رواية القناص والفهد الجزء الأول للكاتبة شيماء أشرف الفصل السابع
الشخص1: يلا الريس فتحي بيقولك نفذ، اومئ له القناص و بدأ بتصويب البندقيه على سارة و اول ما ضرب، جت الصدمه للكل، صحيح القناص صوب بالأتجاه الصحيح لكن جت في الشخص الغلط، حد تاني هو اللي خد الرصاصه و هي اسيل، ايوة يا سادة اسيل هي اللي خدت الرصاصه بدل سارة...
احمد بصدمه و هو بيمسكها قبل ما توقع: اسيل.
سارة بصدمه و دموع و قالت بأعلى صوتها: بنتييييييييييييييييييييييي.
نوران هي الأخرى: اسييييييييييييييييل، و هنا احس ريان ان قلبه وقع و مفقش من الصدمه لسه هل فعلا حبها من اول نظرة هل ربنا عاقبه على اخطائه بطريقه دي، و مازالت الصدمه للجميع و لكن افاقوا على صوت شخص من وراهم و هنا و بيقول...
مجهول: ايه رائيك قتلت بنتك قدامك.
احمد بصدمه اكبر: رؤوف انت اللي قتلت بنتي، ثم اكمل بعصبيه، : ليييييه، عملت كده لييييييييييه، عملتلك ايه عشان تقتلي بنتي.
رؤوف بغضب و صراخ هستيري: عشان انت قتلتلي عيلتي، ثم اكمل بسخريه، : بس تعرف انا مكنتش هقتلك بنتك دلوقتي انا كنت هقتل حبيبت القلب حرمك المصون سارة هانم، بس اعمل ايه بقى بنتك هي اللي جت و خدت الطلقه بدالها.
احمد بصراخ: قولت ليك كتير زمان ان انا ماليش دعوة بموت مراتك و ابنك ليه مش عاوز تصدقني.
رؤوف بشر و بجنون: لا انت السبب لو كنت مضربتش مراتي بالنار كانت زمانها عايشه معايا، لو كنت مدبحتش ابني قدامها كان زمانه عايش دلوقتي.
احمد: بس انا مقتلتهمش يا رؤوف، انا دخلت لقيت ابنك ميت و لسه هشوف مراتك لقتها اتقتلت.
رؤوف بتصفيق: لا بس انت عرفت تلعبها صح، انا كنت هصدقك فعلا لو انا مشوفتش بعيني لكن انا شوفتك في الكاميرا و انت ماسك المسدس و مصوبه عليها.
احمد: مش انا اللي قتلتها والله انا كنت بنقذها.
رؤوف بصراخ: كدااااااب انا شوفتك بعيني بس زي ماحرقت قلبي زمان انا هحرقلك قلبك في بناتك ثم مسك نوران من رقبتها و صوب المسدس عليها.
رؤوف بشر و جنون: مش دي بنتك التانيه انا هقتلها دلوقتي.
فاطمه بدموع: لا دي مش، و كانت لسه هتكمل.
قالت نوران بسرعه: ايوه انا بنته.
اسر: نوران انتي بتعملي ايه، ثم اكمل بعصبيه. سيبها حالا وإلا هقتلك بأيدي لو حصلها حاجه.
نوران بهدوء: و انت فاكر انك كده هتخوفني.
رؤوف و هو بيشدها من شعرها: اسكتي خالص انا هقتلك دلوقتي و مش خايفه.
اسر بعصبيه و صراخ: والله العظيم لهقتلك و هندمك على اليوم اللي قربتلها فيه.
رؤوف بسخريه: مش لو سيبتها تعيش، ثم وجه الكلام لنوران و قال. : اتشهدي على روحك ثم امسك المسدس و لسه هيضرب بالنار على راس نوران، لكن سمع صوت خلاه يتصدم و مش هو لوحده لا ده الكل معاه...
: مش عيب عليك تحاول تقتلها و انا موجودة.
الجميع بصدمه وبصوت واحد: اسيل.
رؤوف بصدمه: انتي ازاي عايشة. دا انتي مضروبه بالنار قدام عيني.
نوران بسخريه: عيب عليك لما تفكر ان الفهد ممكن يموت بسهوله دي.
رؤوف بصدمه اكبر: انتي الفهد.
اسيل ببرود: ايوه، ثم وجهت الكلام لنوران، : هو انتي عاوزه عزومه عشان تخلصي و تقفي قدامي يا استاذة نوران.
اسر بغضب: و هي هتجيلك ازاي و هو مهددها بالمسدس.
اسيل متجاهله كلام اسر: يلا يا نوران دلوقتي.
نوران ببتسامه: امرك يا فهد، و مره واحدة قامت نوران قلبت السحر على الساحر و هي اللي ضربت رؤوف بمهارة لا تليق إلا بشخصية الذئب مسكت المسدس وصوبته عليه وهو في الأرض و قالت...
نوران بسخريه: لعبت مع الناس الغلط يا رؤوف بيه، و كل ده تحت صدمة اسر و ريان و يامن و سيف و سحر و كمان ميرا لأنها اول مره تشوف شجاعة اختها وميرا في شغلهم.
رؤوف بصدمه: ازاي، انتي مين و عملتي كده ازاي و فين الرجاله اللي انا مجهزهم عشان يضربوا نار عليكن.
: لا متقلقش على رجالتك احنا عملنا معاهم الواجب وبزيادة كمان، ده كان صوت ادم و محمد و هما داخلين عليهم.
ادم: كله تمام يا فهد.
اسيل: عفارم عليكم يا رجاله.
رؤوف: انا مش قادر افهم انتي ازاي عرفتي بمخطتي.
اسيل ببرود: مفيش حاجه بتخفى عليا دا حتى انا الفهد عيب في حقي بردو.
نوران بسخريه: هو انت كنت فاكر هتقدر تقتلنا بسهوله اوي كده.
رؤوف: انتم مين بضبط وايه اللي حصل.
اسيل ببرود: اعرفك بيا معاك اسيل احمد غريب.
نوران: و انا يا سيدي نوران اكمل التهامي. و كل ده تحت صدمة اسر و ريان و بصوت واحد: انتوا ازاي كده.
نوران: هنشرح ليكم بعدين.
اسيل ببرود: اما ايه اللي حصل ده، فأنا هحكيلك يا سيدي عشان منبقاش حرمينك من حاجه...
نوران: احنا كنا في الاول مكناش نعرف بمخططك بقتل عمي احمد بس بسبب غبائك عرفنا.
رؤوف: ازاي.
اسيل: اقولك انا لما كان رجالتك بيركنو العربيه سمعتهم و هما بيتكلموا لأن انا كنت طالعه انادي ادم و محمد...
Flash back.
اسيل: هما راحو فين دول، و هي ماشيه وقع منها الحلق بتاعها وكانت بتدور عليه سمعت احد الأشخاص بيتكلموا.
مجهول: خلص بسرعه يا محمود الريس فتحي بيقول ان رؤوف المنياوي بيه عاوز يخلص المهمه بسرعه.
محمود: طيب يا حمدي بس هو ليه عاوز يقتل الراجل ده، دا انا سمعت بيقولوا عنه انه لوا في الداخليه.
اسيل في نفسها: هما اكيد بيتكلموا عن بابا بس مين رؤوف ده و ليه عاوز يقتل بابا انا لازم اعرف كل حاجه، ثم اجرت مكالمة تلفون لشخص و قالت: انا عاوزه اعرف معلومات عن واحد اسمه رؤوف المنياوي، شريط حياته كلها توصلي حالا.
الرد، :.
اسيل: تمام ثم قامت بتصال تاني و قالت: نوران تعاليلي دلوقتي عند الجراچ بس من غير ما حد يحس بيكي انتي سمعاني. و قفلت معاها و قالت لمحمد و ادم نفس الكلام، و بعد مدة و قد اجتمع الفريق...
نوران: في ايه يا اسيل.
اسيل: اسمعوا الكلام اللي بيتقال الاول.
ادم بعدم فهم: كلام ايه يا اسيل اللي عاوزانا نسمعه ده.
اسيل: ما انت لو سكت هتسمع، و بعدها سكتوا وسمعوا رجالة رؤوف وهما بيتفقوا.
حمدي: دلوقتي يا رجالة احنا هنحاوط الحفله دي.
محمود: ازاي.
حمدي: بص يا سيدي انت هتيجي معايا و هنروح نقف عند اللوحه الكبيره اللي محطوته عند الدي چي و هديك انا اشارة انك تضرب نار.
محمود: و ايه هي الأشارة.
حمدي: اول ما تلقيني مكان الراجل بتاع الدي چي وبشغل اغنية اجنبي هتكون دي الاشاره عشان تضرب.
محمود: تمام طب و باقي الرجاله.
حمدي: الباقي هيتوزعوا في المواقع دي عشان اول ما رؤوف بيه يدي الأشاره هما هيقتلوا الباقي، و كان بيشاور على الأماكن في خريطة في ايديه...
محمود: تمام يلا بينا.
حمدي للقناص: بس ركز معايا انت عشان هتضرب النار، رؤوف بيه قال انك تقتل مرات اللوا ده و بعدها تقتله هو تمام.
القناص: تمام، متقلقش انا شغلي بعمله في نجاح و عمري ما غلطت في هدف.
حمدي: تمام يبقى يلا بينا نتحرك، و بعد ما مشيوا اتكلمت نوران و قالت...
نوران: هما عاوزين يقتلوا خالي و طنط سارة ليه يا اسيل.
ادم: و مين رؤوف ده.
محمد: و ليه عمي بتحديد.
اسيل بغموض: هنعرف دلوقتي، و بعد شويه جتلها رساله على الموبايل و كانت الرساله و فيها معلومات عن رؤوف و حكاية موت عيلته و انتقامه من و الدها.
نوران. هنعمل ايه دلوقتي يا اسيل.
ادم: الحفله و قدامها نص ساعه و تبدأ.
اسيل بجديه: و هو ده الوقت اللي احنا محتاجينه.
نوران: واضح ان في حد عاوز يقرب من بيت الفهد.
اسيل: و شكله كده هيندم على اليوم اللي جه فيه من بطن امه.
ادم: ايه هي الخطه يا اسيل.
اسيل بشرح: دلوقتي انت و محمد هتهتموا بالرجاله دي انتم دلوقتي عرفتم مواقعهم، اما نوران فهي هتلاهي رؤوف لما يخش على انها ميرا اختي لانه اكيد هيعوز يقتل بنت احمد التانيه زي ما هيقتل الأولانيه بالغلط.
ادم بعدم فهم: ازاي يعني يقتل الأولانيه بالغلط.
نوران: افهمك انا اسيل قصدها ايه، اسيل قصدها انه لما يضرب نار على خالتو سارة هي تاخد الطلقه بدالها.
محمد: بس كده يا اسيل الطلقه هتصيبك.
اسيل: لا متقلقش انا هروح اجيب الواقي من الرصاص من العربيه و هلبسه.
نوران: كده الخطه كملت يالا بينا.
اسيل: بس قبلها عاوزاكم ترجعوا لأماكنكم و كأني انا و نوران بندور عليكم لسى.
محمد: و ده ليا يا اسيل.
اسيل: لأني انا و نوران مترقبين.
نوران: ايوة انا لاحظت ده، الشابين ولاد انكل سيف كانوا ماشيين ورانا...
ادم: عشان كده عاوزين نمثل اننا لسى بنركن العربية و انتم بتدوروا علينا عشان ميحسوش بحاجه.
اسيل: بظبط كده، دلوقتي جاهزين.
الجميع بصوت واحد: جاهزين.
اسيل: توكلنا على الله، و راحت اسيل لبست الواقي. و فعلا مثلوا قدام ريان و اسر انهم بيدوروا على ادم و محمد و بعد ما دخل اسر و ريان للحفلة بدأت خطتهم، ادم و محمد اهتموا بالرجاله و راح ادم يراقب محمود عشان يمسكه اول ما هو يضرب الرصاصه و ادم راح يراقب حمدي. و اسيل اول ما سمعت الأشارة راحت على طول على مامتها موقعها لأنها شفتوا بيصوب على مامتها خلاص، راحت هي اللي خدت الطلقه.
The end...
Flash back...
اسيل: شوفت زي ما انت لعبتها صح انا و فريقي قلبنا الطرابيزة عليك ازاي.
نوران: و زي ما بيقولوا انقلب السحر على الساحر.
رؤوف بحقد: بس ده ميغيرش انه هو السبب في موت مراتي وابني.
اسيل بثقه: مش ابويا اللي قتل مراتك و ابنك.
رؤوف: ازاي و انا شايفه و هو بيضرب نار على مراتي.
اسيل: هسألك كام سؤال و تجاوبني عليهم.
رؤوف: اسألي.
اسيل: انت شوفت الفيديو لحاد فين.
رؤوف بتذكر: لحاد ما ابوكي ضرب النار.
اسيل: يعني انت ماشفتهوش لأخره.
رؤوف بألم: مقدرتش اكمله واشوف الباقي و ان استاذي و قدوتي هو اللي يقتل مراتي و ابني.
اسيل: بس مش استاذك اللي قتلهم اللي قتلهم حد تاني.
رؤوف بجهل: حد تاني مين.
اسيل و هي بتبص على حد و بتشاور عليه: حد زي ده مثلا.
رؤوف بصدمه: اييييه فتحي.
فتحي بتوتر: انتي بتقولي ايه اوعى تصدقها يا رؤوف دي بتكدب عليك هي بتعمل كده عشان تبعد التهمه عن ابوها.
رؤوف: فعلا فتحي هيقتلهم ازاي و هو ميعرفش ان احمد السبب صحيح هو عارف انهم اتقتلوا بس ميعرفش ان احمد هو اللي قتلهم.
فتحي بتوتر: شوفت هما عاوزين يلبسوني التهمه عشان تنقذ ابوها.
نوران بسخريه: طب انت متوتر ليه.
رؤوف: و انااا هتوتر ليه يعني.
اسيل: و اللي يجبلك دليل براءة ابويا.
فتحي: دليل ايه.
رؤوف: ايه هو الدليل و انا بقولك شايفه و هو بيقتلها.
اسيل: اقولك مين اول واحد عرف بموتهم من غير ما تقول لحد و مين بردو اللي فضل يساعدك على الانتقام ومين اللي كان بيكره والدي و بيغير منه و كان غيران من صداقتكم زمان، ثم اكملت، هاااا أجاوبك انا، فتحي.
فتحي: بس ده مش دليل عشان تتهميني.
اسيل: وومين قالك ان ده الدليل اللي انا بتكلم عنه انا بس كنت بوضح شوية حاجات.
رؤوف: و ايه هو الدليل ده.
اسيل: اقولك، نوران، بصت ليها نوران و بعدها سابت رؤوف وراحت جابت حد، اتفضلي يا مدام نهى، و هنا صدمه حلت على البعض و بذات رؤوف، رؤوف و لسه مافقش من صدمته قال...
رؤوف: نهى.
نهى بدموع: رؤوف، قام رؤوف بيجري عليها و بياخدها بحضنه و الدموع خانته: انتي عايشه مموتيش بجد انتي قدامي يا نهى انا مش مصدق انا خايف اكون بحلم قوليلي ان انا صاحي قوليلي انك قدامي دلوقتي، قوليلي اتكلمي ساكتة ليه...
نهى بدموع و هي بحضنه و كانت مشتاقه ليه: واحشتني اوي يا رؤوف انا كنت ميته من غيرك، ثم افتكرت حاجه و طلعت من حضن رؤوف و راحت واقفة قدام فتحي و ضربته بالقلم على وشه وقالت...
نهى بحدة: دي عشان اللي عملته فينا.
رؤوف: و هو ماله يا نهى و انتي طلعتي عايشه ازاي و ليه مظهرتيش من الخمس سنين دول.
نهى بدموع: انا هحكيليك على كل حاجه، اللي حصل هو ان...