قصص و روايات - قصص رومانسية :

رواية الملاك المتمرد للكاتبة سلسبيل كوبك الفصل التاسع عشر

رواية الملاك المتمرد للكاتبة سلسبيل كوبك الفصل التاسع عشر

رواية الملاك المتمرد للكاتبة سلسبيل كوبك الفصل التاسع عشر

قعدوا يدوروا كتير تاني و لقوا الكلب بيجري في مكان و سيف وراه...
الكلب وقف فجأة و سيف وقف و فتح عيونه من الصدمة...
سيف لقي قميص ملاك و عليه دم قرب من القميص و مسكه بصدمة...
سيف(بدموع): ملاك.
الكلب شد من سيف القميص و قعد يجري و سيف وراه...
عند ملاك...

لما وقعت رأسها اتخبطت في صخرة و نزلت دم كتير من رأسها و كانت بين الوعي و اللاوعي لغاية ما استسلمت للظلام و بعد كام ساعة بدأت تفتح عينيها بكسل و ضعف و بصت حواليها حست بخوف و بعد محاولات منها قامت وقفت و سندت علي شجرة و قلعت قميصها ببطء و مسحت الدم اللي علي رأسها و رقبتها وبدأت تمشي ببطء و هي بتسند علي الشجر و كانت بتقاوم علشان تخرج بره المكان اللي هي فيه، و كمان كانت بتقاوم احساس بالخوف من الدم...

ملاك كانت ماشية و سمعت صوت قريب منها اوي خافت اكتر و بدأت ترتعش و رجعت بضهرها اتكعبلت و وقعت علي الارض بس الضربة كانت قوية.
سيف(بخضة): ملاك.
سيف جري علي ملاك و حط رأسها علي رجله...
سيف(بقلق): ملاك سمعاني ملاك ردي عليا.
ملاك كانت بتفتح عيونها و تقفلهم و الرؤية مشوشة.
سيف(بقلق): ملاك حبيبتي ردي عليا ملاك.
سيف بص لقي جرح عميق في رأسها لسة بينزل دم و التي شيرت بتاعها الابيض متبهدل دم برضو بس بسيط...

سيف حس بوجع في كتفه جامد و معرفش يشيل ملاك.
سيف: ملاك قومي معايا يلا.
سيف قام و حاول يقوم ملاك معاها و حط ايده علي خصرها و ايده التانية ماسكة ايديها و ملاك اعصابها سايبة ومش حاسة بنفسها...
سيف: ملاك ساعديني يلا.
سيف بدأ يمشي شوية و يقف شوية.
سيف: ملاك حبيبتي استحملي شوية...
سيف و ملاك بعد فترة كبيرة وصلوا للباقي.
عمر(بخضة): قلقتنا عليك يا سيف، ملاك!
عدي: مش وقته دي بتنزف لازم ننقلها المستشفي حالا...

سيف: فعلا يلا بسرعة.
سيف ركب العربية و حط ملاك علي رجله و قعد يملس علي وشها و شعرها، عمر و عدي قاعدين قدام و بيسوقوا بسرعة كبيرة...
سيف(بدموع و همس): اسف ليكي يا ملاك، اسف اني مكنتش جمبك و حميتك.
سيف شبك صوابعه في صوابع ملاك و شدد عليها بقوة ملاك فتحت عينيها ببطء.
سيف(بقلق): سماعني؟!
ملاك غمضت عينيها تاني و رأسها رجعت ل ورا و جسمها تقل...

سيف شاف نبضها بخوف ملقاش في نبض ضغط اكتر علي رقبتها لقي نبض ضعيف جدا...
سيف(بعصبية و خوف): انجز يا عمر.
عمر: طيب بس مفيش اي مستشفي قريبة من هنا.
عدي: حاول تسرع اكتر يا عمر ممكن يبقي في نزيف داخلي، او رأسها مفتوحة و محتاجة خياطة قبل ساعتين.

-سيف بص علي وش ملاك و جسمها و ايديها لقي في خدوش بسيطة في ايديها و بنطلونها مقطوع من عند الركب، و رأسها فيها جروح من الجمب اليمين و الشمال و الدم نازل لغاية رقبتها و في جرح جمب شفايفها...
بعد نص ساعة كان عمر وصل للطريق العام...
عمر: في مستشفي علي بُعد ربع ساعة...
سيف(بهمس): استحملي شوية انا جمبك و مش هسيبك.
وصلوا للمستشفي و عمر وقف العربية سيف حمل علي كتفه و شال ملاك و دخل المستشفي بسرعة.

عدي: لو سمحت عايزين دكتور في اسرع وقت.
ممرض: اتفضلوا معايا.
دخلوا ملاك اوضة الاسعاف و جه دكتور و دكتورة و بدأوا يفحصوا ملاك.
الدكتورة: مش هنقدر نقول اي حاجة الا بعد الاشاعة.
طهروا ل ملاك جروحها كلها و لفوا رأسها بشاش.
سيف: بتعملوا ايه؟!
الدكتورة: هنغير ليها هدومها علشان تكون جاهزة و ندخلها اوضة الاشعة.
سيف(بحدة): يلا بره.
سيف خرج الدكتور و الممرض بره الاوضة و عمر و عدي خرجوا من تلقاء نفسهم...

سيف ساعد الدكتورة و غيروا ل ملاك هدومها و نقلوها اوضة الاشعة.
عمر: اهدي انقذناها اهو يا سيف اهدي بس.
سيف: لما تفوق و تفتح عينيها ساعتها ممكن اهدي...
عدي: طب اسكتوا معلش بقي اسكتوا هنسمع كلام الدكاترة دلوقتي و هيطمنونا...
الدكتورة: للاسف زي ما توقعنا.
الدكتورة: نزيف داخلي رضوض الرأس. و ده بيشكل خطورة عليها لو...
عمر(بخضة): سيف!
سيف وقع في الارض قبل ما الدكتورة تكمل كلامها و عمر و عدي جمبه.
عدي: سيف فوق.

الدكتورة: وسعوا كدة.
الدكتورة شافت النبض لقته عالي جدا و طريقة التنفس مش منتظمة.
الدكتورة: عنده مشكلة في القلب.
الدكتورة: ايه الاصابة دي؟!
عمر(بحدة): اللي عليكي دلوقتي انك تنقذيه هو و مراته، فاهمة.
عدي: بعد اذنك يا دكتورة يلا.
نقلوا سيف اوضة عادية و حطوا ليه جهاز اوكسجين...
عدي: دكتورة ملاك ايه اللي هيحصل ليها دلوقتي؟!

الدكتورة: مش هنخليها تخضع لعملية، هنكتب ليها ادوية هتساعد مع مرور الزمن انه النزيف الداخلي يختفي.
عدي: ازاي؟!
الدكتورة: لو سكتنا علي الوضع ده النزيف هيزيد و هيؤدي إلى الوفاة، لو تدخلنا بعملية نسبة نجاحها 10% لانه واضح جدا انها خضعت لعملية في المخ من فترك قريبة، علشان كدة هنوديها ادوية هتمشي عليها شهر واحد بعد كدة هنقرر ايه اللي هيحصل ساعتها...
سيف اتصدم من كلام الدكتورة نوعا ما.

عمر: انت كنت تعرف انها عملت عملية؟!
سيف(بتعب): لا.
الدكتورة: عن اذنكوا.
عدي: اهدوا يا جماعة خير ان شاء الله.
سيف غصب عنه دموعه نزلت عدي و عمر حضنوه...
عدي: اهدي هتكون كويس اجمد كدة يا معلم.
عمر: كل الامور هتتحل متقلقش يا سيف.
سيف: ربنا بيخلص ذنوبي فيها.
عدي: بعدين نبقي نتكلم...
نقلوا ملاك اوضة عادية و علقوا ليها محاليل و سيف و عدي و عمر وقفوا قدام الاوضة.
الممرضة: المريضة بتفوق تقدروا تخشوا تشوفوها...

سيف دخل بخطوات بطئية للاوضة و قرب من سرير ملاك و حط ايده علي شعرها و ايده التانية مسكت ايد ملاك.
ملاك بدأت تفتح عينيها ببطء و ضعف بس مش قادرة...
سيف(بضعف): ملاك...
ملاك(بتعب): انا فين؟!
سيف: في المستشفي...
ملاك(بتعب): يعني مشيت من الغابة الوحشة دي؟!
سيف: اه يا روحي.
ملاك: مالك؟!
سيف: مالي؟!
ملاك: معمتش لسة علشان معرفش اميز اذا كنت بتعيط و لا لا...

سيف: مفيش افتكرت حصلك حاجة قعدت افكر طب و هخانق مين بعد كدة، و لا مين اللي هيفضل يعاندني و يتمرد علي اوامري...
ملاك: انا.
سيف: واثق يا روحي واثق...
ملاك: متقولش روحي بتحسسني اننا بنحب بعض كدة و علاقتنا مثالية...
سيف: طيب يا روحي.
ملاك(بغيظ): سيف.
سيف: روحه.
ملاك: يخرب بيت الرزالة جايبها منين ياض؟!
سيف: طب ما تقومي يا بت انتي و لا عجبتك قاعدة المستشفي.
ملاك: انا برضو مبحبش المستشفيات اوي.
الباب خبط.

سيف: ادخل.
الدكتور: احم صباح الخير انا الدكتور مراد المشرف علي حالة انسة ملاك، الدكتورة سهر سلمت ليا الحالة دي.
سيف(بغضب لنفسه): غلطت تلت غلطات و اوعدك هقتلك.
سيف(ببرود): انا قولت يبعتوا دكتورة ممكن علشان كدة بعتوك.
مراد(بحدة): ايه اللي حضرتك بتقوله ده؟!
سيف(ببرود): اللي فهمته...

سيف(ببرود): و اه نسيت اقولك مش انسة مدام المدام تبقي مراتي، ثانيا بقي مراتي مش هتقعد هنا لحظة واحدة و هكون انا المشرف علي حالتها...
سيف(ببرود): بره.
مراد بص ل سيف و ملاك بغضب و خرج بره عمر و عدي ضحكوا عليه...
ملاك: تعرف كان شكله حلو و هو متعصب.
ملاك: بفكر بعد ما نتطلق اجي هنا و ممكن ارتبط بيه و نتجوز و نعمل فرح و نخلف و نجيب بنت و ولد و اخلي اسم البن...

ملاك فتحت عينيها علي اخرهم لما سيف شدها ناحيته بغضب و (لخيالكوا)...
سيف(بغضب): ابقي فكريني اعلمك ازاي تجيبي سيرة راجل تاني قدام جوزك، بس بطريقتي بقي.
سيف ساب ملاك و خرج قفل الباب بغضب.
عدي و عمر قعدوا يبصوا علي الباب اللي ورا سيف.
سيف(باستغراب): في ايه؟!
عمر: لا بندور علي الراجل اللي كان هيموت دلوقتي بسبب ملاك متعرفش راح فين.
عدي: اه و النبي يا كابتن متعرفش راح فين؟!

سيف(بعصبية): الغبية قال ايه الحيوان اللي لسة خارج ده حلو في عصبيته لا و قررت انها تتجوزوه و يعملوا فرح و يخلفوا كمان لا و ايه كانت هتقول اسمائهم ايه...
سيف(بعصبية): لو كنت اطول اقتلها كنت عملت كدة.
سيف(بعصبية): خلي في حراسة قدام الاوضة و تعالوا معايا.

-في مكان تاني...
عند مريم.
مريم كانت قلقانة اوي و خايفة لان عمر لسة مرجعش و هي مش معاها موبايلها عملت اكل ليها لانه كان هيغمي عليها و كلت. حاولت تنام معرفتش فضلت صاحية للصبح مستنية عمر يرجع...
لقت تليفون البيت بيرن.
مريم اترددت كتير ترد و لا لا و في الاخر قررت انها ترد...
الخط اتفتح.
مريم(بخوف و توتر): الو.
عمر: مريم انتي كويسة؟!
مريم(بدموع): انا خايفة اوي يا عمر، تعالي بسرعة...

عمر(بقلق): طيب حاضر، ساعة ساعتين و اكون قدامك خلي بالك من نفسك...
عمر: كلي كويس و متتكسفيش في اقرب وقت جايلك متخافيش انتي بس...
مريم: حاضر...
عمر: باي.
مريم: باي...
مريم بصت علي الفيلا و قررت تروقها و بالفعل عملت كدة و دخلت قعدت تحضر غداء علشان لما يرجع عمر...

-في مكان تاني...
في بيت محمد.
محمد: نور نور.
نور: نعم يا بيه.
محمد: جهزي الفطار عندنا ضيوف...
نور: عيوني...
محمد: يا رب.
محمد اتحرك بالكرسي بتاعه و راح لاوضة المكتب.
عند خالد.
خالد فاق من النوم و خد دوش و خرج غير هدومه...
خالد لبس بدلة باللون الكحلي و قميص ابيض و جذمة سوداء و سرح شعره و حط البرفيوم الخاص بيه.
خالد خرج من اوضته و سمع صوت حركة غريبة راح ناحية الصوت و فتح الباب...

خالد لقي شروق بترقص زومبا.
شروق(بخضة): انت!
خالد(بتوتر): اسف نسيت انك هنا.
خالد خرج و قفل الباب بسرعة و نزل ل تحت بارتباك خبط في نور...
خالد: اسف.
نور: و لا يهم حضرتك.
خالد: جدو صحي؟!
نور: اه.
خالد: فين؟!
نور: علي ما اعتقد في اوضة مكتبه.
خالد: طيب شكرا...
خالد راح لاوضة المكتب ل محمد.
عند شروق...
شروق دخلت خدت دوش و خرجت تغير هدومها.

شروق لبست بنطلون جينز مقطوع كله و فوقه تي شيرت ابيض بنص كم قصير مبين بطنها و لبست كوتشي باللون الاسود، و سيبت شعرها القصير.
شروق نزلت ل تحت و بدأت تدور علي اي حد.
خدامة: بتدوري علي حد يا هانم؟!
شروق: اه فين جدو محمد؟!
خدامة: في اوضة مكتبه.
شروق: فين دي؟!
خدامة: اخر الممر ده يمين.
شروق: تمام شكرا.
شروق راحت لاوضة مكتب محمد و خبطت الباب.
محمد: ادخل.
شروق: صباح الخير ازيك يا جدو.
محمد: حبيبتي تعالي.

خالد: عن اذنك يا جدو ورايا شغل.
شروق: هي فين ملاك يا جدو؟! و ازاي اتجوزت؟!
خالد: احم ملاك مع سيف محدش عارف فين يا جدو حاليا يعني.
محمد: طيب. روح انت شغلك.
خالد: باي.
محمد: تعالي يا حبيبتي نفطر.
شروق: شكرا يا جدو.
محمد و شروق راحوا للسفرة و بدأوا يتكلموا و يضحكوا...

-في مكان تاني...
في القصر...
مني: تاج تاج.
مني: يا بنتي قولي راحة فين؟!
تاج: راحة اشوف اختي اللي انتوا رميتوها.
تاج سابت مني و ركبت عربيتها و راحت ل مستشفي سيدرا...
تاج: لو سمحت يا دكتور ايه حالة سيدرا؟!
عدلي: ماشيين في العلاج بس شايف تطور ملحوظ في شهر.
تاج: ممكن ادخل ليها؟!
عدلي: اتفضلي.
تاج دخلت اوضة سيدرا...
سيدرا(بلهفة): تاج.
تاج(بدموع): سيدرا.
تاج حضنت سيدرا جامد و قعدوا الاتنين يعيطوا جامد.

سيدرا: انتي عاملة ايه؟!
تاج: طمنيني عنك انا بخير المهم انتي.
سيدرا: الحمد لله.
تاج: لابسة دي ليه؟!
سيدرا: بلاش.
تاج شالت اللي سيدرا لابساها علي رأسها لقت شوية من شعرها وقعوا منها...
تاج: معلش يا روحي الدكتور قال في استجابة.
سيدرا: الحمد لله، اخبار سيف ايه؟!
تاج: كويس.
سيدرا: و مالك و جودي و الكل.
تاج: كلنا كويسين.
سيدرا: فين سيف مجاش ليه؟!
تاج: عنده شغل كتير اوي...

سيدرا: ربنا يعينه، يلا يا حبيبتي وراكي جامعة؟!
تاج: اه. هجيلك تاني في اقرب فرصة باي.
تاج حضنت سيدرا و بعدها قامت ركبت عربيتها و راحت الجامعة.
تاج: اوف مبتردش ليه البت دي؟!
تاج: يا ريتاج اوف يا ريتاج.
تاج(بخضة): ايه ده؟!
تاج خبطت في حد و اتضح انه جاسر.
تاج: حاول بس تقول كلمة تضايقني و الله افضحك و اقولهم انك هربت علشان.
جاسر(ببرود): مش عايز اسمع صوتك اسكتي.

جاسر مشي و راح ل مكتبه و تاج للمدرج و ريتاج مجاتش و بعد فترة جت محاضرة جاسر.
تاج لاحظت ان جاسر فيه حاجة مش كعادته، بس محطتش في بالها...

-في مكان تاني...
في القصر.
سهي: يلا يا حبايبي خلوا بالكوا من نفسكوا.
مالك: باي يا تيتة.
جودي: باي يا تيتة.
سارة: اتفضلوا.
مالك و جودي خرجوا كل واحد مستني الاتوبيس بتاعه...
مالك: باي.
جودي: باي.
مالك مشي الاول و بعده جودي، سارة دخلت تكمل شغلها...
سهي: البيت بقي مش مظبوط و كمان انا محتارة هو سيف و ملاك ايه نظامهم...
مني: نفسي اعرف انا كمان، يعني هما تمموا جوازهم و لا لا و لا حصل ايه.

سهي: سيف ده اه ابني بس محدش يعرف ايه اللي في دماغه...
مني: الصبر يا رب.
رزق: خير يا امي مالك؟!
مني: مفيش.
رزق: طيب، عن اذنكوا ورايا مشوار.
سهي: سيف كان بيجمعنا و قبليه فؤاد...
مني: ايوه ربنا يرجعهم بالسلامة...
سهي: مالك يا نور؟!
نور(بتعب): مفيش حاسة بصداع بس.
مني و سهي: الف سلامة.
نور: الله يسلمكوا...
مني: يلا يلا نأكل احنا.
سهي: فين معتز؟!
مني: اه صح ممكن يكون لسة نايم.
مني: سارة سارة.
سارة: نعم يا هانم؟!

مني: فين معتز؟!
سارة: معتز بيه خرج من بدري.
سهي: البيت ده مبقاش ليه كبير شكله.
نور: اهدوا بس معلش، كل واحد مصيره ينشغل بحياته...
مني: بس سيف كان ممشي الكل علي نظام لما يرجع ليا معاه كلام...
سهي: طب يلا نأكل.
و التلاتة راحوا السفرة و بدأوا يأكلوا.

-في مكان تاني...
عند ملاك.
ملاك(بزهق): اوف بقي عايزة امشي من هنا مش بتفهمي ليه؟!
الدكتورة(بحدة): لو سمحت تسكتي شوية علشان اشوف شغلي.
ملاك(بعصبية): انتي بتزعقيلي؟!
سيف(بجمود): ملاك اسكتي و سيبي الدكتورة تشوف شغلها...
ملاك(بعصبية): دي دكتورة غبية و مبتفهمش حاجة، هتولي الدكتور مراد وشه بشوش و برئ يفتح النفس كدة.
سيف قرب من ملاك و مسك ايديها جامد...
سيف(بغضب): مش قولتلك متجبيش سيرة حد تاني.

سيف نظراته اتحولت من الغضب للخوف اول ما شاف ملاك بترتعش جامد و بتتنفس بصعوبة...
سيف(بخوف): ملاك.
الدكتورة: لو سمحت وسع.
الدكتورة حطت ل ملاك جهاز اوكسجين و غطتها كويس...
سيف: هو حصلها ايه؟!
الدكتورة: قولت ل حضرتك ممكن يحصل غيثان,دوخة,اغماء,ارتعاش,الرؤية هتتغير فجأة,ممكن تقعد ساعة ساعتين مش بتتكلم,صداع ممكن يحصل فجأة و هيبقي حاد...
سيف: يعني ده طبيعي؟!

الدكتورة: اه، العلاج و طريقته مع الاستاذ اللي بره اتمني الالتزام بالكلام و الوقت مينفعش يحصل اي خلل في المواعيد يرجي الالتزام بالمواعيد.
الدكتورة: عن اذنك و خليها تبطل عصبية شوية.
سيف وطي و باس رأس ملاك اللي كانت مفتحة عينيها و نزل باس عينيها بحب و ملاك غمضت عينيها...
ملاك(بدموع): عايزة امشي، هو حصلي ايه يا سيف؟! انا خايفة اوي...
سيف: طول ما انا جمبك متخافيش و انتي مية فل و عسل كمان...

سيف: مش عايز اشوف غير ابتسامتك.
ملاك: عايزة امشي و ابعد يا سيف.
ملاك: سيف انا عايزة نتطلق شوف واحدة غيري تراعي مالك و جودي و سيبني يا سيف.
ملاك: سيف طلق...
سيف قرب من ملاك و (لخيالكوا).
سيف: لاول مرة هقولها ليكي انتي مراتي لاخر نفس فيا...
سيف شال ملاك بين ايديه و خرج بره الاوضة.
ملاك: يا مجنون بتعمل ايه مخرجني ب لبس المستشفي يا مجنون.
عمر: اديكي قولتيها مجنون...
عدي: الصبر يا رب، هو ده سيف العاقل الهادئ!

عمر: لا سيف العاشقان.
ركبوا العربية هما الاربعة سيف و ملاك ورا.
ملاك: يا غبي انت.
سيف: نامي يا ملاك نامي.
ملاك: لا رجعني للدكتور مراد واد حليوة و قمر.
سيف(بجمود): وقف العربية يا عمر.
عمر: طب في البيت طب.
سيف(بحدة): سمعتني؟!
عمر: حاضر حاضر.
عمر وقف العربية و سيف نزل و نزل منها عدي و عمر و ركب هو مكان عمر...
سيف: ارجعوا مع الحراس...
ملاك: لا متسبنيش مع المجنون ده.

سيف ساق بأقصي سرعة في العربية و ملاك مكنتش قادرة تستحمل السرعة دي و ماسكة في كتف سيف.
سيف: عايزاني اوقف؟!
ملاك(بدوخة): اه اه يا سيف و حياة ولادك عندك ابوس ايدك وقف...
سيف: بوسة فورا.
ملاك(بدوخة): طب وقف العربية الاول.
سيف: لا يلا فورا.
سيف: هخبط الراجل ده و مش هقف.
ملاك نطت باست سيف علي خده بسرعة و سيف وقف العربية بسرعة قبل ما يخبط الراجل اللي قدامه...
ملاك: ربنا علي المفتري.
ملاك: الحقني يا سيف الحقني.

سيف(بخضة): في ايه؟!
ملاك: الرؤية مش واضحة لا دي منعدمة مش واضحة لا منعدمة سيف انا بتعمي يا سيف...

الدكتورة: قولت ل حضرتك ممكن يحصل غيثان,دوخة,اغماء,ارتعاش,الرؤية هتتغير فجأة,ممكن تقعد ساعة ساعتين مش بتتكلم,صداع ممكن يحصل فجأة و هيبقي حاد...

سيف ساق العربية و ركن علي جمب و نزل من الكرسي الامامي و قعد ورا جمب ملاك و حضنها.
سيف: اهدي اهدي الدكتورة قالت عادي.
سيف: انا اسف.
ملاك مسكت ايد سيف و سيف ابتسم ليها.
سيف(بصوت عالي): يا بنت المجانين...
ملاك(بعصبية): علشان تبقي تسرع تاني.
سيف(بغضب): يعني انتي كنتي بتستعبطي؟!
ملاك(بخوف): لا و الله في الاول الرؤية مكنتش واضحة لما قولت...
ملاك(بملامح برئية): لكن دلوقتي كنت بستعبط.

سيف(بغيظ): انتي ليه جميلة؟!
ملاك: افندم!
سيف: اوف اوف يا ربي ليه هي جميلة ليه.
ملاك(لنفسها): يا ابن المجنونة...
سيف نزل و ركب في الكرسي الامامي و راح علي القصر...
سيف نزل و فتح الباب اللي ورا.
معتز: سيف.
سيف: ايه يا معتز؟!
معتز(بصدمة): ايه اللي حصلها؟!
ملاك(بوجع): سيف حاسة اني مش قادرة اشوف يا حبيبي.
ملاك(بوجع): سيف الرؤية انعدمت بجد.
سيف: عن اذنك يا معتز...

سيف شال ملاك و دخل القصر. الكل قام مخضوض من علي السفرة.
سيف: بعدين.
سيف طلع اوضته و حط ملاك علي السرير.
سيف: هعملك مساچ في رأسك استرخي.
ملاك: تمام.
سيف بدأ يعمل مساچ في رأس ملاك و ملاك مرتاحة لدرجة انها نامت...
تحت.
مني(بقلق): شوفتوا حصل ايه؟! انا قلبي مكنش مطمن.
مني(بعصبية): هاتولي الواد اللي اسمه عمر ده و ربي افرمه تحت رجلي...
سهي: اهدي بس يا حبيبتي سيف جاي و هيفهمنا.

نور: اهدي شكلها ضربة بسيطة ان شاء الله...
رزق: هتيجي ب لبس المستشفي.
سهي: انا عارفة جنون ابني.
معتز: هينزل و هنفهم مستعجلين علي ايه.
سيف: مساء الخير.
مني: ها يا حبيبي ملاك مالها و انت انت كويس؟!
سيف: مفيش كنا في مشوار اتخطفنا بس عمر عرف مكانا و ملاك تاهت في الغابة و بعد يوم لقيناها مغمي عليها و بتنزل دم و ودناها المستشفي.
سهي: باين هدوم المستشفي.
سيف: اه يا امي. ناس عجيبة.
سيف: فين مالك و جودي؟!

مني: راحوا ل سيدرا.
سيف: طيب هطلع اريح ساعة و انزل.
سيف خد دوش و غير هدومه و نام جمب ملاك بعمق.
بعد فترة...
ملاك بدأت تفوق ببطء و لفت لقت سيف جمبها.
ملاك قربت من سيف و باست خده و دفنت وشها في رقبته اتصدمت لما لقته لف ايده و حاوط خصرها و قربها منه.
ملاك(بتوتر): سيف سيف سيف.
ملاك لقته نفسه منتظم و نايم بعمق و بصت ليه كتير، و بعدها حاولت تقوم بس لقته ماسك فيها اوي...
ملاك: اوف بقي ايه بزق بغل. يا ربي.

ملاك زقت سيف و قامت سيف فاق و فتح نص عين.
سيف(بنوم): في ايه؟!
ملاك: مفيش.
سيف مسك ايد ملاك و شدها ناحيته و كمل نوم.
ملاك: ابعد عني يا سيف. سييييييييييف.
سيف(بنوم): بت انتي نامي و اسكتي.
ملاك: طب ابعد عني هقوم استحمي بدل لبس المستشفيات ده.
سيف فتح عيونه و بص ل ملاك شال شعرها من علي وشها و كان بيقرب منها ملاك حطت ايديها علي بوقه.
ملاك: سيف عايزة اقوم وسع.

سيف(بحنية): ملاك انا شايف انه مفيش داعي ل ده كله ا...
ملاك: انا عايزة اقوم.
ملاك زقت سيف و قامت دخلت الحمام خدت دوش طويل، سيف اتعدل و نام علي ضهره و حط ايده علي عيونه...
ملاك خرجت لقت سيف لسة مكانه.
ملاك: ما تقوم شوية.
سيف: خير يعني اقوم اعمل ايه؟! اشوفك اتامل جمالك.
سيف(بسخرية): جمال ايه انا شايف راجل مش انثي.
ملاك(بحدة): هه و علي اساس يعني حد طلب رأيك.

ملاك: و كمان كدة كدة هنتطلق و ممكن اتجوز مراد هو دكتور و وسيم لاحظت عيونه كانت رصاصي و لا عضلاته و لا طوله و جسمه كان كل شئ فيه مثالي كان يتحسد الصراحة تفتكر هيرضي بيا طبعا هيرضي هو انا اي حد انا اي حد يتمناني بس المهم انا عايزة مين.
ملاك شهقت لما لقت سيف وراها و حاوط خصرها بايده و قربها منه.
سيف(بهدوء قبل العاصفة): انتي لسة عند كلامك ده؟!
ملاك(بتوتر): وضعنا كدة مينفعش لازم اغير هدومي.

ملاك كانت هتجري من قدام سيف بس ايد سيف منعتها.
ملاك(بوجع): آآه.
سيف(بحدة): لسة عند كلامك؟!
ملاك(بتوتر و خوف): سيف انا خايفة.
سيف لف ملاك ليه و مسك ايديها الاتنين و شدها ليه.
سيف: يبقي متعمليش اللي يعصبني. فاهمة؟!
ملاك(بخوف): ايوه سيب ايدي.
سيف ساب ملاك و ملاك جريت علي اوضة الملابس.

ملاك لبست جيبة قصيرة ضيقة باللون الابيض التلجي و تي شيرت ب ¾ كم باللون الاسود و لبست كوتشي عالي باللون الاسود. سيبت شعرها ورا ضهرها و رفعت جزء منه ل فوق علي شكل كحكة.
سيف: و انتي بقي متخيلة اني هسمحلك تنزلي بالقصير ده...
ملاك(بعصبية): بس بقي هتفضل تتحكم فيا كتير زهقت زهقت، زهقت ان ابقي في دور الضعيفة و اللي مليش رأي و لا شخصية ابعد عني بقي ابعد...
ملاك قربت من سيف و مسكته من قميصه.

ملاك(بعصبية): انسي اني اسمع كلامك من ساعة ما جيت هنا و انا مشوفتش و لا يوم واحد سعيد و آخرهم اهو رأسي حرام عليك بقي ابعد عني مش عايزة حد في حياتي سيبوني.
ملاك زقت سيف و مسكت شنطتها و نزلت بغضب علي السلالم و سيف خرج بص عليها و هي نازلة.
معتز: مدام ملاك مدام ملاك.
-ملاك بصتله بغضب و لو كانت النظرات بتقتل كان زمانه مات و كملت مشيها و طلعت بره القصر.
معتز طلع ل سيف و حط ايده علي كتفه...

معتز: في ايه يا سيف؟! انت و مراتك متخانقين؟!
سيف: لا هي وحشتها عائلتها راحت ليهم.
سيف: طمني انت عليك، لقيتها؟!
معتز: لا لسة.
سيف: هتلاقيها متقلقش.
معتز: بس تخيل لو مقبلتش ترجع معايا؟!
سيف: مش انت اتعالجت خلاص هترجعلك و هي مين علشان ترفضك...
معتز: قول يا رب...
معتز: عن اذنك هروح اشوف شغلي.
معتز: بس لازم تبقي معايا اول ما الاقيها، انت اخويا الكبير.
سيف(بابتسامة): اكيد يا حبيبي.

-في مكان تاني...
عند مريم.
مريم كانت قاعدة حاسة بملل لقت الباب بيتفتح جريت علي المطبخ جابت سكينة و وقفت في مكان و استخبت فيه.
مريم كانت شايفة رجلين حد بتتحرك في البيت وقفت وراه و ماسكة السكينة.
مريم: اقف مكانك.
عمر لف لقي مريم ماسكة السكينة بص ليها بصدمة.
مريم(بتوتر): انت؟! اسفة مكنتش اعرف.
عمر(بضحك): يا هبلة. تعالي.
مريم: نعم!
عمر: لا مفيش، عاملة ايه؟!
مريم: الحمد لله.
عمر: شايف البيت بيبرق.

مريم: كان معفن اوي و نضافة البيت بتدل علي الشخصية.
عمر(برفعة حاجب): قصدك ايه؟!
مريم(بتوتر): ها لا مفيش اسفة.
عمر: و الله.
مريم(بصريخ): عاااااااااااااااا
حصل ضرب نار فجأة و سمعوا ازاز بيتكسر...

الفصل التالي
جميع الفصول
روايات الكاتب
روايات مشابهة