رواية القناص والفهد الجزء الأول للكاتبة شيماء أشرف الفصل الرابع

رواية القناص والفهد الجزء الأول للكاتبة شيماء أشرف الفصل الرابع

و أتى صباح يوم جديد مليئ بالأحداث على بطلتنا التي استيقظت باكرا كعادتها قامت و لبست لبس التمرين ونزلت تجري شويه، وبعد مده رجعت البيت و لقت احمد و سارة قاعدين.
اسيل بأبتسامة: صباح الخير عليكم.
احمد و سارة: صباح النور.
سارة: روحي يا حبيبتي خودي شاور يكون الفطار جهز.
اسيل: اومال فين ميرا.
احمد: فوق لسه نايمه.
اسيل بغمزة: ايه يا ابو حميد مش كنت تستغل نوم ميرا و غيابي الصبح.
ساره بخجل: بنت عيب.

اسيل بمزاح: اوبا انتي بتتكسفي مني يا سوسو.
احمد بصرامة مصطنعه: بنت، بس يا جزمه ملكيش دعوة بحبيبتي.
اسيل: ماشي يا ابو حميد، انا طالعه اخد شاور واروح اصحي ميرا اعبال ما الفطار يجهز.
سارة: ماشي يا حبيبتي، و طلعت اسيل بتجاه اوضتها و دخلت تستحمى و تتجهز، وبعد مدة خلصت اسيل وراحت بتجاه أوضة ميرا عشان تصحيها، و مره واحدة باب اوضة ميرا اتفتح جامد جدا وميرا قامت مفزوعه من على السرير...

ميرا بفزع: ايه في ايه مين مات ايه اللي حصل.
اسيل و هتموت من الضحك: هههههههههههههههه، مش قادره هموت شكلك مسخره، هههههههههههه. هههههههه.
ميرا وهي بتحدفها بالمخده و قد استوعبت اللي حصل: منك لله يا بعيدة، حرام عليكي قطعتي عني الخلف يا شيخه.
اسيل بمزاح: معلش ابقى اقطع عليكي المايه و النور كمان.
ميرا بغيظ: بايخه اوي على فكره.
اسيل و قد عادت لبرودها: عارفه مفيش حاجه جديده قولتيها على فكره.

ميرا بغيظ: اووووووف باردة الواحد مش عارف يستفزك ولا ينرفزك أبدا، باردة.
اسيل ببرود: عارفه يلا قومي عشان ننزل نفطر مع ماما و بابا.
ميرا وهي بتقوم: ماشي هاخد شاور على السريع.
اسيل: ماشي انا هقعد استناكي هنا يلا روحي خدي حمام بسرعه.
ميرا: اوكى.
وبعد مدة قصيرة...
الخادمه: الهانم بتقولكم يلا عشان تفطروا.
اسيل: ماشي انزلي واحنا هننزل وراكي يا ملك.
ملك: حاضر يا هانم.

اسيل: مش قولنا بلاش هانم دي يا ملك، انا اسيل و بس، احنا الاتنين قد بعض يعني يبقى متقوليش ليا يا هانم بقى زي ما انا بقولك يا ملك انتي كمان قوليلي يا اسيل فاهمه انا مبحبش اعيد كلامي كتيير.
ملك ببتسامة صادقة: ماشي يا اسيل.
اسيل بمرح: احبك وانتي مطيعه يا عسل، ثم وجهت كلامها لميرا و كملت. : يلا يا ميرا ننزل.
ميرا: يلا، و نزل الأتنين و راحوا بتجاه السفرة، و هما على السفرة بيفطروا و بعد مرور بعض الوقت...

اسيل: الحمد لله، انا خلصت انا همشي بقى عشان عندي شغل.
ميرا: استني خديني معاكي يا اسيل على طريقك عشان اروح الجامعه.
اسيل وهي بتقوم: طب يلا عشان منتأخرش.
احمد: متنسيش يا اسيل الحفله بليل فامتتأخريش بقى.
اسيل: حاضر يا بابا مش هنسى وهرجع بدري.
اسيل وهي بتبوس احمد و ساره: يلا سلام.
وميرا عملت نفس الحاجه: سلام يا ابو حميد سلام يا سوسو.
سارة بحنان: سلام يا حبايبي خلوا بالكم من نفسكم.
ميرا و اسيل: حاضر يا ماما.

احمد: وانا كمان همشي عشان متأخرش سلام يا حبيبتي.
ساره بحب: سلام يا حبيبي.

عند ريان صحي من النوم وراح يجري شويه وبعد كده طلع خد شاور ونزل يفطر معاهم.
ريان: صباح الخير.
سحر(والدة ريان): صباح النور ياحبيبي كده تخلص مهمتك ومتجيش عشان اطمن عليك دا انت كنت بعيد عني انت و اسر.
ريان وهو بيبوسها: معلش يا حبيبتي انا جيت لقيتك نايمه مرضتش اقلقك من نومك...
يامن بمزاح: ايوا بقى كانت لاعبه معاك امبارح، انهى يامن كلامه فنظر له ريان نظرة اخرسته.
سيف الدين: عملت ايه في المهمه يا ريان.

ريان بفخر و غرور: . زي المهمه اللي قبلها طبعا يا بابا، انتهت بفوز القناص و النمر.
يامن: ايوه طبعا ده انت قناص الداخلية.
ريان بغرور: طبعا يا ابني اومال انت فاكر ايه دا انا القناص.
يامن بغمزة: ايوه يا عم، قناص في الداخليه وبره الداخليه.
ريان بتفاجئ و صدمه: هو انت واسر يا جزم اللي نازلين عليا حسد، و انا اقول بشرق كتير و بكح. اتاري مش اسر بس، لا ده في عين هنا كمان...
يامن بمزاح: لا ياعم اوعى تفهمني صح.

ريان بسخرية: لا يا خويا فهمك غلط، انهى كلامه ثم تءكر اسر فقال، : ايه ده، اومال فين اسر، و كان لسه يامن هيرد عليه لقوا صوت بيقول من وراهم...
. : مين بيجيب في سيرتي.
ريان: انا يا خويا عندك مانع.
اسر: براحتك يا كبير.
يامن بهمس ليه: جبان.
اسر بنفس الهمس: ياعم جبان جبان مش احسن من انكم تيجوا تزورني في قبري.
يامن: وجهة نظر تقدر و تحترم يا اخ اسر والله.

اسر بغرور مصطنع: شكرا، شكرا. لا احب اتكلم عن نفسى كتير. اخاف الحسد...
ريان: خلصتم كلام يلا عشان نفطر عشان ورانا شغل، انهى ريان كلامه فسكت الاثنان وقعد اسر و هنا اتكلمت سحر و قالت...
سحر بعتاب: كده يا اسر متجيش تطمني عليك انت كمان هو انتم دايما قلقني عليكم كده.
اسر: طب ماهو احنا معاكي اهو يا جميل ليه الزعل ده بس...
سحر: ايوه يا واد يا بكاش اضحك عليا بكلمتين انت و هو.

اسر بمزاح ونسى ان سيف الدين قاعد: منا قولت ليكي سيبك من جوزك ده و تعالي اتجوزك انا ونعيش في رومانسيه طول العمر و هبسطك انتي اللي مرضتيش و قولتي لا عشان سيف...
يامن بهمس لريان: ألحق شكل كده اسر عاوز يتنفخ النهارده.
ريان بنفس الهمس: عندك حق انت مش شايف ابوك عامل ازاي.

يامن وهو بيبص لأبيه سيف الدين: يا نهار اسود دا ابوك بيطلع دخان من كل ناحيه، و مره واحدة الكلام اتقطع بسبب لكمه خدها اسر في وشه من سيف الدين.
اسر بتألم مصطنع: اااااااه ايه يا عم سيف هو الواحد ميعرفش يهزر في ام البيت ده.
سيف الدين بغيره واضحه: هزر مقولناش حاجه لكن ألا سحر، سامع يا جزمه، إلا مراتي يا حيوان.
اسر بضجر: طب يا عم خلاص اخر مره، ده اللي يهزر معاك تاني ياخد بالجزمة.

يامن بضحك: ههههههههههه، طب منتا كل مره بتعاكسها وبتضرب وبتقول مش هتهزر تاني وبتعملها.
اسر بغضب من يامن: بس يا سوسا يا سهون انت يا ماية من تحت تبن.
يامن: يا عم اقعد في حتة، انا قايم رايح الجامعه.
اسر: روح يا حبيبي احضرك كوباية اللبن قبل ما تمشي.
يامن بقرف: هاهاها خفة، دمك تقل اوي على فكره.
اسر بغرور مصطنع: تقلع ايه بس، يا ابني دا انا حتت سكره.

يامن: ماشي يا خويا يا ابو حتت سكره انت، ثم وجه كلامه لسيف: بابا انا هخلص جامعه وهاروح الشركه ماشي.
سيف: ماشي يا حبيبي.
يامن: طب يلا سلام، و خرج يامن و بعدها بقائق قال ريان...
ريان: طب يلا بينا يا اسر احنا كمان نروح الشغل.
اسر: يلا.
سيف: متنساش يا ريان انت واسر الحفله بليل ماشي.
اسر و ريان: حاضر.

اما عند حبيبتا الذئب نوران فهي عملت زي روتين اسيل و بعدها حهزت نفسها و نزلت و لقت مامتها فقالت.
نوران: صباح الخير يا ماما.
فاطمه(والدة نوران )ببتسامه بشوشه: صباح النور يا حبيبتي.
نوران بتساؤل: اومال فين بابا وادم.
فاطمه: باباكي في اوضة المكتب بتاعته بيشوف شغله وادم في اوضة التمارين.
نوران: طب انا جعانه اوي يا فاطومتي.

فاطمه: حاضر يا روحي خمس دقايق والفطار يتعمل تكوني انتي ناديتي ادم و باباكي يلا روحي.
نوران: حاضر يا ست الكل المهم تخلصي الفطار بس بسرعه...
فاطمه: حاضر، و راحت نوران عند ادم لقته بيضرب كيس الملاكمه
نوران: ادم.
ادم: نعم يا نوران.
نوران: يلا ماما بتقول الفطار جهز.
ادم وهو بيمسح حبات العرق من وشه: يلا.

نوران: تعالى ننادي بابا على طريقنا، و راح ادم و نوران عند اكمل في اوضة المكتب فقال ادم و نوران بعد ما دخلوا...
ادم: صباح الخير يا عمي.
نوران: صباح الخير يا بابا.
اكمل: صباح النور يا حبايبي.
نوران: يلا يا بابا عشان تفطر ماما جهزت السفرة وبسرعه عشان انا هموت من الجوع.
ادم: يلا يا عمي لحسن بنتك تاكولنا.
نوران برفع حاجب: دا على اساس ان انت يا حبت عيني مابتكلش خالص، يا ابني دا احنا دافنينوا سوا سوا...

ادم: ما هو علشان دافنينوه سوا بقول كده.
اكمل بضحك عليهم: ههههههههههه، ههههههههه ربنا يهديكم يا ولاد ويخليكم ليا يا رب، نظر ادم و نوران لبعض و بعدها راحوا وحضنوا اكمل، و اتكلمت نوران و قالت...
نوران: ربنا يخليك انت لينا يا احسن بابا.
ادم: و تفضل وسطينا دايما، و بعد كلام ادم ده و فاجئة ظهرت فاطمه قدامهم و قالت...
فاطمه: و انا مليش في الحضن ده ولا ايه.

اكمل بحب ظاهر: دا انتي ليك الحضن وصاحب الحضن ياحبيبت قلبي.
فاطمه بحب: بحبك يا اكمل ربنا ميحرمنيش منك يا رب.
اكمل بحب: ولا منك يا حبيبت قلبي.
نوران: احنا هنا على فكره.
ادم: ايوه والله مش تيار هوا احنا.
اكمل بغيظ: مهدمين اللذات دايما كده.
نوران: ياعم بعدين المهم يلا ناكل عشان منتأخرش على الشغل يا فندم.
فاطمه: انا اصلا كنت جايه انده ليكم عشان اتأخرتم و الفطار جهز.

اكمل: طب تمام يلا، و خرج الكل للسفر و الكل فطر و بعد كده كل واحد راح شغله. فضلت فاطمة في البيت.

و يلا نروح مكان اول مره نروحوه وهو جامعة ميرا و هي اول يوم ليها، هنا نرى ميرا و هي بتمشي في الجامعه خبطت في واحدة فقالت...
ميرا بعتذار: انا اسفه جدا مقصدتش، معلش انا لسه جديده هنا.
رفعت الفتاة رأسها وقالت لها: ولا يهمك أنا بردو لسه جديده زيك عشان اتنقلت جديد...
ميرا و هي بتمد ايديها: اهلا انا ميرا في تانية كلية تجارة كنت في حلوان و حولت هنا لجامعة القاهرة.

الفتاة و مدت ايديها هي كمان و مسكت ايد ميرا و سلمت. : و انا نور كنت في عين شمس و حولت لهنا...
ميرا: اهلا بيكي يا نور اتشرفت بمعرفتك، احنا كده خلاص بقينا صحاب صح.
نور ببتسامه: ايوه صح، و بما ان محدش فينا يعرف حاجه هنا تعالي بقى ندخل لجوا نشوف المدرج بتعنا فين و نشوف جدول محضراتنا.

ميرا: طب يلا بينا، و مشيوا الأتنين و وسط كلامهم و هما ماشين خبطوا في شابين فقالت لهم ميرا بغضب: ايه مش تحاسب يا اخ منك ليه. ايه مش شايف قدامك انت و هو.
احد الشابين: احنا بردو اللي خبطنا فيكم ولا انتم.
ميرا: لا انتم اللي خبطم فينا احنا، مش عارفه ايه الناس قليلة الذوق دي.
الشاب الأخر: احنا مش هنرد عليكي عشان متأخرين بس.
ميرا بعند: ولا تقدروا تعملوا حاجه اصلا.

الشاب الأول: بت انتي انا مش هرد عليكي عشان انا مش فاضي للكلام ده، دا ايه الصبح اللي مليان مصايب ده، و لم يمهلوا الرد لميرا و مشيوا من قدامعها، اما ميرا فهي كانت لسه هتوقفهم وتتكلم بس نور وقفتها و هي بتقول.
نور بتهدئة: خلاص يا ميرا خلينا نمشي محصلش حاجه لكل ده.
ميرا: يعني انتي مش شايفه قلت الذوق دي بتاعتهم ولا اتكلم ازاي.
نور: خلاص حصل خير خلينا نمشي يلا احنا متأخرين.

ميرا: طب خلاص يلا، وذهبوا ولقوا المدرج وراحوا حضروا المحاضرات بتاعتهم وبعد المحاضرات اتبادلوا الأرقام وبقوا صحاب اوي حتى في اول يوم.

اما عند يامن دخل الجامعه وقابل صاحبه فقال و هو يحتضنه.
يامن: ايه يا ابني عاش من شافك مش باين يعني.
الشاب بضحك: هههههههههه كل ده عشان غبت يوم من الشركه يبقى انت مشوفتنيش خالص.
يامن: طبعا يا ابني دا انت اكتر من اخويا يا معتز.
معتز بصدق: عارف والله وانت كمان معزتك عندي كبيره انا بعتبرك اخويا اللي مخلفتهوش امي والله العظيم.
يامن: عارف يا صاحبي.
معتز: طب ايه.
يامن: ايه...

معتز: ايه انت، مش يالا عشان المحاضره قربت تبدأ.
يامن. ايوة صح فكرتني يلا بينا، و بعدها اتحركوا راحوا عشان يحضروا المحاضره.

نيجي بقى نروح عند اسيل.
اسيل: ايه يا شباب عاملين ايه.
محمد: اهلا بالفهد حبيبنا.
ادم: اهلا يا اسيل.
نوران وهي بتحضنها: واحشتيني النص يوم ده والله.
اسيل ببرود: ههههههههه، خفه يا بت، المهم عملتم ايه للمهمة الجديدة...

محمد بجدية: كله تحت السيطرة يا اسيل وضعنا خطت الأقتحام و طبعا احنا مراقبين كويس للرجالة دي و مستنينك تشوفي الخطة لو فيها اي غلطة، و بعد كلام محمد مسك بعض الاوراق و اداهم لاسيل اللي هي بدورها مسكتهم و فحصتهم كلهم و بعد مدة قالت.

اسيل: الخطة كويس جدا، ادم جهز القوات عشان الاقتحام، و انتي يا نوران سابقينا انتي و بعض القوات لهناك للمراقبة من بعيد في حالة هروب حد، احنا مش بنهزر دول تجارة اعضاء، اما انت يا محمد فاهتيجي معايا انا، تمام يا شباب.
ادم و نوران و محمد: تمام يا اسيل...
اسيل: توكلنا على الله...

نيجي بقى لمكان مجهول مع شخصين مجهولين، و كانوا قاعدين و بيخطتوا لحاجه فتكلم واحد منهم و هو بيقوة...
مجهول 1: انا عاوز حياته تنتهي النهارده سامع.
مجهول2: اوامرك يا باشا.
مجهول1: انهارده انسب فرصه.
مجهول2: اشمعنا يا باشا انهارده.
مجهول 1: عشان هو هيكون في الحفله فا انت في الوقت المناسب خد الرجاله و خلصوا عليه سامع.
مجهول 2: سامع يا باشا كل حاجه انت قولتها هتتنفذ بالحرف الواحد...

مجهول 1 بشرود: والله و جه الوقت اللي هاخد حقي و ابرد نار قلبي اللي مشعللة جوايا لسنين، نهايتك على ايدي يا...