رواية العروسة والشلة الموكوسة للكاتبة ياسمين علاء الدين الفصل السادس
بعد اسبوع
كان منصور في المكتب قاعده ودخلت فوفو مراته
فوفو: منصور. انا الفلوس اللي في الفيزا بتاعتي خلصت عايزه اشتري طقم الماظ
منصور: اقعدي يا فوفو انا عايز اتكلم معاكي
فوفو: خير يا حبيبي
منصور: اظن انا بقالنا اكتر من شهر متجوزين
فوفو: اه. صح
منصور: انا بقول أن كفايه لحد كده.
فوفو: ليه. هو انا عملت حاجه تزعلك.
منصور: لا. بس احنا اتفقنا نتجوز شويه. وخلاص الحكايه خلصت. وعشان متحسيش انك مظلومه. قولي على المؤخر اللي يريحك
فوفو فكرت شويه: مليون
منصور: تم يا قمر. هيتحولك حالا المليون في رصيدك. مرضيه
فوفو: مرضيه. شكرا يا منصور بيه. باي
منصور: هخلص كل حاجه عند الماذون وابعتلك ورقتك. باي.
خرجت فوفو ومنصور حس أنه ارتاح. لازم يفكر في الحاجات الأهم دلوقتي. افتكر اولاده وابتسم للخطه اللي هميشي عليها واللي أن شاء الله تنجح.
بعد وقت
ام ليلي دخلت الأوضه كانت ليلي نائمه، فتحت الستاره عليها
الام: قومي يا ليلي. كفايه نوم.
ليلي: هقوم ازفت ايه انا اترفدت من الفندق. من اسبوع. هقعدلك بقي. سبيني انام براحتي انا سهرانه طول الليل
الام: سهرانه عشان بتتفرجي على المسلسلات التركيه اللي لحست مخك
ليلي: انا قررت انهارده اغير التركي واتفرج على هندي
الام: قومي يا بت. قومي في ناس بره عايزينك
ليلي: ناس مين
الام: منصور عايزك
ليلي: مين منصور.
الام: منصور بيه. انتي لحقتي نسيتي.
ليلي قعدت على السرير وشعرها منكوش: وده عايز ايه تاني
الام: معرفش اطلعي شوفيه. ده حتى جايب معاه ورد وشوكولاته. ذوق اوي الراجل ده
ليلي: ومال صوتك بقي ناعم كده ليه يا زينب. مش مرتحالك
الام: يوه. شوف البت. قومي بقي. لحد ما اروح اشوفه هيشرب ايه. وسرحي شعرك المتكهرب ده
ليلي: استني هنا يا حجه، متخرجيش بره ومتقعديش مع الراجل ده. عينه زايغه.
الام: حرام عليكي. ده عينه خضرا مش زايغه
ليلي: متتحركيش من الأوضه هنا، انا هخرج واشوف اخرتها ايه.
خرجت ليلي لمنصور
منصور: اذيك يا ليلي. مش بتيجي الفندق ليه. ده مهند كل يوم يتخانق مع طباخ شكل
ليلي: اظن أنك رفدتني اخر مره يا منصور بيه
منصور: انتي فهمتي غلط يا بنتي.
ليلي: لا بجد. مين اللي قالي لو مشتغليش في الشركه. ملكيش شغل تاني.
منصور: مش انا. ده انتي تنوري أي مكان. هي فين زوزا
ليلي: انت مالك بيها. وبعدين ايه زوزا.
ام ليلي دخلت: انا اهو. عملتلك العصير اللي بتحبه.
منصور: تسلم ايدك يا ست الكل. تعبتك معايا
ام ليلي: تعبك راحه. عملتلك محشي كمان انهارده
منصور: لا. كده كتير عليا. يارتني كنت عرفتك من زمان
ليلي: التار وله عار يا اماااه. ابعدي كده وانت ابعد. ايه شغل المراهقه ده.
منصور: احم. انسه ليلي تسمحيلي اطلب ايد الانسه زينب صاحبه الصون والعفاف
ليلي: نعممممم
ام ليلي: كسفتني يا منصور. انت مقولتش انك جاي انهارده عشان تطلب ايدي
منصور: كفايه بعد يا زوزا.
ليلي: استوب انت وهي. ده انا هرتكب جريمه حالا. انت بتكلمي الراجل ده من ورايا يا زينب
حركت رأسها بنعم
ليلي: يا شماته الاعداء فيا. امي بتكلم شباب من ورايا
الام: انتي فاهمه غلط يا ليلي. ده منصور انسان محترم وراجل
ليلي: ده الراجل ده. متجوز عشرين مره. غير أن على ذمته بت قدي كده
زينب: الكلام ده صح يا منصور.
منصور: طلقتها يا حبيبتي. وبعدين أنا كنت بدور عليكي في كل الستات اللي قبلتهم. بس خلاص مش عايز غيرك. انتي وبس اللي هتملي حياتي
زينب: بجد يا منصو
منصور: بجد يا زوزا
ليلي: اتثبتي خلاص. ضحك عليكي بكلمتين. الراجل ده ملوش امان
زينب: بت عيب كده. متكلميش كده عن باباكي
منصور: يا بنتي متوقفيش في طريق قلبين لقو بعض. بعد تعب سنين.
ليلي: ايه فيلم الحرمان ده. بقولك ايه يا منصور بيه. بنتنا مش هتتجوز. قصدي امنا مش هتتجوز
منصور: هو الجواز حرام. ربنا حلل الجواز في أي سن وبعدين زينب لسه صغيره ومن حقها تتجوز. ربتك وتعبتك في تربيتك لحد ما كبرتي. ليه تقفي في طريق سعادتها.
ليلي: ماما انتي بجد موافقه على الجوازه دي
زينب: اه يا ليلي. موافقه. بس لو انتي رفضتي انا مش هكمل. اهم حاجه عندي سعادتك.
منصور: ليلي يا بنتي. لو سمحتي وافقي وانا مش هخليكم تندمو انا عايز افتح صفحه جديده بيكم، عايز اجمع عايلتي واكبرها بيكم
ليلي ؛ خلاص يا ماما. انا موافقه. بس افتكري انك انتي اللي وافقتي
زينب: فاكره. وواثقه في منصور.
ليلي: امي امانه في رقابتك يا منصور يا بني. عارف لو زعلتها
منصور: مقدرش. دي حبيبتي
ليلي: على خير يا ولاد. مبروك عليكم.
اخر الأسبوع كان منصور كتب الكتاب على زينب.
خدهم على الفيلا بتاعته وكان قابلها طالب اولادها الثلاثه يتجمعو عشان يقولهم على خبر مهم
زياد وعمار ومهند الثلاثه قاعدين وفاتحين الموبيل
ودخلت ليلي الاول. عشان منصور وزينب بيحبو في بعض
مهند: ليلي. كده تبيعيني وتسيبيني في الفندق
ليلي: ههه. معلش يا مهند. حصلت ظروف
زياد: وحشتيني يا لولو
ليلي مردتش
عمار: بتعملي ايه هنا
ليلي: انت متعرفش أن ده بيتي
الثلاثه: نعمممم
دخل منصور: عندي ليكم مفاجاه، انا اتجوزت.
زياد: انتي اتجوزتي ابويا يا ليلي
عمار: كلبه فلوس. متوقع ايه منها
مهند: مش ممكن
ليلي: مين دي اللي كلبه فلوس. يا حمار. يا جحش
وربنا لاضربك
مسكها مهند: خلاص يا ليلي.
ليلي: لا. مش خلاص بيقولي كلبه فلوس
عمار وهو عايز يضربها بس زياد مانعه: اللي تتجوز واحد اكبر من ابوها تبق ايه
ليلي: هقول ايه حمار وغبي. بتتكلم من غير ما تفهم.
منصور: بس انت وهي. تعالي يا حبيبتي. مكسوفه ليه
دخلت زينب: السلام عليكم
زياد: مين دي.
ليلي: امي. ومرات ابوك الجديده
مهند: مش كنتي توضحي. وقعتي قلبي يا شيخه افتكرتك اتجوزتي ابويا
ليلي: هو ابوك ده حد يبصله. خليني ساكته
مهند ضحك: يا خربيتك فقرك. بس هي مالها امك وشها احمر ليه
ليلي: اسكت ده انت ضغطك هيعلي. عايشين في دور روميو و جوليت. انا بشوف بلاوي
مهند: شايله كل ده في قلبك
ليلي: واكتر.
منصور: دلوقتي انا اتجوزت الست زينب. وهتقولها يا ماما.
عمار: مستحيل. وبعدين تتجوز وله لا. دي حاجه تخصك ومش شئ جديد عليك
زينب: براحتك يا بني. عايز تقول ماما قول. مش عايز قولي يا خالتي
ليلي: وانت تطول ياض.
عمار: اسكتي عشان نفسي افتح دماغك
منصور: اتكلم بأدب يا عمار. واسمع الكلام للآخر. من انهارده هنقعد كلنا في بيت واحد. كل واحد يروح يجيب هدومه وهنقعد مع بعض. وهنتجمع كاسره هنا ونعيش مع بعض. هناكل مع بعض.
مهند: لو ليلي هتعمل الاكل انا موافق.
زياد: وانا جاي عشان ليلي.
ليلي: انت صدقت نفسك. انا مش خطيبتك يا بابا
مهند: ايه ده بجد
ليلي: اه. ده كان اتفاق وراح لحاله. متعيشيش الدور.
عمار: انا مش موافق. عندي شقتي وهقعد فيها
منصور: اللي هيرفض بقي. هسحب فلوسه من ارصدته اللي في بنك. وكمان ملوش مصروف. اصل انا نويت هديكم مصروف باليوم
زياد: انت كده بتلوي دراعنا. يعني ايه تسحب فلوسنا وتدينا مصروف في اليوم. في حضانه احنا.
منصور: ده النظام الجديد. وكمان هتشتغلو معايا. عشان عايز اكبر الشركه والفندق بيكم
مهند: انا مش موافق.
زياد: وله انا
عمار: وله انا.
منصور: لعلمكم انتم عايشين بفلوسي. يعني اللي هيخرج من هنا هيتوقف رصيده في البنك
خرجو الثلاثه وهو غاضبنين من كلام منصور ليهم وتهديده.
ليلي: مشيو الثلاثه
زينب: هيرجعو تاني.
منصور: انا كلمت شفيق وهيجمد الارصده بتاعتهم في البنوك.
زينب: منصور انت عارف ان كده هيغضبو منك اكتر
منصور: عارف يا زينب بس هعمل ايه. عشان الدنيا تتعدل لازم تتقلب.
زينب: ربنا معاك يا حبيبي.
منصور: يارب. خليكي معايا يا زينب انا عارف اني هوجع دماغك وهدخلك في مشاكل ملكيش علاقه بيها.
زينب: متقولش كده يا منصور. انا وانت خلاص بقينا واحد. واولادك بقو اولادي. يعني أنا وأنت هنجمعهم
منصور: أن شاء الله. نخلص بس وربنا يهديهم هنسافر مع بعض نعمل شهر عسل يا قمر.
زينب: لا، هنسافر نعمل عمره
منصور: نعمل يا قلبي. أن شاء الله
ليلي: حد يقولي فين اوضتي. بدل فيلم العشق الممنوع ده
زينب: اقعدي ساكته يا ام لسان.
منصور: تعالي يا ليلي. اوريكي اوضتك
تفتكرو الولاد هيرضو يعيشو في بيت واحد.