رواية الملاك المتمرد للكاتبة سلسبيل كوبك الفصل الثالث والثلاثون
ملاك فتحت عينيها علي اخرهم من الصدمة لما لقت سيف ضربها قلم علي وشها...
سيف(بغضب): ممكن افهم ايه الصور دي؟!
سيف(بغضب): حقيقية و لا لا؟!
ملاك بصتله بصدمة و مبصتش للصور.
ملاك(بصدمة): انت ضربتني!
سيف(بغضب): ده كل اللي همك، مش همك اني شايف مراتي في حضن واحد تاني و هو لامسها بتملك يا ريته كان شخص محترم.
سيف(بغضب): ردي الصور حقيقية؟!
ملاك(بحدة): ايوه حقيقية. انت مالك؟!
ملاك(بحدة): اللي انت عملته ده اثبت ليا انك شخص حقير و حيوان و راجعي و عايز ضرب الجذم.
ملاك(بحدة): و انا غبية لاني وثقت في شخص زيك.
ملاك(بحدة): خد صورك و غور في ستين داهية. لما تعرف ازاي تتعامل باحترام ابقي تعالي كلمني...
ملاك(بحدة): ده انت حتى محامي يا شيخ. و قاعدة الكل عارفها المتهم برئ حتى تثبت ادانته.
ملاك(بحدة): و لو شايف شوية الصور اللي في ايدك دي دليل. خدها و خد بعضك و غور في داهية تاخدك و مش عايزة اشوف وشك...
ملاك(بحدة): و احمد ربك اني مش بهمل مسئولياتي و الا كنت سبت مالك و جودي و مامتهم مرمية في المستشفي منعرفش علاجها هينجح و لا لا. هتموت و لا لا.
سيف(بغضب): انتي مش شايفة انك غلطانة؟! عارفة يعني ايه اشوفك في حضن واحد غيري لا و كمان الصور مرفوعة علي النت و مكتوب انه شكل في حاجة بين عارضة الازياء ملاك سالم محمد و المصمم المشهور جاك متخيلة.
سيف(بغضب): عايزاني اقعد هادئ و انا شايف ان الناس كلها بتتكلم عليكي انتي و راجل غيري و بيقولوا في حاجة بينهم.
ملاك: طول ما انت معندكش ثقة فيا طول ما انت هتصدق كلام الناس ده هتخسر.
ملاك: ياما الناس قالوا كلام و مهما حصل الناس بتتكلم، كل الناس بتتكلم في كل الوقت و في كل الحالات اقف انا و اسمع كل واحد بيقول ايه و احط كلامهم في دماغي ليه هو انا مش فاضية غير للناس.
ملاك: و كمان الكلام منتهي في الموضوع ده. طول ما انت بتتكلم بغضب و طريقة همجية كدة مش هتكلم معاك.
ملاك(بعصبية): شخص همجي و ايدك طويلة.
-ملاك زقت سيف و دخلت اوضة الملابس، سيف مسابش حاجة في الاوضة الا و كسرها و الكل كان واقف بره الاوضة خايفين يدخلوا.
سيف(بغضب): راحة فين؟!
ملاك: اي داهية تأخدني بعيد عنك.
سيف(بغضب): قسما بربي يا ملاك لو خرجتي بره الاوضة دي مش هتعرفي هيحصلك ايه.
ملاك: طظ فيك.
ملاك كانت هتفتح الباب بس لقت سيف مسكها و رماها علي السرير و نوعا ما كان بيعتدي عليها.
ملاك(بصريخ): بكرهك يا سيف.
سيف حط رأسه علي رأس ملاك و كان بيتنفس بصعوبة.
سيف(بنفس متقطع): اا هه ددي(اهدي).
ملاك(بدموع): انا بكرهك بكرهك يا سيف بكرهك اكتر من اي حاجة في الدنيا دي، بكرهك اكتر من معتز بكرهك اوي اوي. ابعد عني بقي مش عايزاك في حياتي بكرهك.
سيف: انتي مش متخيلة لمجرد اني تخيلتك مراته او تخيلتك معاه لما سمعت كلاام الناس حسيت بايه.
سيف: مش هتقدري تشوفي و لا تحسي بالنار اللي جوايا بسبب غيرتي عليكي.
سيف: انتي مش متخيلة مجرد ما شوفت ايده و هي عليكي و مسكاكي بتملك كدة انا حسيت بايه...
سيف: مش هتحسي بشعوري يا ملاك مش هتحسي بيه ابدا.
ملاك(بحدة): مش عايزة احس بيه وسع بعيد عني.
ملاك زقت سيف بعيد عنها و قامت دخلت الحمام غصب عنها قعدت تعيط...
سيف نفسه بدأ يقل براحه لغاية ما غمض عينه و وقع علي السرير...
ملاك خرجت علي السرير اتصدمت لما لقته كدة قربت منه بسرعة و فكت اول زرارين ليه و بدأت تشوف النبض.
ملاك(بدموع): سيف فوق يلا.
ملاك: دكتور.
ملاك راحت فتحت الباب لقت الكل واقف قدامها.
ملاك: عايزة دكتور بسرعة.
سهي: ماله سيف؟!
ملاك: معرفش بس بسرعة اتصلوا بالدكتور...
مني: استني يا بنتي يلا بسرعة يا سهي روحي اتصلي بالدكتور عزت.
سهي: حاضر حاضر.
شالوا سيف و حطوه بطريقة سليمة علي السرير و ملاك فضلت واقفة جمبه و ماسكة ايده بقلق و الكل حوالين السرير مستنين الدكتور,الخدامين بينضفوا الاوضة و اللي سيف كسره...
خدامة: الدكتور وصل يا هانم.
ملاك: سيبيه و امشي.
ملاك: اتفضل يا دكتور.
الدكتور بدأ يفحص سيف بعناية و يشوف نبضات قلبه.
الدكتور: شكله اتعرض لنوبة غضب شديدة خلته يفقد الوعي.
ملاك: هو الغضب ممكن يعمل كدة يا دكتور؟!
الدكتور: لو كانت شديدة ممكن.
الدكتور: لازم رعاية ل سيف بيه.
ملاك: تمام.
الدكتور: اهتموا بيه شوية.
ملاك: شكرا يا دكتور.
الدكتور مشي و ملاك فضلت قاعدة جمب سيف.
ملاك: اتفضلوا انتوا ارتاحوا شوية.
مني: ماشي يا حبيبتي خلي بالك منه...
ملاك: حاضر.
حلا: ماما في ايه؟!
ملاك: مفيش يا حلا روحي مع مالك و جودي...
حلا: حاضر.
الكل خرج و نور حضنت ملاك قبل ما تخرج.
-ملاك فضلت قاعدة علي كرسي قدام سيف لغاية ما فاق و فتح عينيه بص جمبه لقي ملاك قاعدة بصاله.
ملاك(بهدوء)حمدلله بالسلامة.
سيف(بتعب): حصل ايه؟!
ملاك: المفروض اسألك انا.
سيف(بتعب): طيب شكرا علي الف سلامة بتاعتك.
ملاك: معجبتكش حمدلله بالسلامة يعني، انت اللي غلطان و بتتأمر جنابك.
سيف: انا تعبان مش عاجبك انتي يعني.
ملاك: انت اللي تعبت نفسك. مش كفاية مطلعتش عملتلك محضر في القسم.
سيف(بصدمة): افندم!
سيف: محضر ليه يا اختي؟!
ملاك(ربعت ايديها): حاولت تعتدي عليا.
سيف: لا استني اقوملك استني بس.
سيف قام و اتعدل علي السرير و بص ل ملاك بغيظ.
سيف: يعني جنابك عايزة تعملي محضر ل جوزك ها جوزك اللي بس حاول يأخد حقوقه كزوج و النبي، و اي قانون بقي هيوافقك علي الهبل بتاعك ده.
ملاك(مربعة ايديها): ايوه لان في بنود في عقد جوازنا بتقول انك مش هتقرب مني و مش هتلمسني و انت حاولت تعتدي عليا بدون رغبتي يبقي كدة المفروض تتحبس، يبقي تحترم نفسك و تنام.
سيف: انتي اتجننتي يا بنتي...
ملاك: ايوه مجنونة و لو منمتش لحظة و هيطلع جناني عليك.
سيف: طلعي هتعملي ايه يعني؟!
سيف: يا بنت المجانين.
سيف لقي شبشب ملاك البيتي في وشه...
ملاك: احمد ربك اني مستخدمتش ايدي علشان متعلمش علي خدك...
سيف: شايفة نفسك علي ايه كدة يعني.
ملاك: ملكش فيه و بص قدامك او نام او اتزفت علي عينك اعمل اي حاجة و ابعد عني.
سيف: و انتي ابعدي عن وشي وشك بيعصبني.
تليفون ملاك رن.
ملاك: مش فايقالك هتكلم في التليفون.
سيف: و انا مش فاضيلك.
سيف مسك تليفونه و قعد عليه و ملاك فتحت الخط.
ملاك: الو يا روحي.
ملاك: انا تمام.
ملاك(بصدمة): بتهزري؟!
ملاك: انتوا اتجننتوا الحق اتصرف في فستان كتب الكتاب منين دلوقتي...
ملاك: عااااااااااا مليش فيه. كنت هخلي مصمم مشهور يصمم ليا فستان خاص.
ملاك: لا مليش فيه اجلوا.
ملاك: يا شروق الحق اجيب فستان في يومين ازاي.
ملاك: لحقتوا غيرتوا رأيكم. عاااااااا.
شروق: اعمل ايه يا ملاك ده حتى قدم ميعاد الفرح يا ملاك انا اتصدمت.
ملاك: اوووف ربنا يأخدك انتي و خالد اوووووف.
ملاك: مليش فيه مش حاضرة كتب كتاب انا بس كدة.
شروق: متبقيش طفلة يا ملاك بقي.
ملاك: لا مليش فيه. انا طفلة بقي و مش هحضر بس.
ملاك: خالد ده رزل بس كدة.
-ملاك كانت سرحت شعرها قدام تسريحة صغيرة في اوضة النوم و قامت قعدت علي السرير جمب سيف في طرف السرير.
ملاك: يا شروق حاولي تتصرفي و النبي.
ملاك: الحفلة هتبقي مليانة و ناس كتير لازم اكون لابسة اشيك فستان بليز يا شروق اجلوا...
شروق: هشوف حاضر يا ملاك.
ملاك: يا قلبي بحبك يلا مبروك يا شوشو.
ملاك: هتدخلي القفص هيصة.
شروق: ما انتي دخلتي قبلي، قوليلي الجواز عامل ايه؟!
ملاك: الجواز اكبر مقلب هتاخديه في حياتك يا روحي.
شروق: ايه ده بجد!
ملاك: و هقولك نصيحة.
شروق: قولي.
ملاك(بانفعال): لما يكون متعصب و شايفك غلطانة متعبروهاش و اعتبريه فردة جذمة او رجل كرسي. كأنه كلب بلدي معدي من قدامك، و كلب بلدي و عنده ديل.
شروق: اه فهمت، الو الو ملاك ملاك سمعاني.
شروق: يا بنتي ردي عليا.
شروق: الحيوانة قفلت الخط.
ملاك(بصريخ مكتوم): يا حيواااااان.
سيف: بقي بتنصحيها تعتبره كلب بلدي.
ملاك: و بديل بس كدة...
سيف شد من ملاك التليفون و رماه و شدها ليه و مسك ايديها الاتنين ورا ضهرها و قربها منه.
ملاك: يا رزل ابعد عني.
ملاك: يا جدوووووووو.
سيف فضل باصص ل ملاك كتير و مش بيتحرك و ملاك قاعدة عمالة تزقه علشان تبعد عنه.
ملاك استغربت لما لقت سيف بيخبي وشها في صدره و باس رأسها...
سيف: اسف...
ملاك(باستغراب): علي؟!
سيف: اني ضايقتك و اني اتعصبت عليكي، بس لما شوفت الصور اتجننت و لما سمعت كلام الناس اتجننت اكتر و مكنتش شايف قدامي.
ملاك: بس كل اللي حصل اني كنت هقع و هو مسكني.
سيف: ازاي؟!
Flash back.
-من يومين جاك طلب من ملاك انه يقابلها,و ملاك وافقت و خرجت قابلته.
ملاك: ها يا مستر جاك حضرتك عايزني في ايه؟!
جاك حط ايده علي ايد ملاك.
جاك: انا.
ملاك: انا اذنتلك تلمس ايدي لا يبقي تشيلها بكل احترامك علشان مخليش قيمتك زي الكأس اللي قدامك ده.
جاك بصلها بصدمة و شال ايده بسرعة.
ملاك: انت ايه؟!
جاك: لا يعني اقصد ان الشغل واقف.
ملاك: الشغل مش واقف في تصوير الاسبوع الجاي. الحملة جاهزة متقلقش حضرتك...
ملاك: انت اشتغلت معانا يبقي مش هتندم و مش هتخسر و اسمك مش هيقع في الارض.
ملاك: و كمان انت جربتنا و كمان اسمنا في السوق و سمعتنا مرفوعة دايما.
جاك: اشربي طلبتلك العصير ده.
ملاك: شكرا.
ملاك: في حاجة تاني؟!
جاك: لا بس اشربي العصير و نتكلم شوية.
ملاك: مش شايفة في حاجة ممكن نتكلم فيها.
جاك: صاحبك ده كان اسمه ايه...
ملاك: اسمه سيف الدين فؤاد رضوان المحامي الكبير المشهور. و اتمني انك تبقي حافظ اسمه لانك هتشوفه كتير في كل حفالاتي.
ملاك: و اتمني تنسي ان انا و انت نبقي مع بعض، لاني عارفة تفكيرك المريض.
ملاك: هدخل الحمام لحظة.
ملاك راحت علي الحمام بسرعة وكانت حاسة بوجع شديد في راسها.
ملاك: اوف ايه ده؟!
ملاك خرجت لقت جاك واقف قدام الحمام.
جاك: انتي كويسة؟!
ملاك: اه.
ملاك اول ما مشيت خطوة كانت هتقع بس جاك مسكها و حضنها.
-كان جاك مأجر واحد يصورهم و ينشر الصور علي النت و الجرايد و المجلات.
جاك: اوصلك؟!
ملاك(بحدة): لا.
ملاك سابت جاك و خدت شنطتها و مشيت روحت.
Back.
سيف: يعني هو قاصد؟!
ملاك: ممكن.
سيف: احم اسف.
ملاك: لا انا حكيت علشان اثبتلك انك غلطان وسع ايدك بقي كدة انا مش فاضيالك.
سيف: لسة زعلانة مني؟!
ملاك: لو مهتم كنت عرفت.
سيف: ملاك.
تليفون سيف رن...
ملاك: رد.
سيف: اوف دول اللي خاطفين تاج.
ملاك: ما تدفع يا سيف ليعملوا فيها حاجة انت مالك قاعد بدم بارد ليه كدة.
سيف: لان اللي خاطفها مش هيعمل حاجة.
ملاك: قصدك ايه؟!
سيف: في اب بيقتل بنته.
ملاك: مش فاهمة حاجة.
سيف(ببرود): يعني رزق هو اللي خاطف تاج.
ملاك فتحت عينيها من الصدمة و مكنتش قادرة تتكلم.
ملاك: ف ففي ا بب ي ع مم ل كدد ة(في اب يعمل كدة).
سيف(ببرود): اذا كان قتل اخوه مش هيخطف بنته.
ملاك(بتوتر): سيف.
سيف: نعم.
ملاك: يوم ما طنط نور اجهضت.
سيف: ايوه.
ملاك: سمعت سيدة الخدامة و هي بتتكلم في التليفون و بتقول كله تمام يا باشا و انا طالعة علي السلم كنت هقع بسبب شوية زيت محطوطين علي السلم.
ملاك: انا شاكة في سيدة و رزق.
سيف: انتي ازاي متقوليش حاجة زي دي يا ملاك؟!
ملاك: مردتش اسوء الظن فيهم.
سيف: بعد كدة اي حاجة تحصل اعرفها يا ملاك فاهمة.
ملاك: حاضر. بس هتعمل ايه في تاج؟!
سيف: هجيب اخر رزق هو اكيد مش هيقعد مسافر كتير...
ملاك: سيف انت عندك مشاكل كتير هتحلها ازاي. انا واثقة انك قدها بس هما كتير و حمل كبير عليك لو اقدر اساعدك في حاجة قولي.
سيف مسك ايد ملاك و قربها منه باس باطن كفها.
سيف: كفاية عندي تكوني جمبي و بس.
سيف: كفاية اشوف ابتسامتك و اسرح في عيونك.
سيف رجع شعر ملاك من علي كتفها و قرب منها و باس كتفها.
سيف: متزعليش مني اسف.
ملاك(بخجل): مش هتنام؟!
سيف: هنام يا روحي بس في حضنك.
ملاك(بخجل): بس.
-سيف حاوط خصر ملاك بايديه و حط رأسه علي صدرها و غمض عيونه. ملاك حطت ايديها علي شعر سيف و غطته بالبطانية و طفت النور.
ملاك: تصبح علي خير.
سيف: و انتي من اهل الخير.
-في مكان تاني...
عند عمر و مريم.
مريم: اوف انا ايه ذنبي يا عمر؟!
عمر: ذنبك يا هانم انك سمحتيله يتكلم معاكي عادي.
مريم: اومال كنت اعمل ايه؟!
عمر: شوفي الستات المحترمة بتعمل ايه؟!
مريم(بدموع): قصدك ايه؟! قصدك اني مش محترمة!
مريم(بدموع): طلقني لو انا مش محترمة طلقني انت طبعا راجل متقبلش تتجوز واحدة مش محترمة.
مريم سابت عمر اللي بصلها بصدمة و طلعت جري علي اوضتها قفلت الباب.
عمر: الله يخرب بيتك يا شيخة قلبتيها ضدي اوي كدة ليه.
عمر طلع جري ورا مريم و فضل يخبط علي الباب.
عمر: يا بنت المجنونة افتحي انتي فهمتي ايه.
عمر: يا بت متخلنيش اكسر الباب و ساعتها هتندمي انتي...
عمر: يا مجنونة افتحي الباب.
عمر لقي مريم فتحت الباب بغضب.
مريم: اولا انا مش بنت مجنونة ثانيا انا مش مجنونة، احترم نفسك يا استاذ.
عمر: ا.
مريم قفلت الباب في وش عمر تاني.
عمر: لا انتي مش مجنونة انتي عديتي مرحلة الجنون من بدري.
عمر: افتحي يا بنتي و نتفاهم متبقيش عبيطة.
مريم(باندفاع): انا مش عبيطة انا مجنونة لاني قبلت اتجوز واحد حقير زيك.
مريم قفلت الباب في وش عمر تاني.
عمر: يا نهارك اسود! في ايه يا بت ما تقفي نتكلم كلمتين علي بعض.
عمر: افتحي الباب ده بدل ما اكسره عليكي يا مريم...
مريم فتحت الباب بغضب و لسة هتتكلم لقت عمر قرب منها و (لخيالكوا).
مريم: ابعد عني شخص حيوان، بكرهك.
عمر: ربنا يأخدك يا راجح، يعني الباشا لما يترفض هتفرحي انتي.
مريم: انا مالي انت اللي هترفضه علشانك مش واثق من نفسك.
عمر: مريم.
مريم: عمر ايه هخاف انا يعني.
عمر: يا بت هو علشان مش بتعصب عليكي هتدلعي عليا.
مريم: اه لا انت مالك بيا الله، وسع كدة بعيد عني.
عمر: يا بنت الناس متخلنيش اتجنن عليكي.
مريم: انت مجنون اساسا مش محتاج تتجنن لسة.
عمر: اوف يا مريم بطل نكد.
مريم: انا نكدية روح كلم البت رشا اللي بتتمايص عليك في الراحة الجاية.
عمر: و الله اخر ما هزهق هقولك مفيش شغل خالص.
مريم: نجوم السماء اقربلك...
عمر: و. الله طب تعالي بقي.
مريم(بصريخ): يا ماما.
-في الصباح الباكر.
في بيت ملاك.
شروق كانت نايمة و صحيت من النوم مبسوطة قامت من علي السرير اول ما وقفت اتزحلقت و وقعت في الارض.
شروق: يعععععععع.
شروق(بصريخ): خاااااااااااااالد.
شروق(بصوت عالي): و. ربي لو شوفتك قدامي لاقتلك يا خالد.
خالد(بضحك): يخرب بيت منظرك.
خالد وقع علي الارض من كتر الضحك و عينه دمعت و وشه احمر اوي.
-شروق داست علي بيض و اتزحلقت قعدت عليه.
شروق(بصوت عالي): و ربي لاقتلك يا خالد بس اطولك في ايدي.
خالد(بضحك)مش قادر هفطس من كتر الضحك.
شروق: افطس و موت يا اخي ريحني.
خالد: هيقولوا عروسة نحس.
شروق: لا يا بابا هيقولوا حظها حلو مكنوش كتبوا الكتاب.
خالد: نكتبه حالا لو موافقة.
شروق: هو انت بعد اللي عملته ده هيبقي في فرح بره يا عم بره.
شروق: دبلتك هتوصلك.
خالد: هو احنا كنا لبسنا دبل يا هبلة.
شروق: يا حيوان بره بره مش عايزة اشوفك.
خالد: يا مجنونة.
شروق(بصريخ): برررررررررررره.
شروق قامت بغضب و دخلت الحمام خدت دوش طويل اوي و خرجت.
خالد حس انها اتضايقت بعت حد ينضف الاوضة و استناها علي الكنبة.
شروق: عاااااا انت ازاي هنا؟!
خالد(بتوتر): اسف مكنش قصدي.
خالد خرج بسرعة بره الاوضة و شروق غيرت هدومها.
شروق لبست بنطلون جينز و تي شيرت احمر ب ¾ كم و كوتشي اسود في ابيض و سيبت شعرها.
شروق نزلت لقت محمد و خالد بيتكلموا. ة.
محمد: تعالي يا شروق.
شروق: بعد اذنك يا جدو مش عايزة اقعد في وجوده.
محمد: يا بنتي اقعدي و متتعبيش قلبي.
شروق: نعم يا جدو.
محمد: خالد حكالي حصل ايه فيها ايه بقي لما يهزر معاكي.
شروق: ده بيض يا جدو بيض و انا بقرف من البيض و خلاني قرفانة من نفسي.
محمد: بيهزر يا شروق و انتي بعد الجواز اعملي فيه مقالب براحتك.
شروق: تفتكر هقدر اضايقه؟!
خالد: يا مجنونة.
شروق: هقوم ورايا تجهيزات كتيرة ل كتب الكتاب.
خالد: و الله ما انتي قايمة التجهيزات كلها جاهزة و الفستان اختارته و كل حاجة جاهزة.
شروق: الفستان لونه ايه؟!
خالد: مفأجاة.
شروق: لا قول انا العروسة.
خالد: قولتلك مفاجاة يلا باي.
خالد: ورايا شغل عن اذنكوا.
خالد خرج و ركب عربيته و راح ل شغله. شروق و محمد قعدوا يتكلموا كتير...
-في مكان تاني...
عند عدي و جاسر.
عدي: جاسر لحد امتي هتفضل كدة؟! حياتك واقفة.
عدي: عارف ان الفراق صعب بس مش للدرجة دي.
عدي: انت ملحقتش تتعلق بيها اوي كدة.
عدي: وقفت كل حياتك شغلك علاقاتك كل حاجة يا جاسر مينفعش كدة.
جاسر(بدموع): اول مرة احس اني وحيد يا عدي. معرفش ازاي و حصل امتي.
جاسر: بس بعترف اني حبيتها اوي.
جاسر: محتاجها اوي. اوي يا عدي.
عدي: طب ما انا كل اما اكلم سيف يقولي متقلقش.
عدي: انا عارف صاحبي كلمة متقلقش و في موضوع كبير زي ده يبقي فعلا مقلقش.
جاسر: مش هرتاح الا لما اشوفها بين ايديا.
عدي: طب فوق يا جاسر فوق هي ان شاء الله كويسة.
عدي: متسبقش الاحداث يا عم جاسر.
عدي: اهدي كدة و فوق.
عدي: هروح مشوار و هرجع مع السلامة.
عدي خد حاجته و ركب عربيته و راح ل جود.
عند جود.
جود كانت قاعدة حزينة بتشرب شاي لقت الباب بيخبط.
جود: حاضر.
جود فتحت الباب اتصدمت لما لقت عدي.
جود: عدي بيه!؟
جود: احم اتفضل يا بيه اتفضل.
عدي: شكرا.
جود: اتفضل اقعد.
عدي: متشكر.
-عدي دخل و قعد مكان ما جود شاورتله و عدي بص بصة سريعة على الشقة لقاها متوسطة بس نضيفة اوي و شيك.
جود قعدت علي كرسي قدامه و مستنياه يتكلم,عدي فضل ساكت فترة متوتر.
جود: تشرب حاجة حضرتك؟!
عدي: لا شكرا، احم انا.
عدي: انا جاي علشان ارجعك الشركة.
جود: لا شكرا يا بيه شكرا مش عايزة.
جود: اتمني تكون لقيت الملف.
عدي: مبدأيا ايوه لقيته و برضو انتي اللي غلطانة.
جود: انا؟!
عدي: ايوه الملف اتسرق تحت ادارتك.
جود: غصب عني اكيد مش قصدي يعني.
عدي: ايوه بس عموما انتي خلاص ارجعي الشركة مش لازم ا?ورة.
جود: لا طول ما انت مش معترف اني مش غلطانة يبقي مش هرجع.
عدي: طيب خلاص ممكن ترجعي.
جود: اعتذر و لا الكلمة تقيلة عليك.
عدي: انتي مجنونة؟!
جود: الباب علي اليمين.
عدي(بغضب): جود.
جود(يتوتر): نعم يا فندم!
عدي: قدامك تلت دقايق تكوني لبستي فيهم علشان نروح الشركة.
جود(بتوتر): حاضر يا فندم.
جود جريت علي اوضتها تغير و عدي ابتسم علي تصرفها.
جود: يا غبية عملتي ايه؟!
جود: اوف بقي معلش البسي انتي محتاجة الشغل يا جود يلا.
جود: استغفر الله الراجل جه لغاية هنا خلاص بقي كبري.
جود لبست بنطلون ابيض و قميص زيتي و لبست صندل بكعب اسود. حطت مكياج بسيط اوي و سيبت شعرها علي ضهرها.
جود خرجت ل عدي.
عدي: تمام يلا بينا.
جود: طيب.
عدي خد جود و ركبوا عربية عدي و راحوا للشركة.
-في مكان تاني...
في بيت ريتاج.
مامت ريتاج: يا ريتاح ريتاج.
ريتاج(بحزن): نعم يا ماما.
مامت ريتاج: في حد مستنيكي بره.
ريتاج: مين ده يا ماما؟!
مامت ريتاج: تعالي شوفي.
ريتاج خرجت اتفأجت ب عامر و قعدت قدامه بصدمة.
ريتاج: ايه اللي جابك؟!
عامر: مفيش بقالك تلت ايام مش بتروحي الكلية و مش بتردي علي التليفون و مش بتتكلمي في جروب الدفعة استغربت.
ريتاج: تاج مخطوفة.
عامر: اممم علشان كدة حابسة نفسك.
ريتاج: تاج كانت صاحبتي المقربة.
عامر: عارف و ان شاء الله هترجع عائلتها مش صغيرين في البلد.
ريتاج: يا رب و النبي يا رب.
عامر: عموما بكرة الصبح الاقيكي جاهزة هعدي عليكي الصبح علشان الجامعة و مفيش اعتراض.
عامر: باي.
ريتاج(بدهشة): باي.
-في مكان تاني...
في القصر.
نور: صباح الخير.
مني و سهي: صباح النور.
مني: كلمتي رزق؟!
نور: ايوه كلمته امبارح و قالي قرب يرجع.
نور: بس تاج انا قلقانة عليها اوي.
سهي: متقلقيش ان شاء الله هترجع بدري.
مني: متقلقيش خير.
نور: يا رب...
سهي: انا شايفة اننا مقصرين في حق سيدرا.
مني: هي وحشتني اوي.
نور: بس.
مني: مهما كانت دي من العائلة قبل ما تكون مرات سيف.
نور: ملاك برضو طيبة و تستاهل.
سهي: فعلا.
سهي: ما نقول ل سيف يأخدنا و يخرجنا بما ان النهاردة اجازة.
مني: سهي متنسيش ان تاج لسة مفقودة.
سهي: اسفة.
نور: ان شاء الله خير. هي فين عفاف تجهز الفطار؟!
مني: بتجهزه فعلا...
نور: تمام.
عند سيف و ملاك.
سيف صحي من النوم قبل ملاك و ضم ملاك اكتر ليه و هو مغمض عينه و باس خدها.
سيف(بنوم): حبيبتي قومي يا روح قلب سيف...
-سيف فتح عينيه ببطء و بص علي ملاك فتح عينيه علي اخرهم و اتخض...