة غوري من وشي.
شهد: عدي مسمحلكش.
عدي: انا ناقصك، و البت الحيوانة اللي اسمها سهر تكون في الحجز النهاردة.
شهد: كلمت مازن و هو هيحل كل حاجة.
-لما اذكر اسماء اشخاص و موصفهاش او اتكلم عنها يبقوا دول زمايل في الشغل ملهمش دور كبير يعني-
عدي: طيب يلا روحي و ابعتيلي عنوان جود.
شهد: حاضر.
-في مكان تاني...
عند تاج.
تاج(بدموع): يا رب انقذني انا زهقت بقي.
تاج(بدموع): انا خايفة اوي.
تاج حست باقدام حد دخلت عليها.
تاج: حد سامعني ارجوكم خرجوني.
شخص1: كان علي عيني يا مزة بس الباشا امر محدش يقربلك.
تاج(بدموع): لو عايزين فلوس قولوا و الله بابي هيدفع معاه فلوس كتير.
شخص2(بضحك): متخافيش يا اختي هناخد، بس طارنا مع ابن عمك يعتبر.
شخص1: الباشا قالنا ننفذ.
شخص: يلا مستني ايه؟! يلا.
الشخص الاول طلع تليفونه و اتصل بشخص كتير.
تاج: خرجوني من هنا بقي حرام عليكوا.
عند سيف.
ملاك و سيف صحيوا علي صوت تليفون سيف.
ملاك(بتعب): سيف اقفل الصوت المزعج ده.
سيف: معلش يا حبيبتي كملي نوم.
الخط اتفتح.
سيف: الو مين معايا؟!
شخص: سيف الدين فؤاد رضوان.
سيف: ايوه مين معايا؟!
شخص: اكيد طبعا بتدور علي بنت عمك.
سيف: تاج!
ملاك قامت اتعدلت بسرعة و بصت ل سيف.
سيف: انتوا مين و عايزين ايه و تعرفوني و تعرفوها منين؟!
شخص: عايزاها المقابل بتاعها 15 مليار دولاد.
سيف(بصدمة): انت مجنون؟!
سيف: انت شمام ياض 15 مليار دول انت متستاهلهمش و تاج هترجع هترجع برضاك او غصب عنك.
سيف: و وريني هتمنعني ازاي.
سيف قفل التليفون في وش الشخص ده.
ملاك: هما طالبين 15 مليار جنيه؟!
سيف: دولار.
ملاك: اوف.
ملاك: طب و هتعمل ايه؟!
سيف: ابوها يدفع انا خلفتها و نسيتها.
ملاك: سيف حبيبي دي مهما كانت بنت عمك و زي اختك ادفع انت يا حبيبي.
سيف: قولتي ايه؟!
ملاك: قولت ادفع انت يا حبيبي.
سيف(بحب): يخرب بيت العسل اللي بينقط منك.
سيف(بحب): يخرب بيت جمال كلمة حبيبي منك.
سيف(بحب): ما طلعتي بتقولي حبيبي اهو و عسل و سكر كمان.
ملاك(بخجل): سيف بس بقي.
سيف: بس ايه يا شيخة انتي اللي بس بس انتي.
سيف: انتي اتخلقتي تخطفي قلبي و عقلي كمان.
سيف: حرام عليكي يا شيخة قلبي يا ست.
ملاك(بخجل): علفكرة انت مكبر الموضوع اوي.
سيف: يا اخواتي علي الجمال يخرب بيت السكر و القشطة عليكي.
سيف قرب من ملاك و قعد يبوس كل حتة في وشها و ملاك بتضحك بصوت عالي.
ملاك: بس بقي يا رزل.
سيف: بس ايه بذمتك يخرب بيت الجمال...
سيف: في جمال كدة بذمتك.
ملاك(بخجل): ده كله علشان كلمة حب.
سيف: و غلاوتي عندك قوليها.
ملاك: حبيبي.
سيف شد ملاك ل حضنه و باس رأسها و خدها.
سيف: آه يا ملاك. حرام عليكي بتخطفي قلبي و عقلي.
سيف: اوعي يوم تبعدي عني يا ملاكي.
ملاك: حاضر.
سيف: يخرب بيت كلمة حاضر منك.
ملاك: محسسني اول مرة تسمعها.
سيف: اول مرة اسمعها بالحلاوة و الطعامة و الجمال و السكر ده.
ملاك: يا اخواتي عليك.
سيف: بتقلديني؟!
ملاك: نو.
سيف: و الله؟!
ملاك و سيف ضحكوا مع بعض. تليفون ملاك رن قربت و جابته.
الخط اتفتح.
ملاك: الو يا مستر جاك.
جاك: اتمني مكنش ازعجتك.
ملاك: اتفضل يا مستر جاك حضرتك عايز ايه.
جاك: شايف ان مفيش شغل اليومين دول.
ملاك: اه مشغولة شوية.
جاك: ممكن اعرف مشغولة في ايه؟!
ملاك: مش من حقك و مع السلامة دلوقتي عندي حاجة عايزة اخلصها.
جاك: تمام. بس في حاجة؟!
ملاك: اتفضل.
جاك: ممكن اقابلك في اقرب وقت؟!
ملاك: امتي؟!
جاك: النهاردة الساعة 9 في().
ملاك: هشوف ظروفي استاذ جاك...
جاك: تمام.
ملاك: باي.
سيف(بضيق): عايز ايه الزفت ده؟!
ملاك: مفيش حاجة يعني.
سيف(بضيق): اومال ايه هشوف ظروفي دي؟!
ملاك: مش حاجة مهمة، قولي انت هتعمل ايه في موضوع تاج؟!
سيف: نامي يا ملاك ربنا يهديكي.
ملاك: لا كدة الحمد لله.
سيف: نمتي ساعتين بس.
ملاك: يلا كويسين يا عم...
سيف: لا كملي نومك.
ملاك: يا ابني هقوم في ايه مالك.
سيف: علشان يا هانم متوقعيش زي ما وقعتي في المستشفي...
ملاك: معلش.
سيف: و الله؟!
ملاك: كبر يا سيف.
سيف: و حياة ماما.
ملاك: اوف بتركز في حاجات تافهة.
سيف: شبهك.
ملاك: ليا الفخر اني تافهة.
سيف: هبلة كمان.
-تسريع احداث...
عدي يومين.
تاج لسة مرجعتش,جاسر تعب جدا لدرجة انه دخل المستشفي و عدي فضل قاعد معاه,ملاك و جودي مش بيحبوا حلا و حلا خايفة منهم,نور تعبانة و خايفة لما رزق يجي يعرف,ملاك و سيف علاقتهم ماشية عادي,محمد لسة بيفكر في موضوع العملية,شروق و خالد قط و فأر,سهي و مني بدأوا يحبوا نور...
حلا(بعياط و صريخ): مااااماااا.
مالك: عيوطة اوي يا بت انتي.
جودي: عيوطة عيوطة عيوطة.
ملاك(بقلق): في ايه مالك يا حلا؟!
حلاا(بعياط): خدوا لعبتي يا ماما.
مالك: كانت لعتبنا الاول.
جودي: ايوه يا ملاك.
ملاك: خلاص يا حلا هجبلك غيرها.
حلا(بعياط): لا عايزاها هي.
ملاك(بحدة): حلا هجبلك غيرها و بطلي عِند شوية.
حلا(بعياط): بكرهك.
حلا طلعت تجري علي بره القصر. ملاك بصت ل جودي و مالك اللي بصوا في الارض.
ملاك: دي زي اختكوا يا مالك انت و جودي حبوها.
ملاك: هي طيبة اوي و تتحب.
عند حلا.
حلا طلعت تجري مردتش علي نور و لا سهي و لا مني بس خبطت في سيف و هي خارجة من باب القصر.
سيف: راحة فين؟!
حلا(بعياط): وسع عني.
سيف: ليه بس قولي حصل ايه؟!
حلا(بعياط): ماما زعقت ليا.
سيف: ليه بس؟!
حلا: مالك و جودي خدوا لعبتي. انا كنت عايزاها.
سيف: انا هجبلك لعبتك من جودي و مالك.
سيف: تعالي معايا.
حلا: بجد؟!
سيف: اه.
سيف شال حلا و دخل القصر.
سيف: مساء الخير...
الكل: مساء النور.
سيف: حضروا الغداء.
مني: ماشي يا حبيبي.
سيف طلع للدور التاني و دخل اوضة اللعب.
سيف: في ايه؟!
ملاك: حمدلله بالسلامة.
سيف: فين اللعبة يا حلا؟!
حلا: اهي.
سيف: مالك هات اللعبة دي.
مالك: بس يا بابا.
سيف(بحدة): مالك.
مالك: اتفضل يا بابا.
سبف: خدي و لا تزعلي نفسك يا حبيبتي.
حلا: شكرا يا عمو.
سيف: العفو يلا روحي العبي بيها.
جودي: بابا مش هنشوف ماما؟!
سيف: قريب يا حبايبي قريب لما خالتو تاج ترجع.
جودي: طيب.
سيف: ملاك ورايا.
سيف مشي و ملاك وراه باستغراب دخلت الاوضة وراه لقت سيف قفل الباب.
ملاك: في ايه يا ابني؟!
-ملاك فتحت عينيها علي اخرهم من الصدمة لما لقت سيف ضربها قلم علي وشها...