رواية العروسة والشلة الموكوسة للكاتبة ياسمين علاء الدين الفصل التاسع
في بيت المنصور. وصلت ناني عشان تتطمن على عمار بعد اللي سمعته
زينب: اتفضلي يا بنتي
ناني: شكرا يا طنط. انا ناني بنت خاله عمار. كنت عايزه اطمن عليه
زينب ؛ اهلا وسهلا شرفتي. اتفضلي ارتاحي وهبلغه انك هنا
ناني: لا خليه. ما هو مش هيقدر ينزل. انا هطلع اطمن عليه
ليلي: تتطلعي فين لامؤاخذه
ناني: اوضته
ليلي: لا والله. هو عادي كده تتطلعي أوضته، ده شاب
ناني: عارفه. بس هو مريض ومش هيقدر يتحرك. البيت في ناس.
ليلي: البت دي عايزه تتضرب.
زينب: بس يا ليلي عيب. انا هطلع معاها.
ليلي: لا خليكي انتي. انا اللي هطلع.
طلعت ليلي وهي مش طايقه ناني.
ناني: هو مش انتي خطيبه زياد؟
ليلي: ملكيش دعوه. خمس دقائق وتمشي. عشان الدكتور قال الكلام الكتير غلط عليه
ناني: انتي غريبه اوي
دخلت ناني: الف سلامه يا عمار. مين اللي تتقطع أيده وعمل فيك كده
ليلي: عقبال لسانك ي بعيده
عمار: يا بنتي قولتلك متجيش. ليه تعبتي نفسك.
ناني: هو انا عندي كام عمار.
ليلي: لا والله. تحب اطلبلك اتنين ليمون وشجره. عشان القعده تحلو
ناني: مالها دي
عمار: اخرجي وسبينا لوحدنا
ليلي: انت عايز اسيبك انت والبت دي لوحدكم، والشيطان يكون تالتكم
عمار: الشيطان يكون ثالثنا احسن ما يكون الحمار هو اللي ثالثنا
ناني فهمت الكلمه وضحكت. وليلي بصتله: تقصد ايه
عمار: افهميها لوحدك
ليلي: لا. انت اللي تفهمني تقصد ايه يا عمار.
ناني: المهم قولي مين اللي عمل فيك كده.
عمار: معرفش. كنت بقفل الورشه ولقيت ناس هجمو عليا وضربوني. ومرتضي قالي أن الشرطه بتحقق في الموضوع. وكمان منصور بيه
ليلي فهمت الكلمه: يا ابن
عمار: قسما بالله هتطولي لسانك هقوم اقطعه
ليلي: تقطع لسان مين ياض يا معفن. ده انت مفيش مكان سليم فيك. بقي انا حماره. يا غربه الرجاله
عمار: انا عره الرجاله. يا بهيمه من غير ديل.
ناني وقعت على الارض من كتر الضحك. وليلي وعمار بيتخانقو قدام بعض.
طلعت زينب على صوتهم: ايه ده. في ايه يا ولاد.
ليلي: سبيني يا امي. انا هضربه. لازم اعلمه غلطه
زينب: هو انا مسكتك يا بنتي.
ليلي: يوووه. تعرف انا مش هضربك دلوقتي عشان انت تعبان، تخف بس وانا هربيك
عمار: متقدريش تعملي حاجه
زينب: ليلي اطلعي بره.
ليلي: يا ماما
زينب: قولت بره. يلا قدامي
خرجت ليلي...
عمار بص لناني اللي لسه بتضحك: انتي هبله يا بت. بتضحكي ليه
ناني: شكلكم حلو اوي وانتم بتتخانقو. هي مالها متعصبه كده ليه.
عمار: مجنونه
ناني: هي قاعده هنا ليه. عشان زياد. قربو يتجوزو
عمار: لا. هما اصلا مش مخطوبين. ده كان حوار من زياد..
ناني فرحت: ايه ده بجد.
عمار: اه. مالك فرحتي كده ليه. احنا مش كنا خلصنا من ام الموضوع ده...
ناني: موضوع. انت قصدك ايه
عمار: انتي فاهمه قصدي يا ناني. يا حبيبتي انا خايف عليكي. يا بت انتي اختي الصغيره.
ناني: متخفش عليا يا عمار. انا اصلا مش بفكر فيه. كانت صفحه واتقفلت.
عمار: اتمني كده.
في اوضه ليلي
كانت رايحه جايه في الأوضه: زمنهم قالبنها مسخره. وقله ادب. يعني ايه يقعدوا وحدهم مع بعض. انا مالي اصلا. ما يولعو في بعض. مليش دعوه وله هتضايق انا اصلا مش في دماغي
يوووه. حاسه بنار في صدري.
في الشركه
منصور قاعد مع زياد ومهند وبيفهمو الشغل هيمشي ازاي بينهم
منصور: شدو حالكم يا ولاد. انا عارف ان دماغكم حلوه. في الاول هيكون صعب. بس بعد كده هتلاقو الموضوع سهل. وعمار يقدر يقف على رجله وهيجي معاكم وهقسم الشغل بينكم انتم الثلاثه.
مهند: هي ليلي. هتشتغل معانا.
زياد: انت مالك ومال ليلي
مهند: انت اللي مالك ومالها.
منصور: بسسس. احنا في حضانه. محدش ليه دعوه بليلي. ومش عايز حد يضايقها. شلوها من دماغكم. اتفضل انت وهو كل واحد على مكتبه
خرجو وهو قاعد بيفكر.
مشيت ناني والايام اللي بعد كده. كان زياد ومهند في الشركه بيديروها تحت إشراف منصور
وعمار بدأ يتحرك وصحته تتحسن. ليلي نزلت الشغل تاني في الفندق واصرت أنها تفضل في المطبخ لانها مش هتفهم في اداره الفندق
عشان كده اول ما عمار خف. منصور اصر أنه يمسك اداره الفندق عشان يديره.
في الشركه
ناني: زياد بيه. في اجتماع بعد ساعه
زياد: انا زهقت. هو كل شويه اجتماع. فين مهند
ناني: مهند بيه في المينا عشان الشحنه بتاعت اللحوم هتوصل انهارده
زياد نفخ. ناني: شكلك مش طايق نفسك
زياد: جدا. انا بخلص شغل برجع البيت انام. مفيش وقت اعمل اي حاجه.
ناني: طيب انا عندي فكره. ايه رايك ننقل الاجتماع في المطعم اللي جنب الشركه. ده مكان هادي وممتاز
زياد: فكره حلوه. انا جعان كمان.
ناني: خلاص يلا بينا نروح ناكل قبل ما العملاء يوصلو.
مهند واقف في المينا
: هو يوم باين من أوله. انت ي بني. الشحنه وصلت. اقدر افهم انا مستملمتهاش ليه
الراجل: يا فندم. المفتشه بتاعت الجمرك لسه مخلصتش
مهند ؛ انا محبش التاخير. هي فين المفتشه دي
الراجل: هناك مع العمال
مهند راح المكان وكانت في واحده واقفه على صندوق كبير
مهند: ياعني انتي شبر ونص. واقفه على البتاع ده ليه
البنت رجلها فلتت ولسه هتقع كان مهند لحقها
مهند: حاسبي.
البنت: احم. شكرا لحضرتك. ممكن تنزلني
مهند: هما بيشغلو الاطفال هنا
البنت: على فكره بقي انا مش طفله. انت اللي ضخم.
مهند نزلها على الارض: اقدر افهم انتي ماخره الشحنه ليه. الورق كله سليم. واللحوم صحيه
البنت: لازم اتاكد بنفسي. مش ممكن يكون اللحوم دي فاسده
مهند: اللحوم دي لو قعدت اكتر من كده هتبوظ انا لازم انقلها للتلاجات بتاعت المخزن.
البنت: مفيش حاجه هتخرج من هنا غير اما اتاكد.
مهند: قولي عايزه كام عشان نخلص. انا عارف انك مش بتمشو غير بفلوس
البنت: انت عايز ترشيني. ده انا هوديك في داهيه
مهند: مش رشوه. تحبي تشربي شاي.
البنت: عارف انت لو مكنتش لسه عامل معايا موقف كويس. انا كنت حبستك هنا. سبني اشوف شغلي يا جدع انت
سابته ومشيت وهو بصلها: يعني حته بتاعه قد كده. تعمل كل ده، يارب صبرني. شفييييق
شفيق: ايوه يا مهند بيه
مهند: انا جعان. روحي هاتلي اكل.
شفيق: حضرتك انا سكرتير عام الشركه. مش خدام
مهند: هتروح تجيب اكل وله اكلك
شفيق: ثواني ويكون عندك الاكل يا باشا.
جري شفيق. مهند: ناس متجيش الا بالعين الحمرا
خلصت المفتشه: اتفضل ده تصريح بخروج الشحنه.
مهند: اخيرا. ده انا جالي هبوط
شفيق وصل: الاكل يا مهند بيه
مهند: يلا بينا ناكل.
البنت: عن اذنكم
مهند: استني يا انسه. مش هتاكلي
البنت: نعمم. مش فاهمه.
مهند: في اكل. تعالي كلي معانا. عشان يبقي عيش وملح.
البنت: ممنوع اكل في وقت العمل
شفيق: قوليلو الكلام ده.
مهند: شفيق لو متكتمتش. هعمل معاك الغلط
شفيق: انا اصلا ماشي.
مهند: انا مهند منصور الباشا
البنت: ذكري سليم.
مهند: اسمك ذكري
هي: اه. في اعتراض
مهند: تؤ. خالص. اسمك حلو تعالي بقي ناكل.
ذكري: شكرا. بالهنا لحضرتك
سابته ومشيت وهو ابتسم: ذكري. لطيفه.
في الفندق
عمار كان بيمر على العمال. وسمع صوت ليلي
عمار: نفسي اعرف بتجيب الصحه للمشاكل منين.
في ايه هنا
الراجل: البت دي لازم تترفد
ليلي: نعم نعم. اتكلم عدل واقف عوج. مين دي اللي تترفد
عمار: ليلي. اسكتي انا واقف. اقدر اعرف في ايه
الراجل: البت دي مش كويسه وكانت عايزه تسرقني
ليلي: شوف الراجل الكداب. مش عيب عليك تبق راحل كبير وكداب كده
عمار: ليلي. اهدي انا واقف. كانت هتسرق ايه منك.
الراجل: هتسرق المحفظه. بس انا اول ما شوفتها عملت كده
ليلي: انت بتسمع منه يا عمار. مصدقه
عمار: في كاميرات في المكان اتفضلو على المكتب عشان اعرف الحقيقه
الراجل وشه اصفر: خلاص المسامح كريم.
عمار: مفيش حاجه اسمها كده. انا يهمني اعرف الحقيقه
ليلي: انا هامشي من الشغل ده
عمار: ليلي اقفي مكانك. عايز اعرف عملك ايه.
ليلي: كنت في فتره استراحتي وطلعت اشرب قهوه. والحيوان ده فضل يقل ادبه في كلامه معايا. وانا مقدرش اسكت
عمار: خليكي هنا. اتفضل معايا في المكتب عايزك في كلمتين
دخل عمار مع الراجل
: عجبتك ليلي
الراجل: بصراحه
عمار: طبعا
الراجل: جدا. تعرف سكتها
عمار رفع أكمام قميصه: اعرف. تحب انت تعرف
الراجل: اه.
عمار: من عيني
عمار ضرب الراجل اللي خرج يجري من مكتبه بخوف
عمار: كلب. لو شوفتك هنا. هدفنك مكانك.
ليلي بصتله: انت ضربته عشاني
عمار: لا. ده كان في ناموسه على وشه كنت بضربها، على شغلك ولو حد كلمك قوليلي.
10
في البيت
قعد منصور مع زينب
منصور: الحمد لله. الشغل ماشي كويس. والولاد اتعوضو على الشغل. بس نفسي يقربو من بعض ويكونو ايد واحده
زينب: فعلا. هما كل واحد فيهم في وادي. بس انا عندي فكره. الولاد لازم يقعدو مع بعض اكتر.
منصور: محدش فيهم هيرضي.
زينب: اسمع مني. هما راجعين بليل. ونفذ اللي هقولك عليه
منصور: قولي يا زوز يا جامد.
زينب: احنا بقي نعمل
اتفقت زينب مع منصور على الخطه اللي هيعملوها في الشباب.
رجع. كل واحد البيت وهو هلكان من الشغل
ودخلو على اوضهم من غير ما يدو خيانه
صحيت ليلي على رساله من التلفون
ليلي: دي ماما. بتقول انها راحت مع منصور مشوار ومش هتيجي غير بليل. النهارده الجمعه اجازه
اتصلت بمامتها: ايوه يا ماما
منصور: لوله حبيبتي
ليلي: ايوه يا عمو. هي فين ماما
منصور: بتشتري حاجه. ينفع اطلب منك طلب
ليلي: طبعا يا عمو. اتفضل.
منصور: عايزك تعملي فطار حلو كده وتتجمعو كلكم على الفطار. حاولو تقضو اليوم مع بعض
ليلي: هحاول. بس تقريبا محدش فيهم هيرضي
منصور: انا واثق فيكي يا ليلي. سلام
ليلي وقفت: استعني على الشقا بالله هنزل الاول اعمل الفطار وبعدين اصحيهم
جهزت كل الاكل على السفره وطلعت اول حاجه لزياد
ليلي: ازياااااد. ازيزو. قوم عشان نفطر
زياد: لوحدنا
ليلي: اه وهنجيب شجره واتنين ليمون. قوم ياض.
زياد: ايه رايك اخدك ونروح نفطر بره في أي مكان
ليلي لااااا. هنفطر في البيت كلنا
زياد: متعمليش حسابي
ليلي: حرام عليك. دايما كده انت جاي عليا. دايم تظلمني. أهي اهي اهي
زياد ممثله فاشله. متاثرتش
ليلي بقي كده. ده انا عرفت انك بتحب الطعميه وعملتلك طعميه سخنه إنما ايه. مش هتلاقي زيها بره
زياد: طيب هاتي هنا
ليلي: لا. الاكل تحت على السفره. هستناك.
خرجت ليلي ودخلت على اوضه مهند وحاولت تصحيه بس مفيش فايده. جابت ميكرفون: مهننننند
برضو نائم. رمت عليه مايه وبرضو متحركش
ليلي: مفيش غير طريقه واحده.
نزلت وعملت سندوتش وطلعت على اوضته وقربت السندوتش من مناخيره
مهند بيشم: طعميه. انا جعان.
ليلي: قوم عشان نفطر مع بعض
مهند فتح عينه: ليلي. في ريحه طعميه
ليلي: انا عملتها، خد السندوتش فوق نفسك بيه
مهند شد السندوتش من أيده وكله على قطمه واحده.
ليلي: بسم الله ما شاء الله. قوم يا شبح كمل اكل
مهند: قومت خلاص
في ثانيه كان اختفي من الاوضه ونزل على السفره
ليلي: مهند. متمدش ايدك على الاكل. استني اخواتك
مهند متتاخروش
ليلي: شالله يخليك. انت الوحيد اللي مبتتعبش قلبي، اما نشوف الباشا الثالث
خبطت على باب اوضه عمار كذا مره
لحد ما فتح: نعم
ليلي صباح الخير يا عمار
عمار: صباحك زي وشك
ليلي قصدك ايه
عمار: مضايقه ليه. هو انتي وحشه
ليلي: لا. بس الكلمه مستفزه.
عمار: اخلصي ي ليلي عايزه ايه
ليلي: عايزاك تنزل تفطر معانا. اصل عمو وماما مش هنا. وانا قولت نفطر مع بعض
عمار: لا. مش هقعد معاهم على سفره واحده
ليلي: دول اخواتك.
عمار: قولت لا. اخلصي عشان عايز اكمل نوم
ليلي: هتسبني لوحدي وتنام. ده انا عملتلك الفول اللي بتحبه.
عمار: امشي يا ليلي
ليلي: ضربه في بطنك
عمار: بت. انتي بتقولي ايه
ليلي: هو انا قولت حاجه. انا بكح. شكلي خدت برد. كح كح كح
عمار: غوري من وشي.
ليلي: هغور. روح وانت شبهه البومه كده
جريت على تحت بسرعه.
مهند: محدش هينزل. يلا ناكل احنا. الطعميه هتبرد
ليلي: خساره فيهم الاكل ده. يلا يا مهند. هجوم على السفره.
نزل زياد وقعد على الكرسي.
ليلي: الطعميه عظمه. دوق كده
شويه ونزل عمار وقعد على الكرسي جنبهم.
ليلي: يلا يا شباب نفطر ونحضر اللحمه عشان نعمل حفله في الجنينه
زياد انا خارج كمان شويه.
عمار: انا مش قاعد في البيت.
مهند: انا مقدرش اخرج واسيب الاكل.
ليلي: والله ما فيكم غير مهند. انتم نكد.
فطرو مع بعض. وليلي بتحاول تخلي عمار وزياد يقربو من بعض. بس الاتنين مش بيطيقو بعض
ليلي: ايه رايكم نلعب لعبه الافلام
عمار: بلاش هبل. واقعدي. كل شويه تنططي كده
زياد: براحتك يا لولو. اعملي اللي انتي عايزاه
عمار: اسمها ليلي. بلاش تكلمها بالطريقه دي
زياد: والله انا حر. وهي قابله طريقتي
ليلي: بس بقي انت وهو. في ايه. زياد اخويا وهو بيحب يهزر.
زياد: بس انا مش اخوكي يا ليلي. انا بحبك
عمار: احسنلك ابعد عنها
زياد: انت مالك. ليلي هتكون مراتي
عمار لسه هيضربه كانت ليلي واقفه ما بينهم
ليلي: مهند تعال ساعدني.
مهند بياكل: ثواني اخلص السندوتش ده
زياد: انت ملكش كلام معاها. واصلا ايه اللي جابك هنا.
عمار: عارف انك بتكرهني
زياد انت اللي بتغير مني. من زمان وانا كل ما تشوف حد بيقرب مني. تبعده
عمار هغير منك ليه.
زياد: عشان شايفني احسن منك.
عمار: انت غبي ومبتفهمش. عامل زي الطاووس.
زياد: انت اناني
ليلي واقفه في النص ومش فاهمه بيتكلمو عن ايه بس واضح أن المشكله بينهم من زمان
عمار بيبعد ليلي عن طريقه عشان يوصل لزياد. زقها وهي وقعت في الأرض
ليلي: اااه. ايدي اتكسرت. ااه.
جريو عليها الثلاثه. عمار شالها بخوف؛ مالك يا ليلي
ليلي: ايدي اتكسرت. ايدي راحت يا عمار
زياد: عاجبك كده. ابعد عنها بقي.
عمار: اسكت. يلا نروح المستشفي.
مهند: وسع كده انا بعرف اعالج الكسور
عمار: مستشفي احسن.
ليلي: مش قادره اروح المستشفى.
مهند: وريني ايدك
ليلي: لا. انا مش قادره. زياد روح اعملي عصير انت وعمار حاسه اني دايخه. جالي هبووز حاذ
زياد: مين
مهند: روح. من الوقعه جالها تخلف
دخلو الاتنين المطبخ..
مهند: مرضتش اكسفك قدمهم. ايدك مفيهاش حاجه
ليلي: عايزني اعمل ايه والاتنين هيضربو بعض
مهند: تكذبي. هو ده الحل
ليلي: اهو حل مؤقت. هو في ايه بينهم
مهند: اساليهم.
ليلي: انا بسالك انت يا ذكي. قول عشان اعرف احل الخلاف اللي بينهم. عاجبك كده منظرهم
مهند: أساليهم هما. انتي ملقتيش غير العبد لله الغلبان
ليلي: هو مين ده الغلبان
مهند: انا. مش شايفه وشي اصفر ازاي
ليلي: ما شاء الله. ده الدم هينفجر من وشك.
مهند: الله اكبر في عينك.
ليلي: يابني مش بحسدك. ده انت اخويا الصغير. يا خلاصي كيوت.
مهند: هههههه. خلاص هحكي. بصي زياد وعمار كانو في مدرسه واحده. بس زياد اكبر. هما بقي كانو اصحاب ومعاهم بنت خاله عمار. وبعد كده حصلت بينهم مشكله وبعدو عن بعض
ليلي: مين قالك الكلام ده
مهند: شفيق
ليلي: تفتكر الخناقه عشان البت اللي اسمها ناني. هو عمار بيحبها
مهند: معرفش. يمكن مش متاكد.
في المطبخ
عمار ابعد عن ليلي ي زياد.
زياد: مش هبعد. ابعد انت. ليلي دي ليا
عمار انت مش بتحبها.
زياد: حاجه ملكش فيها.
عمار: اسمعها مني. وابعد عن ليلي بالذوق.
خرج عمار ومعاه العصير عامله ايه دلوقتي
ليلي: ها. اه، كويسه.
زياد: ليلي تحبي اطلعك اوضتك ترتاحي
ليلي: شكرا. هو ممكن تساعدوني ونعمل الغدا مع بعض
عمار هنطلب اكل من بره. وبعدين احنا لسه فطرانين
ليلي: مش عايزه اكل من بره. انا عايزه نقضي اليوم مع بعض.
عمار: ماشي ي ليلي
مهند: انا معاكي طبعا
زياد اكيد مش هسيبك لوحدك
ليلي نتبل الفراخ بقي واللحمه. يلا بينا
مهند: ايدددك
ليلي: ااه. نسيت. هعمل ازاي. يلا انتم بقي ظبطو وانا هشرف عليكم
طبعا عشان عمار حاسس بالذنب. مقدرش يعترض. وزياد بيعاند فيه وعايز يقوله أنه قريب من ليلي
الاتنين عملو كل اللي قالت عليه. وبعد ساعات كانو قاعدين في الجنينه بيشو الاكل
دخلت ناني
مهند: ايه اللي جابها.
ليلي: انا. لازم اعرف اذا كان عمار بيحبها وله لا
مهند: هو في حاجه بينك وبينه
ليلي: ليه بتقول كده
مهند: احساس
عمار: بتعملي ايه هنا.
ناني: ليلي كلمتني وعزمتني على الغدا
عمار بص ل ليلي: ليه
ليلي: عايزه اتعرف عليها. اخر مره كنت قليله الذوق معاها
عمار: من أمتي العقل ده. قلبي مش مطمن
ليلي: متخفش عليها. هو انا هكولها.
زياد: ناني تعالي ساعديني
ناني: حاضر. عمار انت مضايق من وجودي.
عمار: لا. بس خلي بالك
ناني: متقلقش.
ليلي بصت لعمار بغيظ: شكلك مهتم بيها اوي.
عمار: يهمك تعرفي
ليلي: لا. اعمل اللي انت عايزه. ضربه في بطنك
عمار: بتقولي ايه
ليلي: ملكش دعوه. عماااار.