رواية العروسة والشلة الموكوسة للكاتبة ياسمين علاء الدين الفصل الخامس
ليلي واقفه مع مهند وعمار
عمار: بقي انا عيل تنح.
ليلي: انا مقولتش تنح على فكره. روح اتعالج انت بتتخيل. بذمتك انا قولت تنح س كابتن
مهند: لا محصلش. هي قالت رخم بس
ليلي: بالظبط كده. الله يعمر بيتك. عن اذنكم ورايا شغل
عمار مسكها من افاها ؛ انا رخم يا متخلفه
مهند: في ايه يا عمار. انت هتتخانق مع بنت. نزل ايدك. وبعدين هي بتهزر معاك. مفيهاش حاجه
عمار: وتطلع مين دي عشان تهزر معايا، انت مالك. بتدافع عنها ليه.
مهند: ليا. غصب عنك. وابعد عنها احسنلك.
ليلي ؛ كبرتم الموضوع ي شباب. وبعدين يا عمار انا بجد معرفش انك ورايا والا مكنتش قولت رخم. واصلا مش انا اللي قولت كده. ده لساني، هو اللي طويل وجيبلي الكلام
مهند بيتريق: نسمه وبرائه الاطفال في عينيها
ليلي بتفتح وتقفل في عينها: انا فعلا نسمه وبريئه
عمار: انتي تهمه. كارثه. مصيبه. حاجات زي كده
ليلي: ربنا يسامحك، شوفت رديت الشتيمه اهو وانا مزعلتش. خلصنا.
مهند: روحي يا ليلي على المطبخ ومتتاخريش عشان جعان
ليلي: ثواني والأكل يجهز. خليك يا عمار هعزمك على الغدا
عمار: انتي هتصاحبيني يا بت انتي.
ليلي دخلت على المطبخ.
مهند: ليه بتكسفها. هي مقلتش حاجه غلط.
عمار: قولتلك ملكش دعوه
مشي عمار. ليلي بعد وقت خلصت الاكل ومهند عاجبه الاكل
مهند: انا كلت في اماكن كتير بس اكلك ليه طعم مميز. شبهه اكل ماما. تسلم ايدك
ليلي: بالهنا. شرف ليا اكون زيها. ياريت تجيبها مره معاك.
مهند ماما ماتت من سنتين.
ليلي: انا اسفه والله ما كنت اعرف. ربنا يرحمها
مهند بحزن: يارب. همشي انا
ليلي: تمشي فين. خليك ده انا هعملك طبق حلويات. بتحب المولتن كيك
مهند: جدا
ليلي: عشر دقايق ويكون عندك احلي مولتن كيك
منهد: هستناكي
منصور بيراقبهم و كل اما الوقت يمر بيعجب بشخصيه ليلي اكتر. انسانه مكافحه وعندها اصرار. اتمني يكون موجود في اولاده الصفه دي.
ليلي بتخلص الشغل بتاعها بليل خرجت من الفندق
كان قدمها زياد بعربيته الجديده
ليلي: نعمين يا استاذ زياد. هو انت مش وراك شغل غيري، كل يوم تنطلي
زياد: بتكلميني كده ليه ي ليلي. ده انا جاي عشان اوصلك
ليلي: مش هينفع
زياد ؛ و ليه لا، مين مش منفعه.
ليلي: اولا احنا مفيش بينا اي حاجه. ثانيا انا مقدرش ارجع البيت في عربيه واحد غريب. لأن وقتها الناس هنتكلم في الشارع. وانا اللي يجيب في سيرتي هقطع لسانه. فبلاش من اولها نفتح مجال للشبوهات.
زياد: اعتبرينا اصدقاء
ليلي ؛ مفيش صداقه بين بنت و ولد.
زياد: طيب اعتبريني خطيبك.
ليلي ضحكت: انت كدبت الكدبه وصدقتها. انت مش خطيبي، كان بينا دييل وخلص، سلام بقي
زياد ؛ يا ليلي. اصبري بس نتكلم، انتي ليه دايم متعصبه.
بس ليلي كانت مشيت، زياد نفخ وراح لصاحبه يقعد معاه في كافيه
صاحبه: في ايه يا زيزو. سرحان ليه، اكيد بتفكر في بنت
زياد: مش اي بنت. هتتجنني.
صاحبه مش معقول. زياد باشا في بنت معصلجه معاه
زياد: بنت دماغها غريبه. مفيش اي حاجه بتاثر فيها لا فلوس وله منصب وله مظهر. تخيل يا سمير
سمير: ودي عرفتها منين. واسمها ايه.
زياد: اسمها ليلي. بس مش هسيبها. مش زياد منصور اللي تقف في وشه واحده، بكره هخليها هي اللي تجري ورايا.
سمير: ياعم البنات كتير. وبيتمنو اشاره منك
زياد: تؤ. انا عايز دي. بتستفز غروري.
بعد شهر شغل كان دائما مهند بيفكر ويتغدا في الفندق. وزياد بيحاول يوقع ليلي بس مش عارف
عمار كل ما بيشوفها بيتخانق معاها زي توم وجيري
كل اللي بيحصل ده تحت عين منصور.
في البيت
كانت ليلي مع مامتها بتحكيلها عن اللي حصل هي صديقتها الوحيده
الام: انتي الغلطان يا ليلي. يعني ايه تمثلي انك خطيبته. من أمتي واحنا بنتصرف كده
ليلي: انا صدقت أن باباه تعبان وقولت اساعد. بس معرفش أنه هيلزق كده.
الام ضربتها: عشان افتكر انك ساهله يا حيوانه يا للي مشوفتيش ربع ساعه تربيه
ليلي: اي اي. يا ماما ايدك تقيله. سيبي شعري. قولتلك كنت بعمل خير.
الام: خير في الكدب. والله يا ليلي لاعلقك
ليلي بتجري وامها وراها الباب خبط. راحت تفتح
كانت بتحدفها بالشبشب نزلت راسها بسرعه وجت في اللي واقف على الباب
وده كان منصور بيه اللي مسك دماغه: اااه راسي.
ليلي: يا ليله سودا. منصور باشا. اتفضل حضرتك. والله احنا اسفين. دي ماما بتحب تمارس هوايتها المفضله. الرمايه بالشبشب
الام: حيوانه.
منصور: انا كنت جاي اتكلم معاكي يا ليلي في موضوع مهم
الام: مع أن الوقت متاخر. بس تقدر تتكلم هنا. اتفضل
منصور انتبه لمامت ليلي: ها. مين دي
ليلي: الست دي امي. نبع الحنان. ام ايد حونينه
منصور: هي مرتبطه
ليلي: بقولك امي يا جدع.
منصور: احم. هو فين باباكي ي ليلي.
ليلي: سابلها الدنيا وطفش من خمستاشر سنه
منصور: يا خير ما عمل.
ليلي: نعم. يا بشمهندس.
منصور: لا. مش قصدي. مامتك حلوه اوي يا ليلي
ليلي: في ايه يا ريس. بقولك امي لزم
منصور: اه. ما انا عارف. بس هي مش ناويه ترتبط
ليلي: يا دي النيله. انت مش متجوز من يومين. يا خربيت الرجاله. عينهم زايغه، انت جاي تعاكس امي وله جاي ليه
منصور: انا نسيت كنت جاي في ايه.
الام دخلت بالعصير. ليلي خدت منها الصينية: اخرجي يلا. معندناش امهات بتقعد مع الضيوف
الام: انتي متخلفه ي بت.
ليلي: يا امي. الله يباركك امشي دلوقتي. ده راجل نسونجي وعينه زايغه
الام: على نفسه. مش هتقعدي معاه لوحدكم
ليلي: خلاص اقعدي بس من غير صوت.
منصور: ما شاء الله. اتفضلي يا هانم
الام: شكرا. حضرتك كنت جاي في ايه. نحب نعرف
منصور: خير. جاي في كل خير يا فندم. هي لون عينك ايه.
الام: انا. عسلي.
منصور: . اول مره اشوف عيون حلوين كده. ده انا هحب العسل من دلوقتي
ليلي: يارب صبرني. يا منصور باشا. انت قولت جاي في موضوع. ممكن تقولنا ايه الموضوع. وبصلي وانت بتتكلم
منصور: اه. انا هبصلك اهو. كان ايه الموضوع يا منصور. كان ايه
ليلي: فقدت الذاكره عندنا.
منصور: جمال عيون الهانم، نسيت الكلام
ليلي: طيب روح انت. وأما تفتكر ابق قولي. وانتي قومي ادخلي جوه.
الام: في ايه يا ليلي. هو حصل ايه لده كله. الاستاذ منصور. محترم
منصور: ودمي خفيف وبقدر الجمال. الصمت في حرم الجمال جمال. يا عسلي انتي
ليلي: انا اتصل ببوليس الاداب يجي. يلا يا استاذ.
منصور: احم. ليلي خلصنا هزار نتكلم جد بقي
الام: ياريت
منصور: بتحبي لون ايه. انا بحب اللون العسلي وانتي
الام: الابيض
منصور: حلاوتك ي ابيض
ضحكت الام. ليلي: عليه العوض ومنه العوض. يا جماعه الخير حد يتصل بالبوليس، الوليه انحرفت.
الام: ليلي عيب كده. وانا يا استاذ منصور. اتكلم بجد. تقدر نعرف ايه الموضوع
منصور: حاضر. انا كنت جاي اعرض على ليلي شغل بمرتب اعلي.
ليلي: شغل ايه ده
منصور: مديره أعمالي. بمرتب 30 الف في الشهر
ليلي: مش موافقه.
منصور: ليه يا ليلي. دي فرصه
ليلي: انا مش هعرف اشتغل مديره اعمال. انا الحاجه الوحيده اللي بعرفها هي الطبخ وبس
منصور: تتعلمي.
ليلي: اتعلم ليه. مش حابه المجال ده.
منصور: ليلي. لو مشتغلتيش في الشركه معايا. مش هتشتغلي في الفندق. ده غير اني هعمل جواب توصيه لكل الفنادق والمطاعم ومحدش هيشغلك
وقفت أم ليلي: ليه بقي أن شاء الله ياخويا. فاكر نفسك ايه. الحاكم بأمره. لا يا بابا انت تقف عوج وتتكلم عدل
منصور: احم. افهميني يا هانم
الام: بلا هانم بلا نيله. كله الا بنتي. وله عشان ساكتالك. فاكرك يعني هتخدع بشكلك عشان شبهه احمد رمزي. لا. مش انا.
ليلي: انا من بكره هقدم استقالتي. انا مش هينفع اشتغل في الفندق تاني.
منصور: ليلي. بلاش عند. انا قولتلك هعلمك كل حاجه. ومش هتتعبي. الحكايه كلها
ليلي: الحكايه كلها انك عايز تلوي دراعي يا منصور بيه. فاكراني كلبه فلوس. واي فلوس هجري عليها. بس الحقيقه انا الغلطانه عشان عملت اللي قاله زياد. ومفروض اصلح غلطتي
منصور: ليلي فكري. مش هتندمي.
ليلي: مش عايزه افكر. شكرا على عرضك السخي. بس لا.
منصور: يا مدام. لو سمحتي تفهميني.
الام: انا عايزك افهمك. انت ليه مصمم على شغلها في الشركه. مع انها مش بتفهم حاجه فيه
منصور: بصراحه. لو ليلي اشتغلت في الشركه وقتها زياد واخواته هيشتغلو معانا. عشان هي بتعرف تقنعهم
ليلي: اقنع مين يا باشا. كل واحد من عيالك ليه دماغ غير التانيه.
ده غير اني حته بت طباخه غلبانه وفقيره.
منصور: بس زياد ومهند بقو يجو الفندق كتير عشانك. وده ممكن نستغله عشان نخليهم يشتغلو معايا.
ليلي: لا. طلبك مرفوض.