رواية القناص والفهد الجزء الأول للكاتبة شيماء أشرف الفصل الخامس عشر
وقفنا لحاد ما اجتمع الكل و اسيل طلبت من نهى انها تقول على معلومات الأشخاص اللي هيستخدموها...
اسيل بهدوء: يلا يا نهى ابدأي.
نهى بعمليه: رامي فاخر الأبن الكبير لفاخر الدرملي بيشتغل في شركة استراد و تصدير بتاعت والده متجوز من سيلا كانت السكرتيرة الشخصيه بتاعته، اما اخوه التاني فهو اسمه عامر الفاخر هو كان شريك مع اخوه في الشغل اتعرف على أيه مراته في الجامعه و اتجوزها اما التالت فهي اختهم الصغيرة و اسمها ليلى مخطوبه لواحد صاحب أخواتها اسمه وائل هي اللي عايشه فيهم، ها في مشكله في اي حاجه قولتها لحاد دلوقتي...
ريان: بس هي المعلومات قليلة ليه و كمان لو زي ما انتي بتقولي انهم عندهم شركة استراد و تصدير احنا هنكون صحابها ازاي.
نهى بتوضيح: اولا المعلومات قليله لأنهم زي ما قلت ماتوا و الحادثه دي حصلت لما كان رامي و اخوه راجعين من شهر العسل بتاعهم عملوا حادثه و ماتوا فيها اما الشركه فهي اتباعت.
اسر: طب طالما اتباعت يبقى ازاي هنمسك الشركه.
اسيل: اصله زي ما نهى قالت انهم ماتوا ماعدا اختهم الصغيرة فهي بتكون الوريثه الوحيده صح...
ريان: يعني هي يعتبر بتكون باعت الشركه بس مين اللي اشتراها.
نهى: هي فعلا باعت الشركه و بعد كده اختفت مصادرنا بتقول انها سافرت هي و خطيبها ألمانيا و استقرت فيها و طبعا بعد ما باعت شركة لبنان و ده هو اللي هيكون السبب اننا هنروح ال يلا بيه و هو اننا هنكون بعنا الشركه عشان نستقر في مصر بعد وفاة الوالد و نمسك الشركه الرئيسيه اللي هنا.
اسيل: و الشركه الرئيسيه هي شركتي انا و نوران.
اسر: انتم عندكم شركه.
نوران: ايوه الشركه دي احنا فتحناها بمجهودنا برا الشغل بتاعنا طبعا فا احنا هنستخدمها في المهمه.
ريان: بس احنا كده هنكشف لما يسألوا على الشركه.
اسيل. مش هيعرفوا لأن احنا محدش يعرفنا لأن شخصيتنا مجهولة كأصحاب الشركة و اللي يعرفنا بس هما اهلنا بس حتى الموظفين ميعرفوش الكلام ده غير الموثقين فيهم بس لأنهم هما اللي بيديروا الشركه دي في غيابنا لما بنكون في مهمه.
نوران: و بكده لما يجيوا و ياخدوا معلومات عنا احنا ساعتها هنديلهم المعلومات اللي احنا عاوزنهم يعرفوها بس.
نهى: دلوقتي انتم كده فهمتم الموضوع دلوقتي جه دورك يا اسيل، اومئت اسيل لها و راحت قالت...
اسيل: دلوقتي انا هقول لكل واحد دوره في المهمه دي هنبدأ بريان هيلعب دور رامي و انا هلعب دور مراته سيلا و رؤوف هيلعب دور عامر فاخر و نهى هتلعب دور مراته أيه و اسر هيلعب دور وائل خطيب ليلي اللي هي نوران كده في اي مشكله في الكلام ده.
الكل في صوت واحد: لا...
اسيل: ماشي حضراتكم هتباتم انهارده عندي و بكره الساعه 8 لازم نكون موجودين في المطار عشان هما اكيد هيبعتوا حد يراقبنا عشان يعرفوا اذا كنا حكومه ولا لاء، و بعدها بشويه ندهت اسيل و قالت: دادة امينه يا دادة.
اتت دادة امينه: نعم يا اسيل يا بنتي.
اسيل بهدوء: دي بتكون دادة امينة هي هتاخدكم و توريكم اوضتكم طبعا اتفضلوا معاها، و راح اسر و ريان عشان يعرفوا اوضهم اما رؤوف و نهى راحو اوضتهم ولم يتبقى في اوضة الأجتماع غير اسيل و نوران...
اسيل ببرود: مطلعتيش اوضتك ليه.
نوران: نفس اللي مطلعكيش.
اسيل ببتسامه: طب قومي يلا بينا على الجنينه.
نوران بحماس: يلا يا و حش...
في اوضة ريان و كان قاعد على السرير و كان لسه هينام دخل عليه فجأه اسر و هو بيقول...
اسر: واد يا ريان بتعمل ايه.
ريان ببرود: انت شايف ايه.
اسر بغيظ: هو يا ابني الواحد ميعرفش يستفزك خالص ده لو حد مكانك كان زمانه قالب عليا.
ريان: يعني انت دلوقتي عاوزني اقلب عليك.
اسر بخوف مصطنع: لا و على ايه يا كبير خليك.
ريان: ها كنت عايزني في ايه يا اسر.
اسر: كنت جاي اسألك ايه رأيك في التخطيط بتاع اسيل.
ريان: انا شايفه كويس هي ذكيه جدا و ده عجبني فيها.
اسر بسخريه: ايه ده بقى ريان اشهر قناص في الداخليه بيعجبه حاجه لا و ايه الحاجه دي في بنت يا راجل قول كلام غير ده.
ريان: انا بتكلم عشان شغلها و بس اومال انت ايه رأيك في نوران.
اسر: مالها ست نوران.
ريان بسخريه: مش المفروض تروحلها مش هي خطيبتك بردو انا مش عارف انت هتلعب دور خطيبها ازاي.
اسر: اسكت يا ريان انا ذات نفسي مش عارف هشتغل معاها ازاي انا اول مره اروح مأموريه و تكون جماعيه لا و ايه مع بنات كيوت.
ريان بسخريه: بس يا ريت متنساش ان البنات الكيوت اللي انت بتتكلم عليهم دول في منهم علم عليك يا معلم.
اسر بغيظ: طب ما انت كمان بردو في واحده منهم معلمه عليك يا معلم.
ريان بحدة: اسر.
اسر: ماهو انت اللي بدأت، و راح ريان بصله بصه اخرسته، خلاص سكتنا اوف الواحد ميعرفش يتكلم معاك خالص، و كان و هما قاعدين سمعوا صراخ عالي من الخارج...
اسر بستغراب: ايه الصوت ده.
ريان: تعالى نشوف في ايه، و خرجوا و كان و هما نازلين قابلوا سارة و دادة امينه...
اسر: طنط سارة هو في ايه، ايه الصوت اللي برا ده.
سارة بضحك: هههههههههههه، انتم اتخضاتوا، معلش يا ولاد، ثم اكملت كلامها لأمينة. : كذا مره اقولهم ميلعبوش هنا مبيسمعوش الكلام خالص، الأتنين عاملين زي التيران الهمج...
دادة امينه: انا تعبت منهم، هما الأتنين اعند من بعض و بصراحه لعبهم شرس خالص عشان كده مبحبش اروح ليهم و هما بيلعبوا.
سارة بضحك: ههههههههههههههههه، عندك حق يا امينه تحسيهم تيران بتخبط في بعض، و كل ده تحت استغراب و فضول اسر و ريان عشان يعرفوا هما بيتكلموا على مين...
اسر بفضول: هما مين دول يا طنط.
سارة: دول اسيل و نوران.
ريان. : و هما بيصرخوا ليه هما بيتخانقوا.
دادة امينه: يا ريت لو كانت خناقه كانت هتخلص بسرعه و بعد كده يتصالحوا.
ريان: اومال هما بيعملوا ايه.
سارة: بيلعبوا مع بعض.
اسر بستغراب: اللي هو ازاي.
سارة: يعني بيطحنوا في بعد لحاد ما واحدة فيهم تستسلم او طاقتهم هما الأتنين تخلص فا متستغربوش اي صوت غريب تسمعوه يا حبايبي روحوا انتم و ارتاحوا، عن اذنكم...
اسر و ريان: اتفضلي، و مشيت سارة والدة اسيل هي و دادة امينه و اسر و ريان فضلوا يبصو لبعض بفضول.
اسر بفضول: متيجي نشوفهم.
ريان: يلا بينا انا كمان عاوز اعرف بيلعبوا ايه اوي كده عشان يخلي طنط سارة تقول الكلام ده، و خرج ريان و اسر من ال يلا و راحو الجنينه و لما راحو اتصدموا من المنظر اللي شافوه، لأنهم لقوا اسيل و نوران بيضربوا بعض جامد...
اسر بذهول: انت شايف اللي انا شايفه ولا انا بحلم.
ريان بصدمه: لا و انت الصادق انت مش بتحلم انت في واقع.
اسر: ده ايه ده دا استحاله يكون تدريب دول بيموتوا بعض.
ريان: انا اول مره اشوف بنات كده ايه ده هما ازاي مستحملين الوجع ده كله انا مشوفتش بنت تستحمل الألم ده.
اسر: عشان بعد كده تحترم المرأة.
ريان بسخريه: لا و انت اللي بتحترمهم اوي، دا أحنا حتى دفنينو سوا.
اسر: ري، و اسر كان لسه هيرد على ريان لكن قاطع كلامه لما لقى حاجه اتحدفت عليه في وشه من عند البنات.
اسر بغيظ: مخده!؟! انا يحدفوا عليا مخده.
ريان بضحك: هههههههههههه. شكلك كان مضحك اوي لما المخده جت فيك هههههههههههه.
اسر بغيظ: خلصت بقى فقرة الضحك ولا لسه.
ريان بضحك: ههههههههه خلصتها.
اسر: طب تعالى نروحلهم بقى لأني جبت اخري، و راحو عندهم و اتصدموا اكتر لما لقوا اسيل مسكت نوران و شالتها و قامت حدفاها و راحت نوران في الوقت ده حدفت اسيل في البيسين.
اسيل بتذمر: انتي يا غبيه انتي راحه توقعيني في المايه.
نوران بضحك: هههههههههههه، sorry اسيل بس انتي شكلك حلو اوي ههههههههههههه.
اسيل بمكر: خلاص كده التدريب خلص هاتي ايدك بقى عشان تطلعيني.
نوران بغرور: يعني انا كسبت يعتبر، هاتي يا ستي ايدك، ااااااااااااااااااه، و ده كان صراخ نوران لما ادت ايديها لأسيل و راحت اسيل شداها معاها في المايه.
نوران بغضب: ايه اللي انتي عملتيه ده يا اسيل بليتيلي هدومي.
اسيل ببرأه مصطنعه: طب ما انتي كمان بليتيلي هدومي.
نوران: مش لايق عليكي دور البراءه خالص.
اسيل ببرود: محدش طلب رأيك.
(قصف جبه معتبره من اسيل لنوران )...
نوران بمزاح: هي دي اسيل اللي اعرفها، و فضلت البنات تضحك وهي في المايه...
اما عند ريان و اسر...
ريان: ألحق انت شوفت عملت ايه في صاحبتها.
اسر: و هي لحقت دي التانيه راحت موقعاها معاها في المايه.
ريان: لا و قعدين بيضحكوا.
اسر. : تعالى نروحلهم.
ريان: عاوزين مساعده يا بنات.
نوران بتفاجئ: ايه ده انتم هنا من امتى.
اسر بمزاح: من اول ما بدأتم الحرب.
الكل: هههههههههههههههههههه.
اسيل: معلش لو ازعجناكم.
ريان: ولا ازعجتونا ولا حاجه و كمان ده بيتكم يعني تعملوا فيه اللي انتم عاوزينوا احنا اللي ضيوف هنا.
اسيل: ايه الكلام ده يا ريان انتم من العيله و كمان البيت بيتكم.
اسر بفضول: بس انتم متعودين على كده.
نوران: متعودين ازاي يعني.
اسر: قصدي يعني تضربوا في بعض كده.
نوران: لا احنا بنعمل التدريب ده كل فين و فين.
اسيل: صحيح احنا بنطحن بعض بس مش بنضرب على الوش زي ما انت شايف، اه الضرب في الوش مفهوش معلش
ريان بضحك: هههههههههههه، معاكي حق، طب يلا اطلعوا من المايه عشان متبردوش.
نوران بمزاح: عندك حق لا و ايه المهمه بكره و لو مروحناش ساعتها ابو حميد و كمولتي هينفخونا.
اسيل: عندك حق.
نوران: ايه يا كابتن منك ليه مش هتطلعونا ولا ايه.
اسر: لا طبعا هاتي يا ستي ايدك.
ريان: و انتي هاتي ايدك عشان تخرجي من المايه، و راح ريان و اسر طلعوا اسيل و نوران و بعد كده طلعوا على اوضهم و بعد كده راحوا و غيروا، نروح هنا و نشوف نوران و هي نايمه جنب اسيل و فجأة قالت...
نوران بتذكر: ينهار ابيض...
اسيل بستغراب: في ايه...
نوران: نسينا نتصل على ادم و محمد.
اسيل: اه صح، طب هاتي التلفون نكلمهم، اومئت لها نوران و جابت التلفون و اتصلت على محمد و لكن لا رد، و اتصلت تاني و تالت لا رد...
نوران: محمد مش بيرد...
اسيل: طب اتصلي على ادم، قامت نوران بالأتصال على ادم عدت مرات و بعد مدة رد عليها ادم فقالت...
نوران بندفاع: انت يا زفت الطين يا متخلف انت يا حيوان يا زباله يا كوز درة محروق مش بترد ليه...
ادم: ...
نوران: مال صوتك يا ادم، انت كويس...
ادم: ...
نوران بصدمه: انت بتقول ايه، ازاي اللي بتقوله ده حصل، انت بتضحك عليا. مستحيل...
ادم: ...
نوران بسرعة: طب اقفل و دقايق و هنكون قدامك...
ادم: ...
نوران بدموع: مش هنستنى يا ادم دقايق و هنكون قدامك سلام...
اسيل بخضة من دموع نوران: في ايه يا نوران ايه اللي حصل...
نوران: محمد يا اسيل، محمد اتصاب و في العناية دلوقتي و ادم بايت في المستشفى...
اسيل: قومي بسرعة طب نروحلهم، اومئت لها نوران و قام الأثنان يجهزوا...
بعد عدت سعات...
في مطار القاهرة الدولي، يقفوا اسود الدخليه او امام الناس اولاد فاخر الدراملي و كانوا خارجين من المطار و بيركبوا العربيه عشان يروحوا ال يلا و هما بيتوعدوا بالجحيم اللي هيعملوه للي بيفسدوا البلد و بيضيعوا شباب بلدهم و في الوقت ده كانت هناك عيون تراقبهم و بعد ما شافوهم ركبوا اتصل بشخص و قال...
: ايو يا عاصم بيه هما دلوقتي وصلوا و ركبوا العربيه و في طريقهم على ال يلا.
عاصم: يا ترى ايه اللي رجعكم بعد السنين دي يا ولاد فاخر، اما عند الشباب و كانت اسيل قاعده في العربيه و سرحانه مع نفسها و قالت.
اسيل بشرود: نار جهنم هتتفتح عليك يا عاصم بيه، و ده وعد من الفهد...