رواية الملاك الحزين للكاتبة أماني فهمي الفصل السادس عشر
بحث ادم على ملاك ولم يجدها فتوجه الى جاسر
ادم: مشفتش ملاك
جاسر بغضب: متجبش اسمها ادامي علشان مرحش اضربها و موتها
ادم بصوت عالى: انا نفسي اعرف انت بتكرها كده ليه البت تبع ماك مشيها وخلاص انت مبهدلها اوى حرام عليك
جاسر: ونبي اسكت وتعالى نرجع
ادم: احم احم بس ملا
جاسر بحدة: المحروقة في الفندق يالا
غادر الشباب الحفلة وعادو الى الفندق وتوجه كل واحد لغرفته ونام.
استيقظ جاسر على صوت رنين تليفونة وكان رقم غريب فلم يرد ولكن التليفون لم يسكت الى ان اتغاظ جاسر ورد
جاسر بحدة: الو مين معايا
الرد: احم صباح الخير استاذ جاسر
جاسر بستغراب: صباح النور مين حضرتك
الرد: انا قمر المنياوي حرم عمرو المنياوي
جاسر: اهلا وسهلا خير
قمر: هي ملاك مع حضرتك اصلي عمالة اتصل عليها مش بترد وانا خايفة عليها اوي
جاسر بسخرية: والمفروض اعمل ايه يا مدام اروح ادور عليها.
قمر بصوت دموع: انا اسفة لو معايا رقم أستاذ ادم كنت كلمته اصلي خايفة اوي عليها وعلى العموم انا بعتذر مرة تانية
- قفلت قمر وهي تبكي بشدة على عدم رد ملاك عليها
- اما جاسر ففضل يسب ويلعن عليها وقطع كلامه صوت خبط على الباب فتوجه وفتح وكان ادم
ادم: مالك يا عم شايط على الصبح ليه
جاسر بسخرية: ابدا قمر هانم المنياوي اتصلت بتسأل على ملاك هانم لا وكمان بتعيط وخايفة عليها وقلقانة اوي.
ادم: صح انا كمان خبطت عليها بالليل مردتش عليا قولت يبقي نايمة تعالى نروح ليها
جاسر بغيظ: يا عم متولع تعالي نروح نتفسح شويا
ادم بتفكير: تمام روح اجهز وانا كمان هجهز
جاسر: ماشي
غادر ادم من الغرفة ولكن توجه إلى غرفة ملاك وفضل يخبط على الباب ولكن لم تفتح
جاسر من خلفة: كنت عارف انك هتيجي هنا
ادم برعب: جاسر البنت مش بدرد وصوت تليفونها بيرن جوا انا خايف عليها تفتكر تكون تعبت تاني.
جاسر: تفتكر خلاص خلي اي حد يفتح الباب
ارسل ادم في طلب المفتاح الخاص بغرفة ملاك وما هي الا لحظات وكان الرسبشن يرسل المفتاح وفتحة ودخلو الغرفة
وجدو ملاك تنام على السرير من غير غطا والتكيف عالي والغرفة تلج فتوجه ادم إليها ووجدها سخنه مولعة وترتعش
ادم: جاسر اطلب الدكتور بسرعة ملاك تعبانة جدا
جاسر بسرعة: تمام
طلب الفندق دكتور وجاء لغرفة ملاك وكشف عليها وكتب على علاج وطلب من أحد يعمل كمادات لها وغادر.
ادم: انا هروح اجيب العلاج وانت اعمل الكمادات
جاسر بتافف: طيب خلصني بقي
ادم بعصبية: والله لتندم على معاملتك ليها
جاسر بسخرية: ماشي يا حنين روح هات العلاج
غادر ادم ونظر جاسر لملاك وتنهد وجلس بجوارها فضل يتاملها وقد ايه وشها طفولي وناعم ونظر الى شفايفها وحاول يضع قبلة عليهم ولكن فاق لنفسه وتعصب جدا كيف يضعف امام تلك الفتاة وقام بوضع الفوطة على رأسها ووقف ينظر إلى الخارج.
- جاء ادم بالعلاج واقنعه جاسر بحكمة عالية على تركها ومغادرة الغرفة حتى لا تتهمهم في شرفها وعفتها وبالفعل غادر الاثنين وتركو ملاك تصارع مرضها بمفردها
- اتصل جاسر على قمر واخبرها بان ملاك مريضة واغلق
في قصر المجهول
جاء ياسين الى القصر وسال عليه وعلم بأنه في جناحة لم يصحي حتى الآن فصعد بسرعة له
ياسين: اصحي بسرعة
المجهول: في ايه يا بني
ياسين: ملاك تعبت وهي لوحدها في الفندق وجاسر و ادم سبوها وراحو الشركة.
المجهول برعب: طيب هروح اغير هدومي وهروح ليها
ياسين بغضب: تبقي اتجننت هتروح اذاي
المجهول بغضب: وانا مش هسبها لوحدها وهي تعبانه جهز الرجالة
ياسين بستسلام: امرك يا برنس
- بعد حوالى ربع ساعة كان المجهول ينزل بسرعة ويتجه الى السيارات بعد إرسال سيارة بحرس خلف جاسر و ادم.
- وصل المجهول الفندق وصعد الى غرفة ملاك ودخل بسهولة وجدها نايمة على السرير بالفستان والتكيف شغال والبلكونة مفتوحة فأسرع الى البلكونة واغلقها واقفل التكيف وتوجه إليها
المجهول بحنان: ااااااه يا لؤلؤتي الغالية ياترا هتسمحيني ولا ايه المهم انتى لازم تغيري الفستان ولازم اعمل كمادات اول حاجة لازم تحصل.
قام بخلع الجاكت ورماه على الكرسي وتوجه الى الحمام وجهزه وعاد اليها واخرج ملابس مريحة لها وقام بحملها ووضعها على حرف البانيو وربط طرحة على عيونه وقام بفك الفستان وجعلها تنزل في البانيو ولكن من شده سخونية جسمها سحبته معاها ففضل يهدي فيها الى أن استكان جسدها وتعود على بروده المياة وبعد فترة قام بحملها وتنشيف جسدها ولبسها ووضعها على السرير وكان ياسين قد حضر بالملابس الخاصة له بعد اتصاله عليه واخذها ودخل الحمام يبدل ملابسه وخرج وجد ياسين يجلس امامها ويتاملها ولم يشعر ياسين بخروجه فنزل عليه بضربه على كتفه فنظر له ياسين بغضب.
ياسين: يلعن ابو هزارك يا شيخ
المجهول: محضرتك قاعد بتتامل فيها
ياسين بحزن: قد ايه هي طفلة بس حزينه اوى على فكرة قالت اسم واحد اسمه سيف بس شكلها مرعبة منه
المجهول: يبقي تخلي الرجالة تعرفلي مين سيف ده
ياسين: حاضر هخليهم يلفو على كل واحد اسمه سيف ويساله تعرف ملاك
المجهول بسخرية: ياختي خفه غور من وشي تتك الارف
ياسين: ماشي يا خويا من غير كلام
غادر ياسين وفضل المجهول يعمل لها كمادات واعطي لها العلاج.
ملاك بتعب: انت مين
المجهول: قريب اوي لؤلؤتي هتعرفي
ملاك بتعب: وحشني بابي اوى هو ليه سابني
المجهول: انا موجود ملاكي ومن اللحظة ديه امانك و حمايتك تحت أيدي
ملاك بتعب: عوزة انام وحشتني اوى بابي
المجهول: هو انا مين ملاك
ملاك بابتسامة متعبة: انت بابي حبيبي جيت ليا ذي زمان لما كنت في السجن
المجهول بصدمة: سجن
ملاك بتعب: بابي عوزة انام في حضنك ونبي
المجهول بالم شديد: تعالى يا عمري كله نامي.
نام المجهول على السرير وضم ملاك لحضنه وفضل يمسح على شعرها بحنية الى ان ذهبت في النوم واصبحت حرارتها عادية
مر أكثر من 3 ساعات على ذلك الوضع الى ان قطع ذلك صوت رنين هاتف المجهول برقم الحرس المكلفين بحراسه جاسر يعلمهم برجعو جاسر الى الفندق فأسرع المجهول بوضع قبلة على رأسها وغادر الغرفة ونزع القناع من على وجه و غادر الفندق
عند قمر.
لبست قمر وتوجهت الى شركة عمرو وعندما وصلت دخلت الى مكتبة بسرعة وكان يجلس معه يوسف و سارة
عمرو بذهول: قمري مالك يا قلبي
قمر بدموع: ملاك ملاك ملاك
يوسف: تعالى بس اقعدي وكفاية عياط علشان البيبي وقولى مالها ملاك
قمر وهي تهدء: حاولت اتصل عليها كذا مرة مردتش قلقت اتصلت على الحيوان الى اسمه جاسر لغاية مرد عليا وقالي ميعرفش حاجة عنها وبعد حوالى ساعة لقيته بيتصل وبيقولى انها تعبانة وقفل
سارة: انا هتصرف.
اتصلت سارة على شخص يقيم بإيطاليا وطلبت منه الذهاب الى الفندق والاطمئنان على ملاك وبالفعل نفذ اوامرها
عمرو: اهدي يا عمري طنط سارة اتصرفت
قمر بدموع: خايفة عليها اوي هي لوحدها هناك هتعمل ايه يا عمرو هي ليه حظها كده
سارة بحنان: وحدي الله يا بنتي وأكيد هيبقي دور برد ولا حاجة اهدي انتى كمان علشان متتعبيش.
فضل الثلاثة يهدو فيها الى ان استكانت بين احضان سارة فحملها عمرو وذهبو الى الفيلا وصعد ووضعها ا السرير ونزع الجذمة وغطها ونزل
عمرو: ااااااااه وأخيرا نامت والحمد لله
يوسف: معلش يا عمرو انت عارف انها بتحب ملاك
عمرو: كلنا بنحبها يا يوسف محدش شاف ملاك ومحبهاش ربنا يرجعها بالسلامة
سارة: الراجل لسه واصل الفندق دلوقتي وسأل على رقم الاوضة وهيطلع ومعاه اخته
يوسف: مين ده سرسورة
سارة: واحد معرفة
عمرو: ربنا يستر.
في ايطاليا
وصل شاب قوى البنية وجذاب لابعد الحدود لأنه إيطالي الجنسية ومعه شقيقتة و سالو عن رقم غرفة ملاك وصعدو وجدو جاسر و أدم يقفون امام الباب فتوجهو اليهم
الشاب: مساء الخير
ادم: مساء النور
الشاب: انا عمار البحيري وديه اختي لمار البحيري
جاسر بارف: ايوة عاوز ايه
لمار بغضب: متحترم نفسك انت بتتكلم كده ليه صحيح واحد عديم الذوق والاحترام
جاسر بذهول: انتي بتقولي ايه
لمار بوقاحة: يا عم غور تتك نيله في شكلك.
عمار: لمار بس
لمار: بس ايه ده حيوان وكمان وسع من وشي خليني ادخل لملاك التعبانة ديه
ادم: وانتي تعرفيها
لمار: لا بس طنط سارة قالتلي اجاي ليها
جاسر برخامة: مفيش دخول ليها
لمار: دانتا رخم كمان تمام يا كوتش بس متزعلش من الى هيحصل
جاسر بسخرية: وهتعرفي لوحدك ولا عاوزة مساعدة
لمار: لا يا رخم لوحدي وهتشوف.
اتصلت لمار على الشرطة التي أسرعت بالمجي لها ووقفو أمامها وتكلمت معهم وتوجهو الى جاسر وطلبة منه ان يأتي معهم الى القسم تحت ذهول جاسر و ادم فنظرت له لمار بانتصار فذهب إليها جاسر ووقف أمامها
جاسر: انا جاسر الدالي قناص الاقتصاد في العالم
لمار: وانا لمار البحيري ممثلة الهجرة في السفارة المصريه في ايطاليا
جاسر: هنشوف بعض تانى وعلى فكرة الشرطة مشيت
لمار بتكبر: تحب تترحل وتتمنع من دخول ايطاليا.
جاسر: وهون عليكي يا لماري
عمار: لمار البنت لوحدها
لمار: تمام يالا
دخلو الى غرفة ملاك وجدوها تنام بهدوء وقد ابدلت ملابسها وأخذت العلاج وحرارتها نزلت وعندما نظر عمار عليها سحر من تلك الملاك النائم ولكن أخبرتهم لمار بأنها تحسنت وعلى الصباح سوف تستعيد صحتها وغادرو
في غرفة جاسر
كان يتذكر تلك اللمار بجمالها و قوتها وشعرها البني وعيونها الجذابة فاقسم على أن يجعلها له فقط
في قصر المجهول.
دخل المجهول القصر بقوة وعصبية وفضل يكسر ويصرخ بكل صوته مما أرعب الجميع فدخل ياسين بسرعة
ياسين: في ايه انا سايبك كويس معاها
المجهول بصراخ: ملاك كانت في السجن كانت مسجونة لؤلؤتي عاشت مع المجرمين لؤلؤتي اتعذبت وانا هنا عايش مرتاح ومتهني لؤلؤتي كانت بتتهان وانا هنا بملك كل حاجة لؤلؤتي كانت حزينة وانا هنا عايش فرحان وسعيد
ياسين: أهدى طيب.
المجهول بانهيار وبكاء: اهدي عاوزين اهدي اذاي طيب ولؤلؤتي جسمها متقطع من الضرب ومنهارة ليه الكل بيظلمها وانا اولهم بس انا كنت صغير وأمي كانت بتموت اعمل ايه كنت متابعها لغاية مختفت والله انا مظلوم
ياسين: تعال نام انت تعبان
المجهول بانهيار: قلبي وجعنى اوى خليه يوقف خليها تسامحني وتغفر ليا لو رفضتني انا هموت انا بحبها من صغرها هي لؤلؤتي النقية الطاهرة
ياسين: طيب نام دلوقتي وانا هتصرف.
المجهول بنوم: اعرف ايه سبب سجنهاااااا
وأخيرا سقط المجهول في أحلامه و دموعه على لؤلؤته الغالية النقية الطاهرة
في مكان بعيد
كانت هناك امرأة لا تقل جمال ولكن جمال خارجي ومن الداخل جهنم يسكن بداخلها حتى الشيطان يستحي منها ومن أفعالها
وفي غرفة بعيده نري طفله تجلس مرتعبه من تلك الأصوات المنتشرة والغريب في الأمر نسمعها تقرأ آيات الذكر الحكيم وتدعي ربها ان ينجيها من ذلك المكان.