رواية الملاك المتمرد للكاتبة سلسبيل كوبك الفصل الحادي والأربعون
ملاك و سيف نزلوا و دخلوا القصر.
سيف(بخضة): حصل ايه؟!
ملاك(بقلق): مالك يا ماما نور؟
سهي: رزق طلقها.
ملاك و سيف بصوا ل بعض و اتصدموا...
ملاك قربت من نور اللي قاعدة في الارض مصدومة و دموعها بس هي اللي بتتكلم.
ملاك: ماما نور.
سيف(بغضب): فين الزفت ده؟!
مني(بحدة): سيف عيب ده مهما كان عمك.
سيف(بغضب): بس غلطاته زادت اوي، و عقابه بيزيد اكتر و اكتر.
مني(بحدة): انت نسيت نفسك و لا ايه؟!
مني(بحدة): مش معني اننا بنعتمد عليك في كب حاجة يبقي تنسي ان عمك رزق الاكبر.
مني(بحدة): و ليه نصيب في البيت ده. و اللي عمله يبقي كان عايز يطلق من بدري.
مني: انا مش بقول انه غلط بس برضو لازم نحترم سنه.
سيف(بغضب): مش مصدقك حقيقي مش مصدقك، بدل ما تجيبي حقها لانها المظلومة واقفة في صف ابنك الظالم الخاين القاتل.
مني(بعصبية): اخرس.
مني ضربت سيف قلم علي وشه.
ملاك(بتوتر): خلاص يا جماعة، خلاص.
ملاك: تعالي يا سيف معايا.
تاج: سيف انت ازاي تقول علي بابا كدة. انت غلطان.
سيف(بغضب): لا مش غلطان ابوكي خاين بدليل انه كان بيخون امك و ظالم لانه ظلم الست اللي قاعدة في الارض دي. و قاتل لانه قتل ابويا.
سيف(بغضب): لسة من حقه انه يقعد في البيت ده، بعد ما خد عمر ابويا في ايده بعد ما قتله و فرقنا عنه.
سهي(بصدمة): انت بتقول ايه يا سيف!
سيف(بغضب): بقول الحقيقة.
سيف(بغضب): و لو انتي عايزاه في البيت، يبقي انا مش هبقي في البيت ده بعد كدة.
الكل بصوا بصدمة ل سيف.
سيف: اطلعي لمي هدومك يا ملاك و لمي هدوم مالك و جودي.
ملاك: يا سيف بس اهدي اهدي علشان خاطري و فكر بالعقل.
سيف(بتحذير): سمعتيني قولت ايه؟!
ملاك: حاضر.
ملاك طلعت لاوضتها و لمت هدومها و هدوم سيف و لمت هدوم جودي و مالك.
سارة: يا هانم و النبي ما تمشوش.
ملاك: معلش يا سارة ان شاء الله لما سيف يهدي نبقي نرجع.
ملاك: يلا خلي حد من الحراس يطلع ياخد الشنط.
سارة: حاضر.
ملاك كانت نازلة لقت سهي واقفة قدامها.
سهي(بدموع): هتمشوا و تسيبوني؟!
سهي(بدموع): مش عايزة اقعد مع اللي قتلوا جوزي...
ملاك: اكيد سيف مكنش هيسيبك يا طنط. اطلع اساعدك؟!
سهي: لا خليكي هطلع بسرعة و اجي استنوني.
ملاك: حاضر.
ملاك نزلت ل تحت لقت مني قاعدة بتعب علي الكرسي و معتز قاعد حاطط رجل علي رجل.
ملاك: ماما نور قومي معايا.
نور(بعياط): خد كل فلوسي يا ملاك مبقاش ليا ضهر و لا سند و لا بيت و لا اي حاجة يا ملاك.
ملاك: لا ليكي ربنا ثم سيف و انا علشان خاطري قومي معايا يلا.
نور(بعياط): حاضر.
نور قامت مع ملاك طلعت اوضتها غيرت هدومها.
ملاك بدأت تجهز شنطة هدومها و خدتها في ايديها كانت تقيلة و نزلت علي السلالم هي و نور.
سيف: هاتي يا ملاك.
سهي: انا جهزت.
سيف بص ل سهي و بعدها بص ل ملاك.
سيف: طيب.
مني(بتعب): حتى انتي يا سهي؟!
سيف: مستنيكوا بره.
سيف خرج من القصر و الكل خرج وراه.
سهي و نور ورا و سيف و ملاك قدام.
-سيف بدأ يتحرك بالعربية ناحية مدرسة جودي و مالك. ملاك شبكت ايديها في ايده و ضغطت عليهم بحنية.
ملاك: هنزل اجيب جودي.
سيف: لا خليكي هنزل انا.
سيف نزل و دخل المدرسة و قعد علي كرسي و مكنش قادر يتنفس طبيعي قعد يهدئ نفسه و بعدها طلع جاب جودي.
جودي(بفرحة): بابا.
المدرسة: حضرتك سيف بيه؟!
سيف: ايوه. خدت اذن من المديرة هأخدها.
المدرسة: تمام اتفضل.
سيف: يلا يا جودي.
جودي(بفرحة): حاضر.
جودي لمت كتبها و مسكت شنطتها و خرجت مسكت في ايد سيف.
جودي: باي يارا.
جودي خرجت مع سيف و هي مبسوطة و وصلوا للعربية.
ملاك: هاي جودي.
جودي: هاي ملاك.
سيف ركب العربية و قعد جودي علي رجله و بدأ يسوق ناحية مدرسة مالك.
سهي(بدموع): خلاص مش هنرجع القصر تاني يا سيف صح؟!
سيف(بغضب): عايزة ترجعي احنا لسة فيها.
ملاك: سيف اهدي طنط مش قصدها حاجة.
بعد فترة وصلوا لمدرسة مالك و خدوه.
مالك: من امتي بتخرجوني من المدرسة قبل مع تخلص.
ملاك: عادي حبينا نعملها مفأجاة...
مالك: احسن لاني مكنتش طايق مستر عاطف ده.
جودي: بيعمل ايه يا مالك؟!
مالك: واحد ضعيف كدة ملهوش شخصية.
جودي: طيب...
بعد فترة لقوا سيف واقف قدام عمارة.
سيف: يلا انزلوا.
مالك: ايه ده يا بابا؟!
ملاك: تعالوا نطلع و نشوف.
جودي: طيب.
سيف: عم يونس طلع الشنط انت و الرجالة.
يونس: حاضر يا بيه.
كلهم دخلوا ركبوا الاسانسير و وصلوا قدام شقة سيف.
سيف: ادخلوا.
جودي: حلوة الشقة دي يا بابا.
ملاك: حلوة اوي صح يا مالك؟!
مالك: ايوه.
ملاك: تعالوا نشوفها يلا يلا بسرعة...
ملاك و مالك و جودي قعدوا يبصوا علي الشقة.
سيف: مدام نور انا بعتذر عن اللي حصلك في بيتنا. بس متقلقيش كل حاجة هترجعلك و زيادة كمان ثقي بيا.
سيف: البيت بيتك و هرجعلك كل حاجة متقلقيش.
نور(باحراج): شكرا يا سيف.
سيف: و كلب زي رزق ده متفكريش فيه اساسا.
سيف: روحي شوفي ملاك.
نور: طيب.
سهي: هو فعلا رزق قتل ابوك يا سيف.
سيف: ايوه.
سهي(بدموع): يعني ابوك مات مقتول مش حادثة.
سهي(بدموع): ليه بس كدة؟!
سيف: قدر.
سيف: روحي شوفي اوضتك.
يونس: احم احم.
سيف: ادخل يا عم يونس.
يونس: الشنط يا باشا.
سيف: شكرا. تقدروا تتفضلوا.
ملاك: جودي و مالك في اوضتهم. و ماما نور اختارت اوضتها.
ملاك: طنط سهي اوضتك جاهزة.
سهي: ماشي يا حبيبتي.
ملاك: تاني اوضة جمب ماما نور.
سهي: ماشي.
سهي راحت اوضتها، ملاك قربت من سيف.
سيف(برفعة حاجب): ايه سر الابتسامة الكبيرة دي؟!
ملاك: مفيثش.
سيف: مفيثش! معايا طفلة هنا سنتين.
ملاك قربت من سيف و مسكت جاكت البدلة بتاعه.
ملاك: انا عايزة اقولك حاجة مهمة بليل.
سيف حاوط خصر ملاك و قربها منه.
سيف: و يا تري ايه الحاجة المهمة دي؟!
ملاك: بليل.
سيف: تسيبيني اخمن؟!
ملاك: قول.
سيف(بضيق): هتسافري؟!
ملاك: لا.
سيف: هتكلميني في موضوع معتز.
ملاك: لا.
سيف: هت.
ملاك: متحاولش مش هتعرف.
سيف قرب وشه من ملاك اوي و ملاك غمضت عينيها.
سيف(بهمس): نستني ل بليل مش هنخسر حاجة، بس علي ما يجي بليل تعالي اقولك حاجج جوا.
ملاك: هناكل ايه يا سيف؟!
سيف: هقولك جوا.
ملاك(بتحذير): سيف.
سيف: قلبه.
ملاك: هناكل ايه؟!
سيف: البيت فيه تلت ستات يطبخوا بقي.
ملاك: نعم نعم هو احنا علشان ستات احنا اللي نطبخ.
سيف: شوفتي. النهاردة هطلب دليفري من بكرة الاكل يكون جاهز و انتي و امي و مدام نور تعملوه.
سيف: خلاص دلع زمان انتهي انتوا اختارتوا تعيشوا معايا، بس.
ملاك ضربت سيف في كتفه و بصتله بضيق.
ملاك: رزل اوي.
سيف: قلبي اللي بحبه.
سيف شال ملاك بين ايديه و باس رأسها و واح علي اوضتهم و نزلها.
سيف: خشي خدي دوش.
ملاك: حاضر.
سيف: هتعود علفكرة و الموضوع هيتطور.
ملاك: سيف نام.
سيف: عيوني يا قلب سيف.
ملاك دخلت خدت دوش و نسيت ان الهدوم في الشنط بره خرجت بحذر ملقتش سيف و وطت فتحت الشنطة و طلعت هدومها.
سيف: يا جمالو.
ملاك(بخضة): سيف! انت هنا من امتي؟!
سيف: مكسوفة من ايه يا قلب سيف؟!
ملاك: وسع كدة عيل رزل.
ملاك دخلت غيرت هدومها.
ملاك لبست بنطلون احمر قصير لغاية الركبة بشوية. و تي شيرت قصير باللون الابيض بحمالة رفيعة علي الكتف و قصير مبين بطنها. رفعت شعرها علي شكل ديل حصان.
ملاك خرجت لقت سيف قاعد علي موبايله.
ملاك: مش هتنام؟!
سيف: جاي اهو.
ملاك: طيب تصبح علي خير.
سيف: و انتي من اهله.
ملاك طلعت علي السرير و نامت علي جمبها في وش سيف...
سيف: بتبصيلي ليه؟!
ملاك: مفيش هنام اهو.
سيف ساب موبايله و قام حضن ملاك من ضهرها.
سيف: بتفكري في ايه؟!
ملاك: مفيش.
سيف: قولي و متخافيش.
ملاك: سيدرا. معتز، تيتة مني. رزق. جدو. شروق و خالد. تاج، حلا. مالك و جودي، ماما نور. طنط سهي.
ملاك: انت.
سيف باس كتف ملاك و شدها لحضنه اكتر.
سيف: انا ايه؟!
ملاك: مستحمل ده كله. و مشتكتش شايل و متحمل عندك حق و عايز ترده و عايز تحمي كل اللي حواليك و...
ملاك(بدموع): معرفش بس انا خايفة اوي. خايفة يحصلك حاجة بسبب اعدائك و خايفة حد يحصله حتجة و تأنب نفسك، خايفة.
سيف: هشششش.
سيف لف ملاك ليه بحيث يكون وشها في وشه...
سيف: قولتها مرة و هقولها تاني مسمعش كلمة خايفة دي ابدا، طول ما انتي معايا هتحمل و هقاوم علشان خاطرك.
سيف: انتي قوتي يا ملاك. علشان كدة مش عايزك تبعدي عني لحظة.
سيف مسك ايد ملاك و باسها.
ملاك(بدموع): انا اسفة.
سيف: مفيش حاجة يا حبيبتي اهدي مفيش حاجة.
سيف: انا اللي اسف حقك عليا. اسف لاني سبب في نزول دموعك دي.
ملاك(بدموع): انا مش بعيط.
سيف: عارف عارف.
سيف باس عيون ملاك و ملاك غمضت عينيها و نامت في حضن سيف.
سيف(بتنهيدة): يا رب.
سيف قعد يلعب في شعر ملاك و وشها و ايديها.
-في مكان تاني.
في القصر.
تاج: تيتة انتي كويسة؟!
مني(يتعب): اه يا حبيبتي.
تاج(بدموع): هو فعلا بابا قتل عمو فؤاد.
مني(بدموع): و الله ما اعرف با تاج.
رزق(بغضب): ابه اللي بيحصل هنا؟!
مني: انت اللي تفهمني.
رزق: جيبتوا الكلام الفارغ ده منين؟!
تاج: سيف، هو فعلا صح يا بابا.
رزق: لا طبعا مش صح. فين سيف ده؟!
مني: ساب البيت و مشي.
رزق: طبعا ما هو كان هيواجهني باي عين.
مني: و انت طلقت نور ليه؟!
رزق(ببرود): زهقت منها.
مني(بعصبية): انت مجنون.
رزق: مش دي اللي انتي رفضتيها.
مني(بعصبية): بس مفيش سبب يخليك تطلقها.
تاج: و كمان خدت فلوسها.
رزق: انا هنا الراجل و الكبير بعد ما سيف مشي.
رزق(بصوت عالي): اي حاجة هتحصل تبقي بأذني، مفهوم انا الكبير هنا.
معتز: طبعا طبعا بس ليه تعلي صوتك.
معتز: سيف مشي و انت طبعا هتكون الكبير.
مني: اخس اخس علي تربيتي اخس.
تاج: بابا انت.
رزق: انا الكبير يا تاج هنا و لما سيدرا ترجع هتعرف كدة. الكل لازم يعرف كدة.
رزق: سيف خلاص انتهي...
رزق: سيف خرج بره العائلة و يا ريت يبقي عنده دم و يرجع كل حاجة باسمه.
مني(بصدمة): رزق!
رزق: خلص الموضوع.
رزق سابهم و دخل اوضة مكتب سيف و معتز راح وراه.
رزق(بعصبية): ازاي مش موجود ازاي؟!
معتز: اهدي و قولي بتدور علي ايه؟!
رزق: الملفات و الورق بتوعه.
معتز: شوف الخزنة.
رزق: مفيش فيها حاجة...
معتز: شكله هيلعب علي تقيل.
رزق: فعلا...
معتز: طب ما انا عندي فكرة.
رزق: قول.
معتز(بخبث): ما تخليه يقابل ربنا زي ابوه.
رزق(بتفكير): عندك حق يا معتز، نقتله.
معتز(بخبث): و تخلص منه و كدة كدة الفلوس هتتحول ل مالك و هتكون انت العم يبقي انت اللي تورث و تكون واصي علي مالك و تتصرف.
رزق: انت دماغك طلعت شيطان يا معتز.
معتز: طول عمره احسن منك معرفش في ايه، الكل بيعتمد عليه هو الكل بيثق فيه هو.
معتز: مع انك احسن منه بكتير.
رزق: عندك حق.
معتز: نبقي ايد واحدة.
رزق: ايد واحدة.
معتز: الخاين.
رزق: يموت.
معتز: تمام.
-في مكان تاني.
عند عمر و مريم.
مريم: يلا يا عمر روح ل سيف بقي.
عمر: ما تخليني في حضنك شوية.
مريم: يا رزل، سيف مستنيك تحت.
عمر: يستني يستني.
مريم: اوعدك نبقي نتكلم بعد ما يمشي، يلا بقي علشان ميزعلش.
عمر: اوف طيب يا ستي.
عمر نزل ل سيف و قعد جمبه.
عمر: منور يا سيف. بقالي كتير مشوفتكش كنت فين يا راجل.
سيف: هنستعبط.
عمر: هنستعبط! بتقولي انا؟! با سبحان الله...
عمر: انت بايت عندي بقالك يعتبر يومين و اهو جاي عندي. حصلت مصيبة ايه تاني.
سيف: مش مصيبة، بس انا سيبت القصر.
عمر: بتهزر!
سيف: لا خدت ملاك و مالك و جودي و امي و مدام نور...
عمر: ايه دخل مدام نور؟! و ليه و حصل ايه؟!
سيف حكي كل اللي حصل ل عمر.
عمر: امممم حاجة تحير.
عمر: و رزق كان موجود؟!
سيف: لا كان مستنيها تمشي و يرجع.
عمر: و هو ليه يعمل كدة؟!
سيف: خد كل فلوسها و شركاتها.
عمر: و انت هتعمل ايه؟!
سيف: هرجعلها حقها.
عمر: ازاي؟!
سيف: بفكر.
عمر: هتعمل ايه في رزق و معتز؟!
سيف: اكيد بيتفقوا عليا دلوقتي هوقعهم في شر اعمالهم.
عمر: ربنا يستر.
سيف: متخافش خير.
عمر: يا رب يا صاحبي يكون فعلا خير.
عمر: اللي جاي مش سهل.
سيف: اللي جاي اخر مرحلة في اللعبة.
عمر: و نخلص بقي.
تليفون سيف رن...
سيف: اوف دي عايزة ايه دي؟!
عمر: مين؟!
الخط اتفتح.
سيف(بضيق): الو يا جودي.
جودي: انت مردتش عليا بقالك يومين ليه و روحت المكتب ملقتكش.
سيف: ليه لاتكوني مراتي و انا معرفش...
جودي: لا حبيبتك.
سيف: انتي مريضة يا بنتي. هو مش كل حاجة انتهت و انتي بنفسك اختارتي البعد و انا بشكر ربنا ان ده حصل.
جودي(بعصبية): هي احسن مني في ايه ها رد؟!
سيف: مقدرش اقارنها بيكي لان الزبالة اللي زيك مينفعش يتحطوا في مقارنات.
سيف: و كمان لو اتكلمنا ليها لغاية السنة الجاية مش هخلص من عد صفاتها اللي تخليها جميلة في نظري.
جودي(بعصبية): بس انت بتحبني و.
سيف: انا مش بحبك يا جودي، انا محبتش غير ملاك.
جودي(بعصبية): اخر قرار؟!
سيف: ايوه و روحي اتعالجي احسنلك باي.
عمر: هي عايزة ايه البت دي؟! ايه احلويت في نظرها بعد ما حبيت غيرها.
سيف: شوفت الدنيا.
تليفون سيف رن، الخط اتفتح.
سيف: الو يا حبيبتي.
ملاك: مساء الخير.
سيف: مساء النور يا حبيبتي، عايزة حاجة؟!
ملاك(بصوت نايم): لا صحيت ملقتكش جمبي كسلت اقوم روحت اتصلت بيك، انت بره؟!
سيف: كسلتي! طيب يا اختي.
سيف: انا قاعد مع عمر و جاي كمان شوية.
ملاك: طيب، باي.
سيف: في حاجة ناقصة البيت اجيبها و انا جاي.
ملاك: جيب شيكولاتة.
سيف: و ده من اساسيات البيت؟!
ملاك: لا بس انا بحب الشيكولاتة.
سيف: افتحي التلاجة الصغيرة هتلاقي شيكولاتات كتير.
ملاك: هيييييه شكرا.
سيف: طب يا طفلة يلا باي، لو في حاجة كلميني.
ملاك: حاضر، باي.
سيف: باي.
عمر: يا سبحان الله قلبت في ثواني.
سيف: الحب يا اخويا الحب.
-في مكان تاني...
عند عدي.
عدي خلص شغله و روح علي الفيلا.
عدي دخل لقي جاسر و جود قاعدين مع بعض بيتكلموا و بيضحكوا.
جود(بضحك عالي): انت مسخرة بجد يا جاسر.
جاسر: اي خدمة يا ست.
عدي(بغضب): بتعملوا ايه؟!
جاسر: ايه يا ابني خضتنا.
عدي: سلامتك من الخضة يا بيضة.
جاسر: خفيف.
عدي: ايه بقي سر ضحكتكم؟!
جاسر: كنا بنتكلم عن ذكريات الطفولة.
عدي: طيب، الوقت اتاخر يلا اطلع نام.
جاسر: مش قولت مسيطر. انا طالع اكلم البت تاج.
جاسر: باي.
جود: باي.
عدي قرب من جود و قعد جمبها علي الكنبة.
عدي: احب اسمع رأيك.
جود(بخجل): ها؟!
عدي: احب اسمع رايك في موضوعنا.
جود(بخجل): موافقة.
عدي: علي بركة الله. حددي يوم الفرح في الاسبوع الجاي.
جود(بصدمة): بدري اوي.
عدي: نخليها بكرة.
جود: ها لا لا لا.
عدي: طيب يلا اطلعي نامي السهر مش كويس.
جود: حاضر.
جود جريت من قدام عدي و طلعت اوضتها. عدي طلع اوضته و هو مبسوط.
عند جاسر.
جاسر اتصل كتير ب تاج مردتش.
جاسر: هجرب اخر مرة لو مردتش هروح لينا.
جاسر اتصل ب تاج المرة دي ردت.
تاج(بخفوت): الو.
جاسر: تاج قلقتيني عليكي مش بتردي ليه؟!
جاسر: انتي كويسة؟!
جاسر مسمعش غير صوت عياط تاج.
جاسر(بقلق): تاج انتي كويسة ردي عليا. متقلقنيش عليكي.
تاج(بعياط): كويسة.
جاسر: لا مش كويسة، احكيلي في ايه مالك.
تاج حكت ل جاسر كل اللي حصل النهاردة.
جاسر: متخافيش يا روحي كل حاجة هتتحل، اهدي انتي و متزعليش نفسك.
جاسر: عيونك دي ملهاش الحق انها تعيط و تتوجع...
جاسر: او?ر اوي او مظبطتش. صح؟!
تاج: عيل رزل.
جاسر: يا قمري انتي اضحكي الدنيا مش مستاهلة.
جاسر: يا حبيبتي خليكي علي ثقة تامة اني جنبك و معاكي علطول، و قريب هاجي اخدك و نتجوز...
تاج: انت ازاي مستحملني يا جاسر.
جاسر: لانك قدري. و لو مستحملتكيش في اسوء حالاتك يبقي مستحقش اكون جوزك و امانك و حبيبك يا تاج.
تاج: شكرا يا جاسر انك سمعتني.
جاسر: شكرا علي ايه يا هبلة. يلا نامي علشان بكرة.
تاج: ممكن مقدرش اجي بكرة.
جاسر: طيب بليل جهزي نفسك و هاجي اخدك.
تاج: هنروح فين؟!
جاسر: هخطفك.
تاج(بابتسامة): موافقة.
جاسر: بحبك.
تاج: باي، تصبح علي خير.
جاسر: و انتي من اهله.
-في مكان تاني...
عند ملاك.
ملاك: يا لهوووووي يا عيال بطلوا جبتولي صداع.
جودي: الشقة حلوة اوي يا ملاك.
سهي: طب روحوا العبوا في اوضتكم و شغلوا التلفزيون.
جودي: ايوه يلا يا مالك.
مالك: تعالي.
ملاك: يا ماما نور يا ماما سهي. ردوا عليا ابوس ايديكوا.
نور: ما تتكلمي يا ملاك.
سهي: مش فاهمين عايزة ايه؟
ملاك: انا يعني هو.
نور: ايوه فهمنا ايه بقي؟!
ملاك: بصراحة بصراحة انا عايزة اعمل مفاجاة ل سيف مش عارفة اعمل ايه؟!
سهي: هتيجبوا فارس الصغير.
ملاك: هو اسم فارس طالعلي في البخت.
سهي: الصراحة فؤاد كان نفسه ابن سيف يبقي اسمه فارس. لما كانت سيدرا حامل في مالك سيف سافر.
سهي: و رجع و كانت سيدرا بتهيس و فاكرة نفسها هتموت و قالت عايزة اسمي مالك فسمي مالك.
سهي: لكنه عايز يسمي فارس.
ملاك: طب اعمل ايه طب؟!
نور: اممممم اعملي عشاء حلو كدة.
سهي: و انا هختارك حاجة شيك تلبسيها...
نور: يلا تعالي معايا نعمل عشاء.
ملاك: طيب.
ملاك و نور قاموا و بدأوا يعملوا عشاء خفيف و سهي دخلت اوضة ملاك تختار ليها فستان.
ملاك: برأيي نعمل تورتة. بحبها اوي.
نور: نعمل علشان خاطر عيونك.
ملاك: تسلمي.
سهي: ها ايه الاخبار؟!
ملاك: تمام كل حاجة تعتبر جاهزة.
سهي: طب خشي شوفي الفستان.
ملاك: طيب.
ملاك و سهي دخلوا اوضة ملاك و ملاك مسكت في ايديها الفستان...
ملاك(بصدمة): مستحيل!
سهي: في ايه؟!
ملاك: مستحيل البس ده قدام سيف مستحيل...
ملاك: منقتيش غير الفستان ده؟!
سهي: ايوه و حلو و هتلبسبه.
ملاك: ابدا اموت بدل ما سيف يشوفني بالفستان ده.
سهي: ملاك.
ملاك: لا لا...
نور: في ايه بتتخانقوا ليه؟!
سهي: مش عاجبها الفستان...
نور(بضحك): ما حلو اهو يا ملاك...
ملاك: متفقين عليا يعني؟!
سهي: هتلبسيه.
نور: خلاص يا سهي متضغطيش عليها هي هتطلع جميلة و جذابة في كل لبسها.
ملاك: و الله انتي ست عسل.
سهي: طب وريني هتلبسي ايه؟!
ملاك: لسة هشوف، هشوف سيف فين الاول.
ملاك: لحظة.
ملاك اتصلت ب سيف، الخط اتفتح.
سيف: الو يا حبيبتي.
ملاك: الو يا سيف...
ملاك: قدامك قد ايه؟!
سيف: نص ساعة. ليه في حاجة؟!
ملاك: لا ده علشان مالك و جودي كانوا عايزين يقعدوا معاك و هما عليهم مدرسة الصبح.
سيف: خليهم يناموا و انا بكرة هقعد معاهم.
ملاك: طيب باي.
سيف: باي يا روحي.
ملاك: قدامه نص ساعة.
نور و سهي و ملاك بدأوا يحطوا الاكل علي الترابيزة اللي في الاوضة...
نور: باي.
سهي: باي باي.
كل واحد دخل اوضته بسرعة و ملاك كانت متوترة.
عند سيف.
سيف وصل للعمارة و سلم علي البواب و ركب الاسانسير و هو فرحان و بيلعب بالهدية اللي في ايده.
سيف دخل الشقة لقاها معظمها ضلمة دخل اوضة جودي و مالك و باسهم و خرج و دخل اوضته.
سيف خرج بره الاوضة تاني و بعدها بص جوا.
سيف: دي اوضتي صح؟!
سيف: و دي ملاك!
سيف: انا اتجننت و لا ايه؟!
ملاك(بخفوت): لا.
سيف دخل الاوضة ببطء و قفل الباب وراه بالمفتاح و ساب هديته علي التسريحة و قرب من ملاك.
سيف مسك ايدين ملاك و بص عليها كلها و علي جسمها كله و علي كل اللي هي لابساه...
سيف: حد قالك انك خاطفة انفاسي في كل وقت؟!
ملاك كانت لابسة فستان ابيض كان للركبة بالظبط، شفاف من عند الخصر و مفتوح كل الضهر علي شكل سبعة واسعة ب ¾ كم، لبست صندل بكعب دهبي و لابسة دبلة سيف، رفعت شعرها ل فوق علي شكل كحكة و منزلة كام خصلة علي وشها، حطت روچ احمر غامق و كحل حدد عينيها.
سيف: انتي ملاك يا ملاك.
سيف: مش معقول كل مرة بتخطفيني كدة.
سيف قرب من ملاك و باسها جمب شفايفها.
سيف: انتي جميلة اوي.
ملاك: حمدلله بالسلامة.
سيف: كنتي عايزة تقولي ايه الصبح؟! الفضول قاتلني...
ملاك: ما تيجي نأكل الاول.
ملاك لفت ورا سيف و قلعته جاكت البدلة و فكت اول زرارين من قميصه.
ملاك: يلا.
سيف: طيب يلا.
سيف و ملاك قعدوا و بدأوا ياكلوا و ملاك متوترة.
سيف: ملاكي.
ملاك: نعم.
سيف: مالك فيكي حاجة؟!
ملاك: لا بس اول مرة اتحط في الموقف ده.
سيف: موقف ايه؟!
ملاك بصت في الارض و بعدها بصت ل سيف و قامت قعدت علي السرير.
سيف بصلها باستغراب بسبب تصرفاتها. سيف قام و قعد جمبها و مسك ايديها.
ملاك: سيف انا بحبك.
ملاك: بص مش عارفة ازاي و ليه بس هو كدة. خدت وقت كبير علي ما قولتها عارفة بس غصب عني.
ملاك: لما تخوض تجربة و تطلع بخسائر كبيرة بتكون خايف تدخل علاقة تانية، انا كدة يا سيف.
سيف(بفرحة): مش متخيلة كم السعادة اللي حاسس بيها دلوقتي بسبب كلمتك.
سيف: بحبك اكتر بكتير يا قلب سيف.
سيف: لحظة واحدة.
سيف قام و جاب الهدية و قرب من ملاك.
سيف: غمضي عيونك.
ملاك: اهو.
سيف: فتحي.
ملاك فتحت لقت سيف قاعد قدامها في الارض و مد ايده بخاتم ماس فيه فصوص رائعة.
سيف: تقبلي تكلمي معايا باقية حياتك في الحلوة و الوحشة.
ملاك: اه.
سيف لبس ملاك الخاتم و قام وقف حضنها و رفع رجليها من علي الارض.
سيف: بحبك قد البحر و اكتر بكتير.
سيف: بس ايه الحلاوة دي؟!
ملاك(بخجل): يا سيف.
سيف: قلبه.
ملاك: بطل بقي. تعالي دوق التورتة ماما نور هي اللي عملتها.
سيف: لما ندوق التورتة علشان حججك كلها تخلص...
سيف قعد علي الكرسي و شد ملاك علي رجله. و بدأ يأكل التورتة و يأكل ملاك.
سيف: لا حلوة.
ملاك: طبعا يا ابني.
سيف حرك ايده علي ضهر ملاك و باس ايديها.
سيف: تعرفي يا ملاك احلي حاجة فيكي، انه مهما بيحصل ليكي محتفظة ببرائتك و جمالك.
ملاك: و انت احلي حاجة فيك غمازاتك.
سيف: و الله.
ملاك: ايوه.
سيف: بحبك يا قردة.
ملاك: سيف متقولش قردة.
سيف: بتزعلي؟!
ملاك: بتضايق.
سيف: قردة قردة قردة قردة.
ملاك(بضيق): طيب.
ملاك كانت هتقوم سيف حضنها اكتر لحضنه.
سيف: قردة و احلي قردة كمان و اعند واحدة.
سيف: بس بحبك نصيبي بقي.
سيف شال ملاك بين ايديه و حطها علي السرير و قلعها الصندل بتاعها.
ملاك(بتوتر): هو...
سيف: نعم.
سيف قعد علي السرير يقلع جذمته و قلع قميصه و طلع جمب ملاك.
سيف حضن ملاك و مسك ايديها و حط ايده التانية علي شعرها.
سيف: ملاكي متخافيش مش هقرب منك الا بعد ما اعملك فرح كبير يتكلم عنه كل صغير و كبير في البلد.
سيف: هخليكي تنسي كل اوجاعك و مش هيبقي في عقلك غير ذكري فرحنا.
ملاك: بحبك. ربنا يخليك.
سيف: انا اكتر يا حبيبة قلبي.
سيف شد دبوس الشعر اللي ماسك شعر ملاك.
سيف: بحب شعرك مفرود.
سيف قرب من ملاك و باس رأسها و دفن وشه في رقبتها.
سيف: تصبحي علي اجمل حاجة في الدنيا...
ملاك: اكيد انت...
ملاك باست رأس سيف و حضنته اكتر.
في الصباح الباكر...
تليفون سيف رن كتير.
سيف فاق من النوم متضايق و ملاك اتحركت بانزعاج و هي في حضن سيف...
الخط اتفتح.
سيف(بضيق): الو يا زفت.
عمر: سيف هو.
سيف: خير؟!
عمر: المخازن اتحرقت كلها.
سيف اتصدم جدا لدرجة ان التليفون وقع منه.