رواية القاسيان الجزء الأول للكاتب عبد الرحمن أحمد الفصل الرابع عشر
كان المشهد هو ان الشخص ده وجمبه كل البودى جاردات موجهين السلاح ناحية يوسف ويوسف سهوة حضناه من ضهره جامد ومش عايزة تسيبه ويوسف موجه السلاح ناحيتهم!
• هتجيب الورق ولا اقتلك انت وحبيبة القلب
يوسف موجه السلاح ناحيتهم: قولتلك مفيش ورق وكل حاجة هتنتهى دلوقتى
همس فى ودنها اركبى العربية واستخبى
سهوة بدموع: لا مش هسيبك، لو هتموت هموت معاك
• هديك مهلة دقيقة
يوسف: اسمعى الكلام يا سهوة خشى العربية.
سهوة: مش انت وعدتنى ان اقف معاك وابقى جنبك فى اى حاجة
يوسف: بس مش كدا يا سهوة ده ضرب نااار، وبعدين هتقفى معايا بصفتك إيه!
سهوة: بصفتى هبقا مراتك
افتكر يوسف نفس الكلمة لما قالهالها يوم ما البيت وقع
flash back
سهوة: بس انا ممعيش فلوس علشان الشقة
يوسف: ملكيش دعوة دى عليا انا
سهوة: بصفتك إيه ان شاء الله!
يوسف: بصفتى هبقى جوزك، يلا امشى قدامى بقا
back.
ابتسم يوسف وفرح من ردها وبالرغم من انها بنت حس انها ليها شأن وب 100 راجل فعلا
يوسف: طب خدى المسدس ده اللى يقرب اضربى علية
وبص يوسف وبدون اى مقدمات رفع الرشاش وضرب بغباء وبغل فى كل مكان قدامه بدون توقف لحد ما سكت وبص لقى كل اللى قدامو ميتين وغرقانين فى دمهم جت سهوة وحضنته
يوسف: مش قولتلك متخافيش، خلصت اهى
قام الشخص من على الارض: فعلا خلصت وضرب رصاصة
وركب عربية وجرى بيها
سهوة صرخت وقع يوسف قدامها.
سهوة بعياط: يوووسف قووووم، يوووووووووسف
فى المستشفى كانت سهوة واقفة ومعاها رأفت ورباب واسماء وجودى واختها نيرة
وكانت بتعيط جامد اوى
اسماء: اهدى يا بنتى، ان شاء الله هيقوم
سهوة بعياط: انا السبب، انا السبب
اسماء: لا يا سهوة انتى اللى اتخطفتى بسببه، ده كله متقدر وبعدين الدكتور قال اصابته مش خطيرة
رباب ببكاء: متعيطيش يا سهوة، منهم لله الناس دى
رأفت: هو قتلهم كلهم ومتبقاش غير رئيسهم ده اللى هرب؟
سهوة ببكاء: ايوة
خرج الدكتور من اوضة العمليات وطمن الكل ان الاصابة خفيفة وكانت فى الكتف وهو كلها ساعتين او تلاتة ويفوق
اطمن الكل
فتح يوسف عينه لقى الكل حولية
رباب: حمدالله على سلامتك يابنى
يوسف: الله يسلمك يا ماما، فين سهوة
رأفت: سهوة!، كانت هنا دلوقتى راحت فين
يوسف بخضة: إيه وحاول يقوم لكنه اتألم جامد
اسماء: استريح يا يوسف تلاقيها راحت تجيب حاجة
يوسف بقلق: احسن يخطفوها تانى.
رأفت: متقلقش يا يوسف هى كانت معانا بس تلاقيها راحت تجيب حاجة زى ما قالت حماتى
يوسف: فين موبايلى
رباب: اهو
خد يوسف الموبايل واتصل بيها وردت
يوسف بلهفة: سهوة انتى فين
سهوة: يوسف انت فوقت، انا روحت علشان اغير هدومى كانت كلها دم وجاية اهو
يوسف: طيب خلى بالك من نفسك
سهوة: حاضر متتعبش نفسك انت بس
عدى فترة وسهوة مش بتفارق يوسف فى المستشفى ومعاه لحد ما خرج ورجع البيت.
رأفت: سهوة يا بنتى هتقعدى معانا هنا لحد ما نتطمن
سهوة: لا لا مينفعش، اقعد بصفتى إيه
يوسف: بصفتك مراتى، بعد اللى حصل ده مستحيل استنى تانى، خلاص يا سهوة، انا هتجوزك
سهوة بفرحة: بجد
ابتسم يوسف وحضنها جامد: ايوة يا سهوة بجد
رأفت ابتسم وفرح اوى: مبروك يا يوسف، مبروك يا سهوة
سهوة: الله يبارك فيك يا بشمهندس
رأفت: لا بشمهندس إيه من دلوقتى قوليلى يا بابا ولا انا مش بابا
سهوة فرحت اوى: ده يشرفنى يا بابا.
حضنتها رباب وهمست فى ودنها: خلى بالك من يوسف، هو راجل اه بس عايز حد يحتويه ويحافظ عليه زى الاطفال
سهوة: متقلقيش يا طنط يوسف فى عنيا
رباب: لا انا مش طنط انا ماما
سهوة بإبتسامة: ماشى يا ماما
اسماء: مبرووووك يا سهوة انتى الوحيدة اللى عرفتى تسرقى قلب يوسف وتغيرية
سهوة بإبتسامة: الله يبارك فيكى يا سوسو يا عسل
يوسف: إيه هنقضيها مبروك مبروك مبرك
جودى: استنى لسة مش باركتلها.
يوسف مقلد صوتها: مش باركتلها، اديكى باركتيلها يا ستى
سهوة حضنت جودى وقالتلها الله يبارك فيكى يا قلبى
وحضنت اختها اللى باركتلها وفرحت ليها اوى
يوسف: ها خلصتو مباركات، يلا بينا يا جماعة نجيب الشبكة
كلهم جهزو وفعلا راحو يجيبو الشبكة واختارت سهوة حاجة بس طلعت غالية فرجعتها مكانها تانى راح يوسف وجابها وقالها: عجباكى!
سهوة: ايوة بس طلعت غالية اوى
يوسف: ملكيش دعوة اختارى اللى عيزاه وانا هجيبو.
وفعلا جابلها اللى عيزاه وكانت الفرحة مسيطرة عليهم جامد اوى وراحو كلهم يتعشو برا وكان يوم جميل جدا وكانت سهوة طايرة من الفرحة ويوسف كان طاير من الفرحة علشان سهوة معاه ومبسوطة
واخر اليوم رجعو كلهم على الفيلا
رأفت: كتب الكتاب بكرا
يوسف: اشطا كويس اوى
سهوة: طيب هكلم خالتى علشان تبقى موجودة
يوسف: هاتى العنوان وهروح انا ابلغها دلوقتى علشان تجيى بكرا من بدرى
سهوة: طيب انا جاية معاك.
يوسف: طب اشطا يلا اركبى يلا العربية
فحت سهوة: ماشى
وركبت سهوة مع يوسف وراحو على بيت خالتها ووصلو
سماح: سهوة حبيتى فينك وحضنتها وسلمت عليها، امال مين ده
يوسف: ممكن اخش ولا إيه يا سوسو
سماح: سوسو!
سهوة: هفهمك كل حاجة يا خالتى
سماح: اتفضل يابنى
حكى يوسف وسهوة لسماح كل ماحدث
سماح: يلاهوى يابنى حصل كل ده
يوسف: ايوة وعلشان كدا هتجوز سهوة، حبيبتى اللى قلبى حبها وانا جبتلك الشبكة تشوفيها يا سوسو، ها إيه رأيك.
سماح: إيه ده الله، ربنا يباركلكم فى بعض يابنى
ابتسم يوسف: بكرا كتب الكتاب يا سوسو والعنوان اديكى عرفتيه
سماح: طبعا ده كتب كتاب بنت اختى
يوسف: طب هنمشى احنا بقا
سماح: خليكو قاعدين يابنى شوية
يوسف بإبتسامة: معلش علشان الوقت اتأخر وبكرا كتب الكتاب ولسة هنجيب الفستان وكدا
سماح: ماشى يابنى ربنا يسعدكو دايما
مشى محمد ومعاه سهوة ورجعو على الفيلا
اسماء: انتى هتنامى معايا فى اوضتى يا سهوة
سهوة: ماشى يا سوسو.
ضحك يوسف وقال: إيه يا سوسو وانا اوضتى راحت فين
ضحكت سهوة وضربت اسماء يوسف فى كتفه وقالت: اطلع نام
ضحك يوسف جامد: هههههه حاضر
دخلت سهوة مع اسماء وفضلو يتكلمو شوية عن يوسف واسماء تقولها اسرار عنه محدش يعرفها غيرها وقعدو يضحكو وبعد كدا نامو ويوسف فضل يفكر كتير فى سهوة وابتسم ونام
تانى يوم صحى الكل وكلهم مبسوطين ورأفت بلغ الاهل وقرايبو عن كتب الكتاب
يوسف: إيه يا بابا المأذون اتأخر كدا لية.
رأفت: معرفش كلمته مردش
يوسف: يووه
سهوة: إيه يا يوسف مالك
يوسف: المأذون اتأخر
عمر: غريبة مع ان فى كل الافلام المأذون بيبقى موجود والعريس هو اللى بيتأخر وغالبا بيقول يا جماعة خلصونى انا عندى فرح تانى
ضحك الكل على عمر
يوسف: اهو وصل، إيه يا معلم إيه التأخير ده كلو
المأذون: معلش يابنى كان عندى فرح تانى
عمر: هههههههه شوفت.
اجتمع الجميع وتم كتب الكتاب وسط فرح الجميع وبالاخص سهوة ويوسف اللى طول الوقت باصين لبعض بحب وفرح ومش مصدقين انهم فعلا كتبو الكتاب وكلو قعد يبارك ويهنى والفرحة كانت منتشرة فى المكان كله
سماح: مبروك يا سهوة
سهوة بفرحة: الله يبارك فيكى يا خالتو
ولاء: مبروووك يا سهوة يا عسل
سهوة بفرح: حبيبتى يا لولو الله يبارك فيكى يا قلبى
يوسف: بقولك إيه يا بابا انا هروح انا وسهوة نجيب فستان الفرح.
رأفت: ماشى يا يوسف خد مراتك واتفسحو وجيبو الفستان وتعالى
يوسف بفرحة: جود باااى
سما: بقا يوسف يعمل فيك كدا ويقتل الرجالة اللى كانو معاك كلهم
• خدنى على سهوة ابن ال*
سما: ازاى على سهوة وانت بتقول انه كان رافع السلاح فى وشكو
• كان ماسك مسدس فجأة اداه للبت اللى معاه ورفع رشاش ونزل دب فينا كلنا
سما: عرفت ان يوسف مش سهل وان السجن غيره واننا مش هنعرف نقف قصاده.
• ههههههه مين قالك كدا، ده كدا انا فهمت هو بيفكر فى إيه واية اللى بيدور فى دماغه وعرفت نيته، كدا بقا اعرف اظبطه
سما: هتعمل إيه معاه
• هخليه زى النحلة يبص حوالية ويخاف من خيالو، هخليه يحارب وهم، هوريه اللعب على اصولو، الارض دى لازم اخدها لاااااازم
يوسف وهو بيسوق: سهوة كنت عايز اعترفلك بحاجة
سهوة: حاجة إيه
يوسف: انى بحبك اوى
سهوة ابتسمت ونامت فى حضنه: وانا بموت فيك.
يوسف: طب إيه، انتى لو فضلتى حضنانى كدا انا هسيح فى جمالك وحضنك ونعمل حادثة
سهوة: ماشى
يوسف: هو إيه اللى ماشى بقولك هنعمل حادثة
سهوة بإبتسامة: كفاية يا حبيبى انى هموت فى حضنك
يوسف: طب حيث كدا بقا انا هخبط فى العربية النقل اللى جاية دى علشان تتحققلك امنيتك
وراح يوسف ناحيتها
سهوة صوتت: لا يا مجنوون، هنموووت
يوسف بضحك: مش انتى اللى عايزة
سهوة بصويت: لاااا بهزر هنموت يا مجنوووووون
يوسف: ههههههههه خلاص.
وصل ونزل يوسف ومعاه سهوة
كان يوسف بيلف بص لقى سهوة واقفة قدام فستان وسرحانة فيه جامد وكانت بتتخيل نفسها لبساه وجمبها يوسف فى الفرح
يوسف: سهوة، سهوووة!
سهوة فاقت: هاااا
يوسف: هاا إيه انتى روحتى عالم تانى، عجبك الفستان
سهوة: ايوة جدااا
يوسف: فعلا شكلو محصلش وحلو اوى خشى طيب بقا قسيه واطلعى ورينى
سهوة: حاضر
دخلت سهوة تقيسه وجيه على مقاسها فعلا ومخرجتش بيه وخرجت سهوة
يوسف: مخرجتيش بيه لية؟
سهوة: فال وحش.
يوسف: اممممم بقا كدا، ماشى يا ستى
سهوة: بس فيه حاجة
يوسف: حاجة إيه
سهوة: سعر الفستان مش هيبسطك خااالص
يوسف: لو بمليون هجيبه طالما عجب حبيبتى وقلبى
فرحت سهوة اوى وحضنت يوسف
يوسف: هيا بنا الى المنزل
ضحكت سهوة: هيا بنا
كان سايق يوسف وهى نايمة فى حضنة بصلها وهى نايمة فى حضنة كانت زى الملاك، جميلة وهى نايمة جدا وشكلها هادى وكانت فى حضنه ومبتسمة وهى نايمة.
قرب يوسف منها وباسها من دماغها ورجع يكمل سواقه لحد ما وصل وصحها بإبتسامة ودخلو الفيلا
رأفت: إيه الاخبار يا عرسان
يوسف: جبنا الفستان وجميل جدا
رباب: بجد عايزة اشوفو
اسماء: وانا كمان
جودى ونيرة: واحنا كمان
يوسف: طيب اتفرجو على الفستان عقبال ما اخد بابا ونتفق على ميعاد الفرح
صابر: ايما إيه رأيك نرجع مصر اسبوع ونيجى على هنا تانى
ايما: مصل دى اللى ماما منها!
صابر: ايوة اللى ماما منها وبابا منها وانتى كمان منها يا ايما
ايما بفرحة: ماثى يعنى هثوف ماما
صابر بحزن: اللى بيروح عند ربنا مينفعش نشوفو يا ايما
ايما: بس انا نفسى اوى اثوف ماما
صابر: هنشوفها يا ايما بس مش دلوقتى
ايما: طيب انت هتلجع مصل لية
صابر: عندى شوية شغل هخلصهم ونرجع تانى على هنا
ايما: ماثى
صابر: يعنى موافقة؟
ايما: ايوة موافقة
يوسف: ها يا بابا بعد 4 ايام كويس.
رأفت: اربع ايام، اممممم طيب خليها بعد اسبوع علشان الحق اعزم قرايبنا وكلو يعرف القاعة وكدا
يوسف: خلاص ماشى تمام
خرج يوسف ورأفت من المكتب
يوسف: خلاص حددنا ميعاد الفرح
رباب: امتى يا يوسف
يوسف: كمان اسبوع
رباب: كويس اوى
اسماء: فعلا ومناسب كمان علشان قرايبنا والقاعة
يوسف: إيه رأيك يا سهوة
سهوة بإبتسامة: حلو اوى
يوسف: خلاص اتفقنا.
فرح الكل وفضلو يتكلمو ويهزرو و يوسف قعد يتكلم مع سهوة وهو فرحان ومش مصدق انها خلاص بقت حلاله وكمان اسبوع هيبقى الفرح
سهوة: بس انا اعرف عنك كل حاجة
يوسف: هههههه زى إيه
سهوة ضحكت: زى انك زمان كنت بتشوف عفريتة بترسملك قلب على ايدك وانت نايم
استغرب يوسف انها عرفت الكلام ده
يوسف: واية تانى
سهوة: والبت اللى كنت بتحبها فى ابتدائى ولما مرضتش تديها السندوتشات ضربتك على قفاك وطلعت تجرى.
يوسف بصدمة: اييية، سوسووووووووووو
ضحكت سهوة جامد اوى على منظر يوسف
يوسف: بقا كدا يا سوسو حكيتى لسهوة على كل مصايبى واللى حصلى وانا صغير
اسماء: ههههه ايوة
يوسف: حكيتى إيه بالظبط
اسماء ضحكت: كلوووو
يوسف: يا فضيحتك يا يووووسف
بص لسهوة لقاها ميتة من الضحك علية
يوسف: بتضحكى على إيه، اهااا يانااااا
سهوة بضحك: كل ما اتخيل اضحك
يوسف: اضحكى اضحكى، ليكى يوووم
سهوة: بقولك إيه صحيح
يوسف: قولى.
سهوة كانت لسة هتتكلم بس وقفت وبصت ورا يوسف وبرقت
يوسف بقلق: فيه إيه يا سهوة!