رواية العميلة دي للكاتبة إسراء أحمد الفصل الثالث والعشرون والأخير

يجلس بقلق أمام ( البوص ) يقبض على هاتفه، يكرر إتصاله مرارا وتكرارا بلا إجابة، أردف بتساؤل: -
( مستر ماكس أنا إتصلت بجاك كتير مفيش رد، تفتكر نروح له؟! )..
لم يجد إجابة منه هو الأخر فقد كان شاردا بعالم أخر، تفوه بإسمه عدة مرات حتى صاح ماكس بغضب: -
( في إيه ديفيد؟!، إيه الزن اللي إنت فيه ده؟!، مش شايفيني بفكر في حاجة! )..
جز على أسنانه بضيق مجيبا: -.

( في حاجة مهمة يا فندم، جاك مابيردش علينا وشحنة الكوكايين معاه والناس بتطالب بيها إيه العمل؟! )..
أجابه ماكس بهدوء يعتريه الشرود: -
( في حاجة أهم ديفيد إنت بس اللي نايم على ودنك، من كام يوم جالي خوسيه مساعد جاك ما إنت عارفه، قابلني ووراني صورة على موبايله عارف صاحبة الصورة مين؟! )
أومأ برأسه يعقد ما بين حاجبيه متسائلا، فتابع الأول: -
( ديالا ).

كاد أن يسقط عن مقعده عقب ما وصل إلى مسامعه، حاول التحدث لكن جف حلقه يحول بينه وبين الحديث: -
( ديالا قريبة من خوسيه ومعنى كده قريبة من جاك، هل بقى هي قريبة لدرجة الأذى ولا إيه؟!، وبحاول أوصل لخوسيه من بعدها مش عارف، عرفت بقى أنا دماغي مشغولة ب إيه؟! )..
أجابه بتوتر جلي: -
( طب حضرتك ناوي تعمل إيه؟! )..
مرت بضع لحظات قبل أن يجيبه بشرود: -.

( جاك عامل حفلة صغيرة النهاردة هيكون فيها العملاء بتوعنا كلهم عشان هنسلم فيها شحنة البنات الجديدة والكوكايين ساعتها أنا هتكلم معاه وأحذره، وأعرف من خوسيه شاف ديالا فين )..
كان يشعر بالخوف حيال حبيبته التي أخفى عنها حقيقتها حتى تنعم ببعض الأمان تلقي أعباء فقدان ذاكرتها خلفها ولكن يبدو أن المصائب تركض خلفها ركضا.

إسمعي يا ديالا إحنا جات لنا خبرية إن هيكون التجمع كله النهاردة إنتي لازم تبعتي لي مكانك دلوقتي بالجهاز اللي معاكي وتتخلصي منه..
أحمد إنت متأكد إن الوقت مناسب للهجوم؟!
أجابها برسمية حادة: -
في إيه يا ديالا؟!، إنتي مترددة ولا خايفة؟!
تقطع الحجرة ذهابا وإيابا بتيه، تضرب كفيها بتوتر مجيبة: -
أحمد بس إفهم، جاك كتير متغير حاسة إنه ممكن يتغير، ممكن لو إدينا له فرصة
قاطعها بغضب: -.

إدينا مين فرصة؟!، إنتي مدركة إنتي بتقولي إيه؟!، فرصة لمين لزعيم أكبر مافيا، قتل وخطف ونهب بدم بارد، إنتي نفسك عيشتي معاه بنفس المكان وكام مرة إستسلمتي وقلتي مش هقدر أواجه شره؟!
شكلك إتعلقتي بيه؟!
كان ينتظر الجواب على أحر من الجمر، كان يريد بعض الكلمات القليلة التي تنهي حرب مشاعره وترفع الراية البيضاء تعلن السلام بحبها..

مرت لحظات قليلة مرت عليه كدهر، كان لعقله أثناءها إعصارا يعصف بأفكاره.
أحمد إفهمني، جاك بردو إتظلم في حياته كتير وبردو من حقه فرصة تانية، ده قصدي إنت دماغك ودتك لفين؟!
تنهد بنفاذ صبر مجيبا: -
تمام، إحنا هنديله فرصة تانية..
إنفرجت أساريرها لقدرته على إستيعاب مبتغاها، همت أن تجيبه ولكن كلماته الحادة بدلت حالها للنقيض.
هنديله فرصة بس أما يسدد ديونه وناخد حق كل حد ظلمه..

عاود الصمت يخيم عليهما فتابع برسمية: -
إسمعي مش وقت الكلام ده، في حاجات أما تعرفيها كل حاجة بتتغير، أنا وصلتني الإشارة بمكانكم، لازم تعرفيني تفاصيل أكتر عن المكان عشان تسهلي تحركاتنا.
أجابت بنبرة يكسوها الإختناق: -
مفيش حراسة خالص ومجمع كل البنات في أوضة في البدروم تحت ما عدا سمر لسه في أوضتها.
تابع بهدوء: -.

هتعملي معاها اللي قولتلك عليه، المهم أنا عايز العميلة ديالا هي اللي تشتغل، وأنا اللي بقولك شغل المشاعر ده لازم نركنه على جنب عشان النهاردة يوم محتاج طاقتك وتركيزك، إنتي معايا؟!.
معاك يافندم، علم وينفذ.

بعد مرور بضع ساعات كانت تقف أمام خزانتها تعبث بها بشرود، تحركت بفزع حينما حاوط خصرها بذراعيه يستند برأسه أعلى كتفها: -
حبيبي ماله؟!، حاسك مش مظبوطة؟!.
حاولت الإبتعاد لكنه شدد من إحتضانها بينما يديرها لتواجهه، بذلت قصارى جهدها حتى لا تتقابل أعينهما فلم يكن بإستطاعتها الصمود أما تدليله لها المستمر..
نجحت بالتملص من بين يديه المحاصرتين لتجلس على الفراش بتوتر قائلة: -.

هو كان ليها لازمة الحفلة اللي إنت عاملها دي؟!، أنا حاسة إني مش مستعدة أكون جزء كبير منكم كده..
جاورها جالسا، قبض على كفيها مقبلا إياه، لامس وجنتها يجبرها على مقابلته ليهمس بهدوء: -.

إنتي ناسية إنتي عملتي إيه في أخر عملية، إنتي أخدتي الفلوس والكوكايين وقتلتي البوص بتاعهم، ده إنجاز كبير لمبتدئة زيك، أنا شايف إن دي اللحظة المناسبة ومش محتاج تأخير، ده غير إني محضرلك مفاجأة هتعجبك أوي، وبعد الحفلة دي إعملي حسابك هنتعشى سوا عشان في كلام كتير لسه هنقوله.
ابتسمت بهدوء مجيبة: -
إيه بقى المفاجأة دي؟!
نهض مبتعدا، التقط شيئا من أعلى الفراش ليظهر لها ثيابا بينما يقول: -.

الفستان ده عزيز عليا جدا، أول فستان جبته ل صوفيا ومحدش غيره يستحق يلبسه..
هديكي نص ساعة تكوني جاهزة كلهم تحت مستنينا..
وضعه بين يديها يقبل وجنتها بحب قائلا: -
متتأخريش عليا..
تابعت طيفه بهدوء بينما علقت غصة بحلقها تحول بين مرور الهواء لرئتيها، حررت عبرة بين جفنيها جففتها سريعا، نهضت لترتدي ثيابها ترجو الله بداخلها أن يلهمها القوة لما هو آتي..

تضع لمساتها الأخيرة، تبدو مثل الأميرات بردائها وخصلاتها المنسدلة خلف ظهرها، نظرت لهيئتها الأخيرة برضا، فتحت أحد الأدراج تبحث عن سلاحها، بحثت بهيئتها على مكان لتخبئه بينها فلم تجد، مرت بضع دقائق أخرى حتى وجدت حقيبة صغيرة بلون ردائها لتضعه داخلها، قاطعه صوته: -
ديالا جاهزة؟!
أنا خايفة أوي يا أحمد وكأني أول مرة أقوم بعملية.
أجابها بهدوء عبر سماعة أذنها: -.

متخافيش يا ( دي ) أنا معاكي..
قبض على كفها بهدوء مما جعلها تنتفض فزعا، يقف أمامها بهيبته التي إعتادتها دوما، يرتدي زيه الرسمي ويضع قناعا يخفي ملامحه عنها ولكنها علمت هويته من عينيه البارزة من فتحات قناعه الصغيرة، لم تمهل عقلها بعض الوقت لكي ترتمي بأحضانه تسترق بعض الأمان بوجوده جانبها..
شدد من إحتضانها يربت على ظهرها، ابتعدت عنه تقبض على كلتا يديه متسائلة: -
إنت دخلت هنا إزاي وإمتي؟!.

مش قلت لك متخافيش أنا معاكي، وبعدين أنا مش لوحدي هنا أنا معايا قوة كبيرة ولا كأننا داخلين نحتل بلد..
لاحت إبتسامة هادئة على وجهها، قاطع هدوئها: -
بس إيه الفستان الحلو ده؟!، أنا بغير على فكرة..
نخرج بس من هنا ومش هخليك تغير خالص..
قبض على كفها يقبله قائلا: -
عملتي إيه في الجهاز؟! وعرفتي سمر اللي مطلوب منها؟!
أومأت برأسها بهدوء تجيبه: -
الجهاز أنا خبيته بعد ما خربته، أما سمر زمانها بتنفذ..

يالا دورك إنتي بقى، عايزك تبهريني..
ابتسمت بمرح مؤدية التحية العسكرية، همت بالرحيل، جاورت أذنيه هامسة: -
أخرج لي منها عايش كفاية إصابات..
تابعها حتى برحت الحجرة بأكملها، بضع لحظات حتى لحق بها محاولا الإختباء..

على الجانب الأخر.

تسللت خارج حجرتها تحمل سلاحها التي أعطته لها ( ديالا ) قبل يوم، سارت بهدوء تتلفت حولها حتى وصلت مبتغاها، حجرة حراس جاك الذين أمرهم بعدم الخروج من الحجرة مطلقا حتى يأمرهم بعكس ذلك..

أخرجت قفلا قويا من جيب بنطالها الأسود، أحكمت إغلاق الحجرة عليهم واحتجزتهم داخلها، لم ينتبه أحد لها، عاودت التسلل حيث حجرة الفتيات فتحتها لتجدهم يجلسون سويا بخوف بأحد أركانها ظنا منهم أن القادم هو أحد الحراس، تسربت الطمأنينة إلى قلوبهم ما أن رأوها، أحكمت إغلاق الحجرة خلفها ثم جلست بجانب الباب إستعدادا لأي طارئ قائلة: -
متخافوش، ده الوقت اللي هنخرج فيه من هنا أخيرا..

ظلام يحيط بهم إلا شعاع خافت ليظهر ملامح المكان، يبدو كمسرح كبير، تصطف المقاعد المكسوة باللون الأحمر جنبا إلى جنب، يجلس كلا من ماكس وديفيد بإنتظار جاك.
ما هي إلا بضع لحظات حتى صعد أعلى المسرح، يقف أمامهم بملامح مبهمة، أردف بهدوء: -.

(بما إن كل شركائي مجتمعين والبوص ( ماكس ) حابب أنتهز الفرصة وأقول كلمتين مهمين هيقلبوا مجال شغلنا رأسا على عقب، من سنين كتيرة وقف الباشا نفس مكاني هنا وكانت جنبه (صوفيا ) وهو بيقدمها ليكم على إنها مساعده الأمين اللي ناوي يخليها تمسك كل الشغل من بعده، أنا كنت موجود بس كنت وراهم دايما، يمكن مكنتش قادر أدخل العالم ده لأني كنت مكتفي بوجود صوفيا في حياتي وبحيا بس على أمل إني أخدها بره العالم ده ونعمل حياة طبيعية هادية..

لكن القدر كان أقوى مني وأخدها، وكلكم كنتوا عارفين حالتي ساعتها ووقعت وماقومتش غير وأنا مالك العالم ده كله، وبردو عايش مستني اللحظة اللي هتجمعني بصوفيا وأفارق الدينا وأكون جنبها مهما كان التمن )..
بدأ همهمات الجميع ترتفع وعلامات التعجب تعلو وجه كلا من ماكس وديفيد، قاطع تعجبهم حينما تابع بقوله: -
( دلوقتي أنا القدر قرر يجمعني بيها تاني، يمكن دي فرصة بيدهالي القدر عشان أكون شخص تاني )..

أخرج من جيب بنطاله ورقة صغيرة، رفعها أمامهم عاليا متابعا: -
( الورقة دي هي فرصتي التانية وحياتي الجديدة، أحب أقدم لكم شكل حياتي القادمة )..
سار مبتعدا للخلف يقبض على يديها يساعدها على صعود الدرجات القليلة، سطعت الأضواء حتى كادت أن تصيبهم بالعمى، وقف إلى جانبها أمامهم قائلا: -.

الورقة اللي معايا دي إثبات إن اللي واقفة قدامكم دي بتكون صوفيا، من أول ما دخلت المكان وتصرفاتها بتقول إنها مش شخص عادي، الشك جوايا كان بيكبر يوم بعد يوم لحد ما قدرت أعملها تحليل عشان أثبت شكي، وثبته وريم هي صوفيا )..
وقف يقابلها يقبض على كلتا يديها قائلا: -
( أنا النهاردة سعادة الدنيا مش مكفياني، محتاج الكون كله يساع حب قلبي اللي رجعت لي من تاني )..

أصابها الدوار فجأة، شعرت وكأن الأرض تتراقص أسفل قدمها، وجدت يديه تحاوطها، حملها بين ذراعيه، هم بالرحيل ولكن إعترض طريقهم يشهر سلاحه بوجههم، اتسعت عيناه بقلق ليزيد من خوفه بقوله: -
( إنت عارف مين اللي بين إيديك دي جاك؟)..
أجابه بتوتر: -
( دي صوفيا ماكس، حبيبتي رجعت لي )..
أجابه ماكس بحدة: -.

( إنت شايل العميلة ديالا، إنت أكيد مجنون، إنت جريت ورا إثبات إنها صوفيا لكن مفكرتش تعرف أي معلومات عن ماضيها )..
كادت أن تسقط من بين ذراعيه من هول صدمته، ركض ديفيد ليحول نية ماكس في التخلص منها..
جلس على الأرض وضعها بجانبه، بينما شعر كمن سلبت منه الحياة مرة أخرى لا يعبء بأي شيء قد يحدث، ضرب على وجنتها بخفة يردد: -.

إصحي صوفيا، فوقي وقولي لهم إنك حبيبتي ودنيتي، فوقي صوفيا قولي لهم إنك مش ديالا..
تمكنت من إستعادة وعيها بعدما استمعت إلى الحديث بينهم، شعرت بإضطراب داخلها، كيف هي صوفيا؟!، تساؤلات دارت داخلها تريد لها أجوبة.
نهضت مبتعدة عنه يداهمها الدوار مرة تلو الأخرى: -
( أنا إزاي صوفيا؟! إنت أكيد بتكذب )..
أشاحت بعينيها تجاه ديفيد، صرخت بينما سالت عبراتها بقوة على وجنتيها ويرتجف جسدها بأكمله: -.

( قولي ديفيد إنت قلت إني ديالا، وقلت إن أنا اللي قتلت صوفيا )..
بلل شفتيه بقلق، حاول أن يبتعد بعينيه عن نظراتهم المحاصرة، اقتربت منه قبضت على عنقه بقوة تبعث إليه غياهب الظلمات التي حاضرتها طوال الخمس أعوام الماضية، همست بغضب: -
( إنطق قولي أنا مين؟! )..
دفعته بقوة سقط على إثرها يجاور جاك، أجابها بخوف مطأطأ الرأس: -.

( جاك عنده حق إنتي صوفيا، من خمس سنين أما كان عندنا عملية وعرفنا إن في خاين بلغ عننا، عرفنا كمان إن إنتي ك صوفيا مستهدفة حاولت أنقذك معرفتش، السفينة إنفجرت ووقعتي في المية بعد ما النار مسكت فيكي، قدروا رجالتي ينقذوكي بعد ما كنتي إتصابتي بحروق كتيرة، قعدنا نعالج فيكي وعملية تجميل ورا التانية لحد ما بقيتي بالصورة اللي إنتي فيها )..
سقطت أرضا تبكي بقوة تردد: -.

( كان قصدك إيه؟!، عملت كده ليه؟! )..
( كنت عايز أدربك وأخليكي العميلة ديالا عشان أستخدمك نقضي على الباشا وجاك ويكون الشغل كله ليا )..
شهقاتها تكاد تصم أذانهم، تضع أناملها المرتجفة على شفتيها تمنع ضعف بكاءها من السيطرة عليها ولكن هيهات، حاضرت عالم مليء بالأكاذيب، التيه، غياب القلب والعقل، مر قلبها بالكثير ولم تعد تحتمل..

( إنتوا كلكم استغلتوني عشان مصالحكم الخاصة، الباشا وجاك حطوني قدام حياة وعالم الشيطان، خلوني مجرمة..
وإنت ديفيد عملت مني ديالا عشان توقع الباشا وجاك بردو عشان مصالحك، تعيشني خمس سنين إني بشتغل في الشرطة وبدافع عن المظلومين وأنا كنت ده كنت بشتغل لحسابك إنت، إنتوا بأي حق تعملوا فيا كده؟!، بأي حق )..

لحظات وقد حاوطت قوة الشرطة جميع الحاضرين دون أن يشعر بهم أحد، صعد أحمد على المسرح خلفهم، أتاهم صوته الذي صدح أركان المكان: -
( إنتي مش بس ديالا و صوفيا، إنتي في الأصل ريم )..
أشاح ماكس سلاحه صوب أحمد بعدما لم يحركه إنشا عن ديالا، أصبحت الأجواء يملؤها الغضب والتيه والعديد من التساؤلات.
سارت حيث أحمد وضعت كلتا كفيها على ذراعيه، نهرته بغضب: -.

( إنت كمان جاي تكمل عليا؟!، إنتوا مش عملتوا التحليل ومطلعتش هي؟!، رد عليا، أحمد إنت مش هتكذب عليا، قولي أنا مين، أرجوك طلعني من التوهان اللي أنا فيه وقولي أنا مين )..
( التحليل طلع إيجابي، إنتي اتخطفتي وإنتي صغيرة قدام عيني، وأما كبرت وبقيت ظابط وكان كل هدفي ألاقيكي، ومقدرتش أوصل لأي خيط بعد خطفك..

بس دلوقتي كل الخيوط إتجمعت، إنتي الباشا خطفك وقدر يوصل للجهاز اللي اخترعه والدك الله يرحمه بعد خطفك بشهور ومن ساعتها منعرفش عنك حاجة ولا قدرنا نوصل لحاجة لحد ما جيتي مصر بس وإنتي العميلة ديالا )..
وأخيرا إنفرجت شفتاه بالحديث بعدما كان يرقد أرضا جاهشا بالبكاء كمن سلبت منه روحه ويصارع لأجل البقاء: -.

( كلامه مظبوط، إنتي أما والدي خطفك وكان هيتخلص منك بمجرد ما يوصل للجهاز كانت والدتي إتعلقت بيكي وكانت مهتمة بيكي، قدرت إنها تقنع الباشا إنه مايقتلكيش وقد كان، كبرتي وبقيتي صوفيا )..
كان حديثهم بمثابة سهام تخترق قلبها الجريح، ومضات للذاكرة تعرض أمام عينيها كونها ريم، صوفيا ثم ديالا، تعصف بها كدوامات البحر التي تسلب روحها وتسرق كونها بشر يملك قلبا لا يرجو غير الأمان..

أطلقت صرخة تلو الأخرى، أجبرها جسدها على التحرك، انتزعت سلاح أحمد بقوة وأصبحت تطلق الأعيرة النارية بدون وجهة أو هدف.
أصابت أعيرتها ذراع ماكس سقط على إثرها سلاحه من يده والأخر استقر بقلب ديفيد، حاوطها بذراعيه بقوة ليهدئها ولكن لأول مرة يشعر بضعف قوته أمامها، لم يكن عقلها من يحركها بل عذاب سنوات طوال..

بضع دقائق أخرى حتى استقرت أنفاسها ولكن إعصار قلبها الدامي لم ولن يهدأ، نهضت حيث جاك وضعت فوهة سلاحها على مقدمة رأسه بينما ينظر لها: -
( إقتليني صوفيا، أنا عشت معاكي ومت في بعدك، وبعد اللي عرفته لو الموت هيكون على إيدك إنتي أنا مستعد أموت ألف مرة )..
أغمضت عينيها تدفع عبراتها المتجمعة خارجا ودفعت أيضا طلقة تستقر برأسه..

حاول ماكس إستغلال عدم إنتباههم للهروب ولكن لحق به أحمد مصيبا إياه بطلقة نارية أخرى في ساقه حالت بين هروبه، تجمع حوله بعض أفراد الشرطة، وضعوا الأساور الحديدية حول رسغيه دافعين إياه نحو الخارج..
نجحت قوات الشرطة في القبض على شركاء جاك وحراسه المحتجزين داخل أحد الحجرات، تم تحرير الفتيات أخيرا تكاد قلوبهن تنشق فرحا حيث طريقهم نحو الحرية..

خلا المكان من حولهم، يعم الهدوء، تتجمع الدماء أسفل قدمها، تجلس بجانب جثتي جاك وديفيد.
رقد أحمد بجانبها ينزع قناع وجهه بحزن قائلا: -
مكنتش متخيل إن العملية دي هتخلص بالسهولة دي..
رفعت رأسها عن ركبتيها بعدما كانت تدفنها بين ذراعيها، تلون وجهها بمساحيق التجميل التي انسابت على وجنتها، نظرت له قائلة ببكاء: -
العملية خلصت، بس أنا دخلت بأكبر كابوس في حياتي.
نهض بهدوء مد يده نحوها: -.

يمكن إنتي عشتي كابوس كبير ويمكن ماتقدريش تفوقي منه دلوقتي، بس أنا مش هسيبك لحد ما توصلي للطريق..
نظرت ليده الممتدة نحوها، جففت عبراتها لتضع يدها بيده ويساعدها على النهوض، حاوطها بذراعه الأخرى ليسيرا نحو الخارج..