رواية الملاك المتمرد للكاتبة سلسبيل كوبك الفصل الأربعون
ملاك غصب عنها قوتها انهارت و بدأت تستسلم للظلام و وقعت في الارض مغمي عليها...
تاج كانت داخلة القصر بعد ما جاسر وصلها لقت ملاك مرمية في الارض.
تاج(بقلق): ملاك!
تاج جريت علي ملاك و حاولت تفوقها.
تاج: ملاك ردي ملاك.
تاج(بصوت عالي): حد يلحقنا، سارة عفاف.
الكل خرج علي صوت تاج...
معتز(بخضة): مالها؟!
تاج: معرفش جيت لقيتها كدة.
معتز شال ملاك بسرعة و راح ناحية العربيات و ركبها في الكرسي اللي ورا تاج ركبت معاهم و راح للمستشفي.
سهي: اتصلوا بسيف.
نور: تليفونه مغلق.
مني: طب مستنين ايه يلا نروح وراهم.
رزق: انا شايف كفاية معتز و تاج و هتلاقي قلة تغذية.
مني: طب خليكوا ورا سيف.
سهي: ايوه طمنوني عليه و طمنوني علي ملاك.
عند ملاك.
وصلوا للمستشفي و معتز نزل كان هيشيل ملاك.
تاج: نادي حد من الممرضين يجيبوا نقالة. لو سيف عرف انك شيلت مراته حياتك هتنتهي.
معتز(بعصبية): ده مش وقته. و كمان اهم حاجة ملاك مش سيف و القرف ده.
معتز شال ملاك و دخل المستشفي.
تاج: لو سمحت عايزين نقالة.
ممرضة: حاضر لحظة.
معتز بص ل تاج بغضب و حط ملاك علي النقالة و دخلوها الاسعاف.
الدكتور: ايه اللي حصل؟!
تاج: معرفش لقيناها فاقدة الوعي علي الارض.
الدكتور: طيب. متقلقوش مش حاجة كبيرة.
الدكتور: شوية ضغط بس.
تاج: هتفوق امتي؟!
الدكتور: ودتها حقنة هتفوق كمان خمس دقايق.
معتز: تمام يا دكتور تقدر تتفضل.
بعد الخمس دقائق ملاك بدأت تحرك راسها يمين و شمال ببطء.
تاج: ملاك سمعاني ملاك.
ملاك(بصوت مبحوح): سيف.
تاج: اهدي بس فوقي كدة.
ملاك(بدموع): سيف يا تاج معرفش عنه حاجة...
تاج: اهدي هنلاقيه متخافيش، و كمان هو راجل و يقدر يتحمل مسئولية نفسه...
ملاك(بدموع): بس سيف ليه اعداء و مش هيسبوه في حاله، انا خايفة عليه اوي.
تاج: طيب اهدي هحاول اتصل بيه حاضر.
تاج: معتز روح جيب اي حاجة ملاك تاكلها.
ملاك(بدموع): مش عايزة. عايزة اشوف سيف طمنوني عليه بس...
تاج: بس لازم تاكلي يا ملاك لازم تاكلي علشان خاطر جودي و مالك و علشان خاطر لما سيف يرجع ميحسش بتأنيب الضمير لما يلاقيكي ضعيفة و تعبانة.
ملاك(بدموع): بالعكس انا دلوقتي تعبانة و ضعيفة اكتر.
تاج: بعد اذنك يا معتز اخرج بره.
معتز قرب من ملاك و حط ايده علي كتفها.
ملاك(بانفعال): ابعد ايدك عني. و لو سمحت اطلع بره.
معتز: الف سلامة يا ملاك.
معتز خرج وقف بره. تاج قعدت جمب ملاك و مسكت ايديها.
تاج: بصي ممكن تستغربي من معاملتي بس انا شوفت انك متستحقيش ده، عموما متخافيش سيف هيقدر يحمي نفسه و سيف بيحبك متخافيش هيرجع.
ملاك(بدموع): يا تاج انا و سيف اتخانقنا قبل ما يمشي هو و طلع متعصب و غضبان خايفة يكون حصله حاجة، خايفة يكون عمل حادثة خايفة اوي يا تاج.
ملاك(بدموع): انا كنت زعلانة منه المفروض كان يقدر ده. و يقدر اني هاخد وقت علي ما ارجع لطبيعتي لكنه استسلم من اول مرة.
تاج: لا سيف مش بيستسلم بسهولة سيف هيحارب و بيحارب علشانك، انتي بس افهميه صح متتضايقيش علشان خاطري.
تاج: سيف كويس اكيد. متخافيش.
ملاك: يا رب، شكرا يا تاج.
تاج: مفيش شكر. يلا قومي علشان نروح.
ملاك: طيب.
تاج: الا قوليلي يا مزة هما كل عارضات الازياء قمرات و لا انتي بس.
ملاك: ثبتيني ثبتيني.
تاج: لا و الله.
ملاك: طب يلا.
ملاك و تاج ركبوا في عربية معتز و رجعوا القصر.
معتز: ملاك ممكن نتكلم علي انفراد؟!
ملاك: يلا يا تاج انا تعبانة.
ملاك و تاج دخلوا القصر لقوا الكل قاعد.
مني: ها يا حبيبتي اخبارك ايه؟!
ملاك: الحمد لله يا تيتة.
مني: اخيرا قولتيها يا حبيبتي.
ملاك: هي طلعت مني كدة.
مني: طيب يا حبيبتي.
ملاك: هطلع ارتاح.
سهي: طيب يلا.
ملاك: عن اذنكوا.
ملاك طلعت اوضتها قعدت في البلكونة و باصة للقمر و النجوم و بتفتكر كل ذكرياتها مع سيف.
جودي: ملاك ملاك.
ملاك: ها؟! نعم يا حبيبتي.
جودي: انا عايزة انام هنا جمبك.
ملاك: طيب يا روحي اطلعي علي السرير و انا هغير هدومي و اجيلك.
جودي: طيب.
ملاك قامت غيرت هدومها.
ملاك لبست بنطلون اسود بيتي و تي شيرت اصفر قصير مبين بطنها و واسع بحمالة رفيعة علي الكتف. سيبت شعرها علي ضهرها.
جودي: انتي حلوة اوي يا ملاك.
ملاك: انتي احلي يا قمري.
جودي: هو بابا مش جاي النهاردة؟!
ملاك: راجع يا حبيبتي راجع هو بس في الشغل...
جودي: طيب، انا بحبك اوي يا ملاك.
ملاك: بحبك اكتر. يلا نامي علشان المدرسة.
جودي: حاضر.
ملاك: تصبحي علي خير.
جودي: و انتي من اهله.
جودي نامت نوم عميق و هي في حضن ملاك، ملاك فضلت صاحية للشروق.
-في مكان تاني...
عند عدي.
عدي صحي الصبح و عمل تمارين الصباح و خد دوش و خرج غير هدومه.
عدي لبس بدلة باللون الرمادي و قميص ابيض و جذمة سوداء و حط البرفيوم بتاعه.
عدي نزل ل تحت و قعد في الجنينة.
عدي: من امتي النشاط؟!
جاسر: مش حاجة عادي.
عدي: عليا انا يا واد.
جاسر: في ايه يا ابني؟! مالك كدة مهيبر؟!
عدي: و لا اي حاجة. انا في قمة سعادتي.
جاسر: ليه ان شاء الله؟!
عدي: فرحي قرب. و انت معزوم.
جاسر: و حياة امك.
عدي: جاسر.
جاسر: جاسر ايه و زفت ايه؟! و مين تعيسة الحظ دي و طبعا من بنات الحسب و النسب و بتوع الفلوس و المحزق و الملزق و عرايس المولد دول.
جاسر: و عايزة كذا و مش عارف ايه و اطرد اخوك بره او خد لنا قصر بره يا حبيبي يلا نسافر و مش عارف ايه صح.
عدي: يا ابني ايه الدراما دي؟!
عدي: جود مش كدة.
جاسر: مين جود دي؟!
عدي: اللي هتجوزها. جود دي اللي خطفت قلبي.
جاسر: بقينا نتكلم عن الحب يعني. مين دي بقي اللي خطفت قلبك.
عدي: هي نازلة هتشوفها كمان شوية.
جاسر(بصدمة): هي هنا!
عدي: احم حصلت مشاكل عندها و انا جبتها هنا في ايه، و كمان هنكتب الكتاب كمان يومين و الفرح بعدين.
جاسر: حلاوتك. فين هي بقي؟!
عدي: لو قربت منها يا جاسر هقتلك.
جاسر: هنشوف. هنعاين البضاعة بس.
عدي(بغضب): يا ابن.
دادة: عدي بيه.
عدي: نعم با دادة.
دادة: جود هانم صحيت و هي اهي...
عدي: تعالي يا جود متتكسفيش.
جود(بخجل): صباح الخير.
جاسر: صباح الورد و الياسمين.
جاسر: سيبك من عدي ركزي معايا انا اسمي جاسر.
عدي(بغضب): جاسر.
عدي قام بغضب من علي الكرسي بتاعه و قرب من جاسر.
جاسر: بتعرفي تعومي؟!
جود(بخوف): ايه؟!
جاسر شد جود معاه و نطوا في حمام السباحة.
جود(بصريخ): عدي.
جاسر(بتوتر): عدي حبيبي احنا اخوات انا اسف.
عدي: هاتي ايدك يا جود.
عدي(بغضب): و انت حسابك معايا، يلا علي فوق.
جود(بدموع): انت هتضربه؟!
عدي(بغضب): هو عارف هعمل فيه ايه...
جاسر: أهون عليك يا حبيبي.
عدي(بغضب): تهون و نص.
عدي مسك ايد جود و طلعها من حمام السباحة.
عدي: روحي للدادة توديكي هدوم غير دي.
جود: ممكن متأذهوش علشان خاطري؟!
جود: هو شكله كان بيهزر و طيب.
جاسر: شوفت.
عدي: ماشي يا جاسر بس مش هعديها ليك و الايام جاية كتير متخافش...
جاسر: ماشي يا عم.
عدي مد ايده ل جاسر و جاسر مسك في ايده و طلع.
جاسر: هاي انا جاسر اخو عدي.
جود: تشرفت بحضرتك.
عدي: اطلعوا غيروا هدومكم يلا.
جود: حاضر.
جاسر و جود طلعوا غيروا هدومهم و نزلوا لقوا السفرة جاهزة.
جود: ا...
عدي: نتكلم في كل اللي انتي عايزاه بعد الفطار اقعدي.
جاسر: بيفهمها و هي طايرة.
جود: شكرا يا عدي بيه.
عدي: هكون جوزك مفيش مانع من عدي بس.
-جود بصتله بصدمة و قعدت تكح كتير و شرقت. عدي قام شربها ماية و طبطب علي ضهرها.
عدي: احسن؟!
جود(بخفوت): اه.
عدي: مش يلا علي جامعتك؟!
جاسر: معنديش محاضرات عندك مانع؟!
عدي: لا البيت بيتك بس ابقي خلي بالك من تاج اصل الجامعة فيها شباب كتير.
جاسر: تاج العريس يا نهار اسود.
جاسر مسك حاجته و طلع جري علي بره الفيلا.
عدي: مبدايا مفيش اعتراض انا بحبك و هنتجوز ممكن اكون دبش بس دي طريقتي هتتعودي عليها شوية شوية.
عدي: رايح الشركة لما ارجع قولي قرارك الاخير.
عدي: البيت بيتك و النقاش انتهي.
عدي خد حاجته و خرج بره الفيلا ركب عربيته و راح الشركة.
جود كانت باصة بصدمة بسبب طريقته معاها و كلامه.
جود: المجنون.
-في مكان تاني...
في بيت ملاك.
خالد: انت يا ست يا اللي في البيت.
شروق: مش هتبطل بقي؟!
خالد: لا.
شروق: يا رزل اوف استغليت ان محدش في البيت فقولت ارخم عليها...
خالد: هي دي الرخامة؟!
خالد: الرخامة علي اصولها بعد الفرح يا روحي.
شروق: اوف بقي انت من ساعة ما جدو مشي. و انت طلبات طلبات يا ست البيت يا مراتي يا زفتة يا شروقي يا ظلمة يا يا يا هاتي مفاتيحي هاتي جذمتي لبسيني الكوتشي، زهقت زهقت زهقت...
شروق: لو ده الجواز فنطلق احسن هه.
خالد: بس يا بت بس اسكتي بدل ما اضربك اخليكي تقعي علي الارض.
حلا: مساء الخير مزعل طنط ليه يا حيوان انت؟!
خالد بص بصدمة ل حلا، شروق وقعت علي الارض من كتر الضحك.
خالد: من امتي يا بت؟!
حلا: من ساعة ما جيت هنا انا هنا صاحبة الكلمة و محدش هيتدخل و انت لو شوفتك قريب من طنط شروق هقتلك و انتي لو شوفتك في اوضته تاني هموتك في ايدي.
حلا: فاهمين؟!
خالد: طب امشي يا بت يا مفعوصة من هنا.
حلا: لا و سمعتني يلا علي شغلك ياض.
خالد: ا.
حلا: انت مبتجيش غير بالعنف. نور هاتيلي التليفون اكلم محمد...
خالد: محمد! من امتي الجراءة دي يا بت؟!
حلا: ملكش فيه.
خالد: انا همشي قبل ما تجيلي ساكتة قلبية...
خالد: اضحكي اضحكي ممكن تموتي...
خالد: ده ايه العائلة دي يا رب خلصني منهم.
شروق: باي باي.
خالد: باي يا اختي.
حلا: ورايا يا شروق.
شروق: ها حاضر.
حلا طلعت علي الدور اللي فوق و شروق كانت هتطلع وراها خالد شدها لحضنه.
خالد: بقي حتة بت مفعوصة زي دي تفرقنا عن بعض.
خالد قرب من شروق و (لخيالكوا).
خالد(بصوت عالي): آآآه رجلي يا بنت ال.
حلا: علشان تفكر تقرب منها تاني يا خفيف و يلا علي شغلك.
خالد(بغيظ): ربنا علي المفتري.
حلا: شكرا يلا بره بيتك بيتك.
شروق: يا حلا عيب.
حلا: اخرسي يا بت انا جدو محمد مخليني هنا انا صاحبة البيت و قالي لو شوفتيهم قريبين من بعض اقتليهم، بس معملتش كدة علشان انا قلبي طيب.
خالد: اوي يا بت طيب اوي. يخرب بيت الرزالة حتى و هو تعبان عاملي حظر اوف.
خالد: انا غاير في داهية.
حلا: احسن ريحت.
خالد: و راجع تاني.
حلا: هتكون شروق نامت معايا في اوضتي. و مفيش نقاش.
خالد: ربنا يسامحك يا ملاك نسخة منك.
خالد خد حاجته و باس شروق بسرعة علي خدها و مشي جري علي بره...
حلا: لما يرجع.
شروق(بضحك): جايبة الدور صح؟!
حلا: انتي هتتكلمي معايا يا بت كتير.
شروق: في ايه عملت انا ايه؟!
حلا: تعالي نلعب.
شروق: اشطا يلا.
-في مكان تاني...
في القصر.
ملاك: خلاص جهزتوا؟!
مالك: ايوه.
ملاك: طيب بعدل شعري.
مالك: ياااه لو سيف شافك مش هتخرجي من اوضتك لمدة سنة.
ملاك: هو مش موجود يبقي خلاص براحتي.
ملاك كانت لابسة فستان ضيق باللون الابيض محددها بحمالة رفيعة جدا علي الكتف و قصير ل قبل الركبة و لبست صندل ابيض بكعب و سيبت شعرها علي ضهرها و حطت مكياج خفيف، و خدت جاكت باللون الاسود.
مالك: يا بنت الناس البسي الجاكت و اقفليه.
ملاك: يلا يا مالك قدامي...
ملاك خدت مالك و نزلوا ل تحت.
جودي: ملاك انا كلت.
ملاك: يلا اوصلكوا المدرسة يلا.
ملاك: عفاف.
عفاف: نعم يا هانم.
ملاك: لو سيف رجع ابقي اتصلي بيا...
عفاف: حاضر يا هانم.
ملاك خدت مالك و جودي و ركبوا عربية و ملاك وصلت مالك و جودي ل مدرستهم.
ملاك: وصلني ل ().
السواق: حاضر يا هانم...
ملاك قعدت تتصل ب سيف كتير و هي في العربية لكن مردش.
السواق: وصلنا يا هانم.
ملاك: تمام شكرا.
ملاك نزلت و دخلت البيت اللي هي راحت ليه.
حارس: حضرتك داخلة ل مين؟!
ملاك: لو سمحت عايزة ادخل ل عمر الكيلاني.
حارس: اقوله مين؟!
ملاك: ملاك.
حارس: لحظة.
بعد دقيقتين.
حارس: اتفضلي يا هانم.
ملاك: شكرا.
ملاك دخلت الفيلا و لقت مريم واقفة حضنتها جامد.
ملاك: براحة يا بنتي هموت.
مريم: مكنتش متوقعة انك هتيجي انا فرحانة اوي.
ملاك: عمر موجود صح؟!
مريم: ايه ده انتي مش جاية علشاني؟!
ملاك: الصراحة و لا انتي و لا جوزك.
مريم: واطية.
عمر: البيت نور، ازيك يا ملاك.
ملاك: الحمدلله.
عمر: ادخلي اقعدي اقعدي.
عمر و مريم و ملاك قعدوا علي الكنبة.
ملاك: سيف فين يا عمر؟!
عمر: قصدك ايه؟!
ملاك: سيف مش موجود من امبارح.
عمر(بصدمة): ازاي؟!
ملاك: قصدك انك متعرفش هو فين؟!
عمر: لا.
ملاك بدأت الدموع تتجمع في عينيها...
ملاك(بعياط): يعني سيف ممكن يكون حصله حاجة.
مريم: اهدي يا ملاك اكيد هنلاقيه.
عمر: اختفي من امتي يا ملاك؟!
ملاك(بعياط): امبارح الصبح. انا خايفة اوي...
عمر: متقلقيش هنلاقيه. هقوم اعمل اتصالاتي.
عمر: خليكي معاها يا مريم.
عمر قام و دخل اوضة مكتبه.
مريم: علشان خاطري اهدي.
ملاك(بعياط): انا ضعيته من ايدي. انا السبب يا مريم.
ملاك(بعياط): انا خايفة اوي عليه يا مريم خايفة اوي اول مرة احس بالنقص كدة.
مريم: معلش يا حبيبتي حاولي تهدي.
ملاك(بعياط): كل ما افكر انه ممكن يحصله حاجة احس بروحي بتنسحب مني يا مريم.
ملاك(بعياط): خايفة اوي.
مريم: طيب اهدي و الله هيبقي كويس.
ملاك(بعياط): ممكن يكون حد حاول يأذيه. ممكن يكون عمل حادثة.
مريم: متفكريش في الوحش يا ملاك...
ملاك(بعياط): مكنتش مقدرة اهميته عندي يا مريم، كنت فاكرة اني هقدر انسي بس لا قلبي واجعني اوي.
ملاك(بعياط): قبل ما يمشي هو كان زعلان مني و مشي. مقدرتش حتى اني الطف الامور.
ملاك(بعياط): حاسة بالنقص اوي كان الاول يحضني لما يلاقيني بعيط.
ملاك: قالي متعيطيش طول ما انا موجود و اياكي تخافي بس انا دلوقتي محتاجاه اوي لاني خايفة...
مريم خدت ملاك في حضنها و قعدت تطبطب علي ضهرها بايديها.
مريم: عارفة شعورك يا ملاك بس احسبيها كدة، لو عمل حادثة كانت المستشفي اتحرت عنه و كلمت حد من عائلته.
مريم: ممكن يكون حب يبعد شوية...
ملاك: لا سيف فيه حاجة حاسة بكدة...
مريم: ممكن بتوهمي نفسك يا ملاك. او لانك بس خايفة و قلقانة عليه ف حاسة انه حصله حاجة.
ملاك(بعياط): مش عارفة اعمل ايه؟!
مريم: انتي بتحبيه يا ملاك؟!
ملاك لا رد.
مريم: ممكن علشان كدة يا ملاك مش مهتمة بيه دايما حاطة مسافات بينك و بينه. دايما حاطة سد مانعه انه يقرب منك اكتر.
مريم: اول ما يرجع يا ملاك شيلي الحاجز اللي بينكوا. متخليش في اي حاجة مزعلاكوا من بعض. صارحوا بعض بكل حاجة.
مريم: لازم تشيلي السور اللي انتي عاملاه بينك و بينه.
ملاك(بعياط): انا خايفة خايفة يا مريم. خايفة مش عارفة ليه بس عندي احساس انه دايما هيخدعني هيخوني.
مريم: بصي انا كنت بتشغل معاه قبل ما تتجوزيه انتي.
مريم: كنت واثقة انه مش بيحب مراته و مع ذلك عمره ما خانها. فضل مخلص يا ملاك.
مريم: هيجي مع اللي هو بيحبها و هيخدعها و يخونها ده ايه العبط ده بس، اعقلي كدة.
عمر: احم ملاك للاسف لغاية دلوقتي مفيش اخبار.
عمر: ممكن تجيبي مالك و جودي تعيشوا معانا هنا علشان نكون مطمنين اكتر عليكوا. و اول ما يبقي في خبر عن سيف اكيد هقولك.
ملاك(بدموع): طب هو مكلمكش؟!
عمر: لا من امبارح و استغربت و اتصلت بيه مرتين تليفونه مغلق فقولت اكيد اتصالتحوا و قاعدين مع بعض يعني.
ملاك(بدموع): لا. متصالحناش للاسف.
ملاك: انا ماشية عن اذنكوا.
مريم: استني بس.
ملاك: لا عايزة ابقي لوحدي.
ملاك كانت هتمشي بس عمر مسك ايديها.
عمر: اهدي يا ملاك لو عايزة تقعدي اقعدي ده بيتك يعني و بيت سيف.
ملاك: لا عن اذنك.
ملاك فتحت باب الفيلا و خرجت.
عمر(بوجع): آآه.
سيف(بغضب): لمستها ليه؟!
مريم: سيف علشان خاطري خلاص ده جوزي و اما محتاجاه.
عمر: اصيلة.
سيف(بغضب): شايفين لابسة ايه؟!
عمر: ده كل اللي همك.
سيف(بغضب): لا طبعا، اللي هاممني كام واحد شافها لابسة كدة...
سيف وقع كل حاجة ازاز في المكتبه.
عمر: يا ابن المجنونة.
عمر: حرام عليك كل ده بفلوس.
سيف(بغضب): دموعها حرقاني اوي عايز اروح وراها اخدها في حضني، و لبسها مخليني عايز اروح وراها اقتلها...
مريم: اعوذ بالله. بتموتوا في عذابنا.
سيف(بحزن): انا موجوع اكتر منها يا مريم.
سيف(بحزن): دموعها دي اسهم دخلت قلبي و قطعته.
سيف(بحزن): فراقها صعب اوي.
سيف(بحزن): نفسي اضمها ل حضني مش قادر.
سيف(بحزن): عايز بس اقولها متخليش في بينا زعل ممكم واحد يفارق الحياة في ثانية.
سيف(بحزن): وحشتني اوي، مش عايز اشوف دموعها ابدا عايز اشوف ضحكتها اللي بتنورلي يومي.
ملاك(بدموع): عملت ده كله ليه من الاول؟!
ملاك كانت هتمشي و لسة هتقفل الباب سمعت صوت سيف وقفت مصدومة شوية
سيف لف و شاف ملاك و بص ل مريم و عمر.
مريم(بهمس): يلا نطلع فوق.
مريم و عمر طلعوا فوق و سابوا سيف و ملاك.
سيف: رجعتي ازاي؟!
ملاك مشيت ناحيته ببطء و دموعها علي خدها.
ملاك: ليه اختارت الحل ده؟!
سيف: لانك مسبتيش غيره يا ملاك.
ملاك: كنت مرتاح و انت سايبني لوحدي خايفة. كنت مرتاح و انت سايبني احارب رزالة و تطفل معتز لوحدي...
ملاك: كنت مبسوط لما تعبت و دخلت المستشفي.
ملاك: كنت مبسوط و انت بتشوفني بتعذب كل دقيقة في غيابك، هو يوم يعتبر اللي مشوفتكش فيه بس كان بالنسبة ليا جحيم.
ملاك: بس شكله كان متعة بالنسبة ليك.
ملاك: بكرهك.
ملاك كانت هتلف و تمشي بس لقت سيف شدها لحضنه و مسكها جامد. ملاك قعدت تعيط و هي في حضنه و تضربه بايديها.
سيف فضل حاضن ملاك لغاية ما هديت و هو كمان هدي.
سيف: احسن؟!
سيف مسك وش ملاك بين ايديه لقي وشها شاحب اوي...
سيف(بقلق): انتي كويسة صح؟!
ملاك وقعت بين ايدين سيف علي الارض.
سيف(بخوف): ملاك فتحي عينك انا سيف اهو جمبك و معاكي. مش هسيبك و لا لحظة تاني متخافيش و الله ما هسيبك ردي عليا...
سيف فحص نبضها لقاه سريع شوية شالها بين ايديه و طلع علي اوضة من الاوض و حطها علي السرير.
سيف: عمر يا عمر.
عمر: في ايه؟!
سيف: هات جهاز الضغط اللي عندك.
عمر: حصل ايه؟!
سيف: انجز.
مريم: ملاك كويسة صح؟!
سيف: ان شاء الله.
عمر: خد.
سيف بدأ يقيس الضغط ل ملاك و لقاه مظبوط.
سيف: شكرا يا عمر شكرا يا مريم.
عمر: و لا يهمك هننزل احنا خلي بالك منها باي.
-عمر و مريم نزلوا ل تحت، سيف قام قفل الباب بالمفتاح و قرب من ملاك قلعها الصندل و طلع نام جمبها علي السرير.
عدي فترة بسيطة و ملاك بدأت تفوق غمضت و فتحت عينيها.
ملاك(بوجع): آآه يا رأسي.
سيف(ببرود): شوية و هتروقي.
ملاك: سيف انت موجود صح؟!
سيف: ليه مش مصدقة؟!
ملاك: كنت خايفة.
سيف: طيب.
ملاك: انت لسة زعلان مني؟!
سيف(ببرود): عادي.
ملاك(بحزن): يبقي فعلا زعلان، انا اسفة و الله.
ملاك(بشهقة): يا سافل!
سيف(بغضب): اعملك ايه يعني كنت مغلول منك و من الفستان، و لو كنت اتصرفت معاكي كان زمانك في العناية المركزة في المستشفي. لكن قطعت الفستان و بحاول امتص غضبي.
ملاك قفلت الفستان بايديها و بصت ل سيف بدموع.
سيف: يا ربي يا بنتي متعيطيش بقي. اسف.
ملاك(بدموع): دلوقتي هلبس اي؟! و كمان قطعته ليا و انا كنت بحبه.
سيف: و انا بقي محبتهوش. ها عايزة ايه؟!
سيف: تقلعيه خالص معنديش مانع، او تلبسي حاجة من هدومي.
ملاك: انت سافل.
سيف: شكرا ل جنابك.
سيف قام و جاب ل ملاك تي شيرت و رماه ليها و لف ضهره.
سيف: هعد من واحد ل عشرين و هلف فانجزي بقي لو عايزة النهاردة يعني علي خير.
ملاك غيرت هدومها بسرعة لبست تي شيرت سيف باللون الرمادي اللي جالها لغاية قبل الركبة بشوية.
سيف: 20.
سيف لف لقي ملاك نايمة علي السرير و مغطية نفسها. سيف راح نام جمبها و شدها ل حضنه.
ملاك: انت بتشد حمارة.
سيف: لا طبعا. قردة.
ملاك: انا قردة؟!
سيف: و عنيدة كمان.
ملاك: انا قردة عنيدة، يا رزل.
سيف: و احلي قردة كمان.
سيف قرب من ملاك و (لخيالكوا).
بعد فترة بسيطة الباب خبط...
سيف: خير يا زفت الطين؟! ربنا يأخدك.
عمر: انا غلطان يعني الغداء جاهز.
سيف: طب غور في داهية.
ملاك: سيف.
سيف: قلبه.
ملاك(بتوتر): هتعمل ايه مع سيدرا؟
سيف(بجمود): تفتكري دي اعمل معاها ايه؟!
ملاك: معرفش بس انا شايفة يا سيف بلاش تأذيها علشان خاطر مالك و جودي.
سيف(بجمود): ازاي تعمل كدة؟! هي اتجننت ازاي تتجرأ و تخلي حد تاني يلمسها و هي علي ذمتي و متجوزاني...
سيف(بجمود): دي لازم تتعاقب بس الاول هشوفها كدبت ليه.
ملاك: خلاص اهدي طيب. نبقي نفكر بعدين.
سيف: ايوه بقولك.
ملاك: امممممم.
سيف: ما تيجي.
ملاك: دلوقتي احنا هنروح ازاي يا سيف، البس ايه بقي؟!
سيف: متوهيش في الموضوع و.
ملاك: سيف قوم شوفلي حاجة البسها من عند مريم.
سيف: اصبري بس.
ملاك: خلاص هخرج كدة و.
سيف(بعصبية): هتعملي ايه يا اختي؟! خليكي هنا.
سيف قام جاب هدوم من مريم ل ملاك. ملاك غيرت هدومها.
ملاك لبست جيبة طويلة ضيقة مفتوحة من الجمب و فوقها جاكت جينز مربوط من عند الخصر و قصير و لبست صندلها الابيض و عدلت شعرها.
سيف: جاهزة؟!
ملاك: ايوه.
سيف: طب يلا نروح بيتنا و لينا كلام كتير مع بعض.
ملاك: تمام...
سيف و ملاك نزلوا ل تحت و سلموا علي مريم و عمر.
ملاك: و الله ما اكلمكوا تاني.
سيف: خلاص بقي يا ملاك.
سيف: انا اللي قولت ليهم كدة.
ملاك: عيل واطي اكيد يعني.
مريم: اسفة و الله.
ملاك: تقبلتوا.
سيف: طب يلا و لا تحبي نطلع نكمل كلامنا فوق.
ملاك: يلا يلا.
خرجوا ركبوا العربية و راحوا للقصر.
سيف: يلا يا حبيبتي انزلي.
ملاك: طيب.
ملاك و سيف نزلوا و دخلوا القصر.
سيف(بخضة): حصل ايه؟!
ملاك(بقلق): مالك يا ماما نور؟
سهي: رزق طلقها.
ملاك و سيف بصوا ل بعض و اتصدموا...